|
(((___مشاكل طلاب الثانوية العامة___)))
السلام عليكم ورحمة الله وبركاته اولا ازيكم يا جماعة عاملين ايه؟ يارب تكونوا دايما بخير دلوقتى بأذن الله احنا داخلين على عام او اعوام دراسية جديدة بمعنى اصح المهم طبعا اى طالب فى الثانوية العامة بتقابله مشاكل دراسية كتير طوال السنة مثلا زى موضوع النوم فى شهر اربعة وخمسة المادة مثلا دى معلقة معاه فى حاجة المادة دى هربت من ايده مرة واحدة او مثلا مش عارف ازاى يذاكر المادة دى او المادة دى حاسس انه بطريقته دى مش هايعرف يقفلها وعاوز نصيحة فيها او بعد ما كان ماشى كويس وقف شوية او حصلتله ظروف عطلته اثناء دراسته وعاوز يرجع زى ماكان طبعا انا كنت طالب فى الثانوية العامة زيى زيكم وكانت بتحصلى مشاكل بتعترضنى وأكيد كان الى اكبر منى بيفيدنى المهم طبعا فيه ناس بدأت بالفعل الدروس والمذاكرة الى عنده اى مشكلة فى الثانوية العامة او عنده مشاكل دراسية معينة يتفضل يحطها هنا عشان اولا ممكن بسهولة تكون المشكلة عند واحد غيرك او تعترضه بعدين فبكدة يستفاد الجميع ويكون الموضوع لامم شوية مشاكل الثانوية العامة منتظر بأذن الله رد ميس رانيا حسن ومستنى ايضا اى مشكلة تعترضكم ونرجوا التعاون من الجميع حتى يتم تحقيق اكبر عون لجميع الطلبة بأذن الله فى امان الله |
بسم الله الرحمن الرحيم بجد موضوع جميل جداً , و فكره جميله اوي , أفادكم الله جزاك الله خيراً عليها :) و ربنا يوفق كل طلاب الثانويه العامه بس انا بقى من قبل ما أبدأ كده انا اصلاً المشكله دي معايا من سنه تانيه انا مش بعرف ازاي انظم وقتي يعني اليوم بيبقى ملخبط كده .. مش عارفه اذاكر ايه النهارده ولا راح اعمل ايه بكره :confused: في سنه تانيه كانت دروسي كلها في 3 ايام دلوقتي كل يوم درس .. فالوضع مختلف و ده مربكني اوي و مخليني مش عارفه انظم وقتي ولا انجز أي حاجه تفتكر اعمل ايه؟ لإن مذاكرتي مذاكرة واحد عايز يجيب 95% و آديني جبتها انا السنه دي عايزه مذاكرة واحد عايز يجيب 99% .. و تاني مره تسلم ايدك عالموضوع ده جزاك الله خيراً |
اقتباس:
انا ممكن اساعدك بعد اذن الدكتور سعيد الحمد لله انا لسه مخلص ثانوية عامة ودخلت الكلية انا نظامي طبعا في تانية كان متظبط على الاخر لكن في تالته الدروس زادت والوقت قل انا اقولك على الايام اللي مكنتش بروح فيها المدرسة ودي كتيررررررررررر جداااا ودي غالبا بتبقبى من بداية شهر 12 لحد نهاية السنة كنت اعمل ايه انا؟؟؟؟؟؟؟؟؟ انا كنت اقوم اصلي الفجر وكانت الساعة تبقى 5 على حسب وابدأ مذاكرة من الساعة 6 تقريبا شوفي كمية الوقت الكتير من الساعة 6 لحد الساعة 10 بليل وانام بدري طبعا يعني عندك 16 ساعة شيلي منهم وقت الاكل والصلاة والدروس حيطلعلك 10 ساعات وده في شهر زي 3 او 4 انما 5 و6 فال16 ساعة كلهم مذاكرة طب نيجي للأيام اللي فيها مدرسة؟؟؟ كنت اخلص مدرسة الساعة 12 او 1 ويبقى عندي درس الساعة 7 او 8 اقعد اذاكر واخلص الواجبات طبعا لأن المدرسين في تالته بيبقوا خنقة خصوصا احياء وفيزياء فمثلا نظامي كان كده يوم السبت عربي والاحد والاربعاء احياء والاتنين والخميس فيزياء والتلاتاء انجليزي نغض البصر شوية عن الاقتصاد والاحصاء لأنك غالبا مش حتاخديها طبعا رغم انها سهلة جداا كنت اعمل ايه؟ اذاكر عربي يوم التلاتاء ( لو كتير) والجمعة بليل وقبل الدرس يوم السبت الانجليزي يوم الجمعه او السبت واراجع قبل الدرس الاحياء اليومين بتوع الدرس كلهم في الايام بتاعت المدارس او نصهم لو مفيش زائد كمان وقت تاني اذاكر فيه وده غالبا كان بيبقى السبت والتلاتاء للأحياء لأنك صعب تذاكريها اول مرة قبل الدرس اما الفيزياء فاليومين بتوع الدرس برضه زائد وقت تاني بس الاحياء كانت بتاخد وقت اكتر بالنسبة لي عشان كده تلاقي فرق درجات واسع بين المادتين 49 ونصف و44 ونصف اعمل جدول مذاكرة؟؟؟ انا حعمل ايه بكره. اه واجب كذا ومراجعة ده وحفظ ده نظمي وقت الدروس وياريت تبقى الصبح بدري في شهر 3 للاخر يعني الساعة 9 او 10 وايام المدارس تبقى بعد المدرسة بساعتين تلاته كده عشان المادة اللي درسها بليل زي 8 و9 بتاخد اليوم كله واللي بتبقى 6 او 5 بتقطع اليوم من نصه اي استفسار الدكاترة موجودين |
اقتباس:
بس انا جدول دروسي غتت اووووي كلهم وقت العصاري من الساعه 3:5 و عندي يوم السبت أحياء و الأحد علم نفس و الإتنين فيزياء و الثلاثاء إنجليزي و الأربعاء عربي و الخميس فيزياء مافيش غير يوم الجمعه بس فاضي .. و انا طول عمري بيبقى عندي يوم في الأسبوع اخد راحه فيه من المذاكره و من كل هم طيب انا اذاكر كام ماده في اليوم؟ في الأيام اللي قبل المذاكره اللي بجد بقى و بالنسبه صحيح للمذاكره اللي بجد أبدأها من شهر كام .. انا في تانيه كنت بدأها من اول السنه مما أدى إلى اصابتي بملل فظيع قبل الإمتحان بشهور قليله و مش عايزه الغلطه دي تتكرر تاااااااني بإني يصيبني الملل فتنصحني باني ابدأ مذاكره بجد من شهر كام؟ و الأيام اللي قبلها اعمل فيها ايه؟ اذاكر ازاي انا اسفه اني بتعبك معايا بس ربنا يكرمك :) |
اقتباس:
خلي بالك من حاجة مثلا في تانية حصة الفرنساوي واحدة يعني اللي بتاخديه يوم التلاتاء تقعدي اسبوع تذاكرية انما الاحياء والفيزياء حصتين يعني اللي بتاخديه ممكن تمتحني عليه بعديها بيومين فلازم تركزي ومثلا الاحياء لازم تبقي حافظة كويس جداااااااا لانه مش حيبقى فيه وقت بعد كده والرسومات تتحفظ اول باول وبقية الكلام جوه الاقتباس |
اقتباس:
