|
محتاجه مساعدتكو اوى
الاول انا نفسى اكون صحبتكو لانى معرفش حد خالص فى المنتدى ثانيا انا عايزه نصيحتكو فى المشكله الى انا فيها ومحدش يبخل عليا بنصحته الله يخليكو............ انا داخله اولى اداب انشاء الله وبقالى 3 سنين بحب ابن عمى يمكن علشان هو كان صاحب اخويا اوى وكان عندنا علطول واحنا عندهم علطول واخته صحبتى وكنت قيللها بس ماحولتش ان انا اكلمه وفجاءه فى شهر 4 كنت فاتحه الايميل بتاع اخويا ولقيته فاتح فكلمته اذيك عامل ايه وكده بس هو مره واحده قعد يسالنى اذا كان اخويا موجود ولا لا وهو مكنش موجود و قلى ان هو كمان بيحبنى بس مش عايز حد يعرف دلوقتى علشان متحصلش مشاكل فى العيله وقلتله ماشى وفضلنا ماشين كويس شهرين وفى الشهر التالت كانت خطوبة اخته الى هى بنت عمى بس مش صحبتى واحده تانيه بس هو مكنش موجود علشان كان فى شغله ومعرفش يجى المهم اخويا معاه موبيل n95فبيصور فيديو وكاميرته حلوه فقال يصور بيه الخطوبه لانها كانت فى البيت فظبت الكاميرا على الفيديو وبعدين التليفون علشان كان ايامها لسه طالع فكله عايز يشوفه ويتفرج عليه وكده والى بيضغط على الزراير وهو مش عارف هو بيضغط على ايه فتعمل اوف لاين وبعدين بنت عمى كانت عايزه تدخل تاخد دش وقبل متدخل اخويا دخل يعمل حمام ومعاه الموبيل ونساه على السوفون وطلع ولما بنت عمى دخلت الاول بتشوف حاجه على السوفون فلقت الموبايل والكاميرا مفتوحه وبيصور ومتسلط على البانيو قلتلك بس هو حاطه علشان يصورها بس هو والله مكنش قاصده المهم الموضوع اتلم علشان الفرح وقالو مش هنعرف لا بابا ولا ماما علشان علاقة بابا بعمو ولما ابن عمى الى هو حبيبى جه من السفر حكوله ولما جه اخويا يكلمه قاله الى حصل حصل وانا معتش عايز اعرفك فكلمته اقوله انا هيبقى ايه النظام معايا قلى انا وانتى بنحب بعض وطالما عمو وطنط مش عارفين مش مشكله والموضوع اتقفل خلاص بس انا واخوكى ملناش دعوه ببعض وبعدين جه عم من اعمامى قال لبابا وماما عرفت وراحو لعمى واعتزروله بس عمى ده قال لبابا ان انا قلت ان انا ميهمنيش الا ابن عمى الى انا بحبه وانا مقلتش كده فبابا قعد يقولى انسى الكلام ده ودا مينفعش علشان متخانق مع اخوكى ولما اقعدت اقوله يصالح اخويا وان هو معملش حاجه مش راضى وبيقلى انا كده هخسر اختى وانا معتش اقدر اكلمه العمر كله وقلى خلاص معتش ينفع ان احنا نكمل مع بعض بس لسه بيكلمنى على اننا بنحب بعض وانا مش عارفه انساه ولا هو عارف ياريت تقوليلى اعمل ايه |
حد يقولى اعمل ايه الله يخليكو
|
وجهة نظر
بسم الله الرحمن الرحيم اولا اهلا بيكى انا محمد بصى ياسيدتى الموضوع ده اتعقد من البدايه لما بنت عمك طلعت ومعاها الموبايل لو كان عقلها كبير شويا ماكنتشى اخدت الموضوع على محمل جدى ولكن اذا كان اخوكى مظلوم يبقى خلاص ربنا مابيرضاش بالظلم وعلى العموم ابن عمك الى انت بتحبيه ده هو غلطان لانه ماتكلمشى مع اخوكى وعرف منه تفاصيل الموضوع وكان بصرف النظر عن مين غلطان قالوه احنا هنفضل اصحاب ده اصلا لو كانو اصحاب بجد وعارفين بعضهم كويس بس منحيث انتى لسه بتكلمى ابن عمك اوك بس هو لازم ياخد خطوه ايجابيه يعنى يتقدم لخطبتك ومتهيألى ده الى هيبقى الحل انه يجمع شمل العائله تانى وهو يحاول يقنع والده ووالدته وان انتى مالكيش ذنب فى الموضوع ده وهكذا الحال مع والدك ومتقلقيش الايام بتنسى اى حاجه وسلامى ياسيدتى الفاضله لإبن عمك وقولى لأخوكى بلاش n95 ولازم تقربوا من ربنا بصالح الدعاء انه يتتم الموضوع اوك واى خدمات ان اتشرفت بمعرفتك |
