|
اكتر حاجة بتضايقك ففى نفسك
انا عايز كل عضو يخش الموضوع يكتب اية اكتر حاجة مضايقاة من نفسة ياريت نتكلم بصراحة انا عن نفسى اكتر حاجة بتضايقنى ( احلام اليقظة ) مش عارف اتخلص منها تعبانى جدااااااااااااااااااا |
انا اكتر حاجة بتضايقنى من نفسى ان انا عصبية شوية وبعيط من اقل حاجة نفسى اكون بردة بس مش عرفة
|
هادى لدرجه البرود لكن لما بتعصب مش بعرف اللى قدامى |
انى عصبيه جدااااااااااااا
ودموعى اسهل حاجه عندى بعيط بسرعه جدااااااااا من اصغر موقف وطبعا فى حاجات تانيه كتيرررررررررر |
اني مش بتكلم اوي مش عندي تلقائيه
واما بزعل بزعل اوي بس وبقفل جامد |
أني منعزل شوية عن الناس
والسلام في أخر الكلام |
اكتر مضيقاني الشيطان لانه سبب كل شئ وحش في الحياة
|
شكرا لكل اللى رد بصراحة
|
اقتباس:
ما علينا بالله عليك يا عمو احمد فاروق حط المواضيع فى مكانها انا اتشليت :p:p:p |
انا بقى انى بزعق جامد ومش بفرق بين كبير ولا صغير واانا متنرفزة وبرجع اتاسف بس تخلصت شوية من الموضوع ده
واكتر حاجه تانى انى بحب اعمل صداقات كتير يمكن كلوه بيقلى انو عيب لكن اانا حاسه انو ميزة |
انعدام الثقة بالنفس
|
السلام عليكم ورحمة الله وبركاته اخصائي نفسي .. وعندي خبرة ورغبة في مساعدتكم قرأت كل المشكلات اللي عرضتوها ياريت كل واحد يحاول يشرح المشكلة الخاصة بيه ... وانا هرد عليه .. بالحل ان شاء الله معاكم يوميا من النهاردة بإذن الله |
اني لما بعمل ذنب و استغفر ربنا وبكون خلاص قررت مارجعش ليه تاني
برجع تاني ليه بكل غباء |
اقتباس:
السلام عليكم ورحمة الله موضوع الرجوع للذنب او لعادة سيئة ليه شقين الاول : بعد التوبة او الاقلاع عن الخطأ لازم يكون في ( هجر .. او بعد عن اي شيء بيرتبط بالذنب او العادة السيئة ) من اصحاب او اماكن او سلوكيات معينة ...............الخ . الثاني : لازم يكون فيه ارادة قوية وعدم يأس وبمجرد ما يتكرر الذنب بدل من الشعور بالحباط بسرعة تقرري التوبة و الاقلاع وما تنسيش هجر المعصية زي ما قولنا والرجوع السريع للتوبة مهم جدا جدا جدا . بقي ان تعلمي ان هناك بعض الاشياء 1- كل بن ادم خطاء . 2- ربنا يقبل توبة العاصي ( مهما تتكرر ) . 3- كل مرة يتوب فيها الانسان تضيف لشخصيته قوة . 4- يجب ان يكون هناك عزم اكيد كل مرة على عدم الرجوع . 5- اعطي لنفسك جائزة او حافز كلما استمريتي في البعد عن المعصية . 6- تذكري دائما ان الندم لن يفيدك بشيء ولكنها المحاولة تلو المحاولة من تجعل منا اناسا ناجحين . وفي النهاية لا تصفي نفسك بالغباء فكلنا والله نذنب ونعود .... غفر الله لنا ولكي . |
