|
***معنى الصداقه ***
قال الحكماء في الصداقه الصداقة ليست حروف تنثر,أوكلمات تقال,إنها نبضات قلب ,وهمسات وجدان,هي مشاعر وإحساس,من وحي والهام القلوب,مائها الحب,وشعارها الأخلاص,ومضمونها الوفاء,وعنوانها التواصل,لا تعرف التوقيت ولا التعليق,غايتها اختلاط القلوب,وتمازج الأرواح,معنوية الأركان غير مادية الأجزاء,أساسها متين,محكمة القواعد,بابها مكتوب عليه نأسس لنبني لا نبني لنهدم,وعلى جدرانها الحب لا يعرف دوران المصالح,وعلى أرضها منقوش ما بني على فاسد مصيره إلى زوال,أي ضع الأساس على صخرة وإلا انهار البناء,بنيانها لا يتصدع بعد التمام,لا تأثر فيها عوامل التعرية,تتلاشى جنباتها بعد التمزق,إنها باختصار شريان الحياة,ووصل السماء,وينبوع الأرض ,لا ينقطع سيبها,مددها فياض,هي لمن عرفها الحصن الحصين,والركن المتين,الذي يأوي إليه في كل وقت وحين,منها يستقي الدفئ والحنان,ويأمن في كنفها من شرور حوادث الزمان والمكان http://home.kuwaitchat.net/m5q8chat/frinds2.jpg ومن اقوال الحكماء في الصداقة أصدقائك ثلاثة : صديقك وصديق صديقك وعدو عدوك ( الأمام علي عليه السلام ) لا يكون الصديق صديقا حتى يحفظ أخاه في ثلاثة : في غيبته ونكبته ووفاته : ( الأمام علي عليه السلام ) من صاحب الأنذال حقر ، ومن صاحب العلماء وقر ( الأمام علي عليه السلام ) اعجز الناس من عجز عن اكتساب الأخوان ( الأمام علي عليه السلام ) أنب صديقك سراً وامدحه جهراً ( الأمام علي عليه السلام ) لا تقطع أخاك على ارتياب ولا تهجره دون استعتاب ( الأمام علي عليه السلام ) المودة والاخوة سبب التآلف ، والتآلف سبب القوة ، والقوة حصن منيع وركن شديد ، وبها يمنع الضيم وتنال الرغائب ، وتنجح المقاصد . ( حكيم عربي) إذا رأيت من أخيك آمرا تكرهه ، أو خصلة لا تحبها فلا تقطع حبله ، ولا تضرم وده ، ولكن داو جرحه ، واستر عورته وابقه ، وابرأ من عمله ( حكيم عربي) صديقك من صدقك لا من صدقك ( الأمام علي عليه السلام ) أن تجد صديقا بين مئة رفيق فمنم حقك ان تبحث عن الكنوز ( يوحنا قمير) الصداقة تزرع الحياة أزهارا ( مي زيادة ) في الصداقة تنبعث والرغبات والأماني جميعا بلا ألفاظ ( جبران خليل جبران ) لا تقطع صديقا وان كفر، ولا تركن إلى عدو وان شكر ( عمر بن عبد العزيز ) مجالسة الأخوان مسلاة الأحزان ( ابن عائشة القرشي ) صديقك هو كفاية حاجتك هو حقلك الذي تزرعه بالمحبة وتحصده بالشكر هو مائدتك وموقدك ، لأنك تأتي أليه جائعا وتسعى وراءه مستدفئاً ( جبران خليل جبران) الصداقة الحقيقية هي التي يشترك فيها العقل والقلب والضمير ( أمين الريحاني ) اذا مات لي صديق سقط مي عضو ( ابو حاتم السجستاني ) ليس عندي الذ من صديق أفرح معه مودته التحفظ (سليمان بن عبد الملك) أحذر من الكريم إذا أهنته ، واللئيم إذا أكرمته ، والعاقل إذا أحرجته ، والفاجر إذا عاشرته ( حكيم عربي ) أخوان الصفا خير من مكاسب الدنيا ، هم زينة في الرخاء وعدة فبي البلاء ومعونة على الأعداء ( شبيب بن شبة ) متى اصبح صديقك بمنزلة نفسك فقل عرفت الصداقة ( مخائيل نعيمة ) الصداقة كنز ثمين لا يعرف