|
Khaloood المجاهد فى سبيل الله
السلام عليكم كل الحكايه ان فى موضوع هنا جه فى سيره الاختلاط وكدا فانا رديت فيه عادى جدا زى اى موضوع نيجى بقى للمهم انتوا عارفين انا والمجاهد اصحاب مش بس كدا اخوات كمان المهم كنا قاعدين فى كوفى شوب خمس نجوم :p:p المكان اسمه كما يطلقون عليه قهوه النموس :p المهم فبقوله يا احمد انا رديت على الموضوع بتاع الاختلاط وقلت كذا كذا فهو مش اقتنع بكلامى وقالى الاختلاط واحد وهو حرااااااااااااااااااااااااااااام ومن هنا بقى بدات الخناقه والصراحه انا لو كنت شديت شويه معاه كنت هضرب :p:p بس والله ما كنت هسكت كنت هحدفه بالتوب :cool::p ما علينا انتوا عارفين انى رخم شويه وبحب الهزار نرجع لموضوعنا اتناقشنا هل الاختلاط حرام ولا حلال ولا ايه بالظبط فقلتله بالظبط كدا كالاتى يا احمد الاختلاط مش واحد يعنى فى كذا نوع من الاختلاط زى اختلاط الدراسه والعمل والصداقه.... الى اخره وقولتله يعنى دلوقتى لو فى شركه وواحد راح كلم زميلته اللى فى العمل بدافع العمل فقط مع مراعاه هذه النقطه بدافع العمل فقط وهو محترم وهى محترمه قولتله يا احمد كدا يبقى حرام قالى اااااااه وقولتله كمان يعنى انا والدتى وكيله مدرسه ومعاها اكيد مدرسين واكيد برده فى صله عمل فى الشغل بس يبقى كدا حرام قالى ااااااه فبصراحه كالعاده انا واحمد اصلا مش بنتفق على حاجه انا فى ناحيه وهو فى الناحيه التانيه تماما المهم قولتله يا احمد انا هحط الموضوع فى المنتدى ونشوف الاراء وبعدين مش عايز حد يرد يقول ان لو مش الناس دى محترمه ومتدينه والكلام دا انا بقول اهو الناس كويسه ومحترمه جدا والكلام بدافع العمل فقط اها نسيت حاجه برده نرفذتنى قالى حتى لو منقبه يبقى حرام برده :mad: بس كدا مستنى اشوف الردود |
متسالوا شيوخ شايفنا بنفهم اوى |
هو ايه اللى اه اه اه
ما علينا انا مش اهل للذكر للاسف ...وبالتالى مقدرش اتكلم فى اللى مليش فيه |
هو يعني ايه اختلاط:d كوكتيل مثلا يعني :d هو عشان نحكم اذا كان حرام ولا حلال فلازم نعرف معني الاخلال او المقصود منه وانا مقدرش اقول حلال ولا حلاام لاني معرفش بس انا هاخد الموضوع علي اد عقلي لو فرضنا زي المجاهد ان الاختلاط اي كان معناه حرام طب ايه الحكم في الحالات الاتيه: 1- لو انا محتاجه اخد درس في ماده معينه واخدت عند مدرس ياهل دا حرام ولا المفروض اخد عند مدرسه حتي ولو كانت فاشلهومدخلتش امتحانات الكادر:dونفس الموضوع عند الدكاتره 2-ياهل لما اسلم علي ابن عمي او ابن عمتي وازور اهلي وهما هناك المفروض اخد عمي وعمتي وبنت عمتي واطرده برا:dعلي سبيل المثال يعني 3-وانا في الجامعه مثلا وملقيتش مكان فرضا غير جنب ولد اسيب المحاضره وامشي ولا اعد وعفي الله عما سلف:d 4- بالنوسبه للشغل ياهل المفروض مشتغلش الا الشغل اللي فيه حريم فقط ولا عادي ولا اشتغل في مكان فيه الجنسين بس متعاملش معاههم وايه الحال لو كان المدير راجل 3-بالنسبه للرجاله العواجيز لو حد مثلا قالي اعديع السكه تعبان يعني او سالني الساعه كام ارد عليه والا معبروش علي اساس يعني ان العواجيز حاجه والشباب حاجه تانيه 5- ايه حكم حضوري درس ديني يلقيه شيخ راجل ولا متفرجش الا علي عبله الكحلاوي :d 6-ياهل ردود البنات علي مواضيع الشباب في المنتديات حرام برضه كاختلاط يعني و لا ايه بالظبط سيبنا من كل دا بئا ممكن تفهموني من وجهه نظركوا ايه مفهوم الاختلاط؟!:) |
اخيرا فى رد ايجابى شويه احنا اتفقنا على ان معنا الاختلاط هو اجتماع الرجل والمراه بس احنا مختلفين على ان الاختلاط انواع واللى انتى قولتيه دا ابسط حاجه تقول ان صعب يعنى يكون الاختلاط واحد جزاكى الله خيرا |
