|
تعرف صحبك
الموضع اني بعد ما طلعت درجه الثانويه العامه
ناس كتير من اصحابي اتغيرو معايا و المصالح بانت ولله ما كنت اتخيل انهم كدا دنا كونت بسعدهم في المزكره و اول ما جابو درجه اعلي مني تاريبا سبوني و بجد شيء مولم ان تعرف الناس علي حقيقتهم فهل حد حصلو زي :huh: |
كل اللى اقدر اقوله
من خلال خبرتى فى عالم حواء ان البنات سود من جوه وميحبوش الخير لبعض وفيهم حتت الغيرة من بعض ربنا يهديكم |
لا دا العادى بتاعى
كل البنات كده على فكرة أيوه كلهم بس بتفرق ف درجات الغيرة من بعض البنت مهما كانت كويسة بتكون عايزة مصلحة من صحبتها يعنى مثلاً ليا أصحابى بقالهم معايا 7 سنين كنا تقريباً بنكلم بعض كل يوم واحنا فى ثانوى ويا عينى على أول ما خلصنا ثانوى ماشفتهمش الا خمس مرات وكانت برده فيهم مصالح وهنلاقى من ده كتير فى الجامعة أصل ده داء فى البنات بعيد عنك ربنا يصلح أحوالنا ويهدينا |
دا الطبيعي أنا برضه في الاول أتصدمت وبعدين لما قولت لبابا قالي الدنيا كلها كده وبالذات في ثانوي والجامعة انا أصحابي لاشوفتهم ولا أكلمت معاهم من ساعة الاجازة
مفيش غير إتنين هما بس اللي متغيروش فده طبيعي جدا والدنيا مصالح واللي يغيظ أنهم كانوا مبينين أنهم بيحبوكي جدا دلوقتي بيوقعوا مابنا |
اعتقد انك اخترتي اصدقائك على اساس خاطىء الصديق وقت الضيق فاذا تخلى عنك فهو لا يسستحق هذه الصفة
|
اكيد طبعاا بتحصل مع كل الناس
مش بس فى الشهادات بتحصل كمان فى كل مجالات الحياة يعنى مثلا زميلك فى الشغل لما يترقى عنك تلاقيه يتكبر عليكى وجارك مثلا اللى يغتنى ولا يسكن فى حته نظيفة تلاقيه ميعرفكيش تانى النوعيات المريضة دى موجودة كتير جداااا عادى يعنى بكره هتبقى اعلى منها ان شاء الله وساعتها ولا تعرفيها ده اذا قابلتيها تانى يعنى او كانت بينكم تعامل |
اولا شكرا علي ردودكم جميعا
يعني حسيت فبعض الردود انهاقسيه شويه علي البنات يعني نقول معظمهم بس مش كلهم و علي رايكم هي دي الحياه باس كل الصدمه اني عرفتها بدري و من ناس كانو يمكن اريبين مني لدرجت ان كانهم عيشين معيا |
انا برضه حصلى كده من صديقة ليا عمر صدقتنا 10 سنين كان بعد النتيجة بتاعة ثانوية عامة بس مجبتش ازيد منى جابت اقل وكانت علم رياضة مجموعها كان 86 وانا ادبى كان مجموعى 94 قلت يمكن لانها مضايقة حاولت افرفش عليها بس كانت بتتهرب منى وكان الموضوع ده مضايقنى ماما قلتلى سبيها فى حالة دلوقتى اكيد مضايقة الله يكون فى عونها بس لما دخلت كلية السن جت بركتنى وبستنى ورجعنا زى الاول بس هى فترة الواحد بيكون فى حاجة مضايقاه او شغلاه بيكون لوحده وبيمنع اى حد من اللى بيحبوه يكون معاه
|
ندرة اصدقاء القرن ال 21
انا معك فعلا يا yoomy وعاوز اعلق علي الردود الحاليه اولا البنت زي الولد تمام واكيد لازم ننقي صداقاتنا بس معظم الناس بتحاول ترسم غلاف خارجي لها كاذب طبعا يحازل ان ياخذ منك ما تملكه وفي مصلحته فاذا انتهي ما بينكما من مصالح تركك وذهب لاخر او اخري هذا للبنت والولد سواء الصيق الان نادر او غير موجود وانا شخصيا حصل معي نفس الكلام ده بس لازم نواجه الامر ده لانه مكتوب علينا ونختار صحبه جديده تعيننا علي الخير واقول للاخت yooomy ابدائي من جديد الحياه مليئه بالبنات الجميله والرقيقه التي تعينك علي دراستك ومواجه الحياه .
