حد عنده فكره تنسيق 2014 نظام حديث علمي رياضة هيبقي ازاي
 

حد عنده فكره تنسيق 2014 نظام حديث علمي رياضة هيبقي ازاي

هيكون التنسيق حسب النظام النظام الجديد هيكون حلو خالص الكليات هتنزل حوالي 3%

طيب وعلمي علوم :(

ف ناس مأجلة كتيييير وبعدين الامتحانات الي حد ما مش سهلة وخاصة الرياضة
فاكيد هينزل وهينزل لعلمي رياضة اكتر ع ما اعتقد
والله اعلم

يعنى ياجماعه ممكن تنسيق مرحله اولى لعلمى رياضه ياخد من375ولا ايه

مش مهم مين اكتر كدا كدا تنسيق علمي علوم بيبقى اعلى


المهم ان الطب والصيدلة هينزلاو ولا لا :(



والله المفروض ينزلوا حرام كفاية ان مفيش مستوى رفيعععععععععععععععععععع :(

يا جماااعه بلاش تقلقوا نفسكوا .. احنا دفعه 2012 كان كل شويه يقولوا كلام وتوقعات وكله فى الاخر بلح .. نصيحه انسوا خالص عشان كله بيبقى كلام وان شاء الله خير متقلقوش

ياجماعه لسه نازل خبر ان التنسييق هيبقى مرتفع بسبب نسبة الغش وان ف طلاب بتدخل بالاجابات وبتقفل

افرحوووو مصييبة وحطة علينا

طيب فين الخبر دا ورينا المصدر

يآرب التنسيق ينزل شوية :) بس اكيد التنسيق هينزل لعلمي ريآضه :) انما علوم امتـ2ـــاناتهم سهله اساسا خالص ان كان ا2ـــياء أو جيلوجيا :( ربنا يستـــر

طيب اصلا مفيش مستوى رفيع وحتى لو الامتحانات سهلة المستوى الرفيع كان بيرفع المجموع ممكن لحد 1% لو الواحد جاب فيه درجة حلوة يعني احنا بقى معندناش فرصة مستوى رفيع واللي اتكتب اتكتب .. غير كدا كل شوية تسمع كلام عن تصحيح الاحياء والجيولوجيا وانهم لو الواحد ناسي كلمة بينقصوه عليها يعني لو كدا والتنسيق يرتفع كمان يبقى حرام حراااااااام بجد

يارب التنسيق ينزل
 

:o:o:o:oانا بردوا سمعت ان الوزير قال انو هيرفع التنسيق علشان التسريبات
ودفعة اختي يعني 2012 كان في تسريبات بردو والتنسيق كان عالي جدا يعني طب كانت بتاخد من 99% وشوية:o:o:o:o

الطب كان بيأخذ من 98.5 الحد الادنى المفروض بدون المستوى الرفيع يكون 98 او 97.7 على الاقل

لو الامتحانات كانت عدلة مش سهلة للدرجاتى ومفيش غش كان التنسيق نزل بس اللى كان بيحط امتحان نسى ان ده امتحان ثانوية عامة واكيد المرحلة الاولى هتبقى من 99

بجد حسبي الله ونعم الوكيييل احنا اتظلمنا اوووي السنادي والتنسيق مش هيبقي نازل واكييد هيعلي

هيرتفع :( زى 2012
ربنا يستر

في الواقع الموضوع مش موضوع تنسيق ابدا ابدا هو موضوع توفيق ونصيب ...... لان انا عرفت ناس دخلت كلية غير اللي كانو عايزينها وبعد ما التنسيق خلص والدراسة بدات اتضح ان بعض الجامعات تمتلك اماكن شاغرة في بعض كليات القمة ونزلو التنسيق تاني وقبلو تحويلات كتيييير من الناس دي ......... لكن بغض النظر اعتقد ان تنسيق علمي علوم لن يزيد عن 98 للطب
والهندسة لن تزيد عن 94 السنة دي مع ملاحظة ان مفيش مستوى رفيع وبعض الامتحانات كان بها صعوبة
وربنا يحقق احلامنا كلنا ان شاء الله ........ ويكفي ان النتيجة هتبان في شهر كريم وربنا لن يرد ايدينا فارغة

بالتوفيق

يعني هو يسرب الامتحانات واحنا نشلها

التسريب مش هو اللى بيرفع تنسيق كليات القمة ممكن يؤثر على المعاهد لان الشاطر ماعندوش وقت للغش اصلا المشكلة ان الامتحان ييجى سهل ومفيش فكرة واللى زاكر وطلع عينة يتساوى مع اللى زاكر نص نص

اكيد هيقل ان شاء الله للرياضه دا اللى قفلوا رياضه 800 وشويه لكن اللى قفلوا احياء 24 الف طالب والرياضه امتحانتها كانت زفت ربنا يسترها وربنا مش هيضيع تعبنا ان شاء الله

يا جماعه سيبوها على ربنا و توكلوا على الله

بعد اعلان النتيجة والنسب سيكون التنسيق تقريبا كالتالى
كليات الطب البشرى98.5% والاسنان والبطرى والصيدلة 96.5%
والهندسة 93% بسبب قبول 20 الف السنة دى
مع احتمال زيادة نصف % لعلمى علوم ونقصان نصف % علمى رياضة

يعني اللي جايب 95% احتمالية دخوله هندسة القاهرة قد ايه تقريبا يا شباب