|
المدرسين بيتدلعوا....
بسم الله الرحمن الرحيم
اسفة على العنوان المستفز بس عاوزة اعرف كل اراء المدرسين الأفاضل اللي منورينا في المنتدى أساسا أنا داخلة أولى طب عين شمس وكنت السنة اللي فاتت أكيد في 3 ثانوي و كنت جايبة 99.6% و بعترف اني مستفتدتش اي حاجة من مدة دراسة 12 سنة في المدارس المصرية الا اقل القليل بس أنا مش عارفة المدرسين متضايقين ليه؟ هي الامتحانات إهانه؟؟!!! ده معناه اننا من 12 سنة بنتهان في المدارس:( مش عيب ان حضراتكم تمتحنوا وايه التدريب او التمهيد اللي المدرسين عاوزينه؟ هو هم بيتدربوا قبل ميشرحوا؟؟ محدش ينكر ان الثقافة العامة لمدرسين مصر أو لاغلب المدرسين منخفضة التخصص قتلهم انا مدرس العربي بتاعي كان عبقري عربي مفيش جملة بيكتبها غلط وميعرفش اي حاجة عن الفيزيا و الانجليزي و مدرس الفيزيا اللي ممكن يتقال علية عالم فيزياء كل الجمل العربي محتاجة مدقق لغوي حتى بعض الحروف بتقع في النص ليه ميكنش المد\رس شامل صحيح متخصص في فرع هو جامد جدا فية و في نفس الوقت ملم بالعلوم والمواد الأخرى لم أقابل هذا المدرس طول ال 12 سنة غير مدرس الاحياء الله يكرمه بجد ده غير ان كتير من المدرسين مش نافعين في تخصصهم أصلا في ناس كويسة جدا ودي مش هيضرها الامتحان لانهم مثقفين أصلا آسفة بس اللي هيزعل من الامتحانات هو اللي خايف ميعديش من سنين والمدرسين بيتهموا من لا يتجاوز امتحان بانه فاشل الان أنتم من يمتحن و يجب ان تعلموا ان من لايتجاوز الامتحان ليس فاشل لهذه الدرجة بغض النظر عن فاعلية هذه الامتحانات لكني اعترف أن التعليم في مصر فااااشل و ان هناك العديد من المدرسين الذين لا يصلحون الا للجلوس على القهوة و في ايضا مدرسين يستحقون أن نرفع لهم القبعة و ننحني لهم احتراما و فعلا مكانهم مش هنا لذلك يجب التفرقة بين النوعين لكي لا يضيع حق العظماء و أتمنى ان ارى ردا من كل المدرسين هل هم موافقون أم رافضون؟و لماذ؟ |
حرام عليكي ضيعتي الدنيا بكره تكبري وتفهمي
|
ياطالبة اعداد الطباذا قصر الطبيب فى عمله فالضحية فرد واحد اما اذا قصر المدرس فى عمله فالضحية مجتمع بأكملهوعلى الله تفهمى!!!!!!!!!
|
روحي نامي يابنتي وشدي اللحاف عليكي كويس السهر مش حلو علشانك
|
اتقوا الله فى ردودكم
السلام عليكم لأهل المنتدى الأفاضل لقد ساءنى كثيرا رد المدعو عزمى سامحه الله ولا أستطيع أن أتخيل للحظة أنه ينتمى إلى فئة المعلم بأى صورة من الصور
|
ده سلوك موش حضارى يا استاذ
فى حرية راى وكل واحد يقول الى هو عاوزه و نتناقش بهدوء |
بصراحة مش وقت فلسفةالناس مش ناقصة ياريت اللى عندة او اللى عندها كلمة حلوة تقولها ماعندهاش تتفرج على خيبتنا وتسكت ربنا ينتقم من السبب الاساسى فى اللى خلى كل من هب ودب يهين فينا
|
ياطالبة اعداد الطب اذا قصر الطبيب فى عمله فالضحية فرد واحد اما اذا قصر المدرس فى عمله فالضحية مجتمع بأكمله وعلى الله تفهمى!!!!!!!!!
