|
ممكن اعرف انت فى كلية اية علشان نبقى اصحاب
السلام عليكم ورحمة الله وبركاته
" يا أيها الناس إنا خلقناكم من ذكر وأنثى وجعلناكم شعوباً وقبائل لتعارفوا .... " فكرت ان اعمل موضوع تعارف بشكل جديد الجامعة عالم مفتوح والطلاب فيها كتير بس كل طالب محتاج يكون مجموعة من الاصحاب بسرعة علشان يقدر ينسجم مع جو الجامعة الجديد ومحتاج ايضا يعرف طلاب اكبر منه سنا علشان يتعرف بسرعة على نظام الكلية لذلك سيكون هذا الموضوع بمثابة تعارف على الطلاب على بعض فى الجامعة وبشكل اسهل لكثرة الاعداد فى الجامعة وكل طالب ما عليه الا انه يبحث عن الطلاب اللى كتبوا اسم الكلية اللى هو فيها فنرجوا من كل طالب كتابة اسم الكلية اللى دخلها لكى يتم التعارف مع باقى الطلاب اللى فى نفس الكلية وبعدها ممكن تكملوا تعارف على الخاص وربنا يوفقكم ارجوا التثبيت |
انا لسه مرحلة تانية
بس فكرة حلوة يا أستاذي بس الأحلى يبقى موضوع للشباب وموضوع للبنات عشان حضرتك عارف الناس اللي بتهيص في الهيصة :d:d |
اقتباس:
كلامك جميل بس الموضوع دة مجرد فكرة صغيرة لحد ما الشكل العام اللى أنا حطه للفكرة ينتهى ان بفكر فى قسم تعارف لطلاب الجامعة يكون لوحده ويكون قسمين فرعيين واحد للبنات وواحد للشباب |
فكرة جميلة جداااا
انا دخلت كلية طب المنصورة وخايفة جدا منها ونفسى اعرف ايه نظامها |
انا برده عامل موضوع زى ده لانها فكرة رائعة جداا
موضوعى هو http://www.thanwya.com/vb/showthread.php?p=616860&posted=1#post616860 و خاص بطلاب هندسة المنصورة للتعارف بس انا كان عندى سؤال هو انا اروح الجامعه امتى علشان اقدم اوراقى؟؟؟ |
ان شاء الله تابعى المنتدى معنا واكيد حتلاقى طلبة فى طب المنصورة اكبر منك حيساعدوك بس خليكى معانا باستمرار للتعرفى عليهم
|
اوك يا أستاذ محمد .. ان شاء الله الفكرة تتنفذ .. بس انا رأيي يبقوا القسمين فرعيين في قسم الجامعات المصرية
ملحوظة : الآية الصحيحة كده يا أستاذ محمد " يا أيها الناس إنا خلقناكم من ذكر وأنثى وجعلناكم شعوباً وقبائل لتعارفوا .... " |
اقتباس:
بمجرد ما تستلم جواب الترشيح عن طريق مكتب التنسيق توجه بيه للكلية لاتمام الاوراق ودغع المصروفات ولو الجواب أتأخر بعد انتهاء المرحلة التانية اذهب لمكتب التنسيق واطلب الجواب بتاع الترشيح وتوجه للجامعة |
فكره جميله جداااااااااا جديده وانا فعلا كنت بفكر ف حاجه زى دى بس عمرك طلع اطول من عمرى خيرها ف غيرها:):):):)
انا دخلت طب بيطرى اسماعليه وخايفه جدا انى اواجه الحياه الجامعيه لوحدى من غير اصحاب ولا حد اعرفه حتى ياريت لو حد دخلها يقول وكمان كنت عايزه اعرف ايه نظام الدراسه هناك:confused: شكرا مره تانيه ع الموضوع الجامد ده:) |
اقتباس:
انا لسة عامل الموضوع الان انتظرى كام يوم وان شاء الله حتلاقى ناس كتير معاكى فى الكلية وعلى فكرة فى اعضاء اعتقد معنا على الموقع طب بيطرى |