لإن المجموعه بتاعتنا زي مانت شايف .. مشغوله على آخرها يعني انا لازم احفظ الأحياء أول بأول .. ربنا يقدرنا .. انا كنت بعمل كده في الكيميا و جبت فيها 46.. آخرة تعبي كانت لوحدها بتاخد 4 ساعات مذاكره مني :( صحيح بالنسبه للفيزيا هو انا ينفع اذاكرها في اليوم اللي باخد فيه الدرس (الإتنين و الخميس) ؟؟ يعني مثلاً بعد لما اجي من الدرس آخد بريك ساعه او حاجه و بعدين اذاكر اللي المستر اداهولنا و اراجع عليه تاني يوم و احل أسئله ؟؟ ولا مذاكرش الماده دي في اليوم ده من أساسه؟؟ انا عارفه اني برخم بالأسئله الكتيره دي بس معلش انا بجد عايزه اجيب مجموع كبير لإن مجموعي في تانيه ده لا يسمن ولا يغني من جوع بالنسبه لعلمي علوم |
كنت عايزه اقولك كمان بلاش النت كتير عشان بيضيع الوقت جامد بس خليكى مع المنتدى ده بس خاصه المنتديات التعليميه فى الدراسه والمراجعات اخر السنه بتبقى حلوه اوى يعنى ممكن ايام الدراسه اما تدخلوا فيها جامد تبقى تدخلى كده مره فى الاسبوع شوفى ايه النظام
|
اقتباس:
وتراجعى عليه يوم تانى وتبتدى تحلى وربنا يوفقك |
اقتباس:
يساعد فى الموضوع على طول شكرا جزيلا لك يا احمد وجزاك الله خيرا فى امان الله |
اقتباس:
اولا هقولك حاجة مينفعش الاحياء يوم واحد طب ما انا المستر اللى كنت باخد معاه كان بيدينى 3 ساعات وكنا بناخد 6 حصص فى الشهر مش 4 وبردو متبقاش 8 زى الفيزيا عشان الوقت ميضعش 6 كويس ثانيا: الحفظ لوحده غلط كبير وقع فيه الكتير من الناس وكانت النتيجة 45-46-47 لكن اللى بيفهم ويحفظ فى نفس الوقت ميعتدتش على الحفظ بس مش هينقص اكتر من درجة باذن الله تعالى اللى نقصك فى الكيميا حاجتين انك مش حابها وحب المادة هو اللى يخليكى تتفوقى فيها وكمان انك مستصعبة فهمها فعمالة تحفظى وطبعا الحفظ لوحده مع مادة زى الكيميا بيتبخر لكن اللى حابب وفاهم المادة وحافظها بردو يجيب 49او 50 بصى اللى فات اة اللى حصل فى الكيميا استفيدى منه فى لاحياء يعنى لايلدغ المؤمن من جحر مرتين عايزاكى قعدى فى حصة الاحياء والفيزيا منصتة اوعى ترغى او تتكلمى مع حد لاء تفهمى كل حاجة واى حاجة مش فاهمها اسالى المستر ف ساعتها واى سؤال يخطر ع بالك اسالى الاساتذة هنا ع المنتدى واسالينا احنا تحت امرك فى الفيزيا بعد ما تفهمى كل فصل وتحفظيه حلى عليه اكبر قدر من الاسئلة ومتنسيش الاولمبياد وهى على المنتدى هنا باجوبتها فى الاحياء طبعا تابعى مع دكتور هشام واحضرى الغرف الصوتية وحلى امتحانات الدكتور وانتى تتضمنى ال 50 ان شاء الله وفى النهاية اتمنى لكى التوفيق والحصول على مجموع عالى و اى مشكلة تواجهيها احنا موجودين وكلنا اذان صاغية وهنساعدك على حلها |
