|
كل ما يخص اقسام كليه هندسه...ارجو التثبيت للفائده
السلام عليكم ورحمه الله وبركاته
اولا:حابب ابارك لكل اللى دخلوا هندسه ثانيا:ديه معلومات عن اقسام كليه هندسه يارب تفيدكم بسم الله الرحمن الرحيم أولا الاقسام الموجوده بكلية الهندسة بحلوان ميكانيكا 1. طبعا اجمل قسم فى الهندسة.... اللى يدخل ميكانيكا لازم يعرف انة قسم صعب جدا بس لو حتحبوا حيكون لذيذ جدا...... 2. لو عايز تدخل ميكانيكا لازم تعرف ان كتاب الفيزياء بتاع ثانوية عامة اللى درستة حتلاقى كل فصل منة بقى مادة ولا اثنين فى القسم وعلى فكرة مش معنى ان القسم اسمة ميكانيكا انك حتاخد ميكانيكا لغاية لما تموت.... لا القسم اغلبة مواد فيزيائية و تصميم...... 3. لازم تعرف ان قسم ميكانيكا اقوى و افضل قسم فى مصر على الاطلاق .... وانا بقول كدة من واقع الشغل والحياة العملية اللى برة الكلية..... 5. نطاق شغل مهندسين ميكانيكا برة كبير و مراتبتهم حلوة 6. ينقسم الى انتاج و صناعيه و ميكاترونيك ميكانيكا(انتاج) 1.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك 2.ولازم تعرف ان انتاج اصعب قسم فيكى يا هندسة على الاطلاق..... وانك احتمال 85% حتسقط سنة ولا اثنين فى النص 3. الدراسة فية 50% انتاج..... والانتاج هوة بالضبط اللى اخذتوه فى اعدادي بس بتوسع كل باب من اعدادى بيكون نصف الكتاب 4. مجال العمل يكون فى المصانع و تشغيل الماكينات فى الورش الصناعية الكبيرة و احيانا فى مجال تاكيد الجودة. - ميكالكترونيك 1. قسم جميل يجمع بين ميكانيكا و الكترونيات فى دراسته 2. مجال عملة محدود فى مصر يعنى من الاخر فى الغالب حتطلع تشتغل فى ميكانيكا او الكترونيات مش الاتنين مع بعض زي ما هوة مفروض 3. اما لوكنت حابب الموضوع وابدعت فية مش عايز اقولك انك حتبقى اية... كهرباء 1.مهندس الكهرباء بيستلم من مهندس اميكانيكا و من المجالات اللى مجال شغلها واسع جدا زي ميكانيكا 2.و مواضيع دراستها تتلخص فى كل ما يخص الكهرباء و قليل من الالكترونيات.... يعنى لو مش فاهم كهربية اعدادى او حاسس انها تقيلة على قلبك.... اياك تدخل قسم كهرباء يااما للاسف ممكن ماتطلعش منه..!!! 3.حيكون نطاق عملك فى كل حاجة و اي شركة هندسية حتكون فيها مهندس كهرباء - اتصالات 1. لو حابب اتصالات و عايز تتدخلها و عندك حد يشغلك برة مصر....تبقى عبيط لو مدخلتهاش..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج... 2. مواد اتصالات تشبة مواد كهرباء اوى لان اتصالات جزء من كهلرباء اصلا ... 3. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص.... 4. و ينقسم القسم الى حاسبات و الكترونيات طبية 1.طبية هى عبارة عن خليط من مواد قسم ميكانيكا على كهرباء على مواد طبيه احياء و كيميا عضويه.... وقسم طبعا مش سهل...بس طبعا كلامى دة ميفرقش كتيير مع اللى حيدخلوا... دة حيكون من المتفوقين.....يعنى ياكل الزلط 2. طبعا مفيش غير حلوان و القاهرة اللى فيهم طبية يعنى اقل من 100 مهندس طبية كل سنة بيتخرج و دى طبعا ميزة 3.طبعا مفيش كلام على القسم.... بس واللى تجيلوا و مايدخلش يبقى عبيط.... بس ورينى يا حدق انت و هية حتجيبوا مجموعها ازاى ثانيا الاقسام الموجوده بكليه الهندسه بالمطريه ميكانيكا باور 1. خليط بين قسم الميكانيكا و الكهرباء نفس المواد بتاعت القسمين و مجال شغله كويس جدا - سيـــارات: 1. القسم دة قريب جدا لميكانيكا و بنصح بية الاولاد بس... بس على البنات حيقكون صعب شوية .... الا اذا كنتى ناوية تتجوزى و تقعدى تربى عيالك 3. القسم دة مفيش منة الا فى كليتين بس ...