|
رشح معنا أفضل كتاب خارجي للفيزياء
السلام عليكم ورحمة الله وبركاته في الحقيقة أنا عندي المثالي بس شايف أن أسئلته مش قد كده في النظري و مسائله معقدة!!!! يعني أسئلة النظري فيه السهل الممتنع و أسئلة المسائل فيه الصعب الممتنع مش عارف ليه يا ريت بقى تقولولي على كتاب كويس للأسئلة و المسائل والتطبيق في الفيزياء رجاء من الأعضاء: ياريت يكون فيه تفاعل من مدرسين المنتدى على ترشيح أفضل كتاب وأيضاً الأخوة أعضاء المنتدي من طلاب الصف الثالث في الأعوام السابقة وشكراً جزيلاً لكم على تعاونكم |
المثالى مسائلة مهمة جدا جدا جدا ولازم تتذاكر
اما النظرى فيه كناب الامتحان وهو تقريبا فيه معظم المسائل بتاعة المثالى برده لكن بعد اللى حصل لنا السنة اللي فاتت كل الصعب متوقع د نبض الامة 45.5 فيزياء |
طبعا اي شئ متوقع
بس انا ارشحلك وبكل قوة وبصرامة كتاب الوسام او الا متحان وعندك كمان الماسي بس شوف الوسام بجد المؤلف بتاعه هو اللي وضع اسئلة الاولمبياد وهو خبير في الوزارة احمد حسين 44 ونصف 98% صيدلة اسكندرية |
وانت طبعا قبل الكتاب الخارجي
لازم كتاب المدرسة وال100 سؤال اللي ورا جه منهم في 2008 والنماذج جه منها مسالة برضه ومذكرة استاذك طبعا وبعد كده فكر في كتاب خارجي تتسلى بيه ...... على فكرة اولمبياد الفيزيا 9 درجات بس في الامتحان بتاع2008 |
بسم الله ..... هقولك الكتب و ترتيبهم حسب الأهميــة بس الأفضل ان هم يبقى عندك كلهم
1- كتاب المدرسة و كتــاب المثــــــــــــالي 2- مذكرة الاستاذ 3- النماذج 4- الوسام مســائل .... مهم و فيــه كتاب المعلم شرح دا ابقى إقرأ منه الدرس قبل متذاكره لانه بيشرح كويس اوي بس إ‘قرأ منه عشان تفهم بس مش عشان تذاكر منــه 5-كتاب جميل في أسئلة النظري : المعلم 1200 سؤال أو الإمتحان بس المعلم في رأي أحسن 6- الماسي أسئلة (وفيه كمان الماسي مسائل بس متجبيهوش عشان متلغبطش نفسك) كــفاية كدا و متجبش كتب تانيه في الفترة دي أما في المراجعه : 1- المثالي مراجعة نهائية و الإمتحان مراجعه نهائية 2- المســائل يا إما تراجع الي انته حليته يا اما تجيب كتاب المعلم مسائل تحل منه في المراجعه ................ و قبل دا كله لازم الفيزياااااا تاخد فيها من أول السنه درسين واحد للنظري والمسـائل وواحد مسائل بس و مترفضش درس المسائل دا و تقول انك ماشي فيها و كويس ... لا درس المسائل بيخليك قوي جدا في المسائل وحتى لو انته كويس في المسائل خد درس مسائل انا قولتلك اهووو |
كتاب للتسليــة لا اكتر 100 في الميـــه بتاع الأسئلة
كتــاب مهم الى حد ما في المراجعه 100 في الميه إمتحانات |
ملخص المثالي جميل جدا ولا يعلى عليه في الشرح
وملخص الاول في المراجعة النهائية |
اقتباس:
دانا مش جبت غير بس المثالى والامتحان وكمان الامتحان ده مش حليت غير بعض الدروس ومجبتش حلجة ف المراجعة اصلا؟؟؟؟؟ ومكانش فيه مذكرة للاساذ ولا حاجة بس كنت بكتب وراه نظام محاضرة يعنى اه والنماذج وكتاب المدرسة دول اكيد ف اي مادة |
اقتباس:
براحه شويه علينا بالطريقه دى انا هشيل فيزيا السنه دى وحده وحده احنا لسه بنقول يا هادى |
المعلم.................
|
أنا أتعقدت............................................ .............
