|
دعوه قضائيه بعدم دستورية امتحانات الكادر الخاص بالمعلمين
كتبت موضوع كبير عن دعوه قضائيه ضد السيد الوزير لكن الموضوع لم ينشر لانى عندما انتهيت منه قال عليك بتسجيل الدخول وانتهى ومختصره اننى اريد رفع دعوه قضائيه
بعدم دستوريه الامتحانات واهانة المعلم واحتاج عدد كبير من المعلمين لرفع الدعوه ومن لديه محامى من كبار المحامين يساعدنا لكتابة اسباب الدعوه بطريقه قانونيه |
الموصوتون 13 من قالوا نعم 12 ولا واحد فقط خلال 3 ساعات بعد كتابة الموضوع
بجد نرجوا التعليق ليه قلت لا ونرجوا المشاركه باراء الاخوه من حيث قانونية رفع تلك الدعوه |
لا لا لا
اننا منذ التعين وحتي الان لم نرقي نهائيا منذ 20 عاما
وهذه فرصتنا للترقيه ولن نتركها معلم علوم اعدادي دفعة 1989 ويكون معي معلم العاب دفعه 1991 اصبح ناظر علي هل يعقل هذا اسيوط |
لالا يجوز رفع الدعوة حيث أن هذا الأمتحان أختيارى وللحصول على مميزات أخرى دون المساس بالوضع الحالى لمب لا يرغب فى دخول الأمتحان
|
يجب توحيد الجهود و الدعوة لرفع دعوة قضائية بالتنسيق مع النقابات في كل مكان ( و الله الموفق )
|
إلى أخي الاستاذ / مجدي عبد العال
ماذا تفعل إذا تم تحويلك إلى إداري بسبب الرسوب في إختبار الكادر مرتين ؟ ( هل ستقوم برفع دعوة قضائية؟) |
hاين مرتضى منصور هو المفتى فى ذالك
|
اقتباس:
واذا رسبت فى الامتحان هل نقول انك درست الى 20 دفعه من الطلاب وانت راسب هل يحق ان يفعل الوزير بنا ذلك ولماذا لا يختبر الوزير نفسه الغير تربوى والله لو اعطى الوزير اختبار تربوى تافه لفشل فى ورسب |
المصوتون حتى الان 35 بعد 4 ساعات من كتابة الموضوع 32 قالوا نعم و3 قالوا لا وبعض من قالوا لا وضعوا ارائهم وقال بعضهم ان الامر غير قانونى
نرجوا التحرك الفعال المحترم نحو القضاء |
pحسبنا الله ونعم الوكيل
هل الوزارات الاخري كده والا احنا اولاد ............. كل جاجه دي الوقت ده كدة ( الضرائب و الدكاترة و ...............) |
اولا السلام علكيم
اخواني الافاضل نحن نضع الموضوع في حجم اكبر من حجمه ماذا لو اردت الحصول علي اي شهادة مثلا ICDL & Intel & Toffel هل تدحل امتحان ام لا ماذا لو اردت السفر الي الخارج لاي دولة عربية هل تؤدي الاختابر ام لا واصلا انت لما حصلت علي درجة مدرس كنت امتحانت ولا لا الموضوع بسيط جدا انت تخاف من الرسوب لا تدخل الاختبار وانتهي الموضوع بالنسبة لك |
لاالاخ مشرف إداري القسم التعليمى
اولا المشكله مش انى ارسب او انجح المشكله فى المبدأ وعلى فكره انا من اشد المعجبين بالاختبار لاكن اختبرنى فى مادتى ومتختبرنيش فى ماده معرفش عنها اى حاجه من 15 سنه مثل العربى ثم ان الاداره التعليميه عودتنا على نظام معين من 15 سنه او اكتر تيجى انت مره واحده تغير دا وفى حاجه تانيه لو ان الاختبار معمول عشان تقويه مستوى المعلم كل المعلمين بجانبك لاكنه معمول عشان يقلل عدد المستفدين من فلوس الكادر بدليل انا كمدرس لو رسبت فى الاختبار المفروض انى لا يحق لى الوقوف امام الطلاب وتقديم العلم من مبدأ فاقد الشئ لا يعطيه لاكن كل اللى هيحصل انى هحرم من الكادر فقط وهستمر فى التدريس اللى المفروض انى لا اصلح له لانى راسب صح ولا انا على خطأ |
عايزين ترفعو دعوى روحوا النقابات و وقعوا على مذكرة بطلب تفويض النقابة لرفع دعوى
|
