نقطة فى السؤال الثالث تمنع الحصول على النهاية فى السؤال
 

طب انا كتبت القانون فى الاول والمعادلة فى الاخر والمسألة صح تمشى ؟؟

وفى التركيز مكتبتش نص قانون فعل الكتلة أنقص ؟؟

معلش يا جماعة دى اصلا كانت فى نموذج الاجابة للعام السابق للكن بعد الاطلاع على نموذج الاجابة لهذا العام وجدت انه كتب فى نهاية المسالة اذا كتبها الطالب على خطوة واحدة ياخذ الدرجة كاملة
اكرر اسفى

تمشى لا تقلق ان شاء الله تاخذ الدرجة كاملة

كويس ان انت رديت يا hemaz17 لانى كنت انا هارد وانت قلت اللى انا كنت هاقوله وكنت هازود شوية ..اقدم لك احترامى وتقديري لانك تأسفت........رمضان كريم

طب انا عملت اول واحدة فى المصطلح كمية الكهرباء تمشى ولا لا وهل حل اخر فى المصطلح بيتصحح وباخد الدرجة ولا لا

سؤال . في سؤال التوصيل انا مكتبتش الجملة كاملة . لكن اخترت الرمز من كل عمود . هل كده هنقص . رجاء الرد

للأسف لن تأخذ الدرجة لأنه طلب الوحدة , فلو كنت كتبت كمية الكهربية بالكهربية كانت تمشي بإذن الله
ثانيا مفيش كلمة بتكتبها في كراسة الاجابة لا يتم تصحيحها
ثالثا مسموح بكتابة اجابات اخرى في اي سؤال ماعدا الاختيار من متعدد
لا تقلق بالتوفيق إن شاء الله لكل طلاب الثانوية العامة

لا تقلق إن شاء الله لو مختار صح هتعدي
ولكن كان يجب ان تكتب الجملة حرصا على راحة المصحح لكي يعطيك حقا كاملا وايضا حرصا على حق زملائك

لو انا كتبت في تجربة تنقية النحاس الرسم والخطوات وكل حاجة زي كتاب المدرسة لكن مكتبتش المعادلات مع انا شرحتها تفصيلا ولو انا كتبت في حالة الاس الهيدروجيني للماء يساوي 7 لان تركيز ايون الهيدروجين المسؤل عن الحامضية يساوي تركيز ايون الهيدروكسيل المسئول عن القاعدية يساوي 10 اس سالب 7 كده تمام ولا ايه

طب يا استاذ انا كتبت كمية الكهربية بالكولوم ... صح ام خطأ ؟

اولا : طلب منك كتابة تفاعلات الأكسدة والاختزال والمعادلات جزء من الشرح ولذلك فللأسف هتنقص نصف درجة فقط لا أكثر إن شاء الله
ثانيا : الاجابة تمام وكاملة ربنا يحميك ويبارك فيك ولو عندك اي مشكلة قوللي عليها
وبالتوفيق لجميع طلاب الثانوية العامة

صح إن شاء الله وهتعدي
سأفهمك ليه
لأن السؤال بيقول وحدة التيار الكهربي بالأمبير x وحدة الزمن بالثانية
فتبقى الاجابة وحدة كمية الكهربية بالكولوم
لا تقلق يا ابني احنا يهمنا مصلحتكم واي حاجة بتكتبها حتي لو خطأ فنحن نراعي ذلك ( إلا في حالة واحدة أسئلة الاختيار من متعدد لا نعطيك الدرجة إلا إذا كانت صحيحة فلو كانت خطأ لا تأخذ أي درجات , هذه هي التعليمات )

والله شكرا جدا جدا يامستر
ريحتنى دنا كنت زعلان لحسن تتطلع كمية الكهربية بالكولوم غلط ويارب يسهل عليكو التصحيح فى هذا الشهر المبارك

بارك الله فيك وجعلك من الاوائل والحاصلين على المراكز الأولى على مستوى الجمهورية
للعلم نتيجة الثانوية العامة 2015 من المؤكد ستظهر عقب عيد الفطر المبارك واحتمال بسيط اوي ان تظهر قبله

