|
نصايح لكل الطلبه والطالبات اللى داخلين اولى ثانوى
السلام عليكم ورحمه الله وبركاته ازيكم جميعا ....ان شاء الله تكونوا بخير كنت عايزه ابدأ اول مرحله من مراحل الثانويه ....وادى بعض النصايح من تجربتى ...متهيالى لو كان حد نصحنى اى نصيحه منهم كان حالى كله اتغير اولا الطلاب اللى داخلين اولى ثانوى ..بيكونوا تلات اصناف ..ياما فى مدرسه لحد اعدادى بس ...وهيروحوا مدرسه جديده فيها ثانوى ...(وده حال معظم الناس )...ياما من مدرسه اعدادى وفيها ثانوى فهيكملوا فيها ياما اخدوا معظم المراحل التعليميه من دوله غير مصر وجايين ياخدوا الثانوي من مصر (ودى حالات قليله ) وطبعا النوع الاول والتالت ده اكتر ناس بوجه كلامى ليهم ..ليه ؟؟...لانهم هيتعرفوا على اصحاب جداد لاول مره يشوفوهم ...فلازم الحزر ......لان ممكن الواحد يكون متفوق طول عمره .....ويجى واحد صحبه يغيرله كل افكاره ......تدريجيه فى تدريجيا يتحول لواحد تانى ........والعكس صحيح طبعا اكتر جمله هتسمعوها من اصحابكوا ...هتلاقيهم واقفين بكل شموخ كده ويقولوا ....اولى ثانوى مش لازم نزاكر فيها ...دى مجرد مرحله انتقاليه بين تالته اعدادى وثانويه عامه ...ولازم نرتاح فى اولى ثانوى عشان نحوش طاقتنا لثانويه عامه اللى هتحدد هندخل كليه ايه ....وطبعا انت او انتى اول ماتسمعوا كده هتقتنعوا علطول ...وصدقونى ده بيحصل وهيحصل معاكوا .... وبالنسبه للبنات بقى من اول يوم فى الدراسه هتلاقى البنت تقول لصحبتها ...شوفتى امبارح مسلسل كزا اللى بيتزاع على قناه كزا الساعه كزا ...بصى انا هقولك قصته عشان لما تروحى تشوفيه ماتحسيش ان فى احداث نقصاكى ....وتمسك ودنها وتسمعلها السيناريو ....وده برده بيحصل .... وهتلاقى ناس...تقولك انا مش بزاكر تاريخ ولا جغرافيا اصل انا داخل علمى ..فهزاكرهم ليه ....وناس تانيه تقولك انا مش بزاكر ولا احياء ولا كمياء ولا فزيا ولا رياضه ...اصلى انا داخل ادبى ازاكرهم ليه وهتلاقى ناس تانيه تقول انا بروح النادى تلات ايام فى الاسبوع غير خميس وجمعه ده اساسى ... وهتلاقى فى النوعيه اللى بتقول كده ناس مش مشتركه فى نوادى اصلا والافظع من ده كله ...هتلاقى ناس مش بتروح امتحانات الشهور اصلا ....انا واحده قريبتى لحد امتحان اخر السنه اكتشفت ان عندها نص هى متعرفوش واول مره تشوفه .. وبالنسبه للبنات ..اللى داخلين مدرسه ثانوى جديد ...هيشوفوا العجب ..العجب بجد ...هتشوفوا نوعيات بنات اول مره تشوفوها ...من تصرفات وطريقه كلام ..وندغ اللبانه ...وهتلاقوا بنات مش بس بيندهوا المدرسين باسمأهم من غير مستر ...لا كمان بيدلعوهم ...والنوع ده بيحبوا المدرسين ضعاف النفوس كل دى تصرفات غلط فى غلط ....وياريت متأثرش فيكوا ...ولا تغلبكوا ..وتلاقوا نفسكوا كده ..فاولى ثانوى مرحله اعداد لثانويه عامه ..هتتعلموا فيها ازاى بيكون فى جد فى المزاكره ...عندى مواد كتير لازم اخلصها ....امتى وازاى استريح ...اقضى وقت راحتى فى ايه ...ايه افضل معاد مناسب ازاكر فيه ... وبجد الناس اللى مش بتتهيا كويس فى اولى ثانى ...