اجتماع لطلاب الهندسة المغتربين
 

و الله انا مس عارف بس غالبا هروح 20 | 9 و أمري لله

شكرا جزيلا على المرور
انا بتهيألى حروح بعد العيد

انا هندسه شبين و ان شاء الله حروح يوم 20 حتى لو حنلعب

أنا إن شاء الله لسيه محددتش بس إحتمال أروح بس عشان المدينة الجامعية
و أرجع تاني إن شاء الله

انا هندسه شبين و متهيالي هروح يوم 20 علشان اتعرف على الجو هناك و هقضي الايام ديه عن قرايبي لحد مالمدينه الجامعيه تبدا
انا متهيالي انها بتبدا بعد الدراسه باسبوعين كده

شكرا جزيلا على المرور
ياريت اللى مغترب يقول هوا منين وجامعتة فين
انا من الغربية وجامعتى فى اسيوط

انا من اسكندريه بس الكليه جت فى شبين
انا هروح ان شاء الله يوم 20 عشان بيقولوا ان المدينه هتبقى فى اول يوم للدراسه واعرف ايه النظام وكده

اه بلنسبه لبتوع اسكندريه فى تحويل شغال دلوقتى فى كليه حقوق للطلبه المغتربين والى كمان تحويل النت مش نفع معاهم
المهم انا رحت كليه حقوق وعملت التحويل ده بس لسه النتيجه
اى حد عنده اى سؤال بلنسبه للتحويل ده يتفضل

شكرا جزيلا على المرور
انا سمعت عن التحويل دا فعلا ورحت قدمت طلب للتحويل من هندسة اسيوط لطنطا مقابل 100جنية والنتيجة الاسبوع الجاى ودا موش لحقوق بس دا لكل الكليات

انت شكلك زى حالاتى مغترب وعايز تحول هندسه طنطا لانك عامل الموضوع لطلاب الهندسه المغتربين
بس اما نشوف جامعه طنطا ح تقيل كل المحولين ولا لا
تفتكر كده ح تقبلهم كلهم ولا زى المره اللى قبلها
ينفع كده خدنا الاجازه كلها مستنيييييييييييييين
وسؤال اخير هو حضرتك لو متغرب ...............انت جامعه ايه؟
و الاخر ربنا يكرمنا كلنا ويقبل دعوتنا ونيجى هنا طنطا والباقى ربنا يوفقه ويروح اللى نفسه فيه بعد امر ربنا باذن الله.........يا رب

هى النتيجة بيقولوا يوم الثلاثاء ولا الاربعاء المهم انى انا من اسكندريه و جاااالى هندسة شبين التحويل الاول منفعش و مستنيه التانى

و سمعت كمان كلهم بيقولولى ان كلنا قبلنا
و لو عندك اى معلومات ارجو الافادة

بجد شئ ينرفز لان التحويل لسة حيظهر نتيجتة الثلاث او الاربع
حسبى الله ونعم الوكيل فى طالب يعرف كليتة قبل بدا الدراسة بيومين !!!!!!!!
وازاى حيتم تحويل الاوراق فى الفترة الضيقة دى وخصوصا لو من كلية بعيدة جدا زى اسيوط
موش عارفة اقول اية!!!!!!
شكرا جزيلا على المرور والتفاعل فى الموضوع

انا من الاسكندريه و جاتلى هندسة شبين

يعنى مغتربه و قاعده فى مدينه

انا سالت ف اداره جامعه طنطا النهارده وقالو لسه مجلناش حاجه من مصر والنتيجه على يوم الخميس
بجد والله حاجه تنرفز فعلا لما نعرف النتيجه قبل الدراسه بيومين وزراه بتلعب ربنا يكرمهم ويقرفوا فينا كمان وكمان
انا مش عارفه اعمل ايه استنى اشوف النتيجه ف صالحى ولا اروح اشوف نتيجه المدينه الجامعيه ايه شتتونااااااااااا
وياريت اللى بيقول انه فى ناس سالت وقالو انه كلهم اتقبلو متاكد يا ريت يطمنا اكتر ويشرح لنا اكتر عشان نتصبر حتى ونتعلق بامل ولو قد حابيته الرمله..................................حسبى الله ونعم الوكيل!!!!!!!!!!!!!!!!!!!

اخر الاخبار ان مكتب الوزير قال ان النتيجة كمان يومين كدا يعنى على يوم الجمعة
حسبى الله ونعم الوكيل
ولما اتصلت بشئون طنطا قالوا النتيجة كمان اسبوع ولما قولت نعم!!!!! الحد الجاى دراسة قالو الاخبار وصلت عندنا كدا

هو انتى سالتى النهارده اللى هو التلات ؟
شكلنا لا رايحين ولا جاين

انا كنت فى هندسه اسكندريه النهارده الى هو الثلاثاء
وقالوا ان النتيجه لسه يااما اخر الاسبوع او اول الاسبوع الجاى

بس اعرف ناس هنروح نسال بكره تانى كمان هنسال فى مبنى اداره الجامعه عشان هناك كانوا بيقولوا ان النتيجه يوم الاربعاء

