|
~~ تجربتى فى الثا!انويــة ~~
سلام عليكم
ازيكم ياا جماااعة .. كل سنة وانتوا طيبين وربنا يعوود الاياام علينا و ع الامة الاسلامية بخير إن شااء الله ومبرو9و9و9ك لاخوااتنا اللى خلصوا ثاانوية عاامة ع النتيجة وربنا يكرمكم فى الكليات إن شااء الله ندخل بئى فى موضوعنا .. اناا لسه هدخل 3 ث #علمى_علوم وجت على دمااغى فكرة انى انزل التوبيك ده وكنت عااوزة منكم شووية نصاايح كده وبرضه ايه المشااكل اللى واجهتوها ؟ وازاى نتغلب عليها ؟ وبرضه ايه الكتب الخاارجية اللى نستخدمها فى كل المواد ؟ والسؤال ده عااوزاه ضرورى ليا .. انا إن شااء الله نااوية اخد درسين فى الاحياء .. ينفع ابتدى مع مدرس فيهم من اول المنهج والتاانى من بداية الوراثة و لا الفصول مترتبة ع بعضها ؟ وكنت عااوزة شووية نصاايح على التعبير الابدااعى وبالنسبة للملازم والمذكرات اللى بتنزل فى المكتباات كنتوا بتستخدموها و لا لا يلا بئى مستنية تعليقااتكم |
نصيحة
اوعي اوعي اوعي تاخدي درسين في اي مادة |
اقتباس:
|
محدش ياخد درسين في مادة يا جماعة
لو مضطر قوي يبقي يبقي مادة واحدة بس انا كنت باخد درس واحد بس ما عدا العربي والحمد لله جبت 99.51 علمي علوم . وزمايلي كانوا بياخدوا درسين فيزياء ودرسين عربي ودرسين كمياء ومجابوش مجموع عالي والمواد اللي ضيعتهم هيا المواد اللي اخدوا فيها درسين وفر وقتك واستغل وقت الدرس التاني في المزاكرة وحل علي المدة افضل بكتير وبدل ما تحل كتاب علي المادة هتﻻقي وقت تحل اتنين . المدرس مش هيدخل لك المعلومة فدماغك ويثبتها هوا دوره مجرد شرح يفتحلك المادة اانت عليك الحل وتثبيت المعلومة .. بقول تاني وفروا وقتكوا المواد سبعة ولو ضيعت وقتك في درسين في كل مادة مش تعرف تزاكر خالص . انا مكنتش بﻻقي وقت والله ما بالك بالللي هياخد اكتر من درس في اكتر من مادة وليلة اﻻمتحان ندمت جداااا اني اخدت درسين ﻻن اهملت شوية مع اﻻتنين واتمنيت اني كنت اخدت عنج واحد بس وركزت معاه |
اقتباس:
|
على فكرة براحتك فى موضوع الدرسين ده...كل واحد بيعمل اللى بيناسبه
انا كنت حريص انى اخد درس واحد فى المادة وجبت 98% بس فيه واحد صاحبى كان بياخد درسين فى بعض المواد وجاب 99.2 % :) |
والله انا صحابي اللي كانوا بياخدوا درسين ضيعوا نفسيهم
مفيش حد فيهم جاب مجموع انا بقي الحمد لله مخدتش والا حصة واحدة فيزيا وجيبت فيها 60/60 الانجليزي خدت فيه مراجعة بس وجبت فيه 45(مظلوم والله :d ) بس قولت مش هعمل اعادة تصحيح عشان متستاهلش الحمد لله جبت 96.1% علمي رياضة حكاية الدرسين دي مصيبة انا زمايلي والناس مستغربين اني جبت المجموع ده لاني كنت 6 ساعات بالميت كل يوم لعب وهما مكانوش بيلاقوا وقت يذاكروا اصلا عشان يلعبوا :d الساعتين والا التلاتة اللي هتوفريهم كل اسبوع بتاع الدرس ده تقدري تخلصي فيهم 4 اضعاف اللي هيديهولك المدرس كلام عن تجربة علي فكرة |
اقتباس:
اقتباس:
اقتباس:
|
موضوع رائع
بس كنت بطلب من الناس اللي خلصت انها تقولنا كانت بتزاكر الفيزياء ازاي انا مش خايفه من اي ماده غير الفيزياء دي وحاسه اني مستحيل اقفلها ياريت كل واحد يقولنا كان بيزاكرها ازاي ولو عايزه اقفلها اعمل ايه بالظبط وشكرا مقدما =) |
