|
ياريت حد يرد عليا ؟!؟!؟!؟!
بسم الله الرحمن الرحيم السلام عليكم ورحمه الله وبركاته أنا قولت بعد إجتماع الفيوم بعد كده كل حاجه هتبقى تمام والمفروض إن مفيش قرار هيتاخد من غير مناقشه أصحى الصبح ألاقى العضوه wanda بقه مشرفه إداريه أفهمها دى إزاى :mad: إزاى واحده تقريباً معظم مشاركتها بتقتصر على جرس الفسه تكون إداريه ثم إن بيتهيألى أنا قولت بعد إجتماع الفيوم بعد كده كل حاجه هتبقى تمام والمفروض إن مفيش قرار هيتاخد من غير مناقشه أصحى الصبح ألاقى العضوه wanda :mad: دى بقه نبقى مشرفه إداريه إزاى وليه وياترى إحنا خلاص مبقناش موجودين فى الموقع ولا إيه ثم إن أساساً فكره تعين مشرفات إداريات مرفوضه من البدايه :mad::mad: أنا أولاً مش عارف إذا كان الأستاذ عصام وباقى الإداره على علم بذلك ولا لاء بس سواء هما موافقين أو رافضين فأنا رافض هذا القرار نهائياً وبالتالى إن كان قراركم هو الموافقه فياريت تشلونى من الإشراف الإدارى بصفه نهائيه ملحوظه wanda مش مشرفه على أى قسم قبل تعينها كإداريه أصلاً سلام عليكم ورحمه الله وبركاته |
تصدق بالله
انا جاتلى 3 رسايل وكلهم ليه من اعضاء بتقولى ليه تتعين مشرفة ادارية دى حتى مش مشرفة قسم الظاهر انى رحت فعلا الفيوم واكلت البط من غير ما خد بالى |
يا حول الله يارب
نفسى افهم يا اشرف ايه ده ؟ وتقولى اجتماع الفيوم والديمقراطية وها ناخد رأى بعض اولآ : اعتراضى الاول هو ان القرار اتاخد بدون رأينا ولا علمنا هو احنا ايه فى المنتدى هنا مشرفين على ما تفرج ولا حاجة ؟ ثانيآ : اعترضنا من قبل على تعيين ادارية بنت واظن الاغلبية اعترضت والقرار اتلغى ثالثآ: لو ها نعين ادارية بنت يبقى مش wanda خالص هى المناسبة مع احترامى ليها (هى عضوة محترمة جدآ ومحبوبة وكل حاجة )لكن نشاطها مش واضح فى المنتدى ومش هى الادارية المناسبة ياريت سرعة التصرف @! |
دلوقتى بعد ما إتأكدت إن الإداره بحالها مكنش عنده علم بتعين wanda أنا مستقيل ومش داخل المنتدى ده تانى واللى عاوزنى هيلاقينى على الإيميل لكن إنى أشترك فى المهزله دى مش ممكن ملحوظه ياريت يا أشرف تراجع مشاركات wanda وتشوف معظم المشاركات فى قسم إيه ومواضيع إيه ساعتها بس فعلاً هتحس إنك إخترت الشخص المناسب للمكان المناسب مع المدير المناسب سلام عليكم ورحمه الله وبركاته |
افتكر انى كنت رشحت اسم عادال الدكتور زومبا علشان يكون مشرف على العام بعد عزل المشرفين من عليه الاستاذ اشرف وقتها واحنا قاعدين جابلى الملف بتاع مواضيعه وقالى انه مش نشيط انا برضه بطلب من حضرتك تشوف ملف العضوة وندا وتشوف اذا كانت تسحق انها تكون مشرف ادارية اولا لا |
اقتباس:
مستنيين رد استاذ اشرف |
شوف احنا بنفكر فى ايه والقرارات تطلع ازاى فأجة كده علشان وحدة طلبت تبقى مشرفة ادارية
خلاص انا عاوز ابقى مدير عام وكامل الصلاحيات http://www.thanwya.com/vb/showthread...662#post648662 |
وانا كمان عايز ابقي مدير عام وكل الصلاحيات
مادام هيا قانون العرض والطلب بقي :) |
وبعدين مش قولنا بلاش حكايه الحريم دي ولا ايه
:) |
اقتباس:
