موقف بطولى من نقابة بورسعيد بمقاطعة الإمتحان
 

اليوم ذهبت إلى المدرسة وفوجئت بمنشورات توزع على المدرسين من السيد /على الألفى نقيب المعلمين ببورسعيد . يدعوا فيها جموع المعلمين بمقاطعة إمتحان الكادر . وفوجئت أيضا بهذه المنشورات بجميع مدارس محافظة بورسعيد. ويدعو نقيب المعلمين أيضا إلى تنظيم إعتصام واضراب شامل فى حالة عدم رضوخ الزير لمطالب المعالمين . ورفع دعاوى قضائية عاجلة بعدم دستورية الإمتحانات.
علما بأن موقف النقابة العامة مخزى لكل معلمى مصر .فهل سيأتى التحرك من التقابات الفرعية بكل المحافظات
ما زال هناك وقت للتحرك
المهم إتحاد المعلمين على مقاطعة الكادر وعدم الذهاب للإمتحان

اخبارك يامنتدي العزيز زي الفل

با بارك الله فيكم وياريت كل معلمين مصر وكذلك كل نقابات معلمى الجمهورية يفعلوا مثل نقابة بورسعيد
فهل من مستجيب من السادة النقابيين
ا ابو صلاح الدين

نحن لن نكل ولن نمل من طلب اقالة وزير التعليم الذى يضحك علينا

نحن مع نقابة بور سعيد

على فكرة اناكنت فى المدرسة اليوم ولم اسمع عن اى منشورات توزع فموقف نقابة بورسعيد معروف مسبقا فلا تتفاءل ايها الزميل
فان كان هناك اعتصام واضراب فمتى يكون هذا الاضراب واين.............................
مش عاوزين دعاية لنقابة بورسعيد وخلاص
وكفاية سلبية النقيب

البيان صادر باسم نقابة المعلمين ببورسعيد و الفيوم معاً
و ان سمعته الأحد في برنامج الطبعة الأولى ، و قرأته اليوم الإثنين في صفحة 3 في الدستور
ووزعت نسخ من البيان على أكثر من 15 مدرسة
و أدعو الأساتذة إلى عدم الاكتفاء بانهم يعور بان ربنا يكون معانا لأنه فعلا معانا و انما ربنا بيدعيكم ان انتو تكونو معانا

ودى البدايه
يا جماعه زى ما بتعملوا لولادكم اعملوا لنفسكم
كل واحد ياخد الزمزمية والقلم الرصاص والاستيكة والبراية وما ينساش السندوتش دا مهم جداً بس للاسف مفيش فسحة

المهم ان كل واحد متجوز ياخد مراته فى يوم الامتحان عشان تجيب له ازازة حاجه ساقعه

طيب ايه لازمة القلم الرصاص : تغيير الاجابات بعد كده والا ايه ؟؟؟؟؟؟؟؟؟؟؟؟؟؟

محيط : صعد المعلمون أمس السبت ، من احتجاجاتهم علي الخضوع للاختبار في تطبيق المرحلة الثانية لكادر المعلمين.

ووصف المعلمون امتحانات الجمل بالمهانة وأعلنوا رفضهم لأسلوب المهانة الذي يتبعه الدكتور يسري الجمل وزير التربية والتعليم في الحديث عن المعلمين ومستوياتهم الثقافية والعلمية .

وطالب المعلمون الوزير باحترام المعلمين قبل مطالبته للتلاميذ باحترامهم باعتباره وزيراً للتربية قبل التعليم.

وذكرت جريدة "الوفد" أن المعلمين بدأوا جمع توقيعات في جميع محافظات الجمهورية لعقد جمعية عمومية لنقابتهم لسحب الثقة من مجلسها الحالي وانتخاب مجلس جديد خاصة بعد وفاة الدكتور مصطفي كمال حلمي نقيب المعلمين السابق.

