|
((((نداء الى ابى وامى ...عايزكم تكونوا اصحابى))))
بسم الله الرحمن الرحيم يابااااااااااابا ............يا مااااااااااااااما ممكن تسمعونى ........انا ابنكم انا بنتكم فاكرنى انا حتة منكم ..............شايفنى عارف انكم عايشين كل حياتكم علشان تشوفونى حاجة كبيرة بس محتاجكم اقوى .........محتاجكم تسمعونى انا ما بقتش طفل صغير بياكل ويشرب ويلبس وبس انا محتاج حد يكلمنى .....يفهمنى ..........يعلمنى ياترى حتكلمونى .....يا ترى حتفهمونى ......يا ترى حتعلمونى هذا الموضوع سيكون بمثابة نداء من كل ابن او ابنة الى والده ووالدته بيكتب فيها كل ما يريد وما على ولى الامر الا ان يقرأ ما يكتبه ابناءنا ليعيش معهم مشاكلهم واحتياجتهم فى مختلف الاعمار والاجمل ان يرد ولى الامر على الابن كما لو كان ابنه اسم العضوية الأولى (أنا ابنكم فاكرنى) لاحظوا أن الأقواس من ضمن الاسم ولايوجد مسافات بينها وبين الاسم اسم العضوية الثانية ( أنا بنتكم فاكرنى ) أما هنا فيوجد مسافة بين الاسم والأقواس الباسورد للعضويتين 123456 |
على بركة الله والف شكر استاذ محمد على هذه الدعوة الكريمة
ونتمنى التفاعل من الجميع |
فكرة رائعة وممتازة من الاستاذ محمد سرور نتقدم له بالشكر الوفير
ودائما يقدم لنا المزيد من الافكار الحلوة |
جميلة جداً يا استاذ محمد
جزاك الله كل خير |
ايوه والله فكره جميله
|
فكرة رائع من استاذ اروع
جزاك الله خيرا علي الفكرة |
موضوع اكثر من رااااااااائع من مواضيع حضرتك الرائعة
جزاكم الله كل خير |
ياليت كل الاباء
يسمعون ه |
دمنهور
فكرة رائعة وممتازة من الاستاذ محمد سرور نتقدم له بالشكر الوفير
ودائما يقدم لنا المزيد من الافكار الحلوة |
فكره رائعه من حضرتك
السلام عليكم |
فكره جميه اوى
جزاك الله خيرا |
بجد فكره زى العسل من حضرتك
|
بجد فكره جميله جدا شكرا يا مستر |
جزاكم الله خيرا
فكرة اكثرمن ممتازة ونتمنى التفاعل من اولياء الامور لكى تكتمل المنظومه والله المستعان |
فكره رائعه مستر محمد ولا تنبع الا من انسان رائع ايضا جزاك الله كل خير :) |
ما شاء الله موضوع متميز من شخص متميزكالعادة دايما
جزاكم الله خيرا وجعله فى ميزان حسناتكم |
موضوع رائع وفكرة رائعة
شكرا |
على بركة الله
دى عضوية البنت والباسوورد مع الاستاذ محمد سرور ولى سؤال اين المشرفة التى سوف تعين عليه حسب الاجتماع بتاع القاهرة |
اقتباس:
تنبيه هام جدا جدا شوف الاسماء مكتوبة ازاى لانه نفس الاسم موجود لعضو اخر وده الفرق طريقة كتابة الاسم واللقب خاص |
اقتباس:
مع أجمل الامنيات بالتوفيق للجميع يارب صوت الحق |
فكرة جميلة بجد يا مستر الف شكر لحضرتك :) |
شكرا جدو محمد ، بس بجد الدعوة روعه استاذ محمد وبتوصل بسرعه الصاروخ |
فكره جميله جدا
و يا رب تستمر |
فكرة جامدة جدا يا مستر محمد خلاص بقى حضرتك عدوتنا على كده ربنا يكرم وتستمر باذن الله |
وحشتنى اوى يا بابا طول النهار فى العمل ومش بشوفك الا ساعة النوم وحشتنى اوى اوى اوى اوى |
