كل اللى دخل تجارة القاهرة.... يدخل هنا بسرعه
 

بسم الله الرحمن الرحيم

انا فى 2 تجارة القاهرة انتظام

ويا ريت تقولى انت اولى انتظام ولا انتساب

شكله انتساب .. لإن الموضوع معمول بعد تاريخ اعلان النتيجة بتاعة المرحلة التانية ..

استنتاج مش اكتر !!

انا عموما تانية انتساب !!

انا انتساب بس دخلت مرحلة اولى ولو مش مصدقنى ادخل شوف نتيجتى من على موقع انكش انا رقم جلوسى 209680

وجايب 345.5 بالمستوى يعنى 84.3 % يعنى مرحلة اولى وابقى خلى بالك من كلامك يا صحبى

ايه ياعم مالك زعلان كدا ليه ؟ .. انا بهزر بس .. ويعني هوا انا شتمتك اما قولتلك انتا مرحلة تانية

عموما .. اسف ياسيدي .. مش قصدي .. وابقي قولي على اسمك عشان اعرفلك مجموعتك ايه ..

انا اسمي محمد اولي انتساب

انا معاكو قاهرة بس مش تجارة
انا حقوق

يعنى اية تعرفلى مجموعتى اية انا اسمى محمد مفرح

وعلى العموم انا مش زعلان ولا يهمك اصلى انا دخلت مرحلة اولى ودخلت تجارة انتساب

انا مش عارف انتا زعلان ليه يابني ؟!!

عموما انتا مجموعة ( ز ) .. بس كويس انك دخلتها .. لإنها مجموعة كوول وفيها ناس مقضينها جامد !!

انا قولتلك اهو عشان ماتبقاش تايه اول ماتخش الجامعة ..

اما تيجي تجيب الجدول .. ابقي دور على جدول محاضرات مجموعة ( ز ) .. وغالباً هاتلاقيها قدام مدرج ( جـ ) و ( د ) ..

انا رانيا اولى انتساب

طب كويس .. انتي يا رانيا .. مجموعة ( هـ ) .. اما تخشي برده اول الدراسة ابقي دوري على جدول مجموعة هـ وهاتتلاقيه برده غالبا عند مدرج ( جـ ) و ( د ) ..

مميرسى ياvampire

انا نور وحولت من انتظام لانتساب علشان مش هقدر اول سنه اواظب
يا ريت اكون اعرف حد من المنتدى معايا فى المجموعه

انا ياستي معاكي .. مجموعة ( ز )

على العموم حددواعاد نشوف بعض فيه وخصوصا بتوع تانيه علشان يعرفونا
على الكليه وكده يعنى ويستقبلونا
وده بعد العيدد طبعا يعنى
ونبقى نتفق عليه مع بعضينا
اوك سلام

نحدد ؟؟؟؟

ازاي يعني ؟ .. انا اي نعم في تانية اه ومجموعة ( ز ) .. بس عادي مانا مسيري هاحضر معاكي ..

وممكن اشوفك وتشوفيني .. بس مانعرفش بعض !!

بس تحديد في الجامعة دا صعب اوي .. خاصة اننا لا نعرف بعض شكلا ولا مضمونا ولا اي حاجة خاااااااالص

وبعدين انتي بتتكلمي في جامعة القاهرة .. فيها 5000 منطقة نتقابل فيها ..

عادي .. لو عايزة اتس اوكي .. كدا كدا بتوع اولي بيبقوا داخلين مش عارفين باب الجامعة من باب بيتهم

انا كنت كدا برده !! .. بس عادي يعني.. مسيرك هاتعرفي ..

لاء انا عارفه مدرج العيوطى ده كويس
ومعرفش غيره بس اعرف اعلام كويس اووى علشان كان نفسى فيها :d
ومش انتا انتساب بردك اكيد هشوفك بس ولا اعرفك ههههههه
انى واى عاتى مش انتوا هتستقبلونا الصدفه تشتغل بقى :d

ههههههههههههه .. محسساني اني شغال مرشد جامعي !!

لا عادي .. في الجامعة لو مش عارفه اي حاجة اسألي وماتتكسفيش ..

