|
:: رابطة منتدي الثانوية العامة ::
بسم الله الرحمن الرحيم فكرت يا جماعة نستفيد من العدد الكبير اللي في المنتدي هنا في حاجة مفيدة اييييييييييه ؟ بصوا معايا كل واحد هيدخل هيحط : - اسمه و ياريت كامل لو مش هينفع عادي مش مهم : - سنه : - السنة الدراسية ( يعني في سنة كام من الاخر ) : محافظتك : طيب و كل ده ليييه ؟؟ بص معايا تاني أولا : المنتدي كله هيبقي شخص واحد يعني واحد عنده مشكلة هيبعت للجروب بتاع منتدي الثانوية العامة بس و هيلاقي الكل واقف جنبه ثانيا : في نشر الخير ( أذكار - أدعية و خلافه ) و تقعد تلم حسنات زي مانت عايز ثالثا : في المساعدات ( مشروع خيري زي بنك الطعام و التبرعات المختلفة ) رابعا : تكوين صداقات جديدة بين أعضاء المنتدي و التعرف علي شخصية كل فرد من قرب خامسا : و في رأيي دي أحسن حاجة نجتمع كل أسبوع أو حتي كل يوم في رووم واحد و نتكلم كلنا عن اي حاجة اخيرا : اعمل كوبي للكلام اللي مكتوب تحت و أملأ البيانات و بكده تبقي عضو مثال : الاسم : محمد السن : 16 في سنة كام : طالع اولي ثانوي ايميلك : في الملف الشخصي محافظتك : ساكن في الغربية طـــيــب سؤال أخير عارف انه هيتسأل افرض انا مش عايز احط ايميلي ؟ أولا دي حاجة مش هتضرك في حاجة ابدا و لو حد ضايقك تقدر تعمله اجنور و فيه وسائل تانية كتير و ممكن تيجي تقول هنا في المنتدي و احنا نقطعه ثانيا : لو برضه مش مقتنع بس عايز تبقي معانا خلاص براحتك حط بقيت البيانات و خلاص يا ريت الاقي تفاعل يا جماعة |
اهلا بيك يا محمد فكرتك جميلة والله و ااتشرف اني اكون اول عضو في الرابطة
الاسم : اسلام مصطفى محمد السن : 14 ماشي في ال 15 بقالي كتييير في سنة كام : رايح اولى ثانوي ان شاء الله ايميلك : لما اشوف بقية الاعضاء هيعملوا ايه !!! محافظتك : الدقهلية (المنصورة) |
موضوع جميل
بس من قوانين المنتدى تمنع وضع ايميلات او ارقام تليفونات ممكن تكلموا بعض على الخاص بدل الايميل ربنا يجمعكم على الخير |
بس يا أستاذ محمد احنا مش هنحط ارقام تليفونات و بالنسبة للايميلات فكده كده موجوده في الملف الشخصي
علي العموم زي ما تشوف و شكرا بجد لاهتمام حضرتك |
اقتباس:
انا بس حبيت الفت نظركم ان اى مشرف ادارى او مشرف القسم بيحذف اى ايميل مكتوب فى مشاركة لان هى دى قوانين الموقع ليس اكثر فى رعاية الله |
اوكيه مش مشكلة
و شكرا مرة تانية لاهتمام حضرتك |
الاسم :
السن : 23 في سنة كام : مدرس لغر عربية ايميلك : ممنوع نشر الايميل علنا ع صفحات المنتدى محافظتك :البحيرة |
اقتباس:
|
يا يت يا جماعة نتفاعل مع الموضوع وشكرا لصاحب الموضوع فهو إنسان متميز
|
اقتباس:
ا\ استاذ رامي بجد انا مبسوط من التفاعل ده |
اقتباس:
اهلا بيكي معانا |
اقتباس:
اها انا كنت علمى رياضه |
الاسم : أحمد