هو ايه الى بيحصل اليومين دول هو كل حد عاوز يفتى فى الدين؟؟؟؟؟؟؟؟؟؟؟؟ اولا : فاسألوا أهل الذكر إن كنتم لا تعلمون [النحل : 43] مش اسؤلوا اهل المنتدى؟؟؟!!! http://www.dar-alifta.org/ ثانيا: فإن تنازعتم في شيء فردوه إلى الله والرسول إن كنتم تؤمنون بالله واليوم الآخر ذلك خير وأحسن تأويلا [النساء : 59] و لا تردوه الى اعضاء المنتدى ثالثا:ما هذه الجرئة العجيبة منك ومن من يسمى المجاهد فى سبيل الله فى اطلاق احكام دينية ؟؟؟؟ من انتم حتى تفتوا فى مسألة دينية كهذه و من انتم حتى تحلوا او تحرموا ؟؟؟ اذا كان الامام مالك ذات نفسه كان يكثر من قول لا اعلم فى المسائل الفقهية وهو من هو فهو لا يتسرع و يقول حراااااااااام او حلال فانه من اكبر الكبائر ان تقيدوا حرية الناس و بحريم زائف او ان تحلوا ما حرم الله : قل إنما حرم ربي الفواحش ما ظهر منها وما بطن والإثم والبغي بغير الحق وأن تشركوا بالله ما لم ينزل به سلطانا وأن تقولوا على الله ما لا تعلمون [الأعراف : 33] فهذه الايه تنص على المحرمات بالتدريج من الاصغر كالفواحش الى الاكبر كالشرك ولا كن جاء اعظم المحرمات والكبائر هى ان تقولوا على الله ما لا تعلمون فقولكم ان الله حرم الختلاط او ان الله احله هو افتراء على الله بغير علم و هذا اعظم من الشرك فمن انتم حتى تتناقشوا فى الحلال والحرام؟؟؟؟ |
اقتباس:
ماشي انا معاك انه مش من حق حد انه يفتي زي ما هو عاوز بس مفيهاش حاجه اننا نتناقش او نتكلم ان نحلل اي حاجه ولا دا يقولك حلال يبقي حلال ودا يقولك حرام يبقي حرام اي نعم اهل الدين الحاليين دارسين وكل حاجه بس مش معني ذلك اننا نثق فيهم ثقه عمياء الواحد لازم يشغل مخه :) |
اقتباس:
يعنى الاختلاط حرام يبئا نقفل المنتدى ده لانه فيه بنات وكده حرام وانتا ياحمد مترحش كليتك لان اكيد فيها بنات والاختلاط حرام والبنات متنزلش من بيوتها علشان اللى هيمشى فى الشارع يبئا كده حرام ومفيش ستات تروح شغلها ويتلغى دور المرأة فى المجتمع وتطلع فى النهاية المرأة مش نصف المجتمع ولا حاجة والاسلام اللى اده للمرأة نفس حقوق الراجل ملوش لزمة والست تروح الشغل بمحرم وكده يبئا احنا طبقنا الحلال صح ولا نرجع ونتكلم فى فتوى ارضاع الكبير علشان يبئوا محرمين على بعض مش عارف الكلام ده بيجى منين ما علينا شكرا على الموضوع :) |
اقتباس:
شكرا جزيلا لسيادتك كل الى اقدر اقوله لسيادتك انك دخلت دبيت كلمتين وطلعت ولا انت فاهم اى حاجه ولا استفدنا منك باى حاجه وقبل ما تغلط وتطلع الكلمه تبقى تفكر كويس :) |
ياخالد مينفعش تعرض موضوع الحلال والحرام علينا هتلاقى الى بقولك لا مش حرام والى هيقولك حرااااااااااام ومن هنا تبدأ المشاكل والاتنين يمسكوا فى بعض ياريت لما يكون موضوع كدة يبقى ((فاسألوا اهل الذكر ان كنتم لا تعلمون )) ومعلش يعنى سؤال هو انتوا مش بتكلموا بنات ؟؟ علشان عمالين تقلوا حرام يعنى لو بتكلموا تبقى مصيبة ان كنت لاتدرى فتلك مصيبة وان كنت تدرى فالمصيبة اعظم فى الاول وفى الاخر الموضوع مش يطرح علينا احنااااااااااااا اسفة لو كان ردى ضيقك |
اقتباس:
هو انا عايز اعرف كل حد يقولى اسئل اهل الذكر يعنى هو مثلا مش ممكن حد يجى يرد ويجيب ايات واحاديث تتكلم فى الموضوع دا ويبقى استفادنا برده وبعدين حاضر ان شاء الله فى صلاه العصر هبقى اروح اسئل الشيخ بس احنا بنقول اللى عنده حاجه يقولها ربنا عرفوه بالعقل اعتقد ان المخ دا برده لازم يشتغل هيفضل التراب عليه لحد امتى يعنى من الكلام اللى اتقال دا كله المنطق يقول ايه مع ملحوظه طظ فى المنطق وفى دماغى ودماغ كل اللى ردوا مع احترامى للجميع اذا كان فى حاجه فى القراءن او السنه بتقول انه حرااااااااام بس برده مش كله يعنى تكون متوافقه مع الكلام اللى فوق وطبعا دا نقاش يا نسمه واللى يضايق يضرب دماغه فى الحيطه جزاكى الله خيرا لمرورك |
انا من رأئيى ياجماعة
ده بيتوقف على نية الإنسان يعنى مثلا لو انسان هيتكلم مع زميلة ونيته عمل فقط يبقى مش حرام ولو هيتكلم ونيته يصاحب وقعد يتسلى وكده يبقى أكيد حرام ده من وجهة نظرى المتواضعة جدا والله أعلى وأعلم بس الموضوع ده محتاج كلام كتير يُقال فيه ولنا بقية ان شاء الله |
كنت عايز أقول حاجة
اختلاف الرأى لا يفسد للود قضية بس برضه يعنى احنا بتناقش والرأى للعلماء |
اقتباس:
وهرد ياخالد بس سيبنى ابحث بقى وانظم الرد وبعدين اقولك بس انا بقول ان ممكن يكون فى حد فهمه غلط ومش عارف حاجة فالدين ويدخل يخرف ويقول كلام اهبل وغلط علشان كدة عاوزة انكوا تبعدوا عن الدين لانه مش موضوع مناقشة دية اسس مبنية احنا مش هنغير فيها ذرة ليا رجعة ان شاءا لله |