بسم الله الرحمن الرحيم ساره مبروك يا قمر للمجموع العثل ده .. ماشاء الله .. الله اكبر مجموعك جميل :) و جزاك الله خيراً للنصيحه بس انا الكيميا كنت فاهماها اكتر مني حفظاها.. لإن الحفظ كنت بس بعتمد عليه في المعادلات انا يا بنتي لما رحت شفت ورقتي في التلظم كان المفروض اجيب 48.5 بس كانت غلطه في الجمع :confused: المهم يا بنتي انا غلطت في حاجات تافهه اوي و حليت الصعب و دي مشكله عندي يعني يوم لما الامتحان بييجي صعب احله و ده اللي حصل معايا في الرياضه لما الامتحان جه صعب قفلته لإني طول عمري بحل الحاجات المعقده بعد ما ادرب نفسي عالسهل بس الأحياء دي حفظ اكتر منها فهم انا اعرف كده لإنها حاجه واضحه يعني عمليه بتحدث في جسم الإنسان زي التنفس مثلاً دي حاجه نو واي انها تتغير انا فعلاً الأحياء حصه واحده و المستر بتاعي ده كان اخويا بياخد معاه و جاب 50 و برضو اخت زميلتي اللي كانت بتاخد معاه جابت 50 في الأحياء .. العبره مش بعدد الحصص انا داخله سنه تالته و مش عارفه مهزوزه اوي كده ليه .. و مش عندي نفس الحماس و الإراده اللي كانت عندي السنه اللي فاتت .. حاسه اني مش راح افتح كتاب .. مش عارفه ازاي اتغلب عالإحساس ده .. كل لما افكر ان فاضل بس 12 يوم و ابدأ دروس .. بحس ان فيه حاجه مضيقاني كده و عايزه انتحر قبلها !! بس هو ايه الغرفه الصوتيه دي .. و بتبقى الساعه كام ولا ايه نظامها :confused: معلهش اصلي اول مره اسمع عنها .. و أنا آسفه للإطاله و بجد شكراً لنصيحتك اوي اوي يا حبيبتي ربنا مايحرمنيش منك يا عسل |
اقتباس:
طيب هو في الشهور الآولانيه اللي لحد 12 دي راح اذاكرها كل يوم ازاي .. مهو مش بنكون خلصناها او كل يوم اخدنا حاجه |
اقتباس:
لا طبعا مش لازم تذاكري فيزياء كل يوم لأنها مادة عاااااااااااادية جداااااااااااا لو معاكي استاذ جااااامد الله يمسيك بالخير يا استاذ سيد |
اقتباس:
في امان الله |
اقتباس:
|
اقتباس:
طبعا الوراثة كلها مسائل حفظ dna كله عايز فهم وتخيل التكاثر والاحساس والتنفس فيه اسئلة فنية كتير محتاجه فهم ولو تشوفي موضوع د/سعيد في منتدى الاحياء تفهمي كويس |
اقتباس:
انا عارفه اني تعبتك معايا و ان شاء الله راح احاول اعمل اللي انت بتقول عليه انا خايفه اوي اصلي انقص في تالته و مش الحق لا ابيض ولا اسود ربنا يقدم ما فيه الخييييير نفسي اطمن بجد .. بس فعلاً قلقانه اوي من قبل ما ابتدي حاجه شكلي راح أبدأ من غير نفس[/CENTER] |
ان شاء الله يا بوسى اى حاجة تعلق معاكى الموضوع مفتوح بأذن الله والناس موجودة كتير والحمد لله يقدروا يساعدوكى بدئا من الاساتذة الى الطلبة الى زينا
ثانيا لما الدكتور هشام هايدخل ويظبط المواعيد بأذن الله هابعتلك مواعيد الحصص وازاى تدخلى وكدة وربنا يوفقك وخليكى مع الدكتور هشام بأذن الله وهاتضمنى الخمسين وانا مش بقولك ذاكرى الفيزيا كل يوم بس المفروض انك تذاكريها يوم ما تاخديها ويوم تانى للحل وصراحة انا فى اول السنة تعبت فيها كتير لانى كنت بحل فيها كتير والحمد لله جبت 98.2 وجبت فيها 47 وأى مشكله تعترضك احنا كلنا موجدين زى ما قولتلك طول السنة وربنا يوفقك فى امان الله |
