|
حكم لبس البنطلون
هل يجوز للنساء أن يلبسن البنطلون ؟ وإذا كان الجواب لا فلماذا ؟.
الجواب: الحمد لله الواجب على المسلمة أن تلبس من الثياب ما يستر بدنها ، ويستر عورتها وذلك بلبس ما لا يصف البشرة كالشفاف ولا يصف حجم العورة كالضيق . والبنطلون هو مما يصف جسم وعورة المرأة فلهذا لا يجوز للمرأة أن تلبس البنطلون إلا وعليه قميص فضفاض أي واسع لأن من أهداف الإسلام الحفاظ على العورات والبعد عن كشفها لأن التهاون في ذلك من وسائل الوقوع فيما حرم الله من الزنا أو دواعيه . فالواجب على المسلمة أن تلتزم بآداب الإسلام في لباسها وفي حركاتها ، وفي كلامها ، قال تعالى : ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ) ، وقال تعالى : ( وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها ... الآية إلى قوله تعالى .. ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المؤمنون لعلكم تفلحون ) . والله أعلم يبقى نفهم من كده يا جماعة ان لبس البطلون حرام الا اذا لبسنا فوقه حاجة فضفاضة لا تصف الجسم يعنى لبسه وعليه حاجة قصيرة حرام تمام وكمان لبسه مع الحاجات اللى طالعة اللى مش عارفة بيسموها ايه دى حرام الوست والفست حرام لانها بتحدد الجسم كمان منلبس احبتى فى الله حاجة تحدد الصدر والجسم بصفة عامة وخاصة الصدر لان فيها فتنة يلا اللى بتعمل كده تعقد العزم بالا تعوض لذلك صدقونى ممكن تقولوا صعب عشان هو ده الطريق الصح صعب عشان ثوابه كبير مش اى حد ياخده احبتى فى الله انى احبكم فى الله واسال الله العلى العظيم ان يغفر لنا ذنوبنا ويرحمنا هو ولينا ونصيرنا ونعم النصير |
بتنادى فى مالطه تعرفى احنا المفروض دلوقتى نقول البنطلون حلال احسن من اللى موجود دا احضرتك قديمه اوى وشكلك كدا مش بتمشى فى الشارع خالص يعينى عليك يا بنطلون ظلمناك يابنى |
جزاكــــــــــــــــــى الله خـــــــــــــيرا.....
|
جزاكى الله كل خير
انا الحمد لله بطلت البس بنطلونات بقالى اكتر من سنه ربنا يهدى كل بنات المسلمين ويجعل الموضوع ده فى ميزان حسناتك |
لبس البنطلون حرام لان فيه تشبه بالرجال
والرسول صلى الله عليه وسلم لعن المتشبهات من النساءبالرجال وجزاكى الله خيرا |
ازاى نقول البنطلون حلال يا اخ خالد يعنى نحلل الحرام استغفر الله العلى العظيم
جزانا واياكم يا جماعة وفعلا حرام لعدة اسباب منها انه تشبه بالرجال وربنا بيلعنهم ومنها بردو انه مبيحققش شروط الزى الاسلامى |
شكرا ع الموضوع
|
اقتباس:
لا حول ولا قوه الا بالله |
dيا جماعه انتوا ليه دايما بتصعبوها علي نفسكوا الدين يسر وليس عسر وانا مقنعه بالبنطلون
ويا ريت نحاول نحسن اخلاقنا من جوه الاول وبعدين نهتم بالظواهر وانا علي فكره بالبس بنطلون |
لا اله الا الله يا اختاه الدين يسر ولكن ليس تهاون وتساهل ناس كتير فاهمة الدين غلط وااسفاه فاكرة ان الدين يسر يعنى نعمل اللى ع مزاجنا لا اله الا الله اللهم ارحم فتياتنا اغفر لهم قربهم لدينك ابعدهم عن معصيتك
|
اقتباس:
|
