|
ليه كل ما نكبر احلامنا بتصغر؟؟؟؟؟
السلام عليكم ورحمه الله
ليه كل ما نكبر احلامنا بتصغر؟؟؟؟؟ سؤال محيرنى جداوقولت اخد رايكم فيه بما انكم صحابى الى بحبهم اوى:) يعنى لو سئلت طفل صغير نفسك تطلع ايه يا حبيبى يقولك ضابط – دكتور – مهندس ……… واما تسئل واحد مراهق/ واحده مراهقه ايه مواصفات فارس احلامك تكون الاجابه يعرف ربنا – رومانسى – مخلص – صريح ……….. بعد سنين تسأل الطفل الى كان صغير نفسك تطلع ايه يقولك نفسى اطلع من البلادى:D او يقولك حاجه تجيب فلوس وخلاص يعنى مش فارقه امال فين احلام زمان .. كان شيئا لم يكن;) وتسال الواحد الى كان مراهق /الواحد الى كانت مراهقه ايه مواصفات فارس احلامك تلقى الاجابه هو حد لاقى يتجوز بلا نيله طب واحلامك………كان شيئا لم يكن العريس عاوز عروسه بتشتغل علشان تساعده فى المعيشه……. العروسه عوزه عريس يسعدها بفلوسه عربيه فيلا (يعنى كلام الاحلام ده) هنروح بعيد ليه مثلاطلاب الثانويه العامه الواحد من دول يجيب ورقه وقلم ويقعد ويقول انا هعمل حته دين جدول هيخلينى اول الجمهوريه فعلا يعمل جدول ميخرش الميه وابقا سلملى عليه الجدول بقا فى الضياع يعنى يقول طب المواد الى كاتبتها فى الجدول على يوم هقسمها على يومين وشويه يقولك بلا جدول بلا بتاع انا جدولى فى دماغى طبعامش كل الناس كدا بس لو بصينا على ميت واحد هنلاقى الكلام ده بينطبق على 85واحد ليه احنا كدا كل مادا احلامنا بتصغر…….لحد منبقاش عاوزين نحلم اصلا:( |
اولا : احييكى على اسئلتك يمكن واحنا صغيريين كنا منعرفش اى حاجة فى الدنيا الغريبة اللى احنا عايشيين فيها او مكناش نعرفها اصلا كان كل همنا وحنا صغيريين اننا نكتشف.... نلعب.... نصاحب ونفرح ولما كنا بنشوف العظماء والعلماء كنا بنقول احنا عاوزين نبقى زى ده وهنبقى زيه انما بقى لما كبرنا ودخلنا فى الدنيا فعلا وعرفناها وخاصة وتحديدا الثانوية العامة اللى راحت معاها كل الطموحات وكل الاحلام يمكن ساعتها الحلم علشان نوصله لازم نموووووووت ونحارب علشان نوصله مش نتعب ونزاكر وبرضه يمكن الدنيا دلوقت بقت صغيرة بقى صعب الواحد يحقق فيها اى حاجة كفاية كده احييكى على اسئلتك |
موضوع تحفه يا بوسى
جزاكى الله كل خير وربنا يبارك فيكى |
كل ما الواحد بيعرف الدنيا اكتر .. بيعرف العقبات الكتيرة اللي فيها .. بس احنا .. لو بطلنا نحلم نموت .. مفرود الواحد يبقى دايما عنده هدف كبير و نفسه يوصله !!