انا موافقة والله كنت هعرض ان احمد رضا يكون مشرف العام وبخصوص واندا ففعلا مينفعش ان عضوة لسة جديدة تبقى ادارية مرة واحدة اما بخصوص محمد بقى فبلاش تكبر الموضوع واغزى الشيطان واقعد |
هى نور صاحبتى و كل حاجة
بس المواضيع متجيش كدة انا اعرف انها كانت متغيبة لفترة يعنى مش موجودة علطول نفسى افهم القرار ده بناء على ايه و مادام نور مشرفة اداريةو انا عايزة ابقى مديرة |
ياجماعة مستغربين ليه مع منتدى الثانوية ممكن تبقى عضو جديد تصحى الصبح تلاقى نفسك مدير:D |
سوال واحد علشان الكلام الكتير ايه هى مميزات او الصفات اللى ترقى عضو وتخليه مشرف او مشرف ادارى يعنى انا عضو ونايم فى ماية البطيخ او نشاطى كله مقتصر فى جرس الفسحة او فى الركن العام او فى اى حته وعندى 40 موضوع نصهم فى جرس الفسحة ازاى ابئا ادارى انا اللى اعرفه ان الادارى لزم يكون عنده شخصية قوية بين الاعضاء هو ده اللى اتكلمنه فيه يا استاذ اشرف هو ده اللى اتفاقنا عليه هو ده اللى قولنه بس تصدق فعلا مش غلطت حضرتك ولا غلطت الاستاذ اشرف غلطتى من الاول انى صدقت الكلام كله وصدقت انه فيه تغيير ايوه قولنا محتاجيين مشرفين اداريين علشان ضغط الاقسام وعلشان التوسعات بس بنقول ناس تشيل المسئولية والله حرام حرقة الدم دى ناس تبنى وناس تهد يالا هقول ايه ضربه الاعور على عينه قال خربانه خربانه |
اقتباس:
ياريت يا اسلام واستاذ عصام واى حد كان ناوى يحضر الاجتماع الجاى ياريت مش تروحوا هتروحوا مشوار على الفاضى هو المنتدى دا هيفضل زى ماهو |
اقتباس:
اهدى يا محمد ادينا بنتناقش اما نشوف اخرتها ايه للاسف انا همشى ومش هتابع الموضوع ابقوا سجلولى الكلام:D |
اكثر حاجه بتعجبنى فى المنتدى هنا ان البنات واخدين وضعهم على الاخر بس كويس برده عرفت معلومه جديده ان الترقيه بالنوع مش بالشغل وبصراحه يا محمد ماحدش يقدر يلومك لو سيبت المنتدى بس بيتهيألى برده ان المفروض تستنى شويه لما نشوف رد استاذ اشرف |
اقتباس:
خلاص يبئا اخد الاستاذ عصام والسادات والاسطورة ومصطفى والاستاذ مجدى والاستاذ محمود القالع ونطلع على مجلس الشعب و نطالب بالمساؤة :D |
موجود ومردش علينا عبقرينومان http://www.thanwya.com/vb/life/statu...er_offline.gif ورده الطبيعى او الرسالة لينا اخبطه رسكم فى الحيط وبصراحة عمرى ما شوفت تعينات بالشكل الجميل ده عايز تبئا مشرف ابعتلى رسالة خاصة من قلة الاعضاء النشيطة والشغالة الاعضاء اللى عندها حب انكار الذات وبتترفع عن انها تطلب طلب زى ده بدل ما نفكر فى دول لا ابعت رسالة خاصة زى اتصل ب 0900 واكيد معانا كسبان ونعمة المصدقية انا جاى معاك ياسادات شكرا على الاجتماع يا استاذ اشرف إدارة الموقع http://www.thanwya.com/vb/customavat...atar2489_4.gif آخر نشاط: 07-08-2008 05:38 PM |
هو يعنى دخل و خرج من غير ما يرد
|
جميل التعيين
حلو التنفيض ربنا معانا |
بصو أنا بصراحه قولت مش داخل بس أنا دخلت بس لأنى بجد زعلت من حاجه واحده بس إننا للأسف باللى حصل ده وبسبب الموضوع اللى أنا كتبته هنخسر wanda كعضوه وياريت أى حد بيكلمه يشرحلها إننى مش معترضين عليها كشخص لكن معترضين عليها كعضوه متصلحش للمنصب ده وخصوصاً فى الوقت ده والظروف دى لكن هى بجد إنسانه جديره بالإحترام و آسف جدااً على دخولى مره تانيه |
