|
هوا أنا صح و لا غلط
بسم الله الرحمن الرحيم أكيد الأغاني الشعبية موضوع لا يخفي علي أحد مننا و كل من هب و دب يعمله شريط فيه إتناشر خمستاشر أغنية و يبقي مطرب مشهور و أنا بصراحة مش شايف في اللي بيسموا نفسهم مطربين دول أي حاجة لا كلمات ولا صوت أنا كنت فاكر أن سعد إتجنن لما غني العنب و أن ماحدش ها يشتري شرايط ليه لكن فوجئت بالعكس و طلع كمان البلح و السمك ( علشان يغيظني و يقولي لأ نجحت ) و أسوأ من سعد سمعت أغنية قدام محل بتقول " دخلت الخمارة و شربت سجارة وراها سجارة وراها .... إلخ " بس بصراحة الأغاني دي منتشرة مثل النار في الهشيم لدرجة خلتني أفكر هوا أنا اللي صح ولا الناس اللي بتغني الأغاني دي ؟يا ريت ردود و بلاش تنفيض دا أول موضوع ليا بعيدا ً عن الدراسة |
هههه تعرف انى كنت هنفض والله هموت وانام ما علينا..بص انت اكيد مش غلط وانا سالت نفسي كتير _مرستش يوم ع بر :D_ الناس بتسمع الاغانى دى ازاى يعنى من انهى ودن الصراحه ملقتش جوااب ..ماعلينا هى اختلاف ازاواق وواقع غبى بيفرض نفسه..هتلاقى نفسك وانت ماشي فى الشارع اغانى اعجب من العجب شغاله والمهم ان اللى بيغنى شويه حثاله :d حلوه حثاله دى ..ألمهم كبر دماغك ياما هتشوف
شكرا ع الموضوع وليا عوده |
جزاك الله خيرا
|
هههههه والله هم يضحكم وهم يبكى صحيح يابنى دلوقتى الغلط هو الصح عشان كتر ....بقى موضه زى ما كل حاجه دلوقتى موضه بس ما تقلقش زى ما فى ناس كدة بتغنى للعنب والحمار والسجاير فى ناس لسه محترمه وانت صح ..على الاقل لحد دلوقتى ....والله اعلم ايه الموضه اللى ممكن تطلع بعد كدة عموما خليك زى ما انت وما تتغيرش ومتتاثرش بالحجات الغريبه اللى بقت تحصل حوالينا |
دايما الاغانى من النوع دى بيشغلها سواقين الميكوباص
مره كان سواق ميكروباص مشغل اغنيه اجنبيه ....بس انا متأكده انه مش فاهم ولا كلمه .... |
اقتباس:
ألف شكر ع المرور و بالنسبة للعودة تشرفي ف أي وقت:D |
اقتباس:
نقوله تاني الأغاني دي وحشة و لا أنا اللي مش بافهم فيها ؟ و شكرا ً علي المرور و الرد اقتباس:
و أكيد لسه في ناس محترمه بس غير المحترمين هما اللي بيظهروا يعني أنا ممكن أحكي لواحد شفت فلان عمل حاجة شنيعة و كذا " عمل حاجة مش محترمه " لأن اللي عمله ده غير عادي بس مش هاقول فلان عمل كذا و كذا " أنه عمل حاجه محترمه " لأن ده العادي حكاية التأثر بقي أنا مؤمن بقول أحد علماء العرب ( القدام طبعا ً ) في الموضوع ده " رأيي صواب يحتمل الخطأ و رأي غيري خطأ يحتمل الصواب " و ألف شكر ع المرور و الرد |
أظاهر أنت اللي صح بس أحنا في زمن واقف علي دماغه فبتحس أنك غلط
يارب تفضل زي ما أنت |
اقتباس:
أما حكاية الأجنبي دي صعبه شويه .... لأ صعبه خالص و كتير من سواقين الميكروباصات قلالات الزوق يعني كان عندي تمرين يوم جمعه قبل الصلاه و التاني مشغل أغاني و لما واحد قال شغل قرآن راح السواق قال لو مش عاجبك إنزل و أنا مش مغير |
هههههه والله هو ده الشعب المصرى اتجنن رسميا بعد ما طلع شعبان عبد الرحيم:mad::mad: وواحد بيجر واحد انا ذات نفسي مش فاهمة ايه لازمة الكلام العبيط اللى واحد بيسمعه ده:mad: على الاقل الهنادوة كلامهم مفهوم اهو يمكن كل واحد عاوز يشغل باله باى حاجة تافهة وخلاص ربنا يهدى:( |