|
اقتباس:
شكرا ترافل على مرورك الرئع ونورتى التوبيك حبيبه قلبى يارب طلعنا من الدنيا دى على خير الواحد خلاص جاب اخره:( |
اقتباس:
شكرا على مرورك يا بهار وربنا يبارك فيكى يا قمر |
اقتباس:
عندك حق يا لولو لازم الواحد يكون ليه هدف كبير بس صدقينى لما الانسان بيحس ان الهدف بعد شويه بيصاب باحباط ومش بيقدر يكمل .........شكرا لمرورك |
احنا كل مانكبر احلامنا بتصغر لاننا بنكتشف الحياه اكتر
|
اعتقد ان ده بيرجع لللحياه
اللى احنا عايشنها مبقاش فيها مجال للاحلام ولا الامال حياه صعبه بجد |
الموضوع فعلا شيق ومحتاج وقفة مع نفسنا لازم نحافظ على احلامنا علشان نتخلص من اليأس اللى احنا فية وعلى راى محمد منير ( لو بطلنا نحلم نموت ) لكن بعد نتيجة الثانوية انا فعلا بقيت ميت كل احلامى اندهست انا بقيت بخاف احلم والله
|
هو كل ما نكبر احلامنا بتصغر
اولا علشان بنصتدم بواقع وقح وغريب بنكتشف ان الحياة مش لونها بامبى زى ما كنا معتقدين بنشوف الوجه الاخر للدنيا بقسوته وجبروته بنعرف ان الحياة مش بالبساطة |
كل ما بنكبر احلامنا بتروح مننا عشان بتكتشف الدنيا اكتر وعينينا بتتفتح على عالم غررررررررررريب غير عالم الطفوله الجميل اللى حلمنا فيه بحاجات كتيرررررررر
وطبعا احلامنا بتروح بعد مبنكتشف حقيقه حياتنا بجد موضوعك حلو اوى احييكى على اختيارك للموضوع |
اقتباس:
فعلا هى دى الحقيقه ويارينا ما كبرنا شكرا بسمله على مرورك |
اقتباس:
عندك حق فيفا فى كلامك الحياه بقت صعبه اوى بس الناس بقت اصعب شكرا لمرورك |
اقتباس:
شكرا لمرورك احمد وهى كدا الدنيا مش جديد عليها بس لازم نقف فى وشها ونتحدى نفسنا ونثبت اننا اقوى منها وبعدين الثانويه دى مش مقياس انا اعرف ناس كتير دخلو كليات عاديه مش كليات القمه يعنى ونحجوا فيها وبقواا التوب فى مجالهم |
اقتباس:
والله كلامك مظبوت ميه الميه فعلا الدنيا دى واقع مرير :( شكرا لمرورك اسلام |
اقتباس:
شكرك koko على مرورك وردك يا رتنا ظلينا صغار او مكناش اتولدنا اصلا والاحلام الى بنحلمها دى فعلا احلام يعنى مش معظمها بيتحقق وتبقى احلمنا فى عالم الخيال |
اقتباس:
بقيت اقول كدة لنفسى كتير اوى لحد ما بقيت مش قادرة الاقى حلمى ( حتى لو صغير :( ) |
انتى عارفة كان فى موضوع على العاشرة مساءً بيتكلم عن الموضوع ده
على فكرة هما قالوا ان الشعب المصرى كله كده هما اللى بيقتلوا الاحلام جوانا تلاقى ناس كتيييير كل هدفك فى الحياه هو انهم يعيشوا ويلاقوا اللقمة وخلاص وناس تانية احلامهم اكبر شوية بس بتنحصر فى نفس المجال يعنى احلام صغيرة جدااااا احلام طلاب الثانوية العامة انه يدخل الكلية اللى هو عايزها وخلاص هو شايف ان ده اكبر حاجة ممكن يحلم بيها ويتمناها ده كانوا بيقولوا ان واحد فى الغرب كان بيقول انا نفسى اكون رئيس على بلدى يعنى تخيلى احلامه لحد فين احنا اى حد فينا عمره ماجت الفكرة دى اصلا على باله لو حد قالها بس كده بيتحاكم فهمانى هو ده حال بلدنا ربنا يصلحها ويهديها الى الصواب وشكرا على الموضوع الرائع |
