|
جروب ادابــــ .... مين معانا ؟
السلام عليكم ورحمة الله وبركاته ،، انا الحمد لله جاتلى اداب القاهرة كتبتها والله بس بر للوالدين .. لكن ككلية مش حاباها بس الحمد لله ،، اللى دخل اى اداب يا ريت يعرفنا و عاوزة اعرف كل واحد كمان ناوى ع قسم ايه ولو امكن كمان مجموع اللغات (من 160) :) |
طيب ابدأ بنفسي .. انا عاوزة التحق بقسم اللغة الصينية ، تبع شعبة العلمى وبما ان الواحد لازم يبقي عنده بدائل اذن انا حاطه بعدها قسم لغات شرقيه و علم نفس ده بفرض انى محولتش علوم عامتن ،، اللـــــــــه المستعان .............................. هو مفيش اداب غيري ولا ايه :D |
وانا كمان بما ان النتيجة ظهرت النهاردة انا قبلت فى كلية الاداب جامعة المنصورة
انا مكنتش حباها بس مش مشكلة كان نفسى ادخل تجارة المنصورة اصل انا من المنصورة المهم انا ان شاء الله هدخل اثار مصرية او علم نفس او وثائق مكتبية |
بابا قالى لو دخلتى علوم هتفشلى ههههههه
وقالى اتفضلى روحى عدلى تنسيقك كان ممكن اعاند بس استخرت وكتبت اداب بعد حاسبات ومعلومات وكانت نتيجة طبيعية انها تجيلى واتمنى ربنا يوفقنى فيها .. على اعتبار انى عملت كده برا لوالدى الراجل زأطط وعزمنا على غدا من بره وطاير بيا طيرااااااااااااااااااااااااااااااااان قلت للمدرسين بتوعى قالولى الله يحرقك يا شيخة اداب مين :d ومامتى حزينة جدا الكبيرة طلعت خايبة :) ايه المأساويات دى كله يفررررررررررررررح خير خير خير ان شاء اللـــــــــــــــه ،،،،، |
أنا جالى أداب انتساب أسكندرية وعايزة أعرف اية احسن قسم ادخله
|
هااااااااااااااااااااااااااااااي
انا بقى كان نفسى اصلا ادخل اداب انجليزى بس كان لازم اخد مستوى رفيع انجليزي وانا مكنتش اعرف الموضوع ده و الحمد لله جاتلى اداب عين شمس بس احتمال كبير جدا ماتجيش انجليزي فانا كتبت انجليزي وبعد كده اثار بس انا كنت عايزه اعرف هى ايه شروط الالتحاق بالقسم الانجليزي فى كليه البنات عشان لو كده احول كليه البنات ارجو الرد بسرعه بليز |
انا روحت اداب المنصوره
|
|
اقتباس:
لو مجموع اللغات عندك مساعد ،، توكل ع الله ..... وبصرف النظر عن ده شوف انت حابب ايه ؟ مايل لايه ؟ هتدى ف ايه؟ كمان انا بفضل الاقسام اللى اعدادها قليلة وربنا معاك :) |
اقتباس:
ان اداب انجلش مش شرط مستوى وده اللى قالهولى مدرس الانجلش النهارده ،، اسفه بجد مش قادرة افيدك اوى :( |
اقتباس:
وليه ؟؟؟؟؟ |
اقتباس:
ماما كانت بترشح لى اداب جدا جدا جدا جدا ولما سمعت انها اتملت ع الاخر زعلت اوى لانى كنت بفكر اذا ملحقتش رغبة اولى او سادسة احول لها ان شاء الله فقلت كدة ممكن اعانى كلية الاداب من الكليات اللى بحترمها جدا جدا جدا جدا جدا الف مليون مبروك يا رحمة :) وربنا يوفقك فيها ان شاء الله يا جميل ===== معلش ع المداخلة دى :rolleyes: للاسف مش معاكم بس حبيت ابارك واعبر عن مدى اعجابى بالكلية دى والسلام عليكم |
اقتباس:
يا قمرى ده فيها 50 مشكلة اولها ان بابا بيدرس ف الكلية وطبعا مش هدخل قسمه لكن لو انا تفوقت فيها هيقولوا علشان ابوها !! تانى حاجة انا كان ليا هدف ممكن يتحقق ف 3 كليات اعلام جرافيك ،، حاسبات ،، علوم حاسب لكن بابا بجد قالى من الاخر هخسرك لو فيها علوم مش عارفة بجد انا بفكر جديا احول علوم انتى ايه رأيكـ؟ ولا اخدها بر والدين وربنا يعينى ولا امشي ورا هدفى وازعل والدى؟ وبعدين اداب عاجباكى ف ايه بس :D لو فيها حاجة داخلة دماغك قوليلى علشان بحب طريقة تفكيرك :rolleyes: يلا سلام والف مبروك ليكــ يا جميل :) وربنا يجعلك فيها كل خير ان شاء الله |
اقتباس:
انا كنت عاوزة اداب انجلش اوى لا وكنت بفكر فى ادب انجليزى كمان حتى المستر بتاع الفيزياء قال لى تمام وسيبك من المجموع والكلام دا وحكى لى بنت معاه كانت جايبة 98% دخلت اداب انجلش وتفوقت وبقت معيدة ربنا يكرمها ========== بصى يابنتى اعملى استخارة ========== انا بردو اضطريت اضحى برغبتى وحسبتها من كذا ناحية بصراحة (( وعسى ان تحبوا شيئا وهو شر لكم )) وسبحان الله الاقى جت لى رغبة اولى مش تانية ولا تالتة مقولكيش حسيت اد ايه فعلا ان الخير مش كان هيكون فى اللى كنت حباها اكتر بس كنت حاطة اذا ملقحتهاش احول اداب ان شاء الله ع فكرة انا مكتبتش لا علوم ولا تربية نهاااااااااااااائى =========== لو مضايقاكى حكاية عشان ابوها دى تعالى معايا عين شمس :D يابنتى مش انتى فعلا هتكونى شغالة بذمة ان شاء الله ؟ وبينك وبين ربنا ماشية صح والكل راضى عنك؟ سيبك من كلام الناس بقى ساعتها لان ربنا هو العالم بالنيات وبيكرم =========== راجعى نفسك كدة وشوفى البيت كمان انا موصلتش للى وصلت لها غير بعد قرارات كتييير ومشاورة ع البيت وحسبناها من الحيث المواصلات وحاجات كتير اوى =========== انا بقى هدعى لك دعوة احسن من كل دا ربنا يوفقك للى فيه الخير ليكى ان شاء الله :rolleyes: وربنا وحده عالم الخير فين =========== ع فكرة انا ماما فرحانة بالكلية اللى جت لى اكتر من فنون بجد ودعت لى بيها ودا من الاشياء اللى طمنتنى كمان |
اقتباس:
تكونى جايبه 49 من غير اامستوي او45+شرط النجاح فى المستوي انجليزي وانا اصلا سألت المستر بتاع الانجليزى فى ثانوى قالى ان المستوى الرفيع بس عشان المجموع والكليه مش بتشترط المستوى الرفيع انجليزى |
انا آداب انتساب عين شمس
كنت عايز ادخل قسم علم نفس عشان باحبه بس قالولي لغات شرقية احسن في الشغل يلا اللي يجيبه ربنا خير |
انا الحمد لله جالى اداب القاهرة
بس دى كانت رغبتى وكتباها اول رغبة وان شاء الله ناوية على قسم لغة عربية ربنا يوفقنا كلنا |
اقتباس:
خلاص يا هبة انا هكمل فيها ان شاء الله على الله بس ادخل قسم عدل وفعلا سبحان الله محدش عارف الخير ليه فين .. بس انا بفكر حتة فكرة مجنونة هدرسها بجد ولو متحققتش يبقي هندم ع اداب دى وع حكاية بابا فالقسم اللى انا عاوزة ادخله مش موجود غير ف اداب القاهرة يعنى الحمد لله معكوكة كده بس الله المستعان ما جارتنا دخلت قسم يابانى وباباها زميل بابا وخرجت بتقدير جيد يعنى مش حاجة بس حاجة بايخة انا بابايا يبقي معايا ف الكلية بس عارفه اجمل حاجة ف