|
ممكن تساعدونى
بصراحة انا معرفتش اكتب الموضوع ده فى قسم ايه فقررت انى اكتبه فى القسم العام واتمنى انكم تساعدونى
انا كنت فى تانية ثانوى علمى رياضة و جبت مجموع 86.5 % :( اسوء مجموع جبته فى حياتى :( انا نقصت 11 درجة فى كل المواد و 17 درجة فى الكيمياء :confused: رغم انى كنت مذاكرة الكيمياء كويس جدا وكانت اكتر مادة ذاكرتها وكنت بقول لو نقصت عن 49 من 50 يبقى فيه حاجة غلط انا منمتش يومين قبل امتحان الكيمياء علشان كنت بذاكر ومسبتش كلمة غير لما ذاكرتها وانا كنت شاطرة فيها طول السنة الحمد لله وباخد مع مدرس ممتاز روحت اللجنة من غير ما انام خالص الامتحان كان سهل قوى بس انا نسيت :eek: كل ما اشوف سؤال اكون عارفاه بس مش قادرة افتكر الاجابة مكنتش قادرة اركز خالص :( حاولت افتكر لكن معرفتش وفى اخر نصف ساعة مكنتش قادرة افتكر خالص فضلت اعيط و قطعت ورقة الاسئلة وسبت اللجنة وخرجت وظهرت النتيجة ونقصت 17 درجة :( انا كان نفسى ادخل كلية حاسبات ومعلومات بعد ظهور التنسيق لقيت حاسبات واخدة من 90.4 فحسيت ان لسه عندى امل واقدر انى ادخل الكلية اللى نفسى فيها و قررت انى اكمل علمى وبدات الدروس وروحت احضر اول درس فيزياء وقبل ما المدرس يبدا يشرح حسيت انى مخنوقة وافتكرت اللى جرالى فى الكيمياء رغم انى ذاكرتها انا اتعقدت وبجد اعصابى تعبت مش قادرة افضل فى الضغط العصبى ده تانى انا مش عارفة اعمل ايه افضل فى علمى رياضة رغم انى حاسة انى نفسيا متدمرة ولا احول ادبى رغم ان مفيش كليات كويسة ممكن ادخلها فى ادبى لان اعلام كده لا يمكن الحقها حتى لو جبت 100 % السنة الجاية ياريت تقولوا لى رايكم لانى بجد محتارة ومش عارفة اعمل ايه :( انا اسفة انى اتكلمت كتير |
انا هقولك على حاجه بس متزعليش منى
انتى غلطانه لان المفروض الواحد بيكون داخل الامتحان وهو نايم كويس وفايق علشان يعرف يركز وبفتكر الاجابه انتى بتقولى منمتيش يومين فطبيعى جدا انك مش هتقدرى تركزى وتكونى عايزه تنامى احمدى ربنا انك نقصتى 17 درجه بس اما عن انك تكملى علمى ولا ادبى انا رائى انك تهدى وسيطرى على اعصابك وتكملى علمى وانتى حاطه فى دماغك انك هتخشى هندسه او طب حتى لو مش هتقدرى تجبيهم علشان تجيبى مجموع حلو وتخشى كليه كويسه باذن الله بس اهم حاجه لازم تنامى ايام الامتحانات كويس يعنى تذاكرى وتمام بس حاولى متسهريش اوى علشان السهر هيققل من تركيزك زى محصل معاكى وربنا يوفقك باذن الله |
شكرا يا ีundertaker_2000 على ردك
اصل انا متعودة ان قبل اى امتحان مش بنام علشان بذاكر كل كلمة فى المادة ليلة الامتحان المشكلة ان بابا وماما مش قادرين يقتنعوا ان اللى حصل فى الكيمياء ده كان حاجة غصب عنى وانا كنت سهرانة علشان اذاكر مش العب محسسنى انى فاشلة كل ما يتكلموا معايا يقولوا لى ما انتى مجبتيش مجموع فى تانية وبيقولوا لى لازم تذاكرى جامد قوى فى تالتة بيزودوا الضغط العصبى اللى انا فيه وانا بجد مش قادرة استحمل انا محبطة جدا كل ما يتكلموا معايا يقولوا لى حولى ادبى لانك مش هتجيبى مجموع فى علمى رغم ان انا كل سنة بكون الاولى على مدرستى انا بجد كرهت العلمى وكرهت المذاكرة المدرس كان بيشرح فيزياء وانا كنت حاسة انى عايزة اقوم امشى مكنتش طايقة اسمع اى حاجة علمية ولا افكر فى مذاكرة زى تانية ثانوى لان انا اكتر مادة تعبت فيها هى اكتر مادة نقصت فيها |