انا والله كنت عارفة ان الموضوع ده هيتفتح بس مكنتش عارف انك انت اللى هتفتحه المهم ما علينا يعنى ............... بعيد عن الافتاء والكلام ده اعتقد ان اللى هقوله وجهه نظر وبالنسبة للافتاء يبقى حد بقى يسال فيه يعنى ياريييت نعتبر الموضوع مناقشة او حوار انا شفت الردود كلها قبل ما اكتب ويمكن حتى الان راى اتنين بس هما اللى عجبونى (اكيد معروف مين هما) الاختلاط انواع مش شرط ان يبقى اختلاط من نوع الصداقة وما شبه ذلك 1-ممكن انى الاقى زميل وانا محتاجة معلومة هو يقولهالى او العكس 2-الدوك.اللى هيدينى فى الجامعة ماهو ممكن يكون ولد وممكن كمان انه يكون لسه معيد حديثا يعنى كان شاب زينا واكيد نفس الكلام معكوس على الشباب 3-لو احتاجت درس ... اقرب مثال درس العربى (تالتة ثانوى ربنا يرحمها) كان المستر بتاع العربى شاب 28 سنة كان (برفكت) فى مادته لكن هل يمنع انى ما اخدش معاه علشان سنه؟ 4-الشارع اللى بمشى فيه شباب وبنات مامشيش فيه علشان فى شباب والعكس برضه للولاد 5-اقرب مثال كمان للموضوع ده المنتدى اللى احنا فيه كلنا مع بعضينا شباب وبنات (اختلاط) فى هزار فى احترام فى مناقشة فى حوار فى ان لو حد عنده مشكلة كلنا بندخل نتناقش معاه وان امكن نحلها ده اللى اعرفه حاليا هل ده يبقى غلط؟؟ بس برضه انا عاوزة اعرف راى (المجاهد فى سبيل الله) مفهوم (الاختلاط) من وجهة نظره |
انا شيفه ان احنا المفروض نسمع الفتوى من حد على علم بس برضوا فيها ايه لو اتنقشنا وكل واحد جاب رئي ويمكن نوصل لحاجه في الاخر
بصراحه انا مقدرش اقول حرام ولا حلال لان انا مش على علم اوى بس انا جبت الفتوى دى من موقع تاني عباره عن سؤال وجاوب والله ده الى قدرت عليه يمكن تنفع في المناقشه وهي عباره عن سؤال وجاوب الســؤال ما هي الحالات التي يحرم فيها الإختلاط بين الرجال والنساء؟ الفتــوى الحمد لله، والصلاة والسلام على محمّد رسول الله، وعلى آله وصحبه ومن والاه، وبعد ... لم تكن قضية الإختلاط معروفة عند الجيل الأول من المسلمين, وإنما نشأت في هذا العصر بسبب ما يرافق هذا الإختلاط من كشف للعورات وعدم الإلتزام بأحكام الشريعة. أما إذا كان الإجتماع بين الرجال والنساء منضبطاً باحكام الشرع فإن الاختلاط جائز إن شاء الله, لأن الشرع لم يمنع اللقاء العام بين الرجال والنساء, وإنما منع الخلوة التي يكون فيها الرجل مع إمرأة منفردين في موضع لا يتهيأ أن يراهما فيه أحد. وحين يحصل اللقاء بين الرجال والنساء من غير خلوة فإن الشرع يمنع التبرج وهو إظهار المرأة ما أوجب الله عليها ستره من بدنها أو زينتها أو طيبها, أو تكسرها في مشيتها وحركاتها، أو خضوعها بالقول (وهو التصنع بالكلام من أجل استثارة الشهوة)، كما يمنع التماس أو لمس البشرة للبشرة. من هنا يتبيّن أنّ الحالات التي يحرم فيها الاختلاط بين الرجال والنساء هي: 1- وجود الخلوة بين رجل وامرأة. 2- عدم الالتزام بالضوابط الشرعية المذكورة آنفاً. وفي جميع الأحوال يجب أن يكون سبب الاختلاط مشروعاً. والسبب المشروع هو ما كان واجباً أو مستحباً أو مباحاً على أقلّ تقدير. وده الرباط http://www.mawlawi.net/fatwa.asp?fid=1023 للعايز يقرئه بنفسه |
اقتباس:
:):) |
بص يا سيدى اولا احنا لازم نعرض الموضوع ده على احد الشيوخ بس اولا عمل المراة فى الايام دى (فى رايى) حرام والله اعلم لان تعالى ندرس الموضوع بتوسع شوية المراة علشان تروح الشغل بتاعها لازم تركب اتوبيس قولى بقى بيحصل للنساء ايه فى الاوتوبيس؟
حاجة تانية الشغل بتاع المراة لزمته ايه؟اااااااه انا عارف انت هتقولى ظروف المعيشة والعيال والغلاء و..............الخ! طيب كل واحد يعيش على قد حياته ورحم الله امرؤ عرف قدر نفسه ثالثا يقول المولى عز وجل (وقرن فى بيوتكنولا تبرجن تبرج الجاهلية الاولى) وده معناه ان مكان المراة هو المنزل سؤاااااااااال\ ليه ربنا خلق الانسان رجل وامراة؟ ج\ علشان تقسيم العمل وكل واحد يعرف ايه المطلوب منه .مش يقوم الراجل بعمل المراة والعكستقوم المراة بعمل الراجل انها حكمة الهية محكمة متقنة واكبر فتنة الوقتى فتنة النساء احنا سلاحنا ودستورنا هو القران والسنة تعالوا ننظر لاقرب دليل وهو السنة ليه؟ زوجات النبى مكنتش بتشتغل فى اى وظيفة؟ مهو احنا لو عايزين اى فعل نقتدى به ويكون موثوق منه ننظر الى ما امر به مالا ينطق عن الهوى والاجابة على السؤال ده هى الحل |
