تحرير 29 شهرا بدل نقدى عن سنوات التعاقد
 

البدل نقدى لقرار 280 بادارة البلينا
 

نرجو منك اخى الزميل انك تقول لنا مينين عرفت الكلام ده علشان نحن فى ادارة البلينا ماسمعناش حاجة لحد دلوقت عن الموضوع ده .

من الادارة التعليمية
 

من الذى يستحق البدل النقدى؟

انتم كده اتاخرتم احنا صرفنا الفروقات دى من شهر 10/2012
الوادى الجديد ادارة الخارجة التعليمية

صرفولكم من اول التعاقد
 

صرفولكم من اول التعاقد ولا زينا كدا من 1/3/2010 مع ان فى ناس تعاقد 2009 وبكده ضيعوا عليهم سنة وناس تعاقد 2008 ودول ضاعوا عليهم سنتين

الكلام ده وصل لادارة اخميم ولا ايه النظام ؟
والموضوع ده مطبق لقرار 280 و444 فقط ولا ايه؟
وقرار 53 سقطوا سهوا ولا ايه؟

لجميع القرارات التى تمت فى الفترة من 31/10/2010
 

الاوراق المطلوبة لتحرير شهور بدل النقدى
 

لو سمحت طيب اللى كان اول تعاقدهم من 2006 واتثبتوا فى 2011 هياخدوا من اول 2010 فقط ولا من 2006

للاسف الكل هيصرف من 1/3/2010 بغض النظر عن تاريخ التعاقد

أخى الفاضل - هل الكلام ده لكل المحافظات ولا ايه - انا من اسيوط ادارة ابنوب
تعيين القرار 280

ممكن لو سمحت لو فيه صورة للقرار ده تكرم حضرتك وارفعها

انا اسفة على التاخير مشفتش الرسالة الا دلوقتى انا تعاقد 2009/4/6 و من اول يوم تعاقد كنت بصرف لنفسى بس و بعدين فى ابريل 2011 نزلوا قرار ان من حقنا نضم الاولاد
و بعدين صدر قرار تانى فى سبتمبر 2012اننا نصرف فروق الاولاد دى من اول يوم تعاقد حسبوا لنا الفروق من اول يوم تعاقد و حتى ابريل 2011 عندما بدات اصرف للولاد و طبعا كل محافظة و حسب قيمة التذاكر بتاعتها
احنا ادارة الخارجة التعليميه ..ادارة الوادى الجديد
بكرر تانى ان صرف الفروقات من اول يوم تعاقد و لانى تعاقد 4/6 و استلام العمل 4/13 حسبوه نص شهر
ارجو ان اكون قد وفقت فى الرد

طيب انا تعاقد 28/ 3/2010 قرار 280
تثبيت 7/2010
ادارة اخميم
هل الكلام ده وصل لادراتها ؟
وياريت لو حد من ادارة اخميم يبلغنى

عاوزين دليل علشان نطالب
 

فين ياعم اي صوره اواي حاجه عندنا في ابوتشت محدش سمع حاجه عن الكلام ده اصلا

هنا فى الوادى الجديد مفيش نشرة و لا حتى قرار داخلى زمايلنا قالولنا جهزنا الورق وديناه الادارة قسم البدل النقدى خلص المو ضوع انا حتى فى الصيغة معرفتش اكتب جملة بناء على قرار او نشرة كل اللى كتبته ارجو من سيادتكم صرف فروق البدل النقدى لاولادى بدءا من اول يوم تعاقد لى و حتى بداية الصرف و لسيادتكم جزيل الشكر و صورة اقرار القيام بالعمل بتاع التعاقد و اقرار الحالة الاجتماعية و خلاص وانا كسيدة جبت جواب من عمل زوجى انه قطاع خاص و لا يصرف بدل نقدى له و لا للاولاد يعنى الجواب ده كمان حالة خاصة مش الكل بيجيبه وانا بلغت زمايلى اللى اعرفهم و هما كمان قبضوا لا نشرة و لا اقرار ارجو ان اكون قد وفقت فى الرد

الف شكر وبالتوفيق للجميع

ياريت ترفع صورة من القرار من فترة 31\10\2010 الى 30\6\2014 لان انا قرار 280 لسنة 2012 لتقديمة ادارة جنوب الجيزة اكون شاكر جدا

للاسف لا يوجد معى
 

لو سمحتوا موضع تحرير البدل النقدى لشهور التعاقد انا سالت فى ادارة اخميم والادارية قالت محدش عمل الموضوع ده دلوقتى فياريت لو فيه منشور رسمى للقرار او لو حد فى ادارته عمل الموضوع ده وقبض البدل النقدى عن شهور التعاقد يقول فترته كانت امتى وادارة ايه

