أول تصريح لوزير التعليم الجديد مفيش فلوس
 

ادخل ع الرابط التالي لو مش مصدق
http://www.youm7.com/story/2015/9/19...8#.Vf0Bv33rhkg

ههههههههههههههههه ههههههههههههههههه ههههههههههههههههه ههههههههههههههههه

والله عصر الخرفان كان احسن لكتير
السيسى بيطلع الفلوس للحيش والشرظة والقضاء حتى لا يخرج شئ من قبضته
والله يسامح الخرفان ويصلح حال الحمير!!!!!!!!!!!!!!!!!!!!!!!!!!!!!!

اول القصيدة كفر
 

يعنى مفيش ولا حتى حقنة فنكوش علشان المطبلاتية يلاقوا أى حاجة يتهموا الناس ويشتموهم ويزايدوا عليهم على حسها .. أى جرعة فنكوش ولو حتى بايخ ومفضوح زى قانون التعليم الجديد بتاع المرتبات الخيالية ومكافآت الامتحانات الفنطظية.

طيب هات لنا خبر مفرح أو يعطي لنا أمل

ربنا يحفظ بلدنا و أهلنا وجيشنا من كل سوء

مفيش حاجة اسمها تفاؤل ولا تشاؤم خلونا موضوعيين وعقلانيين ومفيش حاجة اسمها هيبقى وهيكون خلونا واقعيين محدش يكلمى على إيه هيكون ومش هيكون ولا ينقل خبر جرايد احنا عاوزين اللى احنا شايفينه وعايشين فيه كفاية غفلة واستغفال .. أنا عندى خبر اليقين مرتبى زاد 38 جنيه اللى نقصتهم السنة اللى فاتت يعنى مرتبى اليوم هو تقريبا نفس مرتبى السنة اللى قبل اللى فاتت .. هو ده الكلام وإلا فلا والمطبلاتية يمتنعون ولا عزاء للفنكوشيسيون.

للاسف الانحيازات السياسية والمكايدة خلتنا نعمى عن رؤية حقيقة ما نعانية
كل كلامك صح وعايشينه ...

بعيد عن السياسة والمكايدات والاتهامات الجاهزة واقعنا كمعلمين سيىء وفى المقابل خير البلد رايح للقضاة والشرطة والجيش ...دى الخلاصة اللى عايز يصدق يصدق اللى عايز يقفز على الكلام دا باتهامات مرسلة هو حر


يا سادة احنا واقعنا المادى سيىء جدا وحتى الناس اللى ربنا كارمها بدروس فدول محدودين
عندك فئات زى الستات من كل التخصصات تقريبا وتخصصات زى التربية الرياضية والزراعية والوطنية والفنية والموسيقية مفيهاش دروس ...وفى كل تخصص هنلاقى 3 او ستة شغالين والباقى على اده يعنى احنا فعلا واقعنا سيىء ...وكل يوم وعود لحد ما ورمنا وعود ومفيش حاجة بتتحقق.

هتسالنى عن الحل والله ما اعرف الحل زيى زى ناس كتير بس على الاقل مش بنكر الواقع اللى عايش فيه

الوزير ليس في يده شيء ده مجرد موظف بياخد اوامر يعني مجرد ديكور

طب والزند؟ طب وفين ابداع الوزير؟ طب فين استثمار المدارس؟ طب وفين المقترحات اللى قدمها الناس لتحويل المدارس لمدارس منتجة وبجد؟

ما ضاع حق وراءه مطالب
 

الحل ببساطة هو أن نطالب بحقوقنا بأي طريقة سواء بالتظاهر أو الإضراب أو أي طريقة
لا تلوموا القضاه على أخذ حقوقهم التي هي فعلاً حقوقهم ......... على فكرة مرتب القاضي أقل من مرتب سائق في البترول أو عامل في الكهربا !!!!!!!!!!!!
مش معنى ان احنا مش عارفين ناخد حقوقنا ان احنا نلوم اللي عرف ياخد حقه العيب فينا مش فيهم .............
وخلونا ننظر للموضوع بشكل أكثر حيادية مش معنى ان فيه قضاة فاسدون يبقى القضاء فاسد لأن فيه برده وللأسف معلمون فاسدون ...... هل معنى ذلك أن التعليم كله يبقى فساد
للأسف المجتمع كله حاقد على بعضه وناقم على بعضه وهذا ميراث 30 سنة من حكم مبارك

صح يا أ/ محمد كلامك أتفق معه مائة بالمائة بارك الله فيك

من الاخر ..لازم نفهم حاجه مهمة ..ان لم يكن هناك توجه فعلى وتنفيذ على ارض الواقع لاصلاح التعليم فتأكد بأن بأن المسؤل فاسد ومستبد وأسوأ من ذى قبل ..