جزاك الله خيرا د/ سعيد على هذا الموضوع المثمر
جعله الله فى ميزان حسناتك تم تثبيته لانه يستحق التثبيت |
اقتباس:
دايما حضرتك بتشجعينى انى اكمل للافضل وشكرا للتثبيت فى امان الله |
أنا بقى بصراحه خايفه جدا أنا علمى علوم (للأسف)
بصراحه خايفه جدا من الاحياء علشان أنا مش بحبها وعلشان محتاجه حفظ وانا بركه الحفظ انا جبت السنه الى فاتت الحمد لله 97% بس مش عارفه حاسه انى هقل اوى ربنا يستر |
اقتباس:
لعلاج الخوف استعينى بالله واعلمى ان لكل منا رزقه وسوف يناله بأذن الله خاصة وان ما عند الله لا ينال الا بطاعته اما الاحياء محتجاة حفظ زى المواد التنية بس لان الى بيدخلها علمى علوم فبيحفظها اكتر شوية لانه بيكون عاوز فيها ال50 عشان مجموعه يعلى جامد لو ركزتى مع الدكتور هشام من بداية السنة هاتعرفى انها بتعتمد كتير على الفهم والحفظ على فكرة من اساسيات الذكاء يعنى مثلا العالم هل سيكون عالم من مجرد تفكيره ولا بيكون عالم لانه عنده علم كبير وتجارب كثيرة واستنتاج وتحليل؟ ومجموعك ما شاء الله يؤهلك انك يكون عندك حافز كبير اما موضوع تقلى اعلمى ان ربنا مش بيضيع مجهود اى حد وان ربنا هايديكى على اد مجهودك وكل ما مجهودك يكون اعلى كل تقدرى تحصلى اكتر وتطمنى اكتر ولو اى مشكلة قابلتك موجودين بأذن الله ان كان ليا عمر فى امان الله |
موضوع رائع ما شاء الله يا دكاترة
بارك الله فيكم واى مساعدة فى اى حاجة انا معاكم بالتوفيق باذن الله |
ان شاء الله محتاجينك جامد لعلمى رياضة يا محمود:rolleyes: |
اقتباس:
تالته هيا الشغل كله ومحدش ضامن حاجه!!!!!!!!!!! يعني كل اللي فوق ال195 شبه متساويين يعني انا جايب في تانيه 201 ونصف في تالته جبت 195 ونصف والمجموع كله 402 فيه ناس كانت جايبه 204 وقلت جااااااامد لحد 399 وناس كانت جايبه 195 وجابت زيهم برضه ليه لأنهم ذاكروا بجد انا اعرف ان اللي عايز يعوض تانيه يبدأ الاول حامي وبعد كده يبرد انما لما نبدأ بردانين!!!!!!!! لازم كده تشدي حيلك وتفهمي كل كلمة بجد وتسألي على اي حاجة مش فاهماها وتسالي استاذتك كل حصة قبل الدرس وبعده يتبع |
اقتباس:
يعني ايه الأحياء كلها حفظ!!!!!!!!!!!!! وانت بتقول انك علمي رياضة وللأسف لو مستخسر مجموعك ممكن تحول عادي خااالص اللي يقول كده يبقى؟؟؟؟؟؟؟؟؟؟؟؟ ومفيش حاجة اسمها مش بحبها طب ما نتي بتاخديها من رابعة ابتدائي مقولتيش ليه من ساعتها ............. الاحياء كأي مادة محتاجه حفظ وفهم واستنتاج وتحليل وتطبيق يعني مش فهم زي الفيزياء(محتاجه حفظ برضه على فكرة وحفظ جامد) ولازي (علم النفس ابو الحفظ) فيها حاجات لازم تفهميها قبل ما تحفظيها زي مسائل الوراثة وdnaوالتكاثر والتنفس ومحتاجه ربط بين الأبواب وتدريب وحفظ رسومات ....... كله في تالته بيحس انه حيقل وبينسى تانيه خالص . في امان الله |