السن : بدأت فى 18 في سنة كام : داخل أولى حقوق انجليش ان شاء الله ايميلك :ممنوع وضع الايميل محافظتك : القليوبية سابقا ، القاهرة فى الكلية اذا كان فى العمر بقية بس بجد فكرة جامدة جدا |
فكرة حلوة بس مش كلو هيعملها الاسم : نبيل او نوبل السن : 17 في سنة كام : داخل اولى صيدلة القاهرة ايميلك : ممنوع في المنتدي محافظتك : الجيزة |
الاسم : منال صفوت حسن السن : 17 في سنة كام : اولى اداب صحافه واعلام انشاء الله ايميلك : خليها رسايل خاصه محافظتك : الدقهليه (المنصوره) |
ماشية معاك يا عم محمد ...... الموضوع شغال نااااااااار ...... اللهم لا حسد
|
الاسم مش لازم اوى لسبب معين
السن 18 رايحه 2 تجارة القاهرة معنديش ايميل معين من القاهرة ف عين شمس |
اهلا بيكي
كويس هنبق يجيران لأني احتمال اروح عين شمس بس مدرسة مش كلية :) |
شكرا لك على هذه الفكره واتمنى ان تكون لعمل الخير وارضاء الله وده طبعا اهم من اى شئ
الاسم/انا بحب اوى اسمى المستعار:المشتاقه الى الفردوس السن/16سنه رايحه3 ثانوى ادبى (ان شاء الله ) الايميل/ خليها رسائل خاصه /من بورسعيد |
ان شاء الله نستغلها في عمل خير كتير جدا جدا
بس لو كانت مشيت بالظبط زي مانا مخططلها بس مش مشكلة جزء منها اتنفذ و ضيفت عندي ناس كويسة جدا زي SmSm Basha ( اسلام ) و استاذ رامي و ناس تانية ان شاء الله الرابطة تبقي أكبر و أكبر و شكرا علي مشاركتك |
اقتباس:
تمام استاذى الفاضل ====== ممنوع وضع او نشر الايميل فى المشاركات او المواضيع زى ما هو كمان ممنوع التسجيل بايميل او رقم تليفون واللى بيحب ينشر ايميله او يحطه بصفة عامة بيحطه فى الملف الشخصى وبس دى قوانين المنتدى نفسه مش قوانينى انا او وجهة نظر شخصية وشكرا ========= ياريت مافيش ايميلات تتكتب تانى فى المشاركات اللى جاية والسلام عليكم ورحمة الله وبركاته |
اقتباس:
ههههههه بهزر والله لحسن في ناس كتير في المنتدي بتفهمني غلط :D عادي مش مشكلة و الله و شكرا لارشادكم :) و أنا و الله قلت خلاص مش مشكلة بس عشان الناس بتدخل بتشوف الموضوع فوق مكتوب الايميل فبتحطه يا ريت اي حد من المشرفين يعدل بس الموضوع :rolleyes: و يكتب مثلا تنبيه اكتب الايميل في الملف الشخصي :huh: و شكرا للاهتمام |
الاسم: بيقولوا كاميليا
السن: تقريبا 18 وشويه السنه الدراسيه: يعنى هدبلر اولى كليه(ياريت محدش يعلق) الايميل: هو ممنوع وانا كده كده مكنتش هكتبه المحافظه: اسوان اى سوال تانى انا فى الخدمه |
اهلا بيكي كاميليا العضوة رقم 10
اسمك حلو علي فكرة و أول مشتركة كمان معانا من أسوان يعني عضوة مميزة :) |
فكرة جامدة جدا
وانا احب ابشرك انك هتلاقي اقبال كبير بس في ان الاعضاء يحطو اسماءهم وكدة احنا هنا اساتذه تعارف ماشاء الله علينا:d بس في موضوع الجمعيات والجروب ده انا مش متفأله بس ربنا يوفقكم يارب وانا ان شاء الله هكون اول واحدة تشترك في الموضوع ده لو اتنفذ بس والله فكرة جامدة وانا فرحانه ان في افكار كدة في السن الصغير ده |
