|
مواضيع للنقاش ....ادخل ويللا نتناقش
بسم الله الرحمن الرحيم الاخوه والاخوات الاعزاء الكرام تحيه طيبه وبعداسمحوا لى ان اتقدم اليكم بهذه السلسله البناءه من مواضيع خطيره وظواهر بدأت تغزو حياتنا وتسللت الينا فى عصرنا بصوره اصبحت مرعبه ويجب ان نأخذ مع انفسنا متسع حتى نناقشها ولانتركها تمر ونتكلم عليها فقط سلسلتنا هى هى سلسله من المواضيع سنقوم باختيارها ونستعرضها معكم يوميا اواسبوعيا او حسب ماتوافقون عليه وهى مواضيع تمسنا جميعا وتمس حياتنا فلنجعلوها ساحه للحوار البناء الهادف حتى نستخرج كل ماهو مفيد منكم وبكم هيا بنا اليوم نستعرض اول موضوع موضوعنا اليوم موضوع يتعرض الى مشكله كبيره تواجه الكثير منا انها مشكله فرضت نفسها على الجميع وخصوصا فى عصرنا هذا انها مشكله الثقه انه موضوع اخوانى واخواتى المحترمين جدير ان نناقشه ونستخرج منه كل مايفيدنا من تجارب مررنا بها فهل انتم مستعدون للتواصل والنقاش والحوار الهادئ البناء البدايه هل أنتِ تثق بالآخرين؟ هذا السؤال توجهت به الى احد الاصدقاء فكان رده لى انا أشعر أن الثقه بين الناس أصبحت معدومه عند الأغلبيه .. فأغلب الناس أصبحوا لا يثقون بالآخرين أبدا فكل شخص يتقرب منهم يعتقدون انه يريد منهم ( مصلحه ) وأنه أتى ليستغلهم ويضحك عليهم وهذا مايحدث الآن أصبحت الثقه بين الناس شبه معدومه إن لم تكن معدومه أصلا !!! ويستطرد قائلا هذا من واقع تجربتي الشخصيه .. كنت اثق بالكثيرين لكن سرعان ماتبين لي أنهم يتواجدون معي بغرض المصلحه أو لهدف ما هذا مايجعلني غالبا لا أثق بالآخرين . اخوانى واخواتى الان هل انت مع او ضد ماقاله وهل لك رأى اخر او تجربه تحكيها لنا تحياتي للجميع .. وفي انتظار مشاركاتكم عفوا .....ارجو التثبيت |
هل أنتِ تثق بالآخرين؟
أحيانا و لكن غالبا لا |
اقتباس:
طيب وغالبا لا ليه .وكمان احيانا يعني نقدر نقول انك نادرا لما تثق ف حد ؟؟؟؟؟؟؟؟!!! |
بصي انا بمشي باحساسي و بعد كدة ساعات بيوقعني ف مشاكل كتيييييرة و ساعات بتكون الانسانة اللي اختارتها مصدر ثقة جامدة جدا ليا
(((((((بس انتي بتتكلمي عن الاصحاب اللي بختارهم و لا الناس عموما))))))) |
لا بتكلم على الناس عموما واكيد الاصحاب ول من ضمن الناس بردو
|
انا بعتبر مشكلتى انى بثق فى الناس بسرعه غريبه
يعنى ممكن اثق فى اى حد حتى لو معرفهوش بس الحمد لله انا محصليش حاجه لغايه دلوقتى من اللى حوليا بس بعتبرها مشكله من اللر بسمعه من الناس كل يوم يعنى على طول مين طلعت بتكدب عليا و مين ايه يعنى الحكايه بقت فعلا منتشره بس انا لسه محصليش حاجه و الحمد لله فى رعايه الله |
اقتباس:
ashkorek gdn lmororek we ibdaa raaik..............thankyou |
موضوع مهم جدا
ومحتاج رد تفصيلى والساعة الان 7:10 ص اوعدك ان شاء الله بكرة ادخل واحكى حاجات كتيرة بالنسبة لموضوع التثبيت حضرتك شوفى الصفحة كده؟؟ هتلاقى الموضوعات المثبته اكتر من الموضوعات التانية ومش معقول طبعا نخلى الصفحة كلها مثبته انا شايف ان الموضوع مش محتاج تثبيت عارفة ليه ؟؟؟ لانه موضوع مهم جدا وجميل جدا وانا شايف انه دائما هايكون متصدر الصفحة الاولى بدون تثبيت موعدنا غدا ان شاء الله |
ana msh bsak fe al nas 2ly 7wlya awe bs brdo
bs aked fe nas mn aslbha mamken asak feham |
انا بصراحة مش عارفة اساسا انا بثق فى حد ولا لاة هو حاليا تقريبا الثقة عندى شبه معدومة .