أكن حاجة تعبانا اليأس والإكتئاب والحزن بسرعة جداً
{التـوأم المـزعج} |
اقتباس:
هوة برده اللي حياته لله ممكن يشعر باكتئاب او حزن ... |
انى طيبة بغباء ورومانسية اوى بتعامل مع ل حاجة بقلبى بستحمل كتير يعنى بخاف اجرح حد مش متخيلة ان ممكن حد يتوجع منى بس كل اللى حوليا بداوا يتعملو مع ده بانه هبل منى ودايما يقولو انى ذكية جدا بس ليه اجى على نفسى؟؟؟؟؟؟؟
حد كان غالى عليا اوى قالتلى اتعلمى تكونى انانية عشان تعيشى |
اقتباس:
السلام عليكم ورحمة الله ليه بتيجي على نفسك ؟؟ اقولك ومن غير ما تزعلي لانك ضعيفة .. مطلوب انك تكونية قوية . ازاي ؟؟؟ اولا : تحطي لنفسك حدود في التعامل مع الاخرين ( يعني تقبلي ايه وترفضي ايه ) وعند تخطي اح لهذه الحدود لازم تكوني ايجابية يعني تقولي ( لا ) ولو ما تعرفيش تقوليها او مش قادرة يبقى لازم تتعودي وتتمرني عليها . ثانيا : لا تخافي على زعل اي حد منك طالما انك لم تخطأي في حقه وعلشان اطمنك ( لما يكون هناك شخصين بينهما علاقة احترام وحب متبادل يكون هناك مساحة من التسامح ) يعني اختلفي وقولي لا وما يهمكيش لو صاحبتك مثلا بتحبك هتتقبل منك ولو انها ما تقبلتش وغضبت منك وتركتك تبقي انت الكسبانة لانها لا تبادلك نفس المشاعر. 3- من سمات الاقوياء القدرة على المواجهة .. قومي بتدريب نفسك تدريجيا على مواجهة الجميع بوجهات نظرك ورأيك بكل صراحة ( ممكن تبدأي باختك او صاحبتك ثم والدتك ثم معلمتك يعني بحسب المقربين اليكي ).. وايضا لابد ان تستغلي الفصل الدراسي وتحاولي بالتفاق مع اساتذتك التحدث امام زملائك في اي موضوع دراسي .. ده مهم جدا . |
انا بقى اكتر حاجة بتضايقنى فى نفسى هى انى خجولة جدا بطريقة غبية بكسف من اقل حاجة لما يجى ضيوف عندنا بتكسف خرج اسلم عليهم او اقعد ووشى فى الارض ساكتة خالص وايدى ساقعة جد ولو قابلت حد وقالى ازيك مش بعرف ارد معنديش لباقة فى الكلام حتى مع زميلاتى فى المدرسة معرفش افتح مواضيع واتكلم معاهم
|
لما بتعصب احيانا مبقدرش اتحكم في نفسي وممكن اخرج عن شعوري في لحظة غضب وازعل ناس مني لكن برجع تاني عادي خالص واكلم الشخص اللي زعلته بعد ما بيبقى زعل وانا رايحله وكأن مفيش حاجه حصلت امبارح ، مش عارف دي حاجه كويسه ولا لأ ...؟؟ ،،، حاجه تانيه انا كريم وسخي جدا واللي في جيبي مش ليا زي ما بيقولوا واحب لو حد طلب مني حاجه اعملها له على اجمل وجه حتى لو اضطررت لتكملة جمال هذا الشيء من جيبي ، ولو معايا 100 جنيه والمفروض تفضل معايا اسبوعين ممكن اصرفها في اربع خمس ايام واقدر استحمل واكمل الاسبوعين من غير فلوس .
