لو سمحتووووووووووووووووو
 

لو سمحتو انا عايزة اعرف ايه المجموع الي ممكن اخش فيه صيدلة في جامعة 6 اكتوبر بس انا لسه في الثانوية
:confused: بليييييييييييييييييييز ردو عليه

انا على حسب ما بسمع 80 فى المية

بس متفكريش فيها

شدى حيلك وان شاء الله تخشى حكومة

وربنا يوفقك

لا حبيبتي انا مش مصريه عشان كده عايزة اخش اهلي بس انا سمعت 65-75 بالميه بس عايزة اتأكد اكتر

مجلس الجامعات الخاصة :
79% للمصريين و65 للوافدين بالصيدلة وطب الأسنان

كتب - مجدي طنطاوي:

قرر مجلس الجامعات الخاصة برئاسة الدكتور هاني هلال وزير التعليم العالي والدولة للبحث العلمي تخفيض الحد الأدني للقبول بكليتي طب الأسنان والصيدلة الخاصة إلي 79% بدلاً من 80% للعام الجامعي 2008/2009 نظراً لانخفاض عدد الطلاب الحاصلين في الثانوية العامة علي 80%.
كما قرر المجلس قبول الجامعات الخاصة نفس أعداد الطلاب التي تمت الموافقة عليها في العام الماضي بشرط تحقيق جميع الكليات لنسبة 50% من إجمالي أعضاء هيئة التدريس من المعينين وتخفيض الأعداد المقبولة بكليات الطب بنفس نسب التخفيض التي طبقت علي هذه الكليات في الجامعات الحكومية.
وافق المجلس علي فتح باب القبول للجامعات الخاصة علي ثلاث مراحل تبدأ المرحلة الأولي 9 أغسطس القادم وتستمر لمدة عشرة أيام والمرحلة الثانية بعد ظهور نتيجة المرحلة الثالثة للتنسيق أما المرحلة الثالثة فتكون في الأسبوع الثاني من أكتوبر القادم.

طلام مش مصرية يبقى احسنلك ادرسى الطب فى أى دولة تاااااااااااااانية
وأفضلك الأمارات
وربنا يوفقك

انا مقيمة في مصر.. يعني ايه الفرق ممكن افهم

هيا عايزة صيدلة مش طب يا دكتورة ماجدولين :p

شكرااااا
الكلام ده بينطبق على العرب الي واخذين الثانويه العامة في مصر؟

الفرق يا دكتورة
ان دراسة الطب فى مصر متدهورة
ومش مهتم بيها من قبل أى جهة:(
وكمان الأهتمام بالنظرى سائد ع العملى وعشان كدة
برة أفضل من ناحية الدراسة...مش أكتر
بس طلام انتى هنا فى مصر
فأهلا وسهلا بحضرتك معانا
أرق التمنيات بالتوفيق

معلش يا جماعة
مش قصدى
انا ساسا مخى مش معايا دلوقتى:(
عموما مفرقتش كتير
أكيد حال الصيدلة مش أفضل من الطب:confused:
بس طالما جيتى للصيدلة
يبقى أطلع منها أنا:)
بالتوفيق
ومعلش مرة تانية ع التشتيت
والله غصب عنى

لو قصدك على الفرق بين صيدلة و طب في جامعة 6 أكتوبر أو أي جامعة خاصة فيه فرق في الحد الأدنى للقبول بكل كلية على حدة و فيه فرق في سعر كل واحدة و طب 7 سنين و صيدلة 5

وبالنسبة لأسعار صيدلة لغير المصريين بالدولار
Year
U.S ($)

1st
7450

2nd
6750

3rd
6750

4th
6500

5th
6350


وطب

Year
U.S ($)

1st
11000

2nd
10200

3rd
10200

4th
9100

5th
8700

6th
8750

Intern ship
5000

ولا يهمك يادكتوره وشكرا على مرورك

..............................

لو عايزة تعرفي الفرق بين دراسة الطب أو الصيدلة في مصر و الفرق لو بلد تانية

شهادة الجامعات في مصر سواء طب ولا صيدلة غير معترف بها ولازم تعملي معادلة أمريكية أو كندية عشان تسافري تشتغلي بره مصر
,انا أخويا في طب و عارف كل الحوارات ديه

يعني مثلاً جامعة عين شمس على سبيل المثال سقطت في التقييم العالمي !!