انا فاهمة قصد الاخ لكن بردو مفروض نراعى كل كلمة بنقولها ( مايلفظ من قول الا لديه رقيب عتيد)
|
رغم اني الحمد لله مش بلبس بنطلونات
بس قلت لازم اشكرك علي مجهودك يا قمر رفع الله بكي امة الاسلام |
اقتباس:
|
جزاك اللة خيرا
|
شكرا على الموضوع
|
يا ريت يا دكتوره ساره لما تكلميني يبقي تحاولي تقنعيني او اقنعك
لكن انك تقللي من احترامي لديني ده اللي مش حسمح بيه اسلوب الحوار بالاقناع مش بالارهاب احنا مش في حرب هنا |
انا مش اقصدك يا جومانا انى اقلل منك بس بصحح فهمك الغلط وبقولك البنطلون حرااااااام
وكفاية الحديث اللى بيقول (لعن الله المتشبهات بالرجال ) تحبى تمشى وانتى والا عياذ بالله ملعونة مش بوجه الكلام ليكى بس لكن لكل بنت بتعمل كده ده غير الحديث بتاع نساء كاسيات عاريات من علامات يوم القيامة فده كلام مش محتاج نقاش وجدال ( وكان الانسان اكثر شىء جدلا ) كلام الرسول وربنا سبحانه وتعالى ينهانا عن ذلك فما علينا ان نقول الا سمعنا واطعنا ويا ريت مش كل شوية نجادل كتير فى حاجة مفهاش كلام خافى من ربنا يا اختى ومن عقابه واتقى ربنا فى زيك وعادى كلنا بنخطا بس الشاطر اللى يتوب قبل فوات الاوان يلا يا حبيبتى توبى الى ربنا واقلعى عن ذنبك وامتنعى عن لبس البنطلون واستغفرى ربنا ربنا غفور رحيم |
ميرسى على الموضوع دكتوره ساره
بس على فكره انا بلبس بنطلون واحيانابحس انه محترم عن حاجات تانيه كتير جدا احيانا بيبقى محترم عن عبايبات طالعه الايام دى ربنا يستر |
انا برضة بلبس بنطلون وشايفه انا بيبقى محترم عن جيبه مثلا وانا طالعة الموصلات وكده وبينفع فى الشتا جدا وكل واحد بيقول رأيه
|
يا ساره يا ريت تقوليلي آيه في القرىن ذكرت ان البنطلون حرام صراحه
القضيه دلوقتي بقت نسبيه يعني مثلا الالوان لما تلبسي هنا في مصر بلوزه روز او اي لون عادي لكن لو انت عايشه في السعوديه مثلا ولبستي اي لون حيبقي ده مش صح لانه حيبقي في الفات للنظر(نظرا لان كلهم بيلبسوا اسود) نفس القصه مع البنطلون (مع العلم اني حلبس بنطلون واسع وعليه بلوزه طويله) 9 احب اقول ان النظريه من وجه نظري نظريه الفات طول ما نا مش ملفته في الشارع يبقي انا مش بعمل حاجه غلط وانا ممكن البس جيبه وتكون ملفته جدا وساعتها من وجهه نظرك حتكون مش بلبس بنطلون بس انا واثقه ان ربنا حيحاسبني (مع العلم برده اني بلبس جيبات بس محترمه) وعلي فكره البنت اللي عايزه تفرض احترامها في اي مكان لبسها بيشكل جزء من احترامها لكن اخلاقها وطريقه كلامها ومشيتها في الشارع هو الاهم انا عن نفسي في الكليه كتير بشوف ناس في الكليه لبسها مش ملتزم اوي وناس تانيه ملتزمه لكن العبره باخلاق التعامل في حاجات كتيره لازم نصلحها في نفسنا اهم من مظهرنا زي(الكدب-عدم غض البصر-النميمه)لما نقدر نصلح الحاجات دي فينا يبقي يبقي نهتم بالظواهر بعد كده |
اقصد القران انا اسفه ع الغلطه
|
بس فيه شيوخ حللوا لبس البنطلون للسيدات اذا كان فيه سترة للمراة اكثر من العباءة او الجيب او اى شئ اخر
