|
مين ياجماعة علوم عين شمس
انا حاسس ان انا لونلى فى الكلية دى وناس كتير بتقول انها اصعب كلية وانا مش عارف اى حاجة وربنا يستر بجد:(
|
ياااااااااااااااااااااااه
اخيرااااااا لقيت حد من كليتى على المنتدى متقلقش يا مان انا فى علوم عين شمس زيك داخل سنة اولى ان شاء الله |
اول موضوع اشوفة فى المنتدى عن علوم عين شمس
كل المواضيع عن علوم القاهرة واسكندرية وكل كليات العلوم الا عين شمس |
على العموم لو عايز تسال فى حاجة عن الكلية
انا دايما ببقى فى المنتدى وان شاء الله ارد عليك |
الحمد لله اخيرا لقيت حد معايامنور يابو حميد
معلش هارخم عليك واسالك سوال صغير انا ان شاء الله داخل قسم علوم طبيعية هى فيها قسم حاسب سبيشيال ولا مفيهاش؟؟ |
واضح ان الدفعة السنادى اتنين بس:rolleyes: طب الحمد لله ضمنناترتيب ع الدفعة:D
|
اقتباس:
انا سمعت ان القسم ده مش موجود عندنا فى الكلية ( مش اكيد ) اصل انا ناوى ادخل قسم جيوفيزياء بيقولوا القسم ده كويس لو عايز تتاكد ممكن تسال اتحاد الطلبة بتوع الكلية واسف اذا كنت اتاخرت عليك فى الرد بسبب مشكلة فى النت |
اقتباس:
ممكن يا مان شكلها فعلا مفيش الا احنا من الدفعة اللى بندخل على النت :) |
انا علوم عين شمس يا جماعة
وكنت فقدت الامل انى الاقى حد عين شمس على فكرة انا علوم طبيعية وفى اتحاد الطلبة قالولى ان فى سنة تانية هتخصص من علوم طبيعيه مثلا رياضة يبقى فى تالتة هتخصص علوم رياضية او احصاء وحاسب او رياضة وحاسب بس |
موقع الكلية
http://sci.shams.edu.eg/ وهنا قسم الرياضيات http://sci.shams.edu.eg/Departments_...tics_Index.ASP اقتباس:
|
اقتباس:
وشكراا على مشاركتك معانا فى الموضوع |
اهلا بيك على فكرة انا بنت مش ولد
|
اقتباس:
وبعدين هو حد جاب سيرة اذا كنت ولد ولا بنت :confused: |
اقتباس:
على فكرة انا لما رحت اقدم سالت هناكوللاسف مفيش حاسب وبس لاما 1_ بحتة وحاسب 2_احصاء وحااسب 3_ودى فى قسم الفزياء مش الرياضة((فزيا وحاسب)) ومنورين يجماعة انا كنت حاسس انى لوحدى:( |
اقتباس:
مشكووووووووووور على اهتمامك بينا |
العفو ، احنا جيران بردو فى الكلية :d
|
اقتباس:
|
اقتباس:
فقلت اقول عادى يعنى وبعدين انا حسة انك متنرفز ليه كده سورى انى قلت:mellow: |
اقتباس:
وعادى جدااا يا ستى حصل خير :) |
اوكى حصل خير
باعتبار بأه ان ده قسم علوم عين شمس هما هيعملوا يوم للطلبة الجداد قبل الدراسة وعميد الكلية يقول كلمة فيه ويعرفونا السكاشن واماكن المدرجات الwelcome party يعنى زى الكليات المحترمة ولا ايه النظام |
اقتباس:
اصل انا لسه داخل سنة اولى زيك :) ومعرفش اى حاجة هناك ولا اعرف اى حد كمان هناك فى الكلية |
اوكى
بس لو عرفتوا اى اخبار ابقوا قولوا |
وانا كمان مسمعتش معرفش حاجة خالص
|
حد يعرف يا جماعة نتيجة الاقسام ظهرت ولا لا
عشان انا روحت من كان يوم وقالولى لسه ومش عارف ايه النظام |
يا جماعة ياريت اللى يعرف اى حاجة جديدة عن الكلية يقول ومحدش ينفض
|
انا مش عارفة نتيجة الاقسام امتى
عشان انا علوم طبيعية وملهاش تنسيق داخلى بس لو عرفت اى حاجة هبقى اقول |
اقتباس:
ولو متقبلتش اعرف ازاى انا دخلت انهى قسم اصل انا روحت الكلية وملقتش اى حاجة عن نتيجة الاقسام وسالت اتحاد الطلبة قالولى لسة النتيجة مش دلوقتى والكلام ده كان من 10 ايام كده تقريبا فعايز اعرف ايه الاخبار يمكن حصلت جديدة فى الفترة اللى فاتت وشكراا ليكى يا نورال على ردك على سؤالى |
بس انا بيتهيألى ان اكيد دلوقتى الاقسام اتعرفت ده باقى اسبوعين
بص.... انت دخلت على المنتدى بتاع اتحاد الطلبة؟ ممكن تسأل هناك فى قسم المدرج وجايز حد يرد هما فى المنتدى اللى يعرف حاجة بيقول |
اقتباس:
ممكن تقولى الموقع بتاع منتدى اتحاد الطلبة طب وانتى عرفتى القسم بتاعك ولا لسه ؟ عشان لو كده اروح اسال فى الكلية بكره ولا بعده |
هو الاقسام كمان ليها نتيجة !!