وعلى الله تفهمى!!!!!!!!! وعلى الله تفهمى!!!!!!!!! |
احم احم....................انا برده طب بيطرى بعد اذن حضرتك...................ووالدى مدرس رياضيات حضرتك تعرفى الامتحان فيه ايه...............مفيش مشكلة قوليلى مدرس رياضيات درس لغة عربية من 30 سنة هيفتكر ايه وهم بيحاسبوا على الهمزات.........يعنى مثلا اد هتفرق ايه عن أد
|
وزيرنا حبيبنا بيدلعنا
وان مكنش وزيرنا يدلعنا مين هايدلعنا يا مدلعنا يا وزيرنا |
اقتباس:
|
انا معاكي في كل كلمة قلتيها "مع العلم اني مدرس ايضا" ولا اعترض علي شيء اطلاقا سوي ان الوزارة جهزت لنا امتحان بصورة غير منصفه فكليات مصر متباينه والدارسين فيها لا يدسوا كتب موحده فكيف تختبرنا كلنا اختبار موحد
واعتراضي الثاني هو اهانتنا فمجرد اجبار المدرس علي شئ هو يري انه خاطيء فهو في حد ذاته مهزلة هذا ادي الي اهدار كرامة المدرس للدرجة اللي تخلي واحده زيك بشخه بتتكلم من غير ماتعرف ايه هي ابعاد المشكله سؤال: هو انتي مدرسه ؟ الاجابه لأ خلاص اخرسي!!!!!!!!! |
ده سلوك موش حضارى يا استاذ
|
الى طبيبة المستقبل...........اللى بفضل مدرسنها الكرام و مواظبتها على الدراسة هتكون طبيبة لكن مش معنى ده ان ينطبق عليكى قول الشاعر علمتة الرماية و أول من رمى رمانى ......... الخ طبعا حدوتة الكادر انت مش فهماها اصلا لأن زعل مرسينك الكرام ليس من الامتحان فى حد ذاتة فالمدرس يمتحن يوميا من قبل الطالب الناظر المدير و بينجح ولا تهتز صورتة ثم لماذا لم تذكرى ان الاطباء اخدو الكادر من غير امتحان والعمال و غيرهم و لكن زعل المدرسين من حجات كتيرمنها ربط الكادر بدخول الامتحان و النجاح فية وبعدين انتى عايزة مدرس شامل معنى كدة ان انت بردة تبقى دكتورة بشر و بقر فى نفس الوقت مش كدة بردو اللى انت متعرفهوش ان كلما زاد التخصصتحديدا كلما زاد التفوق و الجادة يعى ياحببتى المدرسين مش زعلانين من الامتحان فى حد زاتة
|
ابنتى العزيزة
بعد ان تتخرجى ان شاء الله وتصبحى طبيبة اطفال او جراحة مخ واعصاب اعتقد انه من غير اللائق ان تختبرك وزارة الصحة فى الهندسة المدنية مثلا او تكنولوجيا الدفع النفاث لانه بعيد عن تخصصك موضوعك فكرته مقبولة وتنفيذه منك جانبه الصواب المتمثل فى نقدك لاستاذتك الذين ساعدوك الى الوصول الى كلية الطب بالاضافة الى الكثير من الاخطاء اللغوية بالتوفيق |
عذراً للأخطاء المطبعية وارجو اعادة خاصية التحرير حتى نتمكن من تعديل اى خطأ
|
ابنتى العزيزة
بعد ان تتخرجى ان شاء الله وتصبحى طبيبة اطفال او جراحة مخ واعصاب اعتقد انه من غير اللائق ان تختبرك وزارة الصحة فى الهندسة المدنية مثلا او تكنولوجيا الدفع النفاث لانه بعيد عن تخصصك موضوعك فكرته مقبولة وتنفيذه منك جانبه الصواب المتمثل فى نقدك لاستاذتك الذين ساعدوك فى الوصول الى كلية الطب بالاضافة الى الكثير من الاخطاء اللغوية بالتوفيق |
اقتباس:
اقتباس:
أكيد ليا دعوة بالمنتدى لان ده منتدايا وكان مدرستي لمدة 3 سنين ثانوي المنتدى اسمة " الثانوية العامة" اقتباس:
اقتباس:
لا أنكر أن المدرس الفاسد في فصل سيفسد 80 طالب بينما الطبيب الفاشل سيقتل واحد كما تفضلت و قلت أنت لكن من ينكر أن هناك مدرسين لا يصلحون فهوا يخدع نفسه قبل أن يخدع المجتمع اقتباس:
شكرا للاساتذة الافاضل منار و الأستاذ الفاضل خالد على تحضرهم بس معرفتش رأيهم اقتباس:
هم بشر لهم أبناء و أسرة و بيت و يحتاجون لمستوى محترم من العيش لكن يجب الا ينسوا الدور لمقدس الذي يقومون به يجب أن يكونوا أفضل من كل المصرين ألا ينسوا في خضم البحث عن رغيف العيش والمال انهم عليهم أثقل الأعباء و أنهم يتحكمون في مستقبل امتنا أنا لم اجد اي رد رافض او مؤيد يذكر أسبابه أنا أحترم كل من يرفضون ولكن أتوسل اليكم اذكروا لي اسباب ويا حبذا لو كانت في نقاط :d ملحوظة صغيرة : طب مفيهوش اعدادي |
بص يا ابنتي المعلم بيغلي وقرفان من الكادر وسنينه وانتي تقولي بيتدلعوا .....................وكمان المصيبة السودا بتقولي 12 سنة تعليم وما استفديش وفي الاخر جبتي 99% طب ازاي جيبتيهم استقاظك كل يوم والذهاب للمدرسة ولا من محل الفول اللي علي اول الشارع................اعملي معروف سيبينا في الي احنا فيه ومن تدخل فيما .لا يعنية.........................
