|
هل تحس بالظلم لدخولك الازهر
هل احسست يوما انك قد ظلمت من ابويك لدخولك الازهر و لم يدخلوك العام
يا ريت يكون فى سبب |
حسيت بالظلم
لالالالالالالالالا مش مضبوط ... ... ... ... ... ... .. ز... انا حسيت بالظلم والمهانة والحسرة والندامة والمذلة و......و..... نظام تعليمى فاشل |
اه طبعا حسيت بالظلم فى الازهر من حاجات كتييييييييييييييييييير اوى ده من الاخر نظام تعليمى متخلف :mad: هو ميزته الوحيدة القران والمواد الشرعية مع انها برده مش بتتدرس على اصولها بس هنعمل ايه ربنا يهدى بتوع الازهر دوووول:D:D:D وحسبى الله ونعم الوكيل |
لم احس بالظلم من والدى عندما ادخلنى الازهر اصل هو كان عايزنى اتعلم الدين على اصولة
لكن حسيت بالظلم من مستوى التعليم و من الاساتذه اللى همها الوحيد انه ياخد مرتبة اخر الشهر و مش مهم التلميذ يتعلم ولا يتنيل و اهدى لهم اغنية استاذ حمام نحن الزغاليل |
لأأكبر جريمة ايوة جريمة ارتكبها بابا فى حقى انه دخلنى أزهر
أأنا نفسى اولع فى المنظومة كلها بجاز وسخ ومعفن كمان |
يا جماعة يا ليتكم تتركون مثل هذه الموضوعات المكررة
في كل صفحة أيه رأيك في الأزهر ؟ هتدخل أولادك أزهر ولا تربية وتعليم ؟ أنت حاسس أنك اتظلمت من دخول الأزهر ؟ وموضوع بارد وأعضاء ترد بكلمات تافهة تعيب في هذا الصرح العظيم ليس لشيء غير أنهم طلاب فشلة لو كان الواحد فيهم دخل تربية وتعليم كان هيكون أيضا فاشل هياخد دبلوم وبعدين يروح يتعلم صنعة أو يسافر يعمل عتال في البلاد العربية أما المتفوق في الأزهر فهو لو دخل التربية والتعليم كان أيضا هيكون متفوق أرجوكم اتركوا مثل هذه الموضوعات التافهة ولا تسيئوا للأزهر فهو أكبر من أن يسئ فيه جاهل لا يعرف قدره والله ذهقت من تكرار مثل هذه الموضوعات |
علي فكرة والله أنا مدرس في التربية والتعليم ولكن حزين من تلك الألفاظ السيئة التي يرسلها أبناء الأزهر الغافلون للحط من شأن هذه المؤسسة الإسلامية الكبيرة
|
الموضوع مش تافه الموضوع عند سنة 2020 هيكون فى كام طالب هيدخل الازهر
بصراحة الازهر بيحتضر و مستوى التعليم فى النازل و مستوى الطلبة زبالة |
هو حضرتك بتقول ان احنا بنحط من شان هذه المؤسسه
حضرتك لو متابع اخر اخبار الازهر صحيح كنت عرفت انهم بيحاولوا يهدموه ودول الناس الكبار فيه منعوا من انه يتبنى معاهد تانيه وعايزين يدخلوعندنا نظام التعليم الفنى وعايزين الكليه يكون فيها معاهد وفى الاخر يبقى احنا اللى بنحط من شانه حضرتك لو شفت عدد الطلبه اللى بيروحوا يعملوا تظلمات بعد نتيجتهم مبتظر دول بيدخلهم فى اليوم الواحد ولا حوالى 5 مليون جنيه ولا بيبنولنا كليات ولازفت قد ايه لما بنت حضرتك تبقى فى مكان يبعد عن كليتها حوالى اربع خمس محافظات وتتشحطط يللا كل واحد منه لله السلام عليكم |
هو حضرتك بتقول ان احنا بنحط من شان هذه المؤسسه
حضرتك لو متابع اخر اخبار الازهر صحيح كنت عرفت انهم بيحاولوا يهدموه ودول الناس الكبار فيه منعوا من انه يتبنى معاهد تانيه وعايزين يدخلوعندنا نظام التعليم الفنى وعايزين الكليه يكون فيها معاهد وفى الاخر يبقى احنا اللى بنحط من شانه حضرتك لو شفت عدد الطلبه اللى بيروحوا يعملوا تظلمات بعد نتيجتهم مبتظر دول بيدخلهم فى اليوم الواحد ولا حوالى 5 مليون جنيه ولا بيبنولنا كليات ولازفت قد ايه لما بنت حضرتك تبقى فى مكان يبعد عن كليتها حوالى اربع خمس محافظات وتتشحطط يللا كل واحد منه لله السلام عليكمياترى لو فيه حد عايز يهدم بيتنا نديله الفاس بايدينا يهدم بيها اعتقد اانا من المفروض مانساعدوش وندافع عنه حتى لو بالكلمه الكويسه |