وانا برده مشكلتى انى بثق فى اى حد اتعامل معاه شوية ولو لفترة قصيرة جدااااا بس مع اى موقف بسيط بفقد الثقة فيه طبعا اكيد فى ناس تستحق الثقة والاحترام والتقدير وربنا ييسر لنا الطريق للوصول اليهم والسير معهم . الله المستعان |
والله الموضوع جميل
|
للاسف لالالالالالالالالالالالالالالالالالالالالا ولو اعرف اكمل بيها الوضوع كنت كملت فى حاجة جميلة اوى تختصر الموضوع ده فيها (علمتنى الحياة ان احترم عقول الاخرين..... لكن الااثق بهم) دى تشرح كل حاجة حتى لو وثقت فى حد دلوقت بكرة الايام تثبتلى عكس كده لان ده اللى بيحصل كل شوية كل يوم كل لحظة واحييكى على موضوعك اللى فتحتيه للنقاش |
اقتباس:
من يوم ما سجلت ف المنتدى وانا بقول بورسعيدي ده زوق جدا .....كلمتي ما تنزلش الارض ابببببببببببدددددددددااااا |
لو سمحت فى موضوعين بيقولوا اللى راحوا الكلية يقدم عمل ايه وكمان فى موضوع تانى لوحد زميل فى المنتدى بيسال عن حاجة فى التنسيق مش عارف مكتبلوه ايه هو وصحاب فى التنسيق .........طبعا محدش رد على ده ولا ده اما ايه لزمت الاعضاء اللى بيخشوا يتفرجوا وفين المشرفين الله اعلم
|
اقتباس:
معنى كده انك مش بتثقي ف كل او خلينا نقول معظم اهلك واصحابك .طب ازاي :confused::confused::confused: |
اقتباس:
بس ده معناه ان اننا ما نثقش ف اي حد مهما احترمناه وبعدين فين حسن الظن وفين مجرد اخذ الحذر لان المسلم كيس فطن اشكرك |
اقتباس:
ايوة يا هنا انا خلاص مش بقيت اثق فى حد خالص حتى ..... بلاش المهم انا خلاص كل ما اقول انى هلاقى اللى اثق فيه بيروح كل حاجة صدقينى انا لسه معمول فيا حركة عن الثقة بس هقول ايه كفاية كده لحسن هعيط |
انا بقى واحده من الناس (كنت) بثقى فاللى حواليا ثقه عمياء
واصحابى عاملوا فيا مقلب او زى ما تقولوا كدا (فيلم) عشان يعلمونى انى مثقش فى حد ابداااااااا حتى هما مثقش فيهم واخد خزرى من كل الناس حتى اقرب الناس ليا بس بجد اتعلم الدرس وقررت مثقش فى حد ابدا مهمه كنت قريبه ليه |
يا هنا مش كل الناس تستحق ثقتك
فى ناس قليلة بس اللى تستحق انا مش بثق فى حد ثقة عمياء بس بيبقى فى اللى ممكن تسميه عشم و بقول اللى لو حد عرفه مش هيفرق معايا كتير عشان اصلا معنديش حاجة والحمدلله اخاف انها تتقال بس بكون واخدة حذرى حتى لو واثقة فى الشخص اللى بعامله و بس كل ده يرجع فى الاخر للبعد عن الدين لو رجعنا لدينا اكيد هيبقى فى ثقة |
وغير العشم يا شيرين زي ما قلت ان بعض الظن اثم ..يعني يكون ظننا كويس وخلاص ونكون حذرين في نفس الوقت
يعني انا شايفة اني اتعامل مع اي حد مستريحالو كويس واريحو خالص كمان بس ما اكنش متوقعة انو ملاك وانو عمره ما هيعمل حاجة غلط اهو يكون في نوع من الثقة المتبادلة وان كانت بنسبة صغيرة بس المهم تكون موجوده |
اقتباس:
ده كان اصدى فعلا كويس انك فهمتينى |
انا أولا بسجل إعجابى بالموضوع و بالمشكلة و بصاحبة الموضوع اللى دايما موضوعاتها متميزة
أما من ناحية الثقة فى الاخرين فأقدر اجاوب بنعم انا لسه بثق فى الاخرين انتى عارفة يا هنا المشكلة فين ؟؟ المشكلة فى الطرف اللى الواحد بيثق فيه المشكلة فى الواحد اللى بيثق نفسه لازم يختار كويس و بعناية البنى ادم اللى يثق فيه و بعدين فى مثل فى الفلاحين عندنا بيقول " ربنا بيدى كل واحد على قد نيته " و بس |