اما بالنسبة لأكيد هاتشوفيني دي .. فهوا فعلا بجد مش هزار .. 90% هاتشوفيني ان شاء الله

بس 100% مش هاتعرفيني !!

وكويس انك عارفه العيوطي برده .. انا واحد من الناس اول مادخلت الجامعة كنت بقول على العيوطي دا مركز مؤتمرات !!

وفي الاخر اكتشفت انه مدرج زيه زي الباقي ..

بس هوا فعلا العيوطي يعتبر احسن مدرج في الجامعة كلها .. لإنه كبير وواسع جدااااااا

وبيعملوا فيه ندوات اثناء الدراسة .. وسمعت كمان انه اكبر مدرج في الشرق الاوسط كله .. مش عارف بقي دا صح ولا غلط

وبعدين باين عليكي انتي بتخشي من بابا مترو عشان كدا بتعدي على اعلام وعلى العيوطي ..

بس ادعي وقولي يارب تبقي محاضراتك في العيوطي دا .. عشان المدرجات التانية ضيقة وخنقة ..

وانا هادعي معاكي.. عشان برده هابقي احضر معاكي في المحاسبة ..

ازاى يا فامباير انت ف مدرج (ز)

مع ان انتساب حرف الميم ده مدرج (و)

انت جبت منين مدرج ال (ز) ده

هههههههههههههه
مش فارقه اى مدرج وخلاث
المهم فى الاواخر
واه انا بدخل من باب المترو طبعا لانى معرفش غيرة هو والباب الرئيسى وبس
ههههههههه
لاء هعرفك همسك وردة سودة :p

إزيكم ياجماعة أنا بقى عضو جديد أداب إنجليزى عين شمس ممكن تعتبرونى صديقة أنا مش لقية حد فى أداب أسألوا عن مقابلة لقسم إنجليزى

ازيك يا wanda انا سعيد انك هتكونى معايا فى الكلية وشكرا ليكى على الكلام اللى انتى قولتية بس عاوز اعرف احنا هنروح الكلية اول يوم فى الدراسة عادى ولا بعد رمضان انا تجارة انتساب وعاوز اعرف يعنى اية مجموعه (ز)

المجموعه الاخيرة فى الانتساب
والدراسه بعد العيد يعنى مقضينها اجازة فى البيت
والدراسه بعد العيد الفعليه قبل العيد تروح تعمل الكارنيه وتجيب الجدول وده بيتهيألى يعنى

سوري يا ندي ..

بس اظاهر انك مش متابعة التطورات اللي حصلت في تقسيم المجموعات الجديدة ي كلية التجارة في القاهرة

المجموعات القديمة كانت عبارة عن :

3 مجموعات لإنتظام اللي هيا .. (أ) و (ب) و (جـ) .. و 3 انتساب اللي هيا (د) و (هـ) و (و)

وكل مجموعة من دول بتضم تسلسل معين من الاسماء

اما التطورات الجديدة اللي حصلت السنه دي وهوا ان عميد الكلية العبقري دكتور عادل مبروك

قال اننا قسمنا تقسيم جديد للمجموعات .. وهوا :

انتظام .. (أ) و (ب) و (جـ) و (د)

اما انتساب فبقت .. (هـ) و (و) و (ز)

ومجموعة (ز) دي بقي بتضم من اول اسم محمد م .. لغاية حرف الياء

اما بالنسبة للمدرجات .. ففي تجارة ماشيين بنظام الحروف

يعني عندك مدرج (أ) و (ب) و(جـ) و(د) و(هـ) و (د) .. ومدرج العيوطي

مدرج (أ) و(ب) دول اضيق مدرجين في الكلية .. ومكانهم في المبني الرئيسي بتاع الكلية

بعديهم في الحجم مدرج (جـ) و (د) ... بعديهم مدرج (هـ) و (و)

اما اكبر مدرج فيهم .. فهوا مدرج العيوطي.. وهوا يعتبر اكبر مدرج في الشرق الاوسط كله !!

ههههههههههههههههههههههههههههه ..

بلاش الورد الاسود اصل مابحبوش !!

عايزك تمسكيلي ورده خضرا .. وتلبسي بنطلون جينز وتيشيرت اصفر .. واقفيلي قدام مدرج العيوطي !!

