|
عندما دخلت اختبار الكادر!!!!!
عندما دخلت اختبار الكادر وجدت في المقعد الخلفي راجل كبير حوالي 55 سنه لابس نظارة قعر كبايه ومن ملابسه ظاهر عليه انه علي قد حاله قوى بدأالاختبار وبعد 5 دقائق قالي هات يا ابني الاستيكة؟ ناولته الاستيكة.......يمسح ويقولي خد الاستيكة.......اخد الاستيكه وبعد 5 دقائق يقولي هات يا ابني الاستيكة؟ ناولته الاستيكة.......يمسح ويقولي خد الاستيكة.......اخد الاستيكه حصل الموضوع دا 5 مرات وبعدين انا احتجت الاستيكه.........بصيت ورايا عشان اخد الاستيكه لم اجد الرجل المسن.........لكن وجدت الاستيكه طبعا الراجل دا مش رايح الاختبار عشان تطوير التعليم ولا عشان مشروع الكادر ينجح دا كان اكر نسه هينجح ومرتبه يزيد شويه هذا الرجل جعلني اندم علي حضور هذا الاختبار |
لا حول ولا قوة الا بالله
قمة الذل والمهانة اللهم اذلهم فى الدنيا قبل الاخرة |
والله حاجة تحبط
فكرتنى باللمبى قلمك فى جيبك ومش عارف ايه ومطوتك فى جيبك واللى يقولك غششنى اديلة قمة المهانة طبعا راجل كبير زى ده |
لا حول ولا قوة الا بالله
اللهم ارفع البلاء |
عظيييييييمة يا مصر يا أرض الهرررررررم
|
السيد الزميل هذا الرجل علي قد حاله بس هو ذنبه ايه
|
سلام مربع للوزير الى مش عارف اى حاجه وعاشت مصر حره .............................سلمى على جملنا جمل يا جمل بس هو مش جمل
|
فى احد اللجان زميل وهو بيقلب الصفحة الخامسة او السادسة بتاعت الاسئلة عشان يكمل الاجابة لقاها فاضية طبعا فضل يزعق ويستنجد بالملاحظين انه حد يلاقى حل ابدآ والراجل ياعينى قعد يهاتى يمكن ربع ساعه ولاحد عارف يلاقى حل للمشكلة مافيش ورق اسئلة زيادة المهم كان الحل اللى اقترحوا السادة المسؤولين عن اللجنة انه يتصرف من اى زميل له يكون معاه نفس النموذج .
على فكرة الموضوع ده تكرر كتير فى لجان اخرى .....ياريت كل واحد قبل مايبدا يجاوب يتاكد من ان ورقة الاسئلة كاملة وبعدين يفكر يحل لان الوقت للاسف غير كافى . |
لللله الأمر من قبل ومن بعد 0000000000000000000000000 اللي يرضى بالخوخ يرضى بشرابه0000000000000000 وعجــــــــــبي
|
والله يابنتى انا عندى 55 سنة بس ان شاء مش هقول هات الاستيكه لأنى معى الأستيكه وهنجح ان شاء الله بس عايز أعرف الراجل راح فين مات والاأيه بالضبط عشان لو كان مات مروحش الامتحان سلام
|
اقتباس:
|
جميل يا عم omda والله انا زيك نفسى اعرف هو مات ولا ايه
هههههههههههههههههههههههههههههههههههههههههههههههه والله حاجة تضحك فعلا يخرب بيت كدا للى عملو فينا كدا |
بصراحة
حاجة تحزن الواحد خجلان نعمل اية حسبى الله ونعم الوكيل |
أهم حاجة يا أخى الكريم أخذت الاستيكة فى الاخر
|
اقتباس:
نفس المشكله حصلت امامي حوالي 5 مدرسين وجدوا الاسئلة ناقصة ورقة ب 6 اسئلة مراقب الدور تصرف وقال لهم " انا اتصلت بمش عارف مين..... في مركز الاختبارات وقال لهم اتركواهذه الاسئلة بدون اجابه........وي التصحيح سوف يتم احتساب درجات هذه الاسئلة صواب" طبعا كلام فاضي.........كيف يتعرف الكمبيوتر علي هذه الاوراق مهزلة فعلا |
خليهم يعملوا اكتر من كده بس ما يجوش يندموا على دمار التعليم ما ازلت امة معلميها الا وانهار التعليم فيها
|
فعلا مهزلة بكل المقاييس مافيش تنظيم نهائى والعملية كلها هرجلة فى هرجلة الكل بيفتى حتى الملاحظين كل واحد بيفتى فتوة ع مزاجه ولاحد عارف الكادر ده هيودينا لفين؟؟؟؟؟