فهل من مؤيد؟؟؟ و معلش انا عارف انى المفروض ما ادخلش بس اللى يعرف حاجة لازم يقولها للافادة |
معلش يا جماعة انا عايزة اقول رايي ودي مش فتوي ده رايي و اللي انا مقتنعة بيه
مبدايا انا مع جومانة و حقيقي ان الله لعن المتشبهات بالرجال بس مين قال ان البنطلون في تشبه انا شايفة ان البنطلون الولادي مختلف عن البنطلون البناتي بمعني اني لو شفت بنطلون هعرف ده ولادي ولا بناتي و بعدين طب مالرجالة بتلبس جلابية واحنا بنلبس عبايات هما بيلبسو شبشب واحنا كمان بس في فرق بين عباية الرجالة وعباية النساء شبشب الرجالة وشبشب البنات المهم انه ميكونش مفسر الجسم ارجو ان محدش يزعل مني بس المنتديات دي معمولة للمناقشة في حاجة كمان انا نفسي نطبق القران علي العصر بتاعنا ده يعني في مستجدات كتير عن ايام زمان لازم ناخد بالنا منها يعني مثلا انا لسه قارئة ان النظر للمعلم و هو بيشرح حرام المفروض ننظر للشرح حد بيعمل كده (طب عمرو خالد لما بيبقي ضيف في برنامج بيبص للمذيعة عادي ومبتبقاش محجبة) كمان حرام الانفراد بين السائق والمراة حاجات كتير اوي بتهيالي صعب تتحقق |
بصى هقزلك حاجة يا سارة انتى وجو مانا من اتقى الشبهات فقد استبرا لدينه
هقول اسئلة كده كل واحد يسالها لنفسه: 1- هل لبسك لا يشف او يصف ماتحته؟ 2- هل لبسك يحدد جسمك 3- هل لبسك ملفت للنظر لو الاجابة لا على التلاتة دول ساعتها ابقى اقولك البسى بنطلون ولكن لو سؤال واحد اجابته لا يبقى حرام تلبسيه لا شك فى ذلك والله يا جماعةموضوعى منقول من شيوخ يعنى بلاش كل واحد يقول رايه الا اذا كان سمع فتوى يبقى يقولها راى لا مينفعش يا جماعة بقول تانى وبكرر وهفضل اقول ليه منضحيش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ ليييييه صعب ابطل البناطيل وسهل اتفرج على التلفزيون واغتاب ليه يا جماعة ليه يا ريت نحاول كفاية اراء من عندنا الراى المفق عليه من العلماء ولا شك فيه عشان مش كل حد يقول حاجة : البنطلون حرام الا اذا كان واسعا لايحدد الرجل ولا عليه بلوزة واسعة فضفاضة وطويلة تحت الركبة غير كده حرااااااااااااام وبلاش حكاية الزمن ده والكلام مظنش ان الجيبة الواسعة لبسها صعب بالعكس ديه احسن كتير ربنا يهدينا جميعا يلا عايزة بعد كام يوم الاقيكوا بطلتوا البناطيل ربنا يقوى ايمانكوا وع فكرة اللى هتبطل بناطيل دلوقتى هتاخد ثواب كبير خاصة واحنا مقبلين على الشهر الكريم |
السلام عليكم ورحمة الله وبركاته
ايه يا جماعه ده ازاى يعنى يعنى مهما كان البنطلون طويل وفضفاض عايزن تقنعونى انه مش محدد جسم المراه يعنى نيجى دوقتى واحده واحده البنطلون اهوة طويل بس دى وانتى واقفه مش ماشيه لما بتمشى البنطلون فى خطوتك بيتفتح من عند القدمين يعنى بيحدد قدمك وده ايه رائيك يا جومانه ده حلال ولا حرام سيبك من التشبه سيبك من انه لا يصلح للمراه لموانع علميه واعتقد ان لو انتى بحثتى حتلاقى كتير اوى من انه بيثير شهوة المراه اكثر من غيره ايه رائيك مش حرام اختى انا معاكى انه بيفيد فى ركوب المواصلات بس طبعا لما بيكون تحت حاجه لو فوقيه حاجه حيكون احسن وان شاء الله مش حيكون فيه حرمه ولا اى حاجه ان شاء الله |