|
اولا بالنسبه للخوة اللى كان اعتراضهم على ما جاء فى الموضوع من الفاظ تسئ الى مهنه قبل ان تسئ الى شخصيه كاتبها
ان حريه التعبير كفيله للجميع فان كان للمدرس الحف فى ابداء رايه بخصوص طالبه لديه فلما لا يكون نفس الحق لطالبه مع الاحتفاظ باحترام كلا الاثنين بعضهم لبعض و حفظ قيمه المعلم بقيمه مهنته الاخوة الاعزاء ان الاخت طالبه الطب فى المستقبل لم تاتى بالجديد فكيف لمعلمه اولى علوم ياتى اليها مدرس يعمل تحت اشرافها بمجموعه من الاسئله فى تخصصها فلا تستطيع الاجابه عن نصف ما جاء به فكيف يكون ادائها امام تلاميذها كيف يكون رد فعل الطالب عندما يرى مدرسه يخطئ فى مادته العلميه و عندما يعترض لا يجد من معلمه الا الاهانه و التقليل من رايه ان المعلم لكى يكون معلم عليه ان يعى ان دورة ليس بان يقف رافعا راسه مقتنعا بانه الاعلى علما رغم انه مهما حاول لن يصل لقمه الجبال علما الا بدراسه مستمرة لا تتوقف عما درسه منذ سنوات و سنوات ......... للعلم انا مدرس فى احدى المدارسى المصريه التعليم بالفعل اصبح فاشل و نصف معلمى مصر لا يستحقون الامساك بالطباشيرة و قد يكون لهم العذر فيما وصل اليهم حالهم و لكنه ليس بالامر الذى يفرض عليهم الوقوف ذلك الموقف |
اعتذر عن الاخطاء الاملائيه لسرعتى فى الكتابه و تقبلوا تحياتى و احترامى
|
اقتباس:
من أنت حتى تقيمى المعلمين أنت ولا شىء أنت نكرة أنت تافهة ومش ممكن تكونى فى طب أنت آخرك أداب ( ؟؟؟؟؟؟؟) |
fبصى يا انسة
اولا اشكر فيكى تحضرك فى المناقشة التى اكيد جزء منها يرجع الى مدرسينك ثانيا المتحانات دى مالهاش اى دعوة بالثقافة اللى انت تقصدينها دى عبارة عن مواضيع فجأة الوزارة قالت انا هأمتحنكم فيها م نيجى للتخصص مدرس الأعدادى ها يمتحن كأنه بيدرس منهج الثانوى اليس هذا ظلم و متقوليش ثقافة ثانيا يا انسة النظام فاشل لان المدرس اللى مش هاينجح هيسبوه لمدة عام و بعدين يمتحنوه تانى يعنى الوزارة هاتسيبه سنة كاملة و هو فى نظرها فاشل يقعد يعلم الاولاد اكيد دة مش هايبسطك صح؟ ثالثا المفروض ان الامتحان ده يطبق على قادة الوزارة الاول علشان يعرفوا يمتحنونا رابعا ارجو ان تكونى عرفتى رايى |
"المعلم المصرى مش معترض على فكرة التطوير او حتى فكرة الامتحان نفسها". وكماذكر الاستاذ الفاضل بان المعلم نفسه فى وضع استعداد دائم لامتحان مستمر اثناء عمله بحيث انه على الدوام يعتبر نفسه عرضة لأى سؤال او استفسار من الطالب . الاعتراض فقط على الاسلوب وبالنظر لطريقة الامتحان تجدى ان منظمى الامتحان عمدوا الى تنفيذ الموضوع بطريقة مستفزة مريبة. فبالرغم من ان الكادر كان فى الاصل هو لتحسين وضع المدرس ماديآ اجتهد المجتهدون ليلتفوا حول القانون لتحويله الى امتحان يتقدم له المعلمون حتى موعد معين وبعد انتهاء ذلك الموعد المحدد ببضع ايام فجأة وبدون سابق تنظيم اجتهد المجتهدون مرة اخرى ليلتفوا على القانون وتفتق ذهنهم عن فكرة ربط الكادر بالدرجة حتى يقللوا من المردود المادى الذى سيحصل عليه المعلم . كل هذا ومعظم المعلمين تقبلوا الموقف ممتعضين وما زاد الامتعاض عدم وفاء المنطمين بوعدهم بعمل تدريب قبل الامتحان كعادة الدول المتقدمة التى نستجلب منها نظرياتهم ونطبقها بنظرتنا اللاموضوعية فى معظم الاحيان. وهناك تفاصيل كثيرة لايتسع الوقت لذكرها هى التى أدت لاعتراضهم فالاعتراض على الطريقة والاسلوب لا على التطور او الامتحان.
|
طبعا بشروط
وهى اجراء دورات تدريبية قبل الامتحان عدم ربط الزيادة بالامتحان |
الله يرحم.....................ويجازى اللى .........................وجعل العبيط........................
