|
أرجو أن يقوم الجميع بالتصويت وان اراد أيضا" أن يكتب رد فهذا جميل
|
المناهج من ايام الخديوى توفيق
وطرقالتدريس....لا ارى اصلا ان هناك طريقة تدريس |
مكتوب علينا نتألم ولا نتكلم
طبعا سىء جدا |
على فكرة والله انا كنت ناوية اعمل الموضوع ده فى الاجازة لانه بجد موضوع هام جدا
بس حضرتك فيك الخير سبقتنى وعلى فكرة هنتكلم مهما نتكلم ولا هيتغير حاجة بس ادينا نخفف الى على قلبنا بالكلام( وممكن اعرف رد حضرتك على كلامى) انا صوت وباعلى صوتى *سىء جدا جدا* |
يا ريت تقول
ليه سئ جدا" لأن دا مهم جدا" |
لان ذى ما حضرتك شايف بعتمد على الكم
والى اخدناه السنه الى فاتت ولا فاكرين منه حاجة حاجات قليلة جدا بنستفيد مها والباقى حشو على الفاضى انا بقول كده لانى بجد نفسى نستفيد مش عمر بنضيعه وخلاص انا نفسى اعرف ايه رد فعل حضرتك على كلامى لان والله هو ده الواقع ولو حضرتك متضايق من كلامى انا ممكن اخرج بس والله هى دى الحقيقة |
أضايق أزاي لازم تقول كل حاجه مفيش حد يقدر يمنعك تقول رأيك
وأسمح ليه أقول رأى بس بعد الأستفتاء ما ينته |
انا صوت بسئ للغاية
لاني وبكل بساطه غير راضي عن المناهج واسلوب التدريس وكمان حتي النظام ككل ابتدائي واعدادي وثانوي وبعدين يوزعونا كل واحد علي كليته حسب مجموع درجات عمره ما كان مقياس للطالب وفجأة تلاقي متفوق الرياضه والعلوم بس ضعيف في المواد الادبية دخل كليه أداب وتلاقي واحد موهبة في الحفظ وبس في اعلي الكليات العمليه اللي بتتحول بدورها لنظريه بحته وكلام فاضي شكرا استاذ جمعه لاثارة الموضوع واعذرني لاسلوبي الذي خلا من اللياقه بس ده لاني مدايق جدا من التعليم في مصر |
اكتفى بالتصويت حاليا
شكرا على الاستطلاع |
انا مش عارف هيه دفعتنا دي نحس وسوري ليهم بس احنا مظلومين لاننا في الاعداديه طبقوا علينا نظام التيمز
والسنادي غيروا المناهج ومش عارف غيروها ليه انا بقول ذلك لانه لما بجد كترت الدروس الخصوصيه التعليم فشل وكل وزير بيجي لا بيطور ولا بيعمل حاجه يصدر قرارات وبس ولما تيجي تكلم مدرس يقولك انا ماشي على القانون انا مره بقول لمدرس في الفصل لو سمحت حضرتك موقفني ليه طول الحصه وزمايلي قاعدين قالي لانك كنت نايم قلتله لما حضرتك تشرح ابقى ما انمشي جه خدني ونزل للمدير وحصل تحت مهرجان ومن يومها والله ما خطيت المدرسه وعلى فكره انا كنت في سلطنه عمان ودرست هناك لحد رابعه ابتدائي المناهج مليانه معلومات وكلام حلو بس الامتحانات عاديه جدا وعلى فكره مصر مهمله التربيه الدينيه الاسلاميه والله واتحدى اي طالب انه يقولي بذاكر تربيه اسلاميه في الشهر مره مفيش مناهج ولا فيه مدرسين كله بيكروت في الفصل وفي الدرس يشرح بضمير والله لدرجة ان مدرسين يسيبوا المدرسة ويروحوا يدوا دروس من الاخر مــــــــــــــــــــــــــــــفــــــــــــــــــ ــــــــــــــــــــــــــــيـــــــــــــــــــــ ــــــــــــــــش ضــــــــــــــــــــــــــــــــــــــــــــــــم ــــــــــــــــــــــــــــــــــــــــــــــــــ ـــــــــــيــــــــــــــــــــــــــــــــــــــ ـــــــــــــــر |