السلام عليكم ورحمة الله وبركاته اسمحولى يا جماعة اقول رأي رغم اني مش مدرسة اولا يستحسن ما تقفوش فى وش رياح التغيير لان مفيش حاجة هتثنيهم عن خططهم ثانيا انتم ليه معتبرين الاختبارات ديه اهانه ليكم او ان التعليم بيقف عند مرحلة معينة ما دكاترة الجامعة طول عمرهم يذاكروا ويمتحنوا والنتايج بتطلع ادام الطلبة وعادى جدا .. فبلاش حساسية ثالثا نية الوزارة لسه مااتضحتش الي الان فلو جت الامتحانات تعجيزية يبقى خلاص عرفنا انهم بيتملصوا من وعدهم بزيادة رواتبكم ومن حقكم الاعتراض والتظاهر والاعتصام عن التدريس كمان اما لو جت امتحانات عادية فيبقي مفيش داعي للمشاكل اما عن نظام الكادر ده فانا شايفة انهم لازم يعيدوا صياغته لانه مش منطقى يعني هم عايزين يعاملوكم زي دكاترة الجامعة بيحصلوا علي تريقتهم بعد امتحانات وشهادات يحصلوا عليها يعني المعيد لما بياخد ماجستير بيترقي بيبقى مدرس مساعد انتم بعد ما تذاكروا وتمتحنوا هتبقوا ايه ؟ ايه معلم اول ومعلم خبير ده ؟! ولا ايه الشهادة اللي هتحصلوا عليها ديه اسمها ايه ؟ شهادة الكادر ؟! وبعدين الموضوع مالوش علاقة بالسنين انت وشطارتك بقى .. قدرت تاخد الماجستير في سنتين ودكتوراة في تلاته هتبقى دكتور بعد خمس سنين .. لكن انتم لازالت ترقيتكم مرتبطة بالسنين .. طيب يبقى لازمتها ايه الامتحانات .. ماهو لامتحانات لسنين وبعدين طالما القصة كدا يبقوا طالبوا بالمساواه الكاملة بدكاترة الجامعة ويبقى مرتبكم زيهم واهو كلكم مدرسين ولا هي امتحانات وتعب قلب علي ملاليم واخيرا بصوا للجانب المضيء ان الامتحانات ديه جمعتكم كدا وهتعمل ريفرش لمعلوماتكم وتخليكم تتنافسوا وترتقوا وماتبصوش لكلام الحاقدين .. زي مافي ناس فرحانه فيكم في ناس متعاطفة معاكم وبتأيدكم . |
الحقيقة الأعتراض على امتحان الكادر لأنه مربوط بالأمور المادية
|
اقتباس:
القضيه فى فكرة الامتحان نفسها المرتبطه بتحسين احوال المعلم حتى يتسنى له تهيئه الجو المناسب للعمليه التعليميه فهل من يرسب يحول عمل ادارى |
اقتباس:
|
اقتباس:
الكادر هو نظام مادى يحسن من دخل المعلم ولم يدخل كنظام للترقيه بعد وانا مع اى امتحان للترقيه وكلام الوزير فى المصرى اليوم يؤكد انها عملية تسكين للمعلمين وليست ترقيه وحتى تعرف ان الامور ارتجاليه وغير مدروسه انظر كم من التعديلات دخلت على نظام الكادر كان مجرد تحسين لاحوال المعلم الماديه والعلميه من خلال انشاء اكاديميه تحسن احواله العلميه ثم غير الامر الى عملية تسكين من خلال سنوات الخبره فقط ثم غير الامر الى تسكين من خلال سنوات الخبره والدرجه معا كل هذا تخبط ام لا وهناك امور اخرى غير مدروسه سوف تظهر لاحقا فمنذيومين قالوا تعقد الامتحانات على الوضع الحالى قبل نزول الدرجات 1-7-2008 وسوف يتم التعديل بعد اجراء امتحان من قبل الوزاره ويغير على الوضع الجديد اذا اجتاز الاختبار الاهرام 17-8-2008 ثم غير الوضع الى ان الامتحان يعقد وسوف يتم التعديل على الوضع الجديد المصرى اليوم 19 -8-2008 اليس كل هذا تخبط بالقرارات وسخريه من المعلمين الخطه ليست مكتمله وموضوعه للتجريب ويحكمها عوامل كثيره تختلف عن قرار السيد رئيس الجمهوريه وما تكفل به لصالح المعلمين السيد المشرف لا نخاف من الامتحانات والرسوب لكن المبدأ وفكرة التعجيز |
اقتباس:
افضل شئ عندهم السلع المعمره والمصايف كفايه عليهم |
اقتباس:
لن نقف فى وجه التغيير لانهم شيفين احسن مننا الى نعرفه افضل من الى منعرفوش شكرا على طريقة كلامك وناس فرحانه فيكم وناس بتايدكم ومش كل المدرسين اباطرة دروس خصوصيه |
