|
مغلق للصلاة
السلام عليكم و رحمة الله و بركاته
اخواتى و اخوانى الاعزاء مساهمة من الموقع فى تدعيم الصلاة فى وقتها عندى اقتراح هام ومن يوافق عليه ارجو ان ارى مشاركته الاقتراح هو ان يعطل الموقع لفترة لا تزيد عن خمس دقائق عند اوقات الصلاة بداية من سماع الاذان حتى نقوى عزيمة كل منا على تادية الصلاة فى موعدها وفى خلال فترة تعطيل الموقع هذة تظهر رسالة لكل الاعضاء فحواها جملة واحدة *مغلق للصلاة* يستحسن نسمع موقف المشرقين ايضا من هذا الاقتراح ارجو تقبل اقتراحى بسعة صدر و من يعترض يرسل مشاركة باعتراضه و اسباب هذا الاعتراض وشكرا |
موافق
بس معتقدتش ان فيه هاك للموضوع ده بس انا ممكن ادخل اوقف كل الاعضاء وبعد الصلاة ارجعهم تانى مفيش هاك للموضوع ده |
اقتباس:
وانا كمان لا اعتقد ان فى هاك بس مش عارفة موضوع وقف الاعضاء كلهم مرة و احدة و نرجعهم تانى بصراحة مش مريحنى ياريت لو حضرتك خبير فى حتة الهاك دى تقول معلومات اكثر علشان نقدر نحدد وقت الصلاة حنوقف الموقع ازاى و شكرا |
وحضرتك حتحدد موعد الصلاة حسب اي محافظة
يعني مثلا صلاة المغرب في السلوم 17و7 وفي اسوان 44و7 يعني حوالي 25 دقيقة وده معاد ادان يعني اللي في السلوم صلى وخلص وبتاع اسوان لسه بيقول الله وكبر بس انا موافق على الاقتراح بس يتظبط وعلى المقيمين خارج الموقع مراعاة فروق التوقيت |
اقتباس:
بس ماينفعش ان على حسب توقيت كل بلد نقفل الموقع حتبقى متعبة اوى اظن احنا ممكن نجيب توقيت متوسط يعنى مناسب يعنى فى الوسط بحيث اللى ادن خلاص و صلى ما يقعدش مستنى كتير و اللى لسه حيصلى منستعجلهوش و ياريت تكون فى مقترحات كمان وانا شاكرة تعاونكم شكراااا جزيلااا |
على فكرة بالنسبة لموضوع ايقاف الاعضاء ده انا بهزر
من الاخر الحلال بين والحرام بين |
توقف ايه يا اسلام
حرام عليك ياجدع بحسبك بتتكلم بجد فوق هههههههههههههههه لا الحكاية دى فى ايد استاذ اشرف ممكن يوقف المنتدى عادى ويجيب رسالة ادارية المنتدى مغلق للصلاة |
المشكلة بقى انهم ساعة صلاة الجمعة بتكون فى اعضاء موجودة ومعرفش بصراحة دول الحل معاهم ايه طب اتكسفوا على دمكم دا صلاة الجمعة:mad: |
السلام عليكم
بالفعل كنت أتوقع استحالة مثل هذا الموضوع على الفضائيات وعلى النت لاختلاف الأزمنة ولكن وجدت ذلك موجوداً بمنتديات المشاغب والتي يتم إيقاف المنتدى وقت الصلاة حسب التوقيت المحلي لمدينة القاهرة ووجدت قناة المحور الفضائية تذيع الآذان حسب التوقيت المحلي لمدينة القاهرة وعلى المقيمين خارجها مراعاة التوقيت والسلام |
اقتباس:
ممكن العضو يبقى فاتح الكمبيوتر وفاتح المنتدى بس هو مش ع الكمبيوتر وممكن يكون برة بيتهم اصلا :D بس متواجد ،، انا كان بيبقى النت فاصل ومسجلنى متواجد والموقع ممكن يكون مفتحش اصلا ساعتها معايا ، بتكلم عموما تعليقا ع حكاية تسجيل التواجد دى ===================== ومعانا كمان اعضاء بتدخل من دول مختلفة مش محافظا ت مختلفة بس - ومصريين يعنى ============== الموضوع مش سهل ع فكرة |