فين يا جماعه الباقى
عايزين كل الناس تشارك من فضلكم |
سئ جدا
لدرجه انه فاشل |
انا راضى الى حد ما عن المناهج ما عدا المناهج العلمية زى الفيزياء والكيمياء بس للاسف طرق التدريس سيئة للغاية
وشكرا على الموضوع |
بجد موضوع جميل ولكن أنا لست مع السادة الذين يجعلون النظرة للتعليم فى مصر قاتمة
فالتعليم فى مصر ليس بكل هذا السوء ولكنه إلى حد بعيد غنى وقيم بالمادة التى تدرس وإن كان بعضنا يرى أنه لم يغير من أيام الخديو فهذا تجنى صريح على التعليم يمكن هناك بعض السلبيات فى المواد التى تدرس وأقول بعض ليس كل مناهجنا والله غنية بالمادة العلمية الدسمة ويمكن بعضنا لا يعرف قيمتها الآن ولكن بعد ذلك سوف يعترف بها الاخ العزيز الذى درس منهج عمان أرأيت امتحانات الثانوية العامة فيها الطالب لو أجاب عن خمس امتحانات سابقة سوف يستطيع أن يحصل على درجات عاليه يمكن أحسن المناهج التى رأيتها هى منهج الامارات لانه يغرس فى الطفل بداية من الطفولة بعض القيم الجميلة كالانتماء والحب والولاء يؤكدها تباعا فى المراحل التى تليها ويمكن مناهجنا من أروع المناهج التى تؤكد على مفاهيم وقيم مختلفة وإن كنت أرى أن هناك بعض النقاط السيئة فيها كالحشو فى بعض المواد وعدم التركيز فى بعض النقاط التى تدرس |
مع أحترامى لرأى حضرتك بس دة مايمنعش ان التعليم كلة وبلا إستثناء فاشل
وهقول لحضرتك أبسط الأمثلة : انا فى تالتة ثانوى وبذاكر عربى .. قراءة (درس القدس) ولاقيت مكتوب فى الكتاب 1- أول من بنى المسجد الأقصى (الخليفة عبد الملك بن مروان) انا مش فاهم القطعة دية :::: هو مش هنا غلطان ؟؟؟؟ المسجد الأقصى من أيام الرسول صلى الله علية وسلم فكيف أول من يبنية هو (الخليفة عبد الملك) 2- فى نفس الدرس يقول الكتاب : (أول من أنشأ مدينة القدس هم الكنعانيون وتفرع عن الكنعانية بطون عديدة من العموريين , اليوبوسيين , الأراميين , ..... ) لحد هنا تمام أنما لما أمسك كتاب قريبى (مش فاكر هو فى سنة كام 1 , 2 أعدادى) وعليهم درس القدس وأفاجئ أن كتاب اللغة العربية لديهم يقول أن أول من أنشأ مدينة القدس هم اليوبوسيين وتفرع عنهم بطون عديدة منها الكنعانيون فكيف يدرسون لنا منهج ويدرسون للصغار منهج أخر .. أليس هذا فشل فى التعليم يأستاذى فأين الحقيقة هنا نحن أم هم وغيرها ......... من الغلطات الأخرى هذا بخلاف الغلطات المطبعية الموجودة فى الكتب أما فى المدارس فيستحسن تأتى بنفسك وتشاهد المقاعد المكسورة والقمامة حول المدرسة انا فى فصل بة 60 طالب ياسيدى الفاضل أليس هذا فشل فى التعليم أسف لو كنت أغضبت أحدا منى بسبب كلامى هذا ولكنها الحقيقة |