|
فى مثل شعبى قديم بيقول إعرف صحبك وعلم عليه أمال هما بيقولو ليه الصحاب بيبان وقت الشده من حبنا حبناه وسار متعنا متاعه ومن كرهنا كرهناه ويحرم علينا إجتماعه |
اقتباس:
و علي راي المثل شر البليه ما يضحك |
ايه دا هو فى اصحاب كدا دا انا على كدا الحمد لله انا عرف اخطار اصحابى بجد محدش فيهم اتخلى عنى لانى برده مجبتش مجموع حلو فى الثانويه بس محدش سابنى واحنا مع بعض كلنا كل يوم وبنخرج ومافيش اى حاجه
بصى دى مش نهايه العالم خلاص دول طلعوا بتوع مصالح خلاص خلى علاقتك بيهم ازيكوا عامليه ايه وخلاص وكونى صداقه جديده مع ناس تانيه بس حاولى تختارى صح بجد والله لان الحياه بدون اصحاب متنفعش والله مبهظر وربنا معاكى ويوفقك باذن الله |
بسم الله الرحمن الرحيم سبحان الله نفس اللي حصلك .. حصل معايا كلهم طلعوا اندال و مصاحبني مصلحه و حقدوا عليا بطريقه غبيه و ياريت حتى يبينوا لي حقدهم ده بطريقه غير مباشره لالا ده عيني عينك كده :mad: مش عاد فيه حياء ولا حاجه يعني حتى احقدوا عليا بس مش كده يعني .. مش في وشي بس عارفه .. والله العظيم ماني زعلانه عليهم ولا حاجه عادي .. بقول (احسن.. هعمل لهم ايه يعني .. انا مش راح اوقف حياتي عشانهم يعني .. ولا يستاهلوا) و بحمد ربي انه بينهم لي على حقيقتهم بدري .. بدل ما كان يصيبني ضرر منهم ربنا يهديهم و يعوضني بخير منهم |
سورى يا جماعة ع التدخل أنا بس لاقيت بعض الردود بتقول أن البنات مش ينفعوا صحاب:( وأنا بقول والله العظيم لأ فى اللى ينفعوا......بس أحنا ندور و نختار على أسس صحيحة;) أنا ليا واحدة صاحبتى أكبر منى بسنة بتدرس فى كلية الأداب واحنا الأتنين نعرف بعض من حوالى سنتين البنت دى مش زعلت لما أنا دخلت الطب.........بالرغم من أنها كانت علمى فى الثانوية بالعكس دى فرحت جدااااااااااااااااااااااااا:) رغم أننا مش اخوات ولا حاجة ولافى بينا أى نوع من صلة القربى بس هى بجد أنسانة كويسة:)..ربنا يكرمها يااااااااااااااااااارب ويرزقكوا بواحدة فى أخلاقها ونقاء صفاتها:):):) احنا أختارنا بعض ع اساس الأخلاق فقط مش المصالح أو غيرة وحصلت مواقف كتييييييييييير أثبتت أن حبنا لبعض مش حب مصالح ولا حاجة ولما حد فينا يزعل التانى والله مش بنقدر ننام خاااااااااالص وبنقعد نفكر فى بعض..........وكل منا بيحاول انهاء الخلاف بغض النظر ...........مين اللى غلطان؟؟؟؟؟؟؟!!!!!! ************************* اللى عاوزة أوضحة أن البنات فيها الكويس والوحش والصديق بمعناة الحقيقى بقى عملة نادرة اليومين دول بس موجود.............دوروا أنتوا بس وأدعوا ربنا:)ا وزى ما أحنا عاوزين صحابنا يحبونا بأخلاص لازم أحنا كمان نحبهم بأخلاص..............ولا أية؟؟؟؟؟؟؟ وفى النهاية جميل أن يكون لك قلب أنت صاحبة............ولكن الأجمل أن يكون لك صاحب أنت قلبة الحقيقة العبارة دى شوفتها فى توقيع حد ع المنتدى بس مش فاكرة مين:confused: بس بجد عجبتنى أووووووووووووووووى:):) |
