|
عايز حاجه خش وأسأل
الموضوع ده ياريت ان حد يثبته
انا حفت الموضوع ده لاء سؤال للتقديم فى الكليات لانى قدمت وكمان للمرحله التانيه والثالثه واللى جايب مجموع قليل وعايز يعرف حيخش ايه يكتبه وانا بأذن الله حفيدكم جامد اوى وبأذن الله ربنا يوفق الجميع |
اولا شكرا على موضوعك يا استاذ محمد
ثانيا انا عايز استفسر عن حاجة النهاردة لما جيت اقدم بعد ما اكتب الرغبات وكل حاجة واعمل تسجيل بتظهر رسالة وتقول عفوا لقد حدث خطا بالاتصال بالموقع فا مش عارف اعمل اية ارجو الافادة لو سمحت بسرعة عشان اقدم. |
بص ياعسل متقلقش هوه الموقع ساعات بيوقع فلو انتا فى البيت ياعنى عندك النت فى البيت
قدم فى وقت متأخر وحيبقى تمام اوى لان فى البيت ممكن تسجل وتعدل رغباتك ال 24 ساعه ودلوقتى الضغط بيبقى جامد على الموقع متقلقش نهائى ياباشا وكمان فى حاجه ان كله بيقدم النهارده لان خلاص مفيش التزام بمواعيد الشرائح فكلها على بعضها وربنا يوفقك |
بجد الف شكر يا باشا بس خلاص انا كدة اطمنت وممكن اقدم ولو الساعة 3 الفجر مش مشكلة وعلى فكرة انا كلمت الخدمة واخدت منى رقم الموبيل وفعلا قالت الموقع بس فية شوية مشاكل وان شاء الله فى اقرب وقت هيكون شغال والف شكر مرة تانية وجزاك الله كل خير.
|
على ايه ياحبى ده واجبى انتو اخواتى ولو مسعدناش بعض مين حيساعدنا
وربنا يوفقك يارب وتبقى تطمنا |
انا جايب 280 ودخلت هندسه شبرا ينفع احول هندسه عين شمس الى هى واخده من 279.5 مع العلم ان انا ساكن فى مدينه العبور تبع اداره الخانكه
|
ازاى جايب 280 ودخلت هندسه
قصدك 380 ولا ايه المهم انتا ممكن تحول بس فتره التحويلات حتبقى من يوم 13 بعد المرحله الثالثه وربنا معاك |
أولا شكرا جــــــــــداً على الموضوع لأني بجد من زمان ونفسي حد يعملة وسؤالي هو اني عايزة ادخل صيدلة اسماعلية و مجموعي ناقص0.5% هل موضوع اعادة تصحيح ممكن يكمل المجموع؟؟؟؟؟؟
|
طب انا عايزه اعرف معلومات عن الحجز في المدينه الجامعيه
هو الحجز بالاسبقيه ولا في ايه وقت طب انا ممكن احول من هندسه شبين للاسكندريه ولو منفعش موضوع التحويل لازم اعيش في المدينه الجامعيه هناك المفروض احجز مكان في المدينة من دلوقت و لا استنى لبعد موضوع التحويل ميخلص واعرف هحول ولا لا على اساس اني ممكن محتاجهاش لو حولت و كمان عندي استفسار كده هو انا انهي الافضل اقدم في هندسة شبين دلوقت و لا استنى لما اعرف انا ممكن احول ولا لا وبعدها اقدم في هندسه الاسكندرية |
اقتباس:
العفو على ايه المهم بلاش تعملى تصحيح لانهم حيعملوللك الف حجه علشان ياخدوا ال 100 جنيه وصدقينى الحياه مش حتقف على هندسه اسكندريه وربنا يوفقك |
ياستاذ محمد الله يخليك والنبى انا جايبة 84.18 ادبى وجاتلى اداب المنصورة اوكى
وكان نفسى الحق اى حاجة تبع تربية وكتبت تربية طفولة خلاص وبعدين جاتلى اداب لقيت بعد كده ان تربية طفولة نازلة مرحلة تانية طيب ازاى وانا جايبة 84.18 والمرحلة التانية واخدة من 81.46 ازاى ينفع ادخل تربية طفولة ولا لا ولو ينفع اعمل ايه بسرعة وهو ينفع ادفع فلوس وادخلها ولا لا وشكرا |
جــــــــزاك الله ألف خير لاني كنت مترددة جــــــداً بس رأيك حسم الموضوع جوايا..