الاخ والابن العزيز حسام صلاح الدين
أنا أعذرك كثيرا فيما قلت أما بالنسبة لبعض الاخطاء فى كتاب القراءة المتعددة للصف الثالث الثانوى فان أول من سكن القدس هم الكنعانيون ثم تفرعت منهم عدة بطون منهم اليبوسيون والعموريون وغيره وأما ما كتب فى بعض الكتب فقد يكون خاطئ التمس العذر وأنا عندما قلت أننى راضى عن المناهج لا أقصد كلية وانما هناك مواد تحتاج منا غلى تنقيح وأما فصل به 60 تلميذ فالدولة معذورة عدد سكان مصر كام ؟ البركة فى الناس الكتير ة دعواتى لك بالتوفيق |
انا متشكر على ردك وعلى حسن أستقبالك للرد بتاعى (اللى كان قاسى شوية) وأسف لو كنت أغضبتك منى وسامحنى
|
طبعا التعليم فى مصر مستواه زباله :angry: اسف فى اللفظ بس هو فعلا كده واكيد انتوا متفقين معايا فى الرد لان كل المشاكل اللى احنا بنقابلها ليها حلول فى المناهج دى والحكومه ما بتعملش بيها واللى درس المناهج المصريه اكيد عارف حاجه زى كده[COLOR=blue][SIZE=7] :(
|
اعتذر لو انا باتدخل لكن انا مصرية, درست بمصر , و سافرت الى احدى الدول الخليجية و انا الان ادرس فيها, بدون اى مقدمات اخرى احب ان اقول ان التعليم فى مصر تعليم يتناسب مع ذكاء الطفل المصرى , فلا تتوقع من الطفل المصري الذى هو اذكى طفل فى العالم ان يكون التعليم فى بلده اقل من قدراته ففى البلد التى انا ادرس فيها اذا سالت التلميذ ما هو 2ضرب 2 لا يعلم اترى مدى الغباء فكن فخورا بنفسك ايها المصري و لا تقلل من ذكاءك و تعلم ان تجعل الحياة تسير مهما حدث :o
|
بجد التعليم سئ جدا جدا جدا
جدا للصبح مش حرام ان الواحد مستقبله يتبني علي سنتين و غير كده اغلبيه الحاجت الي بندرسها ملهاش اي لازمه و للاسف المناهج عندنا في مصر بتعتمد اعتماد كلي علي الحفظ يعني لو انت مش بتعرف تحفظ يبقي مستقبلك ضاع زي الحال معايا لاني مش بعرف احفظ مش عارف اعمل ايه خالص و حاسس اني ضايع بجد المفروض المنهج يعتمد اعتماد كلي علي الفهم مش علي الحفظ |
يعنى دى وجهة نظرك
|
انا ااخترت راضى عن المناهج ومعترض على طرق التدريس ..
وليا رد ان شاء الله قريب .. لأنى مستعجل جدا حاليا .. دعواتكم لنا بالتوفيق .. إنتظرونا .. وجزاك الله خير استاذ جمعة للموضوع .. أخوكم أحمد .. |
هوه فيه اصلا تعليم فى مصر 000هل هناك فلسفة للتعليم فى مصر 0000معتقدش لآن البلد اصلا ملهاش اهداف تستقى منها فلسفة للتعليم 000الفلسفة اللى ماشيه اليومين دول 00000عيشنى النهاردة وموتنى بكرة :angry: :angry: :angry:
|
السياسه التعليميه في مصر فاشله بكل المقاييس ولن تنصلح الا باصلاح حال المعلم ومشاركته في وضع المناهج والاشراف عليها وان يكون له دورا حيويا في العمليه التعليميه
|
أنا مش معاكم خالص فى إن التعليم فاشل ..
