|
***الطب البيطرى***
اهلا يا دكاتره
انا اولا احب اعرفكوا ان ليا الفخر انى بعد الثانويه هفضل فى المجموعه الطبيه هنا معاكوا ومش هروح مكان تانى الموضوع ده انا عامله مخصوص لطلاب الطب البيطرى والاطباء البيطريين المتخرجين بغض النظر عن الجامعه اللى بيدرس فيها المهم ان احنا نبقى متجمعين فى مكان لينا فى المنتدى علشان لو فيه اى مشكله او اى حاجه عايزين نتكلم عليها فى المنهج بتاعنا تبقى نتكلم فيها هنا ان شاء الله الطلاب او الدكاتره الكبار يفيدونا بالمعلومات اللى عندهم واللى احنا اكيد هنحتاج نعرفها هنا وان شاء الله الدفعه الجايه تبقى تستفيد مننا وهكذا والموضوع ده مش بتاعى لوحدى الموضوع ده بتاع كل طلاب البيطرى ودكاتره البيطرى وياريت كل اللى فى طب بيطرى هنا فى المنتدى يدخلوا يعرفونا بنفسهم الاول وبالجامعه اللى هو فيها علشان نبقى عارفين بعضنا وشكرا للجميع على دخول الموضوع |
ربنا يوفقك
|
أهلا يا دكتور بيوب
أنا معاك ان شاء الله في الموضوع أنا جايلي بيطري بنها وان شاء الله هحاول أحول المنصورة وياريت أعرف انت في سنة كام وايه رأيك في الكلية؟؟؟؟؟؟؟؟؟؟ |
والله كنت ناويه اعمل موضوع زي كده
شكرا ليك علي السبق والله الواحد عمره ماهيندم انه دخل بيطري بمزاجه او مضطر بس بجد نظرة الناس ليها هتتغير بايدينا مش بايدين حد تاني عايزه دكاتره بيطرين متخرجين يدخلوا يقولولنا نظام الدراسه وكل حاجه عنها بجد نفسي اعرف كل حاجه عن الكليه |
اقتباس:
انا زيك بالظبط فى كل كلمه كتبتيها الفرق الوحيد انك بنت وانا ولد انا بيطرى بنها لسه هروح اول سنه وبصراحه ماعجبتنيش الكليه وعاوز احول المنصوره |
اقتباس:
ان شاء الله ربنا هيوفقنا فى الكليه دى انا هحاول اعرف ايه المواد اللى علينا او الاقسام بس مش عارف ايه اللى علينا فى اول سنه بالظبط |
ممكن انا بقى افيدكم انا طب بيطرى بنها الفرقة الثالثة بس انا من المنصورة..................اصلى االعشاء واجى ارغى براحتى
|
بسم الله الرحمن الرحيم: اولا اهلا بيكم فى بيطرى سواء بنها او المنصورة بس خلى بالكم انها هتفرق...........اللى هيفضل فى بنها هكلمه عن كل حاجة............................عموما: بيطرى بيدرس مواد علوم فى بنها انما المنصورة مش بتدرسه والمنصورة بتدرس وراثة فى اولى وبنها فى تانية...........نبدا بمواد علوم الترم الاول كيمياء وفيزياء هتخافوا شوية من علوم لكن اهم حاجة عندهم تشترى شيتات وتكتب عليه اسمك وتحضر سكاشن ومن غير ماترهق نفسك فيها وتضيع مواد بيطرى بتاخذ تقدير واهم حاجة احترام الدكاترة.....................فى الترم الثانى بيولوجى...................اما مواد بيطرى اهم حاجة اللى هقوله :هستولوجى(علم الانسجة والخلية) اهم حاجة فى المادة دى واللى عليه الجزء الكبير من الدرجات هو الرسم مش ممكن تجاوب سؤال من غير ماترسم ممكن مش تعرف كلام عن حاجة معينة بس لازم ترسم كويس.............فسيولوجى(علم وظائف الاعضاء)يعنى تهتم بالوظيفة ومتعدشى ترهق نفسك بتشريحه وتركيبه الهستولوجى لانه هيحاسبك على الوظيفة(ميمنعش تعرف تشريحه بس مش تتجاهل الوظيفة)...................اناتومى(تشريح)تعرف مكان العضو فى الجسم.........العملى بتاعه حاول تحفظ شوية فى السكشن ومتخافش لو محفظتش المهم المراجعة................اما البيو(كيمياء حيوية) امانة عليكم تذاكروها محاضرة محاضرة لان كلها(structure)يعنى تركيب ولازم مش تسيبها تتراكم
|
نسيت احنادرسنا وراثة فى تانية روعة للى فاهم وراثةوdnaبتاع الاحياء لذلك جبت فيها تقدير (جيد جدا)
|
انتى متاكده ان فى بنها بيطرى بيدرس مواد علوم انما فى المنصوره مابيدرسوش غير مواد بيطرى؟
|
ايوه ..........صاحبتى كانت قالتلى كده ولزيادة تاكيد هتصل بها واطمنك بكره
|
كمان سواء بنها او المنصورة بتدرس حاسب وe واحصاء
|
اولا انا اسف يا دكتوره على قله الزوق اللى دخلت بيها من غير ما ارحب بيكى فى الموضوع ده انا دخلت سألت على طول ومن مفجأتى نسيت اشكرك
الحمد لله اننا لقينا حد يساعدنا هنا فى المنتدى ونستفيد من خبراته والله انا مش عارف من غيرك كنا هنسأل مين شكرا ليكى عموما على دخولك الموضوع واهتمامك ومعلش هنتعبك معانا فى الاسئله شويه |
مفيش تعب ولا حاجة واتمنى افيدكم وده من البحث لقيتالفرقـــة الأولـــى Anatomy Histology Biochemistry Genetics Genetic engineering.............ومش كاتب اى حاجة عن علوم
|
انااسفةياجماعة مضطرية امشى اللى عايز يسال يكتب السؤال وانا هجاوب باذن الله بكره............ويارب النت ميفصلشى كالعادة..........مرة تانية معلشى غصبا عنى
|
طيب انا كنت عاوز اعف منك يا دكتوره بما ان ليكى اصدقاء فى المنصوره
هو ممكن الواحد يجيب تقديرات بسهوله من اى كليه المنصوه ولا بنها؟ |
ممكن أعرف يادكتورة احنا بندرس كام مادة في السنة الأولى
وسهل نجيب تقدير كويس والل لأ وكمان أخر سؤال هوبيطري بنها أسهل واللا المنصورة |
اسفة على التاخير ..اولا بيطرى المنصورة مش بيدرس ابدا مواد علوم وهقول فروق بين بنها والمنصورة..........احنا بندرس هستولوجى سنتين (4ترمات)اما المنصورة ترمين ده بيسبب الشرايح بتكون كتيرة والمراجعة صعبة.
|
فى كل الاحوال بيطرى التقدير مش ممكن تجيبه غير بالمذاكرة............مش ممكن احكم بين الكليتين وانا مدرستش غير فى كلية منهم لكن اللى اعرفه ان دايما المنصورة جامدة شوية فى التقديرات لكن فى تقدير لغاية جيد جدا....اما فى بنها معظم المواد حسيت انى باخذ حقى بالظبط وعندنا3 جايبين امتياز..........كلمت صاحبتى اللى حولت وبجد قالت ان فى تقديرات كويسة فى المنصورة.
|
اللى بيحول بعد سنة اولى من بنها للمنصورة بيشيل وراثة+هستولوجى(حتى لو درست نصفه) بعد مادرسنا فى بنها مواد علوم (عرفتى اجابة السؤال اللى سالتيه).........اما بعد تانية بتشيل حقوق انسان:p:p(سهلة خالص وبالعربى)وبتبدل انتاج بتغذية(اصل فى مادة بناخذها فى تانية بياخذوه فى تالتة والعكس صحيح مع المادة التانية)
|
ايه اللخبطه دى
انا حاسس انى مش فاهم حاجه انا كنت فاكر ان فى المنصوره لناس بتجيب تقديرات بالعافيه اما فى بنها الموضوع سهل جدا وكمان بدام المنصوره ما بتدرسش مواد علوم يبقى اكيد المنصوره اسهل انا كده شربت مقلب جامد قوى شكرا يا دكتوره على التوضيح |
السلام عليكم ورحمة الله
اخوكم امجد من طب بيطرى السادات فعلا الموضوع رائع جدا وبحيكم كلكم على المشاركات الهايله دى واحب اقول حاجة ان كليتنا الوحيدة على مستوى الكليات اللى محدش بيدخلها ابدا بمزاجه لكن بعد اما تدخلها هتحبها جدا.....................جدا علشان مطولشى عليكم اى استفسارات عن طب بيطرى السادات ................انا مستعد للاجابه عليها واحب انوه للى عايزين يحولوا بنه يتاكدوا لانى سمعت انه................معهد خدمات بيطريه واخيرا برحب تانى بيكوا وباى حد دخل طب بيطرى السادات مستنى استفساراتكم........................!!! ه يا جماعه منتدى طب بيطرى السادات لمزيد من المعلومات ........!!!! ممنوع وضع اى موقع او ايميل من فضلك |
اهلا يا دكتر
شرفتنا هى طب بيطرى السادات دى خاصه.؟ انا حاسس انى عمرى ما سمعت عنها معلش اصلى فى منطقه مستخبيه شويه |
الحمد والشكر ليك يارب
انا بيطرى المنصورة طبعاا فى الاول كنت هموت ومحدش قلى فيه كلمة عدلة وكنت هحول سياسة و اقتصاد بس مجرد ملقيت حد قلى ادخليه وانا فكرة فيه اولا هزعل ليه على طبمانا هدرس انسان وحيوان ثانيا هزعل ليه على صيدلة هدرسها بردهوهبقى افضل ثالثا هزعل ليه على اسنان مانا هدرس كل الفكوك رابعا هبقى مطمنة للاكل والشرب اللى بنكلهمولينا مجالات كتير اخيرا هنبقى بكالوريوس العلوم الطبية والبيطرية بتوع طب بيبقوا الطبية بس وبتوع صيدلة بيبقوا الصيدلية ومهنتنا اصعب الحمد والشكر ليك يا رب معلش نسيت اشكركم واشكرك يا بيوب وبفتخر بنفسى ان ربنا اكرمنى ببيطرى المنصورة |
اقتباس:
|
يلا يا جماعة سالت صاحبتى اللى درست سنتين فى المنصورة الدكاترة كويسين...........مفيش مواد علوم ابدا(زى ما قلت).........والمفاجاة السنة دى ناس جابت امتياز (الحمد لله)...........الحاجة اللى صعبة شوية فى المنصورة بيدرسوا هستولوجى سنة واحدة وبالتالى مش بياخذوا فى تانية المادة دى.............عايزاكم لو حولتم المنصورة بقى تهتموا بالشرايح لان المراجعة صعبة شوية لان عددكم كبير فاهتموا من الاول
|
حاجة تانية...........فى عملى للتشريح صح......يعنى الامتحان يجى عينات وتقولوا اسمها...........لكن هنا فى المنصورة بيزيد عليها شيت نظرى العملى(بنها مش بتاخذوا لكن ممكن يطبق)...........قصدى ذاكروا نظرى العملى اول باول
|
فى بنها غير الهستولوجى 4 ترمات(سنتين) طول الترم بترسم من على الميكروسكوب وبعدين تاخذ اطلس مصور تحفظه.........نفس الاطلس 20 شريحة منه بتيجى على التليفزيون وتكتب اسمها بس.لكن المنصورة بتقول اسمها ووظيفة لها...............ياجماعة مش قصدى ابدا اقول الكلية دى مثلا حلوة والتانية لأ .انا نفسى انبهكم واساعدكم فى نفس الوقت حد عايز حاجة يسالنى وبجد هجاوب
|
فى بنها غير الهستولوجى 4 ترمات(سنتين) طول الترم بترسم من على الميكروسكوب وبعدين تاخذ اطلس مصور تحفظه.........نفس الاطلس 20 شريحة منه بتيجى على التليفزيون وتكتب اسمها بس.لكن المنصورة بتقول اسمها ووظيفة لها...............ياجماعة مش قصدى ابدا اقول الكلية دى مثلا حلوة والتانية لأ .انا نفسى انبهكم واساعدكم فى نفس الوقت حد عايز حاجة يسالنى وبجد هجاوب
|
اقتباس:
|
حد فيكم عايز اى سؤال تانى...................اللى عايز يستفسر عن حاجة يكتبها وان شاء الله هساعده
|
اقتباس:
اولا طب بيطرى السادات كليه عاديه زى اى كليه مش خاصه ولا حاجه هى بس يمكن تكون بعيده شويه بس اى معلومات تحب حضرتك تعرفها اتفضل وان شاء الله اقدر اوصلهالك |
ممكن اقترح اقتراح يا جماعه ان احنا نشترك كلنا على منتدى نكست وهو منتدى للطب البيطرى
الرابط ممنوع وضع اسم اى منتدى من فضلك/ |
معلش سؤال بس
انا عايزه حد يكون بس متأكد ويقوللي ع المجالات اللي ممكن اشتغل فيها بعد ما اتخرج ان شاء الله طبعا غير اني افتح عياده بيطريه اوي صيدليه بيطريه لان ده شرط بابا الوحيد حاجه كمان سمعت اني في بيطري لو جبت اول سنه امتياز ممكن احول صيدله الكلام ده صحيح ولو صحيح اعرف تفاصيل ولو مش صحيح اصحي من النوم بقي عشان ماحلمش كتير بس مرسي ليكو علي مساعدتكو وياريت لو حد راح بيطري القاهره يقول |
انا اولا احب اشكر الدكاتره الجداد اللى شرفونا فى الموضوع بتاعهم
بس يا جماعه انا بجد بجد بجد مش فاهم اى حاجه انا حاسس انى جاهل قدام المصطلحات دى لانى مش متعود عليها يا ريت نعرف ببساطه من حضارتكوا ايه مواد الترم الاولانى وترجمه اساميها ولكم جزيل الشكر على مساعدتنا لله فى لله |
حاضر انا هعتبرك بتسال عن طب المنصورة.........على فكرة انا اتكلمت عن كل مادة فى الكومنتات الاولانية بس ميمنعش اقولهم تانى.................الترم الاول هستولوجى (علم الانسجة والخلايا)بتدرس فيها تركيب كل حاجة فى الخلية مثلا زى الميتوكندري والليسوسوم وانواع الخلايا...........فسيولوجى(علم وظائف الاعضاء مثلا وظيفة الميتوكندريا...................تشريح على سبيل المثال الكرش بيوجد فى الجزء الشمال من الجسم والعملى تاخذ تشريح الرجل الامامية زى ما اقول لوح التف عليه بروز اسمه كذا..........بيو(كيمياء حيوية)بتاخذ الكربوهيدرات والدهون..........مثلا اللى بيكون الكربوهيرات السكريات الاحادية وانواع تانية مثلا الجلوكوز تاخذ تركيبه بيتكون من ستة ذرات كربون وترسمها ...وراثة(معظمها زى جزء الوراثة وdnaفى الاحياء........وبتاخذe ده ترم اول بس
|
اقتباس:
1-فى الطب الشرعى................ودى تتبع وزارة العدل 2-رقابه ...............................ودى تبع التموين والتضامن الاجتماعى 3-حديقة الحيوان.....................ودى تبع وزارة الزراعه 4-الحجر البيطرى....................ودى تبع وزارة الماليه او الزراعه والصحه 5-المجذر..والسلخانه................................. ................الصحه وممكن تشتغلى فى شركة ادويه ودى تعتبرر اصعب وظيفه فى الموضوع كله طبعا الكلام بتاع امتياذ ده كان زمااااااااااااااااااااااااان وانتهى اللى قدامك دلوقتى لما تخلصى الكليه 1-كورس bio chemistry (كيمياء حيويه )............وتبقى دكتورة تحاليل 2- اسمع ان ممكن تدرسى سنه فى صيدلة عين شمس وتاخدى باكالوريوس صيدله واللــــــــــــــــــــــــــــــــــــــــه اعلــــــــــــــــــــــــــــــــــــــــم |
اقتباس:
|
اقتباس:
|
شكراااااا ع الموضوع بجد احنا كنا محتاجين حاجه زى كده
انا داخله اولى بيطري اسماعليه وكنت عايزه اعرف لو ف حد دخلها يقولى ع نظام الدراسه هناك والمواد وكده وانا سمعت ان اول سنه بناخدها ف علوم هل ده حقيقى ولا ايه شكراااااا ليك مره تانيه ع الموضوع وتقبلو مرورى............. |
يا بيبا راجعى الردود وانتى هتعرفى المواد وما اظنش انها مختلفه عن المنصوره
اما انتى يا دكتوره سمرا بجد بشكرك على مجهودك معانا وانا استفدت من كلامك ده ان فى المنصوره احسن بكتير من بنها واسهل انا نفسى يا اما احول المنصوره يا اما اروح اسماعيليه لانها اقل من مجموعى وما اظنش ان حد هيعارض تحويلى ليها فى مكتب التنسيق |
انا لسه هدخل الكلية
بس الحقونى عيزين يحولولى تمريض |
بسم الله الرحمن الرحيم والله مش هقدر أساعدك لإني لسه ثانويه عامه :D بس انا ليا زوجة اخويا خريجة طب بيطري .. بتقولي هي الكليه سهله و لذيذه بس محتاجه مذاكره اوي و بتدرسوا الدواجن و السمك و الأدويه اللي بتعالج الحيوانات و كده .. و آخر سنه بس هي اللي الإمتحانات بتطول فيها و بتخلص في اغسطس كده .. هي كانت القاهره مش عارفه بالنسبه لمنصوره و بنها ايه النظام عموماً مبروك لكل دكاترة طب بيطري .. و بجد فيه نقص في دكاترة البيطري .. محتاجينهم جدا بس في البلد دي .. مش بنهتم بالحيوانات .. نهتم بالإنسان الأول المفروض ههههههههههه و على فكره ممكن خريج بيطري يسافر يشتغل بره في مجاله .. انا اعرف ناس كتير سافرت امريكا و دول كتير و الحمد لله ربنا رزقهم كتير يلا عقبالكم |
اقتباس:
حرام عليكى انا مش عارف يا جماعه انتوا مش حابينها ليه دا انا الفرحه مش سايعانى والله |
اقتباس:
واسافر جنوب افريقيا علشان احافظ على البارك من الحيوانات المفترسه وبالمره اخد عصام جوز اختى معايا وده ما يمنعش انى رايح لجميله بنت عمى برضه عموما قبل ما اجى هبقى اسلملكوا على ادم ههههههههههههههههه انا فعلا ناوى اسافرمن البلد دى شكرا ليكي يا بوسى على اهتمامك ويارب تطلعى دكتوره زى ما انتى عاوزه |
اقتباس:
|
اقتباس:
|
يا جماعه انا بقترح اننا ممكن نتعرف على بعض اكتر بصفتنا البيطرين الموجودين فى المنتدى وكمان نساعد بعض
|
اقتباس:
|
الموضوع بجد جميل
وردودك يا دكتورة سمراء أغنتني عن أي سؤال وياريت لوعندك أي معلومة تفيدينا بيها |
| جميع الأوقات بتوقيت GMT +2. الساعة الآن 11:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.