بس برضه مش هعرف انام الا اطمن على الراجل اللى كان وراك حصله ايه؟؟ |
اقتباس:
يا عمده الراجل دا حاجه من اثنين اما انه خلص اجابه في نصف ساعه وروح او انه ندم انه ذهب للامتحان وروح بس الغريب انه انسحب بهدوء غريب لاني بعد شويه لاقيت زميل قاعد جنبي بيسألني: الراجل اللي كان هنا راح فين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
انا كنت اصفه فقط وبعدين دا راجل محترم جدا بدليل انه ترك الاستيكه |
اقتباس:
|
اقتباس:
يا حلوم دي حاجه تجنن الوزارة عملت اجتماعات على الفيديو كونفرانس وجمعت المدرسين من كل المحافظات عشان دكاترة المركز القومي للتقويم التربوي يقولوا للمدرسين الاجابه بالقلم الرصاص والاستيكه |
اقتباس:
فعلا حاجة تجنن بالظبط زى القطعه التالتة اللى جابوها فى الامتحان بتاعت البحر دى......مش عارف اللى كتب القطعه فيه حد مكبرها ف دماغه انه "العقاد" وطلبت معاه تعقيد ف القطعه لدرجة انى كل مااتعمق فى قراءة القطعه احسن ان اللى كاتبها خلاص شوية وهيرجع او يكرع على كل اللى قاعدين فى اللجنة. مش عارف الاحساس ده كان عندى وعند اللى موجودين معايا فى اللجنة بس ولا ده احساس عام ؟؟؟؟ |
يا بختك معاك فلوس تشترى استيكه
احنا فى ايام الواحد مش عارف يدبرها ازاى انت رايح تشتريللى استكه دنتا رايق اوىىىىىىىىىىىى |
شر البالية ما يضحك وانا فعلا ضحكت
|
راحت عليك يا عادل إمام
فين عادل إمام علشان يشوف ويقرا بصراحة الشعب المصرى شعب كوميدى " ابن نكتة " ولا أنا اللى شايفه ده جد حد يقولى بصراحة إحنا فى مسرحية كوميدية ولا فى الواقع ياريت إجابة سريعة علشان لو كان ده حلم أفوق وأصحى منه ولو كان ده علم أطب ساكت و أموت أفضل لى من المهزله دى |
المثل بيقول ( خيبة الأمل راكبة الجمل ) لكن المثل الجديد ( الجمل ركبنا خيبة الأمل )
|
لا حول ولا قوة الا بالله
|
نكتة حقيقية
ذهبت لكلية التربية الساعة 2 وقت خروج المدرسبن وسألتهم عن الامتحان واحد قالى ذى الزفت واحدقال مشعارف عملت ايه واحد قال الاسئلة تاخرت عليا ظللت نص الامتحان على ماتيجى الاسئلة تخيلوا حل نصف الامتحان من غير ورقة اسئلة يعنى اى كلام فى كلام وهو ده التطوير اللى عايزة الوزير |
مهازل على فكرة انا طلبت نقلى الى قسم الاحصاء فى الادارة حتى استريح من منظومة فاشلة تعد المعلم عبد عندهم لا لة راى فى منهج اتغير ولا يحزنون ويفرضون علية منهج وظلاب وطرق تدريس لبالية وموجهين من ايام الهكسوس وتحضير وتوزيع منهج فاشلة
منهج علوم وكل مواد اول ع اتغيرت حد عارف جاحة عن منهج الجديد لا انة سر عسكرى |
أهم حاجة يا أخى الكريم أخذت الاستيكة فى الاخر
|
واللّه دى حاجة تكسف لما واحد قد والدى ويروح للامتحان اللّه يلعن ابو الفلوس اللى هتذل النفوس
يا مسؤلين اتحركوا اعملوا اى حاجة لايقاف المهذلة دى وشيلنى واشيلك وانتخابات مجلس الشعب قربت |
ل لله الامر من قبل ومن بعد
|
شر البليه مايضحك والله احنا اروق اشعب في الدنيا دي مزاجنا عالي ودماغنا في السحاب ومروقييين اوي اوي وايه يعني اياكش تولع عرفتوا ليه الفراعنه عرفوا يشيلوا احجار الاهرامات بكل سهوله ؟ وعرفتوا ليه المصرين حفروا قناه السويس ؟ وعرفتوا ليه احنا اتغلبنا منى السودان اربعه صفر ؟ اللي يعرف ويقدر يربط الثلاثه دول ببعض ياريت يقولي لاني متاكد اني هلاقي اظرف تعليقات في الدنيا من اخف شعوب العالم دما
|
نحن شعب نتغلب على الأحداث العصيبة بالفكاهة وعشان كدة لسة عايشين ...........................