العدد وصل 79 بعد 8 ساعات من كتابة الموضوع 71 قالوا نعم و8 قالوا لا
|
اللسلام عليكم ورحمة الله وبركاته
ااانا شايف بان عملية الكادر جهد عظيم يجب علينا تشجيعه للرقى فعلا با العمليعه التعليميه وتصحيح الررسوب الوظيفى اليه كن حاصل و لكن تطبيقه بهذه اللخبطه هو اليه فقده قيمته. مره يربط بالانتقال منه للمرحلة الثانيه 5 سنوات والناس اليه هتترقى بعد ايام قليله تاخذ الدرجات الثانيه او الاولى او الكبير تدخل وله اتاجل والاعتذارات اتقفلت ششششششغلانه هناك سرعه ادت للهلع واللخبطه فعلا وله الناس مش فهمه النظام . الكادر تصحيح على الطريق لاصلاح العملية التعليميه واكرر جهد عظيم يتطلب اعادة النظر فى تفعيله واشكر كل من سهم فيه وشكرا. |
جا جــــــــــــــــــايز ما نلحقش نرفع قضية واللى ولع مجاس الشورى يولع فى الوزارة بتاعتنا والمشــــــــــــــــــكلة انك مهما تجاوب ممكن تسقط الاسئلة سهلة الاسئلة صعبة كل ده مش مهم المهم النجاح من كام دا حسب الظروف والفلوس الباقية
|
لا يجوز اجراء أكثر من اختبار صلاحية
ينص قانون العمل لجمهورية مصر العربية على اجراء اختبار صلاحية للموظف العمومى مرة واحدة فى حياته الوظيفة وتحديداً فى الست أشهر الأولى من تاريخ تعيينه
بمعنى حتى لو قام الموظف بتسوية حالته الى وظيفة اعلى بعد حصوله على مؤهل عالى لا يجرى له اختبار صلاحية حيث أنه خضع لهذا الاخحتبار فى بداية حياته الوظيفية أما ما يحدث فى التربية والتعليم الآن فهو مخالف للقانون وحكم المحكمة الدستورية مضمون بإذن الله |
اختبار للصلاحيه شئ يودى الى تثبيته فى الوظيفه
اماللترقيه فمن حق الحكومه اجراء اختبار للترقى كل خمس دقائق دا راى المحامى-------------- باين علينا هانخسر القضيه وكفايه كسبنا صداقات واخوه من المنتدى لاتعوض بملايين الجنيهات والله لانها لفائده عظيمه |
راى محامى فى عدم دستوريه امتحانات الكادر
اختبار للصلاحيه شئ يودى الى تثبيته فى الوظيفه
اماللترقيه فمن حق الحكومه اجراء اختبار للترقى كل خمس دقائق دا راى المحامى-------------- باين علينا هانخسر القضيه وكفايه كسبنا صداقات واخوه من المنتدى لاتعوض بملايين الجنيهات والله لانها لفائده عظيمه |
راى محامى فى عدم دستوريه امتحانات الكادر
اختبار للصلاحيه شئ يودى الى تثبيته فى الوظيفه
اماللترقيه فمن حق الحكومه اجراء اختبار للترقى كل خمس دقائق دا راى المحامى-------------- باين علينا هانخسر القضيه وكفايه كسبنا صداقات واخوه من المنتدى لاتعوض بملايين الجنيهات والله لانها لفائده عظيمه |
اانا شايف ان الامتجان فرصة لابراز المدرسين المتميزيين ما احنا سافرانا قبل كده بعثة و خضنا امتجانات اصعب هى المشكلة فى عدم ممارسة اللغة العربية بطريقة صجيجية لكن اعتقد ان الامتجان فرصة لمراجعة اللغة العربية و الاهتمام اما من يرسب فى تخصصه لا يستحق ان يدرسة و التربوى ما احنا درسناه 4 سنوات فى كلية التربية ايه المشكلة اذا اطلعنا عليه مره اخرى المشكلة اننا لابد ان نعود لنقر\ا كل ما هو جديد و الفرق كان رهيب بينا و بين الدول الاوربية لما سافرنا البعثة هناك كفاية مدرسين تقليديين و لابد من ان يكون المدرس واسع الافق و عيب الضجه اللى عملينها المدرسين خلت كل الناس تستهزأ بنا
|
اقتباس:
|
يا جماعة انتو مش فاهمين خطة الوزارة مع وزارة المالية .
