|
"أول رئيس".. تفرد بها مرسي 8 مرات
"أول رئيس".. تفرد بها مرسي 8 مرات النقاط الثمانية التي تفرد بها الرئيس الأسبق محمد مرسي، بين الرؤساء المصريين، 1- أول رئيس مصري مدني منتخب: هذا الوصف ظل مصاحباً لمرسي طيلة عام واحد قضاه في رئاسة البلاد، حيث تولى شؤون الحكم عقب ثورة 25 يناير/كانون ثاني 2011 غير أنه، وبعد عزله يوم 3 يوليو/ تموز الماضي، لاحقته اتهامات فريدة ينظرها القضاء المصري. 2- أول رئيس مصري ينتمي لجماعة الإخوان المسلمين: كان يشغل منصب رئيس حزب الحرية والعدالة (الذراع السياسي للأخوان المسلمين) بعد أن كان عضوا في مكتب إرشاد الجماعة (أعلى هيئة تنفيذية داخل الجماعة). 3- أول رئيس مصري أكاديمي، حاصل على الدكتوراة في مجال الهندسة: هذا الوصف لم يتغير، حتى بعدما قررت إدارة جامعة الزقازيق (دلتا النيل/ شمال)، فصله، من الجامعة، لانقطاعه عن العمل، الأسبوع الماضي. 4- أول رئيس مصري يتم الإطاحة به من قبل الجيش المصري بمشاركة قوى شعبية ودينية: عزل في 3 يوليو/ تموز 2013، بعد نحو عام قضاه في رئاسة البلاد، إثر احتجاجات شعبية مناهضة له، في خطوة يعتبرها أنصاره "انقلاب عسكري"، ويراها مناهضون له "ثورة شعبية" استجاب إليها وزير الدفاع آنذاك، الرئيس الآن، عبد الفتاح السيسي. 5- أول رئيس محكوم عليه بالسجن: حكم عليه بالسجن المشدد لمدة 20 عاما، بعد إدانته بتهم "استعراض القوة وال*** والقبض والاحتجاز وال***** " فى قضية "قصر الاتحادية الرئاسي" في 21 أبريل/نيسان الماضي. 6- أول رئيس مصري متهم بالتخابر مع منظمات أجنبية (حركة المقاومة الإسلامية الفلسطينية "حماس"، وحزب الله اللبناني، والحرس الثوري الإيراني) بغية ارتكاب أعمال إرهابية داخل البلاد، وإفشاء أسرار الدفاع عن البلاد لدولة أجنبية (مؤجلة لـ2 يونيو/حزيران المقبل)، ويحاكم في قضية تخابر أخرى مع "قطر"، تنظرها المحكمة في جلسات متعاقبة. 7- أول رئيس مصري متهم باقتحام السجون والهروب من سجن وادي النطرون (بمحافظة البحيرة شمالي مصر) إبان ثورة 25 يناير/ كانون الثاني 2011، وهي التهمة التي صاحبها تهمة سرقة محتويات السجن من دواجن وماشية وسيارات شرطة. 8- "أول رئيس مصري، تًحال أوراقه، إلى المفتي، لاستطلاع رأيه بشأن إعدامه، في قضية "اقتحام السجون"، حيث أحيلت أوراقه اليوم، مع 166 متهما في قضيتي "اقتحام السجون" و"التخابر الكبرى"، وكان اسمه ضمن المحالين في القضية الأولى. |
شكرا استاذى الفاضل
|
اضيف
اول رئيس مصري يطيح بجماعته لغباء اختيارهم له للرئاسه اول رئيس مصري يتم استقبالة بدون بروتوكول لائق ويستقبله وزير تعدين تقريبا اول من اسقط هيبة الدوله عندما اعلن الاتحادية ملتقي الفضفضه والشكاوي ليا عودة للاضافة |
اول رئيس مصرى استبن |
اول رئيس عشنا فى عهده حرية التعبير بدون قيود
اول رئيس تتآمر عليه قوى الفساد واصحاب الارز البسمتى واللى ميشفشى من التسريبات يبقى اعمى |