ايه ده مش انا اللى كتبت اللى فوق دى انا يعنى بشوف بابا يعنى شايفاها بطريقه طبيعيه شويه مع انه على طول مشغول بس بدا من حوالى 4 سنين كده ييجى بدرى و يقعد معانا و كده و صراحه ماما هى اللى شايله البيت كله و على طول بتعرف بابا كل حاجه و بسرعه غريبه سعات و لازم لمه الاكل و كده يعنى البيت عندنا ملموم على بعضه شويه مش كل حى فى وادى بس اللى بحسه بعيد شويه اخواتى مش هنا خالص و انا بدات ابقى زيهم كده على طول فى الدراسه مذاكره و فى الاجازه نت حتى الخروج مبنعملوش على طول تلاقى التلات كمبيوترات (اه تلاته شوفتو الدلع ) شغالين جنب بعض و بابا على الابتوب فى الاوضه التانيه ده المشهد اللى على طول ممكن شوفه تقلى ازاى اللمه و ازاى كده اقلك انه احساس عندى ان بابا و ماما قريبين مش بعاد بس انا اللى ممكن ابقى بعيده بس هو ده اللى كنت عايزه اقوله |
اقتباس:
اكيد بابا طول النهار فى العمل علشا يوفر لكم كل احتياجتكم بس نصيحتى حاولى تجيبى لباب وردة جميله وهو داخل من الباب اديها له ولما يسألك عن سبب الوردة قولى له علشان انت وحشتنى وبشوفك قليل خليها معاك علشان تشوفنى دايما فيها حتلاقيه فى اقرب فرصة اخذ اجازة علشان يقضى معاكم اجمل الاوقات وابقى بلغينى بالنتيجة |
اقتباس:
عايزة لمة الاسرة تبقى اقوى صح شوفى يا ستى انت ان شاء الله كل يوم تعملى البيت سيرك حتقولى ازاى اشترى سلحفاة صغيرة وحطيها فى البيت اشترى عصافير وحطيها فى البيت اشترى حوض سمك وحطيه فى البيت اشترى لعبة جماعية مثل كولكت فور او اى لعبه ما تكنش على جهاز الكمبيوتر بس تكون واقعيه وملموسة العبوا الشايب بعد الاكل واللى يطلع معاه الشايب يقوم يغسل الاطباق العبوا العاب يكون للخاسر فيها عقاب يعنى ينزل يشترى لب للاسرة كلها وهم قاعدين يلعبوا مع بعض ممكن تلعبوا لعبة الاعترافات بالزجاجة او السؤال باستخدام الزجاجة واخيرا ممكن تحددى ميعاد كل يومين مثلا تعملى فيه مقرأة وتدعوا فيها بابا وماما واخواتك حتى ولو كانت 1/2 ساعة كل يومين وحتشوفى اثر لمة الاسرة حول القرآن ممكن تغلسى على بابا وتقولي له ممكن يا بابا تسمعلى الكام اية دول كل يوم كدة وحتلاقيه فرحان بيكى وحتلاقي كمان باقى اخواتك اتلموا حوليه |
فكرة جميلة جدا
|
مامتى الغاليه وبابا العزيز عوزاكم جنبى على طول تساعدونى فى مشاكلى فى حياتى عموما مش لما اى مشكله تقابلنى تقولو انتى كبرتى واحنا عندنا ثقه فيكى واتصرفى زى مانتى شايفه انا بضايق اوى لما بلاقى اصحابى باباهم ومامتهم بيشاركوهم فى كل حاجه صغيره وكبيره ده انتم حتى عمركم مرحتولى درس ولا مدرسه تسالوا عليا وتشوفونى بعمل ايه زى بقيت اصحابى ولاحتى تعرفوااسماء المدرسين الى باخد عندهم مع انتى قلت اسمائهم قدامكم كذا مره عرفتوا بقا ليه عاوزه اروح كليه بعيد عنكم حتى لو مش بحبها عشان يبقى ماما وبابا مش مهتمين بيا عشان انا بعيد (على الاقل ده سبب منطقى يريحنى) |
انت سيبت الرياضه واشتغلت في علم النفس ولا ايه استاذ محمد
|
الله يرحمك يا ابي ويسكنك فسيح جناته ويبدلك دارا خيرا من داره واهلا خيرا من اهلك ويجمعنا بك في الفردوس الاعلى