عشان ساعتها اصلا هاتتلاقي 5000 واحده لابسه تيشيرت اصفر وبنطلون جينز !!

ربنا معاكي يابنتي

بس على فكرة .. اول اسبوع دايما بيبقي اسبوع التعارف وتكوين الجروبات في الجامعة

يعني حاولي تنزلي عشان تعرفي تتعرفي على كام واحده كدا يفيدوكي في المحاضرات وكدا يعني

واعتبريها فسحة مش اكتر ! :) :D

ههههههههههههه
انا مش بلبس بنطلون على بدى
لو لبس بنطلون جينز هيبقى عليه تونيك طويل
والجيبه واسعه عليه بدى
ومعنديش اصفر خالص
ههههههههههههه
لاء بس هتلاقينى القصيرة اللى فيهم يعنى
بعد ما كنت طويله فى ثانوى هههههههه

وان شاء الله هكون صداقات كتير بس المشكله انى خايفه ملقيش حد فيهم
يساعدنى هههههههه
خايفه ليكونوا مبيحضروش حاجة ولا بيكتبوا حاجة وربنا يستر :p

لا مانتي خليكي ذكية ..

اما تتعرفي في الجامعة .. حاولي تنوعي من معارفك وكوني جروبات على قد ماتقدري

يعني اعرفي الدحيحة .. واعرفي الناس الكوول .. واعرفي اللي ضاربين طناش

عادي كلهم هاينفعوكي والله !!

اما بالنسبة للتعارف على الولاد .. حسك عينك تتعرفي عليهم لوجه الله ..

اعملي زي بقية البنات اللي هايبقوا معاكي .. استغليهم !!

محاضرات .. شرح .. ملازم .. تطبيقات .. وما يتصل بذلك من موضوعات واغراض ..

انتي اساسا كل دا هاتكتشفيه بنفسك .. وساعتها هاتقولي ربنا يرحمك يا فامبير !!

ما ده اللى هيحصل استغلال وبس ههههه
ومين قال غير كده :p

ماهو اصل بصي .. الجامعة دي ياما هاتلاقي فيها اشكال واصناف والوان

الجدع اللي يعرف يتعامل بقي !!

انا اول مرة اعرف انهم زودوا مدرج لانتظام

هو احنا زدنا اوى للدرجادى

وانت عمال تشرحلى المدرجات الضيقة والواسعه

انت ناسى انى ف 2 يعنى لفيت الجامعه وحفظاها

ما علينا ادينى طلعت بمعلومة انهم زودوا مدرج

وميرسى اوى ليك

بس انا عايزة اعرف هما زودوا مدرج (ز) ف سنة اولى بس

ولا كل السنين كمان

[انا تجارة القاهرة انتظام اول سنة ليه يا ريت لو حد يعرف انا هبقى مجموعة ايه يقولي انا اسمي اسلام اكرم و من يعرف معلومات عن كلية تجارة بجد يا ريت يقولي ]

عدل مشاركتك واحذف الميل علشا ده مخالف
لان لو الادارة شافت ردك هتتعرض لوقف العضويه
واهلا بيك يا اسلام وانت غالبا مجموعه أ

انت اكيد ان شاء الله يا اسلام مجموعه (أ)

لأ الزيادة دي في كل السنين ..

وهيا اصلا معمولة عشان حكاية اللبس اللي بيحصل في سنة رابعة ..

عشان انتي عارفه .. ان رابعة بيبقي فيها تخصص وكدا .. فبتبقي صدمة انك تتنقلي ..

وعشان ماكدبش عليكي .. انا لغاية دلوقتي اصلا مش فاهم سر الهبل اللي عملوه دا ايه ؟!!

بس اللي اعرفه .. ان المجموعة الزيادة دي .. عشان الناس بتوع مجموعة (أ) انتظام ..

السنه اللي فاتت كانت مجموعة (أ) واخده من حرف أ لـ ط

السنه دي بقي .. غيروها .. بقت مجموعة (أ) واخده كل الناس اللي اسمهم بيبدأ بألف بس ..