اقتباس:
بجد جزاكى الله خيرا ومن الكلام دا نقول ان الاختلاط مش واحد ودا اللى كنت عايز افهمه لاحمد واسف للجميع انى مش قادر ارد عليهم لان النت بيهيس وشكله كدا هيفصل بس انا عملت المستحيل لان دا اول رد معتمد جزاكى الله خيرا مره اخرى :) |
hانا واثقه ان كل واحد بيتكلم عن الاختلاط ويفتي ويقول حرام هو اصلا بيختلط
يعني مثلا اتكلم عن نفسي انا في تالته كليه ومعايا اولاد زمايلي في الدفعه وانا في كليه عمليه يعني لازم اتعامل معاهم في السكاشن والان احنا بنشتغل مع بعض وبعدين الولد او البنت المحترم هو او هي اللي يعرف يرسم حدود لنفسه لكن اللي بيقول ان اللي الاختلاط مش صح يبقي رجعي وبيشوف الاختلاط من منظور واحد للاسف منظور ضيق جدا |
اقتباس:
سيبك من حته هو بيعمل كدا ولا لا مش موضوعنا وبعدين مش تقولى واثقه جبتى الثقه دى منين ؟ ما علينا ثانيا ياريت بلاش رجع والكلام دا لانه مش كويس اينعم دى وجهت نظرك بس انتى مش تعرفى الشخص اللى بنتكلم عنه اوك على فكره انا مش رديت ارد عليكى رد مش كويس يمكن عشان لسه عضوه جديده بس اوعدك المره الجايه مش هسكت :) |
انا اقصد بكلمه رجعي يعني انه بيفكر بطريقه قديمه مش حاجه وحشه لا سمح الله
وبعدين ليه طريقه الهجوم اللي انت بتتكلم بيها دي احنا في نقاش وكل واحد حر في وجهه نظره وعلي فكره انا واثقه اوي اوي والثقه دي اتعلمتها منك ويا ريت بلاش جديده وقديمه في المنتدي هو معني اني جديده اني مليش راي |
واحب اقولك اني مسنيه المره الجايه لان انا برده بعرف ارد كويس اوي
|
اقتباس:
|
اقتباس:
وايه بقى الى انا مش فاهمه ياسيدى ؟اشرحلى شوية كده اهو منك نستفيد واغلط ايه واطلع كلام ايه كل الى انا كاتبه ايات وتعليق على الايات و مش جايب كلام من عندى ايه الغلط فى الايات الى كاتبها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ على العموم انا عرضت وجهة نظرى و علشان متقولش غلط انا جبتلك ايات انما برده لو انتى عاوزنا هنا فى المتندى نتناقش فى موضوع لا يتناقش فيه الا علماء الدين يبقى زى متحب هو ايه الى لسه مبظش فيه يالاه بجملة البوظان |
السلام عليكم انا جبت نهايت الكلام فى الموضوع دا بعد صلاه المغرب رحت سئلت شيخ مسجدنا وحكيتله الموضوع بالظبط وقالى الاختلاط انواع وهو مش كله حرام زى ما قلنا اذا كان فيه خلوه او فقد اى شرط زى الدلع فى الكلام والحوارات دى كدا يبقى الاختلاط حرام انما لو بيتكلموا بدافع العمل فقط فكدا حلال ومش فيه اى مشكله جميل ادى راى اهل الذكر وما سيدهشكم جميعا انى ذهبت لوالد احمد وهو مدير المعاهد الازهريه وعلى فكره كمان كان احمد قاعد وسمع الكلام كله وهو يقول نفس ما قاله الشيخ يعنى اعتقد كدا ان الموضوع كدا انتهى يارب يكون الموضوع افادكم زى ما افادنى جزاكم الله خيرا |
اقتباس:
|
بصراحة الموضوع حلو اوى وانا من رأيى ان الاختلاط انواع وطالما ان الاختلاط فى موضوع العمل ما يبقاش حرام وسورى يعنى يا خالد صحبك دة باين عليه متعصب شوية يعنى على كدة على رأى جايد محدش يخرج من بيته ولا يبقى فى شغل ولايبقى فى اى حاجة ع العموم دى حاجة مش محتاجة ان الواحد يفتى فيها بس انا من وجهة نظرى ان الاختلاط مش حرام طالما فى حدود العمل والزمالة فى الكلية مع مراعاة عدم تجاوزها او ان ولد وبنت يكونوا اصحاب لانى لا اؤمن بصداقة ولد وبنت وشكرا ع الموضوع
|
الاختلاط بين الرجل والمرأة..,,
اقتباس:
اقتباس:
واظن بعد كلام الشيخ بن باز محدش يقدر يتكلم ربنا يغفرلنا ويرحمنا |
والله ياجماعه اا مبفهمش فى الحاجات دى بس هقول حاجه يعنى