آمييييييييييييييييييييييييييييييييييين ربنا يشفيكى يا ماما ويجازيك خير انتى ف نظرى الام المثالية وبس شكرا ع الموضوع |
فكرة رائعة
جدااااااااااا ,, يا استاذ محمد و جزاكم الله خيـــــــــ........ــــــــــرا |
انتوا بتقولوا عليا مش بحكى اى حاجة بتحصلى ليه؟ مستغربين!!! علشان بعد كدا بتعدوا تفتحوا السيرة وتتكلموا فيها انا عارفة انكم بتحبوا الهزار بس الكلام ده بيحرجنى اوى
انا بحب ماما وبابا اوى وهما مدلعنى جدااااااااا الى ابعد الحدود وانا بحترم ده والغلط مش بعمله وبقدر دلعهم ليا وانهم مش بيرفضوا طلباتى واى حاجة بطلبها ويكون نفسى فيها بيجاهدوا لحد ما يجيبوهالى . بس المشكلة بقا انى مش بحب احكى اى حاجة لحد فى البيت عن اى سر يعنى انا سرى مع اصحابى مش علشان ماما وبابا صعبين ولا مش من جيلنا ولا الكلام ده علشان اى حاجة بقولها لماما بتوصل لبابا وده ساعات بيسبب لى احراج كبير وانا شخصيتى من النوع اللى بيتكسف لما حد يعرف سره بس هما للاسف مش عارفين ده وكمان بيرجعوا يفتحوا سيرة الموضوع اللى حكيت عنه وممكن يتريقوا بس هى دى مشكلتى علشان كدا بيقولوا عليا مش بحكى حاجة |
بصى هقولك حاجة اكيد ليكى اخوات صحبيهم ولو مش ليكى اخوات تقددرى تصحبى والدتك وتحكيلها انا عن نفسى مش اختى واخويا وامى ووالدى الله يرحمه كان صديق واخ وكل حاجة غير انه كان ابويا وكنت بحكيله كل حاجة صحيح كان ممكن يهرج بسر من اللى انا قولتهولو بس بطريقة ظريفة ومحدش بياخد باله فا بقولك هى الام اقرب للبنت تقدرى تصحبيها وتقوليلها كل حاجة انما مفيش صاحب فى الزمن دا واتعودى اى صاحب مش تحكى له كل حاجة خلى حاجات الخصوصية بينك وبين نفسك طالما مش هتحكى لحد من اسرتك وفى الاخر ربنا يوفقك |
فكرة رائعة يا مستر ميرسي لحضرتك كتير
|
شكرا على هذا الموضوع الجميل
|
هوا ممكن نحدد ساعتين فى اليوم
وليكن يوم الجمعه تتفقى مع مامتك انك تعملى صنف حلو وتتجمعوا وتتكلموا واكيد وقتها حتحسوا كلكم انكم مبعدتوش عن بعض ومهما خادتكم الدنيا بمشاغلها ومتاعبها برده هيجى وقت وتتجمعوا تانى فى امان الله |
شكرا جدا يا استاذنا على الموضوع
بس انا مش محتاج عضويه فى السر علشان اوجه الرساله اللى انا عاوز اوجهها انا بقول لماما انا بكره لما بيكون عندك حق وانا اللى غلط بكره اعترف بكده لكن فى الاول وفى الاخر كلامك انتى اللى بيطلع صح ربنا يرحمك ويرحمنى انتى كنت ست طيبه وكويسه واحسن من ستات كتير شوفتهم واحسن من امهات كتير شوفتها ولبابا انا مش عاوز اوجهله اى رساله |
ياريت كان بابا وماما بيدخلو على الموقع ده كنت كتبتلهم كل الى فى نفسى اعمل ايه بقى مكتوب عليا اكتم كل حاجة فى نفسى |
بجد الفكره رائعه جدا يا مستر محمد وجايه في وقتها
في الجوووووووووون شكرا يا مستر محمد جزاك الله خيرا |
نفسى اقول ل*بابا* ربنا يحفظك ويحميك زى ما بتحافظ علينا وتحمينا
ول*ماما* انتى ارق ام شفتهال فى حياتى انتى ملاك من السما ربنا يخليكوا ليا |
بسم الله الرحمن الرحيم ..