الازهر كان منارة الاسلام ايام الشيخ جاد الحق الله يرحمه بس دلوقتي افضل حاجه بتدرس فيه القران وبس اما الباقي بقت من تاليف شخنا الطنطاوي ونادرا لمل تستفاد منها واوحش حاجه في الازهر بجد الغش وده بجد اللي عنيت منه في الامتحانات السنة دي لما كنت بشوف اللي معاي في الجنة بيغشوا بجدارة ومبطلعوش الا لمل يحلوا المتحان كله وكمان اللي يغيظ مش الغش كان بين الطلبه وبعضهم لأءه ده كان فيه مدرسات بيغششوا ولما كنت باعترض كانوا اللي معايا في اللجنة والمدرسات بيزعلوا من اعتراضي واكني انا اللي ظالمة
بس انا بجد والله عانيت السنه دي من المتحنات اوي كل يوم امتحان مش زي الثانويه العامه قبل امتحان التاريخ 10 ايام وعلم النفس كذلك علي الرغم من ان هم عندهم 5 مواد بس وفي الاخر نتظلم في المجاميع بس مش هقول غير حسبي الله ونعم الوكيل |
انا مش زعلان عشان بابا دخلنى الازهر اصلا هو فى ايه فى الازهر حلو عشان ندخلو غير القران الكريم والمواد الشرعيه وهو اصلا التعليم فى الازهر يعنى تيييييييييييييييييييييييييييييييييييييييييييت
وانا انشاء الله فى المستقبل ابنى او بنتى هدخلهم الازهر |
اقتباس:
بالعكس انا اشكرهم من كل قلبى انهم ادخلانى الازهر وفعلا لو لم اكن ازهرية لوددت ان اكون ازهرية |
رب اغفر لقومي فإنهم لا يعلمون
|
لالالالالالالالالالالالالالا
انا ضدد كل اللي اسأو في كلامهم الازهر حاجة جميلة اوي بتتعلم دينك علي اصولة وممكن تعرف حاجات غيرك مش عارفها انا صحيح ازهرية واعرف الكتير اوي عن ديني ودة علشان المناهج وشح المدرسين والمدرسات كمان دة مديني مكانة كبيرة في اسرتي واخويا الوحيد اللي في عام بيبصلي علي اني ملاك في البيت وكمان اقاربنا كلنا بيحترموني كتير وبعدين مش كفاية انك شايل كلام ربنا مش عارفة انتو لية تفكركو سلبي اواي كدة هوه في حد يطول انة اختة او بنته او خطبته او مراتة تكون ازهرية انا افخر من كوني طالبة ازهرية ربنا يهديكو تحياتي زوزو الطالبة الازهرية |
لاح ول ولا قوة الا بالله للاسف انتم فى نعمة لاتشعرون ولا تقدرون قيمتها لك ان تفتخر انك تنتسب الى الازهر الشريف وبصراحة الازهر هو الذى لايتشرف بانتساب مثل هؤلاء الفاشلين له وبالنسبة للاخ الذى يقول ان الكبار يحاربون الازهر ......الخ لما نعرف ان حد بيحاربنا نقوم نساعده ولا نقف فى وجهه؟!! المفروض ان يكون هذا حافزا لنا لا العكس!! واقتبس من استاذى الفاضل احمد بهدر رده رب اغفر لقومى فإنهم لا يعلمون |
واشكر جدا الابناء
زوزو شحتة ودو رى مى وربنا يهدى الباقين |
اقتباس:
ربنا يبارك فى حضرتك يا رب يا استاذ و الله لا ازيد على كلامك شيئ فلا اريد الرد على من لا يشعرون بقيمه الازهر |
وة جزاكى الله خيرا ( زوزو ) بجد كلامك ممتااز
و هدانا الله جميعا |
جزاك الله خيرا ياريحانة
|
انا مش حاسس بالظلم خـــــــــــــــــــــــــــــــــــــــالص
انا حسس انى كائن من كوكب اخـــــــــــــــــــــــر وياريت اللى شايف كده يكلمنى 0182649643 |