يا جماعة الدنيا فيها الحلو وفيها الوحش لازم نعمل حساب لكل واحد ونعمل حساب لكل واحد عشان نعرف نعيش بس نبقى عارفين مين بيحبنا بصدق ولا لأ(على رأى المثل أعرف صاحبك وعلم عليه)
|
اقتباس:
هل ده بيعني ان الواحد اللي بيثق ف نفسه بس هو اللي بيتملك القدرة على الثقة ف الاخرين |
اقتباس:
|
انا جيت فى الميعاد
شكرا على ردك الجميل ** طبعا الثقة مطلوبة ولا يمكن استمرار الحياة بدون ثقة فيمن حولنا ولكن الحرص ايضا مطلوب بس ازاى اعرف ان فلان محل ثقة وفلان مش محل ثقة؟؟ هنا بقا ييجى دور التجارب للأسف مش ممكن نقدر نحكم إلا بالتجربة وطالما بنجرب يبقا دى مجازفة ومغامرة لان ممكن التجرب تنجح او تفشل يعنى ممكن بعد التجربة نكتشف ان فلان محل ثقة او مش محل ثقة فى اللحظة دى بتكون حالة مغامرة ومجازفة علشان كده لازم لازم جدا ان نتأكد ممن نثق فيهم حتى ولو كانوا اناس قريبين منا جدا ايه المانع انها تكون صديقتك وقريبتك ومع ذلك تطلع مش محل ثقة ؟؟ ايه المانع انه يكون صاحبك وقريبك وعشرة عمرك وتكتشف فى النهاية انه مش محل ثقة ؟؟ وايه المانع ان انسان غريب وبعيد ويكون امين جدا ومحل ثقة على اعلى مستوى مافيش قاعده معينة نقدر نحكم بيها على البشر إلا التجربة والسؤال عنهم ممن يعرفونهم بس احنا ممكن ناخد بالاسباب ازاى ؟؟ يعنى مثلا بيكون فى شواهد مثل الطيبة - حسن الخلق - هدوء الطباع - رطب اللسان بذكر الله وهكذا : يعنى مطلوب شوية اجتهاد علشان نقدر نوصل لاحسن نتيجة انا كتير جدا وثقت فى ناس اقرب مايكونوا من قلبى وللأسف طلعت غلطان فى اختيارى وايضا وثقت فى ناس بعيدين الى حد ما ومع ذلك طلعوا اد المسئولية واكبر منها كمان وفى النهاية اقول لك هذا المثل البسيط حرص ولا تخوُن شكرا لك على هذا الموضوع الجيد |
ازيك ياهنا
اولا الموضوع لكن بالنسبه للثقه فهى بالتاكيد منعدمه خالص وهو ده الصح |
ازيك ياهنا
اولا الموضوع حلو لكن بالنسبه للثقه فهى بالتاكيد منعدمه خالص وهو ده الصح |
اقتباس:
|
اقتباس:
طبعا مفيش جزئية ممكن اعلق عليها لان كلامك منطقي جدا وانا مؤمنة جدا بان النجاح اساسه خبرة مكتسبة من تجارب فاشلة .....اشكرك لانك نورت الموضوع |
انا شايفة ان موضوع الثقة بالغير هو اساس اى تعامل بين الناس
يعنى لازم يبقى فيه ثقة متبادلة بين الاشخاص بس الثقة دية مندهاش لاى حد لازم الاول نتاكد من صدقه معنا بعدين على حسب الثقة يعنى امور عامة ام خاصة و شكراً ليكى على الموضوع يا هنا |
اقتباس:
اشكرك جدا لمرورك وابداء رايك ومعاكي حق ف ان الثقة اساس من اسس التعامل فعلا |
الموضوع رائع طب ايه رايكم نتكلنم عن حكم البراءة لمغرقى العبارة
ايه رايكم |
موضوع الثقه ف الناس بيجي عندي بالاحساس اذا كانوا موضع ثقة ولا لأ وعلى أى حال انا مش بادى فرصه لحد انه يستندل معايا مش بيقلك نار الكتمان ولا جنة الفضفضة .... فى نظريه بتقول ان كل انسان بيخرج منه شعاع بيعبر عن شخصيته انا بقى بامشي تبع الشعاع ده ....
