منطقة أسيوط الأزهرية ترفض أجازة السبت للمعاهد .. إيه الحل؟
 

في مفاجأة غير متوقعة ، رفضت منطقة أسيوط الأزهرية أجازة السبت للمعاهد الأزهرية في المحافظة ، وأبلغت المعاهد أن يوم السبت يوم دراسة عادي .
وقال مسؤلوا المنطقة أن وكيل الوزارة قام بإرسال اشارة الي قطاع المعاهد ومشيخة الأزهر بطلب اعتبار السبت يوم دراسة في محافظة أسيوط ، وهم ينتظرون رد قطاع المعاهد عليهم بشأن ذلك .

هذا الكلام ليس خبراً في صحيفة ، أنا مدرس في أحد معاهد محافظة اسيوط ، وشيخ المعهد قام بالاتصال بالمنطقة في حضوري يوم الخميس وأخبروه أن السبت عمل .

وبينما قررت بعض المعاهد أن السبت أجازة ، يُصر شيخ معهدنا علي الحضور يوم السبت الي حين وصول منشور من المنطقة بأجازة السبت .

ولا أعرف لماذا تُصِر منطقة أسيوط علي مخالفة كل مناطق الجمهورية ؟
ولا حول ولا قوة الا بالله

يا جماعة فى بعض المسؤلين مش واخدين بالهم من حاجة ان فى البعض فى سوهاج عندة 20حصة او 24 فى الاسبوع يعنى بعد الاجازة 4 حصص يوميا ودة ارهاق للمدرس وممكن يبقى خمس حصص على حسب الجدول السبت اجازة فى المعاهد اللى مدرسينها واخدين عشرة وخمسة حصص او بدون شغل

يعني كل منطقة هتمشي بمزاجها؟

المفروض ألا يصل الجدول إلى هذا الحد ولذلك فأعلى نصاب هو 24 حصة

هوه ده القرف والعك بعينه السيد مدير المنطقه عايز يروح السبت براحته انما يحكم علي غيره لا
الحل ماحدش يروح بلا قرف

يااخى الكريم قرار وكيل الازهر صريح فى هذا الشان والتطبيق عام على الجميغ

للأسف منطقة أسيوط رافضة القرار بالمرة
ويظهر ان العاملين بالمنطقة غيورين لأن الأجازة كانت للمعاهد فقط ... هههههه

يبدوا اننا فى جمهورية اسيوط العربية على غرار جمهورية زفتى اثناء ثورة 1919م.

وكيل وزاره حسبى الله ونعم الوكيل فيه
كل همه انى يتعب المعلم ويحوله شؤؤن قانونيه

أتفق مع حضرتك

الي الخ البيقول ان في مدرسين وخدين اربع حصص باليوم وايه رايك في مدرس الفصل بالتربية والتعليم 6 حصص كل يوم

فى معهدنا تبع منطقه سوهاج لحد اخر خمس دقايق فى يوم الخميس والناظر مستنى الرد

الاداره تقول عمل واحنا نقول اجازه والناظر محتار هههههههههههههههههه

فى الاخير افتنع ان كل المعاهد حاولينا اجازه قال :زى بعضوا بس لو حصل اى حاجه تبقوا تيجوا السبت

وعجبى

الناظر يرد علينا -- هاتوالى المنشووووووووووووور بتاع الاجازه --- ياناظر على النت بقول لا هاتولى المنشور فى ايدى ههههههههههههههه

انتوا ما تروحوش هوه عشان مش هياخذ السبت اجازه يحكم علي غيره
كلكم ما تروحوش والله ما هيقدر يعملكم حاجه

انا من اسيوط و معهدنا اخد اجازه بس انا سمعت فعلا ان وكيل الوزاره مش موافق على الاجازه و بصراحه بيهرج المفروض ده قرار رسمي

وكيل وزارة الواق واق

كل تططططبيق وانت طيب اتلغى القرار بمجرد قرار من وكيل وزاره جاهل

اعتقد ان شيخ المعهد ليس بيده شيء فهو لا يستطيع اعطاء السبت اجازة بدون منشور ومن ينصح بعدم الذهاب للمعهد يضع المدرس تحت طائلة القانون الحل هو مواجهة مجموعة من المدرسين المكلفين لمدير المنطقة ومناقشته واقناعه لان الموضوع ليس فرديا