الحكاية إن وزير التربية و التعليم عاوز يظهر بمظهر المدبر الموفر الناصح قدام وزير المالية علشان كده هيعمل الاختبار و بعدين يحدد الحد الأدنى لدرجات النجاح في كل مجال على حسب النسبة المطلوب توفيرها فمثلاً لو الوزارة عاوزة توفر نصف المبلغ هينجح نصف المتقدمين للامتحان فيتوفر مليار جنيه تقريبا و بالمرة يسكتو دكاترة الجامعة بكام مليون علشان حكاية تحسين اجور الجامعة و المليار جنية في الآخر هيختفي و لو سألوا وزير المالية عليه هيقول زي ما قال على 4 مليار جنية في موازنة 2006 أنه سقط سهواً بس خلاصصصصصصصصصصصصصص |
يا جماعة انتو مش فاهمين خطة الوزارة مع وزارة المالية .
الحكاية إن وزير التربية و التعليم عاوز يظهر بمظهر المدبر الموفر الناصح قدام وزير المالية علشان كده هيعمل الاختبار و بعدين يحدد الحد الأدنى لدرجات النجاح في كل مجال على حسب النسبة المطلوب توفيرها فمثلاً لو الوزارة عاوزة توفر نصف المبلغ هينجح نصف المتقدمين للامتحان فيتوفر مليار جنيه تقريبا و بالمرة يسكتو دكاترة الجامعة بكام مليون علشان حكاية تحسين اجور الجامعة و المليار جنية في الآخر هيختفي و لو سألوا وزير المالية عليه هيقول زي ما قال على 4 مليار جنية في موازنة 2006 أنه سقط سهواً بس خلاصصصصصصصصصصصصصص |
بسم الله الرحمن الرحيم
غغلطه وندمان عليها الئيس مبارك مشكورا اصدر كادر المعلم لتحسين احواله الماديه و لكن الله يسامحهم اللى وراة مش عايزين كدة فاخترعوا الامتهان للمعلم و ليس الامتحان ندعوا الله ان يتدخل الاب لانقاذ ابنائه |
بسم الله الرحمن الرحيم
غغلطة وندمان عليها الئيس مبارك مشكورا اصدر كادر المعلم لتحسين احواله الماديه و لكن الله يسامحهم اللى وراة مش عايزين كدة فاخترعوا الامتهان للمعلم و ليس الامتحان ندعوا الله ان يتدخل الاب لانقاذ ابنائه |
انا عن نفسي امتحنت امتحان مدرس اول من اربع سنين ونجحت هل يجوز اني امتحن تاني مدرس اول واتسكن عليه تاني خمس سنين برغم انهم لعبوا في الدرجات الماليه بعد ما كان مدرس اول أ الدرجه التانيه خلوها الدرجه الاولي وانا لسه ليا سنه عشان اخد الدرجه الاولي لاني خريج تربيه 94
انا معاكم وربنا المستعان بس برضه عاوزين نعرف مع الدعوي هل ندخل الامتحان ولا لا ؟؟؟ ياريت حد يرد |
السلام عليكم ورحمة الله وبركاته