اقتباس:
لكن بصى تنسيق الكليات الادبيه من علمى بيكون احسن من ادبى لان ادبى بياخد اكتر فى الكليات الادبيه يعنى مثلا لو تجاره بتاخد من ادبى 80 % هتاخد من علمى 70 او 75 % علشان كدا بقولك خليكى علمى وربنا يوفقك باذن الله |
يا ีundertaker_2000 انا فكرت انى احول ادبى واشوف سياحة وفنادق قسم ارشاد سياحى
او اداب اعلام يعنى ابقى ارتحت من الضغط العصبى اللى انا فيه وكمان انا معتقدش انى هشتغل بعد ما اخلص الجامعة يعنى انا بفكر فى كلية دراستها حلوة انا كنت عايزة حاسبات لانى بحب الكمبيوتر و تصميم المواقع و الحاجات دى يعنى كنت بفكر فى دراسة استمتع بيها يا ترى ايه الكلية اللى فى ادبى وممكن تكون دراستها مش غلسة |
مش غلسه الصراحه مش عارف بس عندك تجاره تقريبا
|
ربنا معاكى ان شاء الله فكرى وقررى لانك الوحيده الى تاغدى قرار زى دا
ربنا يوفقك باذن الله |
شكرا يا ีundertaker_2000
انا قلقانة جدا ومش عارفة اعمل ايه ربنا يستر واقدر اختار صح |
هو طبعا مش وقته اقولك لنك غلطتي انك منمتيش قبل الامتحان عشان كدا مكنش في اي تركيز بس عموما متكرريهاش
بالنسبه لعلمي او ادبي لو انتي بتحبي العلمي يبقي كملي فيه و توكلي علي ربنا وخليكي عارفه ان اللي راح مبيجيش تاني ولو بصيتي علي امبارح وفضلتي تفكري فيه مش هيكون في بكره ولا حتي النهارده اللي حصل حصل ولازم تتعلمي من اخطائك مش تعجزي الضربه اللي متموتكيش تقويكي ولو ممكن تمشي في الادبي يبقي ربنا يوفقك بس عموما متخليش موضوع الكيميا دا يوقفك لانه ولا هيقدم ولا هيأخر اللي حصل حصل |
اقتباس:
بس طول مانتى قلقانه كدا مش هتعرفى تفكرى صح اهدى علشان تعرفى تفكرى صح وربنا معاكى باذن الله |
dr.zomba
ما هو انا فعلا كنت عايزة انسى اللى حصل لى فى الكيمياء و افضل فى علمى وروحت درس الفيزياء لكن حسيت انى مش قادرة اكمل انا بقول يمكن ده حصل علشان ربنا كاتب لى حاجة احسن فى الادبى فى اى كلية تانية والله انا مش عارفة اعمل ايه انا كل يوم براى جديد يوم اقول لا انا هكمل علمى اتعب سنة وبعدين ادخل الكلية اللى نفسى فيها ويوم تانى اقول طب واتعب ليه ما انا اروح ادبى وارتاح و ادخل اداب اعلام مثلا انا دايما كنت بجيب الدرجات النهائية فى التاريخ وانا بحب دراسة الفترة الزمنية دى بالذات فى التارخ اللى بياخدوها فى الادبى |
اقتباس:
حاضر هحاول اكون هادية علشان اعرف افكر كويس شكرا ليك تاانى ربنا يخليك |
لا شكر على واجب
وربنا معاكى باذن الله |
الحل الجميل اوي ليكي انك تصلي استخاره وصدقيني هترتاحي
|
ีundertaker_2000