الى اعرفه ان اللى عاوز حاجة بتجيله عادى ولا انتوا نظامكوا مختلف؟ |
اقتباس:
عشان كتيير فهتلاقى طلبة كتير مثلا عايزين يدخلوا جيوفيزا ونسبة اقل شوية علوم طبيعية ونسبة تانية بيولوجى و جيولوجيا عشان كده عملوا الاقسام هتبقى على اساس المجموع |
انما فى الغالب ان شاء الله اللى عايز قسم هيجيله وحكاية المجموع مش بيبصوا لها اوى
|
بس ده حرام
مش كفاية الثانوية اتحكمت ف الكلية كمان هتتحكم ف الاقسام ؟؟ احنا عندنا كله داخل فيزكس الجيولوجيا الى بتدخل على جيوفيزيا عددقم قليل اوى وبعدين التخصص ف تانية بيبقي ع اساس التقديرات وبس ربنا يكون ف عونكم ... |
انا اعرف ان التخصصدة على اساس تقديرك فى اول سنة وبعدين بعد كدة تبقى تخصص علشان كدة كل اللى بياخدوا علمى رياضة واخدين فى اول سنة مواد شبه بعضها وكمان علمى علوم برضة
|
اقتباس:
انا خلاص اتكتبلى القسم فى الكارنيه بص دا المنتدى جرب تسأل فيه http://gam3etna.net/a1/index.php?act=idx |
اقتباس:
انا بقالى كتير بدور على منتدى زى ده لاتحاد الطلبة ربنا يخليكى وجزاكى الله خيرااا |
اوكى انا شفت الprofile بتاعك بس ليه ما عملتش موضوع تسأل فيه
|
اقتباس:
اصل انا كمان كنت دورت على موقع اتحاد الطلبة قبل كده عشان اسالهم عن حاجات فى الكلية وملقتهوش فافتكرت انهم ملهمش موقع ونفضت للحكاية :) |
:dهى كلية علوم دى غامضة كدة ليهمفيش اى اخبار عنها فى اى منتدى حتى منتدى اتحاد الطلبة مش كاتب ميعاد ظهور نتيجة الاقسام ولا الجدول ولا اى حاجة خالص ياريت اى حد يعرف معلومات يقولنا:)
|
اقتباس:
ده احنا مش عارفين نتيجة الاقسام هتطلع امتى مع ان دلوقتى مفروض نتائج الاقسام ظهرت فى كل الكليات دلوقتى ده حتى موقع الكلية فاضى ومفيهوش الا كلمتين عن نشأة الكلية والاقسام اللى فيها بس واتحاد الطلبة مختفى من الكلية والموظفين مش طايقين نفسهم يعنى الدراسة صعبة ومفيش شغل ومفيش عارفين حاجة عن الكلية كمان ومحدش بيساعدنا الواحد شكلة هيندم انه دخل الكلية دى |
طالما كتبت فى الرغبات انك عايز جيوفيزيا و انت مستوفى شروطها خلاص تبقى دخلتها
احنا لما دخلنا اولى مطلعتش نتيجة للشعب او على الاقل انا مشوفتهاش بس كل الل عايز حاجة و كتبها فى الاستمارة دخلها . و بالنسبة للجدول بينزل اول يوم متقلقوش |
اقتباس:
لانى معرفش كل الشروط الشروط اللى اعرفها انه قسم الجيوفيزيا هيبقى على اساس المجموع وانا جايب 91 علمى رياضة يعنى ممكن اكون استوفيت شرط المجموع لكن مش عارف ايه الشروط التانية عشان اعرف استوفيتها ولا لأ عشام كده انا بسأل عن نتيجة الاقسام :) |
على حد علمى الشروط بتبقى فى شعبتك فى ثانوية عامة ملهاش علاقة بالمجموع