هو عامه الازهر فى الحلو وفى الوحش مش كل حاجة فيه وحشه ومش كل حاجة فيه حلو افضل شئ فيه القرآن وكلام ربنا والمواد الشرعيه واوح حاجة فيه الاهمال فى التدريس اكثر من اى مؤسسه تعليميه اخرى
وكمان مش الازهر بس احنا مش بنظلم الازهر التعليم كله عامه فى النازل فى مصر سواء فى عام او فى الازهر كل التعليم بيعتمد على الدروس معنا انه مافيش فهم من المدرسين يعنى مافيش فايده كبيرة من المدرسه غير الامتحانات وتقريبا هو الحصه كلها بيطلع منها بـ20% من الفهم وده طبعا مش المطلوب من المؤسسه التعليمية |
اهوه واحنا على اى حال مافيش طبعا للاب والام
الاب والام هما عاوزين لينا افضل شئ احنا مالناش دعوه بده نهائى ياريت ماندخل فيه هذا الكلام لان هذا شئ معروف والحمد لله اننا عايشين وبنفهم عبدالله طالب ازهرى معتمد ههههههههههه |
لالالالالالا
(أنا أزهري ما حييت فإن أمت فوصيتى لناسى أن يتأزهرو) |
الازهر هو شعاع الامل للشباب السلم
|
انا مدرس ازهرى افتخر فى كل العالم وفى مصر اننى ازهرى
|
انا يمكن حسيت بالظلم بس مش علشان الازهر فيه بعض الصعوبات بالعكس دا شرف ليا انى اكون فى ازهر بس للاسف لما حد بيعرف انى ازهرية بيقول الازاهرة دول فشلة ملهمش غير فى العلوم الدينية وبس المفروض ميكنش منهم اطباء ومهندسين مع انى اعرف ناس كتير ازاهرة واطباء ازهرين ومتفوفين الكل بيحاول يحط من شان الازهر حتى طلابه الى المفروض يكونو معا ه اسال الله ان يجعل كل اعمالنا كلها صالحه ولوجههة الكريم خالصه ولا يجعل للناس منها شيئا
|
الازهر نظامة فاشل مش موادة وايضا معظم المواد ما لهاش لزمة وكلة كوم والبيحطوا امتحانات الازهر كوم بيحطوا الامتحان ساهل ويلبوا الواحد فى حتة ما تعرفش جات منين ولا البيحطوا الجدول ابتاع الامتحانات مبيفهموش حاطين الصعب مع الصعب والساهل مع الساهل المفروض يفكروا قبل ما يحطوا الجدول وياريت كنت وقعد فى التربية والتعليم يا حسرة وشكرا وعلشان انا قرفت من الازهرhttp://www.thanwya.com/vb/t_199[1]
|
يا جماعه الموضوع مش انك حاسس بس بجد الازهر مابيظلمش حد انتو بامانه اللى بتظلموا نفسكم واللى بيقول ان الازهر فى ناس عيزه تهده ! عارف ليه عايزين يهدوه لانهم شافوا ان طلاب الازهر فى نعمه مش مهتمين بيها واللى بتقول الغش ونظام الامتحانات !على فكره ده بيحصل مش فى الازهر بس بل فى مؤسسات التعليم المصريه وزى مابقول احنا فى نعمه مش حاسين بها واللى عنده حاجه تانى ياريت يتكلم محمد علاء طالب ثانوى ازهرى3ث ع
|
يا كابتن مؤن العمده الاسئله اللى بتيجى فى الامتحان كلها من الكتاب بس انتى مابتذاكرش وبعدن ايه يارب اجعلنى اطير فى الهندسه انتا مابتذاكر وعايز تعدى انتا اكبر مثل على اللى ظلموا نفسهم وبعدين ازهر ايه اللى نظامه فاشل يا عم حرام
|
يا جنا جنا على فكر ه كل اللى يتهم الازهريه بالشل هو اصله فاشل وبعدين احنا معانا علوم نكسب بيها رضا الله وانا فخور لما ارى طالب اوطالبة مثلك تعتز انها فى الازهر وشـــــــــــــــــــــــــــــــــــــــــــــــك را ارجو الرد
|
انا بحب الازهر جدا وطبعا مش هنكر ان فية اشياء سلبية لكن كل مكان لية اجابيات وسلبيات لكن هى مسئلة نسب يعنى فى الازهر نسبة الفساد قليلة جدا لو قارنا بالتعليم العادى واتمنا من الازهرية ان يغيرو فكرتهم عنة
|
انا مدرس اول اعدادي لغةعربية بالازهر واتمني ان ابدّل مع احد مدرسي التربية والتعليم فياخذ مكاني وآخذ مكانه تليفوني هو 0126339010