ااشكرا جدا ع الموضوع ده فعلا الكل
محتاجة انا عندى مشكلة انا كنت فى تانية مقطعة الدنيا مذاكرة وكنت مقفلة الانجليزى طول السنة مع المدرس و مع كده اقل مادة عندى هى الانجليزى هى22 و انا قلقانة مش عارفة اكمل علوم و الا رياضة انا جبت96% و كل المدرسين لما عرفوا مجموعى اضيقوا انا قلقانةمن سنة تالتة كتتتتتتتتتتير مش عارفة حتى انا غلط فى المذاكرة ازاى |
اقتباس:
|
اقتباس:
انا بحاول ارجع همتي على اد ما اقدر اهو و ربنا معايا بقى و مع المسلمين جميعاً انا وربي حابه الأحياء كتير و المواد كلها ماعدا ........ الفيزيا معرفش ليه فيه بيني و بينها حائل كده بكرهها اوي ليه |
اقتباس:
بعد كدة هاتبتدى تفهمى وتستنتجى وتشتغلى فيها كويس |
ياجماعة مجموعى بالظبط 96.8 يعنى تقريبا 97 فى المائة ينفع اكمل علمى علوم والحق طب اسنان ولا احول رياضة احسن اضمن الهندسة انا عايزة كل واحد يقول راية بصراحة وميقوليش كملى عشان يدينى امل انا عايزة الواقع وخاصة انى خايفة من نظام المستوى الرفيع الجديد وحسة انه صعب بجيب فيه 10 وهو دة الامل عشان نزيد وشكرااااااااا
|
اقتباس:
عاوزة ونيتك وحلمك انك تدخلى طب اسنان كملى والدافع كبير ان شاء الله عاوزة ونيتك وحلمك هندسة يبقى تدخلى علمى رياضة انما ادخل حاجة عشان اضمن مافيش حاجة اسمها اضمن والله اعرف ناس بجد كانت جايبه 95 وفى تالتة مالحقتشى فى علمى رياضة حتى حاسبات وملعومات اولا استخيرى ربنا ثانيا روحى شوفى دروس رياضة اتنين (بعد ما تصلى) وشوفى ايه الى حسيتى بصعوبة فيه لان دى علامات صلاة الاستخارة ثالثا تشوفى احلامك وامانيكى وربنا يوفقك فى امان الله |
زنا اصلا علمى علوم وميالة اكتر لطب اسنان عايزة اكمل بس بشرط يكون فى امل ولو فى امل فده بنسبة كام فى المائة عشان مبقاش بخاطر بمستقبلى وشكراا لرد حضرتك
|
اقتباس:
بصي انا يمكن اكتر واحد ممكن ينفعك في النجلش لاني جايب 49 ونص والحمد لله اهم حاجه في الانجليزي(حاجه غريبه) كتاب المدرسة عشان تضمني الكلمات (يعني شووز وقطعة وترجمه) لازم تقري النص بتاع الوحدات ومتسيبيش كلمة متعرفهاش وفي اخر الكتاب فيه حاجات كويسه جداا لازم تعرفيها كويس ........ النماذج لازم تتحل كلها ومتسيبيش كلمة متعرفهاش ....... نيجي للمصيبة الكبرى (الورك بوك) مفيش كلمة او سؤال في الورك بوك متبقيش عارفاه كل الامتحانا بتيجي منه ........ لازم تجيبي كتاب سربرايز مراجعه وتحليه كله ......... فيه كراسة 28 ورقه كده تحطي فيها كلمات جديدة ترجمه او ترجمات كاملة ليها علاقة باحداث جارية او حاجات متوقعة ......... لازم تبقي حافظة الشخصيات والاماكن ومواقف للديالوج ....... تحلي قطع كبيرة وتحرصي انك تفهمي كل قطعة كويس (بس اللي يزيد عن حده ينقلب ضده) ........ اخر حاجة القصة تتقرا من الكتاب وتشوفي الاسئلةبس الاجابات تبقى محفوظة شبه الكتاب وتحلي اسئلتها في الورك بوك وكده ......... يرجى استشارة المدرس قبل تناول المعلومات :D:D:D:D |