ربنا يستر ، ومش عارف دي مميزات ولا عيوب . |
مش عارفة اقول ايه هو حاجات كتييييييييييييييييييييير اوي
1.انا طيبة اوي لدرجة انى (هبلة او ساذجة ) 2. جبااااااااااانة وديه من اكتر الحاجات اللى مضايقاني (لأن عندي15 سنة وبخاف )وحش اوى الاحساس ده 3.بهرب من الواقع باحلامي واحلام خياليه تحقيقها شبه مستحيل ان لم يكن مستحيل (وديه كارثه لأنى بدور ازاى انمى احلامي واكبرها والواقع واقف ) بس ده مش وحش اوي لأنى بخفف وجع الايام 4.معنديش ثقه في نفسي لدرجة لا تتخيلوها وديه عملالى ازمة رهييييييييييييبة (مش حاسة بقيمة نفسي حتى ولو كانت صغيرة) ولما بدي لنفسي ثقة بحس انى مغرورة وده حرام فبتراجع وارجع ضعيفة تاني 5.اما بتضايق بكون حد تاني وبكون مغرورة وده وحش اوووي 6.بحس انى عندي انفصام ودايما في صراع جوايا بين (آه-لأ) يا جماعة انا حاسة انى مليانة حاجات غلط ومتضايقة من نفسي لدرجة انى مش عارفة اعمل ايه في نفسي |
اقتباس:
انا اقولك تتخلصي ازاي من الخجل الزيادة ده اولا اقعدي مع نفسك واعملي حصر لكل المواقف اللي بتخجلي فيها وبعدها حددي الصح فيها والغلط يعني صح انك تتكسفي من الكلام مع ولد غريب عنك لكن غلط جداً انك تتكسفي من الكلام مع زميلاتك .. مثلاً . بعد ما تحددي المواقف اللي ما ينفعش فيها الخجل لازم تاخدي قرار بانك ما تخجليش فيها طيب ينفع ان الواحد ياخد قرار بتوجيه نفسه بان لا يشعر بالخجل ؟؟؟؟ اه طبعا .. اي مشاعر يمكن التحكم فيها وتوجيهها بالعقل ... ممكن اغضب او ما اغضبش اعيط او ما اعيطش .. اضحك او ما اضحكش يعني ممكن ح يقول نكتة حلوة قدامنا واحنا ما نضحكش علشان نغيظه .. صح ؟؟ وكمان النبي عليه الصلاة والسلام قال ( القوي من يملك نفسه عند الغضب ) والغضب زي الخجل زي الحزن... الخ كلهم انفعالات.. اذن كلهم يمكن التحكم فيهم بالعقل والارادة القوية .. وانصحك ابدائي بالتدريج ... اقل المواقف احساسا بالخجل لديكي ثم الاقوى فالاقوى .. وفي النهاية لا بد ان تحافظي على خجلك وحيائك مما حرم الله عز وجل ولا تفقديه ابدا |
اقتباس:
كـــــــــــــــــــــــــــــــــــــــــــــــــ ــــــــــــل ده عموا الحل لكل مشاكلك اللي ذكرتيها انك تضعي لنفسك اهداف عملية صغيرة ولا تنتقلي من هدف لاخر الا بعد تحقيق الاول ... وتكون اهداف سهلة بسيطة في الاول .. وتزداد صعوبة تدريجيا . ده ينمي عندك الثقة بالنفس ( طبيعي ان الانسان كل ما ينجح في تحقيق شيء ثقته بنفسه تزيد ) وبالتالي هتتخلصي من باقي مشاكلك باذن الله ... لان كل مشاكلك سببها عدم ثقتك بنفسك |
مش عارفة اقول ايه بس هو اصلي مش عندي هدف
وده نسيت اكتبه (انا فيا كل ما تتخيله) انا الحمد لله بنجح والحمد لله كويسة بس برضه مفيش ثقة انا حالة مستعصية شوية |
اقتباس:
دايما توقع خطأ الغير وهيأ نفسك لكده ده هيديك رد فعل اكثر هدوءا مشلتكك انك معتقد ان الناس هتعاملك بنفس الكرم والود الزائد اللي انت بتعاملهم بيه وده مش صح وكمان لازم تكون حكيم في تصرفاتك ما ينفعش انك تبالغ في الصرف او تضحي بمصلحتك لحساب الاخرين ( وخاصة اذا كانوا غير محتاجين لذلك ) لانك متوقع انهم هيعاملوك بنفس الطريقة وده مش هيكون وده سبب انفعالك الزائد ... صح ؟؟ |