بيكون الموضوع صعب عليهم جدا جدا فى ثانويه عامه .وانا جربت ده ..لانك ببساطه ..ازاى وانت فى اولى ثانوى جايب من 70..الى 85%....عايز تجيب فى تانيه وتالته ثانوى 95%..فيما فوق لازم تكون جهزت نفسك..ولو فى ماده حاسس انك ضعيف فيها مافيش مانع تاخد درس .واحزروا المدرسين اللى كل دروسهم هزار وكلام فاضى واخر الحصه يقول كلمتين عشان يرضى ضميره ويحلل الفلوس . وياريت تروحوا المدرسه كل يوم وماتغيبوش ...لانكوا برده هتلاقوا ناس مش بتيجى غير فى الاسبوع مره ده لو جات ...وماتهملوش كراستكم وكتبكم وكده وياريت تاخدوا كورسات فى اللغه الانجليزيه واللغه الاجنبيه التانيه ...عشان تقدروا تجيبوا اكبر درجات ممكنه فى الثانويه العامه واكيد الكورسات دى هتنفعكوا جدا فى حياتكم واوصيكم خيرا بالرياضه ..لان رياضه اولى ثانوى فعلا فعلا اساس لرياضه تانيه وتالته ثانوى ..ولو مش فاهمين فيها اى حاجه اسالوا مدرسكم ...واوصيكم خيرا بالعربى والبلاغه ..لانكم هتكونوا اول مره تسمعوا يعنى ايه بلاغه ..ياريت متهملوهاش لانها مهمه لتانيه وتالته ثانوى .والنحو طبعا ده مهم برده ..والنصوص هتتعلموا ازاى تزاكروا فى تانيه وتالته ومش هتنسوا كنتم بتزاكروا ازاى فى تالته اعدادى ..اوصيكم خيرا بالعربى كله ..اوصيكم خيرا بالغه الانجليزيه ...لانك لو شاطر فيها طول عمرك واهملتها فى اولى ثانوى هيحصلك دروب وانتا داخل تانيه ثانوى ..وهتحس ان الموضوع كبير اوى ...وبرده ماده اساسيه وتراكميه ...واوصيكم خيرا باللغه التايه اهتموا يا جماعه بيها احضروا الشرح فى الفصل ..ولما تروحوا زاكروا وهاتوا كتب خارجيه وحلو عليها وكده لا تهملوا الفزيا والكميا ...لان فيها من مناهج ثانويه عامه ولا تهموا التاريخ والجغرافيا لانهم هيفيدوكوا وغير كده هيعلموا ازاى تزاكروا المواد دى واتمنى ليكوا التوفيق طبعا وتقضوا سنه لطيفه لان انا بالنسبالى اولى ثانوى كانت سنه كبيسه |
ربنا يبارك فيكى
انا استفدت من النصايح دى جدا بس بعد فوات الاوان اصحابى افسدونى وخلونى اذاكر:d بس على فكرة نصايح واعية لان اولى ثانوي سنة مفصلية:) ربنا يكملك بعقلك السنتين اللى جايين دول:d |
الف شكر لحضرتك ... فعلا معلومات قيمة جدا و ان شاء الله احطها في الحسبان .... والف شكر لحضرتك مرة تانية
|
اقتباس:
اقتباس:
|
جزاكي الله خيرا ان شاء الله
وانا في المرحلة الثانية ونصائحك ممتازة وارجو الاقتداء بها واتمني للجميع عام دراسي في الثانوية سعيد وخصوصا طلاب الصف الاول الثانوي |
ربنا يباركلك يارب شكرا ليكى لنصايحك الغاليه دى والله فدتينى كتييير دى اول مشاركه ليا وياريت تقبلونى معاكم ربنا يعزك ويكرمك وف ميزان حسناتك واهم حاجه الصحبه لان الصاحب ساحب زى الاستاذ مصطفى حسنى بيقول لوتعرفوه هوه داعيه ربنا يكرمك شكرا ليكى جدا
|
جزاك الله كل خير وسلمت يداك وبارك الله فيك
|
جزاكى الله خيرا على هذه النصائح
وانا رايحه المرحله التانيه -ان شاء الله_ |
السلام عليكم