اول رئيس مصري يفوز بفارق50+1بفضل الليمون وليس الارز فهو اكثر هضما
|
إنه الفريد من نوعه
فهو الرئيس الذى أجبرت الجماعة على ترشيحه بعدما أختير لهم فهو الرئيس الذى تم محاصرة القضاء والدفاع فى عهده فهو الرئيس الذى طالما وصف أنصاره من سبقوه فى الحكم بأنهم فراعنه متالهه فإذا به يخرج على شعب بقرار تحصين قراراته كإله لارد لأحكامه فهو الرئيس الذى من أجله عصر نخب االغفلة الليمون حتى أصيبوا بحموضة مزمنه لاشفاهم الله منها فهو الرئيس الذى حاصر قصره شباب مصر ولم يتواضع ويخرج لهم يسترضيهم كراع لهم ولكنه خرج من قصره ليخطب لبضع ألاف من جماعته جمعوا له نكاية فى باقى الرعية فهو الرئيس الذى انفض من حوله مساعدوه لأنهم لايعلموا من يصدر القرارات ويدير الدولة فهو الرئيس الذى تُملى عليه حتى كلماته علنا وفى مؤتمر صحفى عالمى (القصاص - القصاص) فهو الرئيس الذى غابت عنه الحكمة فخرج يهين قضائه على الهواء وعاد ليلقى باللوم على عامل الكهرباء لينجى نفسه وحكومته من حتى اللوم فأدرك البسطاء بأنهم سيكونوا الضحية مرة أخرى لكل فشل قادم فهو الرئيس الذى استسلم الملايين لتوليه الحكم أملا فى الاستقرار للبلد فأطلق عليهم صبيانه كالعريان والبلتاجى ليستفزوا الرعية صباحا ومساءا بقرارات مريبه كطلب عودة اليهود لمصر وأطلق الأسد المزعوم بميليشياته ليفزع كل من فى الأرض هو الرئيس والجماعة التى صدعت رؤسنا بأمور عديدة وحين تولوا الحكم كانت أوليتهم الاعتراف بها لعنوا معاهدة السلام فأجبرتهم أمريكا على الاعتراف بها من أجل دعمهم بل غازلوا اسرائيل برسائل الحب والغرام اتهموا غيرهم بتبعيتهم لأمريكا فخرج العراف الكبير بن خلدون ليفضحهم اشعلوا الدنيا حين أساء الصحفى الدنماركى للرسول فى حكم مبارك وطالبوا بالمقاطعه والمحاكمة الدولية وحين تكرر الأمر فى عهدهم لم يخرج منهم أحد بل صبوا غضبهم على من خرج ليتظاهر ويعلن غضبه وأخيرا فهو الرئيس الذى يحتسى شراب الوهم قبل كل جلسة محاكمة فتجده يدخل قفص المحاكمة رافعا يديه ويدور دوران رباعى حول نفسه حتى كانت الدورة الرابعة اليوم أمام من ساقوه من زنزانته ومن سيعودون به إليها يحتاج لمجلدات ولكن هذا يكفى الأن ولنا عوده بإذن الله جزاكم الله خيرا |
اول رئيس سرب اجتماع القوي السياسية ع الهواء مباشرة بفضل ام ايمن
|
أول رئيس كان شغال حاوي .. ويمد إيده يطلع عقارب وتعابين أول رئيس كان عارف موضوع القرد والقرداتي أول رئيس يوقعه الواد إللي بيقطع الكهربا ب 20 جنيه أول رئيس بيحافظ علي القاتل والمقتول أول رئيس تستقبله واحده كانت ماشيه جنب المطار وجايه من السوق في أثيوبيا أول رئيس يستقبله عمده كفر الهنادوة .. في روسيا أول رئيس علم الألمان .. يعني إيه مكس بين العربي والإنجلش أول رئيس قال .. سنه واحده كفايه .. وقد كان أول رئيس بررررررررررررررررررررررررررررررررررررررررررررررررر م |