ومجموعة (ب) بقت واخده الاسماء اللي بتبدأ من اول حرف الـ (ب) لغاية حرف الـ (ظ)

وهكذا .. دا كل اللي حصل ..

تقدري تقولي .. عبقرية العميد الجديد .. سطت فوق كل الحدود !!

الله يرحمك يا دكتور يا عادل زايد !!

:huh:

انا سمعت خبر ان انتساب ملهومش اعمال سنة الكلام دة صح ولا غلط ولا مفيش اصلا اعمال سنة

اساسا انا اول مرة اسمع عن اعمال السنة دي !

سيادتك لا انتساب ولا انتظام ليهم اعمال سنة

يمكن الوحيد اللي ليهم .. بتوع تجارة انجليش .. وبيبقي تقريبا ليهم 15% من المجموع الكلي في الحضور ..

و 15% تاني في الميدتيرم .. والـ 70 % الباقيين بتوع الفاينال ..

اما باقي تجارة .. فمالهاش .. لا انتظام ولا انتساب

من الاخر .. بتوع انتساب .. يعتبر متظبطين !

سمعت الاشاعه وقربت اصدقها كويس انه مفيش

شكرااااااااا بس بصراحه اللى قالى الخبر دة ناس اكبر منى ةبكتير مش اصدقاء

لا طبعا .. خد الخبر من الناس اللي في الكلية ..

ازيكو يا جماعه
انا مدحت معاكو فى اولى انتظام
و مش عارف اى حاجه فى اى حاجه
اصل دماغى فى اللذيذ
الثانويه العامه ربنا يحرقها بجاز خلتنى عامل زى الاموات و جالى فقدان ذاكرة
بالصلاه على النبى كده قولولى انا فى مجموعه ايه
عشان شكلى هبقى توهان فى اول يوم
و صباحكو عسل يا شباب

مجموعه (د) يا مدحت
وبخصوص الكارنيه انت اول متدفع المصاريف بتاخد وصل بتروح لشؤون الطلبه
ومعاك صورتين والوصل تديهملوهم وتستلم الكارنيه بعد اسبوع او اسبوعين
كده على فكرة فية ميعاد للكارنيه على ما اعتقد والكليه سهله بس انت احضر محضراتك كلها
ومتفوتيش حاجة علشان تعرف ايه اللى ليك وايه اللى عليك علشان متحتسش اخر السنه
وربنا يوفقك اى سؤال احنا موجودين

الف شكر يا عسل و الله معلومات جامده و ربنا معانا كلنا

مش عارف ليه يا نور شاكك فيكي تكوني معايا في تانية وبتقولي انك في اولي !!

لاء يا عسل انا لسه داخله اولى بس بحب لما
اكون داخله حاجة اعرف عنها كل كبيرة وصغيرة
علشان مبقاش تايهه :P

وبعدين انت ناسى الشرح الطويل بتاع المجموعات ولا ايه
حفظتها صم؟؟!!
طب يا ريت اكون فى تانيه ولا حتى فى تالته هو انا بس اطولهم وشوف انا هعمل ايه هههههه

يا سلاااااااام .. يعجبني فيكي الامل ..

بالا نيلة ..

مانا اهو في تانية .. عملت ايه يعني ..هديت الكلية وبنيتها من اول وجديد ؟!

يابنتي اللي الناس مرت بيه قبل مني.. انا هامر بيه .. واللي انا مريت بيه .. انتي هاتمري بيه ..

هى منظومة متتاليه .. ومابتتغيرش .. الا اما ربك يريد بقي ..

اما بالنسبة بقي لحكاية انك عارفه ومش عارفه ماتخافيش .. مسيييرك هاتعرفي الكلية ونظامها

بصي انا هاقولك على اللي فيها وخلاص

اول يوم .. انتي هاتخشي مش عارفه اي حاجة في حاجة .. لا عارفه مدرج جـ من مدرج هـ

ولا عارفه مدرج العيوطي .. من مدرج مشرفة بتاع علوم !!

اول واحد هايقابلك هاتسأليه عن جدول مجموعتك .. هايقولك عند مدرج جـ .. هاتقوليله فين مدرج جـ

هايقولك امشي شمال في يمين في شمال في يمين طوالي .. هاتمشي زي ماهوا بيقولك هاتكتشفي انك راجعاله تاني !!