ان شاء الله اقدر اختار dr.zomba صح انا لازم اصلى استخارة ان شاء الله ربنا يهدينى للاختيار الصح |
لا انتي لازم تكملي علمي وان شاء الله تبقي حاسبات معانا :D
انتي بس شدي حيلك وحطي في دماغك ما تقليش عن 100% وان شاء الله تطلعي الأولى ع المدرسة وعلى فكرة حاسبات حلوة جدا ولذيذة بس انا ما كنتش حاططها في دماغي في الاول كنت فاكرها مهتمة بالهارد وير مش السوفت وير http://www.thanwya.com/vb/images/icons/icon11.gif وخلي بالك انتي ممكن تدخلي آداب قسم إعلام من علمي بردو بس لازم تجيبي مش اقل من 48 في الإنجليزي للسنتين فانصحك تكملي علمي وشدي حيلك وافتكري يوم النتيجة ــ مش بتاع السنة دي :p ــ وافتكري انك ان شاء الله هاتحققي حلمك واتعبي سنة واحدة وبإذن الله تستريحي وتستقري بقية عمرك وربنا يوفقك يا باشمهندسة |
واحـد من النــاس شكرا على ردك
والله انا نفسى ادخل حاسبات بس علشان اللى جرى لى كرهتها وكرهت العلمى وكرهت نفسى وبعدين انا عارفة نفسى يعنى اقصى مجموع ممكن اجيبه هو 95 % ده اذا عرفت اتعامل مع الفزياء والمشكلة ان المستوى الرفيع رياضة وانا كل ما اقول لحد يقولى ده انا قريبى دخل مستوى رفيع رياضى ومجبش فيه حاجة انا خايفة ادخل علمى و اتعب وبعدين يجى التنسيق يعلى ولا تفرق معايا حاسبات اعلى درجة ولا اتنين ساعتها ممكن تجرى لى حاجة والله انا كنت بقول فى الاول انى حتى لو لا قدر الله مدخلتش حاسبات ممكن ادخل علوم رياضة وفى سنة تانية لو جبت تقدير اخد فى تالتة ورابعة كمبيوتر بس بعد كده فكرت فى ازاى ارتاح ومتعبش نفسى لانى مش هشتغل اصلا اخويا بيقولى انتى متقدريش تشتغلى دكتورة الا لو اتخرجتى من طب ومتقدريش تشتغلى محامية الا لو اتخرجتى من حقوق لكن تقدرى تشتغلى فى الكمبيوتر من غير ما تتخرجى من كلية حاسبات ومعلومات بيقولى تاخدى لك كورس فى اى مكان و خلاص |
بصي انتي اعملي اللي عليكي وسيبي النتيجة لقدر ربنا بس عشان ما ترجعيش تندمي وتقولي يا ريتني كنت كملت وذاكرت
ولو ممكن تشتغلي بكورسات من غير كلية يبقى 4 سنين مالهمش لازمة !!!!!! وعلى فكرة الكلية تعتبر كورسات بردو بس ارخص وخريج السن انجليزي احسن من اللي واخد كورسات انجليزي ;) وبعدين الكمبيوتر مجالاته كتير يعني انتي عايزة تشتغلي ايه في الكمبيوتر وتاخدي كورسات ايه |
بجد انا عايزة اساعدك بس مش عارفة ازاى ومش عارفة اقول ايه !! ده افضل حل اقتباس:
لو حطيت نفسى مكانك بجد عمرى ما هافكر اكمل علمى لو واثقة من نفسك اوى .. كملى لكن لازم تعرفى الموضوع مش سهل ولازم تتعبى اوى عشان تحققى هدفك ربنا معاكى ويهديكى للاختيار الصح ويوفقك ف المجال اللى هاتكملى فيه :) |
واحـد من النــاس
