وقفة جادة تجاه قرار شومان الظالم بمنع سفر المعلمين إلى الخارج لتحسين أحوالهم المعيشية
 

بصراحة بستعجب لما بشوف هذه التعليقات
نفسي اعرف وافهم الاسباب والمبررات
واحتراما لهم انا ظللت على اسماءهم وصورهم وكل واحد حر في رايه
لكن عايز افهم هستفيد ايه انا لما أؤيد قرار ظالم
وايه مصلحتي لما اشوف زميلي تعبان ومش قادر يسافر
فين حب الخير والرحمة والتراحم وتمنى الافضل للمسلمين
وفين العدل والمساواة بباقي موظفين الدولة؟!
حسبنا الله ونعم الوكيل !!


https://imagizer.imageshack.us/v2/10...0/841/n19p.png
https://imagizer.imageshack.us/v2/13...0/541/vna1.png

حسبنا الله ونعم الوكيل فيه اللي بيطلعوا القرارات دن بيخلي النواحد يكره اليوم الي اشتغل في الازهر

ارفع قضيه عليه وعلى شيخ الأزهر ، ولن يستطيع هو أو غيره حتى بفصلك من عمل وسافر حتى لو ما رضيش والنتيجه سوف تلبي رغبتك ولن يعضوا إلا على أيديهم ، انتقم الله ممن يريد أذانا وممن يقف في وجوهنا لمصلحته . حسبي الله ونعم الوكيل .

الحل هو رفع قضيه جماعيه لان هذا القانون ليس دستوري فالمواطنون امام القانون سواء وكسب القضيه مضمون مائه في المائه

المشكله في النفاق اللي في الردود اللي كانت علي موضوعه فانا لا اعلم لاي شئ يمتدحونه علي هذا القرار الكارثي يعني لا يرحموا ولا يخلوا حتي الرحمه تنزل

يعنى كدة مفيش سفر بعد طلعت الاقامه طيب ازاى

الإشكال إن مفيش دولة عشان تأخذ حقك ، فكل الخيارات التي طرحتها لن تثمر ، فجميع القرارات الآن تتخذ بطريقة فرمانات غير قابلة للنقاش ، فلو عملتم وقفات سيأتي الأمن يسحلكم سحلا ولا بواكي لكم ، وحتطلعوا إرهابيين في الآخر ، ولو أرسلتم فاكسات سيلقى بها في الزبالة ، ولو رفعتم قضايا انتظروها عدة سنوات حتى تحكم

لله الأمر من قبل ومن بعد
حسبى الله ونعم الوكيل
وعن جابر -رضي الله عنه- أن رسول الله - صلى الله عليه وسلم – قال: ( :اتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم، حملهم على أن سفكوا دماءهم واستحلوا محارمهم) [ رواء مسلم] .

والله كلام الشيخ مظبوط لو تخصصك بيعانى عجز القانون بيعطيك اربع سنوات بعدهم لازمن لو فى عجز يبقى مفيش سفر- سيادتك حاجز مكان بره وحاجز مكان جوه لا عارفيين نعين مكانك شباب ولا حضرتك عاوز تيجى تمارس عملك؟ سيادتك انانى مش بتحب غير نفسك وبتمكوت فى الفلوس ومهما جمعت مش هتزهق يبقى العيب فيك مش فى عباس شومان- والله اقسم بالله ما اقوله الان حدث معلم كان يدرس لى وسافر لسنوات وجاء يجدد فاخبروه ان هناك عجز والا سيفصل فرضخ للامر واستقر فى عمله لمده عام واحد والعام التالى سافر بدون اى مشاكل - اما الانانيه الى البعض بيتلكم بيها بقوله اتق الله

لو سمحت يا أستاذنا عدل توقيعك ليكون صحيحا واكتبه هكذا
( اللهم صل ) بدون ياء في آخر كلمة صل لأنها فعل أمر مبني على حذف حرف العلة
تقبل تحياتي

انا مش فاهم السفر ممنوع ؟ ولا ممنوع اكتر من 4 سنوات؟

وبكرة تشوفو مصر

جزاك الله خيرا

حسبنا الله ونعم الوكيل الف مرة

ممكن يا ابو صهيب الاوراق اللازمة لرفع هذه الدعوى؟

كلام سليم يجب علينا جميعا التكاتف معا ضد هذا الظلم

قول حسبنا الله تكفيك فهو نعم الوكيل

ماذا تري اخي نديم .. ما الحل في رايك؟

حسبنا الله ونعم الوكيل

هو المتعاقد بالخارج بيقبض مرتبه في مصر ولا بيسيبه؟

جزاك الله خيرا

حسبنا الله ونعم الوكيل

قالك ممنوع في مواد العجز!

