|
قرار "أبوالنصر" بإضافة درجات الدين الإسلامي والمسيحي والتربية الرياضية للمجموع
|
هل بذلك تم حل كل مشاكل التعليم
|
اشتغالة جديدة ملهاش فائدة تذكر خالص وبعدين الدين المسيحى كمنهج اسهل من التربية الاسلامية مفيش فية حديث ولا آيه للحفظ وكلنا بنشوف امتحان التربية المسيحية نصف ورقة خاوى الوفاض مقارنة بالتربية الاسلامية ومن هنا لا يوجد تكافؤ للفرص وتربية رياضية ايه اللى بيحطها على المجموع افرض طالب مش بيحب الرياضة خالص بيكرهها حيعمل ايه وبعدين دى من الانشطة اللى بيختارها الطالب عمر التعليم ما حينصلح حالة فى مصر طالما القائمين علية بنفس العقلية الاكادمية العبيطة البعيدة عن ارض الواقع
|
قرار غير مدروس ووزارة فاشلة ووزير فاشل وللاسف نحن المعلمون والطلبة ضحايا قرارات سيادته يارب ارحمنا
|
يا استاذ بوتا ولا توتا انت بتكلم باسلوب وحش لما تقول ان الدين المسيحى ليس به محفوظات انت قرات المنهج و اطلعت عليه ولا بتكلم وبس وايه معنى الورقه نصها فاضى وخالى الوفاض خلى فى احترام فى كلامك لو سمحت
|
بصراحه الوزير بيصبنا بالشلل الرعاش التربية الرياضيه بالفعل بتنضاف للمجموع في الابتدائي كنشاط اساسيه والاعدادي كنشاط اختباري
اضافة التربية الاسلاميه في النقل للمجموع امر جيد |
قرار ادخال التربية الدينية بالمجموع قرارممتاز طال انتظارنا لهذا القرار ...أما التربية الرياضية فهى موجودة بالمجموع ضمن درجة النشاط و لكن لايفضل اجبار الطالب و هو لايحبها مثلها مثل التربية الفنية فهناك مواهب و هوايات وفروق فردية بين الطلاب |
قرار صحيح 100% لتشجيع الطلاب على الاهتمام بالتربية الدينية بعدما كان الطلاب لايهتمون بها بحجة عدم إضافتها للمجموع
|
هاااااااائل لتشجيع الطلاب على الاهتمام بالتربية الدينية
|
قرار صائب
ومن يعترض الأن على هذا القرار سوف يعترض أيضا لو أن هذا القرار نفسه ألغى فى الغد !! شكرا |
قرار عشره على عشره
|
اقتباس:
|
الناس زعلانة من خالى الوفاض وفهموها غلط او ممكن نقول انهم فهموها حسب نيتهم او خطأ فى الادراك بص يا افندى انت وهو واتعلم يا بتاع القدوة . احنا بنوحد الامتحانات فى المرحلة الاعدادية ليه ؟ علشان يكون فية تكافؤ للفرص . ما يبقاش فية امتحان صعب وآخر اسهل منه وهكذا . كده كده وبصرف النظر اى من المنهجين اصعب يبقى الطالب اللى بيدرس تربية اسلامية واللى بيدرس التربية المسيحية لديهم اختبارين من المستحيل ان يكونوا فى نفس مستوى الصعوبة مما يجعل احدهما لدية فرصة للحصول على درجات اكتر من الآخر ارجوا ان تكون الفكرة وصلت
|
لا كده عاجب ولا كده عاجب ... والله احنا شعب غريب الاطوار نقول الكلام ونطالب الحكومة بعكسه ايام مبارك كانت لما تحصل كارثة اخلاقية في المجتمع كان يتم الهجوم علي التربية والتعليم وكانت الحجة جاهزة ان التربية الدينية مهملة في المدارس وغير مضافة للمجموع مما جعل الطلاب يهملونها ولا يهتمون بها ولما جاءت الحكومة وتريد تطبيق ما كان يطالب به الناس يخرج من يقول انه قرار غير مدروس وان التربية الدينية المسيحية اسهل من الاسلامية ليتم صناعة فتنة بين المصريين اسف والله ان هذا الكلام يقال في منتدي الثانوية العامة
اعتذر بالنيابة عن ادارة المنتدي لكل الاخوة المسيحيين الذين صدمهم التعليق وكل سنة وانتم طيبين وارجو من الاخوة المشرفين حذف التعليق الصادم من الموضوع لان منتدانا غير مستعد للمشاركة في صناعة فتنة بين ابناء المجتمع الواحد |
كل عام والجميع بخير
قرار صائب مئة فى المئة .....لان الطلاب لايذاكروا بحجة ان الدين لا يضاف . |