الحقيقة اللي لازم نعرفها ان الامتحان في حد ذاته مش مشكلة المعلم معلم ويقدر يحل الامتحان بسهولة,لكن المشكلة تكمن في إصرار الوزارة على إهانة المعلم0الكادر من الدورةالشعبية الماضية ,وكل الشعب موافق على إعطاء المعلم ولو جزء من حقه لكي يعيش بصورة شبه آدمية في بلد لا تحترم آدمية الانسان, ولكي تزيد من عدم احترام آدمية البشر فيها ربطت العائد المادي المفقود والذي كان من المفترض ان يحصل علية المعلم من 28سنة-ربطت زلك الحق بامتحان ثانوية عامة , ويمكن تتسرب الأسئلة لأبناء علية القوم كما حدث في الماضي-لذا فإن كان للمعلم بقية من كرامة المهنة فعليه ان يرفض هذا الربط 0وإن كان هذا الربط دستوريا,فعلينا تعديل ذلك الدستور ( ولا هو حلال عليهم وحرام علينا) يا معلمي مصر وزيركم ربط الفلوس في عصاية وركبكم وحط العصاية قدامكم عشان تجروا وراها زي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
فيه حاجة غلط و محتاجة التدخل بسرعة
المنتدي بطئ جدا وعند الضغط علي اي رابط تظهر صفحة بيضاء و يرفع الملفات بعد عدة محاولات العيب في جهازي ولا من المنتدي افيدونا عشان انا زعلان من الكدر ومش معقول يبقي كمان المنتدي اللي حبيته بطئ او جهازي به عطل |
اخى الغالى اولا احب اعرفك ان الدرجات الوظيفيه متوقفه الأن عشان الأختبارات تكون على عدد معين وقليل ليه لآن العدد الى سوف يؤجل الأختبارات كبير جدا جدا جدا لآن 90 % من هؤلاء الذملاء المفروض ان يكونوا على درجه ماليه جديدة وهى التى نزلت فى 1/7/2008 ولم يتم أعلانها حتى الأن لكى لا يطالب بها أحد لدخول الأختبارات على الدرجه الجديدة وكل هذا سيؤدى الى ارتفاع فى النسبه المطلوبه للى تم اعطائهم الدرجة ويستحقونها ولاكن قالو انتم تدخلوا الأختبارات واذا احد اراد الدخول فى المستوى الأعلى لابد ان يمضى 5 سنوات على الدرجه الماضيه هذا معقول
مربوط على الدرجه التلته والناس درجات ومرشح اخد التانية وموقوفه فى الحسبات من يوم 1/7/2008 والناس درجاااااااااااااااااااااات |
والله السيد رئيس الجمهوريه قالها ان المعلمين سوف يكون لهم كادر خاص
ولم يقول سوف نعمل لهم أختبار خاص ولذالك سيادة الوزير حب يعمل واجب على حساب المعلمين ويبحبح فى الفلوس ان يعمل أختبارات للمعلمين ونرجوا من معالى رئيس الجمهوريه التدخل الفورى لهذا الموضوع قبل ان ينهال على المعلمين الغضب والزعل والدرجات ياريس موقفنها |
بداية اليوم الثالث للاستطلاع
ونسبة المشاركين 235 217 قالوا نعم لرفع الدعوه القضائيه بنسبة 92.34% 15 قالوا لا لرفع الدعوه بنسبة 6.38 3 قالوا ان الامر محير هل تتراجع ايها الوزير المحترم وهل من قالوا لا عندهم الاستعداد للتحاور اشك فى ذلك |
بارك اللهم فى وزارتنا كمان وكمان وربنا يخلى جملها
وموافق على رفع القضية وكفاية اهانة |
ينظِّم اتحاد المعلمين بالجيزة وقفته الثانية أمام مبنى نقابة المعلمين في الواحدة ظهر اليوم الخميس؛ اعتراضًا على اختبارات الكادر، والتي تُعدُّ إهدارًا لكرامة المعلم.