والله اللي بياكل علي درسه ينفع نفسه انتا هتخلي الناس تصلي بالعافيه:d وفرضا فرضا فيه حد مسيحي او اي ديانه تانيه عاوز يدخل المنتدي ازي الحال ساعتها دا غير ان في فروق توقيت مش بعيد تلاقي كمان ناس من برا مصر خالص بتدخل المنتدي وفروق التوقيت بتوصل ل 7 ساعات مشروع فاشل هو ممكن يكون فيه تذكره بسيطه باي شكل بئا اعلان مثلا او حاجه معرفش ماعلينا |
اقتباس:
ياريت توضيح و شكرا |
اقتباس:
بس معلش هوه مين الاستاذ اشرف انا لسه جديدة معلش |
اقتباس:
بس انا هدفى من الاقتراح دة الصلاة فى موعدها مش اغصب الناس تقوم تصلى يعنى ما يبقاش واحد قاعد بيتفرج على موضوع و الاذان ياذن يقول طب خمس دقائق طب ثانية يعنى بمعنى اصح نوصله رسالة حرام عليك قوم صلى فى الميعاد شكرا لمشاركتك جداااا |
اقتباس:
اشكرك على المشاركة الفعالة |
اقتباس:
الاستاذ اشرف ده عبقرينومان هو صاحب الموقع يا باشا حاسب احسن تتوقف بقى :p:p:p |
اقتباس:
بالنسبة للى ما بيبقوش موجودين دول مش حتفرق معاهم قفلنا المنتدى و لا لاصح ولا لا؟ اشكرك على مشاركتك |
اقتباس:
كما ذكرت هدف الموضوع مش انى اقوم الناس يصلوا بالعافية هدفى انى اخلى اللى بيصلى لا يؤجل الصلاة معلش بقى يستنى اى ديانة تانية لان الاغلبية هنا مسلمين و زى ما بيستنا المحل لما يفتح و يخلص صلاة يستنا وبعدين دى كلها خمس دقائق برده يقدروا اللى بره مصر دول يستنوا برده كلها خمس دقائق و انا بقترح ان تحت رسالة مغلق للصلاة يكتب حاول ثانية بعد خمس دقائق وموضوع الاعلان دة برده كويس المشروع مش فاشل بس فيه جوانب ضعيفة لازم نتعاون علشان نقويها اشكرك للمشاركة |
اقتباس:
حرمت يا اهلا يالاستاذ اشرف اوعى تزعل اللى مايعرفك يجهلك:D |
فكره جميله اوي
ربنا يجازيك خير هيجليك من وراها حسنات كتتتتتتتتير كان نفس انا الاقترحت الاقتراح ده |
انا شايف ان الموضوع صعب
لكن ممكن حلول احسن يعنى لو ممكن رساله تظهر وقت الصلاه تنبه كل اللى فاتحين الموقع ( إن أمكن ) او شئ مشابه لذلك لكن موضوع قفل الموقع هيكون مشكله مراعاة لغير المسلمين ولفرق التوقيت وده رأيى |
اقتباس:
وانشاء الله لو احنا كلنا اشتركنا فى تحقيقها حتى بالاراء حناخد حسنات كتيرة كلنا ارجو ان تزودينى بارائك البنائة وشكرا |
اقتباس:
شكرا لتصفحك الموضوع و لرايك البناء |
اخواتى واخوانى
بما ان هناك مقترحات جديدة خاصة بهذا الموضوع لقد قررت ان يستمر هذا الموضوع فى تقبل اقتراحتكم حتى امس غدا -مساء الرابع عشر مش شعبان الموافق الخامس عشر من اغسطس- و بعد انتهاء هذة المدة سوف نبدا فى تجميع ارائكم و اختيار افضلها بالتعاون معكم لو هناك اى مقترح لاطالة مدة ابداء الاراء انى موجودة اشكركم |
اولا جزاك الله خيرا عالموضوع
ثانيا ماممكن لما المنتدى يتقفل ناس تفضل برضه للعند بس مش اكتر كل الى بايدينا نعمله اننا ننزل مواضيع توعية باهمية الصلاة وربنا يهدى الكل يارب |
اقتباس:
اظن ان فى ناس فعلا حتتاثر بالموضوع وكبعا مواضيع توعية للهمية الصلاة شى رائع و انا حاحول اعمل حاجة زى كدة قريب بس حتبقى عنى انا و ايه اللى حصلى فعلا لما ماكنتش بصلى بانتظام و لم انتظمت ايه اللى حصل اشكرك على اهتمامك و رايك و جزاك الله كل خير ايضا |
معلش يا جماعة لو حد يعرف يقول للاستاذ اشرف يجى هنا و يقول رايه يبقى كتر خيره
|
لو سمحتم محتاجة ارائكم شاركونى
|