هو طريقة التدريس فاشلة .. فمثلا .. نحن ندرس فى الكيمياء العديد من التجارب بل ونفهم كل ما فيها .. لكن هيهات أن يأتى طالب يستطيع ان يمسك بأنبوبة إختبار فى المعمل ويجرى أى تجربة .. ولا يستطيع التعامل مع الالات إلا فى الكلية .. وهذا بالطبع ليس جيدا أبدا .. اللغة العربية أصبحت حفظ .. لا مجال للمناقشة .. الكتاب قال بأن الكاتب أخطأ فى هذا يجب حفظ الخطأ ولا مجال لإخراج أخطاء أخرى - حتى لو كانت واضحة - فالكتاب لم ذكرها .. صحيح أننا فى سننا هذا قد لا نستطيع ان نعلق على شئ مما كتب .. لكن على الأقل ترك الفرصة لنا بإستخراج الأخطاء قبل أن نعلمها .. اللغة الفرنسية .. كم من الطلاب يستطيعون الكلام بها ؟؟ فهى لم تحقق ما كان مرجوا وهو على الأقل إجراء حوار بسيط مع من يتحدث هذه اللغة .. وأغلب من أراهم - وأنا منهم - ينطقون الفرنسية بالإنجليزية .. الرياضيات .. رغم أنها مادة مفيييييدة جدا .. لكن أغلبنا لا يدرى ماذا تفيدنا ؟؟ وصراحة كنت منهم حتى سألت أستاذى فأرانى من أهمية الرياضة وأهمية المتتابعات والتفاضل واللوغاريتمات ما لم أكن أتخيله .. فالأولى تعريف الطالب بأهمية هذا المادة وما استخدامات ما يقوم بدراسته .. حتى لا يقول الطالب عليه : علم لا ينفع وجهل لا يضر .. عموما .. المناهج ليست سيئة .. بل على العكس .. هى جيدة نوعا ما .. لكن أين طريقة التدريس السليمة ؟؟ وما زلنا فى زمن : احفظ المناهج تضمن النتائج !! أحمد |
انا بقى اخترت راضى عن المناهج ومعترض على طرق التدريس
وطبعا شكرا للجميع االى مخلوش الواحد نفسه فى حاجة يقولها واستاذ احمد نسى يتكلم عن الانجليزى واقول حسبى الله ونعم الوكيل المنهج بتاع hello الصراحة قيم جدا ولكن اصحاب اوكار الدروس الخصوصية ربنا ياخدهم واللى انا فى وكر منهم كل همهم وده معظمهم مش كلهمchoose & rewrite ( والملازم والفلوس على ودنه) ولا تقرأ ولا تكتب ولاتنطق حتى انا والله قابلت من اللى اتخرجوا يقول على walk&talk وولك و تالك وآخر لا يعرف يعنى ايه verb to be ولا ايه اللى بييجىمع he\sheولا you\they اما عن الفرنساوى فحرام الواحد يلم لغة زى دى فى سنتين اما الكيمياء فحد يقدر يقوللى بعيد عن كلام الكتب ايه لزمة الباب التانى والتالت والرابع والخامس فى الحياة وبعدين لازم اللى بيحط الامتحان يبعد عن الحاجات التاريخية مش فى امتحان الاحياء بتاعى اولى ثانوى يقوللى ايه تاريخ زلازل ولا مش عارف ايه وهاقوللوكو على قصة طريفةاوى كان الباحثون الالمان عايزين يثنتوا ان التعليم فى مصر يعتمد على الحفظ فجابوا اوائل سنة من السنين اللى جابوا50 فى الكيمياء وده طبعا بعد ما دخلوا الجامعة وعملولهم معسكر لمدة شهر يذاكروا الكيمياء فيه وجم جابولهم نفس الامتحان اللى جابوا فيه 50 ولا واحد عرف يجيبها ولا تعليق |
من الاخر
مفيش حاجه اسمها تعليم فى مصر ونتائج التصويت دليل كافى سلامى |
التعليم فاشل واللى يدل على ذلك التعديل الذى حدث فى المناهج تغير سلبى بالمرة وا ينفع لطلبة الثانوية العامة والقصة فى الصف الثالث الثانوى (قصة الايام) قصة طويلة جدا ومعقدة وتحتوى على لغويات كثيرة
|
اقتباس:
|
والله التعليم في مصر مش كويس ومش وحش بس المفروض كل حاجه منصبه من الاسره لان مثلا لو الاسره منعت الاولاد من انهم يغيبوا واجبرالطالب المدرس على انه يشتغل الحصه في الفصل ولو يعتمد الطالب الاعتماد الكلي على الدروس الخصوصيه هيبقى التعليم على حسب تفكيري ممتاز في مصر يعني السبب الاسابا المحوريه هي الطالب والمدرس فس فشل العمليه التعليميه في مصر او مش الفشل اللعبكه