موضوع حلو مفيش كلالالالالالالالالام
|
اقتباس:
اقتباس:
|
اقتباس:
[*]المشاكل طبعا الملل :cool: وكمان بالذات فى شهر 5 :mad: [*]المشكلة دى من اول السنة تتحل انك تدى لنفسك وقت راحة تستمعى تسيبك من المذاكرة متحطهاش ف دماغك اصلا وعشان تعملى كدا تكونى بتذكرى وتحلى اول باول [*]متقعديش وقت الراحة تقعدى ع المنتدى لا استمتعى بالوقت دا ومتغصيش على نفسك ورايا مذاكرة بتاع لا ادى لنفسك راحتها [*]وطبعا اهم حاجة صلاتك والاذكااااار .. قيام ليل واستغفار وصلاة ع النبى راااااااااحة وبركه اقتباس:
باقى المواد كتابين كل متحلى اكتر كل ميكون فى ثقة فى نفسك اكتر وكمان كتر الحل فى افكار بتحفظيها واسئلة والامتحان بتاع الثانوية مش عاوز تفكير لانه بيكون طوييييل عاوزك تكونى فاهمة الفكرة والسؤال وترصى على اللى عرفاه :rolleyes: اقتباس:
العربى > الرسالة والامتحان احياء > امتحان والنفيس جولوجيا > امتحان واول كيميا > امتحان انجليزى > ذا بيست اى كتاب لان اصلا كل الامتحان معتمد ع SKILL المانى > هالو وستار وقبل دا كلو دليل التقويم اقتباس:
اقتباس:
اقتباس:
دليل التقويم فى المكتبات عادى |
ميرسى اوووى يا قمر ع ردك ........ بس مش ملخص الامتحاان فى العربى اسئلة وبس ؟؟؟
|
اقتباس:
|
اقتباس:
وكمان جيبى المعلم مراجعة نهائية جايب امتحانات الثانوية العامة بالاجاية النموذجية بدرجتها حاجة من الاخر |
اقتباس:
طيب بالنسبة لدليل التقويم هو المفروض ابتدى احل فيه من امتى ؟ (لانى سمعت انه بينزل على شهر 2 وانا شاايفة ان ده متأخر اوووى) معلش بئى هستغلك شووية ممكن :028ja7: فى الاحياء انا هاخد درسين ينفع ابتدى مع مدرس من بداية المنهج والتانى ابتدى معااه من الوراثة و لا ؟ لانى فى ناس قالولى ان الفصول مترتبة ع بعضها |
علاج مشكلة النسيان
ازيكم ياا جماعة .. كل سنة وانتم طيبين
اناا ياا جماعة قررت انى انا هكتب انهاارده عن شووية المشاكل اللى بتوااجه الطلاب بصفة عامة وهى النسيان :angry2: وبعد مجهوود فظيع لقيت واحدة ربنا يبارك فيها متكلمة عن المشكلة ديه وحلها فبدااية كده #منقووووول عشان الناس اللى بتنسى ومش بتعرف تعمل ايه *علاج مشكلة النسيان : 1-الاستعانة بالله -عز وجل- والإكثار من الدعاء: ( اللهم راد الضالة وهادي الضلالة أنت تهدي من الضلالة أردد علي ضالتي بقدرتك وسلطانك فإنها من عطائك وفضلك). 2-المصالحة مع الله بالمزيد من الاستغفار والتوبة ومضاعفة العبادات. 3-الترويح عن النفس بالوسائل المشروعة؛ لأن القلوب إذا كلت عميت. 4-الاستعانة بالمذكرات والملخصات والوسائل التعليمية المعينة على الاسترجاع. 5-التلخيص أثناء الاستذكار في ورق فقد قيل: "ما حُفظ فر، وما كُتب قر). واليك بعض النصائح الأخرى: 1-لا تذاكر وأنت مرهق؛ لأن التعب لا يساعد على تثبيت المعلومات. 2-كثير من الطلاب ينتقلون في مواد المذاكرة بغير نظام ويحفظون بدون أخذ فترات للراحة، وبذلك تتداخل المعلومات وتصبح مشوهة. 