انا ارى ان اللي عايز يصلي حيقوم يصلي
انك لا تهدي من احببت ولكن الله يهدي من يشاء ممكن تقفل المنتدى هنا يروح واحد مثلا ناقل على منتدى تاني بس انا برضه موافق على الموضوع ده بس انا بحاول اعرض اي مشكلة ممكن تواجهه |
اقتباس:
انا برده مازلت بوضح ان هدفى من الوضوع للناس اللى بتصلى -اللى ربنا هداهم و صلوا - بس بيتاخروا على الصلاة علشان بيشوفوا حاجة على المنتدى يعنى نخلى المنتدى سبب التزام مش تاخير ارجو ان تكون الرؤية و ضحت اشكرك على مشاركتك الفعالة و ارجو ان تزودنا بمثل هذة المشاركات |
مبدائيا حبيبتى جزاكى الله خيرا عن المباردة الطيبة منك وانك غيورة على دينيك بس اقتراحك صعب تنفيذة والصعوبة مش فى الهاكات وتركيبها لا الصعوبة فى كذا حاجة وهما 1_ان فى فرق توقيت بين محافظات مصر فى توقيت الاذان وايضا العالم كلة واحنا فى المنتدى فى اعضاء من مختلف محافظات مصر والدول ايضا دة فى اعضاء فى امريكا يعنى اليوم عندهم غير عندنا خالص 2_ فى اعضاء معانا غير مسلمين وفى منهم مدرسين افاضل فصعب اننا وقت كل صلاة نغلق المنتدى يعنى فرضا لو نفذنا اقتراحك اذن هيصبح عندنا ان المنتدى هيتقفل فى اليوم خمس مرات فطبعا الامر هيكون فى نوع من الصعوبة بالفرض ان وقت الصلاة حد من الاعضاء غير مسلمين حب انة يتطلع على موضوع معين او ينزل موضوع معين والمنتدى تم غلقة وقتها ...يبقى احنا كدة بنجبرة على الانتظار وانة يستنى المفروض اننا بنراعى شؤن وشعور بعض 3_ ممكن اننا نعمل مواضيع زى ما قالت ملك اليمين ونعملها عن الصلاة واهميتها ويكون فى برامج تنبة لاوقات الصلاة كدة يعنى 4_ المؤمن القريب من ربنا وبيراعى الله فى كل وقت اكيد وقت الصلاة هيقوم مسرعا ومش هيستنى ودة ربنا يزيدة ايمان ويرضية انما المؤمن اللى ايمانة ضعيف ممكن يقول لا هستنى شوية لا هشوف حاجة واقوم ويتاخر عن الصلاة ودة ربنا يهدية ويقوى ايمانة ويهدينا اجمعين جزاكى الله خيرا حبيبتى:) |
اقتباس:
اشكرك جدا على مشاركتك و هيه فعلا فعالة بس ممكن اعلق تعليقات بسيطة لكن بالفعل حلوة اوى فكرة برامج لاوقات الصلاة او اعلان يحمس الناس و ينشطهم للصلاة بس خايفة لاحس ما يعملش التاثير اللى بتمناه اشكرك جدا والله اسعدتنى بمشاركتك |
لقد انتهت فترة ابداء الاراء و حان الان تجميعها و اختيار انسبها بالتعاون معكم
سوف يتم تجميعها خلال دقائق وشكرا |
ان يعطل الموقع لفترة لا تزيد عن خمس دقائق عند اوقات الصلاة بداية من سماع الاذان الاقتراح الاول
حتى نقوى عزيمة كل منا على تادية الصلاة فى موعدها إيقاف المنتدى وقت الصلاة حسب التوقيت المحلي لمدينة القاهرة الاقتراح الثانى تذيع الآذان حسب التوقيت المحلي لمدينة القاهرة وعلى المقيمين خارجها مراعاة التوقيت الاقتراح الثالث تذكره بسيطه باي شكل بئا اعلان مثلا او حاجه الاقتراح الرابع يعنى لو ممكن رساله تظهر وقت الصلاه تنبه كل اللى فاتحين الموقع الاقتراح الخامس مواضيع توعية باهمية الصلاة الاقتراح السادس ملاحظة هامة: هذة الاقتراحات ماخوذة مباشرة من مشاركات الاعضاء ماعدا الاقتراح الاول فهو اقتراحى ارجو التفضل بالتصويت برقم الاقتراح اشكركم لتعاونكم |
شكرا ليكي جدا و انا مؤيد للموضوع ده