|
خلاص خلاص بدال ما تتخنقوا دوروا على الحل
اكيد في حل لتطوير المنهج في مصر بس المشكله الصراحه في الشعب اولا وفي الحكومه ثانيه الشعب متعصب مب عاطي فرصه للدوله وخلي بالكم انتوا مب 2 او 3 مليون انتوا بتكملون 80 مليون فلازم انتوا تساعدون الدوله والحكومه في تطوير البلاد كلها مب بس التعليم والحمدلله شيوخ دولتنا الامارات عندهم نظره مستقبليه يعني يفكرون للاجيال القادمة وتقدرون اتكون عندكم نظره مستقبلية يعني فكروا في الاجيال القادمة كونوا ايد واحد وانا اسفه اذا اتعديت حدودي بس لي الحق لاني عشت في مصر فوق 12 سنه وحسيت بالفرق في كل شي بين مصر وبين بلدي الامارات وسوري مرة ثانيه |
سىء للغاية مع الرأفة
لن مفيش اقل من كده فالاستبيان |
[attachmentid=2158]لا توجد علاقه بين التعليم والواقع والحياه العمليه اتخرج وابدا من جديد
|
ولنكن أمناء مع أنفسنا . التعليم فى مصر يمر بنفق مظلم ولابد لنا من الخروج به الى بر الأمان ، وهذا لايتأتى الا عن طريق :
1) الاعتناء الكامل بالمعلم والبدء فورا فى تطبيق الكادر الخاص به ان المعلم والطبيب كليهما لاينصحان اذا هما لم يكرما 2) تجريم الدروس الخصوصية تجريما رادعا 3) تقليل كثافة الفصول 4)تدريب المعلم على طرق التدريس تدريبا حقيقيا وليس تدريبا كما كان يحدث من قبل أنا أعلم أن هذا صعب التحقيق جدا ولكن بهذا فقط تكون الجودة التعليمية فى مصر نعيم زمزم |
يا جماعة ده تعليم بايظ خاااااااااااااااااااااااااااااااااااااااالص من كل حاجة
ده الدول العربية كلها 22 دولة بس مصر تحتل المركز العشرين فى مستوى التعليم على مستوى الدول العربية اما الدولة رقم واحد هى الامارات و الكلام ده مؤكد من الادارة التعليمية و من مدرستنا من مجلس الامناء كمان |
طيب أقرئي رد الأمارتيه فى نفس المشاركه حتعرفى أننا الأحسن بكثير
|
الكلام اللى بقوله ده عن الحالة التعليمية ده بجد
و مش انا اللى مألفاه ده جايباه من احصائيات وصلتنى عن طريق مجلس الامناء غير ان احنا مناهجنا زفت اوى لا تخاطب العصر |
يا استاذ جمعه ارجع اقرا الكلام اللي انا كتبته لانك فاهم غلط وانا اؤيد كلامك يا حبيبه
|
فعلا" حدث خطأ قصدى Icel وليست أختى العزيزه الأمارتيه
|
سييء للغاااااااااااايه
و عايز يتفجر و يعيدوا ترتيبه من تاني المناهج متكرره و مافيش جديد إلا في الرياضيات تقريباً احمد عرابي اللي من اول ابتدائي و ماشي لو ماتكررش في التاريخ يتكرر في العربي!!! و المناهج مليانه حاجات ملهاش لازمه و مش بنتسفيد منها حاجه غير في اللغات بس زي الإنجليزي و ماستفندناش حاجه من الباقي شكراً اوي عالموضوع |
طبعا سىء ومين يرضى على التعليم فى مصر
|
هههههههههههههههههههههههههههههههههههههههه
لا تعليق |
و الطالب الفاشل يستطيع ان يجعل التعليم الناجح فاشل
|
أحببت أن أسجل أعجبى بمقولتك الرائعة
|
كل انسان بيخاف يدلى برايه ليه مش عارفه
بس على العموم انا هاكتب راى بكل صراحه احنا نعتبر الدوله المتاخره فى تطوير تعليمها ومفيش شى مميز فى منهجنا ولا فى اسلوب التدريس فى المدارس بصراحه الاسلوب التعليمى والمناهج كمان سيئه للغايه يارب الواحد مش يتكرش من المنتدى عشان ادلى رايه بصراحه |
هوة فية تعليم فى مصر يابش مهندس انا رايح تانية ثانوى وانا اللى بحضر لمدرس الفصل بتاع اللغة العربية واللهى زى مابقول ليك كدا انا اللى بحضرلوة ولو تحب اقولوكم عناصر التحضير اقولها.