شكرااااااااااااااا للجميع
|
فعلا الصحاب فيهم الوحش والحلو بس حاجة غريبة لما تبقى شاطرة وجايبة مجموع كبير تلاقى صحابك كلهم بيكلموكى لكن لو قليتى عن مستواكى تلاقيهم بعدوا عنك وراحوا للى خد مكانك الموضوع دة ان جربته وحسيت ان الصداقة اللى بجد بقت عملة نادرة يعنى انا مثلا لما قليت فى المجموع عن صحابى بقوا يعملوا لى اوف لاين ومش عايزين يكلمونى عشان مبقتش اد المقام وشكراا
|
شكراااااااا لردك يا ندي و فعلا انتي اصبتي لب الموضوع
هو ده بالضبط الي انا حسا بيه |
لا شكر على واجب احنا فى الهوا سوا وربنا يعوضنا باصدقاء بجد
|
ف بعض الاصحاب كده انا حصلت مع واحدة من اصحابى جايبه اعلى منى بتغظنى من غير ما تبين حد فهمنى و بردوا عندى صاحبه زى سكر بحبها جدا علاقتنا بقيت اقوى من الاول معناه جايبه اعلى منى متخيلين يوم نتيجة بتتصل بيا لقتنى بعيط سابت فرحتها اعدت تعيط معايا هى دى فعلا الاصحاب المهم انا وهى حوالنا ادبى مع بعض انا فعلا بححححححححبها جدا
|
اقتباس:
و اوصيكي زي مبيقولو امسكي فيها باديكييي و سنانك لانها مش هتتعوض الصداقه الصح بايت عمله ندره في الزمن داه:d |
دا اكيد شئ مؤلم جدا انك تشوفي الناس على حقيقتها بس في سؤال!!!هل كنتي هتبقي مبسوطة لو كانوا استمروا في خداعهم ليكي ده؟؟افرضي انهم كانوا استمروا مين عارف حقدهم عليكي كان هيوصلهم انهم يعملوا فيكي ايه دايما نقول الحمد لله والمفروض ان ثقتك في نفسك تزيد بعد الموضوع ده لان من المستحيل ان شعور الغيرة والحقد يتولد في داخل انسان الا اذا كان شايف الانسان التاني احسن منه وانتي اكيد كنتي احسن منهم وهما ما صدقوا انك تنقصي عنهم عشان يشبعوا الحقد اللي عندهم ويعوضوا عقدة النقص اللي هتفضل جواهم..صدقينني يا اختي بيحصل اكتر من كده كتير قوي وصور افظع من مجرد المقاطعة بس نصيحتي ليكي انك تجدي وتجتهدي انك تكوني احسن منهم بدينك واخلاقك وتعليمك وهيكون ده ابلغ رد عليهم....
|
اقتباس:
|
اقتباس:
لعلمك الاولاد بيعملوا الاكتر من كدا و ايه خبرتك فى عالم حواء دى من امتى انت عندك خبرة فيها |
اقتباس:
اقتباس:
اقتباس:
اقتباس:
ظريفة محمد السادات بقى ظريفة :d متزعليش بس ده ولد اقتباس:
اقتباس:
و انا شخصيا حصلت معايا مواقف كتير عرفت فيها الاصحاب بجد |
thanks to all .................................................. ...........
|
| جميع الأوقات بتوقيت GMT +2. الساعة الآن 12:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.