ا على ماسمعت ا ربنا محرمش عمل المراءة هتقول اية جاب الكلام دة لدة ودى عبيطه ولا اية اسمعوا بس ا المراءة تشتغل يعى فى اختلاط لكن ابسط حاجه اتوا الى فى الكليات مش بتختلطوا ببعض وتاخدوا المحاضرات وغيرها بس فى سبيل الزماله هل ده حرام الله اعلم بس الى اعرف او غلط وحرام الحاجه الى اعملها من وراى الناس او اعملها وانا خايفه ومكسوفه لحد يعرف وشكرا ومحدش ياخد براى ده مجحرد كلام |
اقتباس:
اراء ازاى يا خالد احنا هنا منتدى عادى كلنا تقريبا فى سن واحد ازاى موضوع دينى زى دة يطرح للنقاش يعنى لما الصحابة كانوا بيختلفوا فى حاجة بيذهبوا للنبى زى مرة واحد راح للنبى صلى الله عليه وسلم يساله اذا اراد المرأ من الجهاد الدنيا والاخرة قال لا اجر له الناس استغربت قالوله روح اساله تانى نفس الاجابة قالوله روح اتاكد تانى نفس الاجابة بردة يعنى حاجة زى دى مش للنقاش نقاش نقول فيه حرام وحلال؟ يبقى نقول رأى الائمة والعلماء مش ارائنا وعمل المرأة وخروجها للعمل له ضوابط كتيرة فى امان الله |
اظن فعلا بعد فتوة ابن باز يبقى كدة رأى العلم اتقال انما يا جماعة الكلام الغريب الى قاعد اقراه دة صراحة هتتحاسبوا عليه حساب عسير وصراحة احمد المجاهد راجل محترم جدا من غير حتى ما اشوفه الاقى ناس جاية بتقول طب وصاحبك يعنى بيعمل ومش بيعمل مش عارف صراحة بردة ازاى حاجة زى دى يبقى احنا نقول نقاش |
اقتباس:
دة النبى صلى الله عليه وسلم رفض ان يصافح النساء فى المبابعة مع ان المبايعة لا تتم الا بالمصافحة اقتباس:
وعلى فكرة يا اسلام قبل ما نقول كل الكلام الى اتقال دة اسئل اى مسلم طالما يعنى على الكلام الى بسمعه ان كل واحد ملتزم اوى كدة فى كلامه مع البنات وكل واحد بيتقى ربنا اوى كدة امال ليه حال المسلمين وصل لكدة؟ اقتباس:
ان فيه زمان يبقى الواحد قاعد يتسال فيقول هذا حلال وهذا حرام مع احترامى لاحمد وخالد دلوقتى طالما احمد قالك حرام هل هو قالك الادلة الواجبة على ذلك؟ حتى لو فعلا كلامه طلع صح ما ينفعشى كلمة حرام ولا حلال تخرج الا من العلماء مش من واحد بيتناقش مع زميله واظن معروف اوى ان واحد راح للامام مالك المدينة المنورة وكان جاى من الاندلس مخصوص بمائة مسالة كانت المعظم لم يجيب عنها لانه رفض انه يتكلم فيما لا يعلم اما الان ما شاء الله الناس بقى علمها اكبر بكتير اى حاجة تتقال يقولك هذا حلال وهذا حرام ولا حول ولا قوة الا بالله يعنى مثلا مجمع البحوث العلمية معمول لمثل هذة النقاشات يكون لكل دولة عالم وايضا خبراء فى الموضوع الذى سيناقش سواء كانوا خبراء طبيين او اقتصاديين او غيرهم ساعتها بنقدر نقول على دة نقاش اقتباس:
لو فعلا ربنا عرفناه بالعقل فهل لو ماكنشى فيه انبياء كانت الناس عرفت ربنا منين الكلمة دى كان معلق عليها احد العلماء ان ربنا عرفوه بالدين ما سيدنا نوح كان نازل لقومه وهما بيعبدوا الاصنام ولك الانبياء كذلك بس بردة كان القوم بيعترضوا هل عشان ماكانشى عندهم عقل؟ لا عشان ماكانشى عندهم استعداد انهم يتقبلوا ذلك الكلام اقتباس:
النقاش فى الامور الدينية يبقى فى وود العلماء يعنى مثلا اكبر واحد هنا فى الدين دارس ايه او معاه بمعنى اصح شهادة دينية ايه بالظبط؟ اقتباس:
نبقى نتكلم فى موضوع دينى بحت ونقول الكلام دة اقتباس:
بس لو كان اصلا فيه مشرفين متحكمين كويس فى المنتدى كان زمان الموضوع غير كدة خالص وماكانشى يبقى حتى الهزار فى الامور الدينية وسوؤال بسيط على الكلمة دى اقتباس:
الامام الشافعى رحمه الله هو الى اتكلم باستفاضة عن الموضوع دة فياريت تقولى هل حضرتك قريت فتوة الامام الشافعى فى هذا الموضوع وهل تعلم ما ادلته فى الموضوع دة؟ ولماذا اصلا افتى بهذة الفتوى؟ وما رأى بقية الامة فيها؟ اقتباس:
الدين ثابت فى قلوب المؤمنين الموحدين وسيظل الخير فى امة النبى صلى الله عليه وسلم الى يوم الدين فى امان الله |
;)انت مش محدد نوع الاختلاط......الأختلاط انواع
|
انا عاوز اقول بس اننا ما نختلفش على الحكم الشرعى