ووصف المعلمون نقابتهم بأنها "تعمل بدون عقل" ولا تحافظ علي مصالحهم وتخضع لسيطرة مجموعة من أصحاب المصالح والباحثين عن فرصة للتقرب من السلطة.

وانتشرت دعوة بين المعلمين للقيام بوقفات احتجاجية في جميع المحافظات في وقت لاحق.

وعلي صعيد آخر ، أكد عادل عصمت منسق متابعة توصيات مؤتمر المعلمين الذي عقده حزب الوفد منذ أسبوعين ان الحزب مستمر في تلقي توكيلات المدرسين لرفع دعوي قضائية لإلغاء امتحانات الكادر والحفاظ علي كرامة المعلم.

وأكد المنسق أن معلمي الوفد سينظمون وقفة احتجاجية يوم 23 أغسطس الجاري ، في بورسعيد احتجاجاً علي امتحانات المعلمين وإهدار كرامتهم.

رجاله اوووووووووووووووووووووووي

يا اخى الفاضل القلم الرصاص لان الامتحان سيكون على ورقة اسكنر والتصحيح عن طريق الكمبيوتر الذى ياخذ اجابة واحدة فقط اما
لو اجابتين فسيلغى الاجابتين لذلك لابد ان يكون حلك بالقلم الرصاص لتتمكن من مسح الاجابة اذا أخطأت اما لو بالجاف فلن تتمكن
من مسحها فيلغى لك الكمبيوتر الاجابة فى حالة الشطب

أرجو التنبيه إلى أن الموقف بمقاطعة الامتحان من الأستاذ الألفي ( نقيب بورسعيد ) و الأستاذ سيد مخلوف ( نقيبنا في الفيوم ) ليس جديدا عليهم و انا نقابي من 121 سنه و عارف انهم رجالة و ياريت تتضامنو معانا و اللي عاوز يتواصل بهذا الشأن يبعتلي على الخاص

على فكرة حزب الوفد ببورسعيد هو صاحب الوقفة الاحتجاجية وليست نقابة المعلمين الذين يعملون من اجل المحافظة على كراسيهم واكيد صاحب الخبر من اعضاء مجلس الادارة
لذا وجب التنويه

للازم الكل يتحرك للمقاطعه لاننا بدون نقابه واطالب بسحب الثقه فورا لان دى مهزله بجد

ممطلوب محاكمه عاجله لوزير التعليم ورجال النقابه الخونه

هو حكاية القلم الرصاص إللى مزعله الناس دى إمتحانات على الطريقه الأمريكيه و تم تطبيقها عندهم فتره طويله و طريقة الإختبار دى معروفه عالميا و بتدرس فى كليات التربيه كأحد أنواع الإختبارات ، ومش هى دى القضيه أبدا
المشكله الحقيقيه فى ربط الإحتبارات بالكادر من جهه و من جهه أخرى عدم وجود حد أدنى للنجاح فى الإختبار
يعنى الوزاره هتقول عاوزين عشرين مدرس ينجح بس ، هيضبطوا درجة النجاح على قد العشرين مدرس فقط
يعنى ممكن درجة النجاح تكون من 80% مثلا و كله حسب الظروف و حسب ما ميزانية الدوله التعبانه هتسمح
إحنا فى كارثه حقيقيه و لابد من التحرك
غير إن إللى هينجح هيكون خاضع لقانون الكادر إللى فيه بعض البنود الغير واضحه تماما
يعنى البحر من أمامكم و العدو من ورائكم

لا مانع من الامتحان لأننا واثقون بأنفسنا وقدراتنا ولكن الطريقة مرفوضه وتلغى التقارير التى نحصل عليها ثانويا ,أضف إلى ذلك عدم التنويه عن هذه الاختبارات من قبل وربنا يحميك يا مصر من عقول لا تفهم

المشكلة مش فى الامتحان لانه ان شاء الله احنا خبرؤه وممكن نحلهه بما لدينا من كفاءات
ولكن المهم الموقف الذى يجب ان يتضامن فيه جميع معلمى مصر رفضا للمهانة التى يريدون ان يلحقوها بنا

