لماذا نتيجه الاختبار اواخر اكتوبر؟
 

سياده الوزير لماذا نتيجه الامتحان اواخر اكتوبر؟
ومافائده ورقه الاسكانر اذن؟ اين السرعه؟

عشان الكادر هيطبق
1 - 7 - 2009
لسه بدرى

بيضيعوا السنه دى

اه يما لسه تحت السواهي دواهي

ياااااااااااااااه هم هيطبقوه بسرعة كده ؟؟؟؟؟

من كثرة فضايحهم عملين النتيجة اواخر اكتوبر لما يشوف هيقعد في الوزارة ولا ولا ولا دا حال يرضى المسئولين

حاجة تحير

ليه يسيبونا كده على أعصابنا

علي ما المدرسييييين ينسوا
وميحصلشي اضراب ومظاهرات اول الدراسه

الجماعة دول ريحتهم فاحت اوي في كل المحافظات وانعرفوا علي حقيقتهم وخصوصا بعد امتحانات الكادر واهدار المال العام والتحقيقات التي تجري معهم كل يوم وهما عاملين ودن من طين وودن من عجين لا تواخذوني علي هذا المثل هما اكثر من كده

لو الامتحان كان فيه شفافيه كانو عملوه علي الانترنت والنتيجة تطلع بسرعة انما هما عايزين يقصفصو العمليه شويه ويحطو الباقي في مارينا واحنا ننحرق وتنحرق اعصبنا

هي حالات الغش الجماعي هتقيس بيها مستوي المدرسين يا خسارة علي حال المدرسين وعلي حال الوزارة عايز تعمل امتحانات مش مشكلة ولكن بطريقة مهذبة يا تربوي ( س ) لما المدرس يرسب في الامتحان تعرف نفسيته تبقي عامله ازاي
1-قادر علي العطاء
2-قادر علي التطوير
3-قادر علي التغير
4-محطم نفسيا ومعنوبا

حـســـــــــــــبنا الله ونعم الوكيل

على ميظبطوا الفلوس الى هتخرج من زمتهم على قد المحاسيب الى تبعهم وسلملى على الكادر

قالوا إن التصحيح هيكون 3ألاف ورقه فى الدقيقه من خلال الماسح الضوئى إيه اللى يخلى النتيجه تقعد الوقت ده كله؟ أكيد فى حاجه إحنا مش عرفينها

على فكره كادر المعلم انا اعتبره انجاز ان جاز لنا التعبير
حيث اصبح هناك قاعدة بيانات كامله لدى الوزارة عن جميع المعلمين
ولو اصبحت امتحانات الثانوية العامه بنفس الطريقه فلن يكون للدروس الخصوصيه وجود وسنقضى على هذا المرض المزمن

طبعا السبب بسيط جدا
هيعيدوا على الرصاص بالاستيكة

اينعمممممممممممممممممممممممممممممم

رمضان كريم
 

اصل الحكايه فيها لعب
وحرام اللعب في رمضان
ربنا يجعل ايامنا كلها رمضان في رمضان
ويجعله عامر
بلاش فضايح انا وقت التعين رفض المحافظ التوقيع لان القرار اتعرض عليه اول يوم في رمضان
وظل الحال علي ما هو عليه حتي بعد رمضان
وعند السوال عن السبب قيل ان هناك مسئولين يرفضون التوقيع علي اي قرار في رمضان
لانه عارف ان هناك لعب وظلم لناس علي حساب ناس
واسالوا التاشيرات

طبعا على ما يشفوا الحد الادنى هيطلع كام
انتو ناسيين انهم مش عارفين الحد الادنى لغايه دلوقت
بقى بالذمه لو ولى امر سأل حد فينا درجه النجاح من كام ورد المدرس وقال له لما نشوف ابنك هيجاوب ازاى فى الامتحان وبعدين احدد درجه النجاح
كان ولى الامر والوزاره علقت المدرس على باب زويله
لكن امتحان الكادر طبعا غير مقاييس وضع الامتحان
يشوفوا الاجابات وبعدين يحطوا درجه النجاح (طبعا على قد الميزانيه )
وسلملى على الحد الادنى