مظنش انى مع مختلفة معاك يا اخ مجاهد انا قولت انه حرام الا اذا لبسنا حاجة طويلة عليه يعنى مش تيجى واحدة تلبس بلوزة قصيرة وتحتها بنطلون حتى لو واسع وتقول حلال لا طبعا حرام واظن انا والاخ مجاهد وضحنالكوا امتى يكون حلال وكفاية جدال بالباطل بقى عشان متخدوش ذنب على كده
يلا احبتى فى الله اتمنى ان كل اللى فى المنتدى يبطلوا البناطيل خالص شوية تضحية منكم عشان الجنة مش بيدخلها اى حد يا جماعة يلا هنشوف كام واحدة بطلت وكام بعد اللى قولناه |
احترم وجهه نظر ساره والمجاهد وكل واحد حر في رايه
واحب اقول للمجاهد ان انا في كليه طب واني عمري ما سمعت ان للبنطلون اضرار ع البنت ويا ريت تقولي اسم كتاب علمي قال كده علشان استفيد وده اخر كلام حاكتبه في الموضوع ده لان يبدو ان كل واحد مقتنع بوجهه نظره |
اقوال الاطباء :
يقول الاطباء ان اللباس الضيق : _ تعذيب لحرية الجسد _ وضرر صحي للنسج والخلايا والاجهزه الجسمية وخاصة الجهاز التناسلي وجهاز الدوران والحركة _ وقد ادى عند كثير من النساء الى العقم او الولادة الغير طبيعيه التي تستلزم اجراء عملية قيصرية او تمزق عنق الرحم ده من موقع طبى يا اخت جومانا ولو عايزة الموقع كمان اجيبهولك يا ريت بكرر كفاية جدال بالباطل يا اختى توبى لربنا وربنا غفور رحيم عشان صدقينى الجدال بالطريقة بتاعتك دى غلط وهتاخدى عليه ذنوب ربنا يهدينا جميعا الى الصراط المستقيم |
يا ساره بكررها تاني انا مش بلبس بنطلون ضيق ابدا
وانا اتاخرت في الرد عليكي لان انا سالت عمي وهو دكتور نساء وتوليد وقالي ان الكلام ده مش صح ابدا طول ما انتي لابسه بنطلون واسع وبكررها تاني (واسع) ويا ريت برده تبعتيلي اسم الموقع علشان استفيد |
اقتباس:
دة مش موضوع وجهات نظر اولا حضرتك بتقولى اية صريحة تحرم البنطلون لو اتكلمنا على القران يبقى حضرتك ممكن تشوفى ايات الحجاب وطبعا اقل حاجة مذكورة هى (الخمار) فهل حضرتك رأيتى من قبل من يلبس بنطلون مع خمار؟ ثانيا مافيش حاجةاسمها نحسن الى جوه الاول وبعد كدة المظهر اى حاجة بنعملها بنتحاسب عليها سواء كانت داخلية فى مظهرية ومصادر التشريع القران ثم السنة ثم العلماء ثم القياس يعنى لو قلت لواحد هاتلى كلمة سجاير فى القران يبقى انا كدة مش بعمل غير انى اعجزه فقط لا غير يعنى هل لما حضرتك تكونى لابسة بنطلون وبتقعدى مش بيكون ضيق وحضرتك قاعدة بيه؟ ثالثا الكلام فى الدين يكون بدليل يعنى مفروض مش لما نيجى نتكلم فى موضوع معين زى البنطالون نقوم نقول لو الجيبة ملفتة الجيبة الملفتة بردة حكمها معروف يعنى مش كلامنا على الجيبة ولا البنطلون كلامنا على شروط الزى الاسلامى اخر حاجة احب اقولها لما نتكلم فى امر من امور الدين مش نقول مرة واحدة خلاص دة اخر كلام ليا لو كان انا او غيرى معاه دليل ورأى صحيح اكيد هاعرف اثبته مش هاقول خلاص يا جماعة كل واحد وجهة نظر لان دى اصلا مش وجهة نظر دة كلام علماء واليكم بعض الفتاوى فى هذا الامر |