|
اتفضلوا هنا
http://www.thanwya.com/vb/showthread.php?t=65680 ان شاء تستفادوا وتلاقوا اجوبة اسئلتكم الحمد لله 47 فيزيا وكنت مقصر فيها 402.5 فى امان الله |
شكراً لكم جميعاً على مشاركتكم ونصائحكم
|
نشكركم جميعا على التعاون المثمر وربنا يوفق الجميع
|
كتاب الامتحان - كتاب 100% للأسئلة و حل المسائل
|
رايي المتواضع أن ترتيب الكتب الخارجية حسب الأولوية كما يلي :
1- المذاكرة : من مذكرة أو ملزمة الأستاذ الخاص ___________ ( إذا كان المدرس الخاص بتاعك شاطر في عمل الملازم و المذكرات ) . 2- حل المسائل و التدريبات : من كتاب الامتحان للمراجعة و التدريبات و بعده من كتاب الوسام للمسائل . 3- المراجعة و الأسئلة النظرية : من ملزمة الاستاذ ( إذا كان المدرس الخاص بتاعك شاطر في عمل الملازم و المذكرات ) أو من كتاب المعلم للمراجعة العامة و النهائية . 4- حل الاختبارات الدورية: من كتاب كشكول الأول للإمتحانات . و أرجوا الرد من الأساتذة الكرام لإبداء الرأي و الاستفادة ............. |
افضل كتاب هو الوسام اسئله ومسائل
|
مش عارف انا اتعقد
|
يا جماعة انا قلت قبل كدة كتاب 100% وكتاب الوسام مسائل وكتاب المدرسة ودليل التقويم
|
اقتباس:
دي ممكن تربكني مش تساعدني و بعدين أنا عندي 4 مواد تاني غير الفيزيا أجيب لهم كل ده برضو ؟ ده غير وقت الحصة لما يكون كل يوم حصه الواحد مش بيعرف هايذاكر اللي أخده في الحصة إمتي ده رأيي و رمضان مبارك |
نا هاقولك حاجة ايها النسر الذهبى انا قلت لك كتاب 100% ومش هتندم وهتقول احمد قال وخد منى النصيحة لانهم بيقولوا اسال مجرب ومش تنسى كتاب الوسام فى المسائل فقط و دليل التقويم وكتاب المدرسة وانا اشتغلت كدة وجبت والحمدلله 49 فى الفيزياء وعلشان تتاكد دة رقم الجلوس(575255) بتاعى وخد منى النصيحة والله مش هتندم والنجاح كلة من عند الله بس خد بالاسباب واشتغل كتير وكل سنة وانتم طيبون
|
اقتباس:
و أنا هاشوف كتاب 100 % إن شاء الله و بعدين أنت أكيد ما لكش مصلحه تضللني ( ما فيش بيني و بينك ثأر ولا دم ) بس أصل المدرس بتاعي ما عليهوش غير كلمه واحده لما حد يسأله عن الملخصات يقول دي الملخصات بتاعت السنه اللي فاتت ( فيها يعني نفس الأسئله ) و ما جاش منها حاجه ف الإمتحان ؟ طب يا عم دا كان إمتحان السنه اللي فاتت يعني ممكن يجي منهم السنة دي |
عايز تصدق تصدق بس والله زي مانا با قولك كدة عيب عليك انت وخد بالنصيحة والله هتلاقى كلامى صح مع ان الكتاب 100 % صغير بس منظم ومفيش حد بيبص لة لانة مش معروف قوى حتى من الممكن المدرس بتاعك كمان فاخد بالنصيحة وانت والله مش هاتندم وكل سنة وانت طيب وعقبالك ان شاء الله لما تجيب 50 فى الفيزياء
|
المثالى اخسن كتابليك
|
اقتباس:
يعني إنت هاتستفيد إيه لو أنا جبت أي حاجه ؟ لا هاتكسب لو أنا نجحت ...... و لا هاتخسر لو أنا سقطت و أنا و الله هاشوف الكتاب إن شاء الله و ألف ألف شكر ع الإهتمام و النصيحه |
لا والله يا غالى انا با حب الخير للكل وطبعا ازعل لو انت لا قدر الله حصل حاجة ويا ريت تاخد بالنصيحة وهتقول احمد حسن قالها سلاام
|
اقتباس:
بس أنا مصيبتي ف الفيزيا أنها أسرع ماده باخلصها و مع ذلك من أول السنه ما جبتش الدرجه النهائية ف إمتحانات الأستاذ و لا مره يمكن علشان قلة التركيز أو قلة التدريب و الحل ربنا يسهل و شكرا ً ليك يا عم أحمد أخوك مصطفي |
الامتحان والمثالى
|
أفضب كتاب مسائل هو: كتاب الامتحان
|
والمعلم برده
اختى مش كانت بتذاكر الا منه وجابت 48.5 ودخلت صيدلة الحمد لله |
انا افضل كتابى الاول والامتحان عن تجربة وادينى هاجرب معاكم السنادى اصل انا دخلت الامتحان ولقيته صعب ولقيت هاضيع فيه درجات ومدخلش طب او صيدلة فسبته للسنة الجاية يعنى انا ضيف معاكم السنادى وربنا يوفقنا كلنا ويهدى واضع الامتحان
|
الوسام والمثالى
|
انا معايا المثالى .................
يارب عدى السنةدي على خير |
اقتباس:
اان شايف ان هذا حل جميل |
كتاب المثالى رائع ومسائله مهمة وكتاب الأمتحان جميل أيضا والنظرى فيه أقوى من المثالى
|
الـــــــــــــــــمـــــــــــــثــــــــــــــــ الــــــــــى وبعدين 100%
من غير نقاش :) |
والله كل واحد على حسب المدرس بتاعة
|
انا اظن كده ان النماذج والوسام والامتحان اسئلتهم معقده بس ده المطلوب
بس الوسام كويس |
اقتباس:
|
ياعم المثالي والله اسئلته يعني مش قد كده انا كنت انتظر من المثالي مسائل اصعب يعني علي كل وحده ممكن تلاقي 3 او 4 مسائل يعني فيهم تفكير وباقي النسائل تعويض مباشر
|
يا جماعة بصراحة جدا كتاب الامتحان أحسن كتاب خارجي علي الاطلاق في الفيزياء والكيمياء مسائل وأسئلة أو مراجعة نهائية ... كتاب الامتحان لا يخرج عنه أي امتحان واللي يحل كتاب الامتحان يجيب 50 حتي في امتحان السنة اللي فاتت واللي مش مصدق يجرب
|
ازيك يا golden eagle انا abo yossef
|
| جميع الأوقات بتوقيت GMT +2. الساعة الآن 12:02 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.