|
صور وتفصيل عن لقاء الفيوم
بسم الله الرحمن الرحيم فى الساعة 6.30 صباحا كنت متجها فى السيارة لمقابلة الاستاذ عصام(صوت الحق) وعدد من مشرفى الموقع وكذلك مدير الموقع الاستاذ اشرف وصلت الى الموسسة وبعد عدة اتصالات بالأستاذ عصام لمعرفة مكانه واخيرا قابلت الاستاذ عصام شخصية جميلة وفريدة طيبة وتحمل صفات أهل الريف من كرم وأدب وتواضع فى كل شي جلسنا فى انتظار الأستاذ محمود القالع بعدما علمت باعتذار الاستاذ حسام وتخلفه عن اللقاء فى تمام الساعة 9 اتصل الاستاذ محمود القالع يعتذر عن الحضور وعندها شعرت بحزن لاننى كنت أفضل مشاهدة والتعارف على اكبر عدد ممكن من أعضاء المنتدى المهم قررت ان والأستاذ عصام ان نكمل طريقنا ونحن فى الطريق اخذنا نتجاذب أطراف الحديث ونتحدث فى كل شى الناس والحكومة والسياسة والمنتدى وهذا الحوار كان له بالغ الاثر فلم نشعر بطول المسافة وفى النهاية وصلنا الى الفيوم حيث وجدنا الأستاذ أشرف فى انتظارنا بعد السلام والتحية صعدنا الى مكتبه فى وسط المدينة وبدائنا نتناقش فى حال المنتدى كان النصيب الأكبر من النقاش عن القسم التعليمي وكيفية تطويره وهناك العديد من المشروعات التى سوف تنفذ فى القريب تم تحديد دور كل فرد فى المنتدى وتحديد الاختصاصات والتحدث عن مشاكل التى تواجه المشرف والعضو كيفية التواصل بين الجميع حان موعد الغداء وبعد الغداء عودنا العمل مرة اخرى وتم وضع خطط عمل شاملة لتنظيم المنتدى وبخاصة الأقسام التعليمية وكيفية جعل المنتدى مستقل ماديا وفى الساعة 5 قررنا اخذ جولة فى مدينة الفيوم وعند السواقي تم اخذ بعض الصور التذكارية سوف يتم رفعها فى الموضوع قريبا بعدها قومنا بتوديع الاستاذ اشرف على وعد بعمل المزيد من اللقاءات الدورية فى أماكن اقرب وفى موقف السيارات واخدنا نتحدث ان والأستاذ عصام فى نتائج اللقاء والمكاسب التى تحققت وبعد رحلة استمرت أكثر من 4 ساعات فى السيارة بسبب الزحام الشديد وقانون المرور كان الارهاق والتعب وظل شخص بجانبي يحدثني عن الزحام وانا فى غاية التعب فما كان منى الا ان صرخت فيه (انتا بتشكيلي همك ليه هو أنا حبيب العادلى ولا انا اللي عملت قانون المرور ) فما كان منه الا الصمت فى النهاية قررت ان والأستاذ عصام النزول من السيارة بعد انتظار طال ما يقرب الساعة والنصف على محور 26 يوليو أخدنا نتمشى وفى النهاية وصلنا الى محطة المترو نزل الأستاذ عصام قبلى بمحطتين وانا نزلت فى محطة كلية الزراعة بعد ان قررت اخذ جولة منفردة فى القاهرة وهنا رن هاتف الموبيل من الدكتور زومبا (عادل) وهنا قررت مقابلته والعودة مرة أخرى وكانت الساعة 10 مساء بالطبع عادل خبير فى شئون العاصمة ويعلم مخارج ومدخل مصر لذلك قرر هو القدوم إلى ولكن لحكمة لا يعملها الا الله بعد ان كنت المسافة بينى وبينه مجرد 4 محطات بالمترو ركب عادل المترو خطا ونزل فى بداية الخط وانا موجود فى البداية الاخرى واصحب هو فى الجيزة وانا عند كلية زراعة وأصبح بيني وبينهم 12 محطة هنا طلبت منه ان يتنظرنى وانا الذي سوف اتى اليه ولسوء الحظ كان الهاتف قد شرفت بطاريته على الانتهاء ولكن فى النهاية بعد ساعتين من البحث عن بعضنا البعض استطعت مقابله عادل فى الساعة 12 مع العلم اننا تحدثنا الساعة 10 ولكن كما قولت عادل خبير فى مخارج ومداخل العاصمة وعند مقابلته فى الساعة 12 وكنا واقفين امام محطة المترو قال لي أمامك كم من الوقت ممكن نقضيه مع بعضنا البعض قمت بتغيير اتجاهى 180 درجة وقولته الوقت انتهاء وصلني للموقف علشان اروح وفى الطريق أخذنا نتحدث عن مشاكلنا والمنتدى وما تناقشنا فيه وعن حياتنا الشخصية وكان كلى امل فى مقابلة خالد هذا هو مجمل ما حدث فى يوم الاجتماع ولكم انا سعيد بمقابلة الأستاذ عصام وعادل ولكم تمنيت مقابلة جميع أعضاء المنتدى مرة اخرى |