انا محمد من المنتدي :
بصي يا ... ( مقلتيش اسمك ) المهم ابن عمك لو بيحبك بجد أكيد هيعمل اي حاجة عشان الحب ده يكمل صح ولا لأ ؟؟ انما انه يقولك مش هكلم اخوك و مش هكلم مش عارف مين تاني ؟؟ يبقي كده هو بيهزر اللي بيحب بيعمل اي حاجة ؟؟ و بعدين الموضوع من رأيي سهل انه يتحل لأنه مش معقد اووي و لو حتي معقد ملهوووش دعوة هو يتقدم ليكي و يشوف رد الفعل و خلاص |
بصى يا do2do2 الموضوع صعب شوية بس ان شاء الله يتحل الاول و اهم حاجة انتى تحاولى بكل الطرق تصالحى اخوكى و حبيبيك علشان الامور تكون فى صالحك و لازم تقولى لحبيبك ان الوضع مينفعش يستمر كده و ان الحل بايده و عليه الاختيار ياما يصالح اخوكى و الامور تمشى علشان بباكى يوافق ياما يختار انكم متكملوش سوى و فى الحالة دى لازم توقفى الكلام بينكم نهائى على الاقل فترة فى الاول تقدروا تنسوا فيهابعض شوية لكن كده انتى معلقه نفسك على الفاضى لازم تواجهيه بالاختيارين و لو اختار الاول يبقى كويس يصالح اخوكى و يحاولو الاتنين مع بباكى و اكيد هوه مش حيقف فى طريق سعادتك اما بقى لو حبيبك اختار الاختيار التانى لازم متتكلموش تانى لحد ما تنسوا بعض و بعد كده تتكلموا فى حدود القرابة بس
معلش انا طولت عليكى اوووووووى بس اتمنى انى اكون قدرت افيديك |
انا بشكركو اوى لانكوا ردتوا و هو كمان اسمه محمد هو بيقولى هو لما ينفع يتقدملى هيجى لبابا ويقوله علشان هو لسه مخلص كليه السنه الى فاتت ومش جاهز و هو من ناحية اخويا ساعات بحس ان هو عايز يكلمه بس مش عايز لانه بيقلى انا حاسس ان انا هخسر اختى لو كلمته وبابايا بيقولى طول ما هما متخاصمين مينفعش اى حاجه تحصل اصل انا حكيت لبابا وماما على كل حاجه وانا من الاول كنت معرفه اخويا على كل حاجه وبجد طول ماهو واخويا متخاصمين مينفعش اى حاجه تحصل صح انا كمان مش عايزه اخسر اخويا
|
انا قلتله لو عايزنى هتعمل اى حاجه علشانى بس هو مش مقتنع الا بكلام اخواته ومش عايز يسمع لاخويا خالص وفى نفس الوقت يكلمنى عادى اكن مفيش اى حاجه بينا قلتله احنا مينفعش نكمل طول ما انت متغير مع اخويا علشان انا مش عايزه اتسلى يومين فى التليفون وخلاص يقولى ماشى واحنا ولاد عم نشوف بعض نسلم على بعض ونكلم بعض اقوله ماشى ولما يشوفنى اكننا مقلناش حاجه ونبقى مع بعض زى الاول مش عارفه اعمل ايه
|
بس مقلتش يامحمد اقول لاخويا بلاش n95ليه
|
مش لازم يتقدم رسمي
عادي يعني ابن اخوه و بيدردش معاه و لا علاقته بوالدك مدمرة برضه ؟؟ |
انا هقول حل جرىء شويه
روحى انت اطلبى ايده من عمك اذدا كانت علاقتك بعمك كويسه يعنى زى والدك واكيد هيتفهم الموقف بس اوعى ترخصى نفسك وديما بصى لنفسك على انك لؤاؤة لايستحقها الا ابن عمك وسلامى |
انا عايزه اقولكو على حاجه العلاقات بين العائلتين متقطعتش انا بكلم اخته الى هى صحبتى دى كل يوم وعادى وبابا وماما بيكلمو عمو وطنط عادى وانا بكلم اخواته كلهم وهما فاهمين ان انا مليش ذنب فى اى حاجه بس اخويا هو الى منعزل عن العيله كلها وانا عن نفسى مرداش لاخويا بكده مهما كنت بحبه
