|
استاذنكم فى الانتحار!!!! باى باى!!!!!!!!!!!!!!!!
فى الإنتحار
أستئذنكم فى الإنتحار قررت بلا عناء فى التفكير , كان الأمر بسيطا جداَ , كان التساؤل الذى يلح على حينها لماذا تعيش ؟وبمنتهى البساطة لم أجد رد أستسيغه , وأعدت السؤال على نفسى نعم لماذا أعيش ؟حاولت جاهدأ أن أجد رداً واضحاً يحملنى من أرض الموت المختار إلى أرض الحياة المقترحة , لم أجد جمله منطقية واحدة السيد الفاضل /.............. ليس هناك وقت للتحية لقدأتخذت القرار وأنا فى كامل قوى الوطنية وفى كامل وعى بما حولى من أحداث ومستجدات .... ماذا أنتظر ؟ سألت نفسى هذا السؤال الموت فى هذا الوطن يأتى سريعا .... الموت فى هذا الوطن أصبح طقس يومى مثل طبق الفول وأقراص الفلافل الموت هنا أصبح رخيصا . سيدى الكريم لن أنتظر أن أموت مختنقا بغاز الدموع ويتفرق دمى بين بيان وزارة الداخلية وبين ضابط يريد فى نهاية الشهر مكافأة فض شغب وبين شعب يمصمص شفتاه لثوانى ثم يعود ليشاهد المسلسل اليومى , لا أريد ان تصافح وجهى عصى الأمن الخشنة يحملها جندى الأمن المركزى الذى لا يعرف الفارق بين الوطن وبين حظيرة مواشى والده. لن انتظر سيدى أن اموت بالسرطان جراء تناولى غذاءاً مسرطنأً مصنوع بعناية فائقة , غذاء زرع خصيصا لسرطنة جسدى , لن أنتظر حتى ياتى اليوم لأجلس مهموما محزونا كى استجدى من الناس أو أقترض ثمن جلسات الكيماوى الباهظة أو استغيث بالمسؤل الفلانى أو بالرئيس كى يعالجنى على نفقة الدولة ( إسوة بالراقصين ) أو أجلس أنا و أبنائى أمام المسجد يوم الجمعة كى أجمع ما يسد رمقهم .ولن أنتظر أن أصُاب بالفشل الكلوى من شرب المياه الملوثة و أن أناشد قاتلى ( من لوث المياه ) أناشده أن يعالجنى بنصف تكلفة أو مجانا أو حتى يسمح لى بالموت دون فضيحة .... وأموت قبل ان يستجيب لمناشدتى ( ألم يموت فتحى عامر قبل أن يستجيب له أحد ) .سيدى لقد أتخذت قرارى سانتحرلن أنتظر أن أموت تحت التعذيب بين يدى ضابط أمن لم يفهم بعد ما حدث للوطن (( ربما يفهم أكثر منا )) يصنفنى على أنى عدو للوطن وعدو له شخصيا وحاقدا على دخله المرتفع و وجاهته الإجتماعية وربما على الشاليه الخاص به فى الساحل الشمالى.فيضع الكهرباء فى جسدى ويعرينى ويضربنى .... حتى ألفظ أنفاسى الأخيرة بين يديه الكريمتين ..( سيقول تقرير الوفاة , توفى بالسكتة القلبية ) لا لن أنتظر ذلك... .