انما نقول ربنا يرزقنا التوبة ربنا يزرقنا المخرج من الفتنة دى ربنا يرزقنا الفقه مش لامؤاخذة ندب اى كلا وخلاص ومفيش حاجة اسمها عقل فى الحكم الشرعى الله يخليكم احنا نتفق انه حرام وبعد كده نتناقش فى ازاى نتخلص او نقلل من الموضوع ده مش نحاول نحلله....!!! شئ غريب والله ما تعملوش زى اليهود.... ( ان الله يأمركم ان تذبحوا بقرة) طب لونها ايه ...طب مش عارف ايه....وقعدوا يلتوا ويعجنوا..كتير والله انا بحس العقل ده احنا مش بنستخدمه الا عشان نتفزلك فى دين ربنا ده اللى اكتشفته بصراحة فى ناس كتير عمرنا ما نتفزلك فى قوانين نيوتن ولا فى الفيزيا عموما.. اشمعنى الكلام فى الحرام والحلال اللى كله بيفرد فيه صدره!! كل واحد بقى مع نفسه انا مش هقنع حد بحاجة... بس حبيت اقول الكلمتين دول خلصت:) |
احب انا اوي نظام ولا تقربوا الصلاه:d |
اقتباس:
اللي انا اقصده مش عشان واحد حتي ولو كان شيخ الازهر بذات نفسه افتي في شي نصدقه عالطول ولا اي شيخ تاني قال يمين يبقي يمين شمال يبقي شمال معني ذلك بقا اي حد يطلع يقول انا شيخ ويعد يفتي يبقي صح يعني الواحد يشغل مخه ويتاكد من الكلام دا اللي انا اقصده فهمت انتا حاجه تانيه مش مشكلتي:D |
فى شيوخ تانيين يردوا عليه لو غلط
ما تتعبيش نفس حضرتك.... خصوصا ان ممكن الامر الشرعى ما يعجبش عقل سعادتك:) يعنى تستخدمى مخ غيرك...من الاخر لحد ما يكون ليكى القدرة على التفكير السليم وبعلم بس مش اكتر... ابقوا تابعوا اكتر من شيخ |
اقتباس:
دي كدا تبقي خربت وبعدين انا ايش ضمني ان الشيوخ اللي حضرتك بيردوا علي بعض يكونوا صح وعلي فكره مفيش حاجه بيفتي فيها الا وليها مصدر حديث او ايه قرائنيه يعني لو الواحد تعب شويه مش هيخسر حاجه وبعدين متحسسنيش اني الشيخه خضره :Dانا اخري الصلوات الخمسه وصفحتين قرءان قبل النوم :Dهو كل الحكايه اني مبحبش اعمل حاجه مش متاكده منها يمكن انتا تكون طريقه تفكيرك مختلفه بس عموما الاتنين برضه هيوصلوا لطريق واحد لان بيتهيالي انتا عارف كويس اذاي تفرق سلاموا عليكوا من غير نفس:D |
Well done
good job:):) |
السلام عليكم ورحمة الله وبركاته نقول تانى على فكره دى تالت مره اكتب الرد ده وعلى حظكم كل مره بيطلع احسن من الى قبلها يا رب ردى ده يثبت باه اولا احب اقف لهذه الردود المبهره التى جعلتنى اقول اهلا بالنصر ويا حسراتا على العباد ايها الاخوة الاحباب انا مش بحب اكتب كتير ولا ازود فى الرد اان حقول حديث واحد واكمل باه بعدين برحتى رد رد كده علشان زى ما انتم عارفين انا مش بحب اكشف كل ادلتى ورا بعض كده بص يا خالد فى حديث صدقن انا قريته من كام سنه من حوالى اربع سنين وكنت لما قولتلك ان الاخطلات حرام كان على بناء هذا الحديث بص يا عمى الحديث وعن أبي هريرة قال : قال النبي صلى الله عليه وسلم : " خير صفوف الرجال اولها وشرها اخرها وخير صفوف النساء اخرها وشرها اولها وهذا من أعظم الأدلة على منع الشريعة للاختلاط وأنه كلّما كان الرّجل أبعد عن صفوف النساء كان أفضل وكلما كانت المرأة أبعد عن صفوف الرّجال كان أفضل لها . وإذا كانت هذه الإجراءات قد اتّخذت في المسجد وهو مكان العبادة الطّاهر الذي يكون فيه النّساء والرّجال أبعد ما يكون عن ثوران الشهوات فاتّخاذها في غيره ولا شكّ من باب أولى . يا جماعه كل الى ردو ردو ردود غريبه ردو وهم لا يعلمون شيئا كيف هذا يا جماعه ازاى نصافح النساء يالى بتقولى ابن عمى وابن خالتى النبى صلى الله عليه وسلم فى البايعه مرضاش يسلم على امراه عجوز عندها 70 سنه يالى بتقولى وانتى مبتسمه ابتسامة انتصار كانك اتيتى بالدليل انها حلال اختى اتقى الله ويا من تقولون اننى افتى بغير علم يا اخوه انا عندى 21 سنه قرات كتب مالم يقرئها ابن السبعين او التسعين سنه ولم ولن اتكلم فى امر انا لا اعلمه جيدا ولا افقهه جيدا ولا اخلاط النساء كما تزعمون ثانيا يا اسلام انا معنديش اختلاط فى الجامعه كما تزعم وكما قولت لانى ازهرى ومعندناش فى الجامعه اى نوع من انواع النساء اه كان فى حديث كنت حنساه من الاحاديث التى دلت بالدليل القاطع المانع رفض الرسول صلى الله عليه وسلم للاختلاط روى احد الصحابه انا مش متزكر اسمه بصراحه المهم انه روى انه قد سمع النبى صلى الله عليه وسلم وهو يقول وكان النبى صلى الله عليه وسلم خارج من المسجد فاختلط الرجال مع النساء فى