|
عارفين قصة الفيل ؟ مش بتاع ابرهه
عارفين قصة الفيل ؟؟؟
مش بتاع آبرهه لا قصة تانية لفيل تانى هى قصة مش فاكر سمعتها فين ايوه ايوه قرأتها فى مقال لابراهيم عيسى فى الدستور بس محرفة شوية معلش لكن المغزى واحد بيقولك ايه بقى ؟؟ " هو مين اللى بيقول ويعرفنى منين علشان يقولى ؟" كان فى ملك بيحكم بلده بالحديد والنار وقعد فى ممكلته دى كتييييييييييير اوى ماسك الحكم يجى من سنة 81 كده المهم صاحبنا ده جات فترة عليه وحس بالملل من الحكم ومن الدنيا ومن كل حاجه ومش عارف يعمل ايه فواحد محترم كده من اتباعه نضيف شويتين قاله ربى فيل يا ملك والفكرة عجبت سيادته وجاب الفيل وبدل ما يحطه فى مكان مخصص ليه سابه كده فى المملكة يمشى براحته وياكل براحته ومحدش طبعا يقدر يكلمه ده الفيل بتاع الملك . الشعب بقى بتاع المملكة دى يعنى كان عنده احساس شوية فقالوا احنا لازم نشوف حل للموضوع ده مش هينفع الفيل يمشى يخرب فى البلد كده ويدوس على ولادنا ويدمر بيوتنا وكده واتفقوا انهم هيروحوا للملك يكلموه فى الموضوع ده ويقولوله مينفعش كده يا ملك واتفقوا ان افصح واحد فيهم هو اللى هيبدأ الكلام والناس كلها تتكلم وراه علشان الراجل ده ميروحش فى داهية لوحده يعنى هو بس يبدأ الكلام والناس تكمل وراه وبالفعل راحو ورتبوا ميعاد للملك وراحوا وفعلا بدأ الراجل المتحدث الكلام وقاله الفيل يا ملك .... واستنى حد يكمل او حتى يتنحنح مفيش حد نطق والملك يقوله ماله الفيل رجع وقال الفيل يا ملك .... ومحدش بردوه نطق بص وراه لقى الناس كل شوية بتقل وهو مبيقولش غير الفيل يا ملك ... لغاية ما بقى لوحده قدام الملك قاله الفيل يا ملك حاسس بالغربة والملل ولازم نجيب له فيله تملى عليه وحدته . .. . |
ونعم الشهامه
هو ده الكلام |
شوفتى احسن من كده
|
الناس دى فيهم شبه من المصريين(مش هما طبعا:D)
بس جامده القصه |
قصة جامدة فيه بعض طباع الشعب المصرى:) شكرا على القصة |
انا اول ما شفت اسم ابراهيم عيسى فهمت
اوعى الفيل يا msamido |
بس الموضوع مكانه مش هنا
|
اقتباس:
شكرا للمرور والتعليق اقتباس:
شكرا ليكى اقتباس:
سانكس اقتباس:
انا نزلته فى الركن العام لقيته جه هنا . . |
هههههههههههههههه...قصه حلوه اوي....فيها فكره بردو
|
اقتباس:
سلام |
شكرا لمرورك
|
هههههههههههههههههههههههههههه
جميلة اوى هو الناس باعته و هو باعهم و خربها عليهم " فاستخف قومه فأطاعوه " و الآية على فرعون مصر |
شوفت بقى الجدعنة والرجولة بتاعة ولاد البلد؟
|
ههههههههه موضوع جميل اوي ومستنين جديدك ونورت القسم
|
شكرا على الموضوع اللذيذ ده
ومستنيين الجديد |
القصة جميلة جدا وشكرا على مجهود حضرتك
|
اقتباس:
بصراحه موضوعى جه القسم هنا غلط انا نزلته فى الركن العام بس مشرف الركن العام شايف ان مكانه هنا عموما القسم منور بيك يا باشا اقتباس:
وانتظرى ربما يكون هناك المزيد اقتباس:
. . |
والله موضوع رائع وقصة بتحصل كتير بس مش مع الافيال مع ......
|
مع مين ؟؟؟
كمل ما تخافش على مسئوليتى .. . . |
هو على الرغم من إنى مت على نفسى من الضحك بعد ما قرأت الموضوع لكن زى ما بيقولو هم يبكى وهم يضحك وفعلاً الموضوع ده بيوصف حالنا بالضبط وهو بالمختصر المفيد إننا بنطلع نلطع وننزل على مفيش طول ما اللى ماشين ورى صوت الحق كدابين زفه |
اقتباس:
هى دى الكلمة تمام والله . .. |
اخى لا فض فوك
انا معاك ولعها ---ولعها ولعها ولعها |
يعنى إيه فض فوك ؟؟؟
. . |
المشكلة نفسها ان مفيش وعى عند الناس
يعنى كتير اوى ممكن تشوف مظاهرات بتخرج وناس بتهتف وتشق هدومها واول ما يشوفه عسكرى الامن المركزى كله يجرى الموضوع محتاج وقفة رجالة بصحيح مش ناس تتكلم وبس مش ساعة الجد انا ومن بعدى الطوفان شكرا ليك مسميدو على القصة الطريفة دى |
اقتباس:
|
| جميع الأوقات بتوقيت GMT +2. الساعة الآن 03:32 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.