جزاك الله خيراً على الموضوع وبارك الله فيك بجد معلومات مفيدة ونصائح غالية اكييد ان شاء الله هاتبعها |
[QUOTE=هبه7;655331][COLOR="darkorchid"][B] جزاكي الله خيرا ان شاء الله
شكرا على النصائح الغالية.............وعندك حق:( |
شكرا لحضرتك على النصائح الغاليه ........ وربنا يسترها
|
بارك الله فيكى هذة نصائح ذهبية وياريت كان احد قالها لنا وانا داخلة اولى جامعة السنة دى
|
شكرا على هذه النصائح الجميله
|
بارك الله فيكى ووفق فى دنياك واخرتك
|
ربنا يكرمك على النصايح الغالية دي وانا باناشد الجميع يعمل بيها وبقول للكل محدش هيخاف على مصلحتك اكتر من نفسك ..خافوا على نفسكوا شوية ومتسمعوش كلام حد واعرفوا اننا لما نيجي نخبي حاجة نبقى اكيد بنعمل حاجة غلط
|
شكرا على نصايحك
أنا عرفت قيمتها و هابعد عن اصحاب السوء شكرا |
جزاك الله خيرا
|
الحمد لله السنة عدت على خيــــــــــــــــــر
النهارده كان آخر يوم فى الإمتحانات بص الصراحة كانت سنة متعبة جداً جداً جداً :) بس الحمد لله إن شاء الله عدت |
جزاكى الله خيرا
وربنا يستر انا بدأت اقلق من اولى ثانوى بس ربنا معانا |
علي فكرة الكلام ده جزء من اللي بيحصل في أولي ثانوي ياريت تخدوا بالكو من نفسكوا وإذا لقيت صاحب خدك بعيد عن طريقك لازم تفصل معاه أنا عملت كده ولحقت نفسي في التيرم التاني في أولي ع فكرة في ثلاثة إعدادي أنا كنت من أوائل محافظه البحيرة وجيت في التيرم الأول خرجت من الترتيب بس لحقت نفسي وفي التيرم التاني اتخلصت من كل سوء وربنا كرمنا في 2 وجبت 97 وأدينا مستنين 3 ياريت تخدوا بالكوا
|
بارك الله فيك
|
الف شكر ليكى يا حبيبتى على النصايح الغاليه والمهمه دى جزاك الله خيرا وان شاء نكون عند حسن ظنك
|
انا الحمد لله خلصت ثانوى خالص
بس كان شعارى ف اولى ثانوى كل لما حد يوقلى ذاكرى هما بيخشوا الطب م أولى ثانوى لغايه لما جننتهم ف البيت يلا الحمد لله انها خلصت ع خير |
ميرسى اوى لحضرتك انك نبهتينى لانى داخلة مدرسة جديدة
انتى عملتى لمخى توازن وان شاء الله اطبق كل اللى انتى قولتيه |
شكرا على النصائح الغالية دي وربنا يخليكي لينا يالريت بس تقوليلي اخلي نظام دذاكرتي يبقى ازاي
|
جزاكى الله خيرا فعلا كتير نصحونى بكده وانا باقرا كلامك مقتنعه جدا بيه ويارب التفوق للجميع
|
شكراااااااااااا وجزاكم الله كل خير. على فكرة انا داخلة اولي ثانوي لكن غير متحمسة ومشتاقة للتفوق والنجاح لاني حسيت بطعم الظلم في ثالثة اعدادي نقصوني5درجات ظلم في مادة واحدة علشان كدة عاوزه اكون دكتوره علشان اثبت لنفسي قبل مدريسني وزملائي اني هكون حاجة في المستقبل ان شاء الله.من فضلكم ادعولي |
يا ريت حد يقولنا أفضل الكتب الخارجية لاولى ثانوي
|
بارك الله فيكى يابسملة
بجد كل اللى داخلين اولى ثانوى لازم يعملوا بالنصايح دى |
اقتباس:
بس فىالمواد الادبية فى بعض المدراس بتنزل مزكرات صغيرة بتبقى احسن من الكتب و E حاتوا Senior ام اما فى الفرنساوى فى كتاب bravo والرياضة طبعا المعاصر بالنسبة للعربى اللى يريحك الرسالة او الاضواء او الامتحان:078111rg3: |