بجد شكراً أووووي .. |
اقتباس:
الحجز بالاسبقيه ياباشا قولى مجموعك كام بس انتا ممكن تحول من شبين الكوم للاسكندريه بنت عمتى حولت منها السنه اللى فاتت ياعنى متقلقش لالالا فكك من المدينه وباذن الله انا متأكد انك حتحول وحتلاقى اماكن فاضيه فى اسكندريه لا استنى لما تحول متقدمش فى حاجه حول الاول وبعد كده قدم براحتك والتقديم ملهوش ميعاد للانتهاء واى خدمه انا تحت الامر |
اقتباس:
من غير فلوس اللى حتعمليه دلوقتى انك حتروحى لكليه اداب المنصوره وتقوليلهم انى جاتلى كليتى عندكم وانا عايزه تربيه طفوله هما ساعتها حيقولولك تعملى ايه بالظبط بس اللى حتعمليه خلاص مش حيبقى على النت حيبقى لف ودوران والله يعينك بس متخفيش الحكايه مش صعبه اوى زى ما انتى فاهمه |
طيب يعنى ليا الحق طالما تربية طفولة نازلة مرحلة تانية انى ادخلها وخاصة انى جايبة مجموع تقريبا يدخلنى ولا لا
|
67يدخل.ايه.ازجوكوا
|
اقتباس:
طبعا يدخللك دى حاجه اكيده وبأذن الله حتفرحينا معاكى |
اقتباس:
لان اى حد جايب فوق 64 حيخش كليه بأذن الله |
هل تربية طفولة لها اختبارات قدرات ارجوكم قولولى
|
مشكور على مساعدتك لينا
انا مجموعى جايب كل الهندسات بس جاتلى الزقازيق عشان التوزيع الجغرافى هل ممكن احول للقاهرة مع العلم ان عندنا شقة فى الجيزة وكله تمام .....ينفع؟؟ |
مشكور على مساعدتك لينا
انا مجموعى جايب كل الهندسات بس جاتلى الزقازيق عشان التوزيع الجغرافى هل ممكن احول للقاهرة مع العلم ان عندنا شقة فى الجيزة وكله تمام .....ينفع؟؟ ولو ينفع ممكن تفهمنى اية الاجراءات اللى لازم اعملها عشان التحويل بس بالتفصيل بقى معلش هتعبك معايا |
و انا نفس حالة اسامة و عايز احول بس من اسماعلية لاسيوط لو ممكن تفدنا و شكراا لك
|
السلام عليكم عاملين ايه ؟ انا بقي ليا سؤال جايز يكون رزل بس استحملوني دي تعتبر مساله حياه او موت انا كنت عاوزه اعرف الاعداد الحاصله علي مابين 90% و91.5% شعبه علمي رياضه ارجوكم ردوا عليا باقصي سرعه وانا مستنيه الرد
|
السلام عليكم ورحمة الله وبركاته
انا جايبه 77% حد يقولي هلحق اداب انتساب او تجاره انتساب حد يقولي بلييييييييييييييز |
" طيب انا عايز اساللك سوال عن التقديم للكليات انا روحت تجارة المنصورة بعد ما قبلت قالولى تعالى يوم 16 لان الكشوفات ماجتش لان تجارة فيها اماكن للعلمى بس انا ادبى يعنى المفروض خلصت من المرحلة الاولى؟ مش ده السوال بس انا قصدى انى عايز ادخل تجارة انجليش وجايب 91.6 ادبى وانجليزى 47
وخايف اوى من حكايه بياخدوا بالعدد دى هل ممكن تاثر وبياخدو بالعدد يعنى الافضلية مثلا ولا اللى بيتقدم اسرع؟ |
معلش ياجماعه الاسئله كثرت اوى وانا مش بقعد كثير فاللى عاوزنى او عايز يسأل انا تحت امره ولكن ابعتولى رسايل خاصه وانا ححاول ارد هنا على قد ما اقدر
|
اقتباس:
ايون بس اختباراته سهله وبتكون داخل الكليه ياعنى وانتى داخله الكليه اختبارات هايفه بمعنى اكلمه |
اقتباس:
اه ياحبى ينفع تحول للقاهره عادى وربنا يوفقك |
اقتباس:
ياعسل انتا بأذن الله حتلحق اداب انتساب وممكن انتظام كمان لكن تجاره صعبه شويتين ولكن مفيش حاجه بعيده عن ربنا |
اقتباس:
اولا متقلقش من حكايه التقديم كلهم يومين ثلاثه وكله حيقدم متقلقش خالص وحكايه انك عايز تخش تجاره انجلش انتا مجموعك يجبها فى اللغات وكله ولكن هما لو ناقص واحد بس وفى اتنين واحد جايب 48 فى اللغات وانتا جايب 47 فى اللغات مع الاسف حيقبلوه هوه بس متقلقش بأذن الله حتروح تجاره انجلش واى سؤال انا فى خدمتكم يأحلى اعضاء |