ممكن نخلي المنتدى يقفل مثلا من اول آذان لأي صلاة لحد آذان آخر صلاة او بعد كده بفترة قصيرة أصل مش للدرجة دي الأعضاء محتاجة المنتدى في وقت الصلاة و مجتش على ربع ساعة بس الدنيا مش حتطير شكرا ليكي جدا و ارجو ان الموضوع ده ينفذ |
والله هو اقتراح ممتاز
انا تقريبا قرات كل ردود الاعضاء حكايه التوقيت الى بغلق فيه الموقع فى اى حتا الاذان بياذن حسب التوقيت المحلى لمدينه القاهره وعلى المقيمين خارجها مرعاه فارق التوقيت اما عن حكايه ان فى اعضاء مسيحين احنا الاغلبيه مسلمين وبعدين الموقع حيقف بكتيره اوى ربع ساعه كان النت فصل م هتفرق معاهم كتير بس انا اامل ان الموضوع يتنفذ ان شاء الله |
اقتباس:
وان الى حدما اؤيد رايك شكرا لمشاركتك وانا ايضا اردو ان تنفذ الفكرة ارجو منك المشاركو فى التصويت فهو يحتوى على كل اقتراحات الاعضاء اشكرك على رؤيتك للموضوع و ايضا على رايك |
اقتباس:
ثانيا ارائك رائعة و موجودة بالتصويت فارجو مطالعته و التصويت اشكرك على رايك الراتع وانا الى حد ما اؤيدك فى رايك الثانى |
حبيبتى جزاك الله كل خير على اقتراحك وغيرتك على دينك:) ندخل فى الموضوع بقى بالنسبه لالانا نوقف المنتدى لمدة الصلاه سواء بقى هاك او وقف الاعضاء فانا لا احبز بالمره لان باختصار لو فى حد ما بيصليش اصلا بطبيعته مش لما نعمل كده هيسيب الجهاز ويقوم يصلى ..لا فى منتديات كتير ممكن يدخل عليها فده مش حل انا من رأيى ان وقت الصلاه تظهر رساله للاعضاء ان حان وقت الصلاه .. يعنى مجرد توبيخ للى مكبر دماغه من الصلاه وتذكره للى بيصلى وبس:) |
اقتباس:
شكرا جدا لتصويتك |
ايوه انا بردو مع موضوع الرسايل مراعاه لشعور الاخرين وكحل كويس وربنا بقدم اللى فيه الير
|
اقتباس:
اشكرك على التصويت |
يا جماعه الاعضاء الى مبتصليش احنا ملناش دعوه حسابهم عند ربنا
بس احنا ممكن باقتراح ان احنا المنتدى يغلق دا ممكن يبئه فى فاائده ان الى مبيصليش يبدا يصلى وكدا هنكسب ثواب لكن رساله هتظهر هتتلغى وخلاص على كدا دا رايى الشخصى |
اقتباس:
بس هوه انا هدفى من الموضوع انا الاعضاء اللى بيصلوا بس مش فى الميعاد يصلوا فى الميعاد بس برده فكره حضرتك تحترم جدا و اكيد ده يبقى هدف تانى للاقتراح اشكرك جدا على متابعتك و ارائك |
اقتباس:
|
ياريت ان شاء الله حتنى ورا الموضوع لغاية ما يتنفز
وطبعا محتاجة مساعدة بقية الاعضاء شكرا على متابعتك |
اكيد طبعا كلنا معاكى ومساندينك
|
اشكرك على مساندتك
يلا يا جماعة عايزة اشوف تصويتكم |
هو الفكره رائعه
صعوبة التنفيذ بتخلينا نفكر في حلول تانيه ممكن نعمل مواضيع كتير للتوعيه باهمية الصلاه وكده لكن الموضوع ده هيبقي صعب التنفيذ بس فعلا اللي بيصلي بصلي لنفسه مفيش مانع ننصح بس في الاخر الانسان اللي بيحكم نفسه شكرا علي الفكره وننتظر نشاط حول هذا الموضوع |
موضوع رائع جدا
وانا بحب المواضيع الهادفة زى الموضوع دا ان قريت الموضوع من اوله وشايف من وجهة نظرى ان الحل الرابع والخامس و السادس كويسين جدا اقتباس:
بجد جزاكى الله كل خير على الموضوع ومنتظرين افكار جديدة |
| جميع الأوقات بتوقيت GMT +2. الساعة الآن 01:08 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.