انا حقوق بنها
سنة 3 لو حد عاوز يسئل على اى حاجة انا موجود ومش شرط حقوق لو اى كلية تانية فى الجامعة يسئل ماعدا هندسة شبرا لانى معرفش عنها حاجة لوجودها بعيد عن كل كليات الجامعة |
اقتباس:
يعنى كده انا معايا بطاقة الترشيح فهل اتوجه للكلية بكره ولا لازم استنى شوية ثم المصروفات بتاعت هندسة المنصورة هتبقى فى حدود كام؟؟؟ |
الفكرة جميلة استاذ محمد وعلى الطلبة عمل موضوعاتها فى الكلية التى ترشح لها ويكون الموضوع باسمائهم وبذلك ننشط قسم الجامعات ويتعرفو على ب عض ويواصلو التعارف والتواصل بيننا
جميع الكليات موجودة فى الجامعات المصرية |
انا بقى لسة داخلة 3 ثانوى
بس نفسى ادخل هندسة ربنا يوفقنا |
انا دخلت طب فم و اسنان القاهرة ومفيش حد من اصحابى دخل معايا وانا حتى مش عارفة الكلية دى فين فى الجامعة ولا فى القصر العينى بجد لو فى حد اكبر مننا يقولنا نعمل ايه يبقى ربنا يكرمه
وعلى فكرة............... الفكرة اكتر من رائعة الف شكر |
اقتباس:
مبروك علي الكلية اولا ثانيا انا مش في طب بيطري انا في صيدله اسماعيليه بس ليا اصحابي في طب بيطري اللي اعرفه واقدر افيدك فيه ان اول سنه تعتبر سنه اعداي او تمهيدي وفي السنه دي بتدرسوا فيزياء وكيمياء ونبات وحيوان وكل ماده من المواد دي بيبقي ليها عملي ونظري وكل ماده برده بتتقسم لعده فروع وبيكون في تشابه كبير بين المواد بتاعت بيطري ومواد صيدله ومواد اسنان في السنه الاولي دي وده عشان ال3 كليات بيتبعوا لكليه علوم اول سنه لان المفروض ان فيزياء وكيميا ونبات وحيوان وعلي ما اعتقد ان في مواد تانيه بتبقي نفس المناهج وده بيتوقف علي الدكتور يعني ممكن تحصل صدفه ودكتور الكيميا يدرس لدفعتكو ولدفعه صيدله فهيكون كتابكم واحدتقدري ساعتها تستفيدي من اي طلبه صيدله واسنان بس بعد ماتتاكدي ان المنهج واحد بالنسبه للعملي فهو مهم جداااا وضروري لازم الحضور اهم حاجه لان ده عليه درجات لازم متابعه وتحاولي تركزي في السكشن مع المعيد طبعا عندك دكتور السكشن اسمه معيدوبيختلف طبعا عن الدكتور اللي بيدخل المدرج وبيشرح المحاضره في مادتين عندك اسمهم لغه وحقوق انسان دول مابيدخلوش في التقديريعني ماتركزيش اوي فيهم بس طبعا مواد سقوط ونجاح بالنسبه للدراسه باللغه الانجليزيه فاطمني الدكاتره بيشرحوا بالعربي لكن اسئله الامتحان والاجابه انجليش في بعض الدكاتره بتسمح للطلبه الكتابه بالعربي في الامتحان بس طبعا مش كل الامتحان انتي هتتعبي بس اول شهر تقريبا في الترجمه عشان بيبقي في مصطلحات جديده وكده لكن انتي نزلي اي قاموس علي جهازك زي مثلا المورد القريب او الوافي او غيره طبعا لازم متابعه المحاضرات اول باول وحاولي تكتبي ورا الدكاتره بسرعه او ممكن تسجلي بس خلي بالك لما تسجلي لازم تستاذني من الدكتور عشان ممكن يعمل مشكله ده تقريبا كل اللي اعرفه وده كان نظام السنه اللي فاتت واسنين اللي قبلها لو عندك اي استفسار انا موجوده ويارب اكزن افدتك واسفه عالاطاله |