يعطيكم العافية ياشباب
اضافات اكثر من راااااائعة اسجل متابعتي لعل المشرف يغض الطرف ولا يقوم بالحذف فما زالت السهرة باولها |
اقتباس:
والله يامندي بلاش مصطلحات إنجلش .. لحسن حبيبك نيل الدنيا برضه بمصطلحات .. خلي الناس تشك في نفسها وإنت عارف بقي إللي بيسوق وهو سكران بيروح فين بيروح مارينا طبعا .. ياراجل .. الله لايعيدها أيام كانت أيام سوده .. ويبيع مصر لنخلتين وخيمه الله يكسفه .. طول عمره كان فاضحنا |
اول رئيس يكون مسجون
وياخد اعدام فى اقتحام السجن المسجون فيه اصلا يا مثبت العقل فى الراس |
اقتباس:
أول رئيس يعلن حظر التجوال فى مدن القناة فتتحول الشوارع والحارات أندية شعبية ودورات رمضانية فى ربيع أول ياترى الناس دى كلها كانت مش نقيه وعصابه قذرة ولاكانوا عساكر أمن مركزى وبعدين هو كان محتاج تسجيل ولاتسريب دا كان بيسرب على نفسه وعلى الهواء مباشرة - |
اول رئيس يقوم باصدار اعلان دستورى ليحمى موسسات الدولة من استهتار المحكمة الدستورية فيغضب مدعى الوطنية
وعندما اصدر عدلى منصور اعلان دستوريا نصب نفسه كبير الاله واصدر الرئيس السيسى 55 الف قراربقانون عملوا نفسهم من بنها |
اقتباس:
والله قطعت قلبي .. يعني صحيفه الإتهام بتقول الهجوم علي كمائن و*** ومحاوله *** .. رجال داخليه وجيش .. بعد هروبهم وهم في طريقهم للإلتقاء بجماعتهم ولما يتفقوا هو والناس إللي كانوا معاه بالإسم هايبلغ عنهم قناه الجزيرة .. كتر خيره ساعد الداخليه |
اقتباس:
يحصن مؤسسات الدولة بتاعة مين ومن مين ؟ وطب وماجبتش سيرة حصار الأسد لهذه المؤسسات ليه ؟ يعنى تحصين وحصار تليها إجبار ع السمع والطاعة دا حتى اللى عايشين فى غابات الأمزون وأفريكانوا ماعملوش كدا أنت عايز تقنع نفسك بإيه واحنا نساعدك من باب الإنسانية |
يحصن من مين ولمين
ان كان عدلى منصور رئيس المحكمة الدستورية العليا اصدر قانون الانتخابات وطلع غير دستورى المفروض اللى زى ده يتحاكم |
اقتباس:
لكى ترضى غرور نفسك فعمال لوش فى الكل مدن البطولة هبل ؟ صحيح من وصف قادة الجيش بالأفاعى هيخجل أن يصف سكان مدن صنعت تاريخ قبل أن يشرفنا بطلعته البهية مش مشكلة النطح والتبجح للجميع --المهم اللى يحش منها أكتر |
حلوا مجلس الشعب عشان القانون بتاعه غير دستورى
فذا بالدستوريين انفسهم يضعوا قانون غير دستورى ويستمر العبث تلو العبث للوصول الى عدم استقرار وعشان الشعب ده يندم انه عمل ثوره على اسياده |
مدن البطولة + مدن الدلتا + مدن الصعيد + المدن الحدودية
الشعب تم تجريفه حضاريا وثقافيا على مدى عقود اصبحت ثقافة البطجة هى السائدة فبلاش مزايدات |
اقتباس:
عدلى منصور هو من أصدر القانون --أم صدر فى عهده من لجنة ؟ على كدا السيسى بقى من حقه يعدل على ماتأتى بها اللجنة وبالمرة يشيل ويحط على هواه طب وكنا زعلانين من مبارك ليه ؟ بياضك ناصع يامندى |
اقتباس:
البلطجة ؟ وانت نجيت إزاى ؟ اكتب لنا الوصفة ننشرها للناس لينجو اكما نجوت من التجريف والبلطجة |
المشكلة انه اسلوبك فى التبرير ياخد صفر/ 10
عدلى منصور هو من اقر القانون فان لم يكن يعلم انه غير دستورى فهذه مصيبة وان كان يعلم انه غير دستورى فهذه كفتة اشبه بكفتة عبد العاطى |
اياك ان تشكك فى مفعول الكفتة
تبقى غير وطنى |
اقتباس:
تصدق صح ---وهعتبرك مش إخوانى وهجيب أراء البعض من حبايبك الثورة نتج عنها مصائب وإذكان مرسى والسيسى زى مابتقول أنت والنحانيح نتيجة مش كويسه للثورة طب مش من العدل إننا نحاسب من كان السبب بدل من حاسب الناتج كدا كله هيهرب وهيقول أنا كنت ساعتها فى الحمام ولا أنت تعرف أكتر من دول قيادى بحزب الدستور: لو لم تنجح 30 يونيو لكنّا المعدومين بدلا من مرسى السبت، 16 مايو 2015 - 09:23 م http://img.youm7.com/images/NewsPics...5162017127.jpg خالد داوود القيادى بحزب الدستور http://img.youm7.com/images/graphics...banner2015.gif كتب عمرو حسين أكد خالد داوود، القيادى بحزب الدستور وتحالف التيار الديمقراطى، أنه والمشاركين فى 30 يونيو من تحالف التيار الديمقراطى غير نادمين على المشاركة فيها، وتابع: "لو لم يقدر لنا النجاح لكنّا المعدومين اليوم بدلاً من مرسى وأعضاء الجماعة ولكن بصبغة دينية". http://www.youm7.com/story/2015/5/16...3#.VVe-aSaJjcs عبد الله السناوى: الإنجاز والالتزام من سمات السنة الأولى لحكم السيسى السبت، 16 مايو 2015 - 10:15 م http://img.youm7.com/images/NewsPics...0151685245.jpg الكاتب الصحفى عبد الله السناوى http://img.youm7.com/images/graphics...banner2015.gif كتب محمد شرقاوى قال الكاتب الصحفى عبد الله السناوى، عضو لجنة إصلاح البنية التشريعية، إن الشعب يريد من الرئيس عبد الفتاح السيسى أن يصبح امتدادا للرئيس الراحل جمال عبد الناصر فى هذا الزمان، مضيفا: أن 30 يونيو كانت ضرورية ولازمة وتدخل الجيش كان محتما، كما أن الرئيس عبد الفتاح السيسى قدس العمل والالتزام والإنجاز من سماته فى السنة الأول من حكمه. http://www.youm7.com/story/2015/5/16...2#.VVe_aCaJjcs |
اقتباس:
حمالله ع السلامة الحمد لله كدا انت فضيت وصلت لأخرك بسرعة شكلنا هننام من دلوقتى يرضيك فى الحر ده والأجازة ننام من نص عصر بالشكل ده عايز كفته كمان ولاحد هيصبع لك -شكرا لك على السهره القصيره |
فعلا 30 يونيو كانت ضرورة
ليتضح المشهد جليا للمتشككين فقد راو بانفسهم وسمعوا باذانهم وليعلموا مدى العطب والفساد التى شهدتها مؤسسات كنا نقدسها بالامس مؤسسات مستعدة لفعل اى شئ للحفاظ على مصالحها |
اقتباس:
وماذا لوكانت مصالحها هى أساس مصلحة البلد نعمل إيه ؟ وفين المتشككين دول ---- هتلاقيهم حواليك بس على فكره نحن لانقدس مؤسسات ولانحتاج لها تقديس وخاصة ممن رضع كراهيتها |
اول رئيس من الشعب واطيح بة لعدم عملة تحت امرة اسياد معارضية فتكالبوا علية هم ومعارضية