تاخيرالنتيجة لعدة اسباب ان الدراسة تبداء بدون مشاكل لان النتيجة معروفة لم ينجح احد 0000حد يقولى هو النجاح من كام

حسبي الله ونعم الوكيل

الدكتور يسرى الجمل يصرح:المعلم المصري قمة الإبداع.
الاختبارات للتسكين ومعرفة نقاط الضعف وليست للترقية.
مهمة الأكاديمية إعداد البرامج التي ترتقي بمهنية المعلم.

تفقد الأستاذ الدكتور يسرى الجمل وزير التربية والتعليم، يرافقه الدكتور عبد العظيم وزير محافظ القاهرة، لجان اختبارات المعلمين تطبيقا للمرحلة الثانية من الكادر الخاص للمعلم، وذلك بمركز امتحانات جامعة عين شمس، حيث تفقد معاليه سير العمل بلجان الاختبارات وأجرى العديد من اللقاءات بالسادة المعلمين، وقد أوضح سيادته أن الاختبارات لا تعني أبدا الإقلال من شأن المعلم، مشيرا إلي أن هدف الكادر ليس ماديا فقط وإلا اكتفينا بزيادة مكافأة الامتحانات ولكنه اشترط في مادته 72 اجتياز الاختبارات المقررة لشغل الوظيفة والتسكين علي احدي وظائف الكادر الخاص.
أوضح سيادته أن التسكين والاختبارات من صلب القانون، وهي اختيارية والمعلم الذي لا يجد في نفسه الاستعداد لخوضها يمكنه التقدم في العام التالي دون أن يضار ويظل متمتعا بحوافزه وامتيازاته.
مضيفا أن جميع الدراسات التي تمت بمعرفة المراكز البحثية والعلمية، أكدت ضرورة وجود جهة تحدد وتستوفي المعايير المهنية للمعلم ومنحه الرخصة اللازمة ولذلك صدر القرار الجمهوري بإنشاء الأكاديمية المهنية للمعلمين وتحديد اختصاصاتها وأهدافها.
أوضح أنه سيتم تسكين 944988 معلما ومعلمة في المرحلة الثانية منهم 312706 بوظيفة معلم و342612 "معلم أول" و243815 "معلم أول" "أ" و45124 "معلم خبير" و7310 كبير معلمين.
و أكد أن هذه مرحلة تسكين وليست ترقية لأن الترقية مرتبطة بالدرجة المالية وسنوات الخبرة وسوف يعد ملف لكل معلم بإنجازاته وتقاريره ودراساته وبحوثه وأنشطته علي مدار 5 سنوات وهي الفترة البينية للترقية إلي الوظيفة الأعلى.
و أشار إلي استعداد الجامعات لعقد الاختبارات ومن المنتظر الانتهاء من التصحيح وتحديد المستويات لجميع المتقدمين وإعلان النتيجة نهاية أكتوبر القادم لتبدأ بعد ذلك مهمة الأكاديمية في إعداد خريطة للتدريب ومنح شهادات الصلاحية.

ده كلام الوزير على موقع الوزارة
ولي تعليق عليه سوف اجعل له موضوعا خاصا

فيش فايده ...............ز هكذا قالها سعد باشا زغلول

هو ده


صح ده


كلامك عين العقل:rolleyes::rolleyes:

ربنا يخرب بيته

طبعا النتيجة آخر اكتوبر لعدة اسباب
1- تبدأ الدراسة بدون مشاكل من المدرسين
2- على ما ال_ 12 مليار اللي متوفرة من السنة اللي قبل اللي فاتت تعمل أرباح يصرفوا منها الكادر
3- يمكن بعض المدرسين ينسى موضوع الكادر من أصله