القسم ايه مفيش معانا اولاد :rolleyes: والقسم جديد وكده ربنا يسهللل بجد شكرا ليكى بتشاركينى التفكير انا تقريبا اقلعت عن فكرة علوم دى بلا هم :D خلاص كده انا هاحمد ربناااااااااااااا ده حلو اوى دى اداب كلية اثرية ف مصر :D من اوائل التسعينات يعنى وبعدين معروف عنها انها كلية البنات اللى شايفة نفسها الصيت ولا الغنا يعنى :D وربنا يوفقك ف كليتك الجديدة يااااااااا رب ياااااا رب وتبقي معيدة فيها كمان باذن الله ،،:) |
اقتباس:
كل واحد ف مصر هيقولك شروط مختلفة عن التانى انا سمعتلها شروط بالعبيط :D اه وانا مدرسي انا كمان قالى كده انتى درجات الانجلش بتاعتك كام ..؟ واللغة كمان ؟؟ |
اقتباس:
انا كمان كلمت بنت خريجة اداب عبري قالتلى ان شغلهم كتير بس للى يجتهد ف الكلية مش اللى يعدى والسلام دى لغة يعنى عامتن انا شايفة اللى معاه اللغه احسن بكتير من خريج اداب علم نفس بابا بيقولى قسم مكتبات وتكنولوجيا معلومات يبقي مطلوب جدا وبيشتغلو بسرعة طبعا علشان تكنولوجيا المعلومات مش المكتبات :D مع انى عمرى ما افكر ف حاجة كده عامتن ربنا يوفقك للى فيه الخير ليك .. و مبروك عليكــــــ |
اقتباس:
انتى معايا ف الجامعة بس مش نفس قسمى هتنورييييييييلنا الجامعة يا بنوتة :) ربنا يوفقك ف القسم ده والحمد لله انك مقتنعه بيه وبجد دى اجمل حاجة ما شاء الله |
لحد دلوقتى 2 اداب منصورة ،، 2 قاهرة ,, 2 عين شمس ،، هو مفيش غيرنا هنا ولا ايه :D |
المشكله مش فى اداب المنصوره و بس انا اداب المنصوره انتساب و مليش مدينه جامعيع عندى حلين لروح و اجى كل يوم من اسكندريه للمنصوره لقلا اسكن هناك و اجر شقه مع حد من اصحابى او بمعنى اصح مع اللى هتعرف عليهم هناك و اللى فى اداب المنصوره عايزين نبقى جروب مع بعضينا
|
انا اداب المنصوره انشاء الله يا اثار يا صحافه واعلام حسب شروط اثار لو ضرورى المعسكرات والرحلات وشرط اساسى يبقى للاسف مش هدخله لان بابا بيرفض الكلام ده وادخل اعلام فلو حد يعرف حاجه عن شروطها ياريت يعرفنى و ياريت نكون اصحاب ياamr واحنا فى الخدمه
|
انا اداب القاهرة
قسم انجلش ان شاء الله |
اقتباس:
لا حاولى مرارا وتكرارا انا اذا كنت دخلت اداب ان شاء الله ماما كانت هتخينى اكتب السى فى من الكلية :rolleyes: عموما شدى حيلك وسيبك من الناس وخليكى فى كليتك وبس وحتى لو كرهتى حاجة لان محدش بياكلها بالساهل فى اى مكان حاولى تحبيها اطبعى ورق واكتبيه بالالوان انك بتحبى الحاجة دى وعلقيه ع حيطان اوضتك (( زى ما انا عملت السنة دى مع العربى :D وجبت فيه اعلى من تانية )) متكرهيش او تتخنقى من حاجة احنا لازم نكافح يابنتى فى كل مكان وكل موقع :D بس تصدقى رضا الوالدين حلو بردو اصل ماما كانت بتدعى لى بالكلية اللى دخلتها دى من زمان وانا معرفش ========== الله الدعوة الاخيرة دى جميلة جدا :rolleyes: ولكٍ مثلها وافضل منها ان شاء الله يا جميل ===================== ربنا يوفقكم جميعا يا طلبة كلية الاداب وانا من اشد المعجبين بكليتكم بجد فى اى مكان ربنا معاكم |