يا مستر لوسمحت انا عملت تحويل مركب اليفاتى لاروماتى والعكس كدة
بنزين هنحوله لهكسان حلقى
وهكسان عادى هنحوله لبنزين
هتتحسب صح ولا ايه ؟؟؟؟

تحويل الأليفاتي إلى أروماتي صح
تحويل الأروماتي إلى أليفاتي خطأ للأسف

ليه حضرتك مش الهكسان الحلقى اليفاتى ؟

مفروض اليفاتي حلقي و مفروض تتحسب صح انا عملت الاتنين

انا آسف يا ابني
صحيح الهكسان الحلقي اليفاتي لكني رأيت الهكسان العادي
سامحني يا ابني من كثرة الضغوط والتصحيح
اجابتك صحيحة الخطأ من عندي رأيت الهكسان الحلقي هكسان عادي
بالتوفيق يا ابني

ولا يهم حضرتك عادى بس هى هتتحسب صح يعنى اصلها مش مكتوبة فى نموذج الاجابة ؟؟؟

اجابة صحيحة وتأخذ الدرجة كاملة
مكتوب في نموذج الاجابة يراعى الاجابات الصحيحة الاخرى

شكرا استاذي الفاضل لكن في كتاب المدرسة مفيش اي معادلات في تنقية النحاس

شكرا قوى يا مستر
ايوة صحيح فى التجربة بتاعة تنقية النحاس كتاب المدرسة مفهوش معادلات اكسدة الحديد والخارصين

يا أبنائي
المعادلات موجودة في كتاب الوزارة
ولكن موجودة داخل الشرح
وعامة إذا كتبت المعادلات بين الشرح دون كتابتها بشكلها المعروف
ستأخذ درجتك كاملة

انا كتبت المعادلة دي cuso4>cu++ +so4--

يعني تحلل محلول كبريتات النحاس الي ايونات النحاس وايونات كبريتيك

وكتبت الشرح عند الانود والكاثود


استاذ محمد فتحي ممكن حساب حضرتك علي الفيس بوك

الله ينور عليك
يعني كدة

محمدخالدفتحي
بعد اذن حضرتك
سؤال المقارنة انا كتبت الkp ثابت التأين للضغوط الجزيئية للغازات و هو حاصل ضرب ضغوط الجزيئية للنواتج على حاصل ضرب ضغوط المتفاعلات مرفوع كل منها لاس = عدد الجزيئات فى المعادلة
و ال kc
هو ثابت الاتزان للتفاعلات الانعكاسية و هو حاصل ضرب تركيو النواتج على حاصل ضرب تركيز المتفاعلات مرفوع كل منها لاس .....

كدا تمام ؟؟

طبعا تمام وعلى فكرة المقارنة عليها درجتان
وبإذن الله هتأخذ الدرجتين كاملتين
بيني وبينكم الامتحانات كلها السنة دي فيها تجاوزات كثيرة وخاصة في نماذج الاجابة ولذلك نحن نعوض ذلك في التصحيح

الله يطمن قلبك
الف شكر
بالنسبة لتنقية النحاس
انا كتبت الشرح تمام جدا الحمد لله و المعادلات كتبت تحلل كبريتات النحاس
و اكسدة النحاس و اختزال النحاس
و فى وسط الشرح كتبت هيحصل اكسدة للحديد و الخارصين
ايه رأى حضرتك ؟

بيني وبينكم الامتحانات كلها السنة دي فيها تجاوزات كثيرة وخاصة في نماذج الاجابة ولذلك نحن نعوض ذلك في التصحيح
-----------------
الجملة دى معاناها ايه ؟؟
الامتحانات فيها تكة صعوبة و نماذج الاجابة بتبالغ و لا انا فهمت غلط ؟|