|
والله أنكم لفي ظلماتكم تعمهون يا من تسبون الأزهر
|
اقتباس:
أخوك مدرس تربية وتعليم وبيقول لك أنت في نعمة حرام تضيعها ويارييييييييييييييييييييييييييييييييييت أتمكن من العمل في الأزهر |
من الاخر تعليم فاشل
انا حبيت الازهر علشان اتعلمت امور دينى صح الازهر بيعلم الغش من او سنة تدخلها من الاخر فى الزمن دا اسم الازهر يتمحى ويتكتب بداله معاهد الكوسة بالمهلبية وشكرا |
يعنى لو الواحد منجحش فى مادة يعيد ال17مادة من تانى طب لية الظلم دا
|
كفايه بقى
الاخ محمد كاتب الموضوع عندما قرات عنوان موضوعك لم استغرب فلقد قرات مواضيع كثيرة بهذا العنوان . كنت اتوقع ان الازهر يحارب من الخارج فقط لكن للاسف يحارب من اهله انا مدرس فى الازهر ولكل مؤسسة عيوبها وفيها الصالح والطالح لكنى لم لرى من يسب الازهر سوى من هم فى مزبلة التعليم وارجو ان تناى بنفسك عنها فالازهر يلفظ من يلفظه. |
استاذ الانجليزى مستر سليمان
^_^ وفقك الله |
معظم البيشكروا فى الازهر مش ازهرية دا الازهر مستوى تعليى اقل من النتخلف دا اكافية تصحيح عباقرة الازهر الذين لايفهمون عن التصحيح شىء الواحد مش عارف يعمل اية مع مصحيحى الازهر الواحد يحل الامتحان تمام يراجع المدرس تمام ومش هقلكم انى بقول كدة والله العظيم دى حقبقة وفى الاخر يصدم منين الاخطاء البكتشوفها المصحيحينةدى علشان نغلط انا فى النحو لقيت نفسى واخد 11.5 راجعت وراقتى لقيت نفسى واخد 18.5 لية نسين سؤال مكتوب فى اخر الورقة وجامعين المجموع غلط اية دة وغير كدة فى مدرسبن وكلة كبار تعمل العايزاة فى الكتنرول تسقط السقطة واتنجح التنجحة والله العظيم هذا مايحدس فى معهدى وشكرا الازهر كان زمان وقول يا زمان ارجع يا زمان البيموت مبيرجعش والسلام عليكم
|
انا ازهريه اينعم بتظلم فى المجموع شويه بس برده مش كنت احب انى ابقى غير ازهريه
|
yaaaaaaaaaaaaaaaaaaaaaaaaaaaaaaaaaaaaaaaaaaaaaaaaa aaaaaaaaaaaaaaaaaaaaaaaaaaaaaaaaaaaaaaaaaaas
|
اقتباس:
يمكن زى ما حضرتك بتقول معظم الي بيشكروا فى الازهر مش ازهرية و ده للاسف زى ما قال الاستاذ سليمان انه المحاربه للازهر ايضا اصبحت من داخله ليس من الخارج فقط لا حول و لا قوة الا بالله العلى العظيم ربنا يهدينا و يهديكم و يرزقنا و يرزقكم اتباع الحق |
|
السلام عليكم ورحمه الله وبركاته
الحمد لله انى عمرى ما حسيت بالظلم لأنى دخلت الأزهر وبحمد ربنا على هذه النعمه قال صلى الله عليه وسلم (من يرد الله به خيرا يفقهه فى الدين) مشكور على الموضوع |
اولا جزاك الله خيرا على الموضوع
أنا أكتر حاجه بتشرفنى كونى ازهريه لأن من رأيي ان طالب الازهر جمع بين علوم الدنيا وعلوم الدين وبذكر كل اللى كارهين الازهر بقول الرسول الكريم صلى الله عليه وسلم (من يرد الله به خيرا يفقهه فى الدين)فالحمد لله الذى ارادبنا خيرا |
لا لانى مش ازهر بس حاسة بالظلم عشان مدخلتوش
|
مرسيي كتير ليك *صاحب الموضوع* عصبتني بجد