شكرا ليكم جدا على إتاحة الفرصة دي لينا .. أنا الحمد لله علاقتي بوالدتي كويسة و متينة و باقدر أحكيلها أي حاجة و بتفهمني و بجد ربنا يخليها لينا و يحفظها من كل سوء .. مشكلتي بقى مع والدي .. هابدأ لكو من الأول .. و أنا صغيرة كانت علاقتي بيه تمااااااااااااام أوي .. و كنت علطول لازقه فيه و معاه فكل مكان و كنت باحبه أوي و فعلا ما كنتش أعرف أقول بحب ماما و لا بابا أكتر .. بس دلوقتي في فجوة ما بينا .. لأن أنا لما بدأت أكبر ما بقاش في تفاهم بينا و ما بقتش أحس انه بيفهمني او بيحس بيا زي زمان .. و بعدين جزء كبير أوي من المشكلة أنا السبب فيه .. لأن أنا عنيدة معاه ..و برد عليه بطريقة ناشفة شوية و قليل اما ببص لوشه .. و حاسة انه ما بقاش في لغة حوار بينا .. مش السبب انه بعيد عني و مشغول و كده لأ ما اظنش لأننا بنشوفه كتير ... بس مثلا لما بيتصرف تصرف مش عاجبني او في حاجة فيه مش عاجباني ما ببصش الا عالسلبيات بس و بانسى انو طيب و بينسى بسرعة و الحاجات الحلوة اللي فيه .. و ممكن نتخاصم و ما اكلموش و حاجات كده .. بس ما بغلطش فيه .. لما بروح لماما و احكيلها بتقولي معلش ده ابوكي و فيه حاجات تانية جميلة فيه و مهما عمل لازم ترضيه لأن انتي اللي محتاجاله .. بس انا بقى ما بيعجبنيش و اقول طب اشمعنى مش لما يعرف يعاملني ازاي ابقى ارضيه .. و بفكر غلط .. و بعدين يومين كده و خلاص .. بس ده بيؤثر على العلاقة بينا و ما بقاش في جوايا حب ليه زي الأول .. يعني تقريبا عايشة معاه عشان يصرف عليا و خلاص .. بس هو مش مقصر معايا انا بالذات خالص و اي حاجة بعوزها بيحققهالي و بيعاملني كأب .. بس يمكن ظروفه و هو صغير أثرت على طريقته معانا .. هو طيب و الله .. بس اكيد اي واحد هيبقى فيه حاجات مش عاجبانا .. و يتهيألي ان المشكلة دي اقل بكتييييييييييييييييير مع اخواتي الولاد ... انا عارفة انو ما فيش حد كامل بس انا بدور دايما عالمثالية و بناقض الواقع .. انا فعلا مضايقة بسبب الوضع ده و فعلا انا محتاجة رضاه بس عايزاه يفهمني انا كمان .. و نفسي ارجع احبه زي زمان .. عشان كده انا حكيتلكو .. هو طبعا الكلام ده مش هيوصله بس عايزاكو تساعدوني معلش أنا طولت عليكو .. و قولولي أعمل إيه .. !!! |
اقتباس:
بصراحه ميرسى ليكى خالص وفرتى عليا الكلام دا مكنتش عارفه اقوله ازاى |
الموضوع جميل جدا .
لكن هى البسورد بتتعمل ازاى. |
للاسف ما بعرفش اقول لحد يوصل لحد حاجة عشان كده بقولهم بنفسي بدون حرج وبدون ندم وبدون غضب
فاكرين التبية اني املك كل اللي ف نفسي او اني اكون مميزة ف شكلي لكن للاسف يابابا وماما نسيتوا تربوا تربية صح ولما كبرت ما احترمتوش تفكيري ودلوقتي بقيت بعمل حاجة غصب عني عشان احقق هدف بابا او هدف ماما وماحدش سالني انتي هدفك ايه او اخترتي الطريق ده ليه اكيد عرفين ان انتو ظلمتوني كتير اوي وعارفين ف ايه وبالتحديد حتى الان 4 مرات من اشد انواع الظلم بحاول اتناسى واتجاهل واحترمكم وخلاص عشان الدين قاللي كده وهايجي اليوم اللي هاتعرفوا ان كل حاجة بعملها كانت صح وهقنعكم بطريقة تفكيري دي اسفة لو كان كلامي قاسي شويتين لكن مش مشكلة ...بعض ما عندكم فهذا الشبل من ذاك الاسد شكرا ليكم على كل حاجة وربنا يصبرني عشان افضل دايما ابدي الطاعة والولاء ليكم ................. استاذ محمد مرسي الفكرة يمكن ناس كتيييييييييييييييييير دلوقتي هاتقول عليا عقد وكلاكيعو وشوية حجات كده لكن ماحدش هايفهم او يقد بجد غير لو كان لاقدر الله اتحط ف المواقف اللي انا كنت فيها لاني حاولت كل المحاولات عشان الاقي المنطقة المشتركة بينهم وبيني ..حاولت اتعايش والله بكل الطرق ودلوقتي عشان اتجنب المشاكل والعقوق بتبع اسلوب الحوار والاقناع بالمنطق العقلي ...بعتذر عن الاطالة |
ثانكس على الايديا الجديده دي
|
مشكور على الفكره الاكثر من رائعه:)
لكم تمنيت من زمن بعيد ان اجد مثل هذه الفكره ولكن الحمد لله على كل حال:( رزقكم الله العمل الصالح ورزقكم الاخلاص في العمل وتقبله منكم واجزل لكم الجزاء يارب اقبلو مروري المتواضع -_- |
نداء لك يا ابى ويا امى كفاكم مشاكل أرجوكم
انا عارفة إن ولا واحد فيهم هيقرأ الكلام ده بس بوجه كلامى لكل اب وام كفاية مشاكل اولادكم تعبوا وانتوا مو حاسين بيهم شكرا على الموضوع |
اقتباس:
|
| جميع الأوقات بتوقيت GMT +2. الساعة الآن 02:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.