اقتباس:
اقتباس:
فى امان الله |
اقتباس:
|
جزاك الله خيرا يا دكتور سعيد على ما قدمته ويا رب كل اللى بتلبس بنطلون تبطل فور قراءتها للموضوع ربنا يهدينا جميعا الى الصراطالمستقيم
ربنا توفنا مسلمين والحقنا بالصالحين |
اقتباس:
اصلى حاسس انه بالحبر السرى :d وجزاكى الله خيرا اقتباس:
الواجب يحتم عليا ذلك ولكن اسف على التأخير لانى مش بدخل هذا القسم الا نادرا وكان من الافضل ان انشر تلك الفتاوى فى مشاركات متقدمة فى امان الله |
اقتباس:
|
جزاكى الله خيرا يا دكتورة نبض على مشاركتك و يا رب يا سارة ويا جومانا وكل اللى جادلوا محدش يجادل تانى لان الجدال بالطريقة دى وزر كبير انتوا بتجادلوا بلا علم
اظن انى نقلتلكوا فتوى فى اول الموضوع ودكتور سعيد جاب 3 فتاوى ده غير الاحاديث والايات يبقى ما عليكم ان تقولوا الا سمعنا واطعنا |
اقتباس:
عموما انا رايحة اصلي اعمل CTRL و A او تظليل للنص هيبان الخط ع ماجى اظبط الموضوع |
احب اوضح حاجه انا لما سالت ساره عن ايه في القراءن مكنتش قصدي اعجزها ولا حاجه بس انا بجد كنت عايزه اعرف
|
واعتقد انه مش عيب اني اسال واستفاد
وطالما انتوا عايزين تقنعوا حد بوجهه معينه يبقي لازم تتقبلوا اسئلته بسعه صدر وتردوا عليها مش تهاجموه |
احنا مش بنهاجمك يا اخت جومانا احنا بنفوقك ونفوق كل اللى زيك من غفلتهم نحن نخاف عليكم من لقاء الله يا حبيبتى فى الله انا اخشى عليكى لقاء رب العباد وانتى مذنبة توبى اليه يغفر لكى وكلنا خطائين وخير الخطائين التوابون ولو الشىء ده عليه اختلاف كنا سمحنا بالجدال لكن لا جدال فيه شىء محكوم ومعروف واسال الله العظيم ان تتوب كل فتاة عاصية لله كل فتاة متبرجة تتوب الى الله والله غفور رحيم
|
[ جزاك الله خيرا
|
جزانا واياكى يا جومانا وهدانا جميعا الى الصراط المستقيم
|
اقتباس:
بعتذر لو كنتى زعلتى |
السلام عليكم ورحمة الله وبركاته
اختى جومانه اخوتنا بينولنا اننا مش بناهجمك ولا حاجه بس صدقينى شوفى كده المناظر فى الشوارع ومناظر البنات الى بترتدى البنطلون اهو البنطلون الى انتى بتلبسيه واسع جدا جدا وهيه بتلبس بنطلون ضيق جدا جدا بس فى الاخر دى بتلبس ايه وانتى بتلبسى ايه اسمهم ايه الاتنين بنطلون لما حد يجى يتكلم يقولك دا كل الى بيلبسوا بناطيل مش كويسين مثلا اذا شملك فى وسطهم علما انك غير كده بس تعملى ايه باه ما الى انتى لبساه برضه اسمه بنطلون |
انا بجد مزعلتش منكم خالص لانكم اخوتي في الله وجزاكم الله كل الخير
|
اقتباس:
ساعات بس الواحد بياخد الامور بعصبية شوية انما انا ماقدرشى اهاجم مسلم زيى زيه خاصة وان الله هو الاعلم مين الى فينا يفوق التانى عنده عشان كدة ماقدرشى اتعدى على حد يكون هو افضل عند الله منى بس انا قصدت التنبيه ولكن اسلوبى كان غير مناسب فعلا واعتذر عن هذا الاسلوب اما الان فالادلة واضحة يا اختى وجزاكى الله خيرا على المناقشة فى امان الله |
| جميع الأوقات بتوقيت GMT +2. الساعة الآن 11:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.