يا ريت يا جماعة يلغوا مادة الدين من المناهج الدراسية - ده اصلا بتعمل تفرقة - ففي حصص الدين تسمعهم يقولوا المسلمين يروحوا كده والمسحيين يروحوا كده - ناهيك بقى ايام الامتحانات - المسيحي يرفع ايده (بحكم انهم قلة) طبعا علشان يوزعوا ورق الاسئلة
وبعدين يا جماعة ان كان فيه متخصص للدين الاسلامي فلا يوجد للدين المسيحي - المدير بيختار اي مدرس أو مدرسة ويقوله انت هتدي الدين المسيحي - بقى ده كلام دا احنا في مصر معندناش اكثر من الكنائس والجوامع - يبقى إدي العيش لخبازه وكل حاجة تبقى في مكانها المخصص له!!!! يا ترى هو الدين بيدرسوه كمادة في أوروبا والدول المتقدمة؟!!!!! |
شكرا علي الخبر
|
فتنة ايه يا اخ اللى بتتكلم عنها انا بتكلم عن الامتحانات وحتى لو عملت امتحانين فى الدين الاسلامى عمرهم ما حيكونوا بنفس الصعوبة . والتربية الاسلامية اذا تحولت الى مجرد دروس يتم مذاكرتها واسترجاعها مرة اخرى ده اللى حيخلى الاخلاق تتحسن ؟ حيكون نفس الحال اللى موجود فى الحاسب الآلى او التعليم المصري بشكل عام درجات عالية والتطبيق العملى صفر الدين ممارسة ومعاملة مش ماده تحفظها وتصمها وتسترجعها وبعدين تاخد درجات . لا بد من معايشة الدين وتطبيقة
|
شكرا على نقل الخبر
من الصعوبة أن يكون الامتحانان بنفس المستوى وبذلك لا يوجد تكافؤ فرص وقد يلجأ واضعو الامتحان من الطرفين أن يقوم بتسهيله جدا حتى يتسنى ان يأتى الطالب بدرجة كبيرة وبالتالى سيحصل الطالب على درجة وليس على مادة الأهم المادة نفسها والقيم السمحة الموجودة بها أهم من التركيز على إضافة درجات أن نركز على إعادة صياغة المنهج بما فى ذلك الكتاب وطرق التدريس له اذا نظرنا للكتاب المدرسى سنجد أن هناك الكثير من الاحاديث التى لا تناسب المرحلة العمرية التى يدرس لها كما يجب الغاء القصة ويكتفى بالشخصية التى تدرس فى كتاتب الدين بما تعطيه من قدوة للطالب |
يا استاذ potta
والله عيب كدة انت هتخلى الناس تمسك فى بعضها لية فى اسلوب افضل من كدة ما يجرحش حد احنا المسلمين امرنا الله بالكلمة الطيبة وممكن وجهة نظر حضرتك تتقال بكطريقة تانية غير المقارنة بين الاديان السماوية ومافيش حاجة اسمها دين فاضى بس نقول ان محتوى امتحان التربية الاسلامية كبير او فروعة كتيروكدة ممكن يتظلم الطالب المسلم والباقى مفهوم لكن الاسلوب دة غير محترم وارجو من ادارة المنتدى اما حذف التعليقات او الغلق للموضوع |
يا استاذ حبيب ما ينفعش يلغوا مادة الدين لان الطالب لو ماتعلمش دين فى المدرسة مش هيسمع فى حتةى تانية لان مغريات الحياة اكبر وللاسف ممكن نسمع عن قرص انجليزى او كمبيوتر انما دين لا
|
الاخوة مشرفين القسم من فضلكم ارسال الموضوع الي الارشيف المثير للجدل يكفي كلام في هذا الموضوع بسبب التعليقات السخيفة من بعض الاعضاء
|
قراررررررررررررررر حكيم وصائب ويدل على فهم عميق لتصحيح مفاهيم الاطفال
|
اقتباس:
انت رجل محترم ولكن المشكله هي انه لا يوجد مدرس اساسا للدين المسيحي وهو عمل تطوعي لذا فهي فعلا عدم تكافؤ للفرص من تلك الناحيه وليس صعوبه او سهوله المادة ولا ننسي انه يوجد امتحانيين للغلات الانجليزيه و الفرنسيه او الالمانيه |
الله أكبر
حسبنا الله ونعم الوكيل "اللهم من وليَ من أمرِ أمتي شيئاً فشقَّ عليهم ،فاشقُق عليه" |
التربية الرياضية أعتقد سيكون إعطاء الدرجات إجتهادي مما سيجعل الطلاب يشعرون بالظلم في أحيان كثيرة.
|
| جميع الأوقات بتوقيت GMT +2. الساعة الآن 12:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.