يعنى عدد المهندسين السيارات اللى بيتخرجوا كل سنة فى مصر كلها ميعدوش 300 مهندس ودة عدد قليل جدا و ميزة طبعا 4. ممكن بعد ما تخلص ميكانيكا برضة تشتغل فى مجال سيارات. 5. المواد اللى فية كلها تتعلق بالصيانة و محركات الاحتراق الداخلى و الفيزياء - بس مش زى ميكانيكا طبعا - وأنظمة التعليق وعلى فكرة المواد بتاعتهم قريبة قوى قوى من ميكانيكا بس امتحانتهم اسهل بكتيييييييييييييير عمارة 1. قسم عمارة دة بقى قسم البنات او الاولاد اللى بيحبوا يقعدوا وسط البنات...!!!! او المواهب طبعا... 2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص. 3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص 4. يعنى ممكن ايام المشاريع تقعدى شغالة مثلا لغاية 12 ليلافى الكلية 5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى- 6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية حتشتغل بقرشين.... 8. مواد القسم اغلبها رسم و مواد من قسم مدنى وهى مواد تتعلق بخصائص المواد و الانشائات و المساحة وحاجات بسيطة و لذيذة مـــدنـى 2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول 3. القسم دة مشكلتوا ان تسليم الشيتات بيكون تقريبا اسبوعى طول السنة 4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية.... 5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض 6.مجال شغلة مش بطال بس فية سنة بهدلة شوية 7. واللى نفسة يبنى عمارات و سدود و كباري و انفاق يدخل مدنى على طوول اقسام خارج جامعة حلوان كمياء 1. اولا القسم دة موجود فى القاهرة و فى هندسة العاشر.... 2. قسم انا شايف انة مالوش مستقبل لانك لا حصلت مهندس بترول و ولا جبت علوم قسم كمياء.... يعنى ممكن تدرس كمياء فى مدرسة خاصة لما تتخرج. 3.مواد دراسته تتلخص فى كتاب الكمياء اللى تخذته فى اعداداى حتلاقية بقدرة قادر بقى مواد و كورسات و كتب و اتمط و اتوسع و بدل ما حتخده فى ترم حتدره فى اربع سنين ... نووية 1. القسم دة موجود فى هندسة الاسكندرية فقط.... 2.طبعا قسم حكاية و رواية وشوف بقى المجال النووى والذرى فى العالم وصل لغاية فين فى جميع المجالات 3.لما تتخرج من القسم دة حتلاقى مستقبل مشرق فى المكان الوحيد اللى بيشغل بتوع الذرات فى مصر - مع الاعتذار لجورج سيدهم - الا و هو المركز القومى للطاقة النووية و طبعا مرتب رهيب حوالى173 جنيها و لما تتجوز حيراعوا دة وحيزودوك حوال 6 جنية . 4. اما لوحتسافر برة بالتحديد امريكا انسى بقى مصر لانهم مش حيخلوك تشفها تانى بس روح بقى هناك و تبقى عالم كبير و مش بعيد تعمل قنبلة نووية.... بس لما تقف على ديلك مش حترجع مصر تانى 5. مجال دراستها ينحصر فى الفيزياء الكلاسيكية -اللى زى اللى درستها فى اولى ثانوي- و الفيزياء الحديثة طيران 1. موجودة فى القاهرة فقط. 2. قسم من الاقسام الداخلية لميكانيكا وطبعا مجال جامد و برستيج عالى جدا 3. ممكن تدخل ميكانيكا و تخلص و تعمل دبلومة فى الطيران و تبقى مهندس طيران قد الدنيا 4. نفس دراسة ميكانيكا بس مع التركيز على الايرو ديناميك بشدة.. قسم البترول و التعدين 1. هتتخرج هتبقى مهندس بترول قد الدنيا و بمرتب جامد جدا و يا سلام لو سافرت بقى بره مصر و يا سلام اكتر لو مهندس شاطر بره مصر هيدوك شقه و اقامه و تظبيط يعنى مرتبك كله فى البنك 2. بس ممكن اى مهندس تانى يروح يشتغل فى المجال ده و لو شاطر هيبقى احسن من بترول نفسه مشحوت للافاده |
شكرا ليك على المعلومات دى بجد كنت محتاجها و ربنا يوفقنا كلنا...