وفهمى هذا المعنى يا ......تورة http://tariqel3lm.net/up/uploads/b9fa5f1905.jpg |
السلام عليكم ورحمه الله وبركاته
انا من طبعى عدم المشاركه والاكتفاء بالمشاهده لكن موضوع سيادتك مستفز جدا ولكن التمس لكى العذر لصغر سنك وقله خبرتك بالحياه ( لسه اولى جامعه ) اولا انا زميلك اكبر منك يا دكتوره( بكالوريوس) حضرتك لا يحق لك توجيه هذا الاتهام وهذا الكلام لمن هم اصحاب الفضل علينا الا وهم معلمونا نعم هناك كثير منهم كما تقولين لكن هل هم السبب فيما هم فيه انما هو نتاج نظام فاشل تعليمى على كل البلد ليس المعلمين فقط لكن الجميع واولهم الاطباء نظام بعتمد على الحفظ وليس هناك اى نوع من انواع التعليم العملى او الفهمى لكن الطالب زى الشوال يتعبى معلمومات يلقى بها اخر العام فى الورقه لايعرف لما درسها او تطبيقاتها العمليه او ايه فايدته اهى حاجه يعدى ويخلص نرجع للمدرس هل تعرفى كم يقبض المدرس صاحب ال 25 سنه خبره 500 جنيه بس يزيد او يقل 100 جنيه كيف يفتح بهم بيت واسره لا ادرى ولكنه امر واقع كيف يواجه الحياه لابد من الدروس وكثره العمل الخارجى لجلب الرزق مما يؤثر بالسلب على عطاؤه المدرسى مع العلم ان نسبه من يعطى الدروس ليست بكثسره هناك الكثير اللى سوقهم واقف بلغه السوق فهذا الكادر ليس منه من الدوله ولكنه حق اساسى وهذا المبلغ التافه المسمى بالكادر انما هى نواه يمكن تاخر وقوع الزير اذا كنت حضرتك عاوزه مدرسين ومدارس تعليميه صح لازميكون مرتب المعلم الشهرى على الاقل 3000 عند التخرج كى يكتفى ويستطيع التفرغ للتدريس والابتكار فى العمل ولازم النظام التعليمى يتصلح من الاساس وعشان يتصلح الحياه الاقتصاديه والمعيشيه تتصلح وده عشم ابليس فى الجنه وهتروحى بعيد ليه يادكتوره كلنا فى نفس المركب بس عشان انتى لسه جديده فى الطب حضرتك يا دكتوره الغد ليس لك تكليف = مفيش شغل مفيش مستشفى تتعلمى فيها بعد التخرج = مفيش برايفت= دكتور بالاسم=لو مفيش تعيين فى الجامعه مفيش عيشه مرتبك فى الامتياز و فى التكليف 250 جنيه بالحوافز والتكليف= تعرفى تفتحى بيت والكادر اللى هو باكو بعد 3 سنين من التخرج مش عارفين هيتقرر ولا لا وميفتحش بيت والله اعلم هيزيد امتى واصلا انتى ملكيش شغل فى وزاره الكحه اقصد الصحه نيجى بقى للدراسه انا والحمد لله بعد 6 سنين فى الكليه استفد منها ايه = صفر مكعب مجرد دكتور حافظ كلام مش عارف يطبقه ازاى ولا لزمته ايه وناسيه انا خلصت عاوز اشتغل عشان ابقى صح لازم شهاده من بره مش ماجستير مصرى يعنى حسبه 50 الف جنيه يعنى لو ابويا ممعهوش فلوس حاجه من ال 2 ياهضيع فى غيابات وزارة الكحه يا هفتح عياده واعالج وانا وحظى زى كتير من خريجى الاطباء معقولى الدخل وبعد ده كله اروح الخليج عشان اجيب فلوس عشان الفلوس فى مصر متاكلش عيش حاف فيادكتوره المستقبل كلنا مركب واحد لكنك لسه صغيره مش عارفه الدنيا ماشيه ازاى ونصيحه حولى من الكليه ابل ما تبداى يا ما تاكلى الكتب عشان تتعينى لان بره الجامعه ملكيش مكان حتى تشتغلى مش تتعلمى فيه واخيرا اسف على الاطاله وياريت اساتذتى واخوانى المدرسين والمعلمين ما يزعلوش ولكنها بنت اوا اخت ليكو لسه صغيره ماخدتش خبره فى الحياه ولنا الله |
السلام عليكم
كل المعلمين يرفضون ووأوضح لحضرتك من وجهة نظري المتواضعه (رغم أني لا أظن أن الموضوع يهمك) - المعلم قدوة ومثل أعلى للطلاب كيف يواجههم إذا لا قدر الله رسب؟ - الدفعة الواحدة تضم أكثر من معلم في كل مدرسة كيف يلتقون إذا نجح أحدهم وأخفق الآخر لا قدر الله؟ - كل معلم لديه فتاة جميلة مثل حضرتك أو شاب أو أصغر أو أكبر كيف يواجههم إذا لا قدر الله لم يوفق. - إذا كان هناك موجه مادة ولا قدر الله لم يجتاز الاختبارات وذهب ليقدم بعض الملحوظات على أحد المعلمين الذي نجح في الاختبار كيف سيتقبل منه ذلك؟ - وأخيرا اعملي يا أختي الفاضلة أن الدولة لا يوجد بها ميزانية وانت عارفة الباقي. -هذا اضافة لما قاله الزملاء الأفاضل؟ واعتذر لحضرتك عما قاله بعض الأفاضل فأنتِ لا تعلمي ما بنا من كدر؟ أشكرك على اهتمامك وأسأل الله السميع المجيب أن يوفقنا جميعاً وكل عام وأنتم بخير والسلام عليكم ورحمة الله وبركاته. |