شكرا جدا و جزاكم الله كل خير
|
باختصار شديد اولى ثانوى دى هى اساس الثانويه العامه وانا استهترت بيها وكنت داخل على فساد جامد بس لحقت نفسى الحمد لله وشديت فى الاخر وفعلا رياضه سنه اولى والعربى هما الاساس للثانويه العامه خصوصا العربى ده كل اللى هتخده فى ثانويه عامه هيكون اصله من اولى ثانوى حتى هتلاقوه المدرسين كل ما ييجوا يشرحوا حاجه يقولولك فاكرين اللى خدناه فى اولى ثانوى فا لازم تذاكروا باهتمام شديد جدا عشان ربنا يوفقكم فى ثانويه عامه وخلوا بالكوا اولى ثانوى دى فيها نجاح وسقوط وملاحق انا اعرف ناس كتيره جدا كانوا جايبين ملاحق فى مواد مختلفه والاكتر منهم كانوا جايبين ملاحق فى الرياضه عشان هى بصراحه صعبه وعايزه مذاكره اول باول اتمنى اكون افدتكم من خبرتى السابقه :d
|
السلام عليكم ورحمة الله وبركاته
|
السلام عليكم ورحمة الله وبركاته
كنت عاوز انصح اخوانى ........ طالبين الأعدادى اللى داخلين اولى ثانوى ................ بعدم معرفة اصحاب جدد.......... مش بقول كده من فراغ انا قعدت 3 سنين فى اولى ثانوى بسبب اصحابى ومش لوحدى اكيد علشان احنا صحاب مفيش حد حينجح من غير التانى ؟........... لغايت لما اليأس خدنا وكنا متوقعين ان أحنا نعيد مدرسة المشاغبين من أول وجديد ........... كان اللى علينا ان احنا نتقابل كل يوم الصبح عند المعهد وبعد كده نشوفوا اليوم حنعتمدوا ازاى ممكن اسبوع او اتنين اوتلاته ......لغايت ما نفكر نحضر يوم فى المدرسه ولو حضرنا يأما ناخدوا جواب استدعاء ومحدش يقولى مجالهوش استدعاء..............واللى أحنا عارفينه طبعا كلنا انا مافيش حد بيجيب ولى امره اذا اخد جواب استدعاء والا ميكونش طالب مصرى ...... هوه يادوب ياخد الاستدعاء من هنا وقبل ما يطلع من باب المدرسه بيكون معلقه فى الشوز بتاعه ................. انا مش بقول كلكوا انا بوصف الغالب عموما ومتزعلوش منى انى بكلمكوا بصراحه .................. وبعد كده نضطر ان احنا مندخلش المدرسه اسبوع اوتين او تلاته ونيجى ندخل يسئلوا عن اولياء امورنا ؟.....؟الرد الاساسى بابا قالى حيجى كمان شهر كمان شهرين وصاحبى التانى ماما بتجيبلنا نونو صغير وبابا قاعد جمبه علشان ميقدرش يسبها .......... والتالت كان تخين شويه فا محدش كان يعرف يسئلوا لانهم بيعزوا علشان بطنه ...وفجاه تيجى علينا الامتحانات ندخل الامتحان اول يوم فقه ...ومش عارف اى تانى ..... نقعد نستنى مين حد يدخل يقولنا عايزين حاجه ما فيش حد دخل علينا نتعركوا مع المراقبين ....يطلعلنا العميد ... لو حيهدينا نعرفوا انا احنا حننجح ما هدناش نعرف ان احنا قاعدين السنه دى وفضلنا كده لغايت 3 سنين ............ وانا دلوقتى فى 3 ثانوى بأعجوبه مش بالمذكره والله العظيم انا مش عارف انا نجحت ازاى ..... وصحبى التانى خريج معهد ايجوث 3 سنين ......... وصاحبنا التالت ... قاعد جمب بابا بيأكله وشكرا على كده ...............اللى عاوز اوصلهلكوا انك لو حتصاحب ولاقيت الصاحب حيعمل معاك نفس الخطوات دى بلاش وابعد عنه .....حتقول حغيره وحخليه يذاكر كنت انا عملت كده ..... ده لو عاوزين تعدوا اولى ثانوى ازهرى بالذات ... بحكم خبرتى فيه ............. وانا اسف اذا قولت كلام يديقوا بس والله العظيم ربنا شاهد على كلامى ان اللى انا كتبته هوه دى اللى احنا مرينا بيه ؟؟؟؟؟؟؟؟ ............. وادعيلكم بالنجاح والتوفيق ان شاء الله |