بس المهم لحد ما نعرف النتيجه ازاى هندخل هندسه واحنا اصلا مش معانا كارنيهات لللكليه الى احنا محولين ليها ولا نعرف اصلا اتقبلنا ولا لا

؟؟؟؟؟؟؟؟

موش عارفة والله طب ازاى انا كمان حنقل ورقى _دا لواتقبلت _من اسيوط لطنطا والدراسة اصلا يوم الحد
ولو موش اتقبلت موش حيكون فى وقت انى اقدم فى المدينة الجامعية الا لو رحت نقل جوى

تصدقى هوه ده الحل الوحيد

"طياره خاصه لكل طالب " :d

اة سألت انهاردة اللى هوة التلات

هو احنا ح نفضل ف الشارع كده شكلنا يعنى لحد م تيجى امتحنات الترم الاول نذاكر لنا كلمتين ونروح اى كليه هندسه نمتحن فيها لحد م الوزاره تتكرم وتتعطف وتفكر تعلن النتيجه
خلينا منتظرين انا ح اروح بكره اسال ف اداره الجامعه ف طنطا واشوف بس هيا فعلا شكلها كده فعلا على الاسبوع الجاى وانا ح اموت واعرف لى ديه من اول م النتيجه ظهرت
اففففففففففففففففففففففففففففففففففففففففففففففففف ففففففففف!!!!!!!!!!!!!!!!!!!!!!!!!!!!!!!!!!!!!!!!

صحيح هما تعطفوا علينا والنتيجة حتبقى على موقع التنسيق الالكترونى وكالعادة طبعا ترقبواااااااااااااااااا

ترقبوا ظهور نتائج التحويلات والمتخلفين للثانوية العامة

http://www.tansik.egypt.gov.eg/application/

كلمة ترقبوا يعنى كام يوم؟؟؟؟؟؟؟؟؟؟

انا عايزه اسال على حاجه
هو احنا لو اتقبلنا هندفع فلوس تاني
اصل واحده قالتلي لو اتقبلنا هندفع 1200 الف ومتين جنيه.........؟؟؟؟؟؟؟؟؟؟

يا جماعه تقريبا النتيجه مش ح تنزل ع النت خالص انتظرو دى لطلاب المرحله التالته احنا لا تقريبا
واللى بيقول ح ندفع انتو اصلا دفعتوا اولانى لما ح تدفعو تانى ولا لما روحتو قالولكو تدفعو الميت جنيه مع الطلب؟؟؟؟؟؟؟؟؟
اصل بابا لما راح قالى الميه جنيه ديه بتندفع لو قبلو التحويل وجيتى الكليه ؟؟؟؟؟؟؟؟؟!!!!!!!!!!!!!!!!!!
شوفوا كده وقولولى بلييييسسسسسسسسسس

صح التحويل مقابل 100جنية
بس النتيجة حتطلع امتى؟؟؟؟؟؟؟

يعنى انتى دفعتى الميه جنيه ولا لسه ح تدفعيها لو اتقبلتى ف الكليه الجديده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو اتقبلتى فى الكلية الجديدة حتدفعى 100 جنية
والنتيجة بإذن الله اما يوم الخميس او السبت

ربنا يطمنك انا سمعت الكلام ده كتير بس يااااااااااااارب المره دى تصدق بقه ويبقى الخميس عشان نرتاح
ويارب نتقابل ف هندسه طنطا ان شاء الله ..................................

يا جماعة انتوا فاهمين غلط

احنا رحنا دفعنا 100 جنيه لطلب التحوييل و كمان دى رسوم اداريه يعنى محدش يحلم ان الفلوس ترجع تااانى لو مقبلناااش

المهم لو لقدر الله و قبلنا بيقولوا حندفع تبرعات و المبلغ 1000 جنيه


و يقال ان المبلغ 1200 جنييه

انا النهاردة الموافق الاربعاء رحت كليه الهندسة هنا فى اسكندريه بناء على كلام ادارة الجامعة اننا نروح يوم الاربعاء و نشوف اسامينا لما رحت النهاردة قالولى لسه مجلناااش حاجة


المهم رحنا ادارة الجامعة و طلعنا لواحد مسئول عن الموضوع ده و قال ان كلنا حولنا بس كشوف الاسماء لسه عند الوزير لانها بتتمضى و حتطلع على يوم الاحد او الاربعاء الللى جاى


عاوزاكم تركزوا فى الكلام ازاى يعنى اسامينا منعرفهاش الا وسط الدراسه و كمان محدش عارف حنحضر فييين فى الفترة اللى احنا مستنيين فيها اسامينا و اللى حيقولى ان مفيش دراسه اول اسبوع يبقى بيضحك على نفسه لانك لازم تتعرف على كليتك و مكان السكاشن علشان وقت الشغل ميضعش منك حاجة و كمان هنا فى هندسة اسكندريه شغالين من يوم السبت


طب لو حنحضر هنا ازاى حيدخلونا من غير كرنيهات
طب المفروض انا استلم المدينه فى شبين يوم السبت و احضر من يوم الاحد هل اسافر ولا نعمل اييييه