اقتباس:
نجاح بلا هدف او بمعنى اخر النجاح لم يكن هدفك فلم تشعري بقيمته ولم يضف اليكي ثقة بالنفس اجعلي النجاح الذي تحققينه دائما هدفك هتزيد ثقتك بنفسك ومستني ردك |
انا عاوزة اقول حاجه
انا خاف جدا من العيون حتى لو مين بيتكلم عينى ضعيفه جدا ومش بقدر ابص فى عين اى حد بيكلمنى طبعا بيجبلى احراج جامد اوى لانهم بيتتريقوا عليا جامد وبضايق جدا ومش بكون عاوزة اكلم اى حد تانى ابدا حتى مدرسي فى المدرسه لما بسال سؤال يقعدوا يستفزونى علشان اتكلم وابصلهم ومش بقدر طبعا فبيحرجونى جدا وبضطر اسكت تماما كل ده بسبب موقف حصلى ارعبنى جدا ومش قادرة انسى الموقف ده تلات ايام بعيط وخايفه من الشخص ده كل عين قدامى بقيت بخاف منها اوى معرفش ليه |
اقتباس:
طيب ممكن الموقف علشان اقدر اساعدك مادام عارفة السبب ده هيوفر علينا كتير |
هو زى ما حضرتك قولت كده
ان شاء الله هعمل بالنصيحة بتاعت حضرتك وان شاء الله ارضى شوية عن نفسي بس ادعيلي بس انا الثقة عندي تحت منعدمة |
اقتباس:
شكرا ليكي وبالتوفيق ان شاء الله ودايما تذكري النجاحات اللي حققتيها في حياتك الدراسية من الحضانة حتى الثانوي ... ما فيش انسان فاشل او ضعيف ممكن يوصل لكل النجاحات دي.. افتكري ده كويس |
هو موقف ............... نسبيا عادى بس بيرعبنى جدا
انا كنت واقفه فى مكان ولقيت شخص احترمه جدا واقف فى نفس المكان انا جالى احساس غريب ان فيه حاجه هتحصل منه ولاول مرة فى حياتى بصيت فى عينه ولقيته بصلى بطريقه صعبه جدا بصه ارعبتنى جدا لدرجه انى ذهلت ومش قدرت اتكلم ومشيت فورا وفضلت تلات ايام بعيط ولكن المشكله انى لما بكون موجودة فى اى مكان بلاقيه واقف بعيد وبيبص ناحيتى انا والجروب اللى انا واقفه فيه ولما بمشى بلاقيه مشى انا جربت اكون عاديه بس دايما بيكون فى الصورة ياريت حضرتك تقولى اعمل ايه انا اضطريت اكرهه فيا علشان يسيبنى فى حالى |
انا من رايي عيوبي اني بحب اعمل صحوبيات كتيره مش عارفه ده صح ولا غلط ولما بصاحب حد بسامح زياده عن الازم مش ضعف شخصيه حبا فيهم وفيه منهم مش يستاهل التسامح ده بس برده عندي ميزه وعيب في نفس الوقت اني بسامح كتير اوي وباجي في مره مش بقدر اسامح ببعد عن الصحوبيه ديه بس للاسف عيبها اني فيه ناس مش المفروض اكرهم ومن كترت اخطاءهم بقيت اكرهم انا من النوع الي مش بكره بسهوله تقريبا عمري مكرهت غير مرتين ولا حاجه واني برده مش بعرف اشتكي لحد اسمع من الناس اه لكن اشتكي ممكن حاجات تافهه لكن مش بعرف احكي حتي مع انتيمتي والعيب الجامد فيا برده اني لمكا بتعصب مش بفرق مين قدامي ومش بفرق انا بقول ايه وبقفل قافله جامده مع حد ممكن توصل لشهور انا مش عارفه اصنف حاجات من ديه عيوب ولا مميزات لان الاكتر شيفنها عيب
|
اقتباس:
الخوف من الشخص ده شيء طبيعي .. انما تخافي من اي حد تاني ليه ؟؟ هيه دي المشكلة لازم تعرفي ان مش كل النظرات ليكي هتبقى بالشكل اللي وصفتيه ده شخص مريض ولازم تتجنبيه .. صح ..... لكن مش كل الناس مرضى انظري في عيون الاخرين هتكتشفي ان فيه كتير هينظرلك نظرة حنان وبنوة واخوة المهم انك تتجرأي وتنظري لعيون الاخرين علشان تكتشفي ده بنفسك يا ريت تجربي ومنتظر ردك |
ياريت والله
حاولت كتير اوى ومش بقدر برده انا اللى حاسه انى بقيت مريضه نفسيا بسببه وبيحرجنى قدام زميلاتى لانهم كلهم شايفين اللى بيحصل |
اقتباس:
المهم انه يكون عندك محددات او مواصفات على اساسها بتختاري اصحابك اللي تنطبق عليه ماشي والباقي يبقى زملاء عاديين او جيران ....... لكن مش كل واحد اقابله يبقى صاحبي ده بيؤدي الى اني اكون شخص سطحي في علاقاتي كمان ممكن اكتسب كتير من العادات السيئة ويحصلي كتير من المشاكل بسببهم لاني لم اختارهم على اسس صحيحة اخيرا : اختاري اصحابك .. بعناية .. ثم عمقي علاقتك بهم .. اتكلمي وفضفضي مع من اعطيتها ثقتك .. فإن السبب في عدم الثقة بصديقاتك والغضب السريع منهم انك لم تختاريهم جيداً |
اقتباس:
اذن اتفقنا ان المشكلة تنحصر في شخص واحد .. صح ؟ يبقى تشوفي حل توقفيه بيه عند حده .. ولا تفقدي الثقة او تخافي من غيره بدون مبرر |
انا اتضطريت للحل الصعب
انا معروفه بالادب والاحترام للاسف اتضطريت اتعامل قدامه انى بنت غير محترمه خالص وغبيه ورخمه*والله صعب اوى انى اعمل كدة * بس مش كنت لاقيه حل تانى ياريت لو عند حضرتك حل |
اقتباس:
ليــــــــه العكس هوة اللي المفروض تعمليه نظرته ليكي زي ما وصفتيها .. احسن رد عليها انك تأكدي انك مؤدبة مش العكس ليه ؟ لانه ينتظر منك انك تكوني غير مؤدبة ... والباقي مفهوم طبعا اذن الحل انك ووسط زميلاتك تكلميه بأدب وتقوليله انك بتحترميه وتقدريه وانه زي اخوكي الكبير او والدك حسب سنه ده هيكون اكبر احراج ليه وهيطفيء نار ...... نظراته ناحيتك |
اقتباس:
والله هو مش هدى الا لما لقانى زيي زي اى بنت نظراته الطويله دى انا مش لاقيه لها معنى انا تعبت اوى نفسى اساله انت بتعمل معايا كدة ليه كذا موقف حصل معايا منه ومش لاقيلها تفسير انا اعصابى اتدمرت خلاص ومش لاقيه حل اسفه زهقت حضرتك اوى معلشى بس نفسى الاقي اى حل:( |
اقتباس:
بمناسبة النظرات كنت ايام الجامعة بلاحظ واحدة بتنظر وبتضحك ليا وبعد فترة كبيرة جدا من التفكير والاحلام والتخيلات اكتشفـــــــــــــت .... انها عبيطة وبتضحك وبس ... ههههههههههههههه جايز يكون مريض نفسي ... وده ممكن يكون اكيد استعيني بوالدك او اخ اكبر او اي حد مناسب خليه يتصدى ليه .. علشان الموضوع ما يتطورش او يحصل تهور من ناحيته وفي النهاية خلي ثقتك قوية في الاخرين ما لم يظهر منهم العكس ولا تتخازلي في اتباع اي طريقة للدفاع عن نفسك |
لا مش عبيط ابدا
ده عاقل جدا وانا حترمه لعقله ولكن هو سقط من نظرى تماما بس انا لله الحمد بتصدى دايما بس لما برجع بيتى بنهار انا بجد خايفه منه دى بقت عقدة عندى خلاص مش لها حل اسفه انى زهقت حضرتك اوى |