لن انتظر سيدى أن أحترق فى قطار , أو فى حادث مرورى , أو يسقط منزلى على رأسى ... و أنتهى إلى رقم فى بيان وزارة الشؤن الإجتماعيه ويصرف لورثتى تعويضا لا يكفيهم نفقات الجنازة . لن انتظر أن تكبر أبنتى وأبنى ويتقدمان لوظيفة تليق بشهادتهيما الجامعية وبتقديرهما العالى , فيمنعان من ذلك لأن والدهما صاحب إتجاه معاد للحكومه , لأن والدهما له ملف فى أمن الدولة سيكتئبان وربما ينتحران مثل (عبد الحميد شتا ) طالب العلوم السياسية الذى رفضوه لأنه غير لائق إجتماعيا لن انتظر ذلك لن أنتظر أن يحكمنى أبن ابن حاكم ظالم واعيش مثل الشعوب الداجنة , فى إنتظار الذبح فى حالة إمتناعى عن منح الديكتاتور بيضة كل صباح, او لا قدر الله لو ضعفت خصوبتنا ولم نضع له البيضة . لن انتظر فى طابور المحكومين بإتصالات كونداليزا رايس وتعليماتها لن انتظر أن أموت كمدا فى طابور الخبز وغيرى من اللصوص ياكلون الخبز الفاخر يصلهم الى باب بيتهم اوربما وربما لديهم من يضع لهم الطعام فى أفواهمهم. أكتب لك الان سيدى وأمامى شيخ عجوز يعبث فى محتوى صندوق القمامة يبحث عما يفيده دعنى أذكرك أن الصندوق تابع للشركة الفرنسية , ها هو وجد ما يصلح , بعض أخشاب حملها وانصرف. لن انتظر الموت الرخيص ماذا أفعل إذا ؟!!! حسنا بعض أيام على الإنترنت أتعلم فيهن كيف أصنع قنبلة (( بدائية حسب بيان وزارة الداخلية )) لن يكلفنى الأمر كثيرا , عدة ساعات فى أى سيبر..... .وأكون مستعدا... لن أترك خلفى أطفالى لن اتركهم ليلوث الصحفيون المرتزقة شرفهم (( قالوا ان شقيقة الارهابى حملت سفاحا )) منة الله عامان سأخذها معى وأربط الفتيل فى جسدها وأحتضنها لحظة القصف ((لن تكون اغلى من ايمان حجو او الدره )) ياقوت 50 يوم .. سيكون رفيقى , هل يمكن أن اتركه يعيش فى غابة لينشأ عبدا يعمل مقابل 150 جنيه ويبشروه بعلاوة مايو التى يمنحها الرئيس ثلاثون جنيها يبشره بها مرسى عطا فى المسائى والرجل يتقاضى عشرات اللالف من الجنيهات شهريا. زوجتى 23 ستكون معى ... لن أتركها أيضا اذا لن تكون جريمة فردية رباعية هى سيدى الفاضل كل ما اطلبه منك هو توضيح الحقيقة للناس سأكون انا وعائلتى الصغيرة لم نتلقى يوما مالا من الخارج و لم ننتمى لتنظيم , لم نفهم معنى الخلية بعد لسنا متطرفين إلا لو كان حجاب زوجتى وصلاتى فى المسجد تطرف لا نريد إيذاء أحد لا نريد قتل أحد معنا سيدى الكريم سأحاول أن أنفجر فى ميدان عام , سأنتقى مكاناً بعيداً عن الزحام , لن أقف على الكوبرى أو حتى أسفله , حتى لا أشتت أفكار المحققين الأذكياء . سأحمل معى كل أوراقى شهادة ميلادى / شهادات تخرجى من مراحل التعليم المختلفة / شهادة خدمة الوطن / كارنية النقابة / بطاقتى / قسيمة الزواج / اوراق التحقيق معى فى الكلية / صور زفافى / شهادات ميلاد اطفالى / شهادات التطعيم / اقرا ذمتى المالية لن انسى تحليل الدى ان ايه انا لا اريد ارهاق المحققين لا اريد ان يحضروا سيارة المعمل الجنائى الامريكية لموقع الحادث , ساخفف