وتأتي هذه الوقفة بعد عدم الحصول على مطالبهم التي ضرب بها الدكتور يسري الجمل وزير التربية والتعليم عرض الحائط بعد وقفتهم الاحتجاجية الأولى في 14 أغسطس الجاري، والتي تجاهلها، فضلاً عن أنه اعتمد جدول اختبارات كادر المعلمين في يوم 24/8/2008م. يُذكر أن شبكة "معلمي مصر" قد أصدرت بيانًا تطالب فيه بحقوق المعلمين، مؤكدةً أنهم عازمون على النضال من أجل تحقيق مطالبهم، وتتمثَّل في: إلغاء الاختبارات الخاصة بالتسكين، والتسكين الفوري لجميع المعلمين في المرحلة الثانية، على أساس سنوات الخبرة وتقارير الكفاءة السنوية، والعمل على تدريب جميع المعلمين تدريبًا مستمرًّا عبر كليات التربية، وتفعيل وحدات التدريب بالمدارس، وجعل الاختبارات تابعةً للدورات التدريبية، ومن أجل الترقِّي من درجة إلى أخرى أن تكون عضوية نقابة المهن التعليمية هي الشهادة الوحيدة على الصلاحية لمزاولة المهنة، وقَصْر دَوْر أكاديمية المعلمين على التدريب بعد دمجها بكليات التربية بالشراكة مع النقابة، وأن تكون الأكاديمية مساعدةً ومعاونةً للنقابة. المصدر http://www.ikhwanonline.com/Article....9802&SecID=230 |
نعم للتسكين بدون أمتحان
وأهلا بالترقية بخمسين أمتحان |
ممكن إضافة بسيطة ؟
اقتباس:
أضيف شيئ أخر يوضح عدم اكتمال الكادر و إنه مجرد اقتراحات كل يوم هو فى شأن ولم يتم دراسته جيدا وهو لماذا حتى الأن لم تعلن الوزارة نسبة النجاح المطلوبة فى كل مجال كل ما نسأل المحاضرين فى الفيديو كونفراس عن النسبة المطلوبة للنجاح فى كل مجال يقول المحاضر " حتى الأن الوزارة تدرس الوضع ولم تحدد النسبة " فلو كان الكادر معد جيدا كانوا من البداية قالوا صارحو المدرسين بماهو الكادر ومميزاته وبما هو مطلوب مننا كمدرسين " الشفافية غير متوفرة " لأنه مشروع لم يتم دراسته جيدا أرجوا أن أكون قد أضفت شيئ لأفكار حضرتك |
عزيزتى زهرة الشرق
طبعا اختبارات الكادر اهانه للمعلمين لأن زى ماحضرتك بتقولى 0استاذ الجامعه عشان يترقى بيعمل ماجستير أو دكتوراه يعنى ابحاث ودراسات ومناقشه وبيبقى فخور انه رايح يناقش الرساله وبيدعو اهله واصحابه للحضور عمرك شوفتى استاذ جامعه رايح يمتحن فى لجنه وله رقم جلوس زيه زى تلميذ فى ابتدائى وفى الاخر زى ما قلتى على ملاليم ده اذا نجح |
اخوانى معذرة على تاخرى بالرد فقد كنت ممنوع من الكتابه والتعليق لا اعرف عن طريق الخطأ او حظر من المدير لكنى ارسلت الى مدير الموقع والحمد لله عدت اليكم
وللمدير الشكر |
[لا مانع لدى من تقييم جميع موظفى الدولة بداية من سيادة الرئيس محمد حسنى مبارك حتى اصغر موظف فى مصر حتى اللذين ابتكروا هذة الفكرة الجميلة ما دام ذلك من أجل مستقبل مصر وإن كان ذلك من أجل مستقبلها فعلا فأطالب بتشكيل لجنة من خارج مصر على أعلى مستوى لمحاسبة سيادة الرئيس محمد حسنى مبارك وكذلك لجنة أخرى لمحاسبة وزير التنمية الادارية وجميع وزراء مصر وجميع المسئولين الكبار فى الدولة ومن يفشل فى الاختبار عليه ترك كرسييه من أجل مستقبل مصر
|
يا جماعه بطلوا سلبيه و قولوا رأيكم مرة واحدة في حياتكم بشجاعه و بطلوا تقولوا فلوس الكادر احسن من مافيش لان الكلمة ديه هي اللي موديانا في داهيه ده احنا بقينا مصدر تهزيق كل الناس طلبه و اولياء امورهم بسبب الامتحان ده و احنا فرحانين و عمالين نذاكر
