|
ترتيب كليات الطب فى مصر
السلام عليكم لو سمحت عايز اعرف ترتيب كليات الطب فى مصر من حيث الاسهل فى انى اجيب تقدير.(وكله بالمذاكرة طبعا) .,كمان ميكنش عدد الطلبة كتير زى عين شمس.علما انى من المنيا... ولنفترض انى هروح محافظة تانى...انا مش عايز اسكن فى المدينة علشان بسمع بلاوى عليها..اعمل ايه؟ وشكراااااااا |
وعليكم السلام سؤالك غريب اووي :d انا اعرف الناس بتدور على الاحسن مش الاسهل بس عموما كليات مصر كلها واحدة التوب القاهرة وعين شمس والمنصورة ( ال اعرفهم ) الباقي كله زي بعضه وحكاية التقدير دي ال بيحددها مذاكرتك مش الكلية نفسها او بمعنى اخر ماسمعتش عن ان كلية تقديرتها كويسة عشان هي كلية وحشة !! بالنسبة للمدينة فيه سكن خارجي متهيالي .. بس نصيحة لو انتي بنت خلييكي فبلدك عشان تبقى مرتاحة وطالما مش هيفرق معاكي المستوى العلمي للكلية اوي وفالاخر كله بيطلع دكتور .. والدكتور الشاطر هو ال يعرف ازاي يقدر يتعلم صح ( بعد التخرج طبعا ;)) |
لا اصلى بسمع مثلا طب المنصورة وعين شمس...صعبه...والطلبة كتير..فانا مش عايز ادخل كلية معروفة بان امتحاناتها صعبه والطلبة كتير
واكيد طبعا المذاكرة اهم حاجه لا انا ولد..:cool: طيب يا دكتورة ليه كل ما ادخل على جروب دفعة الاقيهم كاتبين كلام محسسنى انى داخل جهنم مش كلية,,,من كلامهم ان الكلية صعبه جداااااااا والمذاكرة دح 20 ساعة وبتاع وفى الاخر ممكن مجبش تقدير.. وده انا شوفته فى مواقع وجروبات كتييييييييير وطلبة كتير جدا.. مش عارف بقى خايف اوى:( |
اقتباس:
|
اقتباس:
طب المنصورة صعوبتها بسبب الدكاترة مع احترامى ليهم كلهم ممكن يجيبوا م الملغى والامتحان صعب وكده طب عين شمس تعامل الدكاترة بيبقى احسن وشوية الامتحانات ممكن تيجى تقيلة ومش تفرق الطلبة كتير ولا لأ لان عدد الطلبة بيتناسب مع مساحة الكلية وعدد السكاشن والسكاشن بتتقسم تقسيمات اكتر لو كان عدد الطلبة كتير ولو مش فهمت مثلا لو كان العدد كبير ممكن تروح لاى دوكتور هيشرحلك اللى انت عاوزه بص الطب محتاج مذاكرة اه بس اكيد مش على طول مش فى حد هيستحمل كده لازم وقت راحة وخروج بس مش اكدب عليك ايام الامتحانات بتبقى كده :d الى حد ما يعنى ولو زاكرت هتجيب تقدير ان شاء الله |
اقتباس:
|
اقتباس:
هو طبعا المنصورة وعين شمس مشهورين بالتعقيد :d وخصوصا المنصورة .. بس فالاخر بتطلع دكتور محترم الحقيقة :d لا بص فيه حاجة بس لو خدت بالك منها هترتاح جدا مفتاح طب في طريقة المذاكرة وتنظيمك للوقت يعني فيه ناس ممكن تذاكر 25 في ال 24 ساعة وفالاخر التحصيل زيرو :d ليه لانهم بيذاكروا غلط على المقابل ممكن تلاقي واحد بيذاكر كام ساعة ويطلع مية مية يعني انا اعرف واحد حاليا هو نايب فستشفى الجامعة كان مقضيها خروجات وشرم والخ الخ :d بس عارف ازاي يذاكر ويلم وفنفس الوقت يفرفش نفسه .. فانت ماتخليش حد مقياسك انت شوف نفسك واول ترم دا بتخبطوا فيه بعدين الدنيا بتبقى زي الفل ان شاء الله وخليك فاكر الحغظ والصم بتاع ثانوي خلاص بح :d انت عندك مناهج ماشاء الله وعاوز تلمها فلازم تذاكر بطريقة العناوين العريضة والتجميع لان دا ال هيخليك تلم درجات وتبقى فاهم المادة بس ماتخافش كلنا كنا زيك كدا فالاول بس الحمدلله لما تدخل وتفهم الدنيا ماشية ازاي هتلاقي نفسك كويس وعارف تمشي ازاي .. وزي ماقولت فمشاركة هنا فيه موقع مداد تيم دا جمييل جدا هيساعدك فمحاضرات تسجيلات ملخصات وشرح نظام الخ .. بس نصيحة اخيرة لو عايز تقدير ذاكر بانتظام من اول السنة مش لازم اليوم كله لاء كل يوم كام ساعة عشان التراكم بيبقى صعب وفيه حجات معتمدة على بعضها وايام الامتحانات طبعا طبيعي ان الساعات دي بتزيد وماتسمعش لحد بيحبطك او يخوفك ماهو لو كلنا سمعنا الكلام دا ماحدش كان كمل ولا ايه ;) وربنا يوووفقكم |
عابزه اعرف طب شبين كويس ولا ايه ؟؟؟؟؟ ياريت تفيدوني لان التنسيق بكره
|
بصي هو زي ماقولت فاول مشاركة كل الكليات تقريبا واحدة ماعدا التلاتة ( القصر وعين شمس والمنصورة ) يعني مش بتفرق اوي س من ص فانتي لو الكلية جمبك فادخليها واتوكلي على الله لان الغربة صعبة وخصوصا للبنات لكن لو انتي فارق معاكي المستوى العلمي اوي والكلينيكال وعندك رغبة وقدرة انك تسافري فالقصر العيني حلو اووي .. وربنا يوفقك ويكتبلك الخير |
شكرا لحضرتك يا دكتورة.......
