ممكن زملائى المعلمين يفيدونى بمعلوماتهم التفصيلية عن مميزات وماركات افضل طابعات الكم
 

أرجو من زملائى المعلمين المشاركين فى منتدى معلمى الازهر ان يفيدونى بمعلوماتهم
التفصيلية عن افضل طابعات الكمبيوتر الليزر (الابيض والاسود

) التى تعمل بالحبر الجاف (بودرة)التى يمكن شرائها فى مصر سواء كانت حديثة أو استيراد الخارج بشرط ان تكون طابعة فقط
وليس ملحقاً بها اجهزة اخرى كماكينة التصوير والاسكانر

لوسمحتم اللى عنده معلومة عن نوع طابعة كمبيوتر ليزر ابيض واسود كويسة يقوللى ايه هو
اسم الماركة والبلد المنتج لها ،وكم عدد الاوراق التى تكفى المرة الواحدة لملأ الحبر لطباعتها وكم سعرها فى
السوق
؟ ،وهل تطبع على الوجهين ام على وجه واحد فقط للورقة ،وهل هى جديدة ام استيراد
الخارج
لو سمحتم ما تبخلوشى علينا بمعلوماتكم
لأنى بادور على طابعة تستطيع طباعة أكبر عدد من الاوراق فى المرة الواحدة لملأ الحبارة

وكل عام وانتم بخير ورمضان كريم☻☻♥☺☺☺☺

افضل الانواع hp ليزر لسهولة صيانتها واعادة ملئ حبرها مرة تانية
بتطبع كام ورقة مش عارفه بس بتكفي كتير وبتطبع علي الوجهين
انا كنت شارية واحدة موديل 1018 من سنة 2007 ماشاء الله شغاله زي الفل كل الي بعمله بملاها لما تفضي وبس
لكن معدتش بتنزل

Hp2300---------------------------------------------------

بص يا عم ... هات من الاخر واشترى الطباعة دى hp laser jet p1102 هى او اصدار احدث منها فى نفس الفئة انا شاريها من سنتين وشغالة تمام ... تمنها حيكلفك بالكابل حوالى 580 او 600 جنيه ... طباعتها وضوح ممتاز للكتابة وللصور فى نفس الوقت .. حبرها بيتغير بسهولة ..الملوة الواحدة ب 35 جنيه عندنا وبتطبع فى الملوة الواحدة رزمتين ورق يعنى حوالى الف ورقة بعد الرجرجة فى الكارتج بتعتها ... حتسمع كتير عن طباعات استيراد مشهورة زى ليكسمارك باصدارتها .. ما انصحكش بيها .. غبية فى التعامل ومشاكلها كتير زائد انهه طباعتها للصور بتبقى باهتة برغم انها جيدة جدا فى طباعة الكتابة ....

تحياتى

جزى الله كل من رد على موضوعى خيراً
وياريت اللى عنده معلومات زيادة يفيدنا بيها

عندى hp وشغالة جيدا

كل ما قاله النسر المصري صحيح وانا أؤيده لان الطابعة HP Laser Jet P 1102 معايا بقالها اكتر من 3 سنين وحاجة روعة بسم الله ما شاء الله مفيش بعد كده . توكل علي الله وهاتها

أنا عندى Hp1005 (متوفرة جديدة)
طابعة جيدة جداً الحبر والصيانة متوفرة بسهولة بتطبع كمية كمية كبيرة من الورق لكن دا طبعاً حسب محتوى الورق
لكن لاحظ أنا طابعة شخصية بمعنى لا تستطيع الطباعة عليها بكميات كبيرة فى وقت واحد يجب أن ترتاح ن درجة الحرارة
هناك طابعة أخرى Aficio تسمى nashuatec7527 (لو عاوز استعمال خارج)
دى طابعة كبيرة ثمن ملو الحبر حوالى 40-50 جنيه
بتطبع حوالى 10000 ورقة
بتطبع وش وظهر
سريعة جداً
ممكن تطبع عليها لحد 400 ورقة مرة واحد ثم ترتاح نصف ساعة وتكمل 400 غيرهم
الاتنين عندى والكلام دا عن تجربة
وأى استفسار أنا تحت أمرك