اقتباس:
وان كان على نور فهنكلمها وهى اكيد هتتفهم الموقف وهتقبله وخلصنا بقى مالموضوع دة |
اقتباس:
|
الموضوع كله غلط فى غلط
وانا قولت من الاول المفروض يكون فيه شروط لتعيين المشرف او المشرف الادارى مش ابعت رسالة خاصة اتعين انا كمان مليش اى اعتراض على نور نور انسانه محترمة وعضوة كويسة بس الاسطورة ممكن يقولك اول ما ابتده فى المنتدى ده وكنت انا ايامها مشرف كان بيقولى عايز ايه وانا اقوله ايه |
كل ده علشان بقيت مشرفه
ومكملتش يوم والله انا مهتكلم خالص وبعدين انا بعدت عن المنتدى علشان مفيش حاجة متظبته خالص وكل نايم وبعيدين انا غلطانه اصلا انى خايفه على مصلحة المنتدى وانا مش زعلانه ولا حاجة وطبعا انتوا اللى مسكين الادارة والله واعلم مش راضين ليه انى اكون اداريه خلاص يا سادات وشكرا على المهاجمة وشكررا جدا يا اسلام على زوقك وشكرا لكل الناس اللى مش موافقه انى اكون اداريه ولعلمكوا ده مش هيقصر وانا هخرج واسيب المنتدى انا اصلا كنت هسيبه بس لما جات الفرصة انى اصلح فيه قولت خلينى واكمل واحاول اصلحة وارجعة زى الاول واحسن بس الظاهر مفيش نصيب انا اساسا مش هدخل تانى ولو دخلت هغير العضويه وبس ومفيش كلام تانى وشكرررا اووى على زوقكوا وانا عرفت اللى حصل للى قبل من الاداريات البنات وهخرج بكرامتى وان شاء الله ربنا مش هيضيع حاجة علشانكوا اعترضوا براحتكوا وبعدين يا سادات انا اسفة يا عم ومفهمتش غلط بس هخرج بردوا ومش هدخل تانى الا عند الحاجة وبس ومبقاش ليا اخوات هنا خلاص عددهم محدود واعرف اجيبهم وشكررا تانى على الهيصة اللى انتوا عملتوها وسلام وربنا يعنكوا |
اقتباس:
انا بعد لما دخلت المنتدى بفترة كانت فى انتخابات ورشحت نفسى واترفضت وساعتها المرشد مسك اشراف وكلمنى وقالى اصبر وما تطلبش الاشراف ولما تكون كفاءة الاشراف هو اللى ها يجيلك وصبرت ومسكت بعدها بفترة اشراف وقسم ورا قسم وصلت للركن العام ومن الركن العام لادارى انا مش باقول كده عشان تسقفولى مثلآ انا باقول كده عشان افهمكوا ان كل حاجة بتيجى فى وقتها ! |
اقتباس:
لان ساعة ما هتكون كفاء الاشراف هو اللى هيجيلك لوحده والاعضاء والمشرفين هما الله يتطلبه من العضو انه يبئا مشرف |
على فكرة انا هنا من ساعت مبدا المنتدى من تلات سنين
يعنى مش جديدة واتعينت مشرفه قبل كده ومش هسيب الاشراف وهصلح حاجات فى المنتدى ولو انا مش مناسبه بسهولة كان استاذ اشرف رفض ومعنديش كلام تانى اقوله |
الموضوع ليس من حق المشرفين الاداريين للنقاش
فهل يعقل ان يعين الرئيس وزير فيأخذ رأي الوزراء بل سيأخذ رأي رئيس الوزراء وأن أراد تعيين رئيس وزراء فهل سيأخذ رأي رئيس الوزراء بل سيأخذ رأي وحده يكون لكم الاعتراض في تعيين مشرفين ولكم الحق في طلب وقف مشرفين ولكم الجق في المطالبة بتعيين مشرفين انما ليس لك الحق ان تطلب تعيين مشرف اداري مثلك فهذا من حق المدير العام للمنتديات (استاذ عصام واستاذ حسام وانا فقط) فمن يعترض له الحق الاعتراض في من هو اقل منه اشرافاً وليس كمثله وبالنسبة لتعيين مشرف اداري بنت او ولد مفيش فرق عندنا في الموقع ونحن نرأي مصلحة الموقع وأن قصرت فسترفع من الإشراف الآن والموضوع ليس للنقاش والسلام عليكم |
