أول تجربة مناقشة مع طالب فى الصف الثانى فى منهج المنطق الجديد
 

جزاك الله خيراا فعلااا نفس الكلام انا وقفت قدامه .. وكذلك لفظ البرهنه على الحج .. والمقدمات والنتائج .. كل هذة الالفاظ تحتاج لشرح حتى يفهم الطالب طبيعة دراسة المنطق

مما يدل على نجاح سياسة المستشارين فى تهميش المادة

pepo2003
بالفعل المنهج به تهميش غريب للمادة خصوصاً مادة المنطق ليس بها أى ترابط كلها قص ولصق

وكمان مش هاينفع فيها الحفظ حتى للطالب لأن بها الكثير من المصطلحات التى تحتاج لشرح معانيها دون دراستها .... زى تعريف جامع مانع ذى ماحضرتك قولت .. هاتشرح معناه لكن مش هايبقي مطالب بيه فى الأمتحان .. وكثير جدااا من هذا النمط كلام فى غير محلة ... بجد لا حول ولا قوه لنا الا بالله

غدا نلقي الأحبة
بالفعل كلام حضرتك سليم طالب الثانوى لا يهتم اطلاقاً بجزء غير مقرر عليه حتى لو كان شرح مهم للمادة أحد طلاب تجربيتى قلت له بالنص الآتى:
يجب أن تفهم معنى بعض الكلمات حتى تستطيع فهم الموضوع حتى لو كانت تلك الكلمات غير مقررة عليه فى المنهج
رد الطالب قائلا: أستاذى الفاضل (احنا يدوب بنذاكر المقرر بالعافية - هنركز فى حاجات مش فى المنهج؟؟؟)
طبعاً هناك سبل كثيرة لإقناعه لكن أسرد الوقائع التى ترتبت على هذا المنهج الذى يحتاج إلى منهج

أ.طارق ابو المجد
أستاذى الفاضل
من العام الماضى أو بالتحديد من لحظة بداية التدخل فى المناهج واضح جداً أننا أصبحنا مدرسين لمادة مهمشة
نحاول جاهدين أن نقنع زملاؤنا وطلابنا بأهمية المواد الفلسفية لكن للأسف المناهج لا تساعدنا
ربنا يرحمنا

السادة المستشارين الكرام يا ريت تشوفو مستشارين المواد الآخرى ازاى بيجذبو الطلاب لدراسة موادهم مش يخلوا مواد تحصيل اعلى درجات فى مزبلة المواد وكفاية عليكوا كده ملكوش دعوة بالمادة تانى ضيعتوها

مستشارين المادة كتر خيركم خليتوا المادة فى مزبلة المواد مع انها من اعلى درجات تحصيل للطالب سبوها بقى خربتوها

احمد مصطفي سليمان
للأسف مستشارين المادة عبارة عن لجان لها مبالغ مالية محترمة والاسم أنهم يقومون بتعديل المنهج
نفسى حد يقولى فين التعديل الجوهرى
فين المحتوى الذي يجذب الطالب
فين ترابط المادة كلها قص ولصق
فين احترام مادة المنطق بالتحديد أتكلم عن أرسطو ولا أتكلم عن القياس بالتفصيل
أضع فى كتاب منطق مجموعة ألغاز تدعو للتفكير عبارة عن فوازير ؟؟!!
ربنا يرحمنا

لن ينصلح حالنا .........طالما لم نحترم عقلية طلابنا

فكرة رائعة ... استمر

للأسف أستاذى الفاضل / حتى مواضع التأمل دى لن تأتى فى الامتحان وبالتالى الطالب لن ينظر إليها بالمرة دة بالعكس بيشطب عليها وبيفرح ان فيه حاجة ملهاش لازمة اتشالت من علية فى المقرر .. الواحد بجد مش عارف يشتكي لمين ... الله المستعان

غدا نلقي الأحبة
ملحوظة حضرتك صح مليون فى المائة
بالفعل الطالب يقوم بشطب أجزاء التأمل ويفرح بحذفها فهى دائماً بلا فائدة

هل يوجد كتاب أنشطة وتدريبات لمنهج الفلسفة والمنطق الجديد 2015 للصف الثاني الثانوي

moustafa_ibrahim_edu

لا يوجد أى كلام حتى الآن يخص موضوع كتاب الأنشطة والتدريبات

مش عارف اللي حاطط المنهج ده عايز ايه
جزء الفلسفه تحس انه بلا قيمه
حتي المنطق اللي كنت بستمتع بشرحه
اصبح مصطلحات مش عارف اشرحها كما يجب ولا اعدي عليها كده
بعد اللي شوفناه في منهج اولي والسنه دي في منهج تانيه في حد عايز يخلي الماده ملهاش لازمه ويفرغها من محتوها
ولازم كلامنا يوصل للمسئول عن الماده
اظن الغرض من التطوير هو التحسين مش اللي حاصل ده
وعلي فكره اعترضنا مش علشان المنهج صعب ولاحاجه المنهج سهل جدا بس بلا هدف ويلا قيمه

أتفق مع حضرتك تماماً أستاذ حسام بالفعل من وجهة نظرى المنهج ليس له أى محتوى
أو بالتحديد يحاول امرور على كل موضوعات المنطق والفلسفة لكن دون أى تعمق أو أسلوب شيق
للأسف لا أرى أية قيمة له

المستشارين اللى وضعوا الماده اكيد كانوا شاربين بانجوا وهما بيحطوا المنهج ده

الجزء الخاص بالقياس فى الكتاب والله والله لو الطالب قرأ الجزء دا مليون مرة عمره ما هيفهم حاجة
ولو أنا شرحت بالتفصيل هكون خرجت عن المنهج
ولو التزمت بالكتاب هكون بتكلم لوحدى والطالب مش معايا خالص
طيب أعمل اية ؟؟؟؟
للأسف فى قوانين للمنتدى وهى الالتزام بالألفاظ بس يا ريت يكون وصلكم انا عاوز أقول إية

لو شاربين بانجو كانوا طلعوا منهج احسن من كدا