|
للبنات 00 اللى هتدخل المدن الجامعية
السلام عليكم ورحمة الله وبركاته
اولا انا اسمي مي في طب القاهرة ثانيا انا هدخل المدينة الجامعية وياريت اي بنت هتدخل المدينة في اي مكان تعرفنا على نفسها وتشاركنا في متطلبات المدينة علشان محدش ينسى حاجة مهمة وكمان نبقى رتبنا امورنا بدري قبل الدراسة شوفوا بقى عدة الاكل00 ( كوب وطبق وملعقة وشوكة وسكينة ومقلاة صغيرة وcollapse cope يبقى في الشنطة للاحتياط) حاجة النوم والصلاة 00 (ترنجات او بيجامات ) وطبعا ازدال ومراية وشبشب وملاية وكيس مخدة وكوفرتة وبطانية وفوطة ياريت لو اي حد افتكر حاجة تانية قولوا علشان كلنا نستفيد ان شاء الله |
لزومه ايه الملاعق والمقلاة والطبق مش الاكل بيكون في المطعم برده
|
انتى متاكد م الملايات والحاجات دى وهنجيب بطانية ليه هو الشتا جه؟
|
انا متاكدة جدا من الملايات والكلام ده
غير كده الاكل ممكن تاكلى في الاودة والدتك بتبعت معاكي اكل وبالتالي بتبقي عايزة تسخنيه وتحطيه في طبق علشان تاكلى وحتى لو الاكل في المطعم فانتي هتاخدي معلقتك وسكينتك وشوكتك معاكي وكمان هتاخدي الكوباية علشان لو هتشربي شاي او خلافه انا اختي في مدينة المنصورة وبتاخد الحاجات دى معاها كل سنة اه والبطانية علشان الشتا طبعا يعني مش لازم دلوقتى |
وشكرا لمرورك يا دكتورة
بس حضرتك ما عرفتنيش على نفسك اسمك وكليتك وجامعتك |
اقتباس:
وبعدين هسخن فين هو فيه مكان ممكن نسخن فيه اخويا كان ف اسماعيلية وخد معاه سخان كهربا عشان الشاي وخلافه والمشرف خده منه وقالوه ممنوع |
انا .............. كلية الصيدلة جامعة اسكندرية
|
ازيكم يا بنات ؟؟؟؟؟؟؟؟ انا ان شاء الله راحة فنون جميلة اسكندرية وهعد فى المدينة الجامعية زى دكتورة نبض الامة هعد فى سموحة ان شاء الله هو انتى فين يا دكتورة؟
بس انا جهزت لحد دلوقتى هدومى ومراية وشامبو ومسحوق غسيل وبيقولوا نجيب كمان حاجة نغسل فيها بس مش هينفع ناخد معانا اكل علشان ممكن يخسر مننا علشان مفيش هناك تلاجات احنا ممكن ناخد مثلا نعمل شاى او كوفى ميكس حاجة كدا لكن الاكل بيكون فى المطعم وهما الللى بيجيبوا المعلاق والاطباق وكل حاجة ومش هناخد ملاية ولا حاجة اصل النظام فى المنصورة تعبان شوية . |
شكرا ليكى يا منى وشكرا يا د نبض الامة
عموما انا القاهرة وفي الدليل نجيب الملاية والحاجات دى وان كل طالب مسئول عن حاجته الشخصية والاكل صحيح مفيش تلاجة بس ماما بتعطي لاختي اكل يومين بس علشان ميبوظش شوفوا ميجراش حاجة لو اخدتوا الحاجات دي احتياطي الله اعلم ايه اللي هيحصل هناك وانا فعلا جبت الملاية والكوفرتة وحتى دول لو ماكانوش مطلوبين لازم تاخدوهم علشان النظافة يعني منضمنش نضافة ملاية المدينة مثلا |
بالنسبة للسخان الكهربي والله معنديش
علم بالموضوع ده بس اكيد في هناك حاجات للتسخين شوفي هسأل وهقولك ان شاء الله |
يا جماعة لو فى حد هنا فى صيدلة يقولى هو احنا بناخد ادوات التشريح و المعمل معانا و لا كل دكتور بيطلب حاجة جديدة
اصل انا رايحة بلد فى الصعيد و مش عرفى حاجة و شكرا على المعلومات اللى قدمتوها |
اقتباس:
انا اعتقد حضرتك زي ماهو مكتوب من اسكندرية واعتقد انك رايحه بني سويف بصي انتي لازم يبقى معاكي البالطو بتاعك وادوات المعمل بتاعتك وادوات التشريح لأن اكيد فيه حاجات حتعمليها بنفسك سواء في الكلية و المدينة فانتي ممكن تجيبي الحاجات دي من هنا او من هناك والله اعلم وللتأكد اسالي د/ نبض الأمة |