|
نورت الموضوع يا باشمهندس
|
ايه الحلاوة دى انا نفسى انفتحت وهنخش واحنا مرتحين..............
|
اقتباس:
|
ياااااااااااه موضوع جامد انا كدة اتهزيت في اتصالات لان الحاجات اللي انا بحبها وسعت اوي بقت في اقسام كتيرة
ربنا معانا وننفع في اعدادي الاول بس انشاء الله يا ميكانيكا يا اتصالات |
اقتباس:
ونورت الموضوع |
جزاك الله خيرا و انا ان شاء الله كهرباء و ربنا يسهل لاني بحبها :: :)
|
اقتباس:
|
ألف ألف شكر على الموضوع الجميل ده ..
يستحق التثبيت اكيد .. لكن عندى سؤال بسيط كده .. قسم البترول و التعدين اللى انت ذكرته ده هو اللى موجود فى هندسة الإسكندرية على إنه قسم متخصص بفلوس ؟ .. أنا الصراحة الكل بينصحنى بالقسم ده بس انا متردد شوية .. هل هو كويس فعلا ؟ .. سمعت برضه ان مفيش سنة اعدادى فيه .. يعنى الـ 5 سنين تخصص .. فهل ده صحيح ؟ .. و جزاك الله كل خير .. |
و لو مش هتقل عليك برضه ..
ايه نظام القسم ده من ناحية المواد و كده ؟ .. صعب اوى ؟ .. متوسط ؟ .. سهل ؟ .. ايه المواد العامة اللى بتبقى فيه يعنى .. لكن لاحظ انى اقصد القسم المتخصص بكلية الهندسة جامعة ( الإسكندرية ) .. مش هندسة البترول اللى تنسيقها 99 % دى .. و شاكر لك تعبك ده .. :) اه صحيح .. معرفتناش عليك يعنى .. متقولنا كده انت فى قسم ايه و محافظة ايه .. :d تحياتى .. أخوك .. محمد جمال .. |
السلام عليكم ورحمه الله وبركاته
اولا انا هندسه حلوان ولا اعلم عن هذا القسم شيئا ولكن هناك الكثير من طلبه هندسه اسكندريه فى المنتدى هنا ممكن تسألهم وبالتأكيد هيفيدوك اكتر منى وعن نفسى انا هسألك عن الموضوع ده واذا لقيت حاجه هبعتلك رساله خاصه والسلام عليكم ورحمه الله وبركاته |
ممكن اكتر عن هندسة طيران
و شكرا على الموضوع |
اقتباس:
مهو أغلب اللى فى هندسة الإسكندرية لسه زى حالاتى رايحين إعدادى ... :rolleyes: عموما ألف شكر على إهتمامك :) و معلش إذا كنت أزعجتك .. ســـ الله ـــلام .. |
مشكور علي اللي قدمته وياريت فعلا تثبيت الموضوع عشان مهم
|
شكرا لمروركم
و احنا تحت الخدمه |
شكرا لمعلوماتك المفيدة
|
طب فين هندسه اسكندريه
او حتى شبين لحد ما احول |
[السلام عليكم
الف شكر يا بشمهندس علي المعلومات المهمة دي وان شاء الله انا حندخل ميكانيكا] |
اقتباس:
الاقسام المكتوبه مش مرتبطه بجامعه معينه انما شرح للقسم عامةُ سواء كان فى هندسه اسيوط او حتى عين شمس وشكرا لمرورك |
انا لسه داخل أعدادى هندسة فى جامعة الأسكندرية
وطبعا قلقااااااان جدا ولقيت حاجة كدة بسيطة فحبيت أنقلها وطبعا الحاجة دى بالنسبة لأسكندرية يلا الرســاله و الأهداف و الرؤيـه هم نتائج التاريخ العريق لكليـة الهندســة. تطور إنشاء الكلية و أقسامها العلمية:- فى عام 1941 أنشأت كلية الهندسة بجامعة القاهرة فرعا لها بالإسكندرية. و فى عام 1942 صدر مرسوم بقانون رقم 32 لسنة 1942 بإنشاء جامعة الإسكندرية. فى عام 1942 كانت بداية الدراسة بالسنة الإعدادية والسنة الأولى ( عمارة, مدنى , ميكانيكا , كهرباء ). فى عام 1946 تم إنشاء قسم الهندسة الصحية والبلديات. و فى عام 1953 تم أنشاء قسم الهندسة الكيميائية. و فى عام 1960 تم إنشاء قسم هندسة القوى الميكانيكية وهندسة الغزل والنسيج. و فى عام 1961 