اهلا بيكي كاميليا العضوة رقم 10
اهلا بيك اسمك حلو علي فكرة و أول مشتركة كمان معانا من أسوان ثانكس يا جميل ده بس من ذوقك يعني عضوة مميزة نحن دايما نختلف عن الاخرون هههههههههههههههههههههه مش غرور والله اصل عندى واحده صاحبنى دايما بنقول الجمله ده |
الاسم:بدون اسم
السن 15 الصف:داخلة اولى ثانوى الايميل:مش لازم قوى المحافظة:قناا |
اقتباس:
بس مش فاهم ليه بدون اسم ؟؟؟ |
ممكن تنادينى ميمى
انا ااسمى مش مش حلو بس علشان مش عايزة حد يعرفه |
اوكيه اهلا بيكي يا ميمي معانا
|
الاسم : أحمد
السن : 10 في سنة كام : داخل سادسه ابتدائي ايميلك : موجود في الملف الشخصي محافظتك : إسكندريه -------------- بالنسبه للإيميل إحنا مبنحطهوش في المشاركات إحنا بس بنقول إنه موجود في الملف الشخصي .. |
اهلا بيك يا أحمد معانا
|
الاسم :كاريمان
السن : 15 وهاكمل 16 قريب انشاء الله في سنة كام : فى الطريق الا ايلات ..اقصد فى الطريق الى اولى ثانوى يميلك : اللى يحتاجه يبقى يطلبه ونبقى نشوف الحكم بعد المداوله محافظتك : هنا القاهرة |
اهلا بيكي كريمان
نورتي المنتدي |
الاسم: امال
السن: 16 السنه الدراسيه: رايحة 3 ثانوى الايميل: ممنوع المحافظه: اسكندرية |
شكرااااااااااا كتير كتير على التوبيك ده الاسم :رضا مافيا محافظه :الاسماعيليه \ فايد \ ......................... القنال السن : عايش بقالى كتير ومكسل اطلع البطاقه واحسب انا هخش سياحه وفنادق ان شأ الله الايمل : مش بحب حد يقولى انتا غلطت الايملى موجود فى الملف الشخصى شكراااااااااااااا مره تانيه على التوبيك الهايل دا .................................................. . |
هو احنا هنبدا نعمل اى حاجه امتى
|
الاسم : بسام
السن : 18 في سنة كام : داخل اعدادى هندسه ايميلك : ملوش لزوم محافظتك : الدقهلية ( المنصورة ) |
الاسم \ امل السن \ يعنى فى 1\9 الجاى هكمل 18 سنة ((بقالى كتير عايشه )):) محافظة \ الدقهليه (( المنصورة )) الايميل \ بينا رسايل خاصة ميرسي يا محمد على التوبيك الرائع دة |
الاسم :أميرة .
السن: 16. الصف: داخله على 3 ثانوي علمي ..ادعولي.. المحافظه : الشرقيه.(الزقازيق) الايميل: حسب الطلب. |
هاى ياجماعه احب اكون معاكم
الاسم منى السن ممكن نعتبروا 17 وامرنا لله المحافظه الدقهليه السنه الدراسيه الحمد لله خلصت الثانويه وان شاء الله اعدادى صيدله الايميل ليس له اهميه |
اقتباس:
شكرا ليكي علي الرد الجميل و نورتي الموضوع و شرفتي الرابطة |
اهلا فايد نورت الموضوع
اهلا امال و أمل <=== جناس ناقص ههه منوريين كلكوا اهلا بسام شرفتنا بانضمامك اهلا مني تشرفينا طبعا بوجودك |
طيب وبعد ما عملنا الرابطه هنعمل ايه ....؟؟؟
|
|
| جميع الأوقات بتوقيت GMT +2. الساعة الآن 02:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.