أرجو من الأخوة المشرفين غلق الموضوع
لأنه يسفز مشاعر المعلمين |
اقتباس:
فعلا في أسئلة كتير متخصصة زيادة عن اللزوم ممكن ننقد العيوب اللي في الفكرة انا بتكلم عن بعض المدرسين اللي رافضين انهم يقعدوا يمتحنوا و شكرا اقتباس:
اقتباس:
بالفعل أنا ضد اجبار المدرس و كان المفترض ان تتنوع الامتحانات بالرغم من أن كل هؤلاء يشرحون نفس المناهج اقتباس:
أهذا هو رد الفعل المنطقى؟ اقتباس:
بالطبع هو ينجح ولكن ببعض الصراحة سنجد أن اغلب المفتشين طيبين ولا يريدون أن "يئذوا حد" [ QUOTE]ثم لماذا لم تذكرى ان الاطباء اخدو الكادر من غير امتحان والعمال و غيرهم و لكن زعل المدرسين من حجات كتيرمنها ربط الكادر بدخول الامتحان و النجاح فية[/quote] ألا يمكن أن يكون عدم اختبار كفائتهم خطا؟ أنا مع حضرتك ان ربط الامتحان بالكادر خطأ لكن المفترض ان يكون الامتحان شئ مستقل دائم لمعرفة مستوى المدرسين اقتباس:
أنا اتحدت ان يعرف شئ عن كل شئ و يعرف كل شئ عن شئ أنا ادرس كل التخصصات لمدة 6 سنين في الكلية بعدها أمارس كل التخصصات لمدة سنة بعدها أتخصص و هذا لايعني ان الاطباء يجب الا يفهموا في الفيزياء او الكمياء قد كان هناك درس في اللغة العربية للعقاد عن التخصص و للاسف حذفوه من المنهج لكنها كانت مقالة رائعة و شكرا على احد اكثر الردود احتراما و منطقية اقتباس:
انا لا أنتقدهم لكني اقر حقائق هم كانوا يعترفون بها بانفسهم بتاكيد لن اقبل ان اختبر في هذا لكني لن امانع ان اختبر في الطب او في مجالات الحياه و الثقافة العامة شكرا للاستاذ hmd695 على ردة اقتباس:
و انا مقدرة لان المدرسين زيهم زي المصرين كلهم بيغلوا فعلا انا مستفدتش كلمة من كل دراستي من أولى ابتدائي لحد ثالتة ثانوي النظام قائم على الحفظ ولا وجود للعملي في المناهج العيب ليس في المدرسين في ذلك العيب في الناهج العقيمة و اسلوب الامتحانات والدليل اني جبت 99% بدون الاستفادة الا من منهج الاحياء و الفيزيا في 3 ثانوي و بالطبع بعض منهج العربي اقتباس:
ولا املك الا ان احييك من اعماقي و اعرب لك عن مدى اعجابي بحضرتك اقتباس:
و المعلم ليس اله الطالب هو احسن من يقيم المعلم لانه هو من يتعامل معه و شكرا على زوقك اقتباس:
و انا احمد الله على ان كل مدرسيني على الاقل في الثانوي كانوا اشخاص في غاية الاحترام و ساظل عمري كله مدينة لهم و نقدي لهم لا يقلل مثقال ذرة من قيمتهم و دورهم الهام في حياتي فعلا النظام فاشل وما هو الذي ليس فاشلا في مصر؟ و اكيد الموضوع ليه عيوب كتيييير لاننا في مصر انا كان هدفي ان حد منظم زي حضرتك كدة يوضح العيوب اللي هي اكيد موجودة لاني لقيت كتير بيعترضوا وخلاص و كنت عاوزة اعرف راي مدرسين المنتدى اللي بحبه وبحترم كل المدرسين اللي فيه و شكرا جزيلا لحضرتك على وقتك اللي متحتوهولي علشان ترد عليا |
السلام عليكم ورحمه الله
الاخت العزيزه طالبه الطب لا ننكر جميعا ان التطوير والتحديث امر واجب وحتمي في مجتمع مليء بالمتغيرات ولكن المبدا اللي كلنا بنتكلم فيه هو ربط فلوس زياده بامتحان ده مربط الفرس يعني هل كل واحد بيترقي لدرجه اعلي لازم يجتاز امتحان ؟ طب ولو فرضنا بصحه ده مش لازم بيكون فيه تدريب الاول غالبيه مدرسين مصر مميزين يا انسه علميا بلدليل ان الدول العربيه دائما ماتبحث عن العقول المصريه ولو افترضنا ضعف مستوي المدرسين وسلمنا جدلا بده الواجب ااننا نعمل دورات تدريبيه مكثفه ولا نربطها بشيء ونحدد لها مستويات ويتم تصنيف كل مدرس علي مستوي معين وفقا لاجتيازه هذه التدريبات ولكن اننا بقي مسخره لاي واحد يعلق علينا بكلمه سافله لا والف لا لان اي واحد اتعلم حرف في مصر يروح يبوس ايد اللي علمه الحرف ده ويبجله ... المدرس يا انسه هو اللي بيصنع كل المهن بمافيهم انتي ولا يليق بنا اننا نتكلم عنه بالشكل ده والاخ الفاضل اللي غلط في حقك انا بعتزر بالنيابه عن كل زملائي في اسائته لك واعتقد انه لايمت للمدرسين بصله |