للاسف انا مكنتش اعرف حاجة عن الموقع الجغرافى و كتبت اى حاجة و خلاص و كان ليا 6 كليات صيدلة بس بعد اسكندرية على طول كتبت اسيوط مع انى كنت ممكن اكتب زقازيق او اى حاجة تانية اقرب لان اسيوط بعيدة جدااااااااا
و على العموم شكرا يا دكتور احمد على الرد |
شكرا د pharma girle على مرورك
يا رب تكوني استفدت حاجة وان شاء الله ربنا يوفقك ويهديك للصواب بس انا والله معرفش حاجة عن الموضوع ده وياريت تقوليلنا على حاجات المدينة اللى انت هتاخديها معاكي |
انا مقدمة مدينة جامعية بردو
بس معرفش الحاجات اللى انتوا بتتكلموا فبها دى خالص :d هو انتوا هتروحو السكن بعد العيد مش كده ؟؟ |
اهلا بيك يارحمة
النتيجة هتظهر 15-9 ان شاء الله وتقريبا المدينة بعد العيد |
ياريت يا جماعة نعرف ميعاد المدينة هو امتى ازاى الكلية هتبتدى فى 20/9 ان شاء الله امال احنا هنعد فين لحد ما رمضان يخلص؟
|
انا من اسكندرية ورايح السم عين شمس ومواعيد السكن يوم 18 اما بالنسبة لجامعة القاهرة فانت هتعرف اذا كنت اتقبلت فلمدسنة او لا بعد العيد فالاسكندرية بقى......معطلكمش |
انا مقدمة حلوان والنتيجة يوم 14 باذن الله ،
|
طب يا بنات انا عايزة اعرف احنا هنغسل هدومنا هناك صح؟ لو يعنى مش هننزل كتير . طب احنا هننشر فين فى الاوض ولا ايه؟
|
هيا فيها غسيل :d
انا كنت فاكرة انى داخلة حاجة اشبه بفندق،، ع فكرة احنا هننتقل هناك من قبل العيد كمان.. |
انا اصلا هترفض لانى من 6 اكتوبر يعنى يعتبر ضمن القاهرة الكبرى
بس والله المشوار ساعتين ومتعب جدا يعنى حرام 4 ساعات ف اليوم مواصلات وهرجع هلكانة وهصحى بدرى وهرجع متاخر كمان انا كلية علوم ارخم كلية عملية ف مصر يا رب يوافقوا بقي :( |
يارب يوفقوا يا رحمة بيقولوا فعلا هى شبه الفندق اللى فى القاهرة واسكندرية لكن الغسيل للاسف علينا هنعمل ايه بقا بس الميزة انك هتعيشى حياة حلوة مع ناس كلهم فى سنك يارب تبقا ايام حلوة علينا كلنا ويارب تدخلى المدينة لان ده فعلا هيكون صعب غليكى
|
طيب هنغسل فين :d
و ع ايدنا بقي ؟؟ هنتربي يعنى :d:d انتى مقدمة فين يا منى :)؟؟ |
اولا ازيكم كلكم و كل سنة و انتم طيبين
تانى حاجة انتوا تقصدوا نتيجة ايه تالت حاجة عملتوا التحويل اللى هو ب100جنيه و بالنسبة لحكاية الغسيل فى ناس قالتلى على غسالة بيبى بيقولوا عليها صغيرة و حلوة اوى و لو اى حد عنده استفسار عن اى حاجة ممكن يسالنى و انشاء الله احاول اجوبه اصل انا سالت كتير فى المواضيع دى معلش انا طولت عليكوا |
ما انتى بتقدمى الاول وبعد كده يوم النتيجة بتعرفي هل قبلوكى ولا لأ؟
بصي انا عاوزة اعرف اول يوم وانا رايحه .. اخد ايه معايا ؟؟ |
اقتباس:
انا لسة داخلة ثالثة ثانوى ان شاء الله بس موضوع المدينة الجامعية ده شكله دمه خفيف المشكلة بقى لو اصحابك الللى معاكى فى الاوضة بضايقوكى او اتخانقتوا مع بعض حتبقى عيشة عجيبة بس ربنا معاكوا و كل حبة كده اقوا ادخلوا قولولنا ايه اخباركم عشان احنا زى الاخوات برده |
طيب الاول انا عايزة اعرف هى المينة الجمعية اللى انتى رايحة فيها بعيدة اوى بالنسبة ليكى و لا لا مش اوى
و فى كلية ايه عشان اقدر اقولك انتى عملتى الكشف الطبى و لا لسة اصل قالوا لى ممكن اعمله اول يوم و احجز فى المدينة بالتليفون |
اقتباس:
انا مقدمتش فى الكلية ذات نفسها اصلا عندى مشاكل ف البيت عاوزين يدخلونى الجامعة الكندية وانا ضد الخاص ايا كان بقي وكان الشرط انهم يوافقوا ع علوم انى اقثدم مدينة جامعية علشان المواصلات دمار فرحت سألت وقالولى قدمى طلب سكن و استنى النتيجة انا لو اترفضت اهلى هيطينوا عيشتى ان شاء الله :d وبعدين معتقدش ينفع سكن بالتليفون دول محتاجين عندنا اجراءات كتيرة اوى طوابع وضامن وامضاء الجامعة كمان باب التقديم ع السكن هيقفل يوم 7 _ 9 حاولى تتأكدى افضلـ :) |