يعنى لو كنت علمى علوم متقدرش تدخل علوم طبيعية مثلا انا مش متاكدة جيوفيزيا بتاخد علوم ولا رياضة ولا الاتنين بس طالما انت متاكد انها بتاخد من علمى رياضة تبقى اكيد دخلت جيوفيزيا |
اقتباس:
ياريت لو تقولى الجدول والمدرج هنعرفهم امتى وياريت بردو لو تقوليلنا اذا كانت المحاضرات بتبدأ من اول يوم ولا بعد اسبوع من الدراسة زى ما الناس بتقول |
اقتباس:
فى حد ممكن اسأله على حاجة فى الكلية الغامضة دى ده مفيش حد عاملها اهتمام وبيعبرها انا اتخنقت اصلا بس بما انك اقدم مننا فعلا يا ريت تقوليلنا امتى هنعرف الجدول وتقسيم السكاشن والحاجات دى وايه النظام هناك بيقسمونا مجموعات لكل مجموعة الدكتور بتاعها فى المحاضرات ولا دكتور واحد لكل الدفعة بصى.....انتى قولى اى حاجة تحسيها ليها لازمة عن الكلية دى.. اوكى معلش هنتعبك |
بص يا احمد الجدول بينزل اول يوم يا اما فى سكوير 1 او 2 و هتلاقى عليه زحمة فظيعة بالذات بتاع اولى هتقف تنقله لو قدرت لو كان زحمة اوى مش مشكلة لف نص ساعة كده و ارجع هتلاقيه فضى.
غالبا الجدول بينزل بالسكاشن وانت اصلا مش عارف سكشنك كام و بيبقى فيه مواعيد المحاضرات و السكاشن و اماكنهم مع بعض انقل المحاضرات و مكانها بس و لما تعرف سكشنك روح انقل مواعيد السكاشن او انقل جدول ب1 عشان اسمك احمد و غالبا هتكون فى ب1. المحاضرات بتبدا من اول اسبوع بس غالبا سنة اولى بيبقوا اجازة يوم السبت او بيبقى يوم سكاشن مفيهوش محاضرات. بس محاضرات اول اسبوع بتبقى طبعا معظمها بتتعرف على الدكاترة و كده بس نصيحة منى متفوتهاش عشان تتعود على الكلية و تتعرف على الناس. السكاشن بتبدا من تانى اسبوع هتعرف سكشنك ازاى؟ فى اخر الاسبوع الاول هيعلقوا جداول دور على اسمك و شوف تحت سكشن كام و يا نورال الكلية غامضة بس عشان مش ناس كتير فيها بس صدقينى هتحبيها لما تدخليها و تعرفيها كويس بالنسبة للمحاضرات بقى النظام مش ثابت فى سنين يقسموا الدفعة نصين ا و ب و سنين بتبقى كله مع بعضه هتعرفى الكلام ده من الجدول لو لقيتى جدولين ا و ب تبقوا اتقسمتوا بس غالبا ده مش هيحصل عشان مفيش اماكن. و زى ما قلت لاحمد الجدول اول يوم و تقسيمة السكاشن فى اخر الاسبوع الاول. لو عايزين تسالوا فى اى حاجة تانى انا تحت امركم. |
اقتباس:
وياريت تبقى تدخلى كل يوم على المنتدى عشان لو عوزنا نسألك فى حاجة تانية :) |
اقتباس:
حاضر هدخل كل يوم :) |
مرسى ليكى يا ميس كاريزما
طمنتينى شوية |
موحا حبيب هارتى هناا
استنى انت بقى منا بشوف خلقتك علطول ههههههههههه ازيكم يا جماعة معاكم برضه ميرو علوم عين شمس قسم علوم طبيعية وناوى على حاسب برضه انشاء الله ربنا يوفقنا بقى كولنا |
| جميع الأوقات بتوقيت GMT +2. الساعة الآن 04:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.