|
اقتباس:
السلام عليكم انا بس كنت عاوزه اسال علي حاجه بالنسبه لكليه هندسه جامعه بنها انا سمعت ان مكانها في منطقه اسمها روض الفرج لكن هي تابعه لجامعه بنها هل الكلام ده صحيح ولا هندسه بنها مكانها موجود داخل جامعه بنها نفسها؟ انا موش في هندسه انا في صيدله قناه السويس بس ياريت لو متاكد تفيدني في الموضوع ده وجزاك الله كل خير |
بجد فكره هايله جدا
انا دخلت طب بيطرى فى فرع دمنهور ج الاسكندريه وانا عارفه ان مفيش حد حيكون فيها فى المنتدى ده بس اهو لعلى وعسى حد يكون موجود اذا كان حظى حلو ادعولى يكون حظى حلو والاقى حد معايا |
اقتباس:
لاكن هى فى شبرا وتابعة لجامعة بنها وتقريبا هى فى محطة مترو روض الفرج |
انا دخلت اداب حلوان وكنت عاوزة اعرف هو اللي يدخل الماني لازم يكون متخرج من مدارس الماني ولا ممكن ثانوي عام عادي
و قسم اللغات الشرقية صعب ولا كويس شكرا على الموضوع الجميل ده |
http://i194.photobucket.com/albums/z...sh25swr7ww.gif اقتباس:
تمام الكلام دا أكيد 100% http://i194.photobucket.com/albums/z...hx2dhuzcgq.gif أولا : شكرا لحضرتك ع الموضوع والفكرة بجد ثانيا : انا شايفة ان الحكاية محتاجة شوية تضبيط مش عاوزين بردو ننشط قسم الجامعات كدة وخلاص بمواضيع غير منظة لان كل واحد عمال يعمل موضوع مين دخل الكلية الفلانية فى الجامعة الفلانية والمواضيع بتبوظ وساعات بتتقلب شات او بيبقى شكل الركن مش حلو وغير ظريف اطلاقا طب ليه الاول مثلا منعملش هو موضوع واحد - ونحذف بقية المواضيع دى ودا بعد موافقة حضراتكم - الموضوع الواحد دا نعمل الاول فيه احصائية لكل طلبة الجامعة فى المنتدى لهذا العام والموضوع مش هيتم الا بعد ظهور نتيجة التنسيق كاملة مرحلة تانية وتالتة كمان وبعدين لما نشوف عدد الطلبة والكليات نبقى نتفرع لمواضيع وتجمعات ورابطات اخرى اعتقد كدة المسألة هتبقى منظمة اكتر وبلاش حكاية جامعة المنصورة لوحدهم والقاهرة لوحدهم ليه طلية مثلا كل كليات الهندسة مع بعض وكل كليات الحاسبات مع بعض والطب مع بعض والعلوم مع بعض وهكذا فهيتبادلوا اخبار الجامعات ما بينهم كمان والفرق بين جامعة والتانية وايهما افضل ويقدروا ينفعوا اللى بعدهم http://i194.photobucket.com/albums/z...raq5t3m0m9.gif مستنية اراء حضراتكم ومبسوطة جدا ان موضوع زى دا اتفتح :):):):) ولكم جزيل الشكر http://i194.photobucket.com/albums/z...y115js4h2l.gif ،، احترامى للجميع http://i194.photobucket.com/albums/z...thn6n2pohd.gif |
اقتباس:
مش عارف اقول اية بس اللى حقوله مفاجأة غريبة هندسة بنها مش كلية واحدة فى مكان واحد هندسة بنها فرعين واحد فى محطة روض الفرج شبرا مصر (منتصف شارع شبرا) دوران خلوصى ودى ممكن تروحها بالمترو الجديد والفرع التانى فى محطة المظلات ( اول شارع شبرا ) ممكن تروحها بالمترو ايضا بس انت تتوجه لفرع روض الفرج ( الفرع الرئيسى ) وهم سيقولون لك اين مكانك سواء فى روض الفرج او المظلات |
اقتباس:
|
صيدلة عين شمس
|
تجارة القاهرة محدش فيها ولا ايه
هى الكليه دية اتلغت ولا ايه ياا جماعه حد يفهمنى محدش فى المنتدى ولا اصحابى داخلين القاهرة اصلا كل بعيد عنى وانا خايفه ادخل معرفش حد كده مش هروح الجامعه الا بالعافيه يا ريت لو حد تجارة القاهرة يقوووووووووول |
انا بقي دخلت اداااااااااااااااب بس ايه لسه مقررتش
|
انا دخلت طب بنها
|
انا دخلت اداب القاهرة والحمدلله
|
بوسى معايا يعنى فى القاهرة مش مشكلة نبقى اصحاب
يلا بقى ما انا مش لقيه حد فى تجارة |
اكيد طبعا هنبقى اصحاب
بس ازاى هنعرف بعض بصى هبقى ماسكة وردة حمرا |
اقتباس:
بين كلية حقوق وطب الشارع بس سبحان الله القمة والقاع فى وش بعض وجة لوجة اهلا بيك فى بنها |
ههههههههههههههه
لاء هبعتلك ايميلى فى رساله |
انا الحمد لله دخلت اداب القاهرة
|
اصحا ب طبعا يا ليدى مع بعض ان شاء الله
|
طب عين شمس
بس ادعيلي يا أستاذي أحول طب أسكندرية |
أنا الحمد لله دخلت طب شبين
وألف مبروك للجميع |
اقتباس:
شكراااااا جدا علي الافاده يابشمهندس مرسيه كتير |
اقتباس:
شكرا جزيلا ليك علي الرد استاذمحمد سرور بس انا مش في هندسه انا رايحه تانيه صيدله ان شاء الله متشكره جدا لردك ومعلش نسيت اشكر حضرتك علي فكره الموضوع بجد هايله جدا |
انا دخلت طب اسنان المنصورة
ايه هو محدش معايا ولا ايه؟؟؟؟؟؟؟؟؟؟؟؟؟؟؟ |
انا دخلت اداب اسكندرية
ايه محدش هنا فى اسكندرية ولا ايه؟ |
اقتباس:
اية بشمهندس دى لهو انا مستوايا متدهور وهدخل كلية الهندسة دى من كليات القاع مش معقول ادخلها انا ماشاء الله واللهم لا حسد فى كلية حقوق اكيدتسمعى عنها دى من كليات القمة فى الكوكب الاحمر ههههههههههههههههه انا بهزر انا مش بشمهندس انا حتى الان ضامن لقب استاذ محامى يعنى لاكن طمعان فى كرم ربنا اخد لقب ملحق او مستشار قولو امين لاكن بشمهندس دى مستحييييييييييييييييييييييييييل زى ماقلت دى من كليات القاع |
بيطري القاهره
ادعولي كتير خايفه موووووووت |
انا الحمد لله فى هندسة عين شمس
|
انا داخله صيدله المنصورة انشاء الله
لو حد داخلها يقول عشان نبقى صحاب |
اقتباس:
|
انا خالد اخو عمر التوأم .................................................. ............. دخلت كليه هندسه منوف
لو حد دخلها يبعتلي علشان اعرفه الكليه واللي فيها شكرا |
thanks to all
|
اقتباس:
ههههههههه ولايهمك يا بشمهندس:pاقصد يا حضره المستشار مقدمااا معلش ما اخدتش بالي وناسف علي الغلطه المطبعيه |
أنا دخلت طب عين شمس
مين معايا؟ |
| جميع الأوقات بتوقيت GMT +2. الساعة الآن 04:50 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.