بدء التسجيل لترقيات المعلمين للعام 2015 / 2016- د.عبدالرحمن المنياوي
 

فتح باب التسجيل للمعلمين للتقدم لتدريبات الترقى للعام 2015/2016
 

فى إطار تنفيذ الإجراءات اللازمة لتقدم المعلمين للترقى على وظائف كادر المعلم فقد تم فتح باب التسجيل للساده المعلمين للتقدم لتدريبات الترقى للعام 2015/2016 على الموقع الالكترونى بداية من 12/7/2015 وحتى 31/8/2015 ، و يتقدم للتسجيل لتدريبات الترقى للعام 2015/2016 على وظائف المعلمين الشاغلون لوظائف كادر المعلم الذين قضوا خمس سنوات على الأقل فى الوظيفة الأدنى حتى 31/7/2010 م ، على أن يكون المتقدم للتسجيل على رأس العمل، ومستوفيا لشروط شغل الوظيفة المرقى إليها، و يتم تسجيل التقدم للترقى عن طريق جهة العمل .

http://academy.moe.gov.eg/

بارك الله فيك يا مستر علي هذا الخبر

انا تعيين شهر ٣ سنة 2011
حاصل على الماجستير .. وقمت بضم سنة الجيش..
فما هو موقفي..
وجزاك الله خيراً

جزاكم الله خيرا

لو حصلت على الماجستير بعد مارس 2011 تدخل ترقيات بإذن الله

انا حصلت علي درجة معلم 29/6/2011 قرار 244 محافظة المنيا
هل ينطبق علي شروط التقدم ؟ و شكرااااااا

لو معاكي ماجستير ينفع لو مش معاكي يبقى السنة الجاية

هو لازم يمر كام سنة على التعيين عشان الترقية من درجة لدرجة

انا تعيين 1-7-2011
وتم ضم مدة التعاقد فاصبح التعيين من 2009
هل الفترة دي تسمح بالترقية

يا جماعة شرط الترقي مرور 5 سنوات على الوظيفة الأدني .. يعني استبعد مدة معلم مساعد وابتدي احسب 5 سنوات من معلم .. لو انت معلم في 2011 تترقى معلم أول في 2016 .. إلا لو معاك ماجستير تترقى السنة دي

لو سمحت يا د. عبدالرحمن انا دلوقت درجة ثالثة بتاريخ 25/12/2009 بعد ضم سنة الجيش ولكن معلم لم تتغير عندي في الاستمارة وبقيت كما هي بتاريخ 14/2/2011 السؤال هنا ما الذي اضافته لي سنة الجيش وهل هو خطأ من احصاء الادارة ام ان هذا هو الصحيح؟

احنا تعيين 1/3/2011 وضمينا الخدمة بقى التعيين 1/3/2010 هل ينطبق علينا الكلام دة

ياجماعة اي ضم بيكون على تاريخ الدرجة وده مالوش دعوة بتاريخ اجتيازكم الكادر وترقيتكم على معلم .. انت معلم من ٢٠١١.. يبقى تترقى بعد ٥ سنين من معلم .. الضم بيضاف لفترة المعلم المساعد بتاعتك وتتحسبلك معاش واقدمية .. لكن الترقي مربوط بتاريخ معلم

جوزيت خيرا أيها الزميل المحترم

جزاك الله خيرا
انا تعيين 11 / 7 / 2011
وماجستير 12 / 2009

وبالفعل سويت بالماجستير وباخد حافز التميز الخاص بيه

يا تري ادخل ترقيات السنه دي ولا ايه !
وشكرا لحضرتك

سؤال محيرنى
 

احنا تعيين 1/3/2011 وضمينا الخدمة بقى التعيين 1/3/2010هل لنا التقدم للترقية

انا حاصل على معلم بتاريخ 1/3/2009 وصفحتى ما بتفتحش
اعمل ايه

****كتب/سعيد عايد
***
***في الوقت الذي لا يزال مصير المعلمون معلقا ما بين قانون الخدمة المدنية الجديد وأكذوبة "الكادر" كما بات يطلق علية نشطاء التعليم علي مواقع التواصل الاجتماعي.

وافق مجلس القضاء الاعلي في جلسته المهقودة في 6/7/2015 علي صرف مكافأة تشجيعية للعاملين بالمحاكم والنيابات علي اختلاف درجاتهم والمنتدبين والعاملين بمكافأة شاملة شهر علي الراتب الاساسي وخمس علاوات.