|
اما بقى يا نانو ف موضوع براءة جزارين السلام بيزود عندي الاحساس بإن دمنا بلاش ... و زى ما علقت ف موضوعي ...دي مش أول حادثه لعباره من عبارات السلام ...في السلام 98 ,97 وفخر السلام 95
|
رايك جميل يا kalabalaواشكرك على مرورك وابداء رايك
اما بالنسبة لنانو فاشكرك جدا على اهتمامك بموضوع العبارة وانا معامك في فتح النقاش حول الموضوع ده ولكن اعتقد اننا لو فتحناه ف قسم القضية العربية هايكون مناسب اكتر .اشكرك |
يعني ف النهاية ممكن اقول بالنسبة للثقة
ان أثق في كل الناس وأحترمهم إلى أن يثبت العكس يعني حسن النية دايما موجود اشكركم ............نشووووووووووف بقى ممكن يكون نقاشنا الجاي عن اييييييييييييييييييييييييييييييييييييه ؟؟؟؟؟؟؟؟؟؟!!!!!!!!!! |
القضية الثانية .................
ايه رايكم لو فتحنا نقاش تاني
عن شيء تفشى في مجتمعنا ................... الموضوع هذه المرة ..................... .................................................. ...................... ....................... عن .... الواسطة كم انكسرت قلوب بسببها وكم ابتسمت قلوب من ورائها .. ام هي الطريق الكاذب الى أخذ مكانة في المجتمع ؟ انعتبرها محطمة آمال ام هي بانيت آحلام .. كم اقفل هاتف هروب منها وكم سعى ورائها باحث لبناء علاقاته ومصالحه اخوتي الاعزاء : ماهو رأيك الشخصي في الواسطه ؟؟ وان كان باستطاعتك محوها هل تفعل ؟؟ هل يمكن ان تلجأ اليها عند الحاجه ؟؟ بانتظار مشاركاتكم اتمنى لكم التوفيق تحيه طيبه للجميع |
موضوع الواسطة ده هو اللى ساير فى مجتمعاتنا اليوم
عشان تعملى مصلحة لازم يكون لكى حد تعرفيه يخلصهالك واللى ماعندوش يروح يلعب بعيد ما يخلصش اللى وراه وحياته تتعطل |
طبعا فيه ناس بثق فيها من غير مصلحه ولا حاجه
بس الحرص واجب برضه مش كل واحد اقابلها اسلمله دأنى |
انامش هقدر امنع الواسطه او اشيلها لان ده نظام عالمى ويمكن من قبل الفراعنه كمان
وبالذات فى البلد دى الللى يعرف ياخد حاجه بالواسطه يدخلها انا الحمد لله مش محتاج واسطه فى حاجه ويارب ما تذلنى واحتاج |
طيب وايه الحل لموضوع الواسطة ده ؟نخضع ونسلم ونرشي ونرتشي وخلاص عشان ده نظام البلد ؟؟؟؟؟؟؟؟؟؟؟؟؟!!!!!!!!!