طيب انا يا مان جايب 91 يعنى ان شاء الله فى اول المرحلة التانية و كتبت اول حاجة فى الرغبات هندسة المطرية حلوان لان هى اللى فاضلة من الهندسا ت و لكن محتار بعد كده اكتب ايه انا محتار بين تخطيط عمرانى و حاسبات و معلومات و علوم\رياضة
محتار اكتب انهى واحدة من التلاتة الاول بعد هندسة المطرية حلوان ( تخطيط عمرانى . حاسبات و معلومات . علوم\رياضة) و ياريت تقولى ينفع اخش علوم قسم فيزياء او كيمياء لانى مبحبش الرياضة |
ربنا يطمنك بس عايزه بس اعرف ممكن الحق اداب عين شمس او قاهرة ولا اقليم
طولت عليك بس عايزة اطمن |
بص ياباشا انا ارجحللك حاسبات ومعلومات بعد هندسه بجد حتبقى تمام اوى
وبالنسبه لريكا حتلحقى عين شمى او القاهره متقلقيش مش حتطلعى اقاليم انا متأكد |
:)ميرسي ليك طمنتني
|
انتوا اؤامروا وانا احاول انفذلكم
|
انا عايزه اسال عن هندسه الكترونيات انا بسمع ان سنه الاعدادي فيها سنه عاديه خالص ممكن اي حد ياخدها في هندسة الكترونيات وبعد كده يحول لكليه الهندسه العاديه على القسم الي هو عاوزه
كمان عايزه اعرف هي موجوده فين اصلي ماعرفش غير كليه هندسه الكترونيات منوف يا ريت يتم الرد بسرعه علشان ليا اصحابي عايزين يقدمو بس مش عارفين هندسه الكترونيات ايه نظامها ؟؟ بالذات ان مفيش منها في الاسكندريه ومش عاوزين يتغربو اكتر من سنه وعايزين يرجعو هندسه الاسكندريه العاديه و يدخلو قسم وماخدوش اعدادي تاني |
اقتباس:
لا مش صح ان هندسه المطريه حلوان بس الي فاضله في هندسه المنيا واسيوط فاضيين وفيه كمان هندسه الكترونيات منوف برضه حاول تكتبهم يمكن يجيلك وبعد كده حول لو عايز |
موضوعك جميل جدا يا جبار والله وصرحة مفروض يتثبت وعلى فكرة كل مواضيعك تمام جدا جدا
|
اقتباس:
بجد مش عارف افيدك فى الحكايه دى بس انا حنزل اسئللك النهارده وربنا حيوفقك بأذن الله انات وصحابك |
شكرا ياكينج ده والله من ذوقك
وانا بحاول ارد جمايل المنتدى ده عليه وبأذن الله اقدر اعمل اللى فى وسعى علشان اساعدكم |
طب هى المرحله الثانيه هتخلص امتى والنتيجه امتى
|
المرحله التانيه حتخلص يوم الاتنين
والنتيجه فى مؤتمر صحفى يوم الخميس 7\8 والمرحله الثالثه يوم السبت 9\8وبالتوفيق للجميع |
ياجماعة عايز حد يرد عليا لو سمحتوا انا جايب 368 ممكن الحق هندسة
|
بليييييييييز قولي انا جايبه 72,5 ممكن الحق اداب انتساب عين شمس او القاهره ولا مفيش قدامي غير حقوق بس لو سمحت قولي عايزه اعرف
|
عايزة اعرف ايه الورق المطلوب للتقديم ف صيدلة اسكندرية وكمان المدينة الجامعية ضرورييييييييييييييييييييييييييي :eek: |
دخلت كلية علوم وخلصت ممكن اكمل فى صيدلة فعلا بيقول ممكن اكمل صيدلة ممكن واى قسم اللى مممكن يكمل صيدلة وانا دخلت على موقع كلية الصيدلة جامعة حلوان وكتبين لدراسات العليا ينفع اقسام معينة وبعد ما اكمل دراسات عليا باخذ ايه حستفيد ايه ومش فاهمة قاصدين ايه فى اللى كاتبينوا فى موقع الدراسات العليا كلية الصيدلة جامعة حلوان ممكن حد يرد عليا
|
اقتباس:
|
اقتباس:
لا ياباشا انتا حتلحق بسهوله جدا اداب بس فين لا اعلم العلم عند الله |
اقتباس:
بصى فى اى كليه حكوميه مطلوب 1- 6 صور شخصيه 2- بيان النجاح فى الثانويه 3- للذكور (استماره 2 جند) 4-صوره شهاده الميلاد اما المدينه الجامعيه على ماا اظن نفس الحوار |
اقتباس:
انا على معلوماتى ياعسل انه ممكن تكملى وتخش صيدله وربنا يوفقك |
| جميع الأوقات بتوقيت GMT +2. الساعة الآن 11:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.