المشكله صح مش في الامتحان
المشكله في قله القيمه اللي احنا فيها دي
والضحك علي الدقون والكل عاوز يستفيد من المدرس مش عارفين ازااااي
ملازم وسيديهات ودروس لاجل الكادر وفي الاخر لو شوفتوا حاجه ابقوا تعالوا قابلوني انشاء الله
الوزاره بايظه ومهازل ثانويه عامه وتسريبات ومحدش بياخد قرار تجاه المخربين
تفتكر ح تأثر فيهم حركه احتجاج ولا الكلام ده
استحاااااااااااااااااااااااااله
وراح ندخل الامتحان وراح تطلع خوازيق تانيه وانا وانتم والمنتدي يجمعناااااااااا

لماذا لم تتحرك نقابة بورسعيد من قبل رغم علمها بهذا الامتحان المشؤم منذ أكثر من عام ا لماذا الأن بعد رفض جميييييييييييع المعلمين لهذا الأختبار المهين
لماذا لم تتكلم قبل الجميع ......أليس هذا عملها

لازم الكل يقفوا يد واحدة وما يروحوش الامتحان
ولكن هتلاقي ناس كتثر هتروح الامتحان عشان خايفة على الفلوس
ما هو الفلوس الي بتيجي بالطريقة دي مش عاوزينها
وممكن تسقط وده احتمال بنسبة 70 في المية ومش هتاخد الفلوس برضه
وبعد ماتنجح برضه مش هتاخد الفلوس إلا بعد سنتين
ومين يعيش سنتين عشان ياخد فلوس الكادر
المقاطعة هي الكرامة

والله يا جماعه البورسعيديه دول رجالة ولو الموضوع ده إنتشر على أنحاء الجمهورية يمكن لأول مرة فى حياتنا وفى تاريخ مصر نعمل حاجة الشعب عاوزها مش الحكومة .

ادعو جميع المعلمين للقيام بوقفات احتجاجية في جميع المحافظات

سلام عليكم
مع اختلافي في بعض وجاهات النظر مع السيد نقيب المعلمين ببورسعيد إلا اني احيية على موقفه الصريح والخبر حقيقي مش دعايه وانا مع فكرة المقاطعة وارحب بيها بس ياريت نقدر نفهم لية التصريح دة خرج في الوقت الحالي وكان فين سيادتة من اول ما قالوا يا كادر ويا مرحلة ثانية ويا معلمين اطبعوا استمارات تسكين المرحلة التانية من اول شهر مايو الماضي ياريت نلااقي اجابة

zaftour
 

حسبى اللة ونعم الوكيل فى النقابة

هو ده الكلام الصح ..................................؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

دلو لو رجالة اصلا يقولو ا نسبة النجاح من كام لكن الناس دي بتلعب بينا يا حماعة لابد من حل سريع

بعد امتحان اليوم 25/8/2008 أمام لجنة كلية الهندسة ظهر مظهر غريب أوراق الامتحان لاتكفي المعلمين وتخصص اللغة العربية يدخل رياضيات وتخصص رياضيات في لجنة أخري يدخل دراسات والمعلم يطلب تغير الكراسة حسب التخصص يقول له هو الموجود عندي دراسات وعدد أخر كبير يظل بدون امتحان حتى يأتي مدير عام الإدارة لحل المشكلة وتم طلب أوراق لهم وبداء الامتحان الساعة الثانية بعد الظهر في هندسة المنصورة طلب للسيد وزير التربية والتعليم لبحث المشاكل والأهم
مادة التخصص حرام عليهم ليس له علاقة بالمرحلة الابتدائية إعدادي وثانوي حرام وألف حرام هذا الشخص من أنصار امتحانات الثانوية السابقة

النقابة وقفت ضد الكادر من اوله وخدت نصيبها واكتفت مش هنشوفوها تانى ابدا وان لله وان اليه لراجعون