تم إنشاء قسم الهندسة البحرية. و فى عام 1963 تم إنشاء قسم هندسة الانتاج. و فى عام 1964 تم إنشاء قسم الهندسة النووية. و أخيرا فى عام 1974 تم إنشاء قسم الآلات الحسبة والتحكم الآلى. السادة العميد و الوكلاء :- نرحب بالســيد الأســتاذ الدكتور رشــدى رجاء زهران – عميــد كليـة الهندســة و يوفقــه الله. الأســتاذ الدكتور رشــدى رجاء زهران أســتاذ بقســم الهندســة الكيميائية و كان يشـغل منصب وكيل الكلية لشئون الطلاب منذ أغسطس 2003 . يـوجد بـكليـة الهندســة 3 وكلاء وكيل الكليـة لشـئون التـعليم و الطـلاب الأســتاذ الدكتور محمد نزيـه الدريـنى – رئيس قســم هندسـة الحاسب و النـظم (سابـقا) هندسة الحسب والنظم. وكيــل الكليـة للدراسـات العليا الأســـتاذ الدكتور حســام غـانم وكيـل الكليـة لتـنمية المجتمع و شـئون البيـئة الأســـتاذ الدكتور عادل الكردى اقسام الكلية :- 1- قسم الرياضيات والفيزياء الهندسية :- قســم الرياضيات و الفيزياء الهندسيـة أنشأ فى عام 1942. القسـم يستقبل الطلاب الجدد و يؤهلهم عن طريق تدريس المواد المختلفة لكل قسـم و هذا يتم فى السـنة الأعدادية التى تكون تحت أشراف قسم الرياضيات و الهندسـة الفيزيائية. و هذا القسـم يدعم جميع أقســام كليـة الهندسـة بقيامه بتدريس المواد الخاصة به لجميع السنوات الدراسية. و يبلغ عدد أعضاء هيئة التدريس 82 عضو هيئة تدريس و 19 معيد 2- قسم الهندسة المعمارية : أهداف القسم يعمل القسم على الارتقاء بمهنة الهندسة المعمارية من خلال ربط الدراسة النظرية والعملية بالمجتمع والبيئة المحيطة وما يتبع ذلك من الارتقاء بمستوى العمارة ليس على المستوى المحلي فقط ولكن على المستويين القومي والأقليمي في الوطن العربي. ويهدف القسم إلى تخريج مهندسين معماريين على مستوى عال من الكفاءة والمقدرة التنافسية في سوق العمل وعلى مستوى كفء من تحصيل العلوم المعاصرة والمقدرة على حل المشكلات واتخاذ القرارات وتطوير المجتمعات من خلال المشاركة في وضع الحلول العلمية والتطبيقية للمشاكل الحالية . والقسم يبدأ في التخصص إلى شعب في السنتين الثالثة والرابعة من خلال مجموعة مقررات تخصصية في (شعبة المباني العامة – الإسكان – التصميم الحضري). 3- قسم الهندسة الانشائية :- بدأت الدراسة بقسم الهندسة الإنشائية عام 1942 والقسم أحد الأقسام العلمية لقسم الهندسة المدنية 4 4- قسم هندسة الرى والهيدروليكا :- يهدف قسم هندسة الري والهيدروليكا إلى تخريج مهندس مدني يلم بالمقررات العلمية المتعلقة بالمصادر المائية الطبيعية من مياه أمطار وسيول وأنهار ومياه جوفية ودراسة خصائصها الهيدروليكية وحساب كمياتها وتصميم شبكات الري والصرف لخدمة مجالات استصلاح الأراضي الجديدة ، وتصميم المنشآت المائية التي تتحكم في المياه لاستغلالها في أعمال توزيع مياه الري والحماية من أخطار الفيضانات والسيول . وفي هذا المجال يقوم القسم بالتعاون مع وزارة الموارد المائية والري لاختيار مشاريع البكالوريوس لطلاب السنة النهائية بقسم الهندسة المدنية والتي تقوم الوزارة بدراستها لكي يكون الطالب على ارتباط وثيق بالمشروعات المائية العملاقة الحالية 5- قسم هندسة المواصلات :- قسم هندسة المواصلات أحد أقسام الهندسة المدنية