اقتباس:
انا لو منك اكمل علمي علوم و انا مغمضه يعني انا اقل منك و مكمله علمي علوم و عندي امل ان شاء الله و كنت محتاره زيك بس لما صليت استخاره مش حسيت اني مياله للرياضه بس انتِ صلي استخاره و حسب ما يطلع لك بقى :) و سيبك من حكاية المستوى الرفيع دي محلوله بإذن الله لإن احياء مستوى رفيع مش وحشه و ممكن تضمني فيها 10 بس المهم تحبيها و انتِ املك و حلمك طب اسنان يبقى كملي علوم و ان شاء الله ربنا يوفقك |
اقتباس:
|
اقتباس:
وربي اديتيني امل مع ان الكلام مش موجه ليا |
بالنسبة لطلبة الأحياء فيه كتاب الامتحان للاسئلة والمسائل والامتحانات وده 3 اجزاء جزء شرح( لو مذكرة استاذك تعبانه ومبتحبش كتاب المدرسة يبقى ذاكر منه ماعدا الرسومات) وجزءاسئلة جميل جداااااا من المدرسة والنماذج والامتحانات وجزء للاجابات |
بصراحة موضوع مفيد جدا جزاكم الله خيرا وربنا معانا وع كل الطلبة ان شاء الله اما انا بقى ليا مشكلة غلطة عمرى فى تانية الدروس مكنتش بلاقى وقت خالص وخاصة فى الشهور الاخارى كل مدرس يمسك لك حبل المشنقة ويشد على اعصابك وكل ما ترجع البيت تاكل لقمة وتنزل جرى للدرس التانى وهكذا... وانا مش عاوزة اكرر الغلطة دى اخدت السنة دى فى العربي والانجليزى والجيولوجيا كدة ممكن انظم الوقت بس المشكلة العلم النفس والفلسفة خايفة انى اهتم بالمواد التلاتة على حساب مادتين بخمسين مع العلم ان فى كثير بيقلولى انهم مادتين نضمنلهم الخمسين والسنة دى مينفعش اعديها زى السنة اللى فاتت كلها ضياع وقت بسبب الكارثة اللى اسمها دروس اعمل ايه؟؟:(:( |
اقتباس:
لان بصراحة لما كلمنا المدرس قلنا اعتمدوا على المذكرات بس حكاية كتاب خارجى دى مش موجود بمعنى اصح حل مع نفسك هو اكتر حاجة عنده الجرامير و خلانا داكترة فى يعنى ترشحلى كتاب خارجى اه؟؟؟؟؟؟؟؟؟؟؟؟؟؟؟؟ و كتاب الwork books ان مفيش فى حاجة مهمة اما كتاب الوزارة اعترف ان كنتمقصرة فى شويةان شاء الله هخد بالى السنة دى |
شكرا يا دكتور سارة انا ان شاء الله هكمل رياضة و ربنا يستر
|
اقتباس:
احب اقولك ان فى ايام الشرح اهم حاجة انك تقرأى الموضوع من كتاب المدرسة وتفهميه وامثلة كتاب المدرسة والworkbook كل المدرسين اجمعوا انه لازم يتحل بالنسبة للمراجعة لازم تحلى الدليل لان حاجات كتيرة منه بتيجي وتجيبى كتاب سيربرايز شرح وبعدين مراجعة نهائية وحلى بعدهم امتحانات ثانوية عامة هتحسى انك حافظة الجمل دى بالنسبة ليالى الامتحان انا راجعت المنهج وكنت عاوزة احل طبعا مش هينفع اراجع كتاب كامل انا جبت كتاب سيربرايز ليلة الامتحان ده اسمه كتيب صغير فيه اهم اسئلة الدليل ومراجعة سريعة ومهمه للمنهج والاهم انها معاها الاجابات ربنا يسهل ونقدر نواصل السنة دى |
شكرا وربنا يوفقك يا A.t.m
|
اقتباس:
|
للاسف يا A.t.mانا هكمل رياضة ان شاء الله
ان شاء الله تدخلى يا طب يا صيدلة باذن الله |
اقتباس:
وبالنسبة لدعوتك يا رب ادخل طب لان ده هوا حلمى |
السلام عليكم ورحمة الله وبركاته يا جماعة هو كتاب الإنجلش بتاع المدرسة مهم ؟؟؟؟؟؟؟؟؟؟ معقولة ؟؟؟؟؟ دا أنا عمري مفتحته ولا شفته أصلا لأني واخداها منازل بس الحمد لله جبت 24.5 ف الإنجلش كنت بذاكر من مذكرات المستر ومن كذا ملخص بس برضوا مش سربرايز تنصحوني السنادي أجيب سربرايز ولا أذاكر من أي ملخص وخلاص ولازم أفتح كتاب المدرسة؟؟؟ وبالنسبة للورك بوك أنا بحله مع المستر برضه هو والنماذج لأنهم فعلا مهمين ^_^ طب يا جماعة أعمل إيه عشان أتعود إني أذاكر كذا مادة ف اليوم الواحد لأن الموضوع ده عاملي مشكلة مبعرفش أذاكر غير ماده واحده بس ف اليوم وبصراحة موضوع تنظيم الوقت ده هو إللي وداني ف داهية ومش عايزة يحصل كده السنادي إن شاء الله ونفسي السنادي أذاكر ف اليوم أكتر من مادةعشان الكمية أكبر بكتير لكل المواد ياريت يا جماعة أي حد يقدر يساعدني يقولي أنظم الوقت إزاي أنا هكتب جدولي بالساعات وربنا يكرمكوا يارب السبت علم نفس الساعة 2.5 : 5 الأحد فيزيا 4.5 : 7 الأثنين أحياء 5 :8 الثلاثاء إنجلش محتارة أخليه من 2:5 ولا من 4 : 7 الأربعاء فاضي الخميس فيزيا 4.5 : 7 الجمعة أحياء من 10 : 12 + عربي من 4 : 7 بس طبعا بنزل قبل كل حصة بنص ساعة عشان التاكسي والزحمة ياريت معلش هتعبكوا أويييييييي معايا بس تقولولي أمشي نظامي إزاي عشان أنا ضايعة ف موضوع تنظيم الوقت ده وجزاكم الله كل خييييير |
اقتباس:
في امان الله |
اقتباس:
انتي مواعيد الفزياء كويسه تذاكري يوم الاربعاء فيزياء في النص التاني ويوم الخميس تذاكري احياء بعد ماترجعي من الفيزيا يوم الخميس تذاكري عربي الصبح الانجلش خليه من 5و2 احسن وبعديه تذاكري مثلا علم نفس الجمعه بعد العربي يبقى علم نفس الاحياء تتذاكر مثلا يوم السبت والاحد (شوية صغيرين) والاتنين قبل الدرس على حسب الكمية وتذاكري كمان يوم الجمعة الصبح قبل الدرس (تصحي بدري) عشان ساعات درس الاحياء بيبقى رزل ومحتاج حفظ كتير او تجرية ورسوم بس ساعات بيبقى شوية صغيرين فانتي ادري برضه |
شكرررررررررا جدااااااااا
وجزاك الله خييير الجزاء |
| جميع الأوقات بتوقيت GMT +2. الساعة الآن 09:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.