اقتباس:
أما حكاية الأجنبي دي صعبه شويه .... لأ صعبه خالص و كتير من سواقين الميكروباصات قلالات الزوق يعني كان عندي تمرين يوم جمعه قبل الصلاه و التاني مشغل أغاني و لما واحد قال شغل قرآن راح السواق قال لو مش عاجبك إنزل و أنا مش مغير ألف شكر علي المرور و الرد |
السفاش مبروك
|
مشكووووووووووووووووووووووووور على الموضوع
|
اقتباس:
و شكرا ً ع التشجيع اقتباس:
لكن دول هههههههههههههههههههه قال دخل الخماره قال شكرا ً علي الرد |
اقتباس:
اقتباس:
|
شكرا ً لكل شخص رد و كل شخص هايرد و رجاء خاص لو في حد بيحب الأغاني الشعبيه يقول بيحبها ليه يمكن يفتح عينيا علي حاجه ما كنتش شايفها
سلام |
فعلا والله الاغانى دى انتشرت اوى
بس والله حرااام اللى بيعملوا ده اغانى ملهاش اى هدف ولا ليها اى معنى انت صح ومتتاثرش بحد دلوقتى بقى اى واحد يغنيله اغنيه او اتنين يبقى خلاص مغنى ربنا يهدى وشكرا على طرحك الموضوع |
اقتباس:
يعني ولا كلمات ولا صوت أنا مش عارف بيسمعوها علي إيه ألف شكر ع المرور و الرد |
مفروض والله لازم كل واحد بيغنى اغنيه او واحده يبقى عارف ايه معناها
يوصل بيها رساله معينه بس للاسف ده مش بيحصل غير قليل الا من رحم ربى دلوقتى بقى معظم الاغانى اغراء وبس هى دى الاغانى اللى بتنجح |
اقتباس:
هو ده اللي ماشي أغاني تتشاف بس و ما تتسمعش |
اقتباس:
بلاش قرف احنا فى زمن مايعلم بيه الا ربنا يارب نخرج مالدنيا دية على خير بقى ونخلص |
؟؟؟؟؟؟؟؟؟؟؟؟؟؟؟؟؟؟؟؟؟
|
اقتباس:
|
اقتباس:
شكرا ع المرور و الرد |
بيتهيألى إن السؤال الأصح هنه هل الأغانى دى أصلاً حرام ولا حلال الأغانى بجميع أنوعها مش الشعبى بس ؟!؟! |
اقتباس:
|
اكيد اخوك بيسمع ناس غريبه من اللي بسمعهم في الميكروباص
ويمكن تلاقي احلى شريط دلوقتي عنده (ضربة معلم ) لعبد الباسط حموده وتلاقيه كمان بيدور على العبد والشيطان الجزء التالت وبيستلذ وهو بيسمع اغنية البانجو مش بتاعي والبانجو بتاعي |
اقتباس:
و التحجيم جه من عند مدرس في مدرستنا قال علي حديث عن الرسول معناه أن اللي يسمع مغنيه ( واحده ست يعني ) صب في أذنه الآنك ( رصاص منصهر ) و لا خلاف علي أن الأغاني كلها حرام بس أنا كتبت الموضوع لما لفت نظري إنتشار الأغاني الشعبيه دي بس يا عم بس أنا عندي سؤال هوا أنت محمد السادات ؟ أصل دي الصورة الرمزيه و التوقيع بتاعه |
اقتباس:
بس أصل دلوقتي للأسف الكمبيوتر كان فيه حاجة في ال power supply ( الجهاز اللي بيوزع الكهربة علي الحجات اللي ف الكيسه ) و قطع نص في نص الشغل أكتر من مرة فالهارد إتلغي كل اللي عليه ( بما فيها الأغاني بتاعته و ده اللي هون عليا الحكايه ) بس هو مش هايغلب و أنا بادعي ربنا أنه مايشوفش الموضوع دهعلشان مايعرفش أن في جزء تالت للعبد و الشيطان شكرا ً يا برنس ع المرور:D |
اقتباس:
ألف شكر ع الدفاع أصلي كنت نايم و مش حاسس و شكر تاني علشان رجعتي للموضوع زي ما قلتي ( ما كانوش كلمتين تثبيت يعني ) |
اقتباس:
على فكره الأول يعنى أنا بسمع أغانى وتقريباً بشراهه ينى أنا أصلاً مش بعرف أقعد ولا اعمل أى حاجه حتى المذاكره من غير ما أسمع أغانى لكن فى الفتره الأخيره بقيت بحاول أبدلها بأناشيد وأدعيه دينيه على أد ما أقدر أما من ناحيه موضوعك أنا بكره الشعبى جداااً بس مش كله لأن أنا عادتى مليش مطرب مفضل بسمع الأغنيه الحلوه لأى شخص كان لكن اليومين دول فعلاً بقى فيه تلوس سمعى بسبب الأغنيه الشعبيه أنا بقيت بحس إن الأغانى بقت شغلانه اللى مش لاقى شغل :D آه نسيت أنا محمد السادات بس غيرت إسمى |
اقتباس:
شكرا ً ع العودة يا برنس و ألف مبروك ع الإسم الجديد |
هههههههههه والله الواحد بيضحك على نفسه اصلى مش بسمع اغانى اليومين دول الا شعبى بجد وربنا اصل انا قولت عاوزه اقلل من سماع الاغانى شويه فبقيت فى البيت مش بسمع كتير لكن اليومين دول صيف وافراح وكل اما اروح فرح الاقى الاغانى شعبه بس:D اصل الاغانى دى فى كل حته فى الشارع فى المحلات وفى المواصلات ده حته الاستاذ بتاع الدرس حاطط واحده بتقول ( متحشش وتولع والا احنا فى بنزينه);) يا رب ارحمنا برحمتك |
على فكره انت مش غلط
ولا هما كمان لان فى احيانا مش بنحب نسمع غير شعبى وشكرا على طرح الموضوع الجميل ده |
اقتباس:
وبقيت تلعب بوكر وبتشرب جوون ووكر |
انا بردو كنت كاتب موضوع قبل كدا عن الأغاني دي......بالنسبالي دي اسمها " اغنيات الموت البطئ" ...وشكرا علي الموضوع
|
يلا خلوها تلوث اغاني كمان استحملوا
يابروف يعني هي جت علي دي مامعظم حياتنا بقت
خضار علي فاكهة علي سمك (سلطة) يعني بس اللي مضايقني اكتر من الموضوع ده ان انا مثلا عن نفسي بحاول مش اسمع اغاني اصلا خالص بس تخيلوا لما اكون مجبرة اني اسمع اغاني وكمان من النوع العجيب ده ماهي بقت اجباري علينا كلنا نسمعها معلش خلوها علينا وان شاء الله ربنا يهديهم او.......... وميرسي جدا علي الموضوع لانه واقعي جدا |
اقتباس:
يمكن علشان الأغاني دي دوشة و صداع ؟ هيا مالهاش ميزة غير كده ( لو كانت دي ميزة ) كل فرح أو حنه يشتغل أنا و الله كنت رايح أجيب حاجة من الشارع عديت علي حنه أول مره كنت أسمع الشعبي من غير ما أتغاظ ! أصلي كان غايظني حاجة تاني .... الشباب اللي في الحنه اللي المفروض كانوا بيرقصوا ( شباب ولاد دا إحنا ف أسيوط ما حدش تفكيره يروح لبعيد بدل ما حد يطخه ) كانوا بيعملوا حركات غربية و الله أشبه بالتمارين الرياضية بس بسرعة و غباوة و أنا مش عارف ليه أول ما شفتهم إفتكرت عبدة الشيطان و النهارده ربنا يستر ...... أصلها حنة عمي و أنا مش هاحضرها ( عندي حصتين النهاردة مش ندالة يعني ) |
اقتباس:
بس اللي بيغني ....... واحد بيتكلم علي تفاصيل يومه بالغنا و واحد إسمه كريم نجيب عايز يدخل إستايل أمريكا في الغنا علينا ...... طب مش نقلد أمريكا في حاجة عدله ولا في الغنا و الرقص ؟ الموضوع نور لمرورك يا باشا اقتباس:
أنا م الأول ما كنتش مطمن من ناحيتك من ساعة ما عرفت العبد و الشيطان الجزء التالت و أحسن شريط كمان آه يا جاسوس مدسوس و يومه منحوس و هايطلع من راس الدبوس ( إيه رأيك في الشعوذة دي ؟ :) ) |
اقتباس:
شكرا ً علي الرد يا باشا |
اقتباس:
أنا حكاية عدم سماع الأغاني دي جت بظروفها من ساعة الإمتحانات و أنا بطلت ( طبعا ً في الإمتحانات كنت مزنوق زنقة سودة و ما كانش في وقت للأغاني فيه ده غير التقوي اللي الواحد بيبقي فيها أيام الإمتحانات ) و من ساعتها و أنا مش مقبل يعني و مش مدبر يعني لو جت أغنيه لوحدها أسمعها لو ما جتش ما أشغلش حاجة و المهم أن اللي بيسمع الأغاني دي ف الشارع ( ع الموبيل طبعا ً ) بينزل تحت بيتنا بالظبط و يشغل الأغاني و المهم أنهم أكبر مني بتلات أربع سنين يعني ما أعرفش أكلم واحد فيهم غير أني مش عايزهم يولفوا عليا و باكون مضطر أني أقفل الشبابيك في الحر ده علشان ما أسمعش شكرا ً ع المرور و الرد |
انا لا معاهم ولا معاكم
بس انا بحب ساعات اسمع اغاني شوية حسب المزاج وغالبا بتبقى اغاني حزينة وكمان الحتة اللي انا كاتبها دي طالعة في فيلم دبووووووور وطول عمري في المواجع مش عارف امتى راجع |
اقتباس:
أولا الحمد لله ربنا تاب عليا من سماع الأغاني من سنتين الأصل إن كلوا مينفعش تسمعوا أما بالنسبه لموضوعك أنا أسف في الكلمة: حضرتك عمله ليه؟ هتغير بيه حاجة بعد النقاش الطويل إنت في الأخر طارح قضية لا هتزود ولا هتنقص لإن الأغاني هي الأغاني و السيئات مبتتكتبش علي شعبي و مش شعبي و أنا أسف إنت غلطان إنك شاغل دماغك لو كنت إنت الليي غلطان هتستفيد ولو العكس هتستفيد؟ ال2 من وجهة نظري لايجب الفصل بينهم لأنهم في الوزر سواء إعتبرها مشاركة عابره من أخوك الصغير m.w وشكرا لموضوعك ومتزعلش مني :D:D:D:D:D:D |
بص هي معظمها اغاني وحشة وتافهة وماليها اي لازمة
وبيعملوها وهما سكرانين او نايمين بس ما يمنعش ان فيه اغاني منها كويسة(ههههههههههه) |
والله الموضوع ده منتشر جدا جدا و الصراحة انا معاك لان الاغاني ساعات بتكون اوفر اوي اوي
من كلمات و لحن و اداء و 70% الواحد مش بيكون فاهم هما بيقولوا ايه ده غير الكلمات كلمات اباحية و خارجة و اهو الناس بتسمع و ترقص سلا م يا باشا طولت عليك و بهديك اغنية البرتقال لسعد الصغير الي انا لسة مش سمعتها ههههههههههههههههههههههههههه سلام |
طبعا سماع الاغانى حرام اصلا
بجميع انواعها الا الاناشيد وبعدين بتسال تقول انا صحى انى مش بسمع اغانى شعبية ولا لا؟ بالزمة ده سؤال يساله مسلم اللى بيسمعوا الاغانى بيسمعوها وهما موقنين انها حرام هدانا الله واياكم والحمد لله الذى هدانا لهذا وما كان لنهتدى لولا ان هدنا الله متهايالى الموضوع مفروغ منه وجزاكم الله خيرا |
اقتباس:
إستفزك للدرجه دي طب قولي لا إله إلا الله و إستعيذيي بالله من الشيطان الرجيم |
اقتباس:
لا اله الا الله محمد رسول الله اعوذ بالله من الشيطان الرجيم مفيش حاجة حصلت بس اتنرفزت شوية من الموضوع حصل خير |
علي فكرة انا مدمن اغاني
و معظمها مش بيكون عربي بس اغاني مش هبلة في معظم الاحيان بيكون علشان اسمع اللغة و اعرف كلمات جديدة |
اقتباس:
فى ايه يا اخوة انتو مستنين ايه عشان تبطلوا سماع الاغانى ؟ |
| جميع الأوقات بتوقيت GMT +2. الساعة الآن 11:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.