القضية منتهية والاراء مسيسة ولو قيل الحق ............. فالذى يقول على الشمش غير ذلك فهو مريض او فاسد أو تعود غلى الفساد حتى ظنه هو الحق .................................................. ........... |
اقتباس:
رئيس جاى معارضيه أكتر وأقوى من مؤيديه طب جه إزاى ؟؟؟؟؟؟؟؟؟؟؟؟؟؟ ماحدش هينكر الشمس بس المهم ماحدش يفرض رؤيته على غيره وإلا بقى زى مابتقول وأقول لك كمان لولم يكن رضاعتك إخوانية مافرضت الحق لنفسك وهقول لك كمان تصدق بعد خروج الإخوان لسه المساجد بتتملى بالمصليين ولسه القادر بيساعد المحتاج من غير جمعيات مسيسه ولسه الرجل الملتحى الطيب الناس بتلجأ إليه طلبا للنصيحة وأيضا للمساعدة وحل المشاكل مابينهم ولسه المسلمين بيحتفلوا بأعيادهم الدينية فى المساجد والبيوت تفتكر الإخوان خدوا معاهم إيه ؟ خسروا شعب وما السر فى أنك تزكى نفسك هكذا وتخصخص لذاتك الحق |
لا معارضيه مش اكتر لكن معارضيه اخبث ومعاهم فلوس ومليارات
|
اقتباس:
والإخوان كانوا مقضينها جمب المساجد يسألوا الناس ولا إيه؟ م الأخر لو الإخوان صرفوا فى مشروعات داخل البلد ونسيوا لعنة التمكين نصف ماصرفوا على الإعلام والصحف الأجنبية والعربية وتدمير البلد كان الشعب حماهم من جيوش الدنيا الإخوان كلهم فلوس ولاحشمت والشاطر كانوا على باب الله أنا مقدر مشاعر الإخوانى الصغير لأنه وحتى فى عز الفساد كان اللى بيخلص تعليمه بعد شهرين بيلاقى الفيزا والعقد للخليج فبعد ماضيعوا الفرصة منهم كوادرهم ----غيرمسموح لهم حتى اللوم عليهم فبيصبوا غضبهم على الدولة والشعب مع إن نفس الدولة ونفس الشعب اللى كانوا بيوصلوهم للمطار ويستقبلوهم فى المطاربالسلامات والترحاب طمع الكبارفى الجماعة وغرورهم وفشلهم ضيع فرص الصغار---- طب الدولة والشعب ذنبهم إيه؟ قدر البلدى كدا----- كل فاشل يخبط فيها |
بعد إذن مستر رضا
=============== اقتباس:
============================================= اقتباس:
لكن ده التلقين .. وأتحداك لو ملقتش اللبانه دي في فم كل إخواني زيك معلش منهج وكلهم حافظينه .. ردودي مختصره بس مباشره .. أصلها مراره واحده .. معنديش إستعداد أخسرها |
لا ده مش تلقين
ده تسريب مكتب عباس كامل |
اقتباس:
حرية التعبير بأمارة ايه؟؟؟ اسأل الجماعة كيف لايعارضوزن امر يصدر لهم من قياداتهم صم بكم عمى فكيف يعطى مرسى حرية التعبير لاناس لا تنتمى اليهم وهم اصلا يحرمونها على اعضاء جماعتهم..فقط الولاء والطاعة اعطاه الله الحكم ونزعه منه لان الله يعلم ماكانت تخفى صدورهم تجاه مصر والمصريين الم يخرج المصريون يوم 30 يونيو للتعبير عن رأيهم ومطالبة مرسى بان يرحل غن الحكم فرفض فاين اذا حرية التعبير ايام حكمه؟؟؟ |
أول رئيس لمصر غير مصرى
|
سر اغرب صورة للرئيس مرسى فى المانيا
-------------- اتحدى أن تجد مثل هذه الصورة حتى من زمن الرئيس كوكو واوا |