معناها إن هناك الكثير من الأسئلة يتطرق الذهن عند الإجابة عنها إلى إجابات كثيرة وفي نموذج الاجابة الإجابة اللي عايزها واضع نموذج الاجابة فمثلا على سبيل المثال في الجيولوجيا كانت هناك أختلافات كثيرة بين المدرسين في التصحيح وأذكر منها أهمية الحرف ( س ) كان يشر بالسهم إلى مستوى الفالق وفي نموذج الاجابة قصد الفالق وطلب أهميته الاقتصادية وبعد مشاورات عديدة انتهي الأمر إلى اعتبار الاجابتين صحيحتين ومن ذلك كثيرا

كلامك مظبوط
لن تحاسب في هذا السؤال إلا على المعادلات فقط

مردتش عليا يا استاذنا
النسبة لتنقية النحاس
انا كتبت الشرح تمام جدا الحمد لله و المعادلات كتبت تحلل كبريتات النحاس
و اكسدة النحاس و اختزال النحاس
و فى وسط الشرح كتبت هيحصل اكسدة للحديد و الخارصين
ايه رأى حضرتك ؟

تمام يا ابني وهتأخذ درجة الشرح كاملة بإذن الله
عامة هحاول أتواصل معكم أكثر من ذلك ولا تقلق خير إن شاء الله
إن الله لا يضيع أجر من أحسن عملا

شكرا ليك جدا انك طمنتنا و شكرا على طولة بالك و اجابتك على الجميع
الله يكرمك يعنى من الاخر

العفو يا ابني تحت أمرك ما تريد
أنا على استعداد لإجابة أسئلتكم
المهم إن ربنا يوفقكم وتحصلوا على مجاميع عالية

أي حل يأخذ الدرجة كاملة ولا تتم المحاسبة على المعادلة

اجابة صحيحة وتأخذ الدرجة كاملة

معادلات فقط بشروط التفاعل

اجابة صحيحة ولكن الدرجة على المعادلات صحيحة أم لا

لا ان شاء الله صح وميرسى لرد حضرتك

استاذ محمد خال فتحي ممكن حساب حضرتك علي الفيس بوك

سيدى الفضل/
تحية طيبة لسيادتكم......
أتوجه اليكم بخالص الشكر والتقدير على ما تقدمونه فى هذا المنتدى العظيم من خدمة تعليمية ممتازة لأبنائنا الطلاب
من جميع المراحل التعيمية سواءا مدرسية أو جامعية.
ولى سؤال بسيط لسيادتكم فى امتحان الفيزياء هذا العام وهو:-

إبن أختى عمل بدل فى السؤال الرابع والخامس حيث كتب اجابة ثانيا فى الجزئية ( ب ) من السؤال الرابع ( أذكر ثلاث خصائص لأشعة الليزر...) ، كتب مكان أولا فى الجزئية (ب) من السؤال الخامس (أذكر ثلاث تطبيقات لللأشعة السنسة )
أى أنه بدل فى الإجابتين ........ فكيف سيكون تعامل السيد المصحح مع ذلك؟ ...... أرجو الرد السريع ولسيادتكم جزيل الشكر

الأستاذ الفاضل جمال
أوجه لحضرتك كافة الاحترام والتقدير
ونحن جميعا تحت أمر سيادتكم ومستعدين لإجابة أي أسئلة تريدون الإجابة عنها
بالنسبة لابن أخت حضرتك
هناك وضعين
إما أن يقدر المصحح ذلك ويكتب فوق كل إجابة موضعها الأصلي من الأسئلة
وهذا لن يكتشفه أحد ولو أنا مكانه أفعل ذلك لان عدم فعل ذلك ظلم للطالب فنحن بشر
الوضع الثاني : أن يكون المصحح متعصب تعصبا شديدا لما هو في نموذج الاجابة ويخصم درجات السؤالين وهذا نادر جدا لأن المدرسين يحاولون الوقوف بجانب الطلاب
لا تقلق بإذن الله ربنا هيجعل مصحح الورقة يفعل ما فيه مصلحة الطالب وشكرا

رجاء من مدرسي الكيمياء الافاضل الاجابه بصراحة
 

هوا كمية الكهرباء بالكولوم غلط ولا صح ؟؟