وبالمناسبة أجمل ما قرأت لأحد الزملاء ........................... هنافى البوابة قبضوا على مدرس مدمن بيشم فى ورق الكادر |
اقتباس:
قطعة البحر دي انا بعد ما قرات اول سطر فيها شعرت بغثيان وحاله من القرف لم اشعر بها في حياتي لدرجة اني كنت انا اللي هارجع علي كراسة الاسئلة حاجه تقرف طبعا |
المشكلة مش فى الراجل المشكلة فى الأستيكة ههههههههههههههههههههههههههههههه
|
بصراحه وفى الكلام راحه ..............المدرسين او معظم المدرسين يستاهلوا اكثر من كده لأنهم مالهمش كلمه واحده .واحد يقول مش رايح والتانى يقول مااقدرشى مارحش لأنى خايف على شوية الملاليم اللى باخدهم اخر الشهر اصل ينقصوا شلن وللا بريزه............. لذلك اطلب من كل المعلمين ان يتحدوا فى اتخاذ القرار .يانروح كلنا .يامنروحش كلنا............... ومنه لله اللى فى بالى
|
فين عادل إمام علشان يشوف ويقرا
بصراحة الشعب المصرى شعب كوميدى " ابن نكتة " ولا أنا اللى شايفه ده جد حد يقولى بصراحة إحنا فى مسرحية كوميدية ولا فى الواقع ياريت إجابة سريعة علشان لو كان ده حلم أفوق وأصحى منه ولو كان ده علم أطب ساكت و أموت أفضل لى من المهزله دى يا عم دي مش مسرحية هزلية دي من نوع الفانتازيا الامعقولة وانا مع اللي قال ما ازلت امة معلميها الا وانهار التعليم فيها |
عارفين ايه لغز الاستيكه ان الراجل ده فيلسوف يعنى بيقولكم خلاص انا مسحت كل حاجه من الدنيا ومتجه الى الاخرة وادى الاستيكه للعايز ياجى ورايا لان مادام المعلم اتمسح خلاص يبقى كله استيكه
وشكرا مع اعتزارى لعدم وضع علامات الترقيم |
أية اللي بيحصل دة
|
يامعلمى مصر ايحثوا عن المعلومه والله بزعل جدا من التعليقات الغير مرضية والحق يقال ان معظم معلمى مصر الشباب وعمره أقل من 30سنه لايبالىولايهتم ولافى دماغه تعليم الأولاد أصلاكل همه عايز يشوف مصالحه لأنه عايز يغتنى بسرعه وصورة مصر والدوله والحكومه فىنظره سيئة جدا ------------------ لايابنى تمهل وشوف عملك بجد وعامل ضميرك مع الأولاد وان شاء الله ربنا يبارك لك فى الراتب البسيط
|
تعليق على قطعة البحر والقمر: انا من أيام الفراعنه زى أحد الأبناء ماقال بس قرانا القطعة صح وأجبنا عليها صح لأن فهمنا ماقرأناه والحق يقال من كتب هذه القطعة رجل يستحق كل التقدير وللعلم يابنى معنى كلمة (ذاه) مختال وأنا متأكد أن الكثير أجاب بالخطأ وهذا يرجع لعدم البحث عن المعلومة ---والله لوقرأت القطعة بتمهل وفهم كنت أجبت صح وشكرت من كتبها
|
انا احتمال رايي يزعل ناس هنا
بس بجد في مدرسين خلاص يا جماعه المفروض يبطلو تدريس اصلا التعليم هو اساس كل شيء و هو سبب نهضه اي دوله ... دي حقيقه مش قانون انا الي مطلعه واحد بقي زي ده عنده 60 سنه و بالحال ده ، المنتظر ان الجيل الي بيعلمه ده المفروض هيطلع ايه؟؟؟؟ كفايه اصلا الفرق في السن و التفكير بين المدرس و الطلبه ... ده غير ان نسبه كبيره من المدرسين الحاليين (بصمجيه) و غير واسعي الافق. بيعلم كل جيل بنفس الطريقه الي بيشرح بيها من 10 ولا 20 سنه ... ده طبعا غير الكبت و العقد النفسيه الي بتكون عند كتير منهم مثلا زي طريقه تربيه والد المدرس للمدرس و هو صغير و محاوله و فكره التعليم بالضرب زي المواشي لو اتكلمتوا مع نسبه كبيره منهم عن حاجات الشباب فعلا محتاجها في العصر ده (الانترنت ، الميديا ، التكنولوجيا) ميقدرش يفيدك باي شيء. مش بيعملو حاجه غير انهم يسموا متطلبات العصر دي "حاجات شباب اليومين دول" |
لا حول ولا قوة الا بالله
اللهم ارفع البلاء |
ولسة يا ما هنشوف زل و لو دة التطوير يبقى التخلف افضل طالما هيحافظ على كرامتنا
|
حسبنا الله ونعم الوكيل
|
فين بقى الوزير يشوف اللى احنا المدرسين بنكتبو ويعرف انة مش قلة ............... ربنا على الظالم والمفترى .................................................. .................................................. ..... والجاهل
|
والله موقف صعب
قمة فى الاحراج اللهم اجعل كيد من اراد لنا المهانة في نحرة |
حسبنا الله ونعم الوكيل
|
اقتباس:
هو فيه ايه |
| جميع الأوقات بتوقيت GMT +2. الساعة الآن 08:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.