قدره ألا صانعوه ، وثمرة نادرة شهية لا تينع ألا بعد حراثة وعناية ( منوال يونس ) خير ما اكتسب المرء الأخوان ، فانهم معونة على حوادث الزمان ونوائب الحدثان وعون في السراء والضراء (حكيم عربي ) الصديق النصوح من بصرك في مواضيع رشدك وعواقب غيك ( حكيم عربي) اصطف من الأخوان ذا الدين والحسب والرأي والأدب فانه عون لك عند حاجتك ، وركن عند نائبتك وأنس عند وحشتك ( حكيم عربي) الأخ نسيب الجسد والصديق نسيب الروح ( ابن المقفع ) أخوان الصدق خير مكاسب الدنيا ، هم زينة في الرخاء وعدة في البلاء ( ابن المقفع ) ليس سرور يعادل لقاء الأخوان ، ولا غم يعادل فراقهم ( حكيم عربي ) الصديق الحميم عدة في البلايا ، وعمدة في المحن وبلسم في النوائب ، ومرهم في الشدائد ( حكيم عربي ) شر الأخوان الواصل في الرخاء والهاجر عند الشدائد ( حكيم عربي ) اذا صاحبت ، صاحب من ينسى معروفه عندك ( الفضل بن غسان ) نجني اللهم من صديق يدعي انه يحبني فوق محبته لنفسه ( مخائيل نعيمة ) الصداقة ذات المنافع فبئس التجارة هي ، وتبا للرصيد الحقير ( بولس سلامة ) قد جعل الله في الصديق البار عوضا من الرحم المدبر ( القاسم بن محمد) اعجز الناس من قصر في طلب الأخوان ، واعجز منه من ضيع من ظفر به منهم ( خالد بن صفوان ) من حق الصديق ان يتحمل من صديقه ثلاثا : ظلم الغضب وظلم الدالة وظلم الهفوة ( الأحنف ) مما يجب على الصديق لصديقه الإغضاء عن زلاته والتجاوز عن سيئاته ، فان رجع وارض وآلا عاتبه بلا إكثار فان كثرة العتاب مدرجة للقطيعة (حكيم عربي ) وبقول لاى صديق زعلان منى ياريت تنسى الى فات وانا بتاسف على اى حاجه عملتها غلط |
شكرا على الموضوع
بس مفيش اصدقاء للدرجة دى لايام دى |
الله عليك
بس هقولك حاجة صعب قوى انك تلاقى صديق زى ماتحب الأيام دى شكرا على التوبيك الجامد جدا |
اقتباس:
اقتباس:
للاسف اه صعب بس مش مستحيل شكرا على مروركم |
انك تلاقى صديق
دة صعب لدرجة المستحيل حتى لما حد بيتكلم بيقول دة من رابع المستحيلات لان التالتة هى الخل الوفى فى امان الله |
اقتباس:
ليه يا سعيد من رابع المستحيلات ؟ لسه الدنيا بخير مش سودا اوى كدا وشكرا على مرورك يا سعيد |
شكرا التوبيك تسلم ايدك
بس صعب انك تلاقي حد كده الايام دي |
اقتباس:
بالله عليك ما تفكرنى بيسرى الجمل ههههههههه |
اقتباس:
اقتباس:
افتكرلنا حاجه حلوه يا سعيد بقى ههههههههه |
هو الصراحة التوبيك جميل
بس انا من رايكوا برضه بس مش صعب ده مستحيل بجد بقينا خلاص فى دنيا المصالح والاقنعة |
اقتباس:
هوا فيه ايه كله كدا بيقول مستحيل مش معنى ان واحد يتخدع من واحد يبقى الكون كله زى الواحد دا !! لسه فيه ناس طيبين و بخير شكرا على مرورك يا فيفيان |
شكرا لك على التوبيك
بجد جميل بس صعب انك فعلا تلاقي حد كدا شئ اصبح نادر في امان الله |
جزاك الله خيرا حقيقى موضوع رائع
تسلم ايدك |
اقتباس:
عندك حق انا من رأيى ان مفيش صداقة الايام دى بجد وعن تجربة |
اقتباس:
اقتباس:
اقتباس:
شكرا على مروركم الجميل دا |
الحمد لله انا محظوظ باصحابى اوى
ومش عاوز غيرهم وهما فيهم معظم الصفات اللى اانا عاوزها شكرا على الموضوع الجميل |