اللى عارف حاجة نرجو الافاده و بسرعة

على فكرة كل المغتربين بيعانوا من المشكلة دى لانة لسة حاطين امل على التحويل بس حنضيع المدينة الجامعية علينا لان اخر معاد لدفع التأمين بتاعها يوم 9/20
ادعوا ياريت انها تطلعا انهاردة الخميس

على فكرة انا نسيت اقولك ان 100 جنية لسة حتندفع عند القبول فى الكلية
اما حكاية الرسوم اول مرة اسمع عنها

دا التحويل اللى بنتكلم عنة ولا تحويلات المرحلة التالتة؟؟؟؟
الان نتائج التحويلات والمتخلفين للثانوية العامة
http://www.tansik.egypt.gov.eg/application/

متهيالي ان التحويل الي على موقع التنسيق ده تحويل مرحله تالته غير التحويل بتاعكم انتم

اتصلت بمكتب التنسيق قالوا ان اللينك دا بتاع نتيجة تحويل المرحلة التالتة
اما التحويل مقابل 100 جنية فدا بالاوراق واحنا مانعرفش عنة اى حاجة

ياجماعه اخر الاخبار عن التحويلات

انا رحت النهارده الى هوه الخميس هندسه اسكندريه وكلعاده طبعا "دخلنا بلعافيه" المهم

سالت على التحويل قالوا الاسامى لسه مش وصلت

رحت اداره الجامعه فى اسكندريه مكتوب على الباب بتاعها اصلا "نتيجه التحويلات لكليت الاسكندريه خلال 10 ايام من الدراسه "

بعدين دخلت سالت قالوا ان اسامى التحويلات هتنزل يوم الاربعاء فى الكليات وقالوا كمان حاجه مهمه "كل الى عمل التحويل ودفع 100 جنيه قبل "

بس طبعا الاسامى رجعت القاهره عشان فاضل الامضاء

واخيرا قالى ان كل واحد يروح يحضر فى الكليه بتاعته عادى ويوم مايجى الاسامى الى هوه يوم الاربعاء يعنى يبقى يجى يشوف اسمه ويجى يحضر هنا ساعتها

لان اصلا استحاله انك تدخل هندسه من غير كارنيه ...وده اخر كلام

ياريت نفضل متابعين مع بعض واى حد عنده جديد يبقى معانا

يعنى احنا نروح ندفع مصاريف المدينة الجامعية وناخد كل احتياجتنا وبعد كدا ننتظر على امل التحويل !!!!!!!!!!
وكمان لو اتقبل تحويلنا تروح علينا فلوس المدينة الجامعية ومصاريف الكتب والجامعةوالسفر!!!!
بجد وزارة بتلعب وحسبى الله ونعم الوكيل

طيب انا عايزه اقول حاجه دلوقتى احنا لما روحنا نقدم هنا ف جامعه طنطا الطلب محدش جاب سيرة دفع الفلوس ده على اساس اننا ح ندفعها لما النتيجه تطلع ونحول ونيجى الكليه الجديده يعنى لو التحويل اتقبل ح ندفع ال100 جنيه غير كده مكنش فيه حاجه
انا بس خايفه من الموضوع ده ياثر على قبول التحويل لو كده كنا دفعنا احسن قبل النتيجه ولا ايه ؟

انا مش عارفه بقه ؟؟؟؟؟؟؟!!!!!!!!!!!!!!!اللى زى يرد .

متهيالى مدام التحويل عندكم كده يبقى مش هياثر دفعت دلوقتى ولا لا

مدام الناس كلها كده

انت ممكن تقلق لو فى ناس عندكم دفعت 100 وانت الى مدفعتش

بس احنا النظام فى اسكندريه استغلال مش اكتر

ربنا معاك واكيد ان شاء الله هتحول

الى اعرفه ان مصاريف المدينه اكيد هتروح علينا لو حولنا

لكن مصاريف الكليه مش هتوح لان تقريبا الورق هيتحول يبقى مش هتقدمى من جديد ولا تدفعى فلوس تانى

مافيش اخبار جديدة عن ظهور نتيجة التحويل؟

الصبر يا رب......................................

"الصبر مفتاح الفرج "

حد ح يروح بكره الكليه ولا ح تستنو لبعد العيد
انا بقول نمسك العصايه من النص ونروح نشوف مصالحنا اللى ربنا كتبهالنا لما النتيجه ظهرت يعنى نسال على نتيجه المدينه ونشوف الجداول عشان لو لقدرالله لو النتيجه مكنتش ف صالحنا او لو حتى اتاخرت عن كده نبقى ضمنين الكليه اللى احنا فيها ورقنا اصلا


ولا ايه؟؟؟؟؟؟

اخر كلام اتقال واكيد بعده كلام ان نتيجه التحويل ح تظهر يوم الاربعاء انا عن نفسى حضرت فى الكليه اللى ح احول لها وموش روحت اللى جاتنى فى الترشيح.............الحرس قالنا احضرو عقبال م تحولوا.

انا حعمل كدا بإذن الله