الأربعة (الهندسة الإنشائية – الهندسة الصحية – هندسة الري والهيدروليكا – هندسة الموصلات) . يتولى القسم تدريس مقررات في مجال تخطيط وتصميم مرافق النقل ، بالإضافة إلى المساحة والجيوديسية ، ومواد إنسانية وهندسة أساسية. المقررات التي يشرف القسم على تدريسها في مرحلة البكالوريوس تعطي الطالب مبادئ أساسية لجميع مجالات الهندسة المدنية بصفة عامة ومجالات الأشغال العامة والنقل بصفة خاصة . وهذه المقررات هي : الرسم المدني – الجيولوجيا الهندسية – التشريع والاقتصاد الهندسي – المساحة بأنواعها (المساحة الطبوغرافية والمستوية والمساحة التفصيلية والمساحة التصويرية والمساحة الجيوديسية والمساحة البحرية والمساحة البحرية والمساحة باستخدام نظام الرصد على الأقمار الصناعية والاستشعار عن بعد) – تخطيط النقل وهندسة المرور – هندسة الطرق والمطارات – هندسة السكك الحديدية – هندسة المواني والأشغال البحرية. أما في مجال الدراسات العليا فيتولى القسم إعداد المهندس للحصول على الدرجات العلمية في المجالات التخصصية السابق الإشارة إليها “دبلوم الدراسات العليا – الماجستير – الدكتوراه” 6- قسم الهندسة الصحية 7- قسم الهندسة الميكانيكية :- تعليم وتدريس العلوم الهندسية الأساسية والتطبيقية اللازمة لحل مشاكل الهندسة الميكانيكية. تدريب الطالب على الخبرات اللازمة للتصميم الهندسي من خلال تطوير مهارات الاتصال والتأكيد على روح عمل الفريق الواحد والقدرة على اتخاذ القرار. توفير البيئة اللازمة لتنمية إحساس الطالب بأهمية التعلم والبحث عن المعلومة وتطوير قدراته العلمية والعملية باستمرار مع التركيز على استخدام الحاسب الآلي والوسائط المتعددة في مجال الهندسة الميكانيكية. توفير المهارات الأساسية الحسابية والمعملية والتصنيعية اللازمة لأداء وتنفيذ وتقييم عمليات الهندسة الميكانيكية المختلفة. التأكد على أخلاقيات المهنة ودورها الهام والمؤثر نحو تطوير المجتمع والحفاظ على البيئة. اطلاع الطالب على آخر ما وصلت إليه التطورات والأبحاث العلمية في مجال الهندسة الميكانيكية. مجالات الدراسة بالقسم الهندسة الحرارية : التبريد وتكييف الهواء – محطات القوى الحرارية – تصميم المعدات الحرارية – الطاقة الجديدة والمتجددة وتحلية المياه – الثرموديناميكا الحرارية. هندسة الموائع : ميكانيكا الموائع – المضخات – خطوط الأنابيب – الدوائر الهيدروليكية – محطات القوى المائية – التوربينات المائية. هندسة الاحتراق : نظرية الاحتراق – آلات الاحتراق الداخلي – التوربينات الغازية – ديناميكا الغازات – مقدمة في هندسة السيارات. الميكانيكا التطبيقية : التصميم الميكانيكي – الاهتزازات الميكانيكية – التحكم الآلي – الصيانة الوقائية – ميكانيكا الآلات – هندسة المواد. بالإضافة إلى ما يدرسه الطالب من مقررات من الأقسام الأخرى مثل مقررات الرياضيات – الآلات الكهربية والألكترونيات الصناعية – هندسة التصنيع – علوم الحاسب والعلوم الإنسانية وتشمل علم الاقتصاد الهندسي – علم النفس – التسويق – التشريعات الصناعية – تخطيط المشروعات – اللغات الأجنبية – تاريخ العلوم الهندسية. 