جميله قوى دى
اقتباس:
اقتباس:
اقتباس:
اقتباس:
اقتباس:
اقتباس:
فى رعايه الله |
اقتباس:
وبجد انك تلاقى صديق فيه كل المميزات ال انت عايزها يلا نبقى نفصله:D شكرا على الموضوع الجميل دا |
بصراحه اتا موش عارف اقتبس ايه ولا ايه
الموضوع كله على بعضه هااااااايل |
يااااااااااااااااااااااه موضوعك جميل اوى بس للاسف مفيش حد يستاهل كلمة الصداقة فى الزمن ده مفيش حد يعرف معنى الكلمة دى صح ممكن تكون الكلمة دى من زمان او فى الخيال انما فى الواقع اللى عايشينه صعب كلمتين اصعب من بعض انهم يكونوا موجودين فى الزمن ده (الصداقة) و (الثقة) انما الاسهل اننا نلاقى الخيانة والغدر وكل حاجة تدل على الكلام ده لان احنا دلوقت فى زمن المصالح او ................ كفاية كده لحسن انا هفتح على السابع لو في بجد احييك على موضوعك لو اعرف اقيمه اديله تقدير ممتاز جدا |
اقتباس:
الأفلام الابيضو أسود هتطلع علينا ولا إيه علي فكرة رأيك الشخصي مش قاعده عامة أنا ليا أصحاب بيخافو عليا أكتر من نفسي و مفيش مصلحة تجمعنا و الله العظيم ما أجمل الحب في الله :D:D:D:D:D |
هل يا ترى اجد صديق من مثل هذه النوعيه لا اقول جميعها ...اعتقد عمرى فى حياتى ما قبلت احد فيه هذه الصفات الحميمه اليوم الاصدقاء هم اصدقاء اللحظه !!!! وليس اصدقاء الاخلاص ولا المحبه للبعض
اتمنى ان ارى من مثل هذه النوعيه شكر عزيزى على موضوعك الرائع كولو |
جزاك الله كل خير يا اخى على هذا الموضوع الجميل....
عموووررر... |
أنا و الله بتكلم بجد أنا تقريبا كل أصحابي إحنا مع بعض أكتر من إخوات
و مفيش أي مصلحة فيهم اللي هو أكبر واللي أصغر من و ملناش أي مصالح مشتركة ما يجمعنا و الله هو الحب في الله و هذا هو ثمرة إختيار الصحبة الطيبة |
اقتباس:
اهو محمود رايه من رايى هل محمود فى دنيا تانيه ولا معانا فى نفس دنيتنا ؟ يا ناس لسه فى صداقه ولسه فى ثقه بس مش معنى ان الواحد يتخدع من واحد يبقى كل البشر خاينين ومفيش ثقه فى كله !!! شكرا على مرورك يا محمود اقتباس:
اقتباس:
اقتباس:
شكرا على ردك يا ترافل استحاله يكون مفيش صداقه ! لان كل بنى ادم فينا مولود بفطره طيبه بس المجتمع الى عايشين فيه هوا الى غير دا فانتى ممكن تغيرى من صفات الى مصاحباها وتغيرى الصفات الوحشه الى فيها لحلوه اقتباس:
اقتباس:
ايه يا حنان دا انتى لسه صغيره ليه متشائمه اوى كدا ولا غابه ولاحاجه بوصى حوليكى هتلاقى ناس بتحبك كتير وبتخاف عليكى اقتباس:
اقتباس:
تسلم يا مان على مرورك انت برضه اهو معانا فى نفس الدنيا الى عايشين فيها صح ولا انتا فى دنيا تانيه ؟ اصل الناس متفقه على ان خلاص مفيش صداقه ومفيش حب ومفيش حاجه الدنيا غابه !!!! ....... شكرا على مروركم كلكم وانا سعيد جدا بمشاركتكم |
ياااااااااااااه يا محمد الصداقه دى كلمه من زماان موش سمعتهاا بس اتمنى انى احسها قبل ما اسمعهاا
|
اقتباس:
شكرا على مرورك يا آيه كلنا نتمنى ان يبقى لينا صديق يخاف علينا ويتمنى لينا الخير |
الصداقة دي احلى حاجة في الدنيا وكلمة جميلة اوي بس للاسف بقت رخيصة اوي ..