3-تكرار الحفظ مع المراجعة في فترات متفاوتة يساعد على تثبيت المعلومات. 4-حالتك النفسية المضطربة أثناء المذاكرة هي دافع للنسيان لذلك حاول دائماً التخلص من مشاكلك أولاً بأول حتى تكون مستقراً. 5-التركيز والانتباه من العوامل الأساسية لمقاومة النسيان. 6-الترك والإهمال هو أساس النسيان والذاكرة الضعيفة. 7-وأخيراً ابتعد عن الذنوب والمعاصي حتى لا تنسى. قال الإمام الشافعي: شكوت إلى وكيع سوء حفظي فأرشدني إلى تـرك المعاصي وأخـــبرنــي بأن العلـم نـور ونـور الله لا يهـــدى لعاصِ |
الاحباط وعلاجه
وسع وسع من هناا .... للاحباط حل عندنا :av4056bb7jp3: :av4056bb7jp3:
ونبدأ بسم الله :- 1-اول حاجه اتوضي 2-اقعد فى مكان لوحدى واقفل على نفسك يعنى تبعد عن اى سبب للاحباط واى حاجه تفكرك ب الاحباط 3-مشوفش غير المستقبل الايجابي فكر ف النجاح بتاعك اللى هيحصلك لما توصل لحلمك وتحققه 4بعدين اقعد فى هدوءءءء وخد نفس عميــــــق اكتر من مرة شهيق عميق وبعدين زفير طلع فيه كل الحاجات اللى سببت لك الاحباط ده كرر الموضوع ده اكتر من مرة 5-ابدأ افكر ف الهدف واغمض عينى ياترى هتحس ب ايه وانت ف كليتك كدا وحققت حلمك عيش اللحظة دى 6- اسجد ف الارض بين ادين ربنا واحكيله عن كل اللى جواك سجود عادى من غير صلاه اتلكم واحكى كل اللى جواك بلهجتك وصوتك وف الاخر تستعين ب الله وتقرأ سورة يس وتبدأ مذاكرتك عشان توصل لهدفك اللى هو رفعة شأن الامة دى واستعاده امجادها التمارين دى عن تجربة #منقووووووووووووول |
اقتباس:
فى اول الكتاب بتكون اقتباس:
بس اصلا لو جبتى واحد من ع النت او من صاحبتك قديم بيكون زى الجديد وشهر 2 مش متأخر يعنى هوا صراحة دليل التقوم وكتاب المدرسة اهم حاجة بس يعنى سواء حليته فى الاول او الاخر المهم تحلى وتشوفى الافكار المهمة وتسجليها فى كراسة او كدا وعادى لو حلتيه مرتين اول واخر :cool: بس عادى برضه لو حلتيه من شهر اتنين لانه شهر اتنين برضه بدرى المهم متكوميش على نفسك كتب جيبى كتاب كتاب وحليه وبلاش التوتر دا اقتباس:
هوا الوراثة وDNA لكن مشوفتش اى ارتباط اصلا فى الفصول فصل بيتكلم عن الدعامة والحركة وفصل عن التكاثر وفصل عن الوراثة وفصل عن DNA مفيش ترابط الا فى بعض الاسئلة الغلسة عادى واحد من ورا وواحد من قدام بس اصلا كتير عليكى ذاكرى شوية شوية انتى كدا هتزهقى بدرى بدرى هتلاقى كوم من المذاكرة ومفيش ترويح عن النفس بس اللى شيفاه احسن ليكى اعمليه بس لازم تاخدى راحة عشان متجيش اخر السنة تبقى مش قادرة تفتحى كتاب واعرف ناس اخدت درس واحد وقفلت |
يا جماعه هو انا لازم احط جدول مذاكره لنفسي ولا عادي لو ذاكرت بنتظام من اول السنه وخلاص
اصل انا مجربتش الجداول دي قبل كدا ولو حد كان ماشي علي جدول ياريت يقولي مفيد ولا لاء لان معظم الناس بتضيع وقتها فعمل جداول كل شويه وانا مش عايزه اكون كدا |
اقتباس:
اقتباس:
اقتباس:
|
اقتباس:
|
اقتباس:
|
اقتباس:
|
| جميع الأوقات بتوقيت GMT +2. الساعة الآن 09:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.