وبعدين هي قالت على حاجات كثيرة هتعملها يغفل عنها كثير من المشرفين الاداريين والله لو نفذتها هتكمل ولو قصرت فيها مش هتكمل
|
علي فكرة يا اشرف مش شرط اعتراضنا يكون هو اللي لازم ينفذ
احنا بنقول رأينا وخلاص سواء بالتأييد او بالرفض ولا التأييد هيزود ولا المعارضه هتزود بس ممكن لما استاذ عصام و استاذ حسام يشوفوا الآراء دي يبدأو يعيدوا التفكير مره تانيه او مش يعيدوا التفكير يبحثوا في موضوع التفكير ذات نفسه مع الأخد بما حدث قديما ً :) يعني مفيش حاجة اسمها مصادره علي الرأي احنا بنقول رأي عايز تاخد بيه خد مش عايز خلاص :) بس في النهايه آرائنا مُحترمه ( إن لم يقر بها احد غيرنا ) |
اقتباس:
شلتوا التحرير ليه بس |
ماشى يا استاذ اشرف
بس حتى الاستاذ عصام مكنش يعرف يبقى ازاى احدت رايهم |
يعنى وانا عضو كان ليا الحق انى انتقض الادارة
ولما بقيت ادارى سلب حقى فى الاعتراض المعادلة بسيطة والحل ابسط مشرف ملوش راى + عضو ليه راى افضل انى اكون عضو وليه رأى قضى الامر عايز ارجع عضو ده طلب وانا حر فيه وممكن اجيب توقيع اتنين موظفين عليه علشان توافق عليه شكرا |
على فكرة يا اخت شيرين الاستاذ عصام من قام بالتعيين وده بعد طلبي منه واشوف رأي وانا موافق يقوم بالتعيين فمعني انه قام بالتعيين انه موافق
ونعتبر الموضوع انتهى ونبدأ في مشاهدة ماذا ستفعل المشرفة الادارية الجديدة |
خلاص يا اسلام الديموقراطيه للجميع .. الاعضاء يقولوا ما يريدون والإداره تفعل ما تريد
:) متشغلش بالك بقي منتظرين تطور الامور |
اقتباس:
بس انا فهمت كدة من الرد ده و انا مش اعتراضى على نور كان اعتراضى عالطريقة بس دى اختى و احنا منتظرين شغلها |
اقتباس:
أنا ذاهب الى جمصه غدا وسوف اظل بالمصيف الى يوم 30/8/2008 يعنى اول رمضان باذن الله الف تحية وسلام لرئيس الجمهورية المبجل على فرة انا نفذت ورديت فى او لالمشاركة انا غير موافق نهائيا على هذا الاسلوب معى |
اقتباس:
فيه حد تانى قبل ما اسافر الى جمصة على رائى استاذى الفاضل الاستاذ محمد عبدالعظيم أنا مشترك في المنتدى لأفيد الطلاب وأقدم لهم العلم أما إذا كان المنتدى للصراع وفلان يعين وفلان يقال فلا داعي لذلك والواحد يقعد في بيته معزز مكرم |
سلام عليكم ورحمه الله وبركاته أوك يا أشرف أنا أطالب بحذف عضويتى تماماً من المنتدى |
اقتباس:
|
استودعم الله واتحرر من هذه القيود والى الابد
الان انا متنازل عن جميع الصلاحيات التى معى وسوف احولها بنفى لكى اصبح عضو فقط ولو استطيع بعد التحويل وقف العضوية لنفذت والى الابد السلام عليكم ورحمة الله وبركاته |
معاكوا يا شباب افضل انى اكون عضوة على انى اكون مشرفة مليش راى ولو حتى سنى صغير ومستهزء بيه من قبل الادارة |
يا جماعة من فضلكم
نهدى شوية ونفكر احنا امس مجتمعين اكثر من 3 ساعات من اجل الرقى بالمنتدى ناتى اليوم لنرى اننا بدانا فى هدم المنتدى ممكن نتكلم بهدوء اذا كان وجودنا كلنا لا داعى له فكما قال استاذ عصام نكون فى بيوتنا معززين مكرمين وكل ما يحتاجه طلابنا ممكن يكون على الميل ونشرح لهم كمان مفيش اى مشكلة لكن الصراعات والمشاكل وكل يوم توتر وكل يوم زعل ده مش جو شغل ابدا ولن يكون ايه رايكم نعمل تجربة ونتوقف جميعا عن الدخول للمنتدى لمدة يوم واحد تفتكروا هيكون للمنتدى معنى او اى قيمة بدون العاملين فيه لا اعتقد العمل لابد ان يكون جماعى بين الادارة والاعضاء وفى هدوء بجد جو الصراعات ده سيؤدى الى ان الكثير سيغادر المنتدى واعتقد ان هذا سيؤدى الى هدم المنتدى وليس تطويره وهذا ليس ما نريده ابداااااااااااااا |