انا ما عرفتش انها عاده غير قريب كنت بخلص شوية ورق لاخويا من مصلحة حكومية معفنة كده وبعدين قالولي طيب انتي بنت مين هنا .......قلتلهم ...قالولي طيب بصي الورق ده مش هايخلص غير بعد اسبوعين او هايتركن وممكن يتنسي ..روحي دلوقتي وقولي لبابا كده طبعا بما اني ماعرفش انهم ناس زبالة روحت وقلت الكلمتين دول لاخويا ........وعلى طول قالي انتي هاتستهبلي معنى الكلمتين دول هاتي ال100 جنيه ونخلصهولك امال انا مديكي الفلوس دي ليه .............. تخيلو .............!!!!!!!!!!!!!!!!!!!! |
فين الناس محدش بيقول: رايه ليه
|
ههههههههههههههههه
ما تعمليش انتى المشاوير الحكوميه علشانما يجيلكيش الضغط |
صوت الحق ودائرة الحوار الحر
بسم الله الرحمن الرحيم
الحمد لله رب العالمين والصلاة والسلام على أشرف المرسلين سيدنا محمد وعلى أهله وصحبه أجمعين دعوة عامة للنقاش الحر الهادف فيما بيننا سوف نفتح جميع الملفات ولا توجد ملفات خاصة أو خطوط عامة بل جميع القضايا مطروحة للنقاش لكى تتضح الصورة أما أعيننا لكى نرى الطريق الصحيح الذى نسير فيه أو نهدى فرد ضل الطريق بفكر خاطئ نمد له يد العون لكى ينضم إلينا الى الجماعة ويشترط عليك آخى الفاضل إذا أردت الاشتراك معنا أن تحترم الرائ الأخر مهما كان خالف رائيك وأن نخرج من الموضوع أخوه كما دخلنا الموضوع.... شروط الاشتراط فى دائرة الحوار 1: أن تحترم الآداب العامة ويكون ردك لا تخجل أنت من قراءته 2: الرد يكون فى صلب الموضوع فقط ولا يتطرق إلى أى موضوع جانبى 3:أى رد خارج الموضوع سوف يحذف مهما كان اسم صاحب الرد 4:لك الحرية المطلقة فى الرد والتعبير عن رائيك بكل صراحة وكلام واقعى ملموس وبعيد عن الشعارات وسوف نفتح كل القضايا الدينية والاقتصادية والسياسية والاجتماعية كل شيء فى دائرة الحوار الحر من بوابة الثانوية العامة .... على بركة الله |
كيفية القضاء على البطالة وخلق فرصة عمل
نبدأ أول الملفات وهى قضية البطالة؟
إن البطالة هى الأساس الأول فى جميع المشاكل التى نعيشها الآن فكيف نفكر فى التغلب عليها ويكون التفكير والرد بأسلوب عملى وواقعى بحث يمثل الشريحة الكبرى للمجتمع وهو الفقراء ليس معهم 30000 ج أو أكثر لكى يقدم الى ابنه فى الحربية أو يدفعها للحصول على وظيفة أو يسافر الى ايطاليا والدى رجل فقير لا يمتلك الى المرتب فقط كيف اساعدة فى الحياة اليومية وكيف اخطط لمستقبلى وهذا السؤال لمن أنهى الدراسة ولمن فى الدراسة الآن يعنى للجميع ولا يقتصر على جنس دون الأخر الكل سواء السؤال الذى يطرح نفسه هو ماذا تريد من هذه الدنيا وكيف تحقق ما تريد ؟ كيف توفر لنفسك فرصة عمل لكى تتغلب على الفراغ القاتل هذه الأيام؟ كيف تقضى يومك الحالى وكيف تغيره الى الأفضل ؟ لا أريد كلمات شكر على الموضوع بل أريد نقاش للموضوع أجب على الأسئلة المطروحة وضع أسئلة من عندك فى نفس الاطار وسوف نتولى الإجابات معا كلنا بالا استثناء هذه القضية مستمرة لمدة اسبوع وبعده ا نفتح قضية احرى |
اسف لقولى اننا لما نيجى نعمل موضوع زى دة بنبدا نقصر الركن العام على موضوع واحد ثانيا من اليسير جدا اننا نتطرق لموضوعات سبق التكلم فيها باستفاضة ومن ثم سوف تكون (مشاركات) وليس (موضوع) ولكنها مكررة هذا رأيى المتواضع والى حضراتكم عاوزينه اعملوه لانى زى ماطلبت من حضرتك على الخاص فأنا متمسك بطلبى والموضوع هنا صراحة بيشبه الى حد كبير جدا هذا الموضوع http://www.thanwya.com/vb/showthread.php?t=59448 بس طبعا لو اتخذت اى اجراء هايحصل مشاكل انا فى غنى عنها فى امان الله |
اقتباس:
ضغط ايه بقى ما خلاص ..يسري الجمل قام بالواجب ما بقتش فارقة |
اقتباس:
انتى اللى غلطانة طبعا و تسيبيه ليه لما يقولك كدة انتى تدخلى و فى ايدك اليمين الورق و فى ايدك الشمال الظرف تحطى الورق على المكتب باليمين و تشدى الدرج و تحطى الظرف فيه بالشمال الورق يتمضى و زى الفل عرفتى انك غلطانة ؟!!! |
الموضوع رائع وانا موافقة جدا عليه
واذا كان متشابه مع الموضوع الذى كتبته العضوة هنا ممكن يتم دمج الموضوعين انا فى انتظار المناقشات الفعالة |
| جميع الأوقات بتوقيت GMT +2. الساعة الآن 11:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.