ما هو انا بقولك ان فكرة الشغل مش موجودة بشكل اساسى عندى يعنى الاحتمال الاكبر انى مش هشتغل انا عامة اللى بحبه فى الكمبيوتر واللى اتعلمت حاجات فيه هو تصميم المواقع والمنتديات اعرف استخدم لغة html واتعلمت شوية فتوشوب -------------------------------------------------------------------------------------------------------------------------------------------- !! who cares !! تسلمى يا قمر على ردك انا ان شاء الله هصلى صلاة الاستخارة وربنا يهدينى ان شاء الله للاختيار الصح بصراحة انا بعد اللى جرالى السنة اللى فاتت تعبت قوى مش تعبت من المذاكرة لا اعصابى تعبت انا لو هحول ادبى هحول علشان ارتاح |
طب يا جماعة حد يعرف ايه شروط دخول اداب اعلام من ادبى ؟؟؟؟؟؟؟؟؟؟؟؟؟
|
اقتباس:
انا ماعرفش حاجة بس ده كلام بلال عن اداب قسم اعلام اقتباس:
وهاحاول ادور على معلومات اكتر لو وصلت لحاجة هاكتبهالك |
بسم الله الرحمن الرحيم انا مش راح اتكلم عن علمي ولا أدبي بس راح اقولك ان غلطتك في امتحان الكيميا .. انك مش نمتي كويس لإن مخك مش أخد قسط كافي من الراحه .. فمش قدر يفتكر اي حاجه يابنتي الراحه ليلة الإمتحان اهم بكتير دي اول غلطه ليكِ == أتكلم بقى عن علمي ولا أدبي بصي انا مش أقدر اتوقع لك اذا كان التنسيق راح يفضل زي ما هو ولا راح ينزل .. :rolleyes: بس اللي اقوله ليكِ إني شايفه ان ادبي أحسن .. ده لو انتِ بتحبي الحفظ لو مش بتحبي الحفظ كملي علمي رياضه و ممكن تزيدي معظم الناس بيزيدوا في سنه تالته و الأحسن تصلي استخاره زي ما واحد من الناس قالك واللي فيه الخير يقدمه ربنا و ربنا يوفقك و يسهل لك الطريق |
بصى يا قمر مش عارفة أذا كنتى خدتى قرارك ولا لأ:( بس استحملى غلاستى بقى:D:D نبدأ واحدة واحدة;) اقتباس:
اقتباس:
الكلام دة ينفع لو أنتى عملتى كل اللى عليكى بس أنتى قصرتى فى أنك مش نمتى كفاية:confused::( .........طبعا اللى حصل حصل ياعسل;) بس دة لازم تتعلمى منة بعدين عارفة يا قمر أنا دايما كدة قبل الأمتحانات بتاعة الثانوية العامة وبالتحديد ليلة الأمتحان كنت بحس أنى مش فاكرة حاجة خااااااااااااااااالص:(:( فبعبقريتى بقى:D:D بفكر أن الحل هو أنى أراجع من الأول:eek: ويوم أمتحان الفيزياء مش نمت غير ساعتين حصلى تقريبا نفس اللى حصلك:p بس أنا الحمد لله قدرت أمسك اعصابى شوية بس تركيزى خانى:confused::( قلبت قوانين:(.........عملت عمليات حسابية غلط ع الألة:(:( لخبطت تعريفات.:(.............يعنى غلطات قلة تركيز;) دة غير الغلطات التانية:D:D وبعد كدة بقى يا سكر عرفت ودة المهم أن المخ من كتر المذاكرة بيوصل لحالة من التشبع وبتحسى أنك مش فاكرة حاجة والحل أنك تكبرى وتهدى وتخشى اللجنة وتقرى قرآن وتستهدى بالله;) وأبدئى............. والله بتلاقى استجابة رهيبة من المخ:):) أنا بقول الكلام دة عشان أحذرك أوعى اوعى اوعى تعملى كدة تانى حتى لو حسيتى ليلة الأمتحان أنك مش فاكرة حاجة خاااااااااالص دة بيبقى مجرد احساس مؤقت وخادع نتيجة للقلق ليس أكتر:);) أوكى ننقل بقى ع نقطة تانية:cool: اقتباس:
مش تفكرى فى كلامهم بالطريقة دى:rolleyes: فكرى أنهم خايفين على مصلحتك وبيتمنولك الخير عشان أنتى بنتهم حبيبتهم:) يمكن مش بيعبروا عن دة بأسلوب صح.:confused:.........بس حسن النية وخوفهم عليكى يغفر لهم:):) أنتى بقى اللى تحاولى تقللى من الضغط العصبى عليكى بأنك تنسى اللى حصل فى الكيمياء;)..... ....وتوريهم أنك ناوية أنك مش تتنازلى عن حلمك مهما حصل:) هما لما هيشوفوا اصرارك وعزيمتك أكييييييييييييييد هتلاقى منهم كل التشجيع وأى تجربة وحشة بتعدى عليكى فى حياتك فكرى أنا استفدت من التجربة دى أية؟؟؟؟؟؟؟ ولكن البكاء على اللبن المسكوب لايفيد:) اقتباس:
أنتى اللى حاطة فى دماغك الأحساس دة:mad: أنتى اللى بتحبطى نفسك بنفسك.....وأنتى مش ناقصة يا عمرى:) أدى نفسك دفعة أيجابية للأمام وافتكرى أن النجاح والتميز هو قرار شخصى يعنى أنتى اللى تقدرى تحددى أذا كنتى هتتفوقى ولا لأ;) أوكى.......نقطة تانية اقتباس:
ولكن لكى تكونى أم مثقفة تستطيع أن تفهم اولادها وتربيهم بطريقة صحيحة فيكونوا أفراد مؤثرين فى المجتمع:)......صح يا قلبى;) *************************************** بصى بقى يا سكر أنتى بتقولى أكمل ولا أحول أدبى أنا رأيى...........طبعا بعد الأستخارة;) أنك والله عندك أمل كبييييييييييييييييييير جداااااااااااااااااااااااااااا مش فى حاسبات بس ....لأ والله وفى هندسة كمان خصوصا أنك بتقولى أنك متفوقة طول عمرك يعنى قدراتك العقلية تقدر تخدمك بأذن الله :) أنتى حطى عينك ع النهائية فى جميع المواد........بما فيها العربى:) وخلى دة هدفك:).........وصدقى الهدف دة:).......وأوعى تستكترية:) واعملى كل اللى عليكى وأن شاء الله ربنا يكرمك;) وهنا بفتكر مثل بيقول shoot for the moon .even if you miss. you will land among the stars فاهمانى يا قمر:rolleyes: يعنى لما تيجى تحددى هدفك حطى عينك على أعلى حاجة ممكن توصليلها:) يمكن ربنا يكرمك........ولو لاقدر الله دة مش حصل:( فأنتى مش هتنزلى أوى يعنى;)........أوكى يا ملاكى وياريت يا حبى أكون قدرت أريحك:) وكلمة أخيرة بقى معلش:rolleyes: حاولى على قد ما تقدرى تتقللى الضغط على نفسك وانسى الكيمياء يا سكر...........البكاء ع اللبن المسكوب لايفيد;) واهلا بيكى فى أروع مادة ممكن تذاكريها بأمانة......الفيزياء:) أرق وخالص التمنيات بالتوفيق:):) |
ولله اللى حصل لك ده نفس اللى حصل لى فى الانجليزى منمتش كويس ويمكن النوم قبل الامتحان ده اكبر مشكلة عندى ولله الامتحان الوحيد للى نمت قبله امتحان التفاضل والمثلثات ونمت كمان بعد الفجر وباقى الامتحانات منمنتش ولو حتى دقيقة واحدة من الخوف والقلق يعنى الخوف كان بياثر عليا سلبي وده اكبر غلط مش عارفة بقى لو هقدر اتفادى المشكلة دى السنة الجاية ولا يه المهم انتى زى ما دكتورة ماجدولين قالت لك صلى استخارة وربنا خير معين ليكى و صدقينى انا اعرف واحدة صلحبتى و طول عمرها ممتازة ومن الاوائل وجابت نفس مجموعك انا استغربت لكن قلت ده نصيب وعملى استخارة وشوفى حتحسى بيه
|
| جميع الأوقات بتوقيت GMT +2. الساعة الآن 04:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.