8- قسم هندسة الغزل والنسيج : يعتبر قسم الغزل والنسيج أول قسم في الشرق الأوسط لهذا التخصص الذي يخدم أهم الصناعات في مصر والمنطقة العربية . وقد بدأت الدراسة به عام 1960 وتخرجت أول دفعة عام 1964 ، ولقد كان لإنشاء هذا القسم الأثر الأكبر في تطوير الصناعات النسجية بمصر من خلال إعداد المهندسين المتخصصين على مستوى البكالوريوس والماجستير وكذلك الدكتوراه. ولقد تم تأهيل أعضاء هيئة التدريس ذاتيا على مستوى الماجستير وقاموا كذلك بالحصول على درجة الدكتوراه من جامعات عالمية مختلفة وجامعة الإسكندرية ، وهذا التنوع أدى إلى تجمع خلاصة الفكر والتطور وتخريج مهندسين أكفاء في مجال الغزل والنسيج. 9- قسم هندسة الانتاج : بدأ قسم هندسة الإنتاج كفرع من الهندسة الميكانيكية في عام 1957 وأصبح قسما مستقلا لأول مرة في الجامعات المصرية عام 1963 10- قسم الهندسة البحرية وعمارة السفن : أنشئ قسم الهندسة البحرية وعمارة السفن عام 1961 وتخرجت أول دفعة من طلبة القسم عام 1964 وقد كان القسم قبل ذلك شعبة من شعب قسم الهندسة الميكانيكية. ويتضمن مجال الدراسة في القسم العديد من المقررات التي تخدم التخصصات المختلفة والتي تؤدي بالطالب إلى الإلمام بكل التفاصيل التصميمية والتشغيلية الخاصة بالسفن ومنشآت ما وراء الشواطئ وتتضمن المقررات التي تدرس بالقسم مقررات خاصة بالعلوم الأساسية مثل الرياضيات والميكانيكا ومقررات هندسية تخدم تخصص القسم مثل رسم السفن وميكانيكا الموائع وبرمجة الحاسب الآلي وتكنولوجيا المواد والهندسة الكهربية والمقررات التطبيقية والتصميمية مثل تصميم السفن والتصميم الإنشائي للسفن ومحطات القوى البحرية وهندسة ما وراء الشواطئ بالإضافة على بعض المقررات الإنسانية مثل الاقتصاد الهندسي ، الأمن الصناعي والقانون والتأمين البحري. 11- قسم الهندسة الكهربية :- يعتبر هذا القسم من أكبر أقسام الكلية ويلقى إقبالا متزايدا من الطلاب للالتحاق به ، ويتمتع بتزايد أعداد طلبة الدراسات العليا وارتفاع إحصائيات منح الدرجات المختلفة من ماجستير ودكتوراه ودبلوم. 12- قسم هندسة الحاسب والنظم :- تم افتتاح قسم الآلات الحاسبة والتحكم الآلي بكلية الهندسة جامعة الإسكندرية في عام 1969 . ويرجع الفضل في ذلك بعد توفيق الله عز وجل إلى جهود الأستاذ الدكتور نعيم ابو طالب والأستاذ يحيى الحكيم رائدا ومؤسسا القسم عليهم رحمة الله . وكان القسم في هذا الوقت يعتبر الأول من نوعه على مستوى الشرق الأوسط . ويقوم القسم بتدريس المناهج المرتبطة بعلوم الحاسب مثل البرمجة وهياكل البيانات والمترجمات ونظم التشغيل وغيرها. تم تغيير مسمى القسم إلى قسم هندسة الحاسب و النظم من العام الجامعى 2003/2004. 13- قسم الهندسة النووية والاشعاعية :- تم إنشاء قسم الهندسة النووية والإشعاعية في عام 1963 وتخرجت أول دفعة من القسم في عام 66/67 وفي عام 2004 تم تغيير اسم القسم إلى قسم الهندسة النووية والإشعاعية وتم تعديل المناهج لتواكب التطور العلمي في مجال استخدام النظائر المشعة وتطبيقاتها الصناعية والأخطار البيئية المصاحبة لهذا التطور 14- قسم الهندسة الكيميائية :- كانت دراسة العلوم مقتصره على كليات العلوم بالجامعات المصرية التى كانت انشطتها تحتوى على الفروع التقليدية من علم كيمياء. فى عام 1942 انشىْ لاول مره فى مصر قسم الهندسة الكيميائية بكلية الهندسة جامعه