أه على فكرة ده موقع جامعة 6 أكتوبر http://www.o6u.edu.eg/index.htm

يعنى أنا من دلوقتى أخدها من قاصرها

وكفاية عليا الثانوية العامة

انا مقيمة هنا بمصر بقالي سنة ولسه السنة الجاية واخلص الثانويه بس للأسف السنة دي المجموع كان مش ولا بد فعايزة اعرف ان كلامك ده بينطبق علي واخذين الشهادة من مصر؟؟

يا لهويييييييي يعني الشهادة هنا مش معترف بيها ؟؟؟؟؟؟؟؟؟؟؟؟؟؟؟؟؟؟

لأ هيا معترف بها داخل مصر بس !!! لكن بره مصر لأ ده بالنسبة لطب عين شمس !!!!
وعموماً أي حد بيدخل طب لازم يعمل ماستر ولو قدر كمان يعمل Ph.d !!!
لأن دلوقتي مش زي زمان محدش يقدر يشتغل ببكالوريوس طب و جراحة عامة !!!!!!!

أنا بتكلم على طب لأن أخويا فيها لكن صيدلة مش عارف !!!!!!!:confused:

يعني انا لو خشيت اكتوبر معترف بيها الجامعة دى ولا ايه؟

اسفة مش هاقدر افيدك في الموضوع ده بس ربنا يوفقك

أفهم من كدة أن كل جامعات مصر معترف بيها برة
ما عدا الجامعة دى ولا العكس؟؟؟؟؟؟؟؟!!!!!!!!!:confused:
طب أزاى؟؟؟؟؟؟؟؟؟؟
لو مش هيعترفوا بعين شمس هيعترفوا بميييييييييين؟؟؟؟!!!!!!!!

شكرا جزيلا على المرور

إلى حدِ ما في الدول العربية ( الخليجية بيعترفوا بها ) لكن مش كل المستشفيات و مش كل الدول العربية و لو أعترفوا بطب عين شمس بيطلبوا تقدير و دراسات عليا ( Master + PHD )
+ American Board !!

بس انا صيدلة مش محتاجه مستشفى تقبلني...ولا ايه؟
اصلا انا مش فاهمه ايه النظام في الجامعات عشان كده بسأل وانا اسفة لو ازعجتك

وخير دليل على كلامي هذا أن أي كلية طب حكومية مش شغالة بنظام الساعات المعتمدة ولما بتروحي في أي دولة بره مصر عشان تعملي معادلة أو ماستر أو Ph.d بيسألوا على عدد الساعات المعتمدة اللي خدتيهم في درجة البكالوريوس !!!! و بيطلبوا إثبات من الكلية اللي كنتي فيها أنك خلصتي عدد معين من الساعات في كل مقرر و طبعاً الكلام ده مش موجود في كليات الطب الحكومية في مصر !!!!! بس موجود في كليات الطب الخاصة أو كليات الطب اللي بره مصر (دول عربية أو أجنبية ) !!!!

بصي هو أنا موضوع صيدلة مش متأكد منه !! بس هيا ال Auc ( الجامعة الأمريكية ) وال Guc ( الألمانية ) معتمدين بره مصر أكتر من جامعة 6 أكتوبر !!!!!!!!!

قصدك الجامعة الاميركية الي هيا msa ؟ انا بسمع عن دي..طب والمصاريف زي الي انت كتبتها قبل شويه ؟

MSA = Modern University For Science & Arts ( جامعة أكتوبر للعلوم الحديثة والأداب) ديه ب 1700 جنية أستيرليني في السنه وموقعها http://www.msa.edu.eg

AUC = American University In Cairo ( الجامعة الأمريكية بالقاهرة ) و سعرها مش عارفه بصراحه !!! وموقعها www.aucegypt.edu

GUC = German University In Cairo ( الجامعة الألمانية بالقاهرة ) و موقعها www.guc.edu.eg

اللينك ده فيه كل جامعات مصر الخاصة
http://www.egy-mhe.gov.eg/private.asp

ميرسي انا تعبتك معاياه