المهم بعد نجاح هاتوصلي للجدول .. ومن ثم هاتتلاقي جمهور كبير قدام الجدول وبالتلي هاتشوفي بالعافية

ومش بعيد تدبي خناقة معا اي حد وانتي واقفه .. عادي عادي !

بعد كدا هاتبصي للجدول والمواعيد وتكتشفي بقدرة قادر ان كان فيه محاضرة الساعة 8 الصبح وانتي هاتبقي ساعتها الساعة 10 .. وبالتالي فاتتك المحاضرة .. وتبقي ملخومة ومش عارفه تعملي ايه !

هاييجي اليوم اللي بعده تسألي على مدرج جـ هايقولولك .. هاتخشي هاتتلاقي المدرج كومبليت على اخره

وربنا يبقي كرمك لو لاقيتي مكان تقعدي فيه .. ولو لاقيتي مكان جنب اي ولد .. اقعدي ولا يهمك .. الوقفة وحشه صدقيني !! :D

هاتفضلي قاعدة طول المحاضرة ساعة كاملة .. دا في رمضان طبعا . اما غير رمضان فساعة ونص

هاتفضلي قاعدة تكتبي ورا الدكتور ولا انتي فاهمة اي حاجة في اي حاجة.. كل اللي انتي بتعمليه انك بتكتبي عشان شايفه الناس كلها بتكتب جنبيكي وهايبقي عيب عليكي ان هما يكتبوا وانتي لأ !!! :huh:

بعد المحاضرة ماتخلص .. هاتتلاقي شاب زي الورد جايلك وبيقولك لو سمحت انتي كتبتي اخر حاجة قالها الدكتور

هاتقوليله بسلامة نية اه .. ويقولك اصل انا مافهمتهاش اشرحيهالي .. وهاتك يا رغي .. لغية ماميعاد المحاضرة التانية ييجي ..

يخش الدكتور .. يرص الكلام زي اللي قبله ..وبعد مالمحاضرة تخلص تلاقي 500 واحد ناطط فوق راسه وماتعرفيش بيسألوه فيه ايه ؟!

المهم هاتخلص محاضراتك .. تطلعي من الباب دا ان عرفتي .. عشان بتبقي مطحنة طبعا لسببين

1- ان الناس كلها عايزه تخلص وتخرج
2- ان فيه فرقه تانية عايزة تخش مكانكوا عشان تلحق تحجز . وياسعدكوا يا هناكوا لو كانوا سنة اولي برده !!
مش هاتطلعي من المدرج في يومك دا !!

بعد نجاح عظيم .. وبعد الخروج من المدرج بحمدلله وتوفيقه .. مش هاتكوني لسه صاحبتي

هاتحسي بالكآبة .. فهاتنوي اليوم اللي بعده انك تتصاحبي عشان ماتحسيش بالخنقة

هابقي اكملك باقي القصة بس بعدين .. او بمعني اصح هاعمل زي الروائيين المشهورين

يتبع >>>> :D

بالا نيلة ..

مانا اهو في تانية .. عملت ايه يعني ..هديت الكلية وبنيتها من اول وجديد ؟!

يابنتي اللي الناس مرت بيه قبل مني.. انا هامر بيه .. واللي انا مريت بيه .. انتي هاتمري بيه ..

هى منظومة متتاليه .. ومابتتغيرش .. الا اما ربك يريد بقي ..

اما بالنسبة بقي لحكاية انك عارفه ومش عارفه ماتخافيش .. مسيييرك هاتعرفي الكلية ونظامها

بصي انا هاقولك على اللي فيها وخلاص

اول يوم .. انتي هاتخشي مش عارفه اي حاجة في حاجة .. لا عارفه مدرج جـ من مدرج هـ

ولا عارفه مدرج العيوطي .. من مدرج مشرفة بتاع علوم !!

اول واحد هايقابلك هاتسأليه عن جدول مجموعتك .. هايقولك عند مدرج جـ .. هاتقوليله فين مدرج جـ

هايقولك امشي شمال في يمين في شمال في يمين طوالي .. هاتمشي زي ماهوا بيقولك هاتكتشفي انك راجعاله تاني !!