وهو من البروتوكول وهو بيقابل ميركل مستشارة ألمانيا إنه يديها إنطباع إنه مش مهتم بلقائها .. ولا يمكن شاري ساعه جديده مظبوطه علي توقيت العلف ... وفقا لأوامر مرشده |
دا الوش الأول وهم فى الحكم لا لل*** والبرادعى بومه بعد خروجهم من الحكم قلبوا ع الوش التانى نعم لل*** والبرادعى كروان http://mmeabed.blogspot.com/2013/02/blog-post_8875.html |
http://www.almolltaqa.com/ib/clear.gif |
ماكينه التخوين .. الأسباب والنتائج
======================== 1) واحد صدق ان جبريل في رابعه ! 2) واحد صدق ان رابعه أطهر من المسجد النبوي !! 3) واحد صدق ان الاعتصام في رابعه أفضل من العمرة ومن الحج !! 4) واحد صدق ان مرسي يصلي و سيد الخلق عليه الصلاة والسلام خلفه !!! 5) واحد صدق ان من لا يؤمن بعودة مرسي يشكك في وجود الله !!!! 6) واحد صدق ان الجيش المصري اللي حارب الصهاينة لعقود طويلة، بقى دلوقتي عميل للصهاينة !! 7) واحد صدق ان اللي بعت جواب عشق وغرام للصهاينة هو منقذ الأمة وصلاح الدين الجديد والرئيس الشرعي المؤمن !!!!! ======================= 1) ازاي واحد زي ده نقدر نقنعه إن في مؤامرة على بلده وعلى جيشه وإن هو اداة تلك المؤامرة 2) ازاي واحد زي ده نقدر نقنعه بالأحاديث الشريفة التي تتحدث وتصف خوارج اخر الزمان 3) ازاي واحد زي ده نقدر نفهمه الأحاديث الشريفة التي تتحدث عن فضل الجيش المصري من غير ما يشكك في صحتها 4) ازاي واحد زي ده نفهمه إن حفيد النبي عليه الصلاة والسلام تنازل عن الحكم وهو احق به حقناً للدماء 5) ازاي واحد زي ده نعلمه عن الماسونية والصهيونية وخطرهم واستغلالهم للمغيبين من أفراد الشعوب في تنفيذ مخططاتهم أكيد دول عايزين الاعدام .... بس بالبطئ |
لك الله يا وطني
اسجل متابعتي |
حاجة غريبة ناس عايزه تحاور نفسها وخلاص كلامهم كوبى بيست للمرة 60000 * 10 8 بتتوهم انه الطرف الاخر فيه كل العبر وفاكرين نفسهم مفيش زيهم بشر زيهم زى داعش بل اقبح وامر وعند التسريبات اللى بتكشف الحقيقه واللى بتاكد انه مفيش ارز الا بذبائح اخوانية جعلوا اصابعهم فى اذانهم واستغشوا ثيابهم اصله التسريبات دى مفبركه دى تسريبات بير السلم طيب وايه يعنى تسريبات حقيقية واحنا انقلابيين وحلوين اخر حاجه |
الرسائل الأخيرة على هاتف مرسي ” بالفيديو”
ا هيثم السيد عرض الإعلامي الشهير عبد الرحيم علي عبر برنامجه الصندوق الأسود 2 المذاع علي فضائية العاصمة، الرسائل الأخيرة على هاتف الرئيس المعزول محمد مرسي العياط، وما تظهره هذه الرسائل من حقائق جديدة. حيث أوضح الإعلامي عبد الرحيم علي انه يعد برنامج جديد سيذيع فيه الكثير من الرسائل من هاتف الرئيس المعزول، وذلك في الفترة من منتصف شهر يونيو المقبل وحتي 30-6-2015. وقراء عبد الرحيم علي واحدة من الرسائل المسربة من هاتف الرئيس المعزول والتي جريت بينه وبين منظمة العفو الدولية “امينيستي”، ثم