احنا لسة شوفنا حاجة!

مرحبا بك في الازهر

الواحد قرب يفقد الامل في هذه المؤسسة

حسبي الله ونعم الوكيل لابد من رفع قضيه

يا اخ بدى المتعاقد بيقبض من بره مصر لكن حاجز مكان وبلاش تضليل الراجل بيقول لك اربع سنوات انت عمال تضحك على الناس وكانك مظلوم وكيل الازهر بيقول بالنص الى تخصصه فيع عجز له اربع سنوات يسافر فيهم انما مش يجدد له مادام هناك عجز فى تخصصه- اما الى مش فيه عجز يسافر زى ما هو عاوز- سيادتك ايه وجه الظلم انت مسافر ومش عاوز تعطى فرصه لغير ليه؟ عاوز تسافر بره وفى نفس الوقت وظيفتك منتظراك فى ظل دوله اقتصادها بينهار بسبب الانانيه والجشع وحب النفس - الراجل دا مسؤول ولازم يخاف على العمل الموكل به لازم يتق الله فيه ويسعى لصالحه زى ما حضرتك بتسعى لمصلحتك بالظبط--- الاخوه الى موافقينك فى الراى القرار لا يظلم احد واقسم بالله العظيم صديقى معلم حاسب الى فى المعهد ولا يوجد بديل له والشيخ كتب له كده مع وجود البديل والموجه كتب له كده ومع ذلك حصل على الاجازه لان من حقه--- ارجوا ان اكون اوضحت الامر---------------

Abbas Shouman قلت مرارا لن يفصل أي معلم يعمل بالخارج هذا العام،وليس مطلوبا عودتهم خلال العام وبإمكانهم اتمام عامهم هذا من عير نظر إلى عدد السنوات،وعلى من يعلمون أن تخصصاتهم تعاني غجزا كالرياضيات والانجليزي الاستغداد للعودة إذا كانوا قد أمضوا مدة أربع سنوات وهي المدة القانونية أو أكثر،وهذا كلام نهائي،ولا مشكلة بخصوص الخطابات التي أرسلت إليهم،ولن يجاب في هذه الصفحة غن أي تساؤل بخصوص هذا الشأن--- ومشاركه اخرى Abbas Shouman العاملون بالخارج لن يتم فصل أي شخص فلا تقلقوا فجميعهم سيحدد له هذا العام------ على فكره انا مدرس انجليزى

قرار ظالم ولابد من الوقوف امامه فهذا ظلم بين اذاى يعنى مفيش سفر وانا استلمت الاقامه ودافع دم قلبى فى السفر وبعد كده يقولك مفيش ربنا ينتقم وحسبى الله ونعم الوكيل لابد من وقفه تجاه هذا القرار

ياجماعه دا قرارادارى وعلى المتضرر اللجوء للقضا ء لوقف تنفيذ القرار

انا شايف لاول مره يكون قرار حد من الازهر صائب واحس ان لسه في عدل

ايه الظلم فيه بس شباب زي الفل مش لاقي شغل وانت تحجز مكان وتتركه وهوا في الشارع اتقو الله فيكم

بصراحة من غير زعل كلنا بنطالب بالشغل فنتعاقد وبعدين نطالب بالتثبيت وده مش عشان حاجه انما عشان وظيفه ثابته وبعدين ناخد أجازه ونسافر عشان نحسن وضعنا وحالنا كل واحد بيعمل كده لكن كم واحد فكر ولو بنظره موضوعيه الوظيفه الواحده الخاليه اللى حضرتك تعاقدت واتثبيت عشان تسدها وميكونش فيها عجز بقى عليها كم واحد معين وكم واحد موجود بأى عقل يكون بلد زى بلدنا عليها كل هذا الكم من المعينين وفى النهايه يوجد عجز فى المدرسين لا والكوميديا الساخره لما يحصل خلاف مع دوله ما وتسرح الموظفين بتوعنا نلاقى العجز بين ليلة وضحاها تحول لكارثه - أكثر من موظف على نفس المكتب هههه
عزيزى المحترم اللى بيقول شوف بتوع البترول والكهربا وغيرهم بياخدوا كم أنا بقوله عدد الموظفين فى التعليم كام وفى وزارتهم كام
مرتب 1000 لوظيفه فى البترول مثلا هياخده موظف واحد أو يتقسم على 4 موظفين مثلا اللى شغلين الوظيفه ده فى التعليم يبقى ده ياخد 1000 وحضرتك 250 لو اخدتهم

وبرضه من السخريه أنا موظف حكومى ومتثبت ومسافر بره أحسن دخلى وزميلى مش لاقى بره ولا جوه وعاطل
الاستاذ المحترم انا بقوله كلمة حق
الحق يا شغل بره وربنا يبارك او شغل جوه ومتشتكيش