ياااااااااااااااااااااااه ده انتوا تعبتوا اوى ربنا معاكوا بقى وكمان رحتوا كلية الزراعة ياللى ربنا معاكوا بس كانت رحلة حلوة اوى يا بختكوا |
كان مشور ممتع والله
بس كان اجمل ما فيه انى قبلت كل الشخصيات دى في يوم واحد |
بجد أنا هموت من الضحك يلا الحمد لله خير إن الإجتماع جه بفائده بس متنساش ترفع الصور |
اقتباس:
كده هتخلى الناس تاخذ عنى فكرة مش موجودة اصلا اخ اسلام والله كل هذا من ذوقك وفعلا دى صفات اولاد البلد |
اقتباس:
بعيدا عن لغه الهكسوس اللي انتا كاتب بيها دي بس اهو تمشي:Dاستمتعت جدا بقراءه هذا الموضوع الشيق ولكم تمنيت ان اري الصور التي التقطها في رحلتك المشئومه وضاع العمر يا ولدي :D |
انا مقولتش غير الحقيقة يا استاذ عصام وبجد حضرتك شخصية جميلة اوى ودى بعض الصور http://img353.imageshack.us/img353/8251/image081yc9.jpg http://img413.imageshack.us/img413/1982/image082js6.jpg http://img413.imageshack.us/img413/8764/image084wj2.jpg http://img523.imageshack.us/img523/3346/image085qp0.jpg http://img505.imageshack.us/img505/7774/image083fe9.jpg نعتذر عن رداءة الصور من المصدر |
باذن الله فى اللقاء القادم فى بنها او القاهرة سوف نجهز كاميرة فيديو او كاميرة تصوير وننتظر أكبر عدد فى الحضور لكى يكون اكبر لقاء تعارف فى المنتدى وان تم فى بنها سوف يكون فى نادى المعلميين ببنها باذن الله
|
صور جميلة ما شاء الله
الطيور على اشكالها تقع تحس انهم عيلة واحد اب ومعاه اولاده |
اقتباس:
معاكم ان شاء الله |
ياعينى انتوا اتبهدلتوا عالاخر
بس اديكوا اتفسحتوا وخلاص حمد الله عالسلامة |
الحمد لله علي تمام الرحله وانكم وصلتوا بالسلامه والحمد لله انه جه بفيده
|
اقتباس:
لو في نصيب بقي ان شاء الله اكون معاكوا المره اللي جايه اقتباس:
وانا مليش علاقه اصلا بالمترو غير في المناسبات يعني مش مذاكر المحطات كلها رحت انا عند كلية زراعه اللي في جامعة القاهره :D اتصل انا به يقولي انا عند المترو الحاجه اللي هو ميعرفهاش اني مشيت مشي مايعلم به إلا ربنا ( مسافه قد اللي مشيناها من المترو لحد عبود مرتين كدا يا اسلام;) ) بس والحمد لله تمت المقابلة هي كلها في السريع بس اهو المهم اتقابلنا و اتكلمنا شويه وخلاص والميزه بقي في المقابله دي كلها اني انا واسلام مشفناش بعض قبل كدا يعني المفروض او ما نتقابل ناخد بعد بالاحضان او اي حاجه لا احنا كنا نكاد نضرب بعد قدام الناس كلها :D |
الله على الجمال
|
اقتباس:
بس انتوا نقيتوا مكان قريب شوية ههههههه فطبعا ما عرفتش اجى ربنا يسهل ويكون المكان اقرب شوية فى امان الله |
هيييييييييييييه هييييييييييييييييييييييه وشفت الصور اخيرا:D بس المرة الجاية خدوا موسوعة صور مش صورتين ولا تلاتة بس;) بس مفيش تفاصيل كده عن الاجتماع ولا اى حاجة |