قراء ما جاء بالرسالة . ويمكنكم التعرف على مزيد من التفاصيل من الفيديو المرفق، وكذلك كيف كان يوجه ويصدر تعليمات لللإعلاميين بقناة الجزيرة، http://www.misr5.com/359555/%D8%A7%D...A%D8%AF%D9%8A/ يلا نلغى عقولنا ونحط مكانها حلة محشى عجباك قوى حدوتة التسريبات تحب أنقل لك الصندوق الاسود كله ولاعند عبد الرحيم على لأنها مش على هواكم طلعتوا فيها القطط الفاطسة العقل زينة لمن يستعمله ويتأكد بأنه أفضل نعم الله عليه هناك دائما من يرى نفسه الأعلى مع أنه يقف على برج من خيوط العنكبوت تحسب الأمور بالنتائج وليس بعرضها فى السوق لتخطف قلوب المحبين ودمتم |
اقتباس:
تسريبات رسائل هاتف مرسى حتى نهاية يونيو الجارى تسريبات لما سيحدث للمستقبل اخترقتم حاجز الزمان وفيه مسجون معاه اصلا موبايل وان كانت تسريبات ( تسجيلات المخابرات ) عبد الرحيم على لها اى قيمة لماذا لم يتوجه بها الى النائب العام |
اقتباس:
الأولى أه صحيح -- هو فيه مسجون معاه موبايل ؟ يبقى أكيد محمد مرسى كان ببيتصل بالجزيرة بكوز الميه وقالوا عليه الثريا التانية مش يمكن دا وقت عرض الرسايل فى البرنامج بسم الله ماشاء الله قرص وعى مبرمج من نوع خاص تعفنت بضاعته فى الأسواق بعد 30يونيو 2013 والتسريبات اللى هارشين مخكوا بيها كانت امتى ؟ بلاش السؤال ده وهما كانوا عارفين إن السيسى هينقلب عليهم زى مابرمجوك عشان يسجلوا له ؟ عادى يعنى مانتوا من امتى احترمتوا ثورة الشعب واختياراته بلاش دى كمان؟ ليه ركزوا على قادة الجيش بالذات ؟ انا عارف إنك واعى خارق وخاصة بكل مايتصل بالجيش وعشان كدا مش هتفهما لاوهى طايره ولاهى نايمه تسريبات عبد الرحيم على شغل مخابرات زى مابتقول ----دى خيانه عظمى --إزاى المخابرات تتجرأ وتقوم بعملها وفبركة الصور والفيديوهات والمكالمات وشاهد عيان من الأدغال اللى كانوا النشطاء بيرسلوها للجزيرة ووكالات الأنباء ويقبضوا تمنها كانت هى دى الوطنية اللى كنا مفتقدينها---- والله زمان ياعز الإخوان (الطائرات الحربية تقصف الناس فى ميدان رابعة )---طائرات حربية داخل القاهرة المزدحمة السكان --- وانت مصدق لأنك واعى وعى مش طبيعى ويتفق مع البرمجه الواعية المعملية الفذه ماتلعبشى فى مؤشر الوعى بتاعك لافوق ولاتحت وخليه على نفس الدرجة دى وإلا البرمجة كلها هتدمر |
أحيانا يتكلموا معاك وتحس أنهم رأفت الهجان في إسرائيل وفي الحقيقه هما سعيد حركات بتاع جون دارك |
اقتباس:
اجهزة مخابراتية متخصصة فقط فى التسجيلات تسريب فيديو لحمدين صباحى يخاطب فيه مرسى بالقصر الجمهورى ( يا حبيبى ) قبيل الانتخابات الرئاسية الهدف من التسريب : سياسى بحت وليس له اى علاقة بمصالح الشعب تسريب تسجيل للسيد البدوى وضابط امن دولة الهدف من التسريب الضغط على السيد البدوى بان لم يكن مطيعا سنقوم بانزال الجزء الثانى من التسريب وكيل جهاز المخابرات المصرية لم نعطى مرسى معلومة واحدة