ممكن اذاكر المواد كلها فى يوم واحد ههههههههههه
|
السلام عليكم شكرا على الموضوع
|
شكراااااااااااااا
|
شكرا وربنا يخليكى لينا وتقوليلنا نصايح تانية انا بجد استفدت كتير جدا
|
انا فعلا ضعت يا ريت كنت عرفت النصائح دى فى الاول وانا دلوقتى فى نهاية سنة اولى ومعرفش حاجة فى المنهج بس انا ناوية بجد فى الاجازة اعمل مجهود جامد وازاكر حاجات من منهج تانية يا ترى دة صح ولا غلط يا ريت حد يرد عليا مى جمال
|
شكرا ااااااااا على هذه النصائح
|
شكرا جدا على المعلومة المفيدة وبجد فادتنى انا كنت فاكرة ان اولى ثانوى سنة لعب وهزار وراحة وانا فعلا رايحة مدرسة تانية غير اللى كنت فيها وخايفة من نوعية البنات اللى فى المدرسة الجديدة بجد شكرا شكرا شكرا لحضرتك
|
مرسيه اوى علا النصائح ان شاء الله هحاول اعمل بيها بس انا مش بحب المذاكرة ...............
بس ان شاء الله هحاول اتقن دروسى بس ممكن سؤال اخد درس عربى ولا لاء انا بقول يعنى العربى مش مهم اوى فى اولى عشان كده مباخدش درس فيه دلوقتى انا باخد درس انجليزى وفرنساوى ورياضايات وفيزيا بس يعنى اخد دروس تانية ولا ايه؟؟؟؟؟؟؟؟؟؟؟؟؟؟؟؟ |
ميرسى على النصايح دى بجد الواحد قلقان موت من اولى ثانوى دى بس ان شاء الله تعدى على خير عشان نستعد لبعد كده
|
نصائح مهمه جدا
واحسن حاجه ان الانسان يتعلم من خبرات غيره ويتفادى الوقوع فيها خاصة موضوع الاصحاب دا فعلا انا اول مره افهم ان فيه اصحاب ممكن تنزل الواحد لسابع ارض شكرا ليكى ع مووضوعك |
شكرا لحضرتك الحاجات دي فعلا موجوده
|
كلامك صح اوي
ياريت الكل يعمل بيه وربنا يجازيكي خير |
مشكله اول ثانوى ديه :dشكرا على النصائح الهامه جدااااااا :rolleyes: حعمل بيها الترم التانى
|
جزاك الله خير وشكرا ع النصايح المهمة دى
|
انا على فكرة دلوقتى فى اولى ثانوى و كل فصلى اصحاب جدد عليا بس الحمد لله كلهم كويسين وعارفين مصلحتهم و كمان بنشجع بعض على المذاكرة.......
و شكرررررررررررررررررا لموضوعك الجميييييل جداااااا.......... تقبلى مرورى |
انا مع الاسف كل اصحابى القدامى يا اما مستواهم تعبان يا اما دحاحين من ورا السطر عشان يداروا على فرختهم تبيض اما اللى فى المدرسه الجديده 50 طالبه فى الفصل كلهم جايبين فى الاعداديه فوق اللى 290 و عمرهم ما ادعوا الفشل و البوظان و انا متهيالى لو مكنتش مع العيال الجماد دول كان زمانى ضعت فى الترم الاول و شكرا على الموضوع الجميل و تقبلى مرورى
|
| جميع الأوقات بتوقيت GMT +2. الساعة الآن 05:58 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.