ربنا يوفقكوا باذن الله ... و المنتدى يتقدم كمان و كمان
|
الحمد لله علي السلامة
و ياريتني اكون معاكوا بس الفيوم صعب مكنتش عرفت ارجع بورسعيد تاني ههههههههههههههههههههههههه و الله بجد كلنا اسرة واحدة و شكرا اسلام علي الصور |
ان شاء الله نعمل الاجتماع الجاى فى بنها
والمنتدى كله يكون موجود |
بصراحه الأستاذ عصام طلع فى الصوره عكس ما كنت متخيله تماماً حلو أوى الأستك اللى فى إيدك ده يا إسلام :D قمر والله |
الحمدلله على سلامتكو
وانكم رجعتوا بالسلامة وبفايده للمنتدى (انتا بتشكيلي همك ليه هو أنا حبيب العادلى ولا انا اللي عملت قانون المرور ) حتى الناس مسلمتش من عصبيتك يا اسلام :p هههههههه:D بس بجد ياريت كل اللى انتوا قولتوه ده يتنفذ |
اقتباس:
اقتباس:
استيك :D لا دى على رأى عادل الامام فى فيلم التجربة الدنماركية بتنجانه |
اقتباس:
اكل ودانى ياعم انا ناقص بالنسبة للكلام اللى اتفاقنا عليه فى اقسام اتعدلت فعلا فى حاجات تانية ابتده الشغل فيها وربنا يسهل وانا هفضل وراه لغاية ما كل اللى اتفاقنا عليه يحصل :D |
هى بنها دى فى محافظة ايه والاجتماع الجاى امتى:rolleyes: |
اقتباس:
هههههههههه ناوية تيجى ياحنان :D محافظة القليوبية الاجتماع الجاى بعد اسبوعين على الاكتر |
اقتباس:
يا اسلام دا انا لو طلعت بره الشارع بتاعنا اتوه:D يلا ربنا يوفقكم:) |
يا جماعة كنتوا بلغتوني الاجتماع فين بالظبط في الفيوم وانا كنت روحت دي كلها خطوتين واهي اقرب من بنها يلا بقى تتعوض ان شاء الله
وعموما حمد لله على السلامة |
اقتباس:
ياريت تحضر الاجتماع القادم فى بنها باذن الله الاستاذ محمود طه القالع والعبد لله مستعدين له من الان وباذن الله سوف يكون قبل رمضان الكريم يعنى مبدائيا كده يوم 20/8 باذن الله فى نادى المعلمين ببنها اتمنى تحضر ياسادات لكى ترى الاستاذ عصام على الطبيعة اصلى الواد اسلام معرفشى يقول الحقيقة فى الوصف انتظر الجميع باذن الله |
بقولكم ايه هو مفيش بنات هنا تحب تقابلنى يا جماعة :D |
حمدالله عالسلامة يا رب تكونوا قضيتوا وقت كويس :) وبالتوفيق ف الاجتماعات الجاية و ف تنفيذ قرارات الاجتماع ده :) اقتباس:
واااضح :D اقتباس:
بافكر اعمل لنا اجتماع ف مكان قريب كدة ايه رأيك ف استراليا ؟ :p |
اقتباس:
موافقة موافقة :D بس كان نفسي يبقي ف القاهرة علشان انا بعرف اروح رمسيس :p يلا مش مهم استراليا مش وحشه بردو شغالة :cool: |
المهم انا عايزة بطاية
وكمان فرخة من اللى هتصطادوهم المرة الجاية هههههههه |
اها الموضوع قلب هزار بنات عمتا انتوا مش هتروحه لا استراليا ولا رمسيس انتوا هتروحه النار :D |
اقتباس:
ده كان تعليقى فى الاول بس للاسف ربنا ماخيبش ظنى .. احساسى العالى ده اللى مودينى ف داهيه :D بس ده برده ما يمنعش ان صوركوا منوره المنتدى :) |
اقتباس:
آسفة لو كنت زودتها شوية ف الهزار !! |
اقتباس:
ماتروحوا مؤمن اقرب وخلاص :D |
ايه يا عم هو انت كنت صايم اليوم ده ولا ايه ماتقولنا كلت ايه وطمنا عليك هههههههههههههههه
رحله سعيده وانشاء الله هبقي معاكو الرحله الجايه |
اقتباس:
اقتباس:
ومودينا معاكى :D اقتباس:
اقتباس:
والنبى انتوا عالم فاضية :D اقتباس:
|
يا جماعة انا بقترح يتم تقسيم الأعضاء بحسب المحافظات ليتم التعارف بين أبناء المحافظة الواحدة