ليه كل ما بنكبر أحلامنا بتصغر ؟! سؤال جميل بجد و الإجابه عليه من وجهة نظرى كالتالى الطفل صغير لما تسأله نفسك تطلع إيه أغلبهم بيقول " طبيب .. مهندس .. ضابط " طب ليه الطبيب بيساعد الناس المهندس إنسان محترم له رساله وهدف وبيساعد الناس الضابط سلطه وهيبه وبردو بيساعد الناس لو جينا نبص على وجه العلاقه اللى بين التلاته هلاقيها مساعده الناس وده بيرجع لأن الطفل وهو صغير بنحاول نربيه على العادات الطيبه المساعده الإخاء الصح والخطأ الحلال والحرام الكذب خيانه الصدق أمانه الإعتراف بالحق فضليه وبينشأ الطف فى وسط المجتمع وهو من جواه معتقد إنه عايش فى مجتمع مثالى خالى من النزوات والإغراءات لحد ما يكبر ويتحط قصاد أول موقف حقيقى فى حياته ساعتها بيكتشف إن كل اللى إتربى عليه من وهو صغير خرافات حاجه كده مبنسمعش عنها غير فى الأفلام والكتب وحكايات الأطفال وإن الواقع غير كده تماماً وهو إن البلد دى بتاعت القوى والضعيف فيها بيتهان وساعتها بيكون عنده يقين كامل بكلمه علمونى وبعد أنا علمونى إكتشتفت أنهم لم يعلموننى شيىءً بيلاقى اللى كان بيقوله حلال وحرام بايع ضميره والصح بقى غلط والغط بقى صح وقدامه حل من الإتنين يا يفضل عايش فى عالمه المثالى ويبقى منبوذ يايعيش معانا فى العالم الحقيقى وللأسف المعظم بيدخل العالم الحقيقى عالم الخيانه والمشكله إنه لما بيدخل بيكتش إنه حتى لما حاول يفشل فشل حتى فى الفشل فاشل بيصيبه الإحباط ويفكر فى الهروب للخارج عنده أمل إن هناك أفضل لكن للأسف ما أسود من زفته غير ميت غمر وربنا يعينا على دنيتنا ويرشدنا لما هو حق لأن الحق أحق أن يتبع |
على فكره الموضوع دمه خفيف وهادف
بس يمكن احنا لما بنكبر بتعرف ان فيه حاجه اسمها ايه اللى فى ايدك وايه اللى مش فى ايدك وكمان عرفنا ان فيه حاجه اسمها ازاى تجيب فلوس؟ زمانكنا بناخد من ابهاتنا وبنحسب الفلوس دى حاجه سهله انها تيجى اما موضوع الجدول ده انابصراحه عمرى ماعملت جدول |
عشان كل لما بنكبر بنتصدم اكتر و كل لم نحلم حلم بنبقى عرفين انة مش هيتحقق
فى دة الطبيعى ان احنا نبطل نحلم او احلمنا تقل عشان منتعبش ونعيش (لو بطلنا نحلم نعيش) |
اقتباس:
شكرا لمرورك منى وخلى عندك امل ربنا كبير:D |
اقتباس:
عفواdr.Sarsoor وشكرا لمرورك ولردك فعلاهو ده حال بلدنا;) |
اقتباس:
شكرا لمرورك يا SadaT ولردك المنطقى جدا جدا وربنا يعينا ان شاء الله |
اقتباس:
شكرا لمرورك biob ونورت التوبيك:) |
اقتباس:
شكرا لمروركstop عندك حق دنيا الاحلام دى ماتت واندفنت من سنين |
السبب
لاننا كلنا ما بنكبر الدولة بتصغر |
على فكرة مقدرش اقوا بتصغر ولكنها مع الوقت بتتحول الى مزيد من الواقعية والإتزان مع خبرة الحياة وبعد معرفة كل انسان لحدوده وقدراته
الموضوع جميل جدا شكرا كتييييييييييييييييييييير |
انا احب اقول لصاحبه الموضوع
شكرا على التوبيك الرائع ده وبعدين انتى معاكى حق والله فعلا احلامنا بتصغر وصغرت جدا جدا وعلى فكره انا واحد من الناس اللى كانت احلامه جامده جدا وكان فيه جزء منها اتحقق بس خلاص اتنسى كمان مره شكرا على التوبيك ده bosy 2 |
اقتباس:
شكرا لمرورك سعيد وللاسف الدوله مش بتصغر عقول الناس هيه الى بتصغر |
مش عارفه ليه يا بوسي ..انا كمان قبل الثانويه كنت باقول صيدله عين شمس يعني صيدلة عين شمس وان جبت مجموع طب برده هادخل صيدله ...دلوقت باقول انشالله صيدلة السودان ... ولا حتى علوم الصومال ...