وبالمثل هناك دكتور لايصلح للمهنة لا خلقاً أو علما ً ، فأنت ياعزيزتى عندما دخلتى امتحان الثانوية لتحصلى على مجموعك الذى تتفاخرين به
لم تصحى من النوم إلى الامتحان مباشرة بل سبقه مناهج محدده وتدريب على امتحانات سابقة بشكل مكثف وكذلك سهر لليالى ولكن كل ذلك فى موضوعات محدده وليست مواضيع عشوائية . • بداية موقفنا نحن يختلف عنك كثيرا فعدم رغبتنا لدخول الامتحانات ليس خوفا وإنما نحن نطالب بها ولكن بعد تحديد نوعية المطلوب فى هذه الامتحانات من خلال دورات تدريبية يطلعنا فيها عباقرة التعليم عن رغبتهم، فلا يوجد اختبارات عشوائية فعلى سبيل المثال شهادة الرخصة الدولية للكمبيوتر Icdl يحدد لكى أولاً مجالات معينة وليس كل مجالات الكمبيوتر ثم يختبرك بعد ذلك فيها وهى شهادة دولية وباللغة الانجليزية ومع ذلك خاضها كثير من المدرسين ونجحوا فيها بشكل باهر لأنهم لديهم رغبة فى تحسين مستواهم المهنى والعلمى . ولذلك لاتصلح اختبارات دون تحديد مضون مايتم الاختبار فيه . • أن تكون الاختبارات للترقى من مرحلة لأخرى وليس لتحديد مستوى المدرس لتسكينة على وظيفة معينة هى محدده سلفا بالأقدميه والدرجة المالية وليس لها علاقة بالاختبار . وبالمناسبة ماهو المراد من كلمة تسكينة التى جاءت فى طيات الكادر هل المدرسين غير مسكنين بالفعل فى عملهم . • تذكرين بصراحة أنك طوال مدة دراسة 12 عام لم تستفيدى شيئاً على الإطلاق والله وخلال سنين الدراسة فى كلية الطب لاتستفيدى أيضا شيئا ، هذا ليس شأنى كمعلم لماذا المعلم دائما هو المخطئ ويتحمل أخطاء غيرة فالمدرس أداه تستخدم فى العملية التعليمية فإن تم إعطاءه مناهج جيده قام بتدريسها وإن تم إعطاءه مناهج غير جيدة أيضا قام بتدريسها للطلاب فنحن لانملك الإضافة أو الحذف من المناهج ولكن ندرسها كما هى ولكن يختلف الأسلوب من شخص لأخر فالأولى أن نضع مناهج جيدة ملائمة للعصر ومواكبة للتطور وتدريبه عليها ومن هنا يحدث التطوير والاستفادة لأفراد والمجتمع . • الكادر هذا حق لنا نحصل عليه بدون امتحانات أو شروط مجحفة فلماذا نرضى بما يفرض علينا هل فرضت شروط أو اختبارات على غيرنا حتى نرضاها نحن . وأخيرا شكرا على رأيك الذى ربما أغضب الكثير منا ولكن نتقبل الرأى الأخر بحسناته ومساوئه |
وبالمثل هناك دكتور لايصلح للمهنة لا خلقاً أو علما ً ، فأنت ياعزيزتى عندما دخلتى امتحان الثانوية لتحصلى على مجموعك الذى تتفاخرين به
لم تصحى من النوم إلى الامتحان مباشرة بل سبقه مناهج محدده وتدريب على امتحانات سابقة بشكل مكثف وكذلك سهر لليالى ولكن كل ذلك فى موضوعات محدده وليست مواضيع عشوائية . ·بداية موقفنا نحن يختلف عنك كثيرا فعدم رغبتنا لدخول الامتحانات ليس خوفا وإنما نحن نطالب بها ولكن بعد تحديد نوعية المطلوب فى هذه الامتحانات من خلال دورات تدريبية يطلعنا فيها عباقرة التعليم عن رغبتهم، فلا يوجد اختبارات عشوائية فعلى سبيل المثال شهادة الرخصة الدولية للكمبيوتر ICDL يحدد لكى أولاً مجالات معينة وليس كل مجالات الكمبيوتر ثم يختبرك بعد ذلك فيها وهى شهادة دولية وباللغة الانجليزية ومع ذلك خاضها كثير من المدرسين ونجحوا فيها بشكل باهر لأنهم لديهم رغبة فى تحسين مستواهم المهنى والعلمى . ولذلك لاتصلح اختبارات دون تحديد مضون مايتم الاختبار فيه . ·أن تكون الاختبارات للترقى من مرحلة لأخرى وليس لتحديد مستوى المدرس لتسكينة على وظيفة معينة هى محدده سلفا بالأقدميه والدرجة المالية وليس لها علاقة بالاختبار . وبالمناسبة ماهو المراد من كلمة تسكينة التى جاءت فى طيات الكادر هل المدرسين غير مسكنين بالفعل فى عملهم . ·تذكرين بصراحة أنك طوال مدة دراسة 12 عام لم تستفيدى شيئاً على الإطلاق والله وخلال سنين الدراسة فى كلية الطب لاتستفيدى أيضا شيئا ، هذا ليس شأنى كمعلم لماذا المعلم دائما هو المخطئ ويتحمل أخطاء غيرة فالمدرس أداه تستخدم فى العملية التعليمية فإن تم إعطاءه مناهج جيده قام بتدريسها وإن تم إعطاءه مناهج غير جيدة أيضا قام بتدريسها للطلاب فنحن لانملك الإضافة أو الحذف من المناهج ولكن ندرسها كما هى ولكن يختلف الأسلوب من شخص لأخر فالأولى أن نضع مناهج جيدة ملائمة للعصر ومواكبة للتطور وتدريبه عليها ومن هنا يحدث التطوير والاستفادة لأفراد والمجتمع . ·الكادر هذا حق لنا نحصل عليه بدون امتحانات أو شروط مجحفة فلماذا نرضى بما يفرض علينا هل فرضت شروط أو اختبارات على غيرنا حتى نرضاها نحن . وأخيرا شكرا على رأيك الذى ربما أغضب الكثير منا ولكن نتقبل الرأى الأخر بحسناته ومساوئه |
اشكر ميدل مارش علي التعليق الخطير
اه يا مدلعنا |
في النهاية شكرا
اريد ان اوضح رايي أنا ارفض ربط الكادر بالامتحان واعرف ان بلدنا بايظة في كلوا و زيادة الرواتب ليس فقط زياده بل رفعها للسماء هو ابسط حقوقهم انا لا ارضى باقل من 24 الف للمدرس في السنة ليكون على بداية ان نطلق علية مرتب جيد انا كنت اسال عن سبب اعتبار المدرسين كونهم يجلسون و يمتحنون اهانه قد رايت مدرستين اليوم بعد الامتحان مباشرة كان غضبهم من كونها اضطرت ان تقعد مثل العيال!! و اغلب الردود في العاشرة مساء و 60 دقيقة اوصلتني لنفس الفكرة عامة قد فهمت وجهات نظر المدرسين على اختلافها و ان كان المشرفين يريدون اغلاق الموضوع فهم احرار وان ارادوا تغير العنوان يكن أفضل و شكرا لمنتدى اعتبرته مثل بيتي لمدة 3 سنوات و أخي د. سنيبر مان شكرا لك على ايضاحك مستقبلي الاسود في الكية انا لم أقل ان الطب في مصر مبهر هناك العديد من الاطباء الذين يقتلون المرضى وو هناك العديد من الخريجين الذين هم "دكاتره حافظين" لكني اطمئنك لن أحول لاني على ثقة اني بامكاني مساعدة الكثيرين من مكاني حتى ان اصبحت لا اجد مالا لاعيش ولا عملا لكني ساساعدهم |
يا ( أميره )
شوفى موضوع تكونى بتفهمى فيه لا تصلحى لتقييم معلم لست مؤهلة لذلك الذى يقيم المعلم لابد أن يكون متخصص وصاحب خبرة هل الطالب هو من يقيم المعلم؟ أعتقد الإجابة بالنفى |
اشكر ميدل مارش علي التعليق الخطير
اه يا مدلعنا - يعنى لما الاطباء خدوا كادر حد امتحنهم ثم احنا خريجيين تربية نمتحن تانى فى حاجات غامضة واجاباتها متشابهة لية الموضوع كلة ان الدولة اتورطت فى فلوس الكادر تعمل اية فى الورطة دى تسقط المدرسين لكن لوعايزيين يرفعوا مستوى المعلم يدربوه وبعدين يمتحنوة بما يرضى الله مش بما يرضى الوزير اله لا يسام.......... |
اشكر ميدل مارش علي التعليق الخطير
اه يا مدلعنا - يعنى لما الاطباء خدوا كادر حد امتحنهم ثم احنا خريجيين تربية نمتحن تانى فى حاجات غامضة واجاباتها متشابهة لية الموضوع كلة ان الدولة اتورطت فى فلوس الكادر تعمل اية فى الورطة دى تسقط المدرسين لكن لوعايزيين يرفعوا مستوى المعلم يدربوه وبعدين يمتحنوة بما يرضى الله مش بما يرضى الوزير اله لا يسام.......... |
اشكر ميدل مارش علي التعليق الخطير
اه يا مدلعنا - يعنى لما الاطباء خدوا كادر حد امتحنهم ثم احنا خريجيين تربية نمتحن تانى فى حاجات غامضة واجاباتها متشابهة لية الموضوع كلة ان الدولة اتورطت فى فلوس الكادر تعمل اية فى الورطة دى تسقط المدرسين لكن لوعايزيين يرفعوا مستوى المعلم يدربوه وبعدين يمتحنوة بما يرضى الله مش بما يرضى الوزير اله لا يسام.......... |
شكرا لرد m.leader بصراحة كلل كلمة قلتها حضرتك موفق بها لابعد الحدود و اشكرك على الرد الرائع
و الأستاذة طاقة نور يبدو انك لم تقرئي باقي الردود لاني لم الم المدرس لثانية على عدم استفادتي شيئا طوال 12 سنة أنا لا أتفاخر بمجموعي مطلقا انا استخدمة كدليل على فشلي في رحلة تعليمي فبالرغم من اني لم استفد الكثير قد حصلت عليه؟ فلماذا؟طبعا توفيق من الله بالاضافة لفشل منظومة التعليم كلها و انا لم اقل ان الاطباء رائعين .... و اكرر اذا كانت رغبتكم فليغلق احدهم الموضوع و اسفة ان كنت قد اغضبتكم لهذه الدرجة مع اني ارى اني وفرت للبعض متنفسا يفرغ فيه توترة |