اه انا الفرق بينى وبين الجامعة ساعتين بالظبط لو المرور ماسي
هركب 3 مواصلات المواصلة الاخيرة مترو 16 محطة ،، واللى قبليه تقريبا ربع ساعة و ساعة انا ف 6 اكتوبر وجامعتى ف حلوان :( |
يا رحمة انا قدمت خلاص فى اسكندرية بس غريبة موضوع النتيجه ده وهنغسل على ايدينا لحد ما تورم هههههههههه ربنا معانا
وشكرا يا ايرث وان شاء الله فى الاجازات ندخل نطمنك يا جميل وامانة عليكى تدعيلنا نلاقى اصدقاء كويسين |
معلشى يا جماعه انا لسه فى ثانويه عامه انا عايزه اعرف هو اللى ساكن مثلا فى عين شمس فى القاهره ومجموعه مجابش طب او صيدله عين شمس لكن جاب صيدله بنى سويف او اسيوط او اى مكان هو مش ساكن فيه اصلا يروح الكليه دى من غير شروط ويقيم فى المدينه الجامعيه كدة ببساطه اصل اعرف واحده صاحبتى السنه دى جابت 391.5مجموعها كان يدخلها صيدله اسيوط و علاج طبيعى القاهره فهى دخلت علاج طبيعى يعنى كان ممكن تدخل صيدله اسيوط وهى ساكنه فى عين شمس ومعلشى عشان طولت عليكوا وشكرااا
|
اقتباس:
الست ازبهلت :huh: قالتلى هيا مش تبع حلوان :huh: قلتلها لأ حضرتك انا علشان اجيلكوا بمر ع 4 محافظات :d 6 اكتوبر جيزة قاهرة حلوان قامت سكتت شوية كده وقالتلى انتى كلية ايه :confused: قلتلها علوم :( قالتلى لالالالالالالا كده خلى عندك امل :d ،،،،،،،،،،،،،،،،،،،،،،،،،،،،، ربنا يسهل بقي :) |
اقتباس:
بس اكيد ربنا كاتبلها الخير فى الكلية اللى راحتها :) |
انا عملت التحويل اللى ب100 جنيه و مستنيه النتيجه و انا من اسكندريه و جاتلى هندسة شبين و خلاص قبلت فى المدينة
على فكرة السخان ممنوع و ممكن تزودوا على اللى جبتوه اى نواشف و متخسرش علشان اكيد اكل المدينة مش حيشبع |
يعنى مفيش شاى ؟
امال هنذاكر ازاى طيب ؟!! وبعدين هو فيه هناك مكاتب ولا هذاكر ع السرير :d |
شكراا ليكى يارحمه بس هى اصلا كانت عايزة ونفسها تدخل صيدله انا افتكرت مينفعش عشان كده دخلت علاج طبيعى
|
اقتباس:
نصيبها بقي .. ربنا يعوضها خير ان شاء الله :) |
لا الا الكوفى ميكس انا مش بعرف اذاكر من غيره هنعمل ايه؟؟؟؟؟؟
|
اقتباس:
شكلنا هنضطر نخالف القوانين وندخلهم الاوض بالعافية :d |
هههههههههه اه والله
اه من الحق يا بنات اوعوا تنسوا المصحف ده مهم اوى معانا وكمان حاجات الصلاة وكدا |
احنا هنروح هناك من اول العشر الأواخر
يا ترى هيرضوا يطلعونا بره الجامعه علشان التراويح؟ |
بصى انتى يا جميل ليكى مواعيد معينة تقريبا لحد 9 او 10 وبعدها استحالة تدخلى المدينة لكن قبل المواعيد دى بتخرجى فى اى حتة براحتك هما ملهومش دعوة
|
الله المستعان
|
اكيد نصيبها طب هى المدينه الجامعيه دى نظامها ايه زى ما بنشوف فى افلام شوية بنات اعدين مع بعض وفى واحده ناظره عامله زى الشاويش والبنات بيخافوا منها والنوم بمواعيد والاكل بمواعيد والحاجات اللى تخنق دى
|
:d
بيقولوا والله اعلم :d |
يا جماعة خدوا بالاسباب و روحوا اعملوا التحويل اللى هو ب100 جنيه
و اى حد عايز يستفسر عنه انا تحت تمره |
يا بنات انا عايزة اعرف مين فيكم مقدم مدينه فى اسكندريه علشان انا مقدمه هناك وعايزة اعرف مين منكم هيبقى هناك
|
انا جيت اهو ومقدمة اسكندرية مين تانى مقدم معانا؟؟؟؟؟ وهكون فى سموحة ان شا ءالله انتى هتكونى فين يا جميل؟
|
اقتباس:
|
| جميع الأوقات بتوقيت GMT +2. الساعة الآن 07:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.