ياسيدى احنا الحياة مثل البحلر ذو الأمواج المطالطمة فأذا اردت ان تعبر منها فعبر بقارب من النجاح انا عاوز اسأل سؤال بقى اجيب القارب دا منين مش دا اللى المفروض اللى يمنحة ليا المدرس ازى اوصة والمدرس بيشرب الشاى فى الحصة وبياكل فى الحصة دا ناقص يجيب مراتة معانا الحصة |
بس مش كل المدرسين كدا
أنا أعتقد أن لو فيه كدا حيكون على الكثير 0.001 (كل ألف مدرس لما تلاقى مدرس زى بتاع العربى ديه) |
طرق التدريس :rolleyes: لسة محدش أتعلم إزاى يعلم
المناهج :blink: مفيش منهج عدل كله بطير بعد الإمتحان بثوانى (بخ) بس التفائل أهم حاجة :D أهم حاجة أننا بناكل و نشرب B) |
بصو وشوفوا الباش مهندس <ان شاء الله> لما يتكلم
اولا ثبت علميا ان الطفل المصرى عامة من اذكى الاطفال على مستوى العالم دة لحد ما يدخل اولى ابتدائى بعد كدة بيتحول ل ذكاؤه ده للحفظ (ودة للاسف بيرجع للمدرس اللى بيدرسله) وبترجع قدرتة العقلية على الابتكار لحد ما بتساوى 10 فى المية وللاسف قدرة الحفظ بتيجى عند حد معين وتنهار دة فى اغلب الطلبة وللاسف بتكون مراحل حرجة جداا زى الثانوية او الكلية مما يؤدى لطالب معندوش اى تفكير للاداء الاشياء الجديدة والابتكار اما بالنسبة للمناهج للاسف المناهج تعتمد اعتماداا كلياا على الحفظ يعنى من الاخر احفظ تنجح غش تجيب مجموع ولو ليك واسطة تدخل اى كلية ما علينا دة طبعاا غير ما نطلع الكلية اتفرج على احلى ملعب للواسطة والمحسوبية وابن الدكتور اللى اساسا ما بنشوفوش نفاجا بانة الاول كل سنة (دة على فكرة كلام اخواتى فى الكليات ) وطبعاا بعد كل اللى الطلبة بتمر بة من اولى ابتدائى لحد ما يطلع من الجامعة من شحن وتفريغ وضغط وكم كبيييييييييييييييييييييييييييير من المواد اللى ليها لزمة واللى ما لهاش فى كل المجالات فى كل التخصصات بييتخرج الطالب كارة نفسة ومتعقد من حياتة دة لو حاول يمشى معاهم زى ما هم عاوزين اه اه اه انا كده استريحت شويه وطلعت اللى فى نفسى ولكن للحديث بقية كمان يومين هاجى واكمل عشان انا تعبت دلوقتى والسلام عليكم ورحمة الله وبركاته |
هى المناهج كويسه بس المدرسين اللى ولا بلاش لنروح فى ابو نكله
|
| جميع الأوقات بتوقيت GMT +2. الساعة الآن 11:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.