|
مشكلتي مشكلة مئات من المعلمين والمعلمات وهي تتلخص في اني سافرت الى الخارج للعمل وانا على الدرجة الثالثة وفي نفس الوقت سافرت معي زميلات لكن كمرافقة زوج أو رعاية طفل وطبعا كلنا بنسدد التأمينات والمعاشات وانا اكثر شوية لأني المفروض عقد عمل وعدنا الى الوطن الحبييب في نفس التوقيت تقريبا لأجد انهم حاصلين على الدرجة المالية الثانية بصورة تلقائية اما انا فلم احصل عليها الا عند عودتي بتاريخ 1/8/2003 لأنه عدى علي في السفر اكثر من 4 سنوات مش عارفة الى الان ايه المشكلة ومع ذلك لاتوجد مشكلة لم اتأثر أما الآن فقد اصبحت بالنسبة لي مشكلة كارثية فأنا على درجة وكيل واكثر من 18 سنة خبرة ومازلت على الدرجة الثانية امازملائي اخدوا الأولى وحسب قوانين الكادر الجديد للتسكين سيكون تسكيني على معلم اول ويسكنوا هم على درجة معلم أول أ رغم ان سنوات الخبرة الفعلية لهم لاتتعدى 5 أو 6 سنوات والباقي قضوها في البيت بس اتسجلت لهم سنوات خبرة والمشكلة الثانية ان تسكيني على معلم اول حيساويني مع زملاء لي يفصل بيننا 6 سنوات خبرة يعني انا كنت مدرسة اولى لهم و اخصائي ثان في نفس الوقت وبرضه حياخدوا الدرجة الأولى 1/7/2008 يعني ممكن يتعدلوا معلم اول أ شفتوا الكارثة انا في محنة شديدة وبرضه مش انا لوحدي اغيثوني بحل لهذه المشكلة الله يخليكم حد يرد علي ضروووووووووووووووووووووووووووووووري
|
مين معايا في المصيبة دي
مشكلتي مشكلة مئات من المعلمين والمعلمات وهي تتلخص في اني سافرت الى الخارج للعمل وانا على الدرجة الثالثة وفي نفس الوقت سافرت معي زميلات لكن كمرافقة زوج أو رعاية طفل وطبعا كلنا بنسدد التأمينات والمعاشات وانا اكثر شوية لأني المفروض عقد عمل وعدنا الى الوطن الحبييب في نفس التوقيت تقريبا لأجد انهم حاصلين على الدرجة المالية الثانية بصورة تلقائية اما انا فلم احصل عليها الا عند عودتي بتاريخ 1/8/2003 لأنه عدى علي في السفر اكثر من 4 سنوات مش عارفة الى الان ايه المشكلة ومع ذلك لاتوجد مشكلة لم اتأثر أما الآن فقد اصبحت بالنسبة لي مشكلة كارثية فأنا على درجة وكيل واكثر من 18 سنة خبرة ومازلت على الدرجة الثانية امازملائي اخدوا الأولى وحسب قوانين الكادر الجديد للتسكين سيكون تسكيني على معلم اول ويسكنوا هم على درجة معلم أول أ رغم ان سنوات الخبرة الفعلية لهم لاتتعدى 5 أو 6 سنوات والباقي قضوها في البيت بس اتسجلت لهم سنوات خبرة والمشكلة الثانية ان تسكيني على معلم اول حيساويني مع زملاء لي يفصل بيننا 6 سنوات خبرة يعني انا كنت مدرسة اولى لهم و اخصائي ثان في نفس الوقت وبرضه حياخدوا الدرجة الأولى 1/7/2008 يعني ممكن يتعدلوا معلم اول أ شفتوا الكارثة انا في محنة شديدة وبرضه مش انا لوحدي اغيثوني بحل لهذه المشكلة الله يخليكم حد يرد علي ضروووووووووووووووووووووووووووووووري
|
"سبحان الله وبحمده عدد خلقه ورضى نفسه وزنة عرشه ومداد كلماته"
|
| جميع الأوقات بتوقيت GMT +2. الساعة الآن 11:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.