ايه ده يا جماعه
بقى كل ده منى والله مش عارفه اعمل ايه كده هخسركوا لاما اخسر المنتدى كله |
علي فكره الموضوع بعيدا ً عنك تماما يا واندا صدقيني
وانا متأكد من كدا |
اقتباس:
والله العظيم يا بنتى انتى فهمه غلط احنا بنتكلم ونتناقش فى حاجة تانية مش اعتراضا مننا عليكى فهمتى |
اية ياجماعة المهزلة دية
فى اية ؟؟؟؟؟؟؟؟؟؟؟؟؟؟؟؟؟؟؟؟؟ انا مصدومة بصراحة مصدووووووووووووووومة على فككرة فى ناس كتير اوى كلمونى وقالولى لو الى اتشالوا مش رجعوا تانى احنا مش هندخل المنتدى بجد خسرنا كتيييييييير اوووووووووووووووى وكنا ابتدينا نشتغل كويس وكنا ابتدينا نظبط المنتدى حقيقى خسرنا اووووووووووووووووووى ياريت تفكروا تانى |
على قد معلوماتى
قال تعالى (( وإنه لذكرٌ لكَ وَلِقومكَ وسَوفَ تُسأَلون )) الاساتذة الافاضل محمد السادات واسلام المرشد وضعتم انفسكم فى موقف تحاسبون عليه اعظم الحساب وانا ضدكم وان لم تتراجعوا سأكون ضدكم دائما وانتوا متعرفونيش ! هل هذا تهديد ؟ اعتبروه تهديد ...... وبجد اما سيادتكم تتخلوا عن المسئولية بكل هذه السهولة مع ان لكم باع طويل فى هذا المنتدى ..... ده اسمه ايه ؟ الواحد كان بيشوف اشتراكاتكم ويحلم ان يكون معاكم فى هذا التكليف و انا واحد من الناس اللى كنت اعلن عنكم لاصدقائى فى اللغة الانجليزية واقولهم اطلعوا شوفوا الناس دى بتعمل ايه ..... واتعلموا مش كل حاجة نفاق اختلاف فى الرأى يعمل كده ! واوعى تقول يا سادات ان فى خلفيات انا معرفهاش ..... وضعك ميسحمش بالتخلى .... اتوضأ وصلى واهدأ وبلاش عنفوان القرارات .......... هيتقال عليك كلام سيئ دون النظر للمبررات ........ اه انا اللى هاعلنه .... وبعد اذن الجميع وهاعلن الحرب على السادات واسلام المرشد اذا لم يتراجعوا عن الاستقالة على الرغم انكم معكم حق وصوت الحق ..... بس مش هتعرفوا تغلبونى اتقوا الله فى المنتدى ... المنتدى محتاج لكم ... ومحتاج مجهودكم ..... هتشمتوا كتير فينا انتم لا تملكون حق الاستقالة ..... من يملك حق الاستقالة يجب ان يكون مستفيد ماديا على الاقل ..... وانتم متطوعون . طلب خاطئ وقبول خاطئ بالتبعية . |
وقعت فى شبهة كبيرة يا صوت الحق
اعترف انك من علمتنى كل شيئ فى هذا المنتدى .... ولى عظيم الشرف
استاذ اشرف قال استاذ عصام هو اللى قام بقرار التعيين ولو ماكنش موافق ماكنش عمله اصلا ...... فين بقى المحولجى ؟ ده انت الكل فى الكل يا راجل موقفك سوف يعرض المنتدى للتهاوى يا صوت الحق ...... وبعدين كلنا غلابة نتمنى لك مصيف سعيد ........ حرمتنى من المصيف ورحت انت .... شكرا يا ريس منتظرينك ووراك رجالة ...... والسادات واسلام هيردوا غيبتك ان شاء الله |
| جميع الأوقات بتوقيت GMT +2. الساعة الآن 04:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.