|
اقتباس:
شكرا لمروركthedreamer والله بجد عندك حق بس احنا عندنا قدرات يامه بس مش بنقدر طبعا نطلعها كلها وده طبعا لظروف البيئه المحيطه بنا;) |
اقتباس:
شكرا لمروركfirst loveومش عارفه اقول ايه ده حال بلدنا الغاليه مصر:D ربنا يخلينا حبينبا الكبار ماما سوزان وبابا مبارك وعمو جمال;) |
مع احترامى لكلامك يمكن علشان ظروف الحياه هيا اللى بتخلى احلامنا تصغير كل لما نكبر
او لما نعرف الواقع الاليم اللى احنا عايشين فيه بس القوى هو اللى يقدر يحقق احلامه مهما كانت الضغوط وانا غير كده كل لما بكبر املى فى ربنا وايمانى بيه بيكبر واحلامى كمان بتكبر وبتكتر جزاك الله كل خير على الموضوع |
اقتباس:
شكرا لمروركkalapala وان شاء الله تقدرى تدخلى صيدله ونقولك قريبا يا دكتوره يابنتى ربنا معانا ده الى جايب 90% دخلها (بس طبعا خاص);) ان شاء الله ربنا مش هيظلمناوهينصرنا ربنا يا بنتى مع الغلابه الى زينا ادعيلى بقا ادخل السن ان شله فى اسرائيل:D |
اقتباس:
شكرا لمروركRambo_Uranium وانا بحترم وجهت نظرك جدا بس الاغلبيه من النوع الى انا بحكى عليه بدليل مين فينا يا مصرين بقا زويل مش قصدى طبعا الذكاء قصدى الاصرار والتحدى والعزيمه اكيد فى بس نسبه قليله جدا جدا |
طبعا حبيبى دكتور احمد زويل مثال للعزيمه والاصرار بس برده كان فيه ظروف كتير ساعدته
غير ان دكتور احمد كان غنى جداااااااااااااااااااااااا بس انا بحبه قوووووووووووووووى وواحد صاحبنا اول اسم من حرفه م مش عارف اخد جائزه نوبل ليه بمنصبه ده معملش اى حاجه لمصر او للعرب . دكتور احمد زويل كان عايز يعمل مدينه العلوم فى مصر لكن طبعا الحكومه المصريه اللى يباركلها مرضيتش تديله الارض ودلوقتى هيا معملوله فى الكويت او الامارات على حد علمى وهتحقق نجاحات كبيره ربنا يوفق الجميع |
السلام عليكم جميل اوي موضوعك يابوسي الاول لازم ناخد ابجديه الرد بإننا نعرف معني المثاليه والواقعيه والاستسلام للواقع المثالية : هي الغايه الخالصه والتي لا يشوبها اي شوائب ودائما تقترب من الكمال الواقعيه : هو فهم الواقع ومش عكس المثاليه ابدا لان الواقعيه بجد هي فهم الواقع ومتطلباته للوصول للمثل العليا دي الاستسلام للواقع : بيكون بدافع الخوف او الجبن ومن الاخر المصلحه والمنفعه الفردية من اول ما اتخلقنا واحنا بنسعي للذه وبنفكر في اللي ناقصنا لان نتيجه حتميه لو انا حققت اللي ناقصني اكيد هبقي مستمتع ومتلذذ الطفل الصغير والده ووالدته بيوفروله مطالب وضروريات العيش من حياة كريمه وأمان و فلوس ولعب وفسح وكل حاجة وهنا بيكون اتحقق معاه الواقع المناسب لسنه يبقي فاضل حاجة تانيه المثاليه بيقوم يقول بأعلي صوت انا عايز ابقي دكتور او مهندس او ظابظ نيجي لما يكبر شوية ويدخل في مرحله المراهقه مطالبه زادت وبقي محتاج حاجات اكتر سواء داخليه او خارجيه وبردو والده ووالدته