|
^
العفو .. وبالتووفيق ان شاء الله |
طب لو سمحت انا لو خيرت بين طب كفر الشيخ وطب المنصورة اختار ايه ؟؟
مع العلم ان كليه كفر الشيخ كليه جديدة ومحتاجة معيدين اكتر وانا هبقى الدفعة التالتة باين فيها فهتبقى فرصتى اكبر انى اجيب تقدير كويس واتعين معيدة وفى نفس الوقت طب المنصورة خراافى وتعليم عالى ياريت تساعدونى اختار ايه ؟؟ |
دا بيعتمد على انتي عاوزة ايه ؟ يعني حابة سلك التدريس وتكوني عضو هيئة فالجامعة ( وماكدبش عليكي معظم الطلبة بتسعى لدا ) ولا بتفضلي تبقي ك دكتورة كلينيكال تدرسي حاجة كويس فانتي شوفي نفسك وحطي فالاعتبار انتي منين والاقرب ليكي يعني حطي مميزات كل واحدة فجنب وعيوبها وقارني وصلي الاستخارة اولا واخيرا وربنا يوفقك لل فيه الخير ليكي .. |
القصر العينى افضل كلية فى التطبيق العملى ... حتى فى حاجة زى كورسات كدا بتتاخد فى الاجازة و بتدخل عمليات و تشوف بعينك ... غير طبعا المشرحة هناك مستواها عالى و امكانيات عالية فى الجزء العملى
|
شكراااااااااا
|
طب ممكن اعرف طريقة تقليل الاغتراب بالنسبة لطب المحافظات الي القاهرة او عين شمس
|
اقتباس:
فى تحويل الكترونى بيبدء بعد نتيجة التنسيق على ما اتذكر بس ده بيقبل اللى اقل نص درجة بس لو مش نفع التحويل الالكترونى بيفتح بعده تحويل ورقى وده بيتقبل على طول ان شاء الله |
هل يمكن بعد ان حاولت التحويل مثلا من طب القاهرة لطب طنطا ولم استطع هل يمكن التحويل بعدها لطب اسنان طنطا
وهل التحويل يكون بنسبة معينة (10%) يعنى كل الطلبة متقدرش تحول للكلية اللى عايزاها ؟ |
لو فى تحويل ورقى تقدرى تحولى ان شاء الله انما لو تحويل الكترونى بس زى السنة الى فاتت بياخدوا نسبة معينة الله اعلم هيبقى فى تحويل ورقى السنة دى و لا لأ ... بس كل سنة كان بيبقى فيه الا السنة الى فاتت ... و ربنا يوفقكم
|
اقتباس:
ان شاء الله ممكن تحولى سنتى كناوا فالوا فى نسبة وكده لكن اللى حول اتقبل الحمد لله |
اقتباس:
السنة اللى فاتت كان فى تحويل ورقى قريبتى حولت من طب عين شمس لطب المنصورة بعد اسبوع من الدراسة :d |
اه فعلا التحويل الورقى اتفتح بس بعد دخول الدراسة انا بقى معظم اصحابى الى كانوا معايا فى القاهرة قدموا الكترونى و تحويل ورقى و متقبلش و لأول مرة نسمع ان تحويل ورقى ميتقبلش ؟! ... فى الاخر بعد ما فات عليهم حوالى شهر راحوا مجموعة لعميد طب المنصورة و حولوا ... انما انا علاج طبيعى يعنى كدا كدا فى القاهرة بس الحمد لله المجال جميل
|
لو انت من المنيا
ادخل طب اسيوط قريب عليك و ممتاز معايا قرايب فى طب اسيوط مبيشكوش منها وايه مشلة انك تكون فى سكن متبعش كلام الناس دول عايزين يتعبوك السكن جميل جدا وسط صحابك ممكن لو غيبت او حاجه تنقل منهم محاضرة او لو حاجة مش فاهمها ممكن تسأل صحابك وخاصة انك فى كلية طب فاكيد الطلبة ناضجين وفاهمين مش زى الكليات التانيه همجيين واكيد كل حاجة فيها عيوب ربنا يوفقك ادعيييييييييييييلى |
شكرااااااااا جزيلا على الرد
|
عشان افهم .......... انا من القاهرة وجالي مثلا طب سوهاج .....المفروض اعمل تحويل للقاهرة .............الموضوع ده بياخد وقت قد اية ؟؟ وهل لازم ادرس هناك سنة او اكتر لغاية اتحول للقاهرة ؟؟
|
| جميع الأوقات بتوقيت GMT +2. الساعة الآن 08:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.