فؤاد الاول (القاهرة حاليا) ثم تلاه مباشره فى عام 1944 انشاء الدراسة لمعهد الكيمياء الصناعية بجامعة فاروق الاول (الأسكندرية حاليا) الذى تحول عام 1954 الى قسم الهندسة الكيميائية بكلية الهندسة 15- قسم الهندسة المدنية :- قســم الهندسـة المدنية يهدف لتـخريج مهندســين فى التخصـصات الآتيـة (1) الهندسة الانشائية :- بدأت الدراسة بقسم الهندسة الإنشائية عام 1942 والقسم أحد الأقسام العلمية لقسم الهندسة المدنية (2) هندسة الطرق و المواصلات (3) هندسة الصرف الصحى |
ياريت يابشمهندس شريف تجيب لنا معلومات أكثر عن قسم الهندسة الحيوية الطبية وليه ملهوش اقبال جامد زي اتصالات مثلا خصوصا وان حضرتك بتقول ان ليه مستقبل ؟؟؟؟؟؟ ياريت الرد للإفادة
|
انا مش في هندسة انا لسه في ثانوي بس عاوز استفسر منك علي حاجة
اقتباس:
و ده بتوقف علي ايه يعني مين هيعرف اني عندي الموهبه دي ارجو الافادة و لك مني جزيل الشكر |
وايه اخبار قسم تجكم (control) دا كله بيشكر فيه هو في هندسه منوف وانا ناوي عليه يا ريت لو عندك معلومات توضح اكتر وحضرتك عامل شغل
ENG.Silence |
موضوع جااااامد جدااااااااااااااا وبجد مشكور علي المعلومات دي
|
عاوز اسالك سؤال تاني استاذ شريف
وهو ايه هو القسم اللي تدخله بس ليه مستقبل حلو يعني مش صعب اووووي و ليه شغلانة و شكرا ليك |
انت جاااامد بس ياريت لو عندك معلومات عن الكتروميكانيكال او بتروكيميكال تفيدنا
|
شكرا على المجهود دة وربنا يوفق الجميع
|
مشكور على الموضوع الشديد ده
|
ميرسيه جدا على الموضوع الجامد ده
ياريت معلومات عن قسم الحاسبات أنا جامعة قناة السويس0بورسعيد0 |
بصراحة نفسى حد يعرفنى على كلية الهندسة بالسويس (هندسة البترول والمناجم) ولكم جزيل الشكر
|
هييييييييه السنه خلصت يا بشر ونعتبر دلوقتى )1/5( مهندسين مصرىيين خدنا خبره سنه ف الكليات الهندسيه ------------------ ودلوقتى بقى هنبدأ نحدد نخش قسم ايه -------------------- الف مبروك للجيل بتاعى وبالتوفيق للجيل بتاع السنادى اللى هيطلعوا معانا |
[quote=shrief_2008;6300
[B]السلام عليكم ورحمة الله وبركاته:-[/B] شكرا للافادة بشمهندس شريف انا اخوك من هندسة المطرية مخلص اعدادى وكنت عايز اسال هل هندسة المطرية ليست بالاسم الجيد الذى يستطيع ان يجعل خريجها صالح للعمل ام هندسة عين شمس والقاهرة هم افضل واكثر فرص فى العمل. بصراحة انا حاسس ان اصحابى الللى فى عين شمس والقاهرة بيستعروا منها. -هل احسن قسم مدنى فى عين شمس واحسن طبية فى القاهرة؟ عشان دول القسمين اللى داخلين دماغى وهل تعرف معلومات عن التحويل للقاهرة عشان عايز اخش قسم طبية لسببين:- 1-اسم الكلية. 2-حلوان بعيدة جدا عنى. وياريت تجاوب على اسئلتى000000000وشكرا. |
[quote=shrief_2008;630017]السلام عليكم ورحمه الله وبركاته
اولا:حابب ابارك لكل اللى دخلوا هندسه ثانيا:ديه معلومات عن اقسام كليه هندسه يارب تفيدكم بسم الله الرحمن الرحيم أولا الاقسام الموجوده بكلية الهندسة بحلوان ميكانيكا 1. طبعا اجمل قسم فى الهندسة.... اللى يدخل ميكانيكا لازم يعرف انة قسم صعب جدا بس لو حتحبوا حيكون لذيذ جدا...... ممكن ترد على اسالتى بصراحة وماتحاولش تبرر اى حاجة عشان انت جامعة حلوان زييى عشان دا مستقبلى وممكن تقولى اذا كان رسم مدنى صعب ولا اذا كانت عندك خلفية |