لا حول ولا قوة الا بالله

كلامك مش صح يا أستاذ محمد الحلو لأن مرتب القضاه مبالغ فيه جدا وأكبر بكثير ممن ذكرتهم ولا يتناسب مع دخل الدولة، ومن ناحية أخرى فإننا نعيش فى دولة وليس فى غابة أو عزبة كل فئة تنهش وتنهب على قد ما تقدر والجدع اللى يخطف من التنانى دى كدة متبقاش دولة خالص وتسقط فى أيام مش فى شهور.
نحن لا نتحدث عن الحلول بقدر ما نصف الوضع وما نعانية من ظلم اجتماعى لأن فيه ناس بتقول كلام غير كدة وعاوزين يقنعوا الناس بيه بالعافية كنوع من الانبطاح والتضليل الممنهج ومش كل واحد يصف الوضع وينتقده لازم نلزمه بحل وإيجاد حل لو أنا عندى حل كنت هطالب أبقى رئيس وزراء أو حتى وذير وخلى بالك من الذال كويس.

100/ انت وارث لك قرشين او فدان ارض علشان كده اعصابك حلوه ومش همك نزيد او ننقص قوووول يا باسط

كلام سليم جدا خايف يقولوا عليك اخوان

والله يا استاذ ضياء الناس دول بيعملوا احسن دعاية للإخوان دون أن يشعروا فهم يصورون للناس أن كل من يطالب بأى حق إخوان وهذا خطأ كبير لا يقول به عاقل ولا يقع فيه من يريد مهاجمة الإخوان لكن تقول إيه ربنا يهدى.

هو العيب ان مرتب القاضي كبير ولا مرتب المعلم قليل
 

احنا ليه سايبين مشكلتنا الاساسية وبنفكر في مشكلة تانية وكأن فيه ثأر بيننا وبين القضاة على فكرة فعلاً القضاه ليسوا هم الأعلى مرتبات في الدولة ولكن انا مشكلتي مش مع القضاه انا مشكلتي الأساسية هي مرتبي كمعلم
ومش معنى ان نطالب بحقوقنا ان نكون في غابة ولازم نفكر في حلول لأن الواقع لا يحتاج وصف فهو واصف نفسه
ويا ريت بلاش حكاية اخوان وفلول ومطبلاتية والكلام الفارغ ده كل واحد له وجهة نظر تحترم وشكرا على المشاركة والتفكير معي في حل قد نصل في النهاية لفكرة مشتركة بيننا

مشكلتنا هو مرتبات القضاه وكبار منتفعة الظلم الاجتماعى لأن القاضى لما يقبض كتيييييييير يبقى الميزانية مش هتقضينا وما ينفعش نبقى كلنا إخوات فى بيت واحد وواحد مننا ياكل كباب والتانى ياكل عيش وملح ويضرب على قفاه .. يا ريت تكون الفكرة واضحة.
قل للمهوشتاية والمطبلاتية هم الذين يثيرون هذه الزوابع وليس نحن نحن فقط نتحدث عن حقوقنا ومظالمنا كمعلمين ومواطنين درجة تانية.
ولما نوصل لفكرة وحل هل تظن مثلا أنها ستجد آذانا صاغية المشكلة يا عزيزى تكمن فى عدم الرغبة فى الحل وإلا لما كانت هناك مشكلة العدالة هى الحل بكل بساطة وهناك من يأبى العدالة الاجتماعية ويريدها عزبة وفينا منبطحون وسماعون لهم ومبررون لهذا الظلم الاجتماعى ومهوشة يقلبون المنضده على الجميع.