استنووووووووووووووا خدونى معاكم انا كمان اداب القاهرة ان شاء الله قسم اجتماع
والف الف مبرووووووووووووووووك ومعلش بقى يارحومه مالها اداب ياقمر دى جميلة جداااااااااااااااااااااا |
هاى انا جالى اداب عين شمس وناوية ان شاء الله على اداب اعلام
|
السلام عليكم جميعا انا كمان جاتلى اداب بس فى بنها وواضح كده ان مش فى حد معايا
|
الحمد لله
آداب عين شمس ( علم نفس بإذن الله ) وربنا يوفقنا جميعاً |
يا جماعه عايزة اسئل عن اداب اعلام هل
الاحسن حلوان ولا عين شمس وايه شورطها وينفع التحويل من اداب القاهرة ليهم ولا لاء وكمان شروط اداب صحافه واثار؟؟؟ وهو المجموع 86.5 والانجلش 48.5 ينفع ولا لاء؟؟؟ ضرورى علشان صحبتى عايزاه |
السلام عليكم
مبروووووووووووووووووك يا بنوتات انا اداب بنها واختارت قسم لغة عربية وربنا يوفقنا كلنا يارب |
هاى رحمة
شكرا على فكرة الموضوع انا لؤى اداب عين شمس قبلت الحمد لله فى قسم اعلام لان انا كان نفسى ادخل اعلام بس المجموع ماساعدنيش قولت ادخل اداب اعلام عايز رايكم فى القسم وشكراااااااااااا |
بليز ممكن حد يقولى التنسيق الداخلى لاداب حلوان هيظهر امتى او ايه اللينك الى هيظهر عليه
|
هاى على كل طلاب الاداب
انا بقى اداب كفر الشيخ ورغباتى انجليزى وبعدين علم نفس |
ايه الاحراج ده :D
بصراحة كده انا حولت علوم:rolleyes: |
هاى ممكن اى حد يساعدنى ويقولى التنسيق الداخلى لاداب القاهره هيظهر امتى وايه اللينك الى هيظهر عليه وكمان التنسيق الداخلى لاداب عين شمس مرحله تانته
|
سمعت انه 1 سبتمبر بس الله اعلم
|
انا جالي اداب اسكندريه
وان شاء الله قسم اجتماع |
انا اداب القاهره باذن الله هيجيلى قسم يابانى او لغات شرقيه وبالتوفيق لكل اللى فى اداب القاهره
|
على فكره نتيجه الاقسام يوم الاثنين او الثلاثاء اداب قاهره
|
ممكن اتعرف على اللى فى اداب القاهره انتظام او انتساب
|
هاى انا اداب اعلام حامعة عين شمس:p;):rolleyes:
|
نتيجه التنسيق الداخلى لاداب القاهره بكره او بعد بكره
|
نتيجه التنسيق الداخلى لاداب القاهره يوم 1/9/2008 واللينك على موقع جامعه القاهره بس المشكله ان اللينك مش شغال
|
افضل الاقسام فى اداب القاهره هى /يابانى وصينى ولغات شرقيه لانها لغات جديده ولها مستقبل وعدد الطلاب بها لايزيد عن 20 طالب فقط .وانا سالت داخلى الكليه عن الاقسام ده كان الرد ان ال 20 طال اللى فى قسم اليابانى او الصينى بيتحط العين عليهم من سنه اولى عشان بيتعينوا على طول لانهم 20 او 25 طالب فقط
|
انت متاكد ان النتيجة بكرة وانها هتطلع على النت ؟
طب لو سمحت اول ما تطلع ابقى هاتلنا اللينك |
Ana adaab shebin elkoom gamaa el monofia
hahahahahahahahaha al hamd lelah |
دلوقتى فى مشكله .اللينك اللى عليه نتيجه الاقسام تحت الانشاء under constration عشان كده لازم ننزل الجامعه ونعرف النتيجه
|
اداب المنصورة قسم وثائق ومكتبات باذن الله ادعولى ادخللللللللللللله
|
| جميع الأوقات بتوقيت GMT +2. الساعة الآن 11:44 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.