الطريق فقال رسول الله للنساء استاخرن فانه ليس لكن ان تحققن الطريق يعنى تمشوا فى وسط الطريق عليكن بحفات الطريق الطريق فكانت المراه تلتصق بالجدار حتى ان ثوبها كان يتعلق بالجدار من لصوقها به يا اخوه بالله عليكم بالله عليكم تعلموا قبل ان تتكلموا وابحثوا قبل ان تفتوا وتتحدثوا ان اشخاص افنوا حياتهم من اجل انهم يتعلموا وبكل بساطه ياتى شخص تافه معلش فى اللفظ شخص شخص لم يتعمل ابسط شئ وهو اداب الحديث ويقول من هو المجاهد او من يقول هذا ايها الاخوه الاحباب انا اتيت لكم باحاديث وانتم لم تاتو بحديث واحد يدل على كلامكم او يدل على ان الاختلاط انواع الا دليل واحد وهو كلام ابى وكلام شيخنا ويا اختى بغز بنى اختى ايوه لو شيخ الازهر قال يمين تمشى يمين ولو قالك شمال ايوه مشى شمال لانه اكيد جايب معاه او على كلامه الدليل مش جايب من جيبه اليمين ولا الشمال اكيد كلامك مقيم على حجه وبران |
اقتباس:
علي فكره انتا كتبت كلام كويس واحاديث كمان بس برضه مفهمتنيش يعني ايه الاختلاط من وجهه نظرك الشخصيه :D |
اقتباس:
انا بسمع علماء مسلمين ما شاء الله عليهم وبشوف بقدر استطاعتى نظرا لدراستى عمرى ما رأيت عالم مهما كان علمه ان يقول هذا الكلام يا اخى لا تنظر الى ما هو دونك وانظر الى ما هو اعلى منك حتى تتقدم دائما اقتباس:
عشان كدة بس استغربنا انك قولت لخالد انها حرام وفى القاعدة دى ما شرحتش وجهة نظرك وادلتك عموما الى بيبح يا احمد والله لنفسه الصغائر فى اى معاملة بينه وبين المرأة بتكون كبيرة اوى بعدين عموما شكرا يا احمد على توضيح ادلتك فالحق احق ان يتبع فى امان الله |
احب اوجه رساله للاخ احمد اللى ما اعرفوش واقوله
لو راجل وقد كلامك ومش عاوز تعمل حاجه حرام ما تبقاش تكلم اى بنت غير محارمك وبعدين انا على قد ما انا فاكر ان الناس بعد وفاه الرسول خصوصوا الرجاله كانوا بيتعلموا من السيده عائشه اللى الرسول كان بيعمله بلاش يا جماعه كل واحد يطلع يحرم اللى على مزاجه يا دليل يا تقعد ساكت اسف على لهجه الحوار |
وجهة نظرك يا (احمد) يتتكلم فى جزئية واحدة يعنى من راىى بتتكلم على نوع واحد من الاختلاط انت شفتنا واحنا بنقول انواع الاختلاط معلقتش عليها ليه؟؟ يعنى مقلتلناش ايه عيوب اللى قلناه وبرضه موضحتش وجهة نظرك فيهم ليه؟ انا معرفش يعنى ايه مفهوم(الاختلاط) من وجهة نظرك اصل لو على الكلام اللى قلته بعييدا بقى عن الكلية اللى لسه هتتراح ولا الدروس اللى كنت باخدها ولا المواصلات اللى بتتركب ولا الشوارع اللى مليانة شباب وبنات ولا اصحاب اخواتى اللى بيجولنا البيت بعييدا عن ده كلوا اقرب حاجة بقى يبقى المنتدى اللى احنا فيه حرام فى حرام ده رائى (انا) مش فتوى انا جبتها علشان محدش يقول انى بفتى ولا حاجة والكلام لما خالد فتحه قال هتبقى مناقشة مش اكتر علشان نوصل لهدف الموضوع اللى هو عامله انا برضه عاوزة اعرف رايك مفهوم (الاختلاط) وانواعه عندك ولا الاختلاط نوع واحد بس ؟؟ |
السلام عليكم احمد انت عارف انى مش متفقه فى الدين اوى ودا للاسف الشديد يعنى باختصار اللى عايز اقوله انا مش عايز افسر الاحاديث اللى انت جبتها دى بس عايز اعرف ليه مش قولت كدا قدام بباك انت عارف ليه لانه ممكن يقولك اللى هيجننى انك بتفهم غلط ! طبعا الكلمه دى اتقالت قدامى امبارح واحنا بنتكلم فى الموضوع دا من والدك اللى بعتبره فى منزله والدى طبعا المهم ممكن تقولى مش كنت فاكر الاحاديث ساعتها او كدا ع العموم نروحله تانى ونناقشه تانى ونقوله ع الاحاديث دى طبعا وهرجع للشيخ تانى وطبعا انا قرات الردود كلها واللى هفتكره هرد عليه قصدى اللى ضايقنى بس اللى بيقول انا مش هروح اسئل شيخ واللى يقولى عليه اعمله ولو قالى يمين يبقى يمين طبعا انا روحت سئلت اكبر شيخ فى المحافظه طبعا دا مش كلامى وكمان مدير المعاهد الازهريه عايزنى اعمل ايه تانى ادى مسد لشيخ الازهر عشان يكلمنى على فكره انا ابتديت مش اتمالك اعصابى واللى يدخل يرد يا يرد عدل ويفيد ويعرف هو بيقول ايه يا بلاش يطنطط ويتكلم اوك ؟ ثانيا ودى قولتها قبل كدا انا عايز اعرف انا لما حطيط الموضوع دا استفدنا منه ولا لا اكيد استفدنا طبعا وبقى فى نقاش مش عايز اقول فريد من نوعه الايام دى بدل التفاهات اللى شغاله فى المواضيع والنقاش هنا مش فى حلال ولا حرام يا ساده يا محترمين عشان اللى بيدخل يقول كدا الحلال والنقاش مش فيه نقاش انتوا فاهمين يعنى ايه يعنى طالما ربنا قال حلال يبقى خلاص قال حرام يبقى حرام مفيش نقاش بس لما ربنا يحرم الخمر او اى حاجه حرمها حرام انا اعرف ليه حرمها ؟ لما احمد قالى الاختلاط مش انواع و حرام كان حرام انى اعرف حرام ليه مع ان العقل بيقولى غير كدا ودا فعلا اللى حصل ان فى ناس بتجيب ادله واحاديث وكلام شيوخ تبقى دى افاده ولا لا يعنى يا دكتور سعيد زى ما حضرتك قلت احنا هنا هناقش مين او ما شابه من الكلام يعنى ايه اللى هناقش مين مش معقوله مفيش حد هنا مش عارف حاجه عن دينه للاسف بقى كلامك بينطبق على الناس اللى دخلت ومش افادت وقالت كلام مالوش لازمه عايزنى اعمل ايه بعد كدا سئلت شيوخ واصحابى كلهم وطرحت الموضوع فى مكان عام قولى اعمل ايه تانى لو سمحت عشان انا مش عارف ؟ على فكره يا جماعه انا هقول حاجه ومش عايز اغلط فيها بعد الكلام اللى سمعته من الشيوخ اللى سئلتها واللى قراته لو جانى شيخ الشيوخ وقالى حرام ...........سورى كانت اعصابى هتفلت خلاص |
انا مش هتكلم تاني بعد اللي سمعته من ناس اكبر مني وافقه مني بس بجد انا دورت في الموضوع كتير وبرده متعتبروش اللي انا بقوله ده فتوي عشان متشيلونيش ذنوب انا مش قدها دلوقتي انا من غير ما اتكلم في الموضوع من ناحية الدين دلوقتي في المنتدي بعترف اني مقصره جدا وايريت تفهموني يعني مثلا انا اه مش بكلم ولاد ع الميل ولا اديت ميلي لحد وكل ده اوكي لكن مثلا ممكن ارد في موضوع ملوش لزمه اني ارد ويكون كاتب الموضوع ولد ودي انا مقصره فيها لو كان ردي زي مانا بكتب ردي ده مثلا وكاتب الموضوع ولد ومعظم اللي بيتناقشوا ولاد يبقي ده اكيد مش غلط لان في ضروره اني بكتب الرد ده اولها ان انا بوضح وجهة نظري وبكل ادب واحترام لاهزرت ولا حاجه يبقي كده ممكن نقفل موضوع ان الناس بتقول لو الاختلاط حرام يبقي المنتدي حرام حاجه تانيه بقي انا في شغلي في شغلي باعتبار ما سيكون اكيد بقدم خخدمه الخدمه دي بتقتضي اني اخلص مصلحه من زميل برده متهيالي مفيهاش مشكله لكن انا في الشغل وبقدم خدمه برده بس بروح اعد مع زميل عشان زهقانه دي هيبقي فيها كلام تاني بالنسبه لعمل المرأه برده هيبقي مش ضروري في حالة ما اذا كانت الرجاله تقدر تقوم بالدور اللي هي تقوم بيه واحسن منها يعني اكيد في وظايف كتير مش لازم اقولها بتقتضي ان المراه المسلمه تنزل تشتغل فيها بدل الرجل ودي برده مش فيها كلام وسمعت عنها شريط كامل بالنسبه بقي لكلام البنات والولاد ع الميل ده انا سالت فيه بما فيه الكفايه وشيوخ كبيره موثوق فيهم وكلهم حرموه وهجيبلكم الادله في اقرب وقت لانه بيثير نوع من الغريزه والشهوه عند الاتنين وحتي لو ده مش بيحصل يبقي انا اجتنب الشبهات ردي مفيهوش حلال وحرام لاني مش اهل ان الكلمه دي تطلع من بقي انا كلها اراء سمعتها ومعظمها لشيوخ ورغم انهم مكن يكونوا قالو حرام وحلال بس لاني مش معايا الادله حاليا يبقي التزم الصمت في النطق بالكلمتين دول تقبلوا مروري زاسفه ع الاطاله |
اقتباس:
اقتباس:
طبعا كلام الشيخ ده سليم انما من الجهل برده انك تعتقد ان راى امام المسجد هو القول الفصل عندك دار الفتاء المصرية http://www.dar-alifta.org/ |
اقتباس:
وانت شايف ان دا من الجهل ؟ ومش شايف انك بتتكلم على امام المسجد وكانه شىء لا يذكر على فكره انا مش هنسى كلامك دا ابدا وانتى كمان المفروض مش تنسى ابدا انى قولتلك قبل ما تغلط وتطلع الكلمه تبقى تفكر كويس |
مسجل متابعة
ملحوظة الموضوع للنقاش ومدام النقاش هادف وبناء الموضوع شغال غير مسموح لاى عضو بالخروج عن حدود الياقة والذوق مع اى عضو مهما كانت صفته العضو masternew متابع ردودك ياريت متخرجش عن حدود اللياقة والذوق فى الرد |
| جميع الأوقات بتوقيت GMT +2. الساعة الآن 05:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.