الرجاء غلق الموضوع
الرجاء غلق الموضوع الرجاء غلق الموضوع الرجاء غلق الموضوع الرجاء غلق الموضوع الرجاء غلق الموضوع الرجاء غلق الموضوع |
ربنا يوفقك يا دكتوره
انا عارف ان لسه الحماسه واخداكى وانا كنت زيك لكن لما تقدمى فى الكليه وتعرفى العمليه ماشيه ازاى هتعرفى انى صح وان مفيش فايده وبالتوفيق ليكى |
اقتباس:
أنا لم اعترض على اغلاق الموضوع بل و طالبت به يمكن ان ننتظر المشرفين الى ان يتخذوا قرارهم و انت لم تخبرني مافرق طلاب طب عن آداب عن تربية عن علوم عن تجارة عن هندسة؟ كلها كليات لا يستقيم مجتمع بدونها أم ماهي وجهة نظرك بالظبط في ان تشك في كوني في طب بل في آداب؟؟؟ |
الدكتورة الصغيرة اميرة الورود
ابنتى واختى وصغيرتى نشكرك على ارائك وحماسك وان لم تكونى صائبة فى جميع الاحوال ونعتذر عن من اساء اليك من الزملاء واحيى فيكى روح المشاركة واتمنى لكى المزيد من المشاركة الفعالة فى اكثر من موضوع ولا تعليق على اصل الموضوع لان لكل رايه |
شوفى يبنتى الوزارة ( الحكوم المصرية ) من أول يوم تعين من عشرين سنه كان المرتب 48 جنيهاحتى وصل الى 320 جنيهومن يومها واحنا متبهدلين شغل برالوزارة وداخل الوزارة حتى نتجوز ونفتح بيت ونأكل العيال ألى وراناحتى حولنا نطلع اعارة منفعش لوكانت الوزاره بتعطى مرتبات كويسة كان المعلم راح البيت بعد العمل الرسمى وأطلع وابتكر وزاد من معلوماته اوحتى حافظ على المعلومات الى عنده ولكن الوزارة مموتت المدرس وجيا دلوت تقول امتحان الدرس كويس فى تخصصة نعم لأنه يكرر كل يوم وكذلك حتى يكون واثق امام الطالب الذى امامه ,والموجه الذى يدخل الينا فإعذرى ردود المدرسيين
|
طالب الطب غالباً ذكى
مؤكد أن طالب الأداب ( ؟؟؟؟) أقل منه ذكاءً وفى طرحك للموضوع لم أجد ما يوحى بأنك ذكية |
الأخوة المشرفين
أرجو غلق الموضوع |
وانت مال اهلك بالمدرسين
|
االابنه العزيزة او الاخت العزيزة
من حقك أن تسألي وأرد عليك بكلمات بسيطة أولا المعلمون لم يعترضوا على الاختبارات خوفا من الرسوب أو ضعف المستوى ولكن من الطريقة التى يعاملون بها ثانيا هل تقبلي بعد أن عمل انسان لمدة 30 عاما أو أكثر وأصبح مديرا لمدرسة وترك التدريس من 20 عاما أو اكثر أن يعود للاختبارات وغن عاد هل يعقل أن يتذكر معلوماته فى التربوى التى درسها من أكثر من ثلاثين عاما وهل يتذكر معلوماته عن مادة تخصصه التى توقف عن تدريسها من سنوات طويلة وما الفائدة التى تعود على الوزارة عندما يختبر هذا الرجل والذى لن يدرس ثالثا هل يعقل أن يعلم انسان بأنه سيختبر قبل شهر من موعد الامتحان وفى موضوعات تحتاج مراجعتها الى اكثر من 6 ستة شهور وبخاصة التربوى لانه مجال متغير من يوم الى يوم وما درسناه ايتها الاخت العزيزة لم نجد منه كلمة الأن لان المواد التنربوية متغيرة النظريات يوما بعد يوم ايتها الاخت ادإننا لم نعترض إلا لأننا نعلم أن الكادر عندما قرره رئيس الجمهورية لم يكن مرتبط بأى اختبارات ولكن كان المقصود منه فقط رفع الحالة المادية للمعلم ولكن تغير الوصف لرفع الكفاءة العلمية وكنا نتمنى أن يحدث تدريبا للمعلمين بطريقة محترمة لرفع كفاءتهم بدلا من اختبارات قد لا تحدد المستوى الحقيقي للمعلم فهل يعق أن يختبر المعلم فى موضوعات مر عليها 30 عاما وأسالك سؤال ارجو الاجابة عليه مما موضوع التعبير الذى امتحنتى فيه وانتى فى الصف الاول الاعدادى ؟ اعتقد وانتى طالبة كتبتى فى الموضوع بطريقة جيدة وغن لم تتذكرى الموضوع فليس معنى ذلك أنك طالبة طب فاشلة وتقبلي تحياتى |
الموضوع اخذ اكثر من حقه الطبيعى
اين المشرفين اين المراقبين نرجو غلق الموضوع لم يشعر بالنار غير الى مسكها ابنتى الصغيرة اتمنى ان لا تتحدثى فى موضوع دون ادراك لجميع ابعادة والله العملية على الاخر واكثر والله المستعان |
| جميع الأوقات بتوقيت GMT +2. الساعة الآن 08:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.