صحيحة ومع كل هذا لم يستطيعوا تسجيل اى شئ ضد الرئيس مرسى وكانت احرازهم فى قضايا التخابر مثيرة للسخرية لا مصلحة للشعب فى الصراع السياسى اين هى المعلومات الاستخباراتية فى سيناء اين هى المعلومات الاستخباراتية عن ثروات عصابة مبارك اين هى المعلومات الاستخباراتية عن فساد المحليات الاجابة : لا يوجد الفضائيات المصرية تعرض مسلسلى رافت الهجان وجمعه الشوال فى توقيت واحد هذا وان دل على شئ فانه يدل على الافلاس فكثيرون حول السلطة قليلون حول الوطن |
اقتباس:
أين هى المعلومات عن كذا وكذا هما ماعرضهاش على سعادتكم ولا بعتوا صورة منها للصحف وبعدين ماسجلوش لمرسى ---طب وعرفت منين الحدوته دى ؟ مش يمكن مستنيين يعرضوها فى مسلسل رمضانى -- زى رأفت الهجان بلاش تتفرج على المسلسل الوطنى رأفت الهجان لأنه مضر على صحتك فيه مسلسل إياس وأرتى هندى وباللهجة الشامية هتفهموا بسرعة ولاهات سلسلة مسلسلات مهند هتهدى أعصابك مش تفرج عن نفسك بقى يا أبو إياد وتشغل عقلك وأسندت النيابة إلى الرئيس الأسبق محمد مرسى وبقية المتهمين اتهامات عديدة، من بينها: ارتكاب جرائم الحصول على سر من أسرار الدفاع، واختلاس الوثائق والمستندات الصادرة من الجهات السيادية للبلاد والمتعلقة بأمن الدولة وإخفائها وإفشائها إلى دولة أجنبية والتخابر معها بقصد الإضرار بمركز البلاد الحربى والسياسى والدبلوماسى والاقتصادى وبمصالحها القومية. كما نسبت النيابة للمتهمين طلب أموال ممن يعلمون لمصلحة دولة أجنبية، بقصد ارتكاب عمل ضار بمصلحة البلاد، والاشتراك فى اتفاق جنائى الغرض منه ارتكاب الجرائم السابقة، http://www.youm7.com/story/2015/5/19...7#.VVsSu_mqqko مشكلتك أنك واعى أكتر من اللازم - |
اقتباس:
اسرار ايه اللى اعطاها لحماس ؟؟ او يمكن اداها لقطر عشان تديها لامريكا اجهزة المخابرات الكبيرة لديها تشبع معلوماتى عن مصر احنا بالنسبة لهم كتاب مفتوح ايه اكبر اسرارنا التسليح ؟؟ عارفين سلاحنا قطعة قطعة لسبب بسيط لانهم هم اللى بيعطوهلنا حتى الصيانة عليهم ايه اسرارنا اللى ممكن تتسرب خططنا الجهنمية فى تدمير التعليم وافساد الموسسات ام خبرتنا الجبارة فى اقحام الامن واجهزة المخابرات فى السياسة سيبك من مرسى خالص خلينا فى مبارك اللى باع البلد وصدر غازنا لاسرائيل وتنازل عن حقول غاز شمال دمياط اين اجهزة المخابرات يعنى مكنتشى عارفة انه البلد بتتسرق مكانوشى عارفين انه البلد بتتباع ؟؟ سابوا مبارك الحرامى وعملوا اسود على مرسى الغلبان ؟؟ وكانت احرازهم عبارة فيديو الاقصر بلدنا بلد سواح وروشته بها علاج للزكام فين الفيديوهات اللى الشعب كله شافها عن تهريب الشرطة للمساجين والموجودة على اليوتيوب ونعم العمل المخابراتى بلاش نضحك على انفسنا كفاية صرنا اضحوكة العالم |
| جميع الأوقات بتوقيت GMT +2. الساعة الآن 01:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.