اكبر مشكله ممكن تجدها امامك عندما تجد وجهتى النظر سليمه وصحيحه
الراى الاول الذى يقول عندما تسافر فانك تحجز مكان زميلك فى اشد الحاجه اليه وانك بذلك
تنظر من منظور الانانيه فلاتحب الا نفسك فقط يكفى عليك ماتستفيده ماديا من السفر
وتترك مساحه لزميلك للعمل
الراى الثانى وهو صحيح ايضا كلنا نعرف ان راتب المدرس لايكفيه وهو عندما يسافر
فهو سفر رغم انفه فلايوجد منا من يريد ان يترك بيته وعائلته وعمله الا للضرورة القصوى
وحتى عندما يسافر فهو يدفع تامينات وصندوق تكافل ..... الخ وهى مبالغ كبيره فهو لايقبض
راتبه من الازهر وفى نفس الوقت يدفع للازهر
اذن ماهو الحل للخروج من هذا المازق والوصول الى حل وسط بين الاثنين ؟؟؟
اعتقد تحديد مده زمنيه لاتقل عن 5 سنوات فمن يسافر يستطيع ادخار مبلغ
يساعده على اعباء المعيشه وفى نفس الوقت يترك الفرصه لغيره للسفر ايضا
ومن يجد ان السفر افضل من العودة للعمل يترك مكانا لغيره للعمل ايضا
بعيدا عن موضوع عجز التخصص وخلافه
جزاكم الله جميعا كل الخير

يا استاذ سعيد الموضوع بسيط جدا اذا سافر المعلم فانه يترك مكان يمكن شغله عن طريق تعيين الشباب او التعاقد بنظام الحصة و بالتاكيد الشاب الجديد راتبه اقل من المعلم المغترب كذلك تستفيد الدولة من تحويلات المصريين بالخارج فالفائدة هنا للجميع و ده نظام الدولة في كل الوزارات الصحة و التعليم و غيرة فلماذا يشذ الازهر عن القاعدة

اشمعنه دلوقتى وقفة جادة كل واحد همه مصلحته انا بقالى شهور بتحايل على الازهرية يقفوا وقفة جادة ضد قرار يوم السبت الظالم اللى عمله المفترى شومان ماحدش عبرنى
دلوقتى بتقولوا نقف وقفة واحدة انا عن نفسى بايده فى هذا القرار عندا فيكم بس زى ماانتم خذلتونى فى موضوع يوم السبت والعلاوات المجدرة وبااعلنها انا ماعدتش خاعبر اى واحد ازهرى بيطلب اى حاجة
لان كل واحد عايز مصلحته بس
اقفوا معانا فى موضوع يوم السبت والعلاوات المجردة نقف معاكم فى قضيتكم غير كده يبقى البسوا فى الحيط مش حاتلاقوا عون مننا

جضرتك كلامك تمام أنا ياما كتبت و محدش عبر طيب انا متكلم على الغاء الحد الأدنى و ده من حقنا ماشفتش واحد قال كلمة حق انا معاك يا إما نقف مع بعض بجد زي الأطباء و نقابتهم ماعملت ياإما مالوش لازمة الهري ده

يا جماعه الشيخ لم يحدد اقامه احد هذا كلام مغلوط ارجعوا الى ما كتبه على صفحته- من حق اى شخص السفر لمده 4 سنوات حتى ولو كان هناك عجزا فى تخصصه بعد هذا ليس من حقك------- ان لم يكن فى تخصصك عجز فمن حقك السفر لاربع سنوات واربع اخرى بقرار وكيل الازهر بالتجديد لك اى 8 سنوات ثم تعود-- ما المشكله فى ذلك يعنى الى فى تخصصه عجز 4 سنين مش مكفيين؟ والى مش فى تخصصه عجز 8 سنوات لا تكفى؟

جزاك الله خيرا

وقفة ايه اللى بيدعى ليها
وهو خابف يقول هو مين !

ما هي الاوراق المطلوبة لرفع القضية؟
احد الزملاء رفع قرار وزير التنمية الادارية في المنتدى اعتقد انه سيكون مفيد

قرار ظالم ظالم وحسبي الله ونعم الوكيل

لابد من اعادة النظر فى هذا القرار وميكنش اسهل حاجه نرميها على المعلم ونهرب من المعالجه الحقيقيه يعنى المعلم كفايه عليه الزمن ولا هو فى حد يعنى غاوى غربه وشحططه

يا ريت تزود للاستطلاع قرار صائب
علشان المساواه ( كله ضرب ضرب )