وذلك بحد أدني 400 جنيه علي ان يتم الخصم بتكاليفها بموازنة القضاء والنيابة العامه في السنه المالية 2015/2016
*
*
*

كل عيد وانتم طيبين. لن تنالوا الا ما كتبه الله لكم واصبروا ان الله مع الصابرين.

إزاي 1/3/2009 .. حضرتك قرار كام وكنت معلم مساعد امتى ؟؟

عموما الصفحة مش هتفتح عندك دي هتفتح لمسئول الحكومة الالكترونية في المدرسة عشان يدخلك ترقية

كل من أمضى 5 سنوات من معلم اسمه هينزل مباشرة في موقع الاكاديمية وهيكون مفتوح قدام مسئول الحكومة الالكترونية بالمدرسة

للأسف كثير من المديريات الآن لا تعترف بسنتين المعلم المساعد فبكده بيعتبروا انك لو مش معاكي حكم قضائي بالضم يبقى الماجستير قبل الخدمة ولا يستحق التخفيض .. عموما لو مدخلتيش ترقية دلوقت ارفعي قضية وضمي المدة .. وهتستفيدي بالماجستير فغي الترقية القادمة من معلم أول لمعلم أول أ

مسئول الاحصاء يعاملك معاملة قانون الوظيفة المدنية ونحن نتعامل معاملة القانون 155 .. شوف يا أخي هذا الجدال بين الموظفين في الإدارات والمديريات لن ينتهي أبدا معك وهو جدال عقيم لا اقناع فيه .. المهم هو مالهوش فيه .. المدة البينية للترقية على الكادر هي 5 سنوات من معلم وهذا الأمر حسمته الاكاديمية في هذه المرحلة من الترقيات ..

انت معلم في 2011 تترقى في 2016 ولا بتاع الاحصاء ليه فيه ولا حد يقدر يكلمك مادام الاكاديمية قالت كده ..

بالنسبة لأي سنة تضم فهي تضم لسنوات المعلم المساعد وهي بالتالي لاتخدمك في الترقية .. الحالة الوحيدة التي تخدم الترقية هي حالة الحصول على الماجستير او الدكتوراة ..

انا تعين26/6/2011 القرار244 برضة وقد م ضم مدة الخدمة العامة واصبحت على الدرجة بتاريخ26/6/2010 يعنى نفس الحالة اللى حضرتك بتكلم عنهاهل هذا الكلام صحيح احنا ملناش فى ترقيات هذا العام

يا جماعة انا تدربت في 6/2014 كي اترقى معلم خبير والى الان لم نتترق

انا تعيين 1-5-2002 تعينات مسابقة الاوائل فى كفر الشيخ و بسبب الكادر تأخرت ترقياتى حيث اننى الاو وبعد 13 سنة فى التربية و التعليم ما زلت معلم أول فقط \\منذ 2012 كنت من ترقيات المرحلة الاولى فى الكادر أخبرونا اننا سيكون لنا أقدمية سنتان على الدرجة و لكن الان ينكروا أى صلة لهم بهذا الكلام و بيقولوا لازم تقضى 5 سنوات على الدرجة فما الوضع أفيدونى بالله عليكم

الأقدمية فقط لحملة الماجستير والدكتوراة .. يجب الانتظار حتى 2017

خطأ ام استغفال لمعلمى اسيوط الجدد اصحاب القرار؟؟!!!!53
 

السلام عليكم عندى استفسار بخصوص الترقية حيث اننى حاصل على الدرجة الاولى 1/7/2010 وحصلت على الكادر فى 2011 بوظيفة معلم اول ا وقد امضيت اكثر من 5 سنوات على الدرجة الثانية حتى 31/7/2010 فهل يحق لى التقدم للترقية وفقا لهذا الاعلان ام انتظر حتى العام القادم 2016

فى إطار تنفيذ الإجراءات اللازمة لتقدم المعلمين للترقى على وظائف كادر المعلم فقد تم فتح باب التسجيل للساده المعلمين للتقدم لتدريبات الترقى للعام 2015/2016 على الموقع الالكترونى بداية من 12/7/2015 وحتى 31/8/2015 ، و يتقدم للتسجيل لتدريبات الترقى للعام 2015/2016 على وظائف المعلمين الشاغلون لوظائف كادر المعلم الذين قضوا خمس سنوات على الأقل فى الوظيفة الأدنى حتى 31/7/2010 م ، على أن يكون المتقدم للتسجيل على رأس العمل، ومستوفيا لشروط شغل الوظيفة المرقى إليها، و يتم تسجيل التقدم للترقى عن طريق جهة العمل