المهم بعد نجاح هاتوصلي للجدول .. ومن ثم هاتتلاقي جمهور كبير قدام الجدول وبالتلي هاتشوفي بالعافية

ومش بعيد تدبي خناقة معا اي حد وانتي واقفه .. عادي عادي !

بعد كدا هاتبصي للجدول والمواعيد وتكتشفي بقدرة قادر ان كان فيه محاضرة الساعة 8 الصبح وانتي هاتبقي ساعتها الساعة 10 .. وبالتالي فاتتك المحاضرة .. وتبقي ملخومة ومش عارفه تعملي ايه !

هاييجي اليوم اللي بعده تسألي على مدرج جـ هايقولولك .. هاتخشي هاتتلاقي المدرج كومبليت على اخره

وربنا يبقي كرمك لو لاقيتي مكان تقعدي فيه .. ولو لاقيتي مكان جنب اي ولد .. اقعدي ولا يهمك .. الوقفة وحشه صدقيني !! :D

هاتفضلي قاعدة طول المحاضرة ساعة كاملة .. دا في رمضان طبعا . اما غير رمضان فساعة ونص

هاتفضلي قاعدة تكتبي ورا الدكتور ولا انتي فاهمة اي حاجة في اي حاجة.. كل اللي انتي بتعمليه انك بتكتبي عشان شايفه الناس كلها بتكتب جنبيكي وهايبقي عيب عليكي ان هما يكتبوا وانتي لأ !!! :huh:

بعد المحاضرة ماتخلص .. هاتتلاقي شاب زي الورد جايلك وبيقولك لو سمحت انتي كتبتي اخر حاجة قالها الدكتور

هاتقوليله بسلامة نية اه .. ويقولك اصل انا مافهمتهاش اشرحيهالي .. وهاتك يا رغي .. لغية ماميعاد المحاضرة التانية ييجي ..

يخش الدكتور .. يرص الكلام زي اللي قبله ..وبعد مالمحاضرة تخلص تلاقي 500 واحد ناطط فوق راسه وماتعرفيش بيسألوه فيه ايه ؟!

المهم هاتخلص محاضراتك .. تطلعي من الباب دا ان عرفتي .. عشان بتبقي مطحنة طبعا لسببين

1- ان الناس كلها عايزه تخلص وتخرج
2- ان فيه فرقه تانية عايزة تخش مكانكوا عشان تلحق تحجز . وياسعدكوا يا هناكوا لو كانوا سنة اولي برده !!
مش هاتطلعي من المدرج في يومك دا !!

بعد نجاح عظيم .. وبعد الخروج من المدرج بحمدلله وتوفيقه .. مش هاتكوني لسه صاحبتي

هاتحسي بالكآبة .. فهاتنوي اليوم اللي بعده انك تتصاحبي عشان ماتحسيش بالخنقة

هابقي اكملك باقي القصة بس بعدين .. او بمعني اصح هاعمل زي الروائيين المشهورين

يتبع >>>> :D

هههههههههههه دمك شربات بجد
بس ان شاء الله هنعدى المحنه ديه على خير
ولو لقيت مكان هقعد يعنى هيكلونى ما انا فى الميكروباصات بقعد جمب ولاد لو حكمت
ولو حد قالى نقلتى اخر حاجة صدقنى انا هتنح هههه انا مش سريعه اووى يعنى
ولو سرعت فى الكتابه مش هفهم انا كاتبه ايه وهحتاج لمترجم هههههههههه
يلا ربنا يستر انا مش بحب الاماكن الزحمة شكلى هموووت فيها اوووى
ومنتظرين بقيه القصه ...

والله تجنن يا فامباير انا فعلا عملت كدا السنة اللى فاتت لما كنت ف اولى

وتهت على ما وصلت مدرج (ج،د)

وخسيت من كتر الزحمة اللى بتحصل وانا خارجه م المدرج

واموت واعرف العيال بيسألوا الدكتور على ايه بعد ما خلص

هو انت مجموعه ايه وعملت ايه السنة اللى فاتت