عنهم كل شىءلا أريد أن أثقل كاهل المحققين , الصيف على الأبواب أريدهم أن يستمتعوا بشاليهاتهم الراقية ............. سيدى إذا مزق الإنفجار جسدى وتناثرت أشلائى على اسفلت الوطن فأرجو من شعبنا ( المتدين بطبعه ) أن يستروا سوءتى بأى شىء لكن لا اريدهم أن يفعلوا ذلك بجرائد الحكومية , أشلائى لن تتحمل ثقلها ... اريدهم أن يضعوا على أشلائى صفحات جريدة الدستور لتكون سترا لى أنا وزوجتى واطفالى ارجو ان تؤكد يا سيدي على محرريهم القوميين ( اخبار أهرام جمهورية ) ألا يكتبوا تعليقا على صورتى الممزقة يشمتون فيها من موتى كما فعلوا مع ايهاب يسرى ( جثة بلا رأس هذا مصير الأرهابى )) بل يكتبوا (( أشلاء وطن بلا قلب ) )فى إنتظار إذنكم بالإنتحار مواطن |
بعد الشر عليكى
بصراحه مقريتش الموضوع بس فهمت المضمون من اول كام سطر وفهمت قصدك ايه كمان |
موضوع جامد يا موني ي ي كله وطنية
أنتا اللي كاتبه ؟؟ ولا أيه ؟ |
يااااااااه ده انتى شكلك مفقوعه اوى من البلد دى بس معلش لو كل واحد فكر انو ينتحر بمجرد انو اتخنق الحيااه مش هتمشى كده ، ولولا بس ان الانتحاار كفر بالله (اعوذ بالله ) لكان الشعب المصرى كلوا انتحر بس انا مش باديكى الاذن انك تنتحرى ،،،،
|
لا هو انا قريت الموضوع بجد حلو جدا
بس الانتحار مش هو الحل |
الانتحار ليس مجرد كلمه ينطق بها الجميع عندما تقف امامه الحياه
وان كان السبيل الامثل لمواجهه مشاكلنا هو الهروب لم يبقى احدا منا هنا ولم نخلق لنجد الحياه سهله المنال ولكن اذا اردت شىء اسعى لتحقيقه والدره وغيره لما مات لم يكن ينتظر ان نبكى عليه ونطلب الانتحار ولكن ينتظر منا الصمود وتحقيق مالم تحالفه الحياه لتحقيقه معلش طولت عليم |
الدنيا وحشة قوى
الإنتحار لو مكنش حرام كان الواحد انتحر من زمان |
اقتباس:
لو دنيتك وحشه ياترى ده سؤ حظ ولا كسل منك |
لا طبعا كلنا هنمنعك
بعد الشر عليك انت لسة شاب والحياة قدامك طويلة بامر الله اوعى تفكر بالشكل دة مرة تانية ربنا يحميك |
والله انا نفسى انتحر زيك بالظبط يا mone2000
بس المشكلة انى خايف من ربنا |
كل البيقول عايز انتحر ده معلش يعني مش صادق انا هقولك ليه و حتي لو مش حرام محدش هيقدر
لانك لن تستطيع ان تقتل نفسك لانك ستتذكر اهلك و أمك و أبيك و اخواتك لانك ستتذكر اصدقائك الذي تحبهم و يحبونك لانك ستتذكر ان كان لك حبيبة يجب ان ترجع لها لانك ستدرك أنك بعد انتحارك لن ترجع لهذه الحياة مرة أخري برغم من قسوتها بل ستدفن وو تعفن و تصبح من التاريخ لانك ستدرك لحظتها ان الحياة مليئة بالقسوة و لكن بها بعض اللحظات السعيدة التي ستجعلك تنسي قسوة الحياة و انت لو انتحرت ستٌحرم من هذه السعادة و شكراا لموضوعيك |