أهو أنا مثلا من الفيوم وكنت هابقى سعيد جدا لو اتقابلت معاكم يمكن تكون لي مشاركة ولا حتى شرف الاستضافة |
رائع والله
بجد ربنا يجايزكم خير علي مجهودكم بس مش عارفه ليه حاسه ان الاجتماع جه بأثر عكسي:rolleyes: بعد مارجعتوا شفت حاجات عجيبه :D المهم خير ان شاء الله وان شاء الله الاجتماع الجاي يبقي افضل:) |
اقتباس:
No Problem :) |
انتوا بتعملوا الإجتماعات بعيده اوي كده ليه
بس شكله كان اجتماع لذيذ |
أنا عندي إقتراح متواضع
ليه مش تعملوا اللقاء ده في القاهرة مثلاً :p |
وشكراً يا Guide على الموضوع :p
|
اقتباس:
بس المشاغل هه هتتعوض ان شاء الله |
بجد كان نفسى اكون معاكم والله
بس ياريت لو حتعملوا جتماع قريب ياريت يتم نشر الميعاد والمكان فى موضوع فى الركن العام عشان الكل يشوفه وصدقنى حتلاقى ناس كتير اوى اوى جت وانا اول واحد حكون موجود باذن الله |
يااااااااااااااااااااااااااااااااااااااااااااااااا ااة كل دة حصل فى يوم واحد
دنا عاوز يوم بس علشان اوصل للفيوم هههههههههههههههه بس والله كان نفسى اكون معاكم بس مكنتش اعرف يلا خير الحمد لله ويارب تكونو عملتو قرارات وتعديلات كويسة وانا متاكد من كدة طالما والدنا العزيز كان موجود ( الاستاذ عصام ) بس فية اقتراح اتقال وتقريبا محدش اخد بالة منة وهو : اقتباس:
انا موافق جدا جدا جدا على الاقتراح دة وعلى فكرة انا ملاحظ ان فى اعضاء كتيرة جدا من بلدى ( المنصورة ) ودة هيبقى اجتماع جامد والى يقدر يجى من اى بلد تانية ويشرفنا طبعا ياريت تدرسو الاقتراح دة وتردو علينا بسرعة |
:)والله شكله اجتماع حلو اوي يا اسلام
كل دا بيحصل واحنا قاعدين هنا بنعد النجوم في عز الظهر ؟؟ ياريت الواحد كان ولد كان عرف يتمشي في البلد دي براحته بدل ما هو قاعد في البيت كدا ومش عارف يروح يمين ولا شمال زيكم :006et4: اللهم لا حسد:) يلا الحمد لله على كل حال مالهم البنات حلوين برده:av4056bb7jp3: ربنا يوفقكم اكتر واكتر :) وتعيشوا وتجتمعوا تاني :romarioxp6: موضوع حلو يا اسلام ومش قدرت ابطل ضحك صراحة:lol: اسلوبك في الكتابة حلو جدا:rolleyes: وبيجبر القارئ انه يكمل لحد الآخر ما شاء الله تقبل مروري المتواضع بس سؤال كدا على الواقف هو ايه المكان الي انتوا متصورين فيه دا ؟؟:confused: |
على فكرة بجد احنا محتاجين ان الاعضاء كلهم يتعرفوا على بعض ويكونوا متقاربين وصدقونى الاجتماع ده حيكون شئ جميل وحيكون له اثر جامد اوى
يعنى ممكن مثلا فى اعضاء بيدرسوا فى جامعات بره المحافظة بتاعتهم ممكن يجتمعوا مع الاعضاء اللى فى البلد اللى فيها الكلية وكده وبرده اعضاء المحافظة الواحدة يجتمعوا مع بعض وممكن نعمل اجتماع كبير للاعضاء والمشرفين واللى حايجى حيشرفنا واللى مش حيجى حيوحشنا ولا ايه رايكم |
ياااااااااه انتوا لسه فاكرين احنا عملنه اجتماع بعده فى كتبة مبارك فى القاهرة وكان معانا (الاستاذ محمد الوردانى- الاستاذ حسام فارس النت - الاستاذ محمد سرور - الاستاذ سد عثمان على ما اعتقد - والاستاذة رانيا - شيرين - والرهينة - وفتاة الاسلام - والاستاذ عصام طبعا والاستاذ اشرف ) وكان يوم مشينا مشى بس كان يوم جميل جدااا |
| جميع الأوقات بتوقيت GMT +2. الساعة الآن 01:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.