|
بلاش n95والله هزار مش قصدى بيها حاجه
|
اولا كويس ان العلاقات لسه كويسة
ده ميخلكيش تقلقي و متهيالي لو ارتبطوا العلاقات هترجع تاني مع اخوكي بمرور الوقت يعني انتي مثلا خايفة ان اخوكي يقطع علاقته بيكي لو ابن عمك خطبك ؟ او يرفض مثلا !! |
طبعا بس هو اخوكى عنده كام سنه
|
ياجماعه دلوقتى بابا بيقولى انا مش عايز اخسر اخويا الى هو عمى غير ان هو مخاصم اخوكى يعنى يوم متحصل مشكله بينكو وانا مش موجود هتشكى لمين وهو ده اخويا الولد الوحيد فاهم حاجه دلوقتى انه يصالح اخويا وهو مش راضى وبقوله مش لازم ترجعو لبعض زى الاول اصحاب اوى المهم تتكلمو يقولى معرفش ابقى بوشين يعنى لا راضى يصالح اخويا ولا راضى يبعد عنى
|
اخويا عنده 20 سنه واخويا مش هيرفض ولا حاجه بس انا مينفعش اتخطب او اتجوز لواحد متخانق مع اخويا اصل انا مرتبطه باخويا ده اوى وهو صاحبى اكتر من اخويا
|
اقتباس:
دلوقتي الحل مش معاكي و مش انتي اللي تعملي انت الحل معاه !! غير كده يبقي هو معلقك معاه و خلاص و احسنلك لو هيفضل كده علي طوول يبقي انفصلي عنه و كملي حياتك و أكيد هتعرفي غيره و هيكون مستعد يعمل اي حاجة عشانك لأن والدك فعلا عنده حق محدش ضامن عمره و لو حصل حاجة بينكم هتبقي عيشتكم كلها نكد و ده رأيي |
والمشكله دلوقتى مش ان انا اقول لباباه او هو يقول لبابايا عمى اصلا مش مخاصم اخويا والمشكله ان هما كانوا اصحاب اوى يعنى عارفين اسرار بعض علشان لما اجى اقوله انت عارف اخويا كويس يقولى ما المشكله ان انا عارفه
|
اقتباس:
|
اقتباس:
انه لازم يعمل حاجة و خلاص لأن واضح من كلامك انه كده بتسلي و انتي اللي شايلة هم الموضوع كله |
وماما كلمته النهارده تقوله يامحمد دا ابن عمك وانا كنت معتبراك اخوه لانه ملوش اخوات ولاد واقعد واسمع منه يقولها هو ابن عمى وخلاص علشان خاطر العلتين ميبعدوش عن بعض وانا الكلام الى سمعته من اخواتى هو الى سمعته من عمتى ومن عمى اصل عمى التانى ده هو الى لبسها لاخويا لانه ساعتها قال لاخويا مهما يقولك متردش عليهم ولا تقول قاصدك ولا مش قاصدك وبعد يومين قاله ياعمو انا عايز انزل اتكلم مع عمى قاله لا فمحدش سمع من اخويا حاجه خالص وملبسنهاله كده وخلاص انت عملت كده يعنى عملت كده و مدفعش عن نفسك
|
اقتباس:
|
السلام عليكم ورحمة الله وبركاته أختي الغالية سأهمس في أذنك بنصيحة أخ مسلم لأخت مسلمة ، وأرجو أن ينفتح صدرك لها ، أنت تعرفين أن الزواج قدر ونصيب من الله عز وجل ، وأنا من يسهل ذلك الأمر هو الله عز وجل ، ليس عمك وليس ابن عملك ولست أنت ، أختاه يجب عليك أن تتقربي إلى الله بالطاعات وانتهزي فرصة شهر شعبان المبارك وأكثري من الصيام والصلاة والنوافل وتقربي إلى الله عز وجل بكل ما تستطيعين من أعمال صالحة ، أختاه اعلمي ان المحبوب الأول هو الله عز وجل ، أحبي الله يحبك ، يكن لك سمعك الذي تسمعين به ، وبصرك الذي تبصرين به ، ويدك التي تبطشين بها ، أختى تلك همسة في أذنك وأرجو من الله عز وجل أن يقر عينك بما تحبينه وما يحبه والسلام عليكم ورحمة الله |
اقتباس:
تمام كده لأن هو ده اللي المفروض يحصل بس متحسسهوش انك مستغنية اوي أو متمسكة اووي |