لو والد حضرتك جابلك هدية مش هتطير من الفرحة بيها*او على الاقل هتبقي هدية مميزة جدا لانها من اعز شخص فى الدنيا* ولو رب العالمين ادالك هدية ترفضها!!!!!!!!!! لا بجد حضرتك شايف جانب سلبي اوى للازهر على حد علمى ان الازهر ده منارة العالم مستحيل حد مش يحمد ربنا عليه *من يرد الله به خيرا يفقه فى الدين* يعنى كدة ربنا عاوزلك كل الخير ومش الذنب على الازهر انما على اللى بيسيؤا اليه*سواء كان طالب متذمر زى حضرات الطلبة اللى ردوا بقوة هنا او مدرس مش بيتقى الله فى عمله او صاحب منصب منش بيتقى اللى فى كلامه اللى بيتحسب عليه وملايين لازم يتبعوا رأيه وفتواه * وطلبة الازهر كتير منهم عباقرة ومتميزين جدا ما شاء الله الله اكبر عليهم *مش اشوف طالب بيدعى انه فاشل عشان انه ازهرى ومش عارف يذاكر* واسال ملايين خرجوا من الازهر الشريف ده قبلك هيقولولك والازهر لوقت قريب كان فى غاية القوة بس للاسف فيه جيل مستهتر بيه بدل ما تزعل من والدك اشكره واحمد ربنا على النعمة دى كتير بيتمنوها العلم مش ليه حدود اتعلم زيادة وهتلاقي علمك اللى اخدته من الازهر هينفعك فى كل حياتك فعلا *كفانى فخرا انى مسلمة ازهرية* |
الازهر نظامة فاشل مش موادة وايضا معظم المواد ما لهاش لزمة وكلة كوم والبيحطوا امتحانات
حرااااام عليك بجد حرااام عليك زي ما حد قال الازهر ده مناره العلم ..ميستهيلش منك اللي انت قولته ده
حتي لو كان في ظلم في الدرجات واسألني انا عن كده.... بس برده انا افتخر اني ازهري......... |
الموضوع مش حكاية ندم وللا مش ندم
كل واحد كان مقدر له شئ وحصله اللى دخل تربية وتعليم او ازهر مينفعش يندم او يقول اتظلمت بس كل واحد يشوف المميزات والعيوب للمكان اللى هو دخله مش عشان يقلل من شان الازهر لا عشان لو حد من المسئولين قرأ كلامنا احنا طلاب الازهر اللى متربيين فيه وعارفين كل كبيرة وصغيرة ممكن يصلح اللى احنا عانينا منه بصراحة دخولى الازهر هدم شخصيتى والسبب فى كدة مش ان اهلى ظلمونى لما دخاونى ازهر ومش تقليل من الازهر بس العاملين فيه مش بيراعوا ربنا فينا وفى شغلهم انا كنت فى ابتدائى الاولى على محافظتى وفى اعدادى كمان انا دلوقتى فى تالتة ثانوى وجالى احباط من كل حاجة اولا مش بنام طول الليل افضل اذاكر وتانى يوم فى الامتحان الاقى البنات بيدخلهم ورق متجاوب فيه الامتحان كلوا ودة مش بيحصل فى معهدى بس دة فى كل محافظات الجمهورية واتحدى اى حد يقول كلام غير كدة انا مش هقدر اجيب الكلية اللى بتمناها فى الوقت اللى بنت مبتعرفش تكتب اسمها هتجيب طب بدون تعب باختصار الغش وعدم الضمير واضح ودى اول حاجة تانى حاجة التفرقة بين الولاد والبنات البنت تجيب مجموع نفس مجموع الولد هو يدخل كلية ممتازة وهى بنفس مجموعه تدخل كلية اقل وغالبا بتكون ذاكرت وتعبت اكتر من الولد غير كدة مفيش كليات غير فى اماكن ومحافظات معينة نتبهدل لما نروح كليتنا وحاجات تانية كتير انا محبطة بطريقة رهيبة وخايفة جدا من السنادى وعارفة انى مش هجيب مجموع كويس بسبب حاجات كتير خارجة عن ارادتى غالبها كانت بسبب وجودى فى الازهر ومتاكدة مليون فى المية ان التصحيح بيكون فيه ظلم لانى جربت قبل كدة المدرسين بيلفوا الورق مش بيعلموه وهما قالوا كدة بلسانهم حسبى الله ونعم الوكيل وزعلانين عشان بنتكلم وبتقولوا بنقلل خلينا نتكلم يمكن دى حاجة تريحنا رغم انها مش هتغير حاجة من الواقع اللى احنا فيه بجد بشكر اللى فتح النقاش دة ويارب الاجيال اللى بعدنا تعيش ايام احسن من اللى عشناها وتكون نفسيتهم احسن من الدمار اللى جوانا دلوقتى ربنا يهدى الجميع |
| جميع الأوقات بتوقيت GMT +2. الساعة الآن 09:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.