لي سؤال : لما دولة عربية تطلب مدرسيم مصريين _ إذا حصل _ ياتري سوف تشترط حصول المدرس على الكادر ؟ ؟ ؟

شكرا يا وزارة
 

نشكر الوزارة لحفاظها على مشاعر المصريين في شهر رمضان المعظم و عدم تعريض المدرسين ( الساقطين ) في الامتحان لهول معرفة النتيجة و هم صائمين فربما كان هذا الموضوع سببا لافطارهم و يضيع عليهم الشهر المبارك (فعلا فعلا شكرا للوزارة)

كنت أتمنا أن يكون الاختبار فى مادة التخصص فقط وأن يكون الاختبار للترقية فقط وغير مرتبط بالفلوس
وأتمنى أن يعلن الوزير عن المبلغ الدى صرفة على الاكاديمية والعملين بها أكيد أكثر من فلوس الكادر

لا أعلم ومن قال لا أعلم فقد أفتى

اختر الاجابة الصحيحة:

تأخر اعلان نتيجة كادر المعلمين يرج لسبب من الاسباب الآتية :

1- عدم كفاية الفلوس والمدرسين عايشين فى كابوس

2- كمبيوتر الجمل معمول له عمل

3- التصييف فى مارينا مع افندينا

4- رصد الدرجات محتاج سنوات

انا اعتقد ان الحكومه ان شاء الله مجهزه مصيبه كبيره مثلا هانلاقى ارتفاع فى الاسعار فى شهر اكتوبر وده التنسيق الذى يحدث بين الوزارات ان الحاج يسرى الجمل يشغل المعلمين والناس بنتيجة الكادر وهى تعمل اللى هاتعمله فى نفس التوقيت

لماذا اسئلة اللغه العربيه صعبه لغير المتخصصين حتى اننى سئلت موجه لغه عربيه على اجابة سؤال لغه عربيه قال انا لااعرفه حتى اسئلة التخصص بتاعتى كأخصائى اجتماعى كلها تخص الاخصائى النفسى حسبى الله ونعم الوكيل

عايز اعرف مادام مفيش كدر مستعجلين على الفضيحة لية

يا جماعة الناس صايمة ومينفعش يصححوا وهما صايمين مستنين بعد العيد عشان اللى هيسقطوا ميزعلوش

الاجابة رقم 2 الكمبيوتر معموله عمل
محسود بخروة

علشان بيحوشوا

حسبنا الله ونعم الوكيل

بصراحة انا مبسوطة جدا من امتحانات الكادر ليه لانها جعلت المعلم يصحو من النوم قبل فوات الاوان يكفى انها جعلت المعلم يلقى النظرة الى تخصصة الذى تركه من سنين حيث كان فى دائرة النسيان وجعلت المدرس يبحث ويتحرى ويطلع على مهارات اللغة والتربوى الذى كان فى غفلة عنه من سنين مضت وبصراحة اتمنى عقد امتحانات اخرى للمعلم فى كل المجالات حتى يكون المعلم فى صحوة دائما اصحووووووووووو يا معلمين بلاش ركوووووووووووووووووود ومش شرط عائد مادى المهم ان نصحو من نومنا للاسف المدرس بيشرح وهو فى غفلة عن الاسلوب التربوى السليم
الامتحانات فوقت المدرسيييين
يا وزييييييييييييييييير عايزين المزيد من الامتحانات ياريت تعقد كل ست شهووور

حسبي الله ونعم الوكيل

اذا كان بيمتحني علشان يسكني علي احدي وظائف الكادر وليس للترقية 0000حد يفهمني ياسادة طيب ماهو أنا علي الوظيفة دي من 6 سنين ولسة هافضل فيها كمان 5 سنين 0000 ربنا يديكم طول العمر 000 وانا وانتم والزمن طويل

علشان يكون كله اتشغل

ايوا كده عايزين نفكر كويس

حسبى الله ونعم الوكيل

ربنا ينتقم منك يا يسرى يا جمل
ويورينا فيك يوم انتا وامثالك