[quote=mahmoud hamed abd el gwad;1449301]
اقتباس:
لكن مش معنى اسهل إنه مدني فعلاً سهلة لما يكون عندك اتنين كبار في السن واحد فيهم اصغر بس هو مش صغير اي حاجة في هندسة لو انت داخلها عن حب كل حاجة ستذلل لك صعابها لكن مدني صعبة واللى مبيعرفش يتخيل ومش غاوي الحاجات ده يبقى بلاش يدخل احسن مدني فيها رياضة ورياضتها شديدة (حسب مدني اللى عندنا) فمادام ده اللى انت عايزه ادخله من غير ما تبص لشكل المنهج |
اقتباس:
يا ريت الافادة فى الموضوع ده لانى بفكر فى القسم ده ومحتار فى ناس بتقول لا علشان لانت بتبقى متخصص فى ميكانيكا ولا كهربا شوية من هنا وشوية من هنا وبتطلع تشتغل نفس شغل ميكانيكا فلزمتها ايه ؟ وعايز اعرف هو فى اى جامعات مصر بالظبط؟ غير اسيوط وهل هو موجود فى القاهرة او عين شمس؟ |
مشكور يا بشمهندس علي مجهودك الاكثر من رائع
بس يا ريت تجاوبني علي سؤالي هل مدني افضل ام طبية من حيث فرص العمل وهل طبية قسم صعب ؟ شكرا جزيلا علي موضوعك |
ايه ياشمهندس انت نفضت كده ليه؟
|
اقتباس:
هو ببساطة قصده إنك لو هاوي الحاجات ده ميكا صعبة وكهربا صعبة والدمج بينهم لو انت ابدعت فيه مش حقولك حتبقى ايه ....:d حتتميز فيه يعني مش قصده حاجة وحشة :d |
اقتباس:
|
اقتباس:
مانا رديت فى الموضوع التانى و قلت عين شمس و حلوان :d |
على فكرة انا لسه عارف ان القسم ده موجود فى عين شمس كويس الحمد لله يعنى لو فى يوم من الايام فكرت فيه هيبقى قريب منى ربنا يهسل ويستر ان شاء الله ادى حكاية من الحكايات خلصت نخش عالباقى
|
اقتباس:
معلش بس سؤال انا قلت عين شمس و حلوان انت قريب ازاى منك يعنى مش فاهمة ؟!! :d |
اقتباس:
ana asf ana hakteb franko 3ashan ghazy msh met3rb ana handasa alex w da5el 1 msh e3dady bielnsba llksm elly ent btklm 3aleh esmo btrokemawyat w btdf3 10000 fi elsana howa malosh e3dady bs bta5od nafs mwad e3dady fi sana 1 in english mafhosh 3araby 5ales mafhosh s2ot 5als feh sammer courses eldrasa msh sa3ba 5alles la kwysa ma2drsh a2olk nzam sho3`loh eh 3ashan mafish wala dof3a et5rgt mnh bs ana msh men elnas elly btns7 beh fi ra2ey el3am a7sn mn elaksam el5asa w yaret akon afdtk a5ok ahmed |
ana 3ayez a2ol lly by2ol madny sahl
ana fi handasa alex sana 1 sa2et feha fi madny 700 sha5s ya3ny akter mn nos eldof3a |
ممكن يا بشمهندس تتكلم عن الهندسة البحرية لان انت نسيت القسم ده
|
و الله يا بشمهندس لقد جعلت مني اكثر شجاعه في التقدم لقسم الميكانيكا بعد اعدادي والدي كان بيقولي يا بني انت بعد ماتخلص ميكانيكا هنفتحلك ورشه وتلبس العفريته وتبقي اسطي اد الدنيا بس بكلامك ده شجعتني اوي شكرا لك
|
اقتباس:
فلو فكرت فى القسم ده هيبقى قريب منى لانى من القليوبية وعين شمس وشبرا قريبين من بيتى مش 10 دقايق يعنى حوالى ساعة الاربع مش زى اسيوط يعنى بس هى دى الحكاية كلها |
اقتباس:
بس بياخد من مقبول |
ما هو قسم أجهزة طبية عايزين شوية كلام عنه
|
| جميع الأوقات بتوقيت GMT +2. الساعة الآن 07:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.