موفرينله معظمها لما كبر زادت احتياجاته بس بشكل الاب والام مش عارفين يسدوها كلها فهيضطر هو يعتمد علي نفسه ويبدا يمسك القلم والورقه ويخطط الوسائل اللي تحققله مطالبه وبالتالي تحقق سعادته وهنا بقي علي حسب البلد اللي انت عايش فيها يعني دوله زي مصر كدا لازم الاحلام تموت بأي شكل من الأشكال لكن دوله محترمه بيبدأ فعلا يشوف حياته ويظبطها ويحقق مطالبه لذلك فتلاقي حياة معظمنا ماشيه بالعكس بتقل بتقل بتقل بتقل بتقل بتقل ولو بدأت تزيد بشكل ملحوظ اوي اعرفي ان يااما الكوسه بدأت تشتغل يااما الشاي بالياسمين انما برا بتكون قليله وتزيد وتزيد وتزيد وتزيد ولو بدأت تقل تعرفي سكه مخدرات يااما ستات يااما جماعات يااما مرض فموضوعك لازم تزودي فيه ليه كل ما نكبر احلامنا بتصغر وتعملي بين قوسين ( في مصر ) يالا ربنا يهدي وآسف لو طولت :) بس موضوعك فعلا شدني |
اقتباس:
اولا احب اقولك انى بنت مش ولد (بسنت) اقتباس:
ايه ده انتا بتخاف ولا ايه:p والحمد لله انا بعتبر نفسى من الناس الى محدده هدفها كويس والله ده مش غرور لا ابدا انا بس عارفه قدرات نفسى وبحدد اهدافى من خلالها بس حاجه تضايق اوى اما تلاقى كل الى حواليك بيتخلوا عن احلامهم بسهوله جدا:mad: |
اقتباس:
|
ربنا مع الغلابه (((بتوع الثانوية))) ده احنا اغلب من الغلب ...
|
اقتباس:
شكرا ليك استاذ احمد والله انتا نورت التوبيك وانا سعيده جدا بردك لان فعلا حضرتك استاذعظيم بتعلم منه كتير جدا وحضرتك مطولتش ولا حاجه الموضوع موضوعك |
بصراحة عندك حق
أنا كنت صغيرة بحلم اكون دكتورة زى بابا أما كبرت مش عارفة انا عايزة اكون ايه الامتحانات مش بتشجع والحلم اتبخر ميرسى ليكى , ولو انك قلبتى عليا المواجع |
اقتباس:
الحمد لله انا مش منهم:) |
سؤال جميل جداا
يمكن بنكون فهمنا الدنيا على اصلها يمكن فهمنا ان حياتنا كلها لعبه مش ممكن نحقق احلامنا بسبب عائق لازم يكون ليه وجود مش كل احلامنا بتتحقق وهموم الدنيا كتير جداا يعنى الواحد دلوقتى عايز يعيش مستور نومة واكلة وقرش حلال وبحيكى بجد على سؤالك ده بجد روعة |
حرااام بعد ما كتبت ده كله مرضاش يتبعت:mad:
ده انا كتبتلك يا بنتى موضوع انشا:d خساره الوقت اللى ضاع ده;) موضوع بجد هااايل يا بوسى واحييكى بجد عليه:) وليا كلام كتير بس لاحقا لانى هاقوم دلوقتى:cool: |
اقتباس:
اخيرا حد قال انه مش من الناس دى بس على كده فى كفاح رهيب منك عشان تكون عكسهم |
اقتباس:
شكرا على مرورك وندا وفعلا عندك حق واحنا صغيرين بنفهم ان الدنيا دى بسيطه وحلوه بدون مشاكل لكن اما نكبر بنتصدم بالواقع ربنا يستر ومش نكتشف حاجات تانيه اما نكبر اكتر;) |
اقتباس:
شكرا لمرورك يا قمر وبعدين انا مليش دعوه بقى عاوزه موضوع الانشا بتاعك:( |
| جميع الأوقات بتوقيت GMT +2. الساعة الآن 03:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.