الموضوع ده مفيد جدا لكل الاعضاء بجد
ارجو من مشرفين القسم تثبيته وجزاهم الله كل خير وطبعا كل الشكر للاستاذ الطارق 2008 جزاك الله كل خير يا استاذ طارق بالنسبة ليا بقى اكتر حاجة بتضايقنى بصراحه مش عارفه انا كان عندى مشاكل كتير اوى تعبانى لكن من فترة قريبة قدرت بفضل الله اتخلص من بعض المشاكل دى يعنى كنت دايما بعانى من انى رومانسية شوية يعنى عاطفية زيادة عن اللزوم وبصراحة الحكاية دى عملتلى مشاكل كتير المهم انا حاسة انى اتخلصت من الموضوع ده لكن خايفة انى ارجع تانى للهبل ده بجد مش عارفه هعمل ايه فى نفسى لو رجعت افكر كده |
دموعي اسهل حاجه عندي
لو قررت اني ابطل حاجه غصب عني برجعلها تاني وبتبقي حاجات هايفه زي النت مثلا بزعل من نفسي كتير بس معرفش ليه احلام اليقظه دي هتقتلني وطبعا في حاجات كتير جدا |
اكتر حاجه بتضيقنى من نفسى هيه انى متردده دائما يعنى دلوقتى اكون موفقه على حاجه كمان شويه ابئا موفقه على عكس الحاجه مش عارفه ايه ده
|
اكتر حاجة بتضايقنى انى طيبة جدا ومشبحب احرج حد وبتصرف حسب نيتى ودة بيدخلنى فمشاكل كتيرة:(:(
|
اقتباس:
السلام عليكم ورحمة الله من كلامك الاخير ده انا ابتديت اشعر ان المشكلة فيكي انت ممكن تكوني ببتوهمي ... بيتهيقلك يعني ... ارجو انك تشركي والدتك او والدك معاكي في الموضوع ضروري.. ضروري.. ضروري لا ن نظرتهم هتبقى موضوعية وعقلانية اكتر منك وهيقدروا يقيموا الموقف صح |
انا لايمكن اكون واهمه فى مواقف كتير اوى
ماما عارفه كل حاجه ماما برده قالتلى ابعدى عنه بس كتير بلاقيه قدامى فى اماكن كتير وبضطر امشى بسرعه دى بقت عقدتى مش بتتحل ابدا |
اقتباس:
السلام عليكم ورحمة الله اشكرك طبعا ... وجزاكي الله الخير كله اكرمك الله عز وجل بالتخلص من هذه المشكلات اذن عليكي بان تحللي و تدركي مساويء واضرار هذه المشكلات حتى يزداد كرهك لها فلا ترجعي اليها ابدا بإذن الله وكمان عليكي انك توجهي النصيحة لزميلاتك وصديقاتك اللي عندهم مشكلة من نفس النوع.. ده هيزيد من قوتك في رفض الرجوع لهذه المشكلة |
اقتباس:
ده انا اللي اتعقدت .... ههههههههههههههه شوفي كلمة اخيرة ما دام ( هوه عاقل - انت ما بتتوهميش - والدتك عارفة ومتأكده ) يبقى على طووووووووووول اتخذي اجراء قانوني ضده ( بلغي عنه .. مهما كان فسلامتك وامنك وشعورك بالامان وتوافقك النفسي اهم من .......الحرص على اي حد لا يستحق .... بالتوفيق ان شاء الله و ما فيش عقدة ولا حاجة طاما اننا نواجه |
ههههههههههههههههههههههه
اسفه على تعقيد حضرتك:) مش ينفع اتخذ اى اجراء قانونى لانى عادى ان كل الناس بتمشى فى الشارع انا اتخذت اجراء حمايه لنفسى انا بتصدى الحمد لله هو عارفنى وان شاء الله مش يقدر يعمل اى حاجه انا هحاول ابعد لان مش ينفع كدة هو الموضوع مش كبير لدرجه انه يوصل للبوليس ربنا يستر وهحاول اتصرف لكن العقدة مش هترضى تنفك :( اسفه انى زهقت حضرتك اوى:) |
| جميع الأوقات بتوقيت GMT +2. الساعة الآن 11:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.