اوك انت لسه بتدرسي يعني ما فيش خطوبة دلوقتي وانا متاكده ان الحب اللي بينكم بجد اتمسكوا ببعض ولحد ما يجي وقت الخطوبة اديكي بتحاولي تصلحي العلاقة بين ابن عمك واخوكي
وبعدين عاوزة اقول حاجة كمان ان انتي يعني يا ريت بلاش تتعودي على ابن عمك اوي يعني مش شرط كلام لوحدكو وكده انتو لسه مش مخطوبين ومحدش عارف نصيبه فين واهلا بيكي اخت وصديقة |
شكرا ليكو بجد وانا كسبت اخوات ليا بجد
|
اقتباس:
متعرفش اي حد فيها لغاية ما تشوف ايه اللي هيحصل يبقي حراام امال هتعرف فين بعد الكلية لما تشتغل مثلا و تكون خلاص بقي كبرت و تقبل باي عريس ؟؟ لأ طبعا |
انا ما قلتش ما تكلمش حد خالص بس مش ممكن الواحد يقضيها غراميات مع وحده طول الوقت ولمده كبيرة وهو مش عارف هي بتاعته ولا لا
واسفة لو الجملة دي دايقت حد |
بصوا ياجماعه انا والله مش من النوع الى ممكن اتكلم مع اى ولد ونحب فى بعض والكلام ده وانا كلمت ده لانه ابن عمى وعارفه ان هو هيحافظ عليا ومفيش مقابلات بره ولا الكلام ده الحكايه كلها كانت تليفونات ومكناش بنشوف بعض الا فى المقابلات بتاعت العائلتين بس وبرضو كنت معرفه اخويا على كل حاجه وقلى هو كويس وهيحافظ عليكى يعنى من الاخر انا هو سبنى بعض او مسبناش بعض مش هينفع اتكلم مع ولد تانى وعايزه حد يقولى فى امل هو و اخويا يتصالحو ولا لا
|
ايوة طبعا في امل كبير جدا جدا انهم يتصالحو ........يااااااااااااااااارب يتصلحو قريب اوي
|
ايه يا Ringerفى امل يرجع يتكلم مع اخويا ولا لا هو اخويا بيقولى ده مش من النوع الى عايز حد يقعد يتحايل عليه وونبى كلمنى والحاجات دى وبيقلى شهرين تلاته وهكلمه وهعرف اخره
|
اقتباس:
|
اقتباس:
وواضح أن أخوكي بيحترم ابن عمك ( لما بيقولك هيحافظ عليكي ) و كمان هم كانوا أصحاب يعني في أمل انهم يتصالحوا أكيد هو لو أخوكي في نيته انه يكلمه أصلا بعد شهر و لا ثلاثة يبقي اقنعيه انه يكلمه دلوقتي و بما انه عارف اللي بينكم يبقي خلاص قوليله أن خلافهم ده مش في مصلحتك و أنه كده بيضرك و بدل ما تقنعي ابن عمك اقنعي اخوكي أسهل و أكيد أخوكي مش هيرضي أنك تفضلي كده أو تدخلي طرف ثالث و هو أخته ( بنت عمتك ) لو هي تعرف اللي بينكم و متهيالي هي اللي ممكن تحل الموضوع لأنها هي اللي عملته بس عامة بقولك ان شاء الله شكلهم هيتصالحوا ( من كلامك ) بس بمرور الوقت و الزيارات طبعا الكتير و كده |
هو اخويا بيقولى هو دلوقتى الموضوع لسه سخن وهو متعصب اوى فلما يهدى شويه ويقبل كلام هيتكلم معاه خصوصا هو مبيحبش الى يتحايل عليه كتير وبنت عمى الى هى اخته عارفه منى انما هو ميعرفش ان هى عارفه ومش دى الى عملت المشكله اختها التانيه الى كانت خطوبتها يومها
|
اقتباس:
انا هو فعلا كلام أخوكي مظبوط 100 % انا كنت فاكر انا الموضوع اصلا عدي عليه وقت بس لما رجعت للموضوع بتاعك لقيته تقريبا في شهر 7 يعني من قريب اووي و علي العموم رمضان جي قريب و أكيد مش هيفضلوا متخاصمين في رمضان ولا ايييه يعني علي بداية الدراسة أعتقد أن الموضوع هيتحل |
يارب يتحل وبجد شكرا ليك وانا زهقتك معايا بجد شكرا وتصبح على خير
|
اقتباس:
و عادي ولا زهق و لا حاجة :D |
| جميع الأوقات بتوقيت GMT +2. الساعة الآن 08:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.