انا ليا اصحاب كتيييييييييييييييييييييييييييييييييييييييير اوي ومخلصين جدا بس جربت الخيانة من 2 فكرهت نفسي بجد لكن لازم نثق في الي يستحقوا الثقة ثانكس اوي لموضوعك |
متهيئلى انا عقدنا صاحب الموضوع
هههههههههههه فى امان الله |
اقتباس:
ههههه فعلا اصله مش متخيل خالص ان اللى احنا قلناه فاكر ان فعلا فى صداقة فى الزمن الغريب ده اوعى تتعقد :D:D:D احنا بنقول الصراحة |
اقتباس:
شكرا على مرورك وفعلا دى احلى حاجه فى الدنيا اقتباس:
يا سعيد انا شوية وهاقتنع ان مفيش صحاب وهانزل اقتل صحابى الى تحت ههههههههههههههه االناس متشائمه اوى ياجدع وكله بيقولك الدنيا غابة وكلام كبير اوى ..... |
اقتباس:
بس بحب اعقد بس غيرى هههههههه والله فعلا ليا اصدقاء كويسين جدا بس المهم لما يحصل حاجة نصارح بعض مش نسيب بعض زى البنت الى بتحب ولد وبعدين ارجع اقول الغدر ومش عارف ايه؟ |
لا مش تتعقد ولا حاجة في اصحاب كتير مخلصين
عايزة اقولك اني اعرف حوالي 200 بني آدمة وبني آدم وجايز اكتر كمان .. في حياتي وعلى النت وكلهم بيعاملوني زي اختهم وبنحب بعض كلنا جدا ومخلصين ليا فعلا وبيقلقوا عليا وبقلق عليهم انا اصحابي الي في المدرسة احنا مع بعض من kg1 يعني داخلين على ال 13 سنة ... في صداقة بس اكيد في خيانة والخيانة دي بتوجع اوي |
اقتباس:
انا فى رايى ان الى معندوش اصحاب يفكر يمكن العيب منه هوا ... الموضوع دا عايز استطلاع راى صح ههههههههه |
اقتباس:
اصلى دايما بكون عارف كويس الى بصاحبة وبينى وبين نفسى بحدد علاقتى تبقى بيه ازاى فى امان الله |
اقتباس:
على فكرة انا اقصد الغدر بمفهومه عامة يعنى ده انطبق عليا وعلى صحبتى او على الفرقة اللى ماشية معاها (كلها بنات على فكرة) انا اقصد ان الغدر انى اثق فى واحدة وفى الاخر تطلع كدابة بتتكلم عليا من ورايا تكدب عليا شغالة نميمة وفى الاخر اتصدمت ان اللى ماشية ماعهم كلهم كده رغم انهم متقين وبيحافظوا على صلاتهم ومتفوقين والموقف ده اتكرر كتيير بس الحمد لله (لا يلدغ المؤمن من ........) وانا بجدارة مبثقش فى حد خااااالص حتى خيالى انما نظام (بنت بتحب ولد) !!!!!!!! معرفهوش صراحة |
اقتباس:
صراحة كدة يا ترافيل لو فعلا لاقيت غيبة ونميمة بروحله بقوله انت قولت كدة؟ وليه؟ عشان كدة ما بلاقيش مشاكل والحمد لله |
اقتباس:
صح يمكن العيب فيا خلاص احنا نعمل استطلاع راى واراهنك (بس الرهان حرام) :D:D:D ان نسبة الصداقة هتكون قليلة |
اقتباس:
بس انا شايف انها اهم حاجة للواحد او الواحدة فى امان الله |
اقتباس:
ماهو ده اللى عملته !!!! كل واحدة تمشى معايا وتتكلم على غيرها وانا اتخنقت لانى حسيت ان هيجى عليا اليوم اللى هيتكلموا فيه عليا وفعلا حصل وجه اليوم وعرفت انهم اتكلموا عليا وكانت معاهم صحبتى بس انا كل اللى عملته ببرووووووود شديد انى قلتلهم تعالوا ننزل نتمشى وخلتهم قدام بعض وفضحت كل حاجة اللى قال واللى مقلش وطلعوا كلهم غشاشين ومخادعين كلوا بيضحك على كلوا وكلوا بيتكلم على كلوا وقفت قدامهم وربنا مش عارفة اديانى حبة بروووود وهدوء اعصاب رهيب قلتلهم انا مش هعرف ولا واحدة من شكلكم انا عمرى ما اتاسفت لحد بس بتاسفلكوا انى ضيعت وقتى معاكوا ومشيت رغم محاولات الصلح اللى بتحصل الا انى لن اتراجع عن موقفى عيبى ان عاملة زى الاستيكة اللى بتمسح كل حاجة الحلو والوحش انا مبسوطة على فكرة اننا بنتبادل الراى :):):) |
اقتباس:
انتى شكلك حظك كدة يالا كلنا لها |
يا ترافل ان شاء الله انتى داخله مرحلة جديدة الى هيا الجامعة
وباذن الله هتقابلى ناس وهتصاحبى ناس |
اقتباس:
هههههههه مش قلتلك بس خلاص انا اتعلمت مبداين (احترم عقول الاخرين...لكن الا اثق بهم) (نعيب فى زماننا والعيب فينا وما العيب الا .......) مش فاكرة الباقى :D:D:D |
اقتباس:
|
اقتباس:
بيعجبنى فيك يا سعيد انك متااااااابع كل حاجة (انا مش بحسد) :D:D:D بس بجد مفيش حاجة بتتقال الا وبلاقى حلها معاك بجد ربنا يكرمك |
موضوع جميل اوى بجد الصداقه دى احسن حاجه والصيق لازم يكون مخلص لصديقه يبقى معاه فى كل حاجه وميحقدش عليه ابدا ويبقى بيخاف عليه بجد انا نفسى الاقى وحده فيها الموصفات دى كلها
وانا معاك ياترفل فى رائيك ان دكتورسعيد بجد ماشاء الله عليه متابع كل حاجه وردوده ماشاء الله عليها مقنعه وهادفه وعلى علم بلدين بجد ربنا يوفقك ويجعله فى ميزان حسناتك |
اقتباس:
مش فاهم كلامك كل حاجة وحلها معايا؟! ومتابع كمان كل حاجة؟ امال لما انا ابقى كدة يبقى الاستاذ احمد رضا ايه؟ ياريت لو فيه حاجة نقولها فى رسالة خاصة اصلنا قلبنا الموضوع هههههه اقتباس:
دة اجتماع بقى عليا شكلكم هاتعملوا انقلاب وتمسكوا الموقع بدل استاذ اشرف |
شكرا ليك على الموضوع الهايل ده
جزاك الله كل خير |
بارك الله فيك بس مافيش اصدقاء الايام دى
|
موضوعك حلو اوى يا محمد
فعلا الصديق دلوقتى بقا عمله نادرة هانقول ونعيد ايه خلاص مش بقا فى حاجه اسمها صديق بقا فيه حاجه اسمها المصلحه وبس بجد بجد جزاك الله كل خير يا محمد |
| جميع الأوقات بتوقيت GMT +2. الساعة الآن 10:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.