تنتظر للعام القادم لأن الترقية تشترط المكوث 5 سنوات على الوظيفة الأدنى وهي معلم أول أ .. وليس على الدرجة

العبرة أخي المحترم بالقرار الوزاري للترقية على معلم احصل على نسخة منه واعرف التاريخ المرقى عليه وساعتها نقلب لك الدنيا لو لك حق

مشكووووووور

تسجيل متابعة

أي استفسار للإخوة الزملاء تحت أمركم

حاليا انا معلم اول
و لكن لما احصل على مؤهل تربوى هل يحق لى
الترقى ؟
.....
كما اننى فى اجازه دراسيه تنتهى شهر مارس القادم فهل اعتبر على قوه العمل ام لا ؟

المهم فى موضوع الترقية تاريخ القرار بتاع الدرجة ولا تاريخ السريان ارجو الرد وشكرا


المهم في الترقية هو تاريخ قرار الحصول على معلم بعد اجتياز الكادر .. الموضوع لم يعد مرتبطا بالدرجة المالية

لو سمحتم يا جماعة في حد قدم في الترقية من معلم الي معلم اول ياريت يقول عمل ايه

السلام عليكم

بعد اذنك
*اول شهر بعد التعيين قبضت 900 يعنى مرتبى أقل من مرتب معلم مساعد
ده عادى مع العلم ان فى بعض الزملاء بيقبضوا فى نفس الادارة 1000 وتعيين جديد بنفس تاريخى


*فى الادارة قالوا ان مرتبى كدة عشان مخدش الكادر ؟ فالكادر بيضاف أمتى وبياخد سنين زى ما قالوا ؟

* والترقية من معلم لمعلم اول بتتحسب من تاريخ التعيين وله من تاريخ الحصول على الكادر المنتظر

واللى فهمتوا من خلال كلام الزملاء ان حكاية الضم دى مش ذات اهمية فممكن رأى حضرتك فى ضم مدة معلم مساعد
وبالنسبة لضم مدة العمل الخاص انا ضميته كتأمينات على المعاش من خلال طلب ففى اجراءات تانية وله كدة المدة التأمنية اضمت بالفعل ؟

بس بخصوص مدة الترقية من خلال الواقع فى بعض الاشياء بتقول اننا بنتعامل بقانون الخدمة المدنية ادارى مثل الاجازة اربعة اشهر وكمان فصل اول طبيب رغم انهم عندهم كادر زينا بعد تطبيق القانون
يعنى المدة البينية وفق القانون ستكون 3 سنوات والله اعلى واعلم

وشكرا واسفة على الاطالة

مفيش حاجة اسمها انتي ما اخدتيش كادر فمرتبك قليل ..
انتي لما بتتعيني على القانون 155 بتاخدي بدل معلم ومرتبك يوصل 1100 جنيه .. أما لو اتعينتي على قانون 47 فانت بتاخدي حوافز 200 % ودي بتعوض نسبة بدل المعلم وبرضه مرتبك يوصل 1100 جنيه ..
لكن قد ترجع نقص المرتب الى انك استلمتي العمل بعد بداية الشهر يعني لم يتم سريان عملك الشهر كاملا .. يعني مثلا اشتغلتي 20 يوم بس الشهر ده ..

ضم المدة بيكون تأمينات ومعاش .. بالنسبة للترقية انت بتدخلي خلال سنتين من تعيينك للترقية على معلم وتدخلي الكادر ..

موضوع الترقية كل 3 سنوات دي لا تنطبق على المعلمين ..

شكرا لرد حضرتك
بس بعد اذنك عايزة اضيف انى استلمت العمل كمعلم21/5/2015 والمرتب اللى حصل فيه العجز من 1092 الى 900 هو مرتب شهر سبعه

الادارة قالت عشان احنا لسة مستنين فاكس من المديرية عشان تطبيق الكادر والمديرية مستنية المالية

معلش على الاطالة بس كنت عايزة اعرف ده طبيعى وله فى مشكلة عندى اقدر احلها

على كل حال جزاك الله كل خير على معلوماتك

هل تم ابلاغ المقبولين للترقية بموعد التدريب ..

السلام عليكم ورحمة الله
انا تاريخ الترقية 14-7-2011م وحاصل على الماجستير هل يحق لي التقدم؟

بارك الله فييييييييييييييييييييييييييييك