اقتباس:
طب والاتنين اللى انتحروا عشان الامتحانات صعبة ؟!! مافكروش ف كل ده ليه !! مافكروش ليه انهم هايموتوا كافرين ؟!! |
هقولك حاجة قبل ما تنتحر عندما تقف على سور الانتحار بص على السماء وخاصة فى وقت الفجر احسن وقت للانتحار وركز على السماء جيدااا وفكر فى ايه الحايصلك بعد متموت هقول انا هيحصلك ايه
اول حاجة انك مت كافراا وانت اصبحت زي اليهود بالظبط عند ربنا لان ربنا خلقنا عشان نزرع فى الدنيا والنتيجة ستظهر فى الاخرة ولكن نتيجك باينة انك فشلت فى الاختبار الذى ربنا بيختبرنا فيه ثانيا انت مسمعتش عن عذاب ربنا عامل ازاي والا تحب اعرفك بالتاكيد انت عارفة ومش محتاج اعرفك ناس كتير نجحوا فى الاختبار زي مثلا الانبياء والرسل الذى حملو اكبر رسالة وهقولك اخر حاجة الدنيا دي ملهاش لازمة عند الناس ولكن لها لازمة عند ربنا يعني انت اعتبر نفسك فى ثانوي وبتحاول تنجح عشان تحقق هدفك طب ما فية عيال فى الثانوي كتير وانتحروا عشان محققوش هدفهم ولكن احنا عرفناهم وبعد كده نسيناهم وخلاص انت عملت العالية والباقي عليك اعمل الانت عايزة انتحر او متتنحرش |
اقتباس:
احنا بنقولك واحد هينتحر يعنى الشخص الى هينتحر ده بتبقى حياته كلها سودا و مفيهاش اى سعاده واكيد فى الحظة دى تفكيره كله بيبقى فى كيفية الانتحار و مقابلة ربنا وانتا بتقول يفتكر اللحظات السعيده والتاريخ اللى هينساه وبعدين لو كلامك ده صح يبقى مكانش حد هينتحر لانه كله هيفكر فى اهلة واحبابه زى ما انتا بتقول انما احنا سمعنا عن ناس كتير انتحروا وده بيثبت كلامى ان ساعة الانتحار الواحد بيقى الشيطان مستولى على عقله ومبيخلهوش يفكر غير الموت والحاجه الوحيده التى بتوصل الانسان للدرجة دى (الانتحار ) هى قسوة الحياه وساعتها مش هيفتكر الا كل حاجة وحشة و قاسية بس |
لو هتتنتحر رووح انتحر عند الدكاترة الحطواا امتحانات الثانوية العامة وخلصنا منهم
|
اقتباس:
انا قلت كل البيقول :::::::: انه عايز ينتحر قصدي علي ردودد بعض الاعضاء لاكن انا مأنكرتش الانتحار لان في كتير انتحروا بس مبيبقاش مرتب ده الانا اقصده يعني مش بيقول انا نفسي انتحر و يخطط و كيده :: لا ديه بتيجي مع نفسها لما الدنيا تقلب بيه جامد في لحظة غضب مع ان البينتحر ده بيبقي غبي :: :(:( |
معلومة هامة جدااااااااااااااااااااااااااااا
بعض علماء الطب اكتشفووا ان الانسان لا يستطيع ان ينتحر بكتم نفسة فانا انصحك ان تجرب هذا الانتحار وهنشوف العلما كلامهم صح ام خطا عشان لو خطا اصحح انا هذا النظرية |
اقتباس:
الانتحار بيجي ساعت ضيق زي ما انت بتقول لاكني اناا قصدي من كلام الكتبته رد علي اي حد دخل و قال في أي موضوع انا نفسي أنتحر بس خايف أبقي كافر ده مش صادق بالمرة لان مفيش حد بينوي الانتحار لاكن ممكن يعملها ساعت غضب و ضيق ::: ::: ::::o |
اقتباس:
|
اقتباس:
احنا اخوات ده بس نقاش عادي ;);) |
الراجل شكلو انتحر
|
اقتباس:
حتى مهما نحاول اننا ندور على الحاجات الحلوة مابتكملش او ايامها مابتدومش:(:(:( شكرا جد على الموضوع الوطنى دة |
سورى يا مونى نسيت اشكرك على الموضوع :) اقتباس:
انا فاهمة رد حضرتك ووافقتك عليه كلامى ماكنش نقاش او نقد !! مجرد استنكار ان حد يفكر ينتحر ولسبب تافه زى اللى حصل !! يعنى ليه مش بيفكروا ف الحاجات دى ؟؟ سؤال من غير اجابة !! |
اقتباس:
|
طب تمام طلع نص المنتدى عايز ينتحر
ياترى مين هيبدا ...؟ |
يا جماعة أقرأوا الموضوع كويس أنا فهمت منها كأنها قصة عقدة وفى الأخر الحل ممكن يجي مقنع أو غير كدة هو برضة الأنسان اللى حينتحلر دة هيبقى عنده وقت يكتب الكلام ده كاة وبالتحليل الرائع ده ولكن للأسف أنا عشت تجربة واحة صاحبتى كانت ناوية تنتحر وفعلا أخذت السم معاها المدرسة ولكن ربنا ستر لأنها حكت لواحدة صاحبتها على سبيل الفضفضة أبحث حولك على السعادة ستجدها فى قلبك بعد ماتقرأالقرأن وبعد صلاة الفجر وبعد ماتعمل أى حاجة ترضى لربنا جربوا تصموا يوم فى سبيل الله وأدعيه أنه ينقذك من اللى أنت فيه وحاول تبكى من قلبك فهذا هو دواء القلوب
|
انا على حسب فهمى هو مش بيفكر ينتحر ولا حاجة بس بيقول كل الاسباب اللى اى واحد عايز ينتحر بتيجى فى تفكيره
|
لا حول ولا قوة الا بالله
لا حول ولا قوة بالله
اولا استغفروا ربنا جميعا لأن ده حرام يا جماعة حرااااااااااااااااااااااااااااااااااااااااام وبعدين احنا ربنا خلقنا لكي نعبده ونعمل صالحا ونعمر الأرض يعني اي حاجة بنعملها المفروض انها تكون ابتغاء وجه الله تعالى وبعدين ده رزق ربنا كتبهولنا المفروض اننا نرضى بما قسم الله لنا ولا نجحد وياما ناس كتير صبروووووا وصولوا لكن اننا نستسلم للشيطان والوساوس والأوهام فده لأ ... |
اقتباس:
لا يا جماعه انا لسه منتحرتش بس يعد اللى قرايته فكرت وعدلت نفسى انا هخلى واحد ابن حرام يقتلنى بدل الانتحار حرام |
اقتباس:
يا جماعه انا مش هنتحر ليه اكفر علشان بلد تتحرق البلد باللى........... انا بس متضايق من اللى بيحصل فيها وهتلاقونى موضح بعض الحجات هنا http://www.thanwya.com/vb/showthread...C7%E1%CD%D2%DD |
انا فهمت انتي قصدك ايه .. بس حقيقي الموضوع مكتوب بأسلوب جميل ..
ربنا يتوب علينا من البلاوي دي .. ( إن الله لا يغير ما بقوم حتى يغيروا ما بأنفسهم ) |
يا جماعه فى مشكله كلو احد بيكلمنى على اساس انى بنت لا انا ولد
|
سوري بجد .. انا مكنتش اعرف !!