انا سمعت الموضوع ده في جهينة وحجبلكم التفاصيل الاسبوع ده

ياريت يا استاذة نانا هوبة تفيدينا تفصيليا ايه الي حصل معاكم وازاي صرفتم ولو فيه اي مستند يبقي كتر خيرك

هو ده كل اللى حصل معانا لكن انا هروح الادارة باذن الله و احاول اجيب اى مستند يفيدكم

انا مش فاهمة يعنى ايه بدل نقدى عن سنوات التعاقد ممكن تفمونى انا تعاقد2005وتعيين 2011

يعنى اى معلم كان متعاقد على معلم مساعد من حقه صرف بدل نقدى عن هذه الفترة
 

جزاك الله خيرا

كلامك حضرتك صحيح مليون فى الميه ...مع فارق بسيط ان المعلم المساعد عندنا له الحق فى بدل النقدى من اول يوم تعاقد لكن تذكره واحدة فقط و لا يحق له ضم الولاد الى ان قامت الثورة
انا من محافظة الوادى الجديد............ادارة الخارجة التعليمية
اولا.........انا تعاقد 2009/4 كانوا بيصرفولى تذكرة واحدة قيمتها 130 جنيه و على الرغم من انى من حقى اضم الولاد لان زوجى قطاع خاص الا انهم قالوا المعلم المساعد ليس له الحق الا فى تذكرة واحدة الا ان قامت ثورة يناير فوجئنا بنشرة تفيد ان من حقنا ضم الاولاد و احنا لسه معلم مساعد ابتديت اصرف نصين للولاد من شهر ابريل 2011 ثم اتعينت فى 2011/7/1 يعنى صرفت للولاد شهر ابريل و مايو و يونيو و انا معلم مساعد ....تمام؟؟
ثانيا..... فى شهر اكتوبر 2012 فو جئت بزميل لى يقول لى بالحرف الواحد ...صرفتى الفروق ؟؟؟؟؟؟ فروق ايه يا استاذ ؟؟؟ قاللى مش انتى ضميتى الولاد قولت له اه من بدرى قاللى طب خلاص يبقى فروق الولاد ....لا من فضلك فهمنى واحدة واحدة قاللى بالحرف الواحد كده من حقك تصرفى للولاد قيمة تزاكرهم من اول يوم تعاقد الى ان بداتى الصرف و بالفعل قدمت الاوراق ( خطاب لمدير الادارة قسم البدل النقدى اطلب منه الموافقة على صرف الفروق ....اقرار حالة اجتماعية....صورة من اقرار القيام بالعمل بتاع التعاقد......خطاب من عمل الزوج يفيد بانه لا يحصل على بدل نقدى ليه او للاولاد ) ثم ذهبت و قدمتهم فى الادارة و صرفت الفروق بعد اسبوعين و كان مبلغ ما شاء الله عليه حوالى 4750 جنيه
ثالثا.............بلغت كل من اعرفهم انهم مثلى و تم الصرف للجميع دى القصة الكامله لبدل النقدى يعنى انتم ليكم الحق فى الفروق دى و لاولادكم كمان و كل محافظة و حسب قيمة تذاكرها

اغاثه محافظة قنا لم يتم اصلا صرف البدل النقدى للمعلم المساعد اثناء فترة التعاقد نرجوا
 

ربنا الموفق هعمل كل جهدى انى القى صور للنشرات دى

اكدت التنظيم والادارة في خطابها لمديرية التربية والتعليم بمحافظة سوهاج احقية المعلم المعين حديثاً فى صرف البدل النقدى من تاريخ شغله وظيفة معلم مساعد طبقا للكتاب الدوري رقم 3 لسنة 2010 والذي يؤكد استحقاق العاملين المؤقتين للبدل النقدي الخاص بتذاكر السفر ويستحقوق صرف البدل النقدي للسفر والاقامة من تاريخ شغلهم وظيفة معلم مساعد
http://www.alsbbora.com/main_edu.asp...2#.U5bus9FyzYJ

انا مش فاهمه البدل ده ليه علشان السفر ولا علشان ايه بالظبط ولا كل المحافظات بتخده ياريت التوضيح

[quote=نانا هوبة;5891131]اكدت التنظيم والادارة في خطابها لمديرية التربية والتعليم بمح
 

لو سمحتو حد يفهمنى هو البدل النقدى دا لكل المحافظات ولا ايه انا محافظة الغربية واول مرة اسمع عنه

البدل نقدى هو بدل تذاكر السفر ويصرف للمحافظات النائية فقط
 

المعلم المساعد من حقه يصرف بدل النقدى من اول يوم تعاقد ليه و لو مصرفتش يبقى من حقك الفروق من اول يوم تعاقد اسوة بمحافظة الوادى الجديد بادارتها الخمس