جزاكم الله خيرا

أنا عندى ( Hp1200 )طابعة جيدة جداً الحبر والصيانة متوفرة بسهولة بتطبع كمية كبيرة من الورق

ولكن
 

ولكن الكثير من اصدقائى قالوا ان الطابعة hp بتطبع (الصور) بطريقة سيئة وباهتة ،ولكنها جيدة فى طباعة النصوص (الكتابة)؟ فهل هذا صحيح؟
لأنى باصور كتب فيها بعض الرسومات وبالشكل ده هتطلع الرسومات غير ظاهرة

فى طابعه ريكو استيراد تعمل 500 جنيه بس خطيره وعمليه جدا

ى طابعه ريكو استيراد تعمل 500 جنيه بس خطيره وعمليه جدا

اسمع كلامي أنا جربت جميع الماركات ، وما صبرت معي ، إلا اللوكسمارك ، بس لم أجرب ها على ويندوز 8 ، لكن بها ماركات جديدة خرافية ، حيث أن الصناعات الألمانية حمولة وبقيت خرطوشة الحبر سنتين شغل ، ثم ملأتها بكيس حبر بودرة قيمته خمسون جنيها ، صحيح اليابانية بها تكنولوجيا أحدث ، لكن لا تتحمل كثيرا

الطابعة المتوفرة حاليا وارد الخارج ووصلت شحنات كبيرة منها بميناء بورسعيد وموجودة بالوجه البحرى هى ريكو 3300 وهى لاتتجاوز 400 جنيه وعبوة الحبر تملا باى حبر hp وهو متوفر فى السوق كما انها لاتحتاج شحن بعد فترة وهى فى الشكل والحجم مطابقة للطابعة ااسامسونج الموجودة فى المناطق الازهرية

عن تجربة أود ان اقول لك مع احترامي لكل الآراء ريكو أفيشو 4200 ملهاش حل هي استعمال الخارج آه لكن دقتها وسرعتها أفضل بكتير من الhp

hp 2300 ممتازة

شكرا على اهتمامكم بالرد

ريكو 4100 تطبع 4000 ورقه

الطابعة hp شعبية جدا وحبرها رخيص سعر الكيلو 95 جنيه تقريبا أو أقل يكفيها لأربع أو خمس مرات والمرة تكفي لأكثر من 1300 ورقة تقريبا .. أما الطابعات الأفضل هي كانون اليابانية أو زيروكس أو ريكو الألمانية الأصلية وليست الصينية لكن هذه الطابعات أحبارها غالية سعر الكيلو يصل 190 جنيه أي ضعف الأتش بي ..

hp 2300 ملهاش حل 500 جنيه

2200 hp laser jet
تطبع على الوجهين وفردى وزوجى
تطبع 3000 ورقة لكل ملوة حبر
الملوة ب 75 جنيه
ممتازة

يمكنك الأستفادة أكثر من موقع سوق مصر
و للشراء من الموقع يكون بالتسجيل فى الموقع ( بيانات صحيحة )
و بعد احتيار المنتج تضغط على
Add to cart ... إضافة إلى عربة التسوق
http://egypt.souq.com/eg-en/hp-printers/s/

اشكر كل من رد على الموضوع ،ربنا يجزيكم خير

افضل الطابعات
 

افضل الطابعات

من نوع hp
1018ـــــــــــ 1020ــــــــ1102
ممتازه جداً
تطبع حوالى 14 ورقه فى الدقيقه
سعرها تقريبا من 600الى 650 جنيه

منتجات اتش بى كويسة جدا وعلشان تحافظ على الحبر وتتطبع كثير خفف حجم البنط وقلل من الصور
وملفات ال بى دى اف تتعب الطابعة