|
عادى يا برنس
|
احب اقولك ان الدنيا مش كل حاجه ومهما عشنا لازم نموت ولو كان الحل ادام اى مشكله الانتحار تبقى بتخسرى الدنيا والاخرة وبعدين ده كله ابتلاء من ربنا لازم احنا نصبر ربنا يجعله كله فى ميزان حسناتنا
جزاكى الله كل خير ع الموضوع فى امان الله |
اه سورى انا كمان قرات الردود بعد لما كتبت ردى انا اسفه افتكرتك بنت اصل الاسم غريب شويه
|
طيب ايه رايكم يا جماعة نقلب الموضوع شوية و كل اللى عايز ينتحر يقول هو عايز ينتحر ليه
بعد اذن صاحب الموضوع انا مثلا كنت فكرت فى الانتحار عشان الثانوية العامة بس الحمد لله عقلت و هرضى بنصيبى انما انتوا بقى ايه نظامكم |
لا يا عم عادى كل اللى عايز يحط هو عايز ينتحر يقول وليه؟
|
أأنا مش قريت الموضوع
بس عايز أحكى تجربتى مع الانتحار أنا من شهر عرفت حاجات صعبة وقاسية أوى واشك ان فى حد فغى العالم كله يقدر يتحملها ........ أيف مقدرس أحكليكم على الحاجات دى بعد لما فكرت كتير لقيت نفيى بشترى 20 قرص أسبرين وبسرعة بلعتهم قعدت 3 دقايق بعدها كانوا أصعب 3 دقايق فى حياتى كلها حسيت انى فى سينما وشريط حياتى بيتعرض قدامى بس الحمد لله ربنا أنقذنى فى الوقت المناسب ومدت ايدى فى فمى وأخرجت اللى فى بطنى وشفت بعينى الاقراص اللى خدتها بعدها بفترة أغمى عليا وجالى هبوط حاد فى الدورة الدموية وقعدت حوالى اسبوع مش قادر على حركة أطرافى أسف على الازعاج |
اقتباس:
|
ايه يا جماعه انتوا انتحرتوا ولا ايه؟
دانا اللى مفروض انتحر |
ايه الاكتئاب الفظيع ده الدنيا مش كلها وحشة وبعدين ربنا خلقنا لهدف وهو ان احنا نعبده وبعدين حياتنا مش ملكنا حياتنا ملك لربنا روحنا ربنا يخدها يسبهلنا ديه حاجة تبع ارادة ربنا وحكمته المفروض الواحد يبص للنواحي الايجابية من الحياة او نص الكباية المليان زي ما بيقولوا
لكن على العموم الموضوع رائع وجزاك الله خيرا |
اقتباس:
انا هنتحر بس لما اخلص الثانويه علشان يكون فى سبب قوى للانتحار............ مع تحيات.....المنتحر.........منير الاهلاوى:049gc0: |
هى البلد بس اللى هتخلينا ننتحر
دى كل حاجه حوالينا هتخلينا ننتحر الناس اللى عايشين معاهم الناس اللى نعرفهم لو مكنش حرام الانتحار كنت خلصت من كل حاجه فى الدنيا وريحت نفسى بس يالا كل حاجه بأمر ربنا |
سلم امرك لله انا من حرق الدم ده واللي بتعمله فينا الوزارة قعدت في العناية المركزة شهر بجلطة في الرئه وربنا سلم
|
الـــــــــــــــــــف سلامه عليك يا عمنا وياريتنى كنت مكانك!
|
طب بدل متنتحر ممكن تقدر تقضى على جزء ولو بسيط من الفساد اللى بتتكلم عنه وتسيبك من السلبية اكيد هتنجح لان ربنا خلقنا للعمل وعمارة الارض فلو حددت ليك رسالة فى حياتك تعيش لها فى اى مجال كان صدقنى ربنا مش هيخذلك و ينصرك فى النهاية فنغمة الياس ملهاش اى اهمية لانها لا بتودى ولا بتجيب
|
ايه التفاؤل اللى انتم فيه ده
انتحار مره واحده هههههههههه انا بجد اى حد بيفكر انه ينتحر او بيحاول ينتحر ده انسان ضعيف مهما كان سبب الأنتحار المفروض بدل ما يهرب من مشاكله انه يحاول يصلحها وكمان الأنسان فى ايده انه يخلى حياته كويسه او وحشه بس اكيد مهما كانت المشاكل مافيش سبب يخلى الأنسان ينتحر ومشكوور منير ع التوبيك |
لا فى اسباب(البت سبتنى)